مصرف قطر الاسلامي (qib) خدماته من سئ الى أسوء

[قطريه22]

السلام عليكم ورحمة الله وبركاته

من كم يوم مسويين تعديلات على الدخول للانترنت البنكي وقبلها بكم شهر مسويين تعديلات بعد
المهم جيت ابي ادخل على حسابي افتح لي هالصفحه المعتاده وهي ادخال اسم المستخدم وكلمة المرور كتبتها وبعدها افتحت هالصفحة

http://www.up9or.com/up21/13975451101.jpg (http://www.up9or.com/)

وبعدها هالصفحه افتحت اذا اول مره بادخل ، وشوفو الخيارات الي حاطينها المشكله اذا الواحد مسافر ورقمه مصكر او مقطوع ومايستقبل

http://www.up9or.com/up21/13975451103.jpg (http://www.up9or.com/)


قلت خل اشوف شنو نهاية المتاهه الي مسويينها واخترت ارسال مسج كونه الاسهل وللعلم في كل مره بادخل على الانترنت البنكي لازم يرسلون مسج للجوال المسجل عندهم يوم اخترت ارسال مسج للجوال رجعوني للصفحه الاولى

http://www.up9or.com/up21/13975457891.jpg (http://www.up9or.com/)

وحطينا الاسم والرقم السري ودخلت وطلعت هالصفحه وضغطنا التالي

http://www.up9or.com/up21/13975457902.jpg (http://www.up9or.com/)

وارسلو مسج للجوال وعقب هالصفحه واحط الرقم الي ارسلوه

http://www.up9or.com/up21/13975451104.jpg (http://www.up9or.com/)

وبعد كل هالخطوات الي فوق يدخلني على حسابي وللعلم اي تحويل ابي اسويه لحساب ثاني لازم اكلمهم لان حظرتهم كل مره يقولون نبي نتأكد واذا كلمتهم اعطيهم بياناتي كلها والاسم الي حطيته للتحويل ورقم الحساب انزين شلي يبون يوصلون له؟ والا لازم يسمعوني وانا اتكلم واقولهم البيانات هذا اذا ردو


سؤالي لين متى المصرف من فشل لفشل كل مره يعقدون السالفة أكثر وأكثر ، يعني الحين لو انا مسافره ودخلت على حسابي ابي احول باضطر في كل مره اسوي هالخطوات؟

كلمتهم امس وقلتلهم ان نظامهم فاشل وبدال ما يسهلون الموضوع على الناس يعقدونه ردت الموظفة عندج طريقتين يااما تنزيل البرنامج على الجوال او نرسل مسج بكلمة سر للدخول في كل مره احاول الدخول فيها ، واذا جيت باحول لحساب ثاني لازم اكلمهم عشان يتأكدون وعقب يسجلون لي الرقم.. سالفه طويله ومعقده

طيب واذا جوالي مب معاي والا مغيره الرقم شالحل؟؟

كافي انهم مايردون على التلفونات بعد يسوون هالنظام الفاشل مادري من الي يقترح عليهم هالاقتراحات
كافي يالمصرف طورو من نفسكم شوفو البنوك الثانيه وسوو نفسها
بنك قطر الوطني خدماته مافي مثلها بس للاسف بنك ربوي والا كنت رجعت له

اتمنى البنك المركزي يشوف حل مع نظام المصرف ويسهلونه على الناس مب يعقدونه

[بريق الحق]

منا الى الجهات المسوؤله (:

[العلياا]

انا اكثر شي ينرفزني عندهم خدمة العملاء والكول سنتر
فعلاً محتاجين يطورون من خدماتهم ويرتقوا لمستوى باقي البنوك

[قناص 787]

الحمدلله اني طلعت منه ...... بنك كآنك تطر منه

[ضوى]

هذي اجراءات امنية ، بعد سرقة الحسابات اللي صارت ، ماشوف فيها شي ابدا ، هاي الشغلات تسوينها لمرة واحدة ، واكيد اي شخص تبين تحولين له مبلغ لازم تكلمينهم وعقب خلاص يدخلونه في السيستم

