بوفيه بالدوام ..

[حمد 2002]

السلام عليكم ورحمه الله وبركاته ..

الموضوع يحمل العنوان التالي ..

بوفيه بالدوام ..

انا لاحظت بان الكثير من موظفين القطاعات الخاصه والحكوميه يطلعون وقت الدوام .. بقصد الاكل .. مما يتسبب بتعطيل مصالح الناس والموظفين ..

ليش مايسوون بوفيهات بالدوامات .. ويعطون نص ساعه بريك = استراحه ممم لاكل الموظفيين ..

مع فائق تحياتي ..

حمد 2002 ..

[قطريه22]

كل الدوامات اجباري فيها ساعه بريك للموظف او نص ساعه وهم يقدرون يجيبون اكلهم معاهم
بس لو بيسوون مكان للاكل مثل ماقلت بوفيه او غيره بيضطر الموظف يطلع من مكتبه عشان يروح ياخذ بريكه وعاد انت شوف وقتها التاخير الي بيصير
بيطلب وبينطر طلبه وبياكل وبيسالف وعقب بيروح مكتبه تتوقع هذي تكفيهم ساعه او اقل
الافضل يخصصون مكان في كل قسم للاكل مكان للرجال ومكان للحريم على اساس لو حد فيهم تأخر وقت بريكه يطرشون حد يناديه ..


وشكراً

[عطر فرنسي]

كل الدوامات اجباري فيها ساعه بريك للموظف او نص ساعه وهم يقدرون يجيبون اكلهم معاهم
بس لو بيسوون مكان للاكل مثل ماقلت بوفيه او غيره بيضطر الموظف يطلع من مكتبه عشان يروح ياخذ بريكه وعاد انت شوف وقتها التاخير الي بيصير
بيطلب وبينطر طلبه وبياكل وبيسالف وعقب بيروح مكتبه تتوقع هذي تكفيهم ساعه او اقل
الافضل يخصصون مكان في كل قسم للاكل مكان للرجال ومكان للحريم على اساس لو حد فيهم تأخر وقت بريكه يطرشون حد يناديه ..


وشكراً

اسعد الله ايامك اخوي حمد

كلامك صحيح كثير من الدوائر الحكوميه والخاصه لايوجد لهم مطعم او ماشابه اكثريه طلبات خارجيه من فطاير ووجبات اطالب مثلك :victory:

[العلياا]

انا ملاحظتي غير عن ملاحظتك تماما بمعنى
احنا كااان عندنا بريك غداء من نص ساعة لي ساعة تقريبا
اللي يطلع برا يرجع على الوقت لكن اللي يطلبون وياكلون داخل الدوام
دائما ياخذون فوق الساعة :rolleyes2:
وخصوصا ان عندنا اماكن مخصصه للاكل مثل المطاعم فياخذون راحتهم

[بوحارب]

كرك وكيك بونص يمشي الحال لين الغدا ;)

[موظف ((حكومي]

كلام حمد صحيح

[بو الجوري]

مثل ماقلت قبل ، المفروض الدوام يكون 5 ساعات وبلا بوفيه بلا بطيخ

كل واحد يجيب موزه وإلا تفاحه معاه و إلا سندويش من البيت وخلاص


يعني حالياً الدوام 8 ساعات ، شيل ساعه أكل و ساعه تروح مابين هالمكتب و الثاني
وساعه فالمنتدى و إلا عالنت ، تلاقي ساعات العمل الحقيقي ماتتعدى 4 ساعات :anger1:

فخلاص يخلون الدوام من 7 لين 12 :shy:


و تعال عازمك عالريوق في كفتريتنا الجميله :nice:

[عطر فرنسي]

مثل ماقلت قبل ، المفروض الدوام يكون 5 ساعات وبلا بوفيه بلا بطيخ

كل واحد يجيب موزه وإلا تفاحه معاه و إلا سندويش من البيت وخلاص


يعني حالياً الدوام 8 ساعات ، شيل ساعه أكل و ساعه تروح مابين هالمكتب و الثاني
وساعه فالمنتدى و إلا عالنت ، تلاقي ساعات العمل الحقيقي ماتتعدى 4 ساعات :anger1:

فخلاص يخلون الدوام من 7 لين 12 :shy:


و تعال عازمك عالريوق في كفتريتنا الجميله :nice:

عشان الدايت افهمها بوالجوري:tease:

[بو الجوري]

عشان الدايت افهمها بوالجوري:tease:

ههههههههههههههههه لا عشان ما يقعدون يتحلطمون جنهم يهال :( وجوعانيين

[بوفهيد]

عن نفسي بصراحه شئ مستفز التأخير الزايد عن حده .

[حراير قطر]

حمد شكل الجوع قرصك بالدوام :tease:

[رجل الجزيرة]

على حسب الدوام وحسب المدير.

[الرويـس]

في عندنا فراش يجهز لنا سندويتشات وبيض شكشوكه وبوري في الدوام
ومرات اذا يبي يدلعنا يسوي لنا كبده وكلاوي .. ومرات طبق مخ بالطريقة الديناميتيه
اللي حاصل انه قاعد يسوي لنا شي في الاكل لان العالم ادمان ومحد قام يرجع البيت بدري
والمشاكل العائليه صارت تتفاقم بسبب ان الحريم ما يقدرون يسوون اللي يبونه الموظفين نفس اللي يسويه الفراش الساحر
حاليا في في مفاوضات لحل الازمة والاتفاق على هدنه تكفل حق الطرفين وعدم الخوض في حلول عسكرية من شأنها أن المنطقة
تدخل في صراع داخلي يفضي الى خسائر في الممتلكات والارواح
وقد صرح مصدر مسوول في الطرف المنزلي في ان انخفاض اسهم الطبخ المنزلي ادت الى وقوع خسائر كبيرة تعدت حاجزالسبع نقاط غشمره ياشباب لحد يصدق لان الوضع فعلا يبي له بوفيه معتبر او غير معتبر في الدوام .

[رهج السنابك]

حمد ركز على الانجاز
مب الاكل في الدوام

[رهج السنابك]

بعدين لاحظت مره تطالب بتخفيض ساعات العمل
مره تطالب باجازات
مره بوفيه


انت فاهم الدوام غلط اخ حمد
اكرف دام توك شباب وخلي الراحه لما تشيب

[عاشق العديد]

بو عاد تصدق ياحمد في دوامي انا المسؤل عن غداء الموظفين ..
يعني تدري لو البوفيه يوم واحد يتاخر .. اوه هاي مصيبه يمكن تصير ..
وتصدق ياحمد يشتكون علي يقولون لي ليش ماتجيب لنا بورتكبن كبير نقدر ناكل وناخذ راحتنا فيه ..


وطبعا صاحب البوفيه يروح الخور يتغدا .. ومايتاخر عن ساعه .. وغيري بوفيه عندهم فنفس المكان من ساعه ونص لين اكثر

[R 7 A L]

ليش كل هذا
في جهه عمل يوجد مكان لاعداد الشاي والقهوة
يزودونه ب مكرويف وثلاجة بس والامور في السمبتيك

[يمامـة]

عاد الموظفين ابخص مننا في الكلام في مثل هالموضوع

بالتوفيق للجميع

[R 7 A L]

الصبيره تفي بالغرض مع قلاص شاي
اتمنى تعميم توزيع التصبيرة بمختلف انواعها على الوزارات الحكومية والشركات وكل جهات العمل
يومياً فرش طازجة

[همسه]

بو الجوري انا معاك قلبا و غالبا في اقتراحك

:)

[المحاميه]

اغلب القطاعات فيها كافتيريا او مطعم

او الناس اتجيب اكلها معاها

او تطلب دلفري

اما اللي يطلع ف لاتصدق ان المقصد الاكل

الا شرده من الدوام وتغيير جو لا اكثر ولا اقل


بس النقطه المهمه ف الموضوع
ان رجاءً يالقطاع العام او الخاص اختاروا مطعم زين يرضي جميع الاذواق
واذا على الاسعار فالحل ان يفتحون مطعم مشهور وعليه اقبال من الجمهور والثاني كافتيريا فيها اسعار رمزيه حق اللي ميزانيته ماتساعده ان ياكل بشكل يومي من المطعم الثاني

اما تفتحلي شي يقدملك اكل لا هو بمطعم ولا هو بكافتيريا بين الاثنين ف دورني ان حصل اقبال

