هل نظام في ال سي سي ينحف فعلا و خالي من الاضرار؟

[قطري2022]

يا ليت لو تفيدوني اخواني و خواتي ، و شاكر لكم جزيل الشكر مقدما .

[العلياا]

السلام عليكم

لو ألتزمت علي الجلسات وعلى النظام الغذائي اللي معطينه لك
بإذن الله بتلاقي النتيجة اللي ترضيك


موفق ان شاءالله

[بوحارب]

الله يوفقك وتوصل للوزن اللي يحبه قلبك

بس ياريت تعطيني معلومات هالنظام الدبه لعوزتني :(

[قطري2022]

السلام عليكم

لو ألتزمت علي الجلسات وعلى النظام الغذائي اللي معطينه لك
بإذن الله بتلاقي النتيجة اللي ترضيك


موفق ان شاءالله

معاج انشالله اختي و تسلمين على مساعدتج ، بس هل تعرفين ناس جربو و فعلا اضعفو ؟

[قطري2022]

الله يوفقك وتوصل للوزن اللي يحبه قلبك

بس ياريت تعطيني معلومات هالنظام الدبه لعوزتني :(

هلا بالشيخ ، ذي محل الله يسلمك و يسوون فيه مساج لتكسير الدهون و معاه اجهزة ، في له كذا فرع منه في دحيل و في الوعب ، اسم المكان في ال سي سي والي يبي يروح يشترك انصحه بخل التفاح ماركة ربيع تحصله عند العطارين في سوق و اقف ، قبشة صغيرة منه او نصها او ربعها على اكبرجلاص ماي بارد ، بس بعد الاكل بمب بل الاكل ، و عقبها العب رياضة او اشترك في في ال سي سي ، و شوف النتيجة اشلون بتكون سريعة .

[العلياا]

معاج انشالله اختي و تسلمين على مساعدتج ، بس هل تعرفين ناس جربو و فعلا اضعفو ؟

أي نعم ، رفيجتي مجربته نزلت ما يقارب 14 كيلو ماذكر الفترة الزمنية
لكن التزمت عليه صح ولا تاكل الا اللي قالوا لها عليه

واول زيارة لك بيقولون لك تجارب الناس

[قطري2022]

أي نعم ، رفيجتي مجربته نزلت ما يقارب 14 كيلو ماذكر الفترة الزمنية
لكن التزمت عليه صح ولا تاكل الا اللي قالوا لها عليه

واول زيارة لك بيقولون لك تجارب الناس
تسلمين اختي و الله يجعله في ميزان حسناتج انشالله .

[أسد الجزيرة]

كم اشتراكهم

[حراير قطر]

اذكر واحد ذكر تجربته في موضوع على ما اظن مضارب دوسري

الخاص ليش مغلق :telephone:

[أسد الجزيرة]

مضارب دوسري قص و افتك

[بوحارب]

أشكرك ع التوضيح وموفق ^^

[قطري2022]

اذكر واحد ذكر تجربته في موضوع على ما اظن مضارب دوسري

الخاص ليش مغلق :telephone:

شكرا على النصيحة ، خاصي انا و لا خاص مضارب؟:)

[المحاميه]

اخوي شسالفة خل التفاح مع الماي بعد الاكل؟
هل جربته واستفدت؟
وبعد الاكل بكم ساعه؟

[قطري2022]

اخوي شسالفة خل التفاح مع الماي بعد الاكل؟
هل جربته واستفدت؟
وبعد الاكل بكم ساعه؟

يفضل بعد الاكل على طول ، علشان ما يحرق جدار المعدة ، وجربته و انا العب رياضة و بين علي الفرق بسرعة ، لان الخل يضاعف كمية حرق الشحوم ، لكن ما بتستفيدين منه من غير رياضة ربع ملعقة صغيرة او نصها او ككاملة على ماي معتدل ، او شوي بارد ، في اكبر جلاص عندج ، و اذا حسيتي بألم في المعدة وانتي تشربينه معناها يا تزيدين المال او اتقللين الخل ، انا استخدمته ثلاث شهور متوصلة .

[حراير قطر]

شكرا على النصيحة ، خاصي انا و لا خاص مضارب؟:)

الخاص عندك :rolleyes2:

[قطري2022]

الخاص عندك :rolleyes2:

الظاهر الموقع خربان او يبيله جارج من جذي ماب قادر استقبل رسايل :)
فجأة قمت الصبح و لا لقيت ما ا قدر ارسل رسايل :)

[المحاميه]

يعطيك العافيه عالتوضيح

يعني اذا شربته بدون رياضه مافيه فايده
اشدراك ؟

[قطري2022]

