شركة مقاول بيت الوكرة او افضل الشركات في الوكرة ؟؟

[بوحسن87]

السلام عليكم

انا عضو جديد وكنت متابع للمنتدى وهذا القسم بشكل عام واحب اشكر جميع الاخوان على تجاوبهم مع الاعضاء

انا محتار ومتردد عند اي مقاول ابني خلصت الخرايط ومساحة البنيان 710 تقريبا بس متردد رحت عند كذا مقاول وخذت اسعار وقلت في نفسي ابني عند مقاول في الوكرة افضل رحت للجنوب عطاني سعر غالي وايد عظم بلاستر تمديدات كهرباء مليون و180

هل تنصحون بشركة مقاول بيت الوكرة شفت بيوتهم وماشاء الله شغالين والشركة صار لها 4 سنوات وعطاني سعر للعظم بلاستر 720 والمدة 10 شهور او اقل ومبين شغلهم نظيف دخلت موقع المناقصات وبحثت بأسم المقاول مالقيت لهم تصنيف !! شوركم انا في حيره

[الفني]

مرحبا اخوي الله يوفقك في البنيان بس الله يطول بعمرك اذا اتفقت مع المقاول في البناء شوف لك شخص هو متخصص في المقاولات الكهرباء ما تعطي حق المقاول لان انا شفت وايد ناس توهقوا من هالشي يعطون مقاوله كامله بعدين يطيحون في الشغالات معينه منها الكهرباء لان مقاول اعطى سو شغل كهرباء حق ناس ما يعرفون عن مواصفات الكهرماء او ما يعرفون الخرايط شنو بسبب هالشي الناس طاحت في مشاكل كثير مب مطابقة للمواصفات الكهرماء وحط في بالك اي شغله تبي تسويها خليها مع البناء من ناحية الكهرباء يعني اذا حاب تركب السماعات او الكاميرات المراقبه او تبي تسوي لك اي شي ثاني فخليها في الحسبان والشي الثاني التمديدات الصحيه بعد شوف لك واحد متخصص في التمديدات لان مب اي واحد فنان في شغله لان اذا هو مدد صح عمرك ما بتواجه اي مشكله في هالاشغلات لانك قاعد تدفع دم عمرك في هالبناء .

ادعوا الله لك بالتوفيق والدعاء لك الله ييسر لك الامور كلها واذا بغيت اي شي تراني في الخدمه طرشلي على الخاص رقمك وحاضرين لك وشكرا

[ام راشد 1]

احنا بيتنا في الدوحة، و اللي تبني لنا شركة مقاولات في الوكرة، مكانها عند محل "شاي ام بطولة" :)

[LiL iNVe$ToR]

وعليكم السلام اخوي بوحسن

كلمني عالخاص وان شاء الله ارتب لك امورك.

[engineer raz]

اخوي السعر لمتر العظم قليل بالمقارنه باسعار السوق اذا تبي مساعده ممكن اعطيك رقم مقاول على الخاص وانشالله يفيدك

[بوحسن87]

الف شكر لكم ياخوان عالافادة والاخوة الي راسلوني وماقدرت ارد عليهم راح ادرس الموضوع ان شاء الله