راتب الضمان الاجتماعي 2250 ريال !

[هارون الرشيد]

السلام عليكم

يعني الى متى وضع أهلنا القطريييين المواطنييين على هذا الحال ؟؟ معقوله 2250 ريال !

المواطن يستحق أفضل من ذالك بكثيييير

الصراحة انا مادري هل يستطيعون أن يأكلو ولا لا ؟ بغض النظر عن الانشطة الحياة ورفاهيتا

مثل : راتب الدريول والخادمة او فاتورة الجوال أو هل عنده سيارة أو يقدر يصب بترول حق السيارة
حتى هل يقدر يأكل الخدامة او الدريول أذا هو مش لاقي !!

مادري يعني هل يجوز عليهم الصدقة ؟

الله الله في أهل الشؤون والضمان الاجتماعي

[alsoq]

الملاين بل المليارات تذهب

واهل قطر على 2250 ريال

عجايزنا اللي انجبو الدكاتر والمهندسين والطيارين ... الخ

وشيابنا اللي اخرجون النفط وقامو بنهضه البلد

اليس لهم حق على الدوله التي تصرف الملاين في بلاد الحروب

[دايموند]

معليه اشوي سؤالي خارج الموضوع

من هم اللي يستحقون راتب الضمان الاجتماعي؟؟

[alsoq]

الارامل وعجايز وشياب اهل قطر

[دايموند]

الارامل وعجايز وشياب اهل قطر

الشياب والعجايز قصدك المتقاعدين؟؟؟؟؟


والمطلقات يشملهم راتب الضمان الاجتماعي؟

[R 7 A L]

المبلغ عيب صراحة

[alsoq]

قصدي اهل الحاجة من مطلاقات وارامل واللي معاش زوجها قليل واللي ما يشتغل ( يكون عمره كبير )

هذا القصد

[دايموند]

قصدي اهل الحاجة من مطلاقات وارامل واللي معاش زوجها قليل واللي ما يشتغل ( يكون عمره كبير )

هذا القصد

يارب يزيرونهم ان شاء الله لان فعلا المبلغ ضئيل جدا

[السهم الملتهب]

والله عيب على الحكومة الحالية أنها ما تزود معاشات الضمان الاجتماعي 2250 ريال .
شيء محزن ان فيه مواطن قطري يستلم هالمبلغ في دولة أعلى دخل في العالم.

[بصمة قطرية]

معليه اشوي سؤالي خارج الموضوع

من هم اللي يستحقون راتب الضمان الاجتماعي؟؟
الأرامل
المطلقات
كبار السن يصنفون تحت فئة عاجز ..
عائلة سجين ..
ذوي الإحتياجات الخاصه ..

و في شروط للإستحقاق ..
مثلاً المطلقة لازم ما تكون موظفة عشان يمشي لها الشؤون ..

[بصمة قطرية]

نتأمل خير إن شاءالله ..
بإذن الله الزيادة بتجيهم قريب ..

[رهج السنابك]

هههههههه راتب حافز مال السعوديه اعلا منه

بصراحه شيء بسسسسيط لازم يدبلونه

ومب كل ارمله ولا كبيره سن يعطونها

في شروط لها اول مالها اخر
اصلا في الكشوفات الي يصرفون لهم يمكن ما يتعدون ثلاثميه
الدوله مب عاجزه انها تدبل هالراتب لهالعدد البسيط

[رهج السنابك]

مشرفين المنتدى بارك الله فيكم ترا الارقام فيها مشكله لازم تنكتب حرفيا ولا تطلع طلاسم وشعوذات

[دايموند]

الأرامل
المطلقات
كبار السن يصنفون تحت فئة عاجز ..
عائلة سجين ..
ذوي الإحتياجات الخاصه ..

و في شروط للإستحقاق ..
مثلاً المطلقة لازم ما تكون موظفة عشان يمشي لها الشؤون ..


اها وطبعا هالشي ينطبق ع الارامل وذوي الاحتياجات الخاصه انهم لازم مايشتغلون


مشكورة ع التوضيح

بس لو كان يمشي لهم راتب التقاعد هل بيمشي لهم راتب الشوون بعد والا لا؟

[طلعة الروح]

الله يفرجها على كل محتاج.. أخبر من زمان هالموضوع يلف ويدور وماشفنا تغيير او اهتمام من المسؤولين

[عنيــــد]

في ذمة اللي اخروا الموضوع اكثر من مره ،، و للاسف انهم منا و فينا يا اهل قطر ..!!