سلام

[المحاميه]

كل الدوامات اجباري فيها ساعه بريك للموظف او نص ساعه وهم يقدرون يجيبون اكلهم معاهم
بس لو بيسوون مكان للاكل مثل ماقلت بوفيه او غيره بيضطر الموظف يطلع من مكتبه عشان يروح ياخذ بريكه وعاد انت شوف وقتها التاخير الي بيصير
بيطلب وبينطر طلبه وبياكل وبيسالف وعقب بيروح مكتبه تتوقع هذي تكفيهم ساعه او اقل
الافضل يخصصون مكان في كل قسم للاكل مكان للرجال ومكان للحريم على اساس لو حد فيهم تأخر وقت بريكه يطرشون حد يناديه ..


وشكراً

اممم
شوفي اختي

انتي اول شي افترضتي ان البريك يكون ساعه محدده وموحده لجميع الموظفين وهالشي اصلا غلط
لكن ممكن نترك ساعه بريك من حق الموظف ف الوقت اللي يختاره هو وبجذي مايظهر الجميع للاكل ف نفس الوقت وماتصير زحمه

وافهم من كلامج انج اتأيديين اللي يطلعون من دوامهم عشان ياكلون
طيب يعني الطلعه اللي بتكفيها ساعه؟ مستحيل

والواحد لازم يلتزم من نفسه ببريك نص ساعه او ساعه مب لازم يحطون رقيب فوق كل موظف
خلاص هم كبار ومسؤولين عن تصرفاتهم

[المحاميه]

انا ملاحظتي غير عن ملاحظتك تماما بمعنى
احنا كااان عندنا بريك غداء من نص ساعة لي ساعة تقريبا
اللي يطلع برا يرجع على الوقت لكن اللي يطلبون وياكلون داخل الدوام
دائما ياخذون فوق الساعة :rolleyes2:
وخصوصا ان عندنا اماكن مخصصه للاكل مثل المطاعم فياخذون راحتهم

العليا اشلون يكفيهم الوقت
لين ياخذ سيارته ويروح المكان الفلاني يطلب ويقعد ينطر الطلب وياكل ويرجع
ولاتنسين زحمة الشوارع

نص ساعه ماراح تكفي فما بالج ب ساعه؟

[المحاميه]

مثل ماقلت قبل ، المفروض الدوام يكون 5 ساعات وبلا بوفيه بلا بطيخ

كل واحد يجيب موزه وإلا تفاحه معاه و إلا سندويش من البيت وخلاص


يعني حالياً الدوام 8 ساعات ، شيل ساعه أكل و ساعه تروح مابين هالمكتب و الثاني
وساعه فالمنتدى و إلا عالنت ، تلاقي ساعات العمل الحقيقي ماتتعدى 4 ساعات :anger1:

فخلاص يخلون الدوام من 7 لين 12 :shy:


و تعال عازمك عالريوق في كفتريتنا الجميله :nice:

والله انك صادق

اتمنى من كل قلبي انهم يطبقون كلامك

تعبنا من الدوام الطويل

ليش ياخذون بالعدد مايخذون بالكيف

:weeping:

[المحاميه]

بعدين لاحظت مره تطالب بتخفيض ساعات العمل
مره تطالب باجازات
مره بوفيه


انت فاهم الدوام غلط اخ حمد
اكرف دام توك شباب وخلي الراحه لما تشيب

مب غلط
بس كل شي بحدود
عدم المبالغه ف الراحه وعدم المبالغه ف الكراف

يعني النفس اذا حملتيها فوق طاقتها بتتعب وبتكتفي وماراح تنجز

[العلم]

يازين الأكل .. يم يم :shy:

[FCB 123]

الحمد لله أمورنا طيبه في الشغل وفي بدال المطعم مطعمين
في مطعم للبوفيه . قيمة البوفيه 15 ريال قطري .
وفي مطعم بالمينيو واسعاره رمزيه

والبريك تقريبا ساعة .. لأنه الدوام من الساعة 8 لييييين الساعة 4 العصر

بالتوفيق للجميع

[عطر]

كرك وكيك بونص يمشي الحال لين الغدا ;)

مثل ماقال الاخ

مؤيده لك وبشده اخوي

وبنفس الوقت مؤيده للأخ بو الجوري

[قطريه22]

