كل واحد يكتب بصدق ماهي مهام الشغالات في بيته ؟

[طبيب قطري]

كل واحد يكتب بصدق ماهي مهام الشغالات في بيته ؟



السلام عليكم ورحمة الله

غالبا لايخلو اي بيت قطري وغير قطري من الخدم (الشغالات) وعدد الشغالات في اي بيت يعتمد على وايد اشياء منها مثلا عدد افراد الاسرة وهل هي اسره واحده بالبيت او عدة اسر وحجم البيت وغيره،، السبب في كتابة موضوعي اليوم انه اذكر من فتره بسيطه صارت ازمة متعلقه باستقدام الخدم وهالفتره خلتني افكر هل الخدم في البيوت ( الشغالات) شر لابد منه؟
اعتقد حتى نقدر نجاوب على هذا السؤال يجب بالبدايه انه نعرف ماهي مهام الشغالات في بيوتكم؟ هل تمسكونهم البيت كله من مراقبه الاطفال وتوصيلهم للمدارس والطبخ والتنظيف؟ كل واحد يكتب بامانه شنو وظيفه الخدامات في بيته وخلنا نشوف !

ببدا بنفسي: الخدامه ببيتي فقط حق تنظيف الحمامات وانتم بكرامه وايضا الغسيل وكي الملابس والغرف ( ماعدا غرف النوم لاني معود عيالي ينظفون غرفهم بروحهم)
بانتظار مشاركاتكم

[طبيب قطري]

عندى ملاحظه بسيطه على الموضوع
.
..
...
....
رجاء رجااااء الموضوع عن مهام الشغالات ، مابي ارجع بعد كم ساعه القى دفة الحوار راحت صوب :
المرأه
ثم
الزواج
ثم
التعدد !!
:tease:

[دايموند]

عندى ملاحظه بسيطه على الموضوع
.
..
...
....
رجاء رجااااء الموضوع عن مهام الشغالات ، مابي ارجع بعد كم ساعه القى دفة الحوار راحت صوب :
المرأه
ثم
الزواج
ثم
التعدد !!
:tease:

الله يهديك لو انك مو كاتب هالملاحظه جان لقيت موضوعك وصل 50 صفحه هههه

[Aaziz]

فيه بيوت (قليله) الى اليوم بدون شغالات ،، ولكن اصحاب هذي البيوت مستفيدين بدون شك ولكنهم من جانب سيكون فيه نقص ،، من النواقص ان راعيه البيت راح تنشغل اكثر عن نفسها و عن زوجها
ولكنها راح يكون كل شي تحت عينها من تربيه اطفال و تنميه شخصيه و و و راح تكون اقرب لكل فرد من افراد الاسره.
و انا من الناس الي يقول ان الخدامه ضرورية و هي فعلا شر لابد منه


الله يهديك لو انك مو كاتب هالملاحظه جان لقيت موضوعك وصل 50 صفحه هههه

العبره في الكيف لا الكم

[basma222]

التنظيف والكوي والغسيل فقط

[همر]

يصير اجاوب عن كل الناس ؟!! لان الجواب معروف ...

[moonبنتnight]

تنظيف وكوي وطباخ وغسيل .. وممنوع الاقراب من العيال :nice:

[بنت مريخ]

تنظيف و غسيل و كوي
حزات طباخ

[عطر فرنسي]

الحمدلله ماعندنا شغاله في البيت :victory:

[qatara]

معليك من بعضنا

وقلت بعضنا لكي لا استثني نفسي

فالبيوت قايمه بها الشغلات من الاهتمام بالاطفال الي الغسيل الي الاكل الي الطبخ

وجل اهتمام اغلبهن عملها وعندها فلوس المجمعات والاسواق

اصبح البيت عندها كانه فندق تاتيه مرتب للنوم فقط

وتطلب مطبخ من خشب الصندل ولا المنيوم الماني وهي ماتدري عنه بس شاو انها راعية بيت

الا نادر النادر ومن رحم ربي

[moonبنتnight]

معليك من بعضنا

وقلت بعضنا لكي لا استثني نفسي

فالبيوت قايمه بها الشغلات من الاهتمام بالاطفال الي الغسيل الي الاكل الي الطبخ

وجل اهتمام اغلبهن عملها وعندها فلوس المجمعات والاسواق

اصبح البيت عندها كانه فندق تاتيه مرتب للنوم فقط

الا نادر النادر ومن رحم ربي

لا تحط في ذمتك .. هل الفئة لي تشوفها قليل لانهم تشوفهم .. باقي الحريم في بيوتهم انت ما دري عنهم ..
تعرف كم عدد القطريات في الدولة ؟؟؟!!! ..

[حنظلة]

كم هو مؤلم أنا ترى تعلق الطفل بالخدامة أكثر من تعلقه بأمه

[بو الجوري]

ياما بتشوف ردود مثاليه ، ولكن فالحقيقه العكس :shy:

أنا عن نفسي حالياً عندي وحده ، و الثانيه فالطريق إن شاء الله :..

هالوحده مهامهـا التالي :
تنظيف البيت
85% هي اللي تسوي سندويشات الصبح حق اليهال للمدرسه ( بس أيام الإجازه ، إحنا )
تغسل و تكوي
80% تطبخ

أما توصيل اليهال من إلى المدرسه - أنا أوديهم وأحيانا المدام ترجعهم أو جدتهم الله يحفظها

حل الواجبات المدرسيه بمساعدتنا - الخدامه مالها شغل

[al saad]

تقوم بجميع مهام الزوجة ماعد مهمه وحده......

[qatara]

لا تحط في ذمتك .. هل الفئة لي تشوفها قليل لانهم تشوفهم .. باقي الحريم في بيوتهم انت ما دري عنهم ..
تعرف كم عدد القطريات في الدولة ؟؟؟!!! ..

شكلج ماتشوفين الا بعين وحده اضن لم تقراي هذه الفقره

(ومن رحم ربي )

[qatara]

ياما بتشوف ردود مثاليه ، ولكن فالحقيقه العكس :shy:

أنا عن نفسي حالياً عندي وحده ، و الثانيه فالطريق إن شاء الله :..

هالوحده مهامهـا التالي :
تنظيف البيت
85% هي اللي تسوي سندويشات الصبح حق اليهال للمدرسه ( بس أيام الإجازه ، إحنا )
تغسل و تكوي
80% تطبخ

أما توصيل اليهال من إلى المدرسه - أنا أوديهم وأحيانا المدام ترجعهم أو جدتهم الله يحفظها

حل الواجبات المدرسيه بمساعدتنا - الخدامه مالها شغل



والله يخوي عجزنا وحنا نداري خطر بعضهم في ردونا ولا فيه اي فايده

تلقا بعضهن يعصبون تدري ليش لانها لما دققت
وجدت نفسها من ضمن اللسته الاتكاليه المهمله لبيتها برقم انك
كتبت ان في استثنا لاكنها لم تجد نفسها في الاستثاء لا وجدت
نفسها في الفئه المقصره فلذالك تجدهم ردودهم سلبيه ولا يعجبهم الحق

الحقيقه اصبحن اغلبهم ولا اعمم اسميا وديكوريا
راعية بيت بس الحقيقه الخدامه الي قايمه بكل شي

ولكي لا نظلم انه يوجد من هم قايمات ببيوتهم سوا بخدمات او الله ياجر بعضهن
بدون خادمات العمله النادره التين ويزن بالذهب موجودات لاكن نادرات

[العلياا]

بعد شنهي مهامها !!!
غير التنظيف والغسيل والكوي

والطباخ من مهام الطباخة والا الوالدة لو لها خلق دشت المطبخ :)

[شيخ الديرة]

شيخة الديرة تقول ان المتعارف عليه اليوم أن لما وحدة تقول هذا الأكل من طبخي, يعني بالحقيقة مطبوخ في مطبخ بيتها, وليس بالضرورة هي التي طبخته فعلا.

خذ هذا المفهوم ضمن قراءتك للمشاركات

[ضوى]

بصراحة الشغالات ماسكين بيتي من إلى وانا مرتاحة مجابلة زوجي وعيالي

[ضوى]

كم هو مؤلم أنا ترى تعلق الطفل بالخدامة أكثر من تعلقه بأمه

مؤلم جدا ، لا حول ولا قوة الا بالله

[بو الجوري]

الشي اللي يقهرني دايماً لما أودي عيالي الألعاب

ألاقي اليهال مع الخدم بالساعات بروحهم :(
ودايما أتنرفز لما أروح منطقه القلعه اللي يدخل الياهل فيهـا
مترووووسه خدم ، وأشوف تصرفات تقهر

شلون يهدون عيالهم ويروحون !!!! و الله ذاك اليوم ياهل يصيح من قلب و الخدامه بدت تتنرفز ، سألت عن هله قالو راحو وبيرجعون بعدين
زين كم رقمهم ! تقول مدري !!!