يعطيك العافيه عالتوضيح

يعني اذا شربته بدون رياضه مافيه فايده
اشدراك ؟

اي جربته من غير رياضة ومافاد ابد ، لكن مع الرياضة صج تلقين مفعول سريع ، ومن اول كم يوم ، وكل ما كثرتي من عدد مرات الشرب يكون احسن لج و تنحرق دهون اكثر ، يعني انا كنت اوصل ثلاث جلاصات في اليوم احيانا ، وعلى فترات متباعدة او متقاربة ، بس قبل الرياضة مب عقبها ، يعني ممكن بعد الاكل تشربين جلاص ، و بعد نص ساعة جلاص ثاني و بعد نص ساعة ثانية جلاص ثالث ، او ممكن بعد وجبة ثانية مب لازم بعد نفس الوجبة ، بس اهم شي كمية الخل ما تحرق معدتج او تألمها

[حراير قطر]

الظاهر الموقع خربان او يبيله جارج من جذي ماب قادر استقبل رسايل :)
فجأة قمت الصبح و لا لقيت ما ا قدر ارسل رسايل :)

ههههههـ يمكن

كنت بكلم وحده اذا بتشترك اهناك عشان الخصم

بس راح عليك :secret:

[قطري2022]

ههههههـ يمكن

كنت بكلم وحده اذا بتشترك اهناك عشان الخصم

بس راح عليك :secret:

قولي اسمها وانا بروح لها وبقول لها انا الي عن طريق حراير قطر :)

[قطري2022]

يعطيك العافيه عالتوضيح

يعني اذا شربته بدون رياضه مافيه فايده
اشدراك ؟

تقدرين تلعبين تمارين بطن ع الاقل اذا مب حابوة رياضة ، هذا اذا عندج زيادة في البطن ، و اذا ما تبين رياضة ، عندي طريقة ثانية ، اخذي زنجبيل فريش ، و ابشريه في البشارة الي فتحاتها متوسطة مب صغيرة علشان العصير ما يعلق ، لكن لا تاخذين المبشور الحجاهز لان فوايده بتروح ،ابشري بحجم قبشة صغيرة ، و عقبها حطي في جلاص و صبي عليه ماي مغلي لكن لا تغلينه مع الماي ، انطري عليه ربع ساعة ليما ياخذ المفعول و يدفى ، و عقبها اشربي ، ووممكن تصبين عليه ماي مغلي مرة ثانية على نفس الكمية ، وممكن اضافة عسل او سكر ، انا جربته من غير رياضة و نزل ووزني .
الطريقة الثالثة انج تاخذين ليمونة ، تقصينها نصين و تعصرينها في جيك ماي جزاز ، و عقب ما تعصرين قطي اللومية كلها في الجيك ، و بعد ربع ساعة او نص اشربي جلاص او اكثر ، و عقبها خليه في الثلاجة علشان ما يخترب ، و متى ما فضيتي اشربي ، يفضل على معدة مليانة لتجنب الاذى للمعدة ، ممكن اضافة سكر او عسل .

[المحاميه]

شكرا

ان شاء الله باجرب كل الانواع

اشكرك على الافاده القيمه
جزاك الله خير

[الواعد]

ممكن احد يقول لنا بكم الاشتراك عندهم ( يعني كم الفلوس اللي ادفعها لهم ) ؟؟؟

[حياة]

انا اشتركت من زمان وماستفدت ... اذا بتضعف بتضعف من الرجيم القاسي اللي يعطونك .. بدون ريجيم ماتضعف.. يعني الاجهزه بروحها ماتنزل وزن..
من خلال تجربتي سوي لك برنامج غذائي وامش يوميا ساعه بتنزل بدون اشتراك بقيمه عشره الاف ع الفاضي ..

[قطري2022]

شكرا

ان شاء الله باجرب كل الانواع

اشكرك على الافاده القيمه
جزاك الله خير

العفو و بالتوفيق انشالله

[قطري2022]

انا اشتركت من زمان وماستفدت ... اذا بتضعف بتضعف من الرجيم القاسي اللي يعطونك .. بدون ريجيم ماتضعف.. يعني الاجهزه بروحها ماتنزل وزن..
من خلال تجربتي سوي لك برنامج غذائي وامش يوميا ساعه بتنزل بدون اشتراك بقيمه عشره الاف ع الفاضي ..

ممكن بعد ، وجات هالنقطة في بالي ، بس قلت بجرب المساج و اجهزة تكسير الدهون من غير دايت و من غير رياضة ، و اذا ما ضعفت ذيك السعةة بعرف ان اجهزتهم عبارة عن دعاية مب اكثر .