[بصمة قطرية]

اها وطبعا هالشي ينطبق ع الارامل وذوي الاحتياجات الخاصه انهم لازم مايشتغلون


مشكورة ع التوضيح

بس لو كان يمشي لهم راتب التقاعد هل بيمشي لهم راتب الشوون بعد والا لا؟


ينطبق على المطلقات بعد ..

ويعتمد كم راتب التقاعد ..
مثل ما قلت في شروط
و لجنة طبية ..
يعني مب أي أرملة مثلاً يمشي لها شؤون ..
محددين كم تستلم من راتب الزوج ..

[بصمة قطرية]

في ذمة اللي اخروا الموضوع اكثر من مره ،، و للاسف انهم منا و فينا يا اهل قطر ..!!

الله يحنن قلوب المسؤولين ..
فرحة الكل راح تكون بزيادة راتب الشؤون ..

[رهج السنابك]

الارمله لو راتب زوجها المتوفي يمشي مايعطونها
ناسين ومتناسين ان راتب الزوج قد يكون فيه مجموعه ورثه يمكن يتعدون ظ،ظ£ نفر وزوجه ثانيه او حتى ثالثه بعد

[رهج السنابك]

اوووف



الطلاسم
ثلاثة عشر

[بريق الحق]

اوووف



الطلاسم
ثلاثة عشر
اكتبي الارقام بالعربي 12346

[رهج السنابك]

ظ،ظ¢ظ£ظ¤ظ¥ظ¦

[رهج السنابك]

ماضبط :(

بالعربي ظ،ظ¢ظ£ظ¤ظ¥ظ¦


بالانجليزي


123456

[بصمة قطرية]

ظ،ظ¢ظ£ظ¤ظ¥ظ¦

اكتبي الأرقام بالإنجليزي ..

[رهج السنابك]

بالانجليزي تضبط :)


شكرررررا ابريق الحق



وشكرررررا بصومه

[بصمة قطرية]

الارمله لو راتب زوجها المتوفي يمشي مايعطونها
ناسين ومتناسين ان راتب الزوج قد يكون فيه مجموعه ورثه يمكن يتعدون ظ،ظ£ نفر وزوجه ثانيه او حتى ثالثه بعد

في أرامل راتب الزوج يمشي و ياخذون ..
يحصون الورثة و يشوفون كم يصفا لها ..

[HAMAD2008]

الكلام فالمنتدى مايودي ولا يجيب..خلو عنكم الاحلام

[عضو المنتدى]

لا نعرف لماذا صار حقوق العمال صار أهم وأولى وتحتل عناوين صحفنا

بالخط العريض ولهم وزارة تدافع عن حقوقهم ،....

بينما حقوق الارامل وعجايز والمطلقات ليس هناك من يتطرق

لحقوقهم ، لا برلمان ولا مجلس شورى ولا حتى الوزارة الشؤون الاجتماعية ،

[المليونير الفقير]

المفروض هذي اول فئة تتم زيادة رواتبهم لانهم هم الاحق وهم الاولى

[لاجل QT]

الله يكون في عونهم بصراحة

اللى راتبة فوق 25 الف مو ملحق على الصرف من دون حساب الرفاهيات

كيف بمعاش المتقاعد

على الاقل ماتقل رواتبهم عن 12 الف

ماشالله الفائض من الميزانية كبير يوزعون عليهم

[بوحارب]

لو يغيرون المسمى من

راتب الضمان الأجتماعي
الى
راتب الذل الأجتماعي

أحسن !

[رهج السنابك]

في الكويت مايقل عن الف دينار :) وعددهم اكبر

[alsoq]

هم يقلون ان اهل الضمان 5000 ضربها في عشره الاف كم يطلع مبلغ بسيط بالنسبه لهل قطر
الرياضه يصرف عليها المليارات كل سنه ولا فيه تطور ولا تقدم العب هوو من السبعينات نفس العقليه ولا يوجد ثقافه كرويه
وتدفع المليارات واخرتها تسكع ومغازل هل هولا يستاهلون تدفع عليهم مليارات

من غير المليارات التي تذهب الى بلاد الحروب على قولتهم بلاد الثورات

وشيبان قطر وعجايزهم 2250 ريال

اي عقل واي منطق بها الشي

الله يفرج عليهم ان شاء الله

[خزامئ]

حسبي الله ونعم الوكيل