و الله تميت مع الياهل تقريباً ساعه أراقبه عشان الخدامه ماتسوي شي

لكن فالنهايه إظطريت أروح ، وطبعاً ولا حد من هله بيّن

[طبيب قطري]

تقوم بجميع مهام الزوجة ماعد مهمه وحده......


:secret:

[رهج السنابك]

امممم طبخ وطبعا احنا معلمينها الطبخ وكل شي وعندها كتب تطبق منها وحزات احنا نطبخ
غسيل ملابس وكوي
تنظيف البيت
حزات غسيل السيارة اذا الدريول معنفص

ماعتقد في شي اكثر من جذي وكله تقول ماعندكم شغل وقاعدة على الايباد في غرفتها او تسولف بالجوال

[طبيب قطري]

الله يهديك لو انك مو كاتب هالملاحظه جان لقيت موضوعك وصل 50 صفحه هههه

هههههه

[أم هشام]

لا تحط في ذمتك .. هل الفئة لي تشوفها قليل لانهم تشوفهم .. باقي الحريم في بيوتهم انت ما دري عنهم ..
تعرف كم عدد القطريات في الدولة ؟؟؟!!! ..

ردك منطقي والله ..

[qatara]

امممم طبخ وطبعا احنا معلمينها الطبخ وكل شي وعندها كتب تطبق منها وحزات احنا نطبخ
غسيل ملابس وكوي
تنظيف البيت
حزات غسيل السيارة اذا الدريول معنفص

ماعتقد في شي اكثر من جذي وكله تقول ماعندكم شغل وقاعدة على الايباد في غرفتها او تسولف بالجوال

الي بتقوم بهل الواجبات بكل صدق

لن يكون لديها وقت للوظيفه

[طبيب قطري]

شيخة الديرة تقول ان المتعارف عليه اليوم أن لما وحدة تقول هذا الأكل من طبخي, يعني بالحقيقة مطبوخ في مطبخ بيتها, وليس بالضرورة هي التي طبخته فعلا.

خذ هذا المفهوم ضمن قراءتك للمشاركات

وليش الخدامه تطبخ ! اشلون تثقون في نظافتهم ؟ ليش مثلا اذا كلش مضطرين تدخلونها المطبخ تخلونها فقط حق تطليع وتذويب الدجاج او اللحم وتغسيل المواعين فقط مثلا بس ماتحط يدها بالاكل

[طبيب قطري]

ياما بتشوف ردود مثاليه ، ولكن فالحقيقه العكس :shy:

أنا عن نفسي حالياً عندي وحده ، و الثانيه فالطريق إن شاء الله :..

هالوحده مهامهـا التالي :
تنظيف البيت
85% هي اللي تسوي سندويشات الصبح حق اليهال للمدرسه ( بس أيام الإجازه ، إحنا )
تغسل و تكوي
80% تطبخ

أما توصيل اليهال من إلى المدرسه - أنا أوديهم وأحيانا المدام ترجعهم أو جدتهم الله يحفظها

حل الواجبات المدرسيه بمساعدتنا - الخدامه مالها شغل



وتنظيف البيت هل تقصد كل الغرف حتى غرف النوم؟ انا عيالي كل شخص ينظف غرفته خل يتعودون عالتنظيف والترتيب ماله داعي الخدم يشوفون خصوصياتنا وملابسنا ومقتنيات الاهل من ذهب وغيره.
واذا الياهل صغير مايعرف ينظف غرفته الخدامه تنظفها بس المدام تدخل معها تشوفها هذا اضعف الايمان!!

[Locale]

^^
ليش ماتاكل من مطعم ؟
عالاقل اعرف مطبخي ونظافته ونظافة مواعينه وجدوره

[qatara]

وليش الخدامه تطبخ ! اشلون تثقون في نظافتهم ؟ ليش مثلا اذا كلش مضطرين تدخلونها المطبخ تخلونها فقط حق تطليع وتذويب الدجاج او اللحم وتغسيل المواعين فقط مثلا بس ماتحط يدها بالاكل

والله ولا همهم قسم بالله اعرف لك ناس هاوشت المره الخدامه
لسبب تافه ولمجرد المكابره وفرض الراي على الفقيره
وصمتت انها تسافر بعد فتره الظمان بشهر
تخيل يعني كم خسر الزوج لاحضارها

ولما سفرها تمو بدون خادمه تمت الزوجه تطبخ هميج فليل
للغدا ثاني يوم وتعال شوف خياس البيت وصل للشارع في
اقل من اسبوع الين خذ خادمة والدته تنظف ويرجعها
على هل حال الي ان خسر مره ثانيه بحضار
خادمه خرا وهذاهي مادفعت الزوجه شي عشان تحس

هذا حسنات المره الموظفه بتاعة الاتكيت ههههههه

ولا حست باي تانيب ضمير بخساره ما دفعه وتكبده الزوج

واقسم بالله ما زدت ولا نقصت حرفا من ما عرفته


اللهم لاشماته

[Khaled Qatar]

الغسيل والكوي والتنظيف وطبعا طول الوقت نفسها خايسه - لو طلبت شي زياده عطتك نظره محترمه يعني كأن هي السيده
المشكله الوالده الله يحفظها معطتها وجه زياده عن اللزوم
طبعا الطباخ عالوالده - هي بس تقطع وتجهز
في عضوه كاتبه غسيل السيارات صراحه لو احنا نطلب منها تغسل السياره كان صارت علوم في البيت
طبعا لما نجيب اغراض في السياره واهرن مستحيل تطلع
مشكلتي ماحب اكلم الخدم
مستحيل تخم الحوش
تنام الساعه 9 المساء - تقوم الساعه 10 الصباح - تقيل من 1- 4 الظهر
بصراحه تنام اكثر من اصحاب البيت

[طبيب قطري]

الشي اللي يقهرني دايماً لما أودي عيالي الألعاب

ألاقي اليهال مع الخدم بالساعات بروحهم :(
ودايما أتنرفز لما أروح منطقه القلعه اللي يدخل الياهل فيهـا
مترووووسه خدم ، وأشوف تصرفات تقهر

شلون يهدون عيالهم ويروحون !!!! و الله ذاك اليوم ياهل يصيح من قلب و الخدامه بدت تتنرفز ، سألت عن هله قالو راحو وبيرجعون بعدين
زين كم رقمهم ! تقول مدري !!!

و الله تميت مع الياهل تقريباً ساعه أراقبه عشان الخدامه ماتسوي شي

لكن فالنهايه إظطريت أروح ، وطبعاً ولا حد من هله بيّن

اللي يقهر زياده ان الخدامه تنظف الياهل وتحفظه وتلبسه وتنومه وتوكله ! وفي البعض وصل فيهم الاهمال اقصد التواكل انهم يخلون الياهل ينام في غرفة الخدامه ! :omg:

[بو الجوري]

وتنظيف البيت هل تقصد كل الغرف حتى غرف النوم؟ انا عيالي كل شخص ينظف غرفته خل يتعودون عالتنظيف والترتيب ماله داعي الخدم يشوفون خصوصياتنا وملابسنا ومقتنيات الاهل من ذهب وغيره.
واذا الياهل صغير مايعرف ينظف غرفته الخدامه تنظفها بس المدام تدخل معها تشوفها هذا اضعف الايمان!!

و الله ياخوي غرفتنا تكون مسكره لما نطلع ، ووقت التنظيف المدام تكون موجوده

و بخصوص غرف اليهال ، الصراحـه الغرف فاضيه تقريبا لأنهم صغار أكبرهم 8 سنين

بس لازم نفس ماقلت أبدأ أعلمهم ترتيب غرفهم بنفسهم

[Locale]

الغسيل والكوي والتنظيف وطبعا طول الوقت نفسها خايسه - لو طلبت شي زياده عطتك نظره محترمه يعني كأن هي السيده
المشكله الوالده الله يحفظها معطتها وجه زياده عن اللزوم
طبعا الطباخ عالوالده - هي بس تقطع وتجهز
في عضوه كاتبه غسيل السيارات صراحه لو احنا نطلب منها تغسل السياره كان صارت علوم في البيت
طبعا لما نجيب اغراض في السياره واهرن مستحيل تطلع
مشكلتي ماحب اكلم الخدم
مستحيل تخم الحوش
تنام الساعه 9 المساء - تقوم الساعه 10 الصباح - تقيل من 1- 4 الظهر
بصراحه تنام اكثر من اصحاب البيت

هذي ماتنفع غير اتسفرونها وتجيبون غيرها

[حمد 2002]

متابع من بعيد لين بعيد ...