اممم
شوفي اختي

انتي اول شي افترضتي ان البريك يكون ساعه محدده وموحده لجميع الموظفين وهالشي اصلا غلط
لكن ممكن نترك ساعه بريك من حق الموظف ف الوقت اللي يختاره هو وبجذي مايظهر الجميع للاكل ف نفس الوقت وماتصير زحمه

وافهم من كلامج انج اتأيديين اللي يطلعون من دوامهم عشان ياكلون
طيب يعني الطلعه اللي بتكفيها ساعه؟ مستحيل

والواحد لازم يلتزم من نفسه ببريك نص ساعه او ساعه مب لازم يحطون رقيب فوق كل موظف
خلاص هم كبار ومسؤولين عن تصرفاتهم

هلا المحاميه
لا انا ماأيد الي يطلع من دوامه ،، ماذكرت هالشيء في ردي
يمكن فهمتيني غلط
اما بالنسبه للبريك مهما كانت مدته فالافضل مثل ماقلتي مايخلون كل الموظفين في وقت واحد
اما عن الالتزام لو الاجانب بيلتزمون ومب كل العرب او القطريين بيلتزم الي اقصده يكون في كل قسم مكان للراحه والبريك ولو في حد طول في البريك يطرشون حد يناديه

[المحاميه]

هلا المحاميه
لا انا ماأيد الي يطلع من دوامه ،، ماذكرت هالشيء في ردي
يمكن فهمتيني غلط
اما بالنسبه للبريك مهما كانت مدته فالافضل مثل ماقلتي مايخلون كل الموظفين في وقت واحد
اما عن الالتزام لو الاجانب بيلتزمون ومب كل العرب او القطريين بيلتزم الي اقصده يكون في كل قسم مكان للراحه والبريك ولو في حد طول في البريك يطرشون حد يناديه

ماأيد ف كل قسم

خلاص كل واحد ياكل ف مكانه
او يروح المطعم المشترك ف اوقات مختلفه

وكلن رقيب على نفسه
والله فيه ساعه ف تلفونه يقدر يوقت نفسه على نص ساعه ويرجع

واللي يطنش كيفه
بس عقب لايقول ليش تقييمي جذي :nice:

[دايموند]

الحمد لله أمورنا طيبه في الشغل وفي بدال المطعم مطعمين
في مطعم للبوفيه . قيمة البوفيه 15 ريال قطري .
وفي مطعم بالمينيو واسعاره رمزيه

والبريك تقريبا ساعة .. لأنه الدوام من الساعة 8 لييييين الساعة 4 العصر

بالتوفيق للجميع

والله مدلعينكم

وين تداوم ابي اكل عندكم ههه

[مــاي ورد]

أتوقع الأفضل يحطون وقت محدد للغدا محد يتاخر خلاله وماله خص البوفيه داخل الدوام او برى الدوام ويفضل ساعه لان نص ساعه ما تكفي الا حق الصلاة فوين الواحد بياكل !!

[قطريه22]

ماأيد ف كل قسم

خلاص كل واحد ياكل ف مكانه
او يروح المطعم المشترك ف اوقات مختلفه

وكلن رقيب على نفسه
والله فيه ساعه ف تلفونه يقدر يوقت نفسه على نص ساعه ويرجع

واللي يطنش كيفه
بس عقب لايقول ليش تقييمي جذي :nice:


المشكله اذا على كل واحد يحاسب نفسه في ناس بتتعطل معاملاتهم
حتى الاكل في المكاتب مب حلو في ناس يراجعون وريحة المكان محتكره بالاكل
وحتى المطعم المشترك فكرته مب حلوه لانه بيكون مشترك مع الجنسين

[ANONYMOUS]

هههههه




























الموضوع ريحته فطاير

[khalid525]

هذا الاقتراح تسويه الموسسات المحترمة ، كافتيريا مفتوحة طوال اوقات الدوام وبفلوس واللي يبي ياكل يروح ، اما بوفيه ووقت واحد اخبر ما يصلح الا حق المصانع او المؤسسات اللي فيها انتاج صناعي يقدرون يوقفون الشغل ساعة
ويرجعون يكملون اما الموسسات الخدمية فصعبة ، هم بس دخيل الله خل يداومون عدل