[قطريه22]

هذي اجراءات امنية ، بعد سرقة الحسابات اللي صارت ، ماشوف فيها شي ابدا ، هاي الشغلات تسوينها لمرة واحدة ، واكيد اي شخص تبين تحولين له مبلغ لازم تكلمينهم وعقب خلاص يدخلونه في السيستم

صح اجراءات امنيه لو تلاحطين البنوك الثانيه محد مسوي هالتعقيدات نفس المصرف وهالخطوات الي ذكرتها مش لاول مره بس كل مره ابي ادخل لازم يرسلون مسج للجوال وعقب اقدر ادخل وكل التحويلات لازم اكلمهم طيب اذا كلمهتم للعلم اعطيهم رقم الحساب والاسم وعقب يقولون لي اوكي تقدرين تحولين اختي ضوى يمكن انتي تحسين ان هالشيء سهل بس لو كنتي تتعاملين عن طريق الانترنت البنكي بتعرفين ان هالطريقه صعبه خصوصاً اذا كنتي خارج البلاد ، ولو قارناها بالوطني مثلا ماعندهم اني اكلمهم عشان التحويل ادخل الموقع واخلص اموري بدون العفسه الي مسويينها في المصرف ، صدقيني كل الي يسوونه بعد بتصير سرقات على الحسابات في المصرف لان ماعندهم نظام امني مطور

[رجل الجزيرة]

البارحة كنت عندكم من الساعة 5 المساء لين الساعة 8 علشان أفتح حساب توفير للعيالي على إن قاصرين فطلبوا مني مبلغ 2000 ريال فقال لهم: مصرف الريان ب 500 ريال وبنك قطر الدولي ب 1000 ريال فقالوا لي: هذي هي سياسة المصرف وما لنا إلا نطبق القوانين ورحت للمدير ووجه مكشر ونفس الكلام وبعد ما خلصت فقلته له: أعطيك نصيحة فقال لي: تفضل فقلت له خلك مبتسم فضحكت وقالي أنا الحين مبتسم، ففتحت لهم حساب.

[قطريه22]

البارحة كنت عندكم من الساعة 5 المساء لين الساعة 8 علشان أفتح حساب توفير للعيالي على إن قاصرين فطلبوا مني مبلغ 2000 ريال فقال لهم: مصرف الريان ب 500 ريال وبنك قطر الدولي ب 1000 ريال فقالوا لي: هذي هي سياسة المصرف وما لنا إلا نطبق القوانين ورحت للمدير ووجه مكشر ونفس الكلام وبعد ما خلصت فقلته له: أعطيك نصيحة فقال لي: تفضل فقلت له خلك مبتسم فضحكت وقالي أنا الحين مبتسم، ففتحت لهم حساب.

صح كلامك مغيرين سياسة المصرف وللعلم ارباح القروض عندهم او يسمونها( بيع سلع ومعادن) زايده الظاهر المصرف خسر عملائه فقام يسوي مثل البنوك الثانيه وزاد الفايده

[بوفهيد]

عن تجربه الدولي الأسلامي أفضل بكثير من البنوك الثانيه .

[خوي الدرب]

نعم تدهورت خدمات المصرف إلى أدنى فأدنى
في خلال شهر غيرت ثلاث بطاقات صراف ألي
حقيقة هذا المصرف يعتمد على سمعته أنه غير ربوي وبالتالي يعرف أن الكثير سينحاز له هرب من الربا
ولكنه في نفس الوقت يهمل الخدمات الأخرى فيصيب العملاء بالندم على الانحياز له

[ضوى]