[قطري2022]

ممكن احد يقول لنا بكم الاشتراك عندهم ( يعني كم الفلوس اللي ادفعها لهم ) ؟؟؟

انا بالنسبة لي قالو لي شهرين بثمان الاف و شي

[حراير قطر]

مستحيل اتسوي رياضه بدون حميه غذائيه

دام حاط في بالك اتسوي مساج وتكسير بدون نظام غذائي تتبعه

اقولك لا تعب نفسك وتخسر من فلوسك واتضيع وقتك ع الفاضي

[كازانوفا]

خل التفاح الاصلي؟؟؟
وين بالضبط في سوق واقف ؟؟؟؟

[كازانوفا]

تقدرين تلعبين تمارين بطن ع الاقل اذا مب حابوة رياضة ، هذا اذا عندج زيادة في البطن ، و اذا ما تبين رياضة ، عندي طريقة ثانية ، اخذي زنجبيل فريش ، و ابشريه في البشارة الي فتحاتها متوسطة مب صغيرة علشان العصير ما يعلق ، لكن لا تاخذين المبشور الحجاهز لان فوايده بتروح ،ابشري بحجم قبشة صغيرة ، و عقبها حطي في جلاص و صبي عليه ماي مغلي لكن لا تغلينه مع الماي ، انطري عليه ربع ساعة ليما ياخذ المفعول و يدفى ، و عقبها اشربي ، ووممكن تصبين عليه ماي مغلي مرة ثانية على نفس الكمية ، وممكن اضافة عسل او سكر ، انا جربته من غير رياضة و نزل ووزني .
الطريقة الثالثة انج تاخذين ليمونة ، تقصينها نصين و تعصرينها في جيك ماي جزاز ، و عقب ما تعصرين قطي اللومية كلها في الجيك ، و بعد ربع ساعة او نص اشربي جلاص او اكثر ، و عقبها خليه في الثلاجة علشان ما يخترب ، و متى ما فضيتي اشربي ، يفضل على معدة مليانة لتجنب الاذى للمعدة ، ممكن اضافة سكر او عسل .

بالنسبه للزنجبيل انا اغليه لمده خمس دقائق ويمكن اكثر شوي وبعد ما اصبه بالكاس الكبيره احط عود قرفه واتركه يدفى وبعدها احط الشاي الاخضر
بالفعل نتائجه رهيبه
ولازمممم مشي يوميا لو نص ساعه

[قطري2022]

مستحيل اتسوي رياضه بدون حميه غذائيه

دام حاط في بالك اتسوي مساج وتكسير بدون نظام غذائي تتبعه

اقولك لا تعب نفسك وتخسر من فلوسك واتضيع وقتك ع الفاضي

بجرب شهر علشان اتاكد من امانتهم ، بشوف هل الدايت و الرياضة الي يخسسون و لا اجهزة تكسير الدهون والمساج ؟ لاني اذا اكتشفت ان تكسير الدهون مامنه فايدة ، فيعتبر الي يسوونه غش ، انا دايما اضحي لاسعاد الناس ، اصلا انا شمعة تحترق من اجل الاخرين :) و اليوم بشتري لج بنتلي علشان تتأكدين من كلاممي و تضحياتي النبيلة :)

[قطري2022]

بالنسبه للزنجبيل انا اغليه لمده خمس دقائق ويمكن اكثر شوي وبعد ما اصبه بالكاس الكبيره احط عود قرفه واتركه يدفى وبعدها احط الشاي الاخضر
بالفعل نتائجه رهيبه
ولازمممم مشي يوميا لو نص ساعه

وحياتج من غير مشي ومن غير دايت جربت الزنجبيل ونزل وزني :) و خل التفاح استخدمي ماركة ربيع الي في سوق واقف عند العطارين ، انا ما اتهم الماركات الاثانية انهم مب اصليين ، بس جربت البعض و ووجعو معدتي

[العلياا]

بجرب شهر علشان اتاكد من امانتهم ، بشوف هل الدايت و الرياضة الي يخسسون و لا اجهزة تكسير الدهون والمساج ؟ لاني اذا اكتشفت ان تكسير الدهون مامنه فايدة ، فيعتبر الي يسوونه غش ، انا دايما اضحي لاسعاد الناس ، اصلا انا شمعة تحترق من اجل الاخرين :) و اليوم بشتري لج بنتلي علشان تتأكدين من كلاممي و تضحياتي النبيلة :)

هههههه اعجبتني سالفة الشمعه
عقب ما تخلص الكورس قول لنا النتيجة شلون طلعت
موفق ان شاءلله

[قطري2022]

هههههه اعجبتني سالفة الشمعه
عقب ما تخلص الكورس قول لنا النتيجة شلون طلعت
موفق ان شاءلله

اجمعين انشالله ، و اول ما اخلص معاهم بخبركم على طول ، هذا اذا اشتركت طبعا :) لاني ليلحين ما عزمت ، فأخاف تعتمدون علي وتنطروني ويضيع وقتكم واطلع انا المذنب :)

[ANONYMOUS]

ينحف: نعم اذا اتبعتهم
خالي من الاضرار: لا اعلم

[قطري2022]

ينحف: نعم اذا اتبعتهم
خالي من الاضرار: لا اعلم

اشكرك اخوي الغالي ويعطيك العافية على اهتمامك

[bo_s3ood]

اشتراكهم على حسب وزنك ... واحد من الربع كان فيه والله ضعف وايد طارت كرشته .. اهم شي تستمر على النظام الغذائي وتمشي نص ساعه

رفيجي كان وزنه 116 تقريبا .. حاليا 55 او 65 طبعا استمر على الرياضه اليوميه

[قطري2022]

اشتراكهم على حسب وزنك ... واحد من الربع كان فيه والله ضعف وايد طارت كرشته .. اهم شي تستمر على النظام الغذائي وتمشي نص ساعه

رفيجي كان وزنه 116 تقريبا .. حاليا 55 او 65 طبعا استمر على الرياضه اليوميه

تسلم يا بوسعود و جزاك الله الف خير عزيزي

[كازانوفا]

ايش الطريقه بالضبط لشرب خل التفاح وهل في نظام غذائي معين ؟؟؟؟

[قطري2022]

ايش الطريقه بالضبط لشرب خل التفاح وهل في نظام غذائي معين ؟؟؟؟

بعد الاكل تاخذين ربع ملعقة صغيرة او نصها او ككاملة على ماي شوي بارد ، في اكبر جلاص عندج ، و اذا حسيتي بألم في المعدة وانتي تشربينه معناها يا تزيدين الماي او اتقللين الخل ، انا استخدمته ثلاث شهور متواصلة ، وممكن اكثر من جلاص في الماي .

[فلتة زمانها]

ما انصحكم فيه
رفيجتي اشتركت ومانزلت غير 3 كيلو في شهرين
وعقب نصحتها تروح الجيم لانها وااايد كسوله المهم راحت مع قروب بنات
وشفتها من شهر تقريبا والله انصدمت من جسمها نزلت وااايد من 87 لين 71
صج الرياضة تحرق الدهون بسرعه غير انها تشد وتنحت الجسم

[قطري2022]

ما انصحكم فيه
رفيجتي اشتركت ومانزلت غير 3 كيلو في شهرين
وعقب نصحتها تروح الجيم لانها وااايد كسوله المهم راحت مع قروب بنات
وشفتها من شهر تقريبا والله انصدمت من جسمها نزلت وااايد من 87 لين 71
صج الرياضة تحرق الدهون بسرعه غير انها تشد وتنحت الجسم

انا كنت راعي جيم و حركات من و انا عمري 14 سنة ، لكن مع المسؤوليات الواحد يكسل فصرت ابي حل سريع

[كازانوفا]

بعد الاكل تاخذين ربع ملعقة صغيرة او نصها او ككاملة على ماي شوي بارد ، في اكبر جلاص عندج ، و اذا حسيتي بألم في المعدة وانتي تشربينه معناها يا تزيدين الماي او اتقللين الخل ، انا استخدمته ثلاث شهور متواصلة ، وممكن اكثر من جلاص في الماي .

يسلموووووووووووو

[قطري2022]

يسلموووووووووووو

الله يسلمج يا رب
بس اخر جملة غلط والصح كالتالي :
انا استخدمته ثلاث شهور متواصلة ، وممكن اكثر من جلاص في اليوم وليس في الماي :)

[بصمة قطرية]

بالنسبه للزنجبيل انا اغليه لمده خمس دقائق ويمكن اكثر شوي وبعد ما اصبه بالكاس الكبيره احط عود قرفه واتركه يدفى وبعدها احط الشاي الاخضر
بالفعل نتائجه رهيبه
ولازمممم مشي يوميا لو نص ساعه
لا تغلين الزنجبيل
نقعيه في ماي حار عشان تاخذين الفايدة منه
أما إذا غليتيه تبخرت كل الفايدة ..
أنا أبشر الزنجبيل و أحطه في دلة مع ماي حار ونعناع ..

عموماً أكبر خطأ هو غلي الأعشاب
المفروض تتنقع في ماي حار ..

[بصمة قطرية]

وحياتج من غير مشي ومن غير دايت جربت الزنجبيل ونزل وزني :) و خل التفاح استخدمي ماركة ربيع الي في سوق واقف عند العطارين ، انا ما اتهم الماركات الاثانية انهم مب اصليين ، بس جربت البعض و ووجعو معدتي

الخل بكل أنواعه ما ينفع للي يعانون من القولون و المعدة
الخل مهيج للقولون حاسبوا ..
الشخص العادي السليم يقدر يستخدمه عادي ..

[قطري2022]

الخل بكل أنواعه ما ينفع للي يعانون من القولون و المعدة
الخل مهيج للقولون حاسبوا ..
الشخص العادي السليم يقدر يستخدمه عادي ..

اشكرج جدا يا بصمة