[طبيب قطري]

و الله ياخوي غرفتنا تكون مسكره لما نطلع ، ووقت التنظيف المدام تكون موجوده

و بخصوص غرف اليهال ، الصراحـه الغرف فاضيه تقريبا لأنهم صغار أكبرهم 8 سنين

بس لازم نفس ماقلت أبدأ أعلمهم ترتيب غرفهم بنفسهم

الله يباركلك في أولادك ويوفقهم ويرزقك برهم

[دااانة قطر]

الغسيل وكي الملابس.. تنظيف البيت والحمامات وانتوا بكرامه تجهيز عدة الطبخ من تقطيع وتنظيف

للعلم ماعندي شغااله من 2007

[ضوى]

والله ولا همهم قسم بالله اعرف لك ناس هاوشت المره الخدامه
لسبب تافه ولمجرد المكابره وفرض الراي على الفقيره
وصمتت انها تسافر بعد فتره الظمان بشهر
تخيل يعني كم خسر الزوج لاحضارها

ولما سفرها تمو بدون خادمه تمت الزوجه تطبخ هميج فليل
للغدا ثاني يوم وتعال شوف خياس البيت وصل للشارع في
اقل من اسبوع الين خذ خادمة والدته تنظف ويرجعها
على هل حال الي ان خسر مره ثانيه بحضار
خادمه خرا وهذاهي مادفعت الزوجه شي عشان تحس

هذا حسنات المره الموظفه بتاعة الاتكيت ههههههه

ولا حست باي تانيب ضمير بخساره ما دفعه وتكبده الزوج

واقسم بالله ما زدت ولا نقصت حرفا من ما عرفته


اللهم لاشماته

كل هذا واللهم لا شماته ؟


قعدنا بدون خدم الحمد لله ، وخدمنا نفسنا بنفسنا ، اشدعوة بدون خدم بنضيع ؟ الخدم للرفاهية والراحة ، بس الحمد لله نعرف نقوم بشغل البيت لسافرت والا شي ، اما السالفة اللي حاطها فالغلط عالزوج اشلون صبر على خياس مرته ؟؟ امحق ريال وامحق مرة

[nono80]

اتكلم عن نفسي الصبح اعيالي مع الخدامه وجدتهم وطبعا البيت كامل كاميرات ومن ارجع من الدوام اعيالي عندي واذا باروح انام ابوهم معاهم وجدتهم وعقب طول الوقت معاي حتي لو اطلع مكان قريب اخذهم معاي لانه يكسرون خاطري اخليهم بروحهم وعندي قناعه مهما كانت الخدامه حليوة ماتتامن والله يحفظ لنا اعيالنا يارب

[طبيب قطري]

الغسيل وكي الملابس.. تنظيف البيت والحمامات وانتوا بكرامه تجهيز عدة الطبخ من تقطيع وتنظيف

للعلم ماعندي شغااله من 2007

ماشاءالله..
الله يغنينا عنهم بالعافيه يارب

[اتعبني غروري]

الصراحه.... مممممم .... التنظيف,الطبخ,كي الملابس,الاهتمام بالعيال و بس ....

[عثرة جواد]

صباح الخيريالطبيب موضوع يفرفش

انا عندي خدامه وحده الحمدلله اتسوي كل شي بس ولا مب تعبانه هههه
بس غرفتي علي احب الخصوصيه
عساك ع القوة وكثرمن هل المواضيع

[طبيب قطري]

كل هذا واللهم لا شماته ؟


قعدنا بدون خدم الحمد لله ، وخدمنا نفسنا بنفسنا ، اشدعوة بدون خدم بنضيع ؟ الخدم للرفاهية والراحة ، بس الحمد لله نعرف نقوم بشغل البيت لسافرت والا شي ، اما السالفة اللي حاطها فالغلط عالزوج اشلون صبر على خياس مرته ؟؟ امحق ريال وامحق مرة

اما بالنسبه انه كيف صبر على خياس مرته .. ربج ادرى بحالتهم يمكن مرته مريضه ولاحامل وماتقدر تقوم تنظف والله ماتدرون عن اغلب البيوت وش يصير فيها! :secret:

وعندي تعقيب على نقطة ان الخدم للرفاهيه والراحه اذا لازم نحسن معاملة الخدم يعني خلهم ياخذون كفاياتهم من النوم ونعالجهم اذا امرضوا ونكرمهم . بالاخير هم بشر مثلنا

شوفوا هالرابط :
السجن المؤبد لإماراتية أجبرت خادمتها على ابتلاع مبيد حشري حتى الموت

http://sabq.org/6uWfde

[طبيب قطري]

صباح الخيريالطبيب موضوع يفرفش

انا عندي خدامه وحده الحمدلله اتسوي كل شي بس ولا مب تعبانه هههه
بس غرفتي علي احب الخصوصيه
عساك ع القوة وكثرمن هل المواضيع


صباح النور :)

ماشاءالله شغالتكم المراه الخارقه
اخاف احسدها بس ! اقري عليها لاتطيح عليكم هههههه :nice:

[رهج السنابك]

الي بتقوم بهل الواجبات بكل صدق

لن يكون لديها وقت للوظيفه

اللي تعرف تنسق بين وظيفتها وشغل البيت بتقدر
ترا الدلع عند الخليجيات بس
العربيات ماشاء الله موظفات ومايرجعون البيت الا خمس ومع ذلك منسقة وقتها بدون شغالة وعندها ست عيال

تحضر الغداء من بالليل ترجع تسخنه او تكمل الطبخة
البيت مربية عيالها على ان كل واحد يخدم نفسه
غسل المواعين كل يوم على واحد
الويكند يطلعون حدايق ويوسعون صدرهم

احنا تعودنا على الربادة ومن يقوم فينا مافي توزيع ادوار ولا في تنسيق بين افراد الاسرة
والنتيجة البنات يعانون من السمنة
والشباب مخه فاضي

[R 7 A L]

الغسيل وكي الملابس.. تنظيف البيت والحمامات وانتوا بكرامه تجهيز عدة الطبخ من تقطيع وتنظيف

للعلم ماعندي شغااله من 2007

شلون قدرتي تنسيقين بين الدوام والطبخ والغسيل وتنظيف البيت وغسيل الملابس والكوي وترتيب الغرف ودخول الاسهم القطرية ومقابل الوتساب والبلاك بيري والانستغرام وتويتر والفيس بوك وشات سناب ؟

ماشاء الله عليك ربي يعطيك العافيه

[دااانة قطر]

شلون قدرتي تنسيقين بين الدوام والطبخ والغسيل وتنظيف البيت وغسيل الملابس والكوي وترتيب الغرف ودخول الاسهم القطرية ومقابل الوتساب والبلاك بيري والانستغرام وتويتر والفيس بوك وشات سناب ؟
ماشاء الله عليك ربي يعطيك العافيه




الله يعاافيك ويسلمك
ماتوفقت مع الشغاالات
قلت اعتمد على نفسي واللي سااعدني اكثر عندي بنتين الله يحفظهم
اخر وحدة تسفرت في 2007 وبنتي عمرها يعني 9 سنين صاارت تسااعدني في شغل البيت والكوي وشوي شوي بدت تدخل المطبخ والحمدلله من جبت غساالة الاتوماتيك وانا وبنااتي مرتاحين يومين الى 3 ايام غسيل ماجمع الغسيل وكاان اعتماادي على غدا الواالدة الله يحفظها واحياانا مع التغيير المطاابخ وغيره
العشااا شي خفيف
ومرة او مرتين بالشهر يوم السبت اجيب شغااله 5 سااعات او احياانا اجيب شغاالة الواالدة اذا عندي جمعة

بالنسبة للي بالأحمر الاسهم انا متوااجدة الفترة الصبااحية من الدواام متى ماشفت نفسي فااضيه لأني العصر اكون في الكليه من 4 الين 9
استخداامي للوااتس اب قليل عندي 16 رسالة ماقريتها لين الحين

تويتر متاابعة له اكثر من المنتديات
ماعندي بلاااك بيري ولا سناب ولا كيك ولا هم يحزنون
كنت مدمنه عالانستقراام بس مليت منه وصار في تكرااار خااصة لصور الأكل
الحمدلله التنسيق والتنظيم وكل شي يكون في السليم

[R 7 A L]

الله يعاافيك ويسلمك
ماتوفقت مع الشغاالات
قلت اعتمد على نفسي واللي سااعدني اكثر عندي بنتين الله يحفظهم
اخر وحدة تسفرت في 2007 وبنتي عمرها يعني 9 سنين صاارت تسااعدني في شغل البيت والكوي وشوي شوي بدت تدخل المطبخ والحمدلله من جبت غساالة الاتوماتيك وانا وبنااتي مرتاحين يومين الى 3 ايام غسيل ماجمع الغسيل وكاان اعتماادي على غدا الواالدة الله يحفظها واحياانا مع التغيير المطاابخ وغيره
العشااا شي خفيف
ومرة او مرتين بالشهر يوم السبت اجيب شغااله 5 سااعات او احياانا اجيب شغاالة الواالدة اذا عندي جمعة

بالنسبة للي بالأحمر الاسهم انا متوااجدة الفترة الصبااحية من الدواام متى ماشفت نفسي فااضيه لأني العصر اكون في الكليه من 4 الين 9
استخداامي للوااتس اب قليل عندي 16 رسالة ماقريتها لين الحين

تويتر متاابعة له اكثر من المنتديات
ماعندي بلاااك بيري ولا سناب ولا كيك ولا هم يحزنون
كنت مدمنه عالانستقراام بس مليت منه وصار في تكرااار خااصة لصور الأكل
الحمدلله التنسيق والتنظيم وكل شي يكون في السليم

اشكرك على الشرح الوافي للتنسيق
نتمنى من بحث عن كيفية التنسيق يستفيد من تنسيقك



تحياتي

[moonبنتnight]

شكلج ماتشوفين الا بعين وحده اضن لم تقراي هذه الفقره

(ومن رحم ربي )

لم تقعد مع الحريم بتشوف بعينك الثانية .. لا تكلم على شي ما تعرفه .. أذا لي حواليك من هل الفئة عتب عليك مب على الحريم .. مخليهم 24 ساعة برع البيت ..

[لبتونه]

تنظيف غسيل كوي طباخ فقط لاغير

اما اعيالي مسؤوليتي من والى وكلهم مدارس وصغير حضانه اوديهم وارجعهم وين مااطلع كلهم معاي او محكورة في البيت معاهم


وغرفتي محد ينظفها غيري ولما اطلع اقفلها حتى ماتعرف شكلها من داخل

حتى طلعاتي بدون خدامه

انا لو اقدر استغنيت عنها بعد مااحبهم خير شر

[عطر]

السلام عليكم .. صباح الخير

الصراحه الموضوع حلو وشيق وحساس بنفس الوقت ويشرفني المشاركه فيه

انا عن نفسي عندي خدامه بس ماعندها الا مهمه وحده بس اللي هي كواي الملابس فقط
اما الباقي كل شي انا اسويه من تنظيف وغسيل الملابس وغسيل الحمام الله يكرمكم حتى النشار انا انشر الملابس بنفسي مااحبها تنشرلي
اما الطباخ عندنا طباخه او الوالده تطبخ اذا ولدي نايم لانه يكون عندها وقت دوامي
بس من ارجع من الدوام خلاص اجابل ولدي وزوجي واسوي كل شي ويكون عندي وقت بعد الحمدلله

مشكور اخوي ع الموضوع .. يعطيك العافيه

[المحاميه]

كل شي الا الاشيا اللي مايقدر ينجزها الا صاحب الغرض


:tease:

[طبيب قطري]

تنظيف غسيل كوي طباخ فقط لاغير

اما اعيالي مسؤوليتي من والى وكلهم مدارس وصغير حضانه اوديهم وارجعهم وين مااطلع كلهم معاي او محكورة في البيت معاهم


وغرفتي محد ينظفها غيري ولما اطلع اقفلها حتى ماتعرف شكلها من داخل

حتى طلعاتي بدون خدامه

انا لو اقدر استغنيت عنها بعد مااحبهم خير شر

بارك الله فيج.
احنا بنتحاسب على اطفالنا ولهذا السبب تكفووون لاتتركون فلذات اكبادكم مع الخدم!

[طبيب قطري]

السلام عليكم .. صباح الخير

الصراحه الموضوع حلو وشيق وحساس بنفس الوقت ويشرفني المشاركه فيه

انا عن نفسي عندي خدامه بس ماعندها الا مهمه وحده بس اللي هي كواي الملابس فقط
اما الباقي كل شي انا اسويه من تنظيف وغسيل الملابس وغسيل الحمام الله يكرمكم حتى النشار انا انشر الملابس بنفسي مااحبها تنشرلي
اما الطباخ عندنا طباخه او الوالده تطبخ اذا ولدي نايم لانه يكون عندها وقت دوامي
بس من ارجع من الدوام خلاص اجابل ولدي وزوجي واسوي كل شي ويكون عندي وقت بعد الحمدلله

مشكور اخوي ع الموضوع .. يعطيك العافيه


الله يسلمج وتشرفني مشاركتج..
الحمام ماتخلينها تغسله ! ماشاءالله مااظن في حريم وايد يقدروون يسوون هالشي :victory:

[FCB 123]

الغسيل ، التنظيف ، مساعدة المدام في الطبخ ، مساعدة المدام في أمور الأطفال في البيت وخارج البيت

بالتوفيق للجميع

[دااانة قطر]

الله يسلمج وتشرفني مشاركتج..
الحمام ماتخلينها تغسله ! ماشاءالله مااظن في حريم وايد يقدروون يسوون هالشي :victory:


وين المشكلة وايش الصعوبة؟؟

[qatara]

اللي تعرف تنسق بين وظيفتها وشغل البيت بتقدر
ترا الدلع عند الخليجيات بس
العربيات ماشاء الله موظفات ومايرجعون البيت الا خمس ومع ذلك منسقة وقتها بدون شغالة وعندها ست عيال

تحضر الغداء من بالليل ترجع تسخنه او تكمل الطبخة
البيت مربية عيالها على ان كل واحد يخدم نفسه
غسل المواعين كل يوم على واحد
الويكند يطلعون حدايق ويوسعون صدرهم

احنا تعودنا على الربادة ومن يقوم فينا مافي توزيع ادوار ولا في تنسيق بين افراد الاسرة
والنتيجة البنات يعانون من السمنة
والشباب مخه فاضي

البيت متطلباته كثيره ومستحيل التوفيق بينه وبين
عمل في الخارج بالنسبه لراعية البيت الحقيقه

لو تقدرون تقومون ببيوت بكل معنى راعية بيت ما جبتو خدامات

وكل من يدعون انهم يستطيعون ان ينسقو وتقوم ببيتها
وانهم صدق راعيات بيوت فليستغنو عن الخادمه هههههه


يبه كلها حجي بحجي

وبعضهن يعذرن لاسباب حقيقيه وهن قله
الا المريضه او التي حامل فنعذرها لما تستعين بخادمه
ولا الصاحيه تقول انا قايمه بالبيت ومنسقه وكلشي اوكي
واقدر هع في الحقيقه حجي للاستهلاك والدعايه

خل تثبت لنا بستغنائها عن الخادمه كانها صادقه
الله يعين الزوج وعياله على اكل الخدامه والمطاعم

[hanayen]

بصراحه انا شفت العجب شفت الأبناء يصرخون على الخدامه جيبي لنا ماي شدعوه حتى الماي ما يهز الوحد طوله ويخدم نفسه وفي ناس خدامتهم تطبخ حق كل واحد عشى شكل اللي يبي سباقيتي واللي يبي معكرونة عاديه واللي يبي ......شدعوه وين ايام وجبه وحده الكل يأكل منها
الله يهديهم

[يمامـة]

غسيل و كوي و تنظيف وطباخ وترتيب البيت كله.

واحنا ناكل ونشرب ونقول لهم شكرا.

[عطر]

الله يسلمج وتشرفني مشاركتج..
الحمام ماتخلينها تغسله ! ماشاءالله مااظن في حريم وايد يقدروون يسوون هالشي :victory:

بالعكس مااظن هالشي صعب ولا اظن الحمام بيكون وصخ لهالدرجه ههههههههه لانه ينغسل يوميا

قواك الله اخوي

[تغلبية]

الله يسلمج وتشرفني مشاركتج..
الحمام ماتخلينها تغسله ! ماشاءالله مااظن في حريم وايد يقدروون يسوون هالشي :victory:

عطر .. الله يعطيج الصحة والعافية ..... تعجبيني :victory:


طبيب قطري .. فيه أراء مختصين تقولك .. من الافضل ان حمامات الزوجين او حمام الاسرة .. ولاااااا انسان يدخله لأنه شي خاص جداً جداً

ومن بعد عدة مواقف ... صرت أأيد هالكلام ...

حمام الضيوف للضيوف .... والحمامات الخاصة لأهلها

احنا نسنتسهل ونتهاون فيه .. إلا حمام

لكن فيه ناس عيونها اتلاقط على كل شي .. بما فيهم الخدامة المفتحة !!

[عطر]

البيت متطلباته كثيره ومستحيل التوفيق بينه وبين
عمل في الخارج بالنسببه لراعية البيت الحقيقه

لو تقدرون تقومون ببيوت بكل معنى راعية بيت ما حبتو خدامات


وكل من يدعون انهم يستطيعون ان ينسقو وتقوم ببيتها
وانهم صدق راعيات بيوت فليستغنو عن الخادمه هههههه


يبه كلها حجي بحجي

الا المريضه او التي حامل فنعذرها لما تستعين بخادمه
ولا الصاحيه تقول انا قايمه بالبيت ومنسقه وكلشي اوكي
واقدر هع في الحقيقه حجي للاستهلاك والدعايه

خل تثبت لنا بستغنائها عن الخادمه كانها صادقه
الله يعين الزوج وعياله على اكل الخدامه والمطاعم

اخوي مشكلة الناس في التعميم
انا والعياذ بالله من كلمة انا قبل لا اتزوج ماعندي خدامه وتزوجت وحملت وانا ماعندي خدامه
وانظف واغسل وادااااوم واقوم بكل واجبات بيتي وزوجي بروووووحي وانا حااااامل ماعدا الطباخ كانت الوالده الله يعطيها الصحه والعافيه تطبخ الغدى
والعشا علي .. وزوجي نظام دوامه شفتات وكنت اضطر ساعات استأذن من دوامي عشان اجهز له اغراض دوامه او اجهزهم قبل لا اطلع من البيت الصبح
وحاليا صابره على الخدامه بس لانها شايله عني الكواي ولا الود ودي مااخليها دقيقه لانها مرتاحه اكثر مني وولدي دخلتهه حضانه بس عشان مااخليه عندها

وبالنسبه للزوج انت تقول الله يعينه على اكل الخدامه .. اذا هو متحمل وساكت عيل ليش الاعتراض
الزوج لو يبي ياكل من طباخ زوجته يلزمها بهالشي مب يجيب خدامه ويشتكي بعدين ههههههههه

[عطر]

عطر .. الله يعطيج الصحة والعافية ..... تعجبيني :victory:


طبيب قطري .. فيه أراء مختصين تقولك .. من الافضل ان حمامات الزوجين او حمام الاسرة .. ولاااااا انسان يدخله لأنه شي خاص جداً جداً

ومن بعد عدة مواقف ... صرت أأيد هالكلام ...

حمام الضيوف للضيوف .... والحمامات الخاصة لأهلها

احنا نسنتسهل ونتهاون فيه .. إلا حمام

لكن فيه ناس عيونها اتلاقط على كل شي .. بما فيهم الخدامة المفتحة !!

الله يعافيج عزيزتي

صح كلامج والله كل شي الا الحمامات الخاصه كرمكم الله وغرف النوم

كل شي يشوفونه حتى لو كانت نقطه على حرف ممسوح ينتبهون لها

ذكرتيني بصديقتي زوجها اهداها مره هديه قدام الخدامه جان تنغر الخدامه وتقوله وانا ليش ماجبت لي هديه هههههههههههههه

الله يحفظنا من هالخدم والله وجودهم شر لا بد منه

[qatara]

اخوي مشكلة الناس في التعميم
انا والعياذ بالله من كلمة انا قبل لا اتزوج ماعندي خدامه وتزوجت وحملت وانا ماعندي خدامه
وانظف واغسل وادااااوم واقوم بكل واجبات بيتي وزوجي بروووووحي وانا حااااامل ماعدا الطباخ كانت الوالده الله يعطيها الصحه والعافيه تطبخ الغدى
والعشا علي .. وزوجي نظام دوامه شفتات وكنت اضطر ساعات استأذن من دوامي عشان اجهز له اغراض دوامه او اجهزهم قبل لا اطلع من البيت الصبح
وحاليا صابره على الخدامه بس لانها شايله عني الكواي ولا الود ودي مااخليها دقيقه لانها مرتاحه اكثر مني وولدي دخلتهه حضانه بس عشان مااخليه عندها

وبالنسبه للزوج انت تقول الله يعينه على اكل الخدامه .. اذا هو متحمل وساكت عيل ليش الاعتراض
الزوج لو يبي ياكل من طباخ زوجته يلزمها بهالشي مب يجيب خدامه ويشتكي بعدين ههههههههه

مايقدر يلزمها برقم ان من حقه الشرعي
لاكن اين الشرع ان الزمها بيزيد عنادها بتفتعل المشاكل
وعارفه وضامنه ان القانون ويها وهو الخسران في كل الاحوال
خلينا صادقين مع الله ومع انفسنا


وختاما
نقول الي تدعي انها قايمه بالبيت
وتدعي انها منسقه ببيتها وعملها وكلشي اوكي

خل تثبت لنا بستغنائها عن الخادمه كانها صادقه
الله يعين الزوج وعياله على اكل الخدامه والمطاعم


ولوانها غيوره صحيح كان لم ولن تقبل خادمه في بيتها

[تغلبية]

الله يعافيج عزيزتي

صح كلامج والله كل شي الا الحمامات الخاصه كرمكم الله وغرف النوم

كل شي يشوفونه حتى لو كانت نقطه على حرف ممسوح ينتبهون لها

ذكرتيني بصديقتي زوجها اهداها مره هديه قدام الخدامه جان تنغر الخدامه وتقوله وانا ليش ماجبت لي هديه هههههههههههههه

الله يحفظنا من هالخدم والله وجودهم شر لا بد منه

يحليلها الأخت .. عندها أمل :nice:


فعلاً هذا الحاصل في كل بيت حتى لو ما تكلموا ... تشوفينه في عيونهم .. في زلات لسانهم ..

[hanayen]

تنظيف وغسيل وكوي بزيادة عليها
لا لطبخ الخدم

[ضوى]

عطر .. الله يعطيج الصحة والعافية ..... تعجبيني :victory:


طبيب قطري .. فيه أراء مختصين تقولك .. من الافضل ان حمامات الزوجين او حمام الاسرة .. ولاااااا انسان يدخله لأنه شي خاص جداً جداً

ومن بعد عدة مواقف ... صرت أأيد هالكلام ...

حمام الضيوف للضيوف .... والحمامات الخاصة لأهلها

احنا نسنتسهل ونتهاون فيه .. إلا حمام

لكن فيه ناس عيونها اتلاقط على كل شي .. بما فيهم الخدامة المفتحة !!

ممممممممم فعلا الا حمام شنهو ممكن يكون فيه الحمام ؟؟

[شيخ الديرة]

أدعو الى أعادة تفعيل حملة

http://www.lahaonline.com/media/images/articles/Homeart/86ut764uyer874uy.jpg (http://www.lahaonline.com/articles/view/%D8%B1%D9%85%D8%B6%D8%A7%D9%86-%D8%A8%D9%84%D8%A7-%D8%AE%D8%A7%D8%AF%D9%85%D8%A9..-%D9%83%D9%8A%D9%81-%D8%A3%D9%86%D8%AC%D8%B2-%D8%A3%D8%B9%D9%85%D8%A7%D9%84%D9%8A-%D8%A7%D9%84%D9%85%D9%86%D8%B2%D9%84%D9%8A%D8%A9/38980.htm)

[عطر]

مايقدر يلزمها وو حقه الشرعي لاكن اين الشرع
ان الزمها بيزيد عنادها بتفتعل المشاكل
وعارفه وضامنه ان القانون ويها وهو الخسران في كل الاحوال
خلينا صادقين مع الله ومع انفسنا

اخوي الالزام مش بالهواش ولا الصراخ
بالكلام الطيب واللين مثل ما الزوج ملزوم بأمور معينه بعد الزوجه ملزومه تقوم بأمور زوجها وبيتها

ولا تنسى ان الحريم تغلب عليهم العاطفه يعني لو قالها كلمتين من القلب بتلين وبتسوي له كل اللي يبيه بطيب خاطر
اما بالهواش محد يرضاها حتى الخدامه لما تهاوشها وتصارخ عليها وتلزمها تسويلك شي ماترضى


قال تعالى: وَعَاشِرُوهُنَّ بِالْمَعْرُوف

وفي تفسير هذه الآيه قال الألوسي في روح المعاني: { وَعَاشِرُوهُنَّ } أي خالقوهن { بالمعروف } وهو ما لا ينكره الشرع والمروءة ، والمراد ههنا النصفة في القسم والنفقة ، والإجمال في القول والفعل . وقيل : المعروف أن لا يضربها ولا يسيىء الكلام معها ويكون منبسط الوجه لها ، وقيل : هو أن يتصنع لها كما تتصنع له.

صاحب الموضوع اسفه لاني طلعت من الموضوع بس حبيت اوضح شغلات للأخ

[تغلبية]

فيه ناس -الله يعلم بنفوسهم - بس شوفي الآراء ... ترى حتى لو كان الحمام يلق ونظيف وخنين وماعليه كلام ..


الغيورة .. بتم تشوف كل شي انتي تستخدمينه وزوجج يستخدمه .. الصابون الشامبو الليفة مكينة الحلاقة ....
كل شي كل شي حتى البالوعة تكرمون وتقعد تقيّم عاد اللي تشوفه
ممكن تخليه في نفسها .. وممكن اتكلم به عند الناس وتسري السالفة

الحسودة .. بتطالع كل شي ومب ذاكرة الله .. وقلبها بيشتغل عليج ...

النفوس الضعيفة .. مع افتراضات ان الحمام يلق ..
وع حمامها يلوع الجبد .. انا داشته انا شفته .. فيه وفيه ..... واتكلم بغير اللي فيه ..


مابي ادخل بعد في علم الطاقة وطاقة المكان علشان ماينفهم كلامي غلط ..

لكن هذي اشياء بسيطة ... ماله داعي حد يشوفها ..


بتقولين اشدعوه تغلبية .. وانتي موسوسة ..

والله اني شفت ناس عندهم مثل هالملاحظات وصدروهم تشتغل من داخل .. حتى لو كان طيبين ..

لكن ممكن الشي يطلع بحسن نية ويضر .. وشي يطلع بسوء نية وعليه بهارات بعد


فالحذر واجب ،،

[ضوى]

فيه ناس -الله يعلم بنفوسهم - بس شوفي الآراء ... ترى حتى لو كان الحمام يلق ونظيف وخنين وماعليه كلام ..


الغيورة .. بتم تشوف كل شي انتي تستخدمينه وزوجج يستخدمه .. الصابون الشامبو الليفة مكينة الحلاقة ....
كل شي كل شي حتى البالوعة تكرمون وتقعد تقيّم عاد اللي تشوفه
ممكن تخليه في نفسها .. وممكن اتكلم به عند الناس وتسري السالفة

الحسودة .. بتطالع كل شي ومب ذاكرة الله .. وقلبها بيشتغل عليج ...

النفوس الضعيفة .. مع افتراضات ان الحمام يلق ..
وع حمامها يلوع الجبد .. انا داشته انا شفته .. فيه وفيه ..... واتكلم بغير اللي فيه ..


مابي ادخل بعد في علم الطاقة وطاقة المكان علشان ماينفهم كلامي غلط ..

لكن هذي اشياء بسيطة ... ماله داعي حد يشوفها ..


بتقولين اشدعوه تغلبية .. وانتي موسوسة ..

والله اني شفت ناس عندهم مثل هالملاحظات وصدروهم تشتغل من داخل .. حتى لو كان طيبين ..

لكن ممكن الشي يطلع بحسن نية ويضر .. وشي يطلع بسوء نية وعليه بهارات بعد


فالحذر واجب ،،

بسم الله الرحمن الرحيم ، اشدعوة لهالدرجة ، هاي من زمان هالسالفة والا جديدة ، تقصدين الضيوف والا الخدم ؟

[qatara]

اخوي الالزام مش بالهواش ولا الصراخ
بالكلام الطيب واللين مثل ما الزوج ملزوم بأمور معينه بعد الزوجه ملزومه تقوم بأمور زوجها وبيتها

ولا تنسى ان الحريم تغلب عليهم العاطفه يعني لو قالها كلمتين من القلب بتلين وبتسوي له كل اللي يبيه بطيب خاطر
اما بالهواش محد يرضاها حتى الخدامه لما تهاوشها وتصارخ عليها وتلزمها تسويلك شي ماترضى


قال تعالى: وَعَاشِرُوهُنَّ بِالْمَعْرُوف

وفي تفسير هذه الآيه قال الألوسي في روح المعاني: { وَعَاشِرُوهُنَّ } أي خالقوهن { بالمعروف } وهو ما لا ينكره الشرع والمروءة ، والمراد ههنا النصفة في القسم والنفقة ، والإجمال في القول والفعل . وقيل : المعروف أن لا يضربها ولا يسيىء الكلام معها ويكون منبسط الوجه لها ، وقيل : هو أن يتصنع لها كما تتصنع له.

صاحب الموضوع اسفه لاني طلعت من الموضوع بس حبيت اوضح شغلات للأخ

اختي لين القلب يفيد مع لينة القلب اما التي بها جلافه و (المتدلعه البطرانه)
فلا فائده لو لانت دقيقه شدت سنه

فلين القلب يفيد لاكن هاتي من يقدرن

[العنيده]

التظيف والكواي والغسل .. ممنوع الطبخ والاطفال ..

[بوحارب]

تسوي كل شي

ولكن لها كل التقدير والاحترام وعتبرها مثل اختي :)

[أسد الجزيرة]

يعني تطبخ لها كرك :eek5:

[حسن]

غسيل و كوي و تنظيف وطباخ وترتيب البيت كله.

واحنا ناكل ونشرب ونقول لهم شكرا.

نفس الشي والله

ولكن الاطفال لا عندي ومن الساعه 7 مساء مالهم شغله
في البيت

ولا هم كثيرن الدخول للفله من عقب الساعه 10 هم برع

وعند الغداء يحطون الغداء على الطاوله

ومايدخولون الى الساعه 4 العصر يشفون وش فيه
يجيبون الملابس وغيرها

هذا شغلهم عندي

[المحاميه]

نفس الشي والله

ولكن الاطفال لا عندي ومن الساعه 7 مساء مالهم شغله
في البيت

ولا هم كثيرن الدخول للفله من عقب الساعه 10 هم برع

وعند الغداء يحطون الغداء على الطاوله

ومايدخولون الى الساعه 4 العصر يشفون وش فيه
يجيبون الملابس وغيرها

هذا شغلهم عندي

سيم سيم

اشوى فيه ناس صريحين
حسبالي باكون الوحيده اللي تقول كل شي

والباقي بيقولون مايسون شي بس جايين سياحه :secret:

[بو الجوري]

^

إي و الله ههههههههههههههههههههههههههههه

[بريق الماسه]

شغالات بيتنا فديتهم كل شي عليهم

ووحده فيهم تمسدني ....من نفسها والله تعرف ان كنت تعبانه

لا خلى ولا عدم

[حسن]

سيم سيم

اشوى فيه ناس صريحين
حسبالي باكون الوحيده اللي تقول كل شي

والباقي بيقولون مايسون شي بس جايين سياحه :secret:


شدعوه الشق اكبر من الرقعه

الخدم الحين هذا احنا نشوفهم بعيونا وانا مصورهم

عند قولي الغالبه العظمى

يديرون كل شي في البيت ولا اصبحو الحين يتركون العيال عندهم ويسافرون للتجديد

لو علي انا كان من زمان قشيتهم ولاكن
اقولها بصراحه مانقدر

اللهم ان بحاول نقلل من الاعتماد عليهم بشكل مانستطيع
بس انا حافظت واللي قدرت عليه بشكل صحيح

ان عيالي مالهم فيه خير شر
لا يمسكونهم ولا يقعدون معاهم ولا ياكلونهم ولا يودونهم سؤاء مجمعات ولا لامدراس
يعني الاطفال بنسبه زيرو

الحمدلله هذا اللي قدرت عليه الصراحه

[تغلبية]

بسم الله الرحمن الرحيم ، اشدعوة لهالدرجة ، هاي من زمان هالسالفة والا جديدة ، تقصدين الضيوف والا الخدم ؟

اللي لاحظته في العشر سنين الاخيرة ... مع الطفرة :weeping:

[بوحارب]

يعني تطبخ لها كرك :eek5:

ههههههههه اذا طالعين كشته عائلية اسويلها احلى كرك ع الفحم

صج أني اتهزأ شوي لكن عادي اهم شي مستانسين ;);););)

[المحاميه]

شدعوه الشق اكبر من الرقعه

الخدم الحين هذا احنا نشوفهم بعيونا وانا مصورهم

عند قولي الغالبه العظمى

يديرون كل شي في البيت ولا اصبحو الحين يتركون العيال عندهم ويسافرون للتجديد

لو علي انا كان من زمان قشيتهم ولاكن
اقولها بصراحه مانقدر

اللهم ان بحاول نقلل من الاعتماد عليهم بشكل مانستطيع
بس انا حافظت واللي قدرت عليه بشكل صحيح

ان عيالي مالهم فيه خير شر
لا يمسكونهم ولا يقعدون معاهم ولا ياكلونهم ولا يودونهم سؤاء مجمعات ولا لامدراس
يعني الاطفال بنسبه زيرو

الحمدلله هذا اللي قدرت عليه الصراحه

ايه والله تعودنا واعتمدنا عليهم
الخدم شر لابد منه فكل بيت

والله سمعت عن ناس تسافر وتخلي عيالها عند الخدم
شنقول عنهم ذيله؟
اتصور ماعندهم قلوب ولا رحمه

ولا يقبضونهم فلوس ويقولونلهم ودوهم المكان الفلاني

ان شاء الله مانبتلى مثلهم ..

الخدم المفروض بس يساعدونا ف امور البيت
مب نقط عليهم عيالنا

عيل صج اذا كل شي عالخدم ابي اعرف الوحده شتسوي فال 24 ساعه غير النوم طبعا :)

[حسن]

الموضوع ياطبيب

يجب ان يكون ماهو البديل عنهم وايش المقترحات للتخلص منهم

والتخلص من صداعهم وصداع مزمن واذلال للحكومات الخليجيه بسببهم
من قبل المنظمات المسماه بحقوق الانسان وغيره

كنت اتمنى وضع حلول وضع اقتراحات
وما البديل

كل شي له وقت ينتهي مثل البترول الغاز وغيرها

انا بالنسبه لي هذا اللي يهمني اما وش تسوي في البيت مايبيهاها اعتراف

الحقيقه اوضح من الشمس

تحياتي لك

[بو الجوري]

:shy:
شغالات بيتنا فديتهم كل شي عليهم

ووحده فيهم تمسدني ....من نفسها والله تعرف ان كنت تعبانه

لا خلى ولا عدم

تبادلين بالمساده و أزيدج 2000 ريال :telephone:

[بريق الماسه]

افا والله يابوالجوري اعطيك المساده وفوقها الفين

غالي والطلب رخيص

[QTR TV]

السلام عليكم
الخدم موجودين حتى على أيام الجاهلية لأكن اختلفت المسميات فقط والي يحب زوجته صحيح يتعب على راحتها أما الي ماخذها من بيت أبوها ويبغيها تكرف ويصيدها الدسك وحنا والله الحمد في نعمه ويبغي يستوي سيسيد هذا لايحب زوجته ويدور المشاكل وبعضهم كلامه في المنتدى شئ وفي البيت شئ ثاني
أما تربيت الأطفال فهيه معنيه بالطرفين الزوج والزوجه والخدم الصحيح أنهم ما يقربون الأطفال بتاتا
وإذا الواحد بيقيسها على الخدم فلا يحط دريول في البيت ويقوم بواجباته تجاه بيته ويخلي عنه الطلعات الي مالها سنع
والي تحب زوجها وتحترمه بلينه معاها واحترامه لها بتبذل قصار جهدها لارضائه وهو الي بيقول لها ارتاحي دام حنا في خير والله لا يجيب القحط
لأكن عندي ملاحظه للآباء والأمهات يعلمون بناتهم الطبخ ودخول المطبخ وتدابير البيت من خياطه وغسيل للضرورة فقط ويكون عندها إلمام إذا الله وفقها وتزوجت وكذالك الأبناء الدور على الأب تعليمهم السنع والجلوس في المجالس واحترام الكبير والعطف على الصغير وأمور السوق والاقتصاديات المنزلية والمراجل بشكل عام
اخوي دكتور والله التقصير من الطرفين الأمن رحم الله
وسمحولي هذا الي في خاطري وقلته وسموحه كان زليت

[بو الجوري]

افا والله يابوالجوري اعطيك المساده وفوقها الفين

غالي والطلب رخيص

جعل من جابج الجنه ، طبعاً أبيها لأنها شكلها زينه ما شاء الله ، مب عشان تمسدني

لكن دام تمسد من نفسها معناتها روحها طيبه و حابه الشغل

الله يقطع اللي عندنا :(

[امـ حمد]

الحمد لله ماعندي شغاله في البيت

[نوور الدووحه]

منو الي يقول مانقدر نستغنى عن الخدم!؟؟؟!!!:eek5:

انا 7سنين متزوجه وعندي يهال ورا بعض وكنت ادرس بالجامعه وفي سنه كانت تجريبيه وظيفه +جامعه كل هاي الحمدلله بدون خدامه!! صحيح اني قبل ماتزوج حتى قلاص شاي ماعرف اسوي<<بدون مابالغ أي والله قلاص شاي ماعرف !!:shy:

بس الحمدلله ريلي مساعدني خفيف وغير جي منظمه وقتي صححححح ..كنت احط مهامي بداية الاسبوع بس الطبخ كنت ادش بالاسبوع 4 مرات تقريبا يعني مو كل يوم.. اما الباقي كل شي انا مع ان اهل زوجي عندهم خدامه بكفالة زوجي بس محد كان يساعدني!؟!؟!؟ :secret:
ومرت السنيييين وانا جي وماشكيت الا مره لمن كنت حامل بالبيبي ال3 لانه اليهال تعبوني واهما صغار بس شكيت ونسيت المووضوع هههههههه:nice: ...

واذكر كل من يجوفني اويتعرف علي يسالني عندج خدامه؟؟؟ يحسسوني انه سؤال مهم وانها شغله مهمه !!! حتى رفيجاتي كل ماجوفهم يتمون يسالون هاااا مايبتي خدامه تساعدج؟؟؟ منو شكى لهم الحال :eek5: !!

الحين يبت شغاله بس مو انا يايبتها هي ياتني من بيت هل ريلي وترجتني تشتغل عندي مسجينه وطيبه فمن جي مارديتها:weeping:

المهم انها شالت عني كل شي يخص الغسيل الترتيب والكواي بس الطبخ لازم ادش وياها ماصارت انها تطبخ بدوني الا جم مره كنت بالطواري ..وغرفتي انا ارتبها ماتدشها ابددددد ..وعياليي مسؤوليتي ميه بالميه :victory:

يعني 70% الشغل عليها

[meeemz]

في قطر لازم خدم ... ودنا نستغني عنهم لكن السيستم في قطر يحتم علينا ...يعني خداماتي وحده تطبخ و تشوف اليهال لما نطلع ، و الثانيه توصلني و تكوي الملابس
جربت اعيش كم سنه من دونهم لما كنت مغتربه و اليوم اكلم صديقتي نفس الشي مغتربه وتوها جايه ومستصيبه تبي خدامه قلت لها ليش تحسين انه هني احنا بحاجتها قالت انه في الغربه الشقه صغيره و كل شي ملموم و فيه غساله صحون وملابسها تجففها في النشافه قلت لها اوكي قالت بس هناك زوجها يساعدها ويوصلها والحين شوي صعبه و نف الشي انا جربت من دونهم في قطر بس مشكله التوصيل من بيوصلنا ؟ انا ماطلع الا معاها حاولت اجيب سواقه المشكله مسترجلات .. يعني مانعرف شنسوي واللي يقولون عشنا من دونهم صح ممكن نعيش من دونهم لكن لازم الزوج يساعد او على الاقل المره تسوق ، وقت ما عندج حفله او ضيوف من بيمسك اليهال و من بيطبخ ومن بيقدم والا اذا ببارك لوحده في المستشفى ولا بزور حد لاي مناسبه اودي عيالي معاي ؟ ونفس الشي لما اكون حامل مافي امل اقدر اشيلهم او حتى اتابعهم يعني مرات الظروف تحد الوحده تعتمد عليهم الله يكفينا شرهم

[ANONYMOUS]

الله يقطع اللي عندنا :(



هههههههههههههههههههههههههههههههههههههههههههههههههه

[طبيب قطري]

الحمد لله ماعندي شغاله في البيت

ماشاءالله

اذا تسمحين نبي نعرف ليش ماعندج شغاله؟

[بوحارب]

نوور الدوحة المرة اللي تبدأ حياتها بدون خدامة
هذي اعتبرها زوجه مثالية وراعية بيت

لانها جربت الشقا والكرف

اما اللي تطلب خدامة قبل ما تدخل البيت نقول الله يعين زوجها عليها ;)

[رهج السنابك]

نور الدوحه بصراحه عطينا السبب

ليش ماكان عندج خدامه ؟ هل الزوج رافض او اهله رافضين؟؟

وانتي كنتي تحنين ولا عادي متحمله وصابره؟

[امـ حمد]

ماشاءالله

اذا تسمحين نبي نعرف ليش ماعندج شغاله؟
نعم انا ماعندي خادمه أبد ومستحيل ادخل خادمه في بيتي مادم لي في الحياة بقيه
اول شي ماأداني الخدم وأشمأز منهم، بعدين شلون اجيب خادمه تتطبخ او تغسل ثياب عيالي
ماأرضي على نفسي حتي لو ولدي يبي قلاص ميه انا بروحي اجيب له اقلاص الميه ،شلون خادمه تخدم عيالي والله ماأرضاها لأني أحبهم اكثر من نفسي ،وانا أخدمهم بعيوني
ابو العيال يقول اجيب لج خدامه أقول له مستحيل انا بفضل الله اخدمكم بروحي انت وعيالك، لين يعرسون العيال حتي أكمل رسالتي في الحياة
بعدين اخوي انا ماشتغل قاعده في البيت ومنظمه شغل البيت
والحمد لله

وجزاك الله خير على سؤالك

[زبرجد]

كان عليها شغل البيت من تنظيف وطبخ وغسل وكوي
وكنت أشاركها بكل ذي يعني كنت أطبخ وأكوي وأنا إللي أجابل الضيوف
وهي ينتهي عملها من عقب العصر .... والعشا كان علي .
وولدي ما امسكته أبد كان من مسؤوليتي .
ومن خمس سنين ما عندي شغالة ومرتاحة نفسياً ولله الحمد

[وجه السعد]

صباح الخير
1- الشغاله الاولى: وهي من الجنسية المصرية مراقبة البيت
2- الشغاله الثانية: الطبخ وشئون المطبخ
3- الشغالة الثالثة: التنظيف وغسيل الملابس
4- الشغالة الرابعة: مراقبة الاطفال وتغير ملابسهم من غير التدخل في تربيتهم

والسلام عليكم ورحمة الله وبركاته

[قطري 777]

والله شغالاتنى الله يسلمها ماتقصر قاعد افكر الحين شنهي الشغله الي ماسوتها طلعت تسوي كل شي بس للمعلوميه وابيكم كلكم تسونها راتب الاندونسيه اعتقد 900 او 800 ترى انا اعطيها 1500 لانها جد تتعب وتشتغل وشايله البيت لو حد جرب يشتغل شغلتها يوم واحد بيقول 1500 شوي عليها بعد اكرمواا خدمكم منها اجر ومنها العائد يرجع لك في نفس الوقت واسف يادكتور تطرقت لموضوع خارج موضوعك .

[طبيب قطري]

والله شغالاتنى الله يسلمها ماتقصر قاعد افكر الحين شنهي الشغله الي ماسوتها طلعت تسوي كل شي بس للمعلوميه وابيكم كلكم تسونها راتب الاندونسيه اعتقد 900 او 800 ترى انا اعطيها 1500 لانها جد تتعب وتشتغل وشايله البيت لو حد جرب يشتغل شغلتها يوم واحد بيقول 1500 شوي عليها بعد اكرمواا خدمكم منها اجر ومنها العائد يرجع لك في نفس الوقت واسف يادكتور تطرقت لموضوع خارج موضوعك .

الف وخمسميه اشوفه راتب مناسب وانا اعطيها نفس الراتب مع ان مهامها محدوده
قواك الله الشيخ تشرفني مشاركتك ..

[طبيب قطري]

صباح الخير
1- الشغاله الاولى: وهي من الجنسية المصرية مراقبة البيت
2- الشغاله الثانية: الطبخ وشئون المطبخ
3- الشغالة الثالثة: التنظيف وغسيل الملابس
4- الشغالة الرابعة: مراقبة الاطفال وتغير ملابسهم من غير التدخل في تربيتهم

والسلام عليكم ورحمة الله وبركاته

بعض الاسر يرون بعد فتره طويله من وجود الخادمه أنها أصبحت فرداً من أفراد الأسرة وبالتالي مايتأثرون وايد بموضوع انعدام الخصوصيه وخصوصا اذا كانت الشغاله تتكلم وتفهم لغه قريبه من لغه الاسرة ..
هل اصبحت خدامتكم المراقبه للمنزل فردآ من العائله أم تعانون من انعدام الخصوصيه وفي حدود بما لها وما عليها..
والسموحه للاطاله

[لاجل QT]

تنظيف وطبخ

انتظر التقاعد حق اطير من البيت الخدامة وانا اللى ارعى بيتى وعيالي

ترا مايبلها شي

[فيصل99]

التنظيف والغسيل والكوي والطباخ بس

[طبيب قطري]

اشكركم على مشاركاتكم وتفاعلكم

[meme-93]

انزين وينهم الي تربي عيالهم الخدامه
معقوله كل الي فـ المنتدى مهتمين بعيالهم !!
والعدد الهائل في المجمعات عيال من!

عـ العموم ما شاء الله تبارك الرحمن عليكم

[طبيب قطري]

انزين وينهم الي تربي عيالهم الخدامه
معقوله كل الي فـ المنتدى مهتمين بعيالهم !!
والعدد الهائل في المجمعات عيال من!

عـ العموم ما شاء الله تبارك الرحمن عليكم

اخوي احسن الظن بالناس ولاتنسى بالأخير كلكم راع وكلكم مسئول عن رعيته

[نوور الدووحه]

نوور الدوحة المرة اللي تبدأ حياتها بدون خدامة
هذي اعتبرها زوجه مثالية وراعية بيت

لانها جربت الشقا والكرف

اما اللي تطلب خدامة قبل ما تدخل البيت نقول الله يعين زوجها عليها ;)


شششككككككرا احرجتني:shy: هههههههه

هو كرف وشقا صحححح ...بس والله الدنيا اسهل من جي والسنين كانت يسر موعسر الحمدلله دام هالشي لريلي :shy: وعيالي :nice:

[نوور الدووحه]

نور الدوحه بصراحه عطينا السبب

ليش ماكان عندج خدامه ؟ هل الزوج رافض او اهله رافضين؟؟

وانتي كنتي تحنين ولا عادي متحمله وصابره؟


جوفي بقولج سالفة اهله موراضيين صح يبتيها موراضيين (بس كان راي يحتفظونه لنفسهم ماياثر ):secret: .. وسالفة ان ريلي موراضي هم صح بس مومعناته موراضي يعني بيردني لوطلبت !!:shy:

انا عرفت طبعه اول ماتزوجنا رجل شرررررقي بحت يحب حريم لوووول !!! :rolleyes2: وراسم صوره فباله عن الزوجه المستقبليه..على عمري الصغير كنت ( 17 سنه ) :shy:بس غيرت نظام حيااااتي كامل والدلع الي كنت فيه فبيت بابا الله يرحمه قلت له باي باي .. وسويت اشيا واجبه علي ( كزووووووجه ) مو اكثر ولا اقل!! :victory:
وحبه حبه انا وياه تشاركنا المهام على انه شرقي!!! بسسس ماقصر ساندني .. ادري في بنات بيقرون بيقولون صارت خدامه لريلها!! لان وايد انقالت لي هالكلمه بحكم سني واني مايبت خدامه تساعدني؟؟ بسسس يمدحون التطنيييييش:victory: ..اهم شي اني مانسيت ( نفسي ) هواياتي دراستي كل شيييي على ماهو ..بتنظيم الوقت الصح نعيش صح..:nice:

ووبس والله:shy:

[تغلبية]

^

أحييج .. :victory:

أغلب بنات قطر على بالهم الدنيا ما تمشي بدون خدامة ..

إلا الحياة حلوة ... ومن أحلى ما تكون ..بدونها

راحة قلب .. ونشاط جسم .. واحساس بكل مافي البيت من ناس واشياء زايدة أو ناقصة ..

بيت نظيف على حله ... وعيال مسنعين .. وكلٍ معتمد على نفسه.. وكلن حاط يده في البيت .. ومافي أحلى من لم الشمل بدون أغراب :victory:


صار لي سنة ونص ماعندي خدامة .. مريحة بالي ومفتكة :victory:

[يوسف0]

للأسف الخدامات قايمين بكل شئ فبيتنا وبيت اخوي وبيت اختي

[Aaziz]

الخصوصيات الخصوصياااات
الناس ماتهدف خير

[الزعفراني]

انزين وينهم الي تربي عيالهم الخدامه
معقوله كل الي فـ المنتدى مهتمين بعيالهم !!
والعدد الهائل في المجمعات عيال من!

عـ العموم ما شاء الله تبارك الرحمن عليكم

ههههههههههههههههههه أي والله سؤال وجيه

[الزعفراني]

تقوم بجميع مهام الزوجة ماعد مهمه وحده......

قويه هههههه

[الزعفراني]

شغالات بيتنا فديتهم كل شي عليهم

ووحده فيهم تمسدني ....من نفسها والله تعرف ان كنت تعبانه

لا خلى ولا عدم

ياحظج ههههههه

[توشيبا]

والله من الهياط في بعض الردود

اللي عندنا ماعندها الا مهمه وحده تشيل الزباله الله يعزكم وتطلعها في الشارع وتقطها في الدرام حق البلديه وتساعد في كنس وتنظيف الحوش

ماتطبخ ولا تنظف داخل البيت الحمدالله ولو الزباله الله يعزكم مكانت امي رضت ادخل خدامه في البيت

اول مجات وزنها يمكن تحت الاربعين الحين شكله ضارب فوق الميه

[JN000N]

وحده طباخه ولها المطابخ وامي وياها تطبخ
وحده لها نص البيت تحت مع اخوي الصغير كله تلعب وياه
وحده لها النص الباقي تحت ونص فوق
وحده لها نص فوق وغسيل ثياب وكوي

[طبيب قطري]

والله من الهياط في بعض الردود

اللي عندنا ماعندها الا مهمه وحده تشيل الزباله الله يعزكم وتطلعها في الشارع وتقطها في الدرام حق البلديه وتساعد في كنس وتنظيف الحوش

ماتطبخ ولا تنظف داخل البيت الحمدالله ولو الزباله الله يعزكم مكانت امي رضت ادخل خدامه في البيت

اول مجات وزنها يمكن تحت الاربعين الحين شكله ضارب فوق الميه

معقوله يهايطو في عدد الشغالات ! :nono:
أصلا كثرتهم نقمه

[توشيبا]

معقوله يهايطو في عدد الشغالات ! :nono:
أصلا كثرتهم نقمه

يرجال لو تحسب عدد الشغالات من اول رد لين ردي هذا بتحصلهم اكثر من الشعب الخليجي

وحده حقت طبخ

وحده حقت بيبي الصغير

وحده حقت بيبي الوسطي

وحده حقت بيبي الكبير
وحده حقت المدام

وحده حقت المعزب

وحده حقت الدريول


انا قريت رد واحد حق ابريطاني عندي ودي كان اصور رده فيديو علي شان تشوفه

قال عقل ماعنده يعني تخلف او انه كذاب

[طبيب قطري]

يرجال لو تحسب عدد الشغالات من اول رد لين ردي هذا بتحصلهم اكثر من الشعب الخليجي

وحده حقت طبخ

وحده حقت بيبي الصغير

وحده حقت بيبي الوسطي

وحده حقت بيبي الكبير
وحده حقت المدام

وحده حقت المعزب

وحده حقت الدريول


انا قريت رد واحد حق ابريطاني عندي ودي كان اصور رده فيديو علي شان تشوفه

قال عقل ماعنده يعني تخلف او انه كذاب

ياحيييف :omen2:

[زمن العجائب]

التنظيف والكوي والغسيل فقط
و هي فعلا شر لابد منه