صح اجراءات امنيه لو تلاحطين البنوك الثانيه محد مسوي هالتعقيدات نفس المصرف وهالخطوات الي ذكرتها مش لاول مره بس كل مره ابي ادخل لازم يرسلون مسج للجوال وعقب اقدر ادخل وكل التحويلات لازم اكلمهم طيب اذا كلمهتم للعلم اعطيهم رقم الحساب والاسم وعقب يقولون لي اوكي تقدرين تحولين اختي ضوى يمكن انتي تحسين ان هالشيء سهل بس لو كنتي تتعاملين عن طريق الانترنت البنكي بتعرفين ان هالطريقه صعبه خصوصاً اذا كنتي خارج البلاد ، ولو قارناها بالوطني مثلا ماعندهم اني اكلمهم عشان التحويل ادخل الموقع واخلص اموري بدون العفسه الي مسويينها في المصرف ، صدقيني كل الي يسوونه بعد بتصير سرقات على الحسابات في المصرف لان ماعندهم نظام امني مطور

معاج حق هي اجراءات معقدة ، بس لما يكون بحسابي مبلغ وقدره من حقي اوافقهم على هالاجراءات لانه اجراء امني لحسابي ، وشخصيا من نزلت تطبيق المصرف في الجوال وانا مرتاحة كل معاملاتي عن طريقه ولا احتاج اكلمهم ولا اراجعهم

[قطريه22]

نعم تدهورت خدمات المصرف إلى أدنى فأدنى
في خلال شهر غيرت ثلاث بطاقات صراف ألي
حقيقة هذا المصرف يعتمد على سمعته أنه غير ربوي وبالتالي يعرف أن الكثير سينحاز له هرب من الربا
ولكنه في نفس الوقت يهمل الخدمات الأخرى فيصيب العملاء بالندم على الانحياز له

صادق والله
قبل كنت مرتاحه في المصرف بس بعد الي سووه باسم تعديلات وزيادة في مبلغ القرض من ناحية الفايده تحسفت اني فتحت حسابي عندهم

[bos3eed]

نزل راتب شهر واحد بس في المصرف وبعدها على طول حولت على الدولي, معاملتهم صعبه ويذلون الواحد ويدققون على التوقيع لو فيه ملي واحد غير مايمشون

[bohilal191]

صح اجراءات امنيه لو تلاحطين البنوك الثانيه محد مسوي هالتعقيدات نفس المصرف وهالخطوات الي ذكرتها مش لاول مره بس كل مره ابي ادخل لازم يرسلون مسج للجوال وعقب اقدر ادخل وكل التحويلات لازم اكلمهم طيب اذا كلمهتم للعلم اعطيهم رقم الحساب والاسم وعقب يقولون لي اوكي تقدرين تحولين اختي ضوى يمكن انتي تحسين ان هالشيء سهل بس لو كنتي تتعاملين عن طريق الانترنت البنكي بتعرفين ان هالطريقه صعبه خصوصاً اذا كنتي خارج البلاد ، ولو قارناها بالوطني مثلا ماعندهم اني اكلمهم عشان التحويل ادخل الموقع واخلص اموري بدون العفسه الي مسويينها في المصرف ، صدقيني كل الي يسوونه بعد بتصير سرقات على الحسابات في المصرف لان ماعندهم نظام امني مطور



صباح الخير اختي ،،وحبيت اقول لج عقب هالتعديلات تقدرين تحولين حق اي حساب تبينه وبدون ماتكلمينهم وتوني مجرب ضفت حساب بنتي عندي بدون تفعيل من عندهم ويعطيج العافية

[موبايل]

رحت اليوم فرع المطار قالوا ان نظامهم عطلان واحتمال يظل واقف طول اليوم

[qatari 111]

الحمد لله من يوم مافتحت حساب عندهم من سنة 96 ماشفل منهم اي سلبيات بالعكس كل مالها تتطور للاحسن والافضل

وهاذي اجراءات امنيه لصالحنا لان اي سرقه تحصل راح يتحملها البنك . ومنزل الجوال المصرفي عالجهاز والله اني مرتاح من هالخدمه الممتازه

[qatara]

قبل الكحل الفرعوني كان احسن واسلس بنك

وانا عميل للبنك اكثر من عشرين سنه ولم اقلها جزافا

[R 7 A L]

ليش زعلانه
حتى في الدولي الاسلامي نفس الشي

احمدي ربك تقدرين تشاركين في اميال القطرية
مع كل شخطه بالبطاقة هههههههههه

[Bozizoo]

انا في المصرف صحيح خدمة الانترنت عندهم تعبانه بالمره
لكن وبكل امانه الكول سنتر اكثر من رائع وانا عندي تعاملات كثيره معاهم ودائما اخلصها عن طريق الكول سنتر .التحويلات و رفع الرصيد و السلفيات تخلص عندهم بسرعه جدا..ومعاملتهم عن قبل احسن بكثير ..
على فكره يمتلك المصرف الاسلامي اكبر عدد عملاء في قطر

[العربية نت]

البنوك الاسلاميه كلها بنفس الاسلوب في الخدمة ولحد يضحك على نفسه ويقول ان بنك افضل من الآخر وافضل الاسوأ هو بنك الريان قد يكون
الا فيما يتعلق بالعملاء الي ما قدرو يكملون لهم اجراءات اكتتاب اسهم امسيعيد اشصار معهم :omg:

انا عميل في الدول يالاسلامي وخدمة الانترنت فيها من التعقيد اكثر من ما ذكر :eek5:

[قطريه22]

الي مضايقني ان هالعمليه مب بسهوله
لو حد مسافر وجرب يدخل على حسابه تتوقعون بسهوله؟
اذا هالخطوات يبي لها وقت واذا الجوال مب عندي يعني ماعندهم غير هالطريقتين
1- انزل الخدمة على الجوال.
2- ارسال مسج للرقم الي مسجل عندهم.

طيب اذا الرقم مقطوع ومانزلت البرنامج على الجوال شالحل؟؟

[OREO]

شخصيا ما واجهت اي مشكلة مع المصرف و لا اخفي عليكم بأن المصرف من احسن البنوك اللي تعاملك معاها سواء في قطر او خارجها ,,

شكراً يا المصرف على الخدمات اللي قدمتها للجمهور و يزاكم ربي كل خير ....

[rashid565]

أكره شيئاً عندي سوى بنك او شركة يكون أسمها أسلامي وتجدهم يجعلون قسم الرجال فيه موظفات أو قسم النساء تجد فيه رجال موظفين أو جعلوها خلط كالبنوك أو الشركات الربوية !
وأتمنى أن لاتحتكر الرقابة الشرعية على أشخاص معينيين لكي يكون فيه تمايز ..لأن أذا البنوك والشركات كلهم نفس الأشخاص أصبح مافي فرق .
المعذره ماكان كلامي عن المصرف فقط وأنما تكلمت بشكل عام للي حاصل عندنا بقطر والله المستعان وماقلت هذا الكلام إلا نبي الأفضل لبلادنا .

[R 7 A L]

انا كنت مسافر
وكان التعامل مع الدولي الاسلامي اصعب


تعوذي من الشيطان
وكلميهم الحين اعتذري منهم

[Q-tr]

للأسف البنوك الاسلامية من سيئ الى أسوء من جميع النواحي،،،مقارنة بالبنوك التجارية خصوصا الوطني الذي يعد من احسن البنوك في التعامل مع العميل.
انا غيرت من المصرف الى الدولي الاسلامي وللأسف الدولي الاسلامي تحسفت.
والله العظيم مواقف كثيره جدا خلتني اكره التعامل ويا " هالفئة من البنوك"

راتبي ينزل في الدولي،،، ولكن جميع معاملاتي اخلصها في قطر الوطني من تحويلات وسحب إيداع وخدمات اخرى.


سؤال؟ هل يجوز تحويل راتبي الى بنك قطر الوطني للحصول على الخدمات التسهيلات مثل الانترنت البنكي بعيد عن الاقتراض الربوي!!!
اذكر اتصلت بدار الإفتاء وسالته ماعطاني أجابه صريحه واضحه كان يلف ويدور بالإجابة وياي.


عموما الله يصلح الحال

[قطريه22]

انا كنت مسافر
وكان التعامل مع الدولي الاسلامي اصعب


تعوذي من الشيطان
وكلميهم الحين اعتذري منهم

انا ماعتذر من حد الا اذا كنت غلطانه
اخوي رحال انا يوم حطيت هالموضوع ماكذبت ولاجبت شيء من عندي عشان تقولي في كل شيء اقوله اعتذري

[قطريه22]

للأسف البنوك الاسلامية من سيئ الى أسوء من جميع النواحي،،،مقارنة بالبنوك التجارية خصوصا الوطني الذي يعد من احسن البنوك في التعامل مع العميل.
انا غيرت من المصرف الى الدولي الاسلامي وللأسف الدولي الاسلامي تحسفت.
والله العظيم مواقف كثيره جدا خلتني اكره التعامل ويا " هالفئة من البنوك"

راتبي ينزل في الدولي،،، ولكن جميع معاملاتي اخلصها في قطر الوطني من تحويلات وسحب إيداع وخدمات اخرى.


سؤال؟ هل يجوز تحويل راتبي الى بنك قطر الوطني للحصول على الخدمات التسهيلات مثل الانترنت البنكي بعيد عن الاقتراض الربوي!!!
اذكر اتصلت بدار الإفتاء وسالته ماعطاني أجابه صريحه واضحه كان يلف ويدور بالإجابة وياي.


عموما الله يصلح الحال

انا نفسك فتحت حساب توفير في الوطني وصرت اسحب من الاسلامي واحط المبلغ في الوطني
اما عن استفسارك فاذا كانت عندك قروض مع الدولي ماراح يحولون راتبك لاي بنك ثاني لان لازم ضمان الراتب ينزل عندهم
وفي المقابل البنك الثاني ماراح يقدر يعطيك اي قروض الا اذا حسابك عندهم

[الحاقول]

انا السنه الماضيه سجلت عندهم ان تنزلي ارباح الاسهم على حسابي عندهم
السنه وجدت لم تنزل ارباح اسهمي عندهم
راجعت البنك . قال لم تنزل ارباح اسهمك عندنا ... قلت انا مسجل السنه الماضيه لنزول ارباحى في حسابي
قال اسف مادري وين راحت اوراق تسجيلك ..... بصراحة قررت التسجيل مره ثانيه في بنك اخر

[بوراشد82]

بالنسبة لي من احسن البنوك ،، مادري عن غيري

[ابوعلي]

صدقتي وللاسف المصرف كخدمة اسوء من قبل بالرغم اني معاهم اكثر من 23 سنة

والنظام الي ذكرتيه بالرغم انه سيفتي الا انه ياخذ وقت من الشخص واي حركة على الحساب يشترط ادخال رقم سري مع ان المفترض بداية الدخول كفاية

وبنفس الوقت حاولت اني ادخل على حسابات العيال واخترت ان تجيني الرسالة على الجوال الا ان المحاولات فشلت

وحتى الكول سنتر للاسف تبهدلت معاهم لما كنت مسافر وتنحسب علينا المكالمات واذا حد رد علينا

وسبق اني ناقشتهم بخصوص حسابات العيال وتخصيص رقم جوال واحد ولكن الرد كان ان لكل حساب رقم يعني كل واحد ياخذ رقم لكل فرد من افراد اسرته حتى لو العمر كم يوم

[R 7 A L]

انا ماعتذر من حد الا اذا كنت غلطانه
اخوي رحال انا يوم حطيت هالموضوع ماكذبت ولاجبت شيء من عندي عشان تقولي في كل شيء اقوله اعتذري

الله يهديك مره وحدة بس قلت لك اعتذري
انا زعلت ):

[العنيده]

صار لي معاهم 9 سنين والحمدلله كل شي اوك هم بس محتاجين تطوير مركز الاتصالات لان اغلب اجابتهم بنرسل ايميل للجهه المسؤوله :rolleyes2: ويالله ننطر :waiting:

[ANONYMOUