فيزا الشنغن من السفاره الفرنسيه [الأرشيف] - منتديات شبكة الأسهم القطرية

مشاهدة النسخة كاملة : فيزا الشنغن من السفاره الفرنسيه

الفقيرة لله

15-04-2014, 12:10 AM

غير البشر

15-04-2014, 02:31 AM

السلام عليكم,
من بداية هالسنه السفاره الفرنسيه غيرت نظامها وخلت شركه اسمها كابكو https://www.capago.eu/ هي المسؤوله عن التأشيرات
بس ممكن اعرف من تجاربكم في كم يوم يخلصون الجواز للقطريين ^^

مرحباً اخوي
بخصوص الفيل الفرنسيه
أنا من أسبوع مأخذ الفيزا
وهم يقولون لك تأخذ من 3 الى 5 ايام عمل
وقد تمتد الى أسبوع اذا زحمه

لكن أنا لآني حاط موعدالسفر قريب
خلصو 6 جوازات في يوم واحد فقط

الإجراءات :

1- صوره شخصيه واحده خلفيه بيضاء
مع مراعاة ام تكون الأذن باينه ههههه
ويفضل تصور حاسر او بقحفيه
والنساء بعد لازم تكون الأذن طالعة
اذا الصورة مخالفه يصورونك عندهم

2- تعبئه الطلب
3- الجواز الأصلي وصورة منه
4- التأمين الصحي من اي سفريات قيمته 75 ريال
5- حجر تذكرة وفندق وهمي او حقيقي

قيمة الفيزا 430 ريال تقريبا
ويوجد داخل قسم التأشيرات مكان VIP
قيمته مع الفيزا 630 ريال للشخص لتخليص الإجراءات والبصمة أسرع

نصيحتي روح سفريات ريجنسي يعبون لك الطلبات و التأمين الصحي وحجز التذكرة وحجز موعد بقيمة 325 ريال للجواز الواحد

اما حجز الفندق أحجز من يوكينغ مع إلغاء مجاني وألغي الحجز وأطيع الورقة

مكان قسم التأشيرات الفرنسيه

من إشارات برج التيوتا المجموعه وانت متجه الى إشارات مركز العاصمة
اول مبني يمينك بعد ماتعدي إشارة التيوتا
لون المبنى اسود الدور الثاني

ملاحظه الأطفال مالهم بصمه

وبالتوفيق:victory:

مشتاقة لقطر

15-04-2014, 06:11 PM

انا رحت امس سفريات المتحدة في مجمع الغرافة
ضبطولي لي الاوراق المطلوبة كاملة من ضمان صحي الى حجز فندق وهمي وتذاكر الخ
110 للجواز الواحد
وسوو لي موعد الساعة 9 ونص الصبح اليوم

جبت الجوازات الاصلية واوراق السفريات وصور شخصية خلفية بيضا
ورحنا لهم مسجلين اسامينا تحت بالريسبشن
والمفاجاة
قالو الصور ماتصلح لازم الاذون طالعة
هنيه انا واختي وضعية الانتحار ههههههه
وانحبرنا نصور عندهم تقول خدامات مع الاذون هههههههه

وبصمونا وبس عطونا وصولات وورقة اذا فيه حد بيستلم عن الثاني
وقالولنا اسبوع فانا باضطر اخلي اهلي يستلمون
لاني برجع الامارات الجمعة

لو خلص قبل بابلغكم

بانغ بانغ

15-04-2014, 09:42 PM

أمورهم طيبة يمكن ظ£ ايام

الفقيرة لله

16-04-2014, 01:57 AM

شكرا لردودكم غير البشر, مشتاقه لقطر وبانغ بانغ

عطيتهم البيانات الاحد واليوم ابعثولي مسج ان خلصوا الحمدلله اليوم مع ان كان في بيانات ناقصه و مع ان قالوالي 7 ايام بس قلت لهم ان مستعجل
وخذت الموقع من الانترنت مايحتاج وسيط كل شي متيسر باذن الله

عاد مادري كم شهر بيعطوني بكره بجيك وبرد عليكم
جزاكم الله خير على الرد
الله يرفع قدركم دنيا واخره

مشتاقة لقطر

18-04-2014, 12:23 PM

جانا ايميل نستلمهم الاحد بس انا باسافر بالبطاقة الشخصية
واختي بتستلم عني لازم اخلي لها كوبي من البطاقة وتوقيعي على ورقة من عندهم انه هي تستلم
بس للحين ما عرف كم عطونا فترة بالفيزا يارب يخلونها على مدة الجواز

حاير

27-04-2014, 09:47 AM

أنا سويت الفيزا يوم الثلاثاء واستلمت الجواز يوم الخميس .. الأمور عندهم سهالات .. وأحسن شي تصور عندهم وانت حاسر .. كانك طالع من السجن .. :)

مشتاقة لقطر

27-04-2014, 05:02 PM

ههههه حاير بهذلونا والله مع الصور
جنا خدم والا مساجين

ابشركم عطوني 4 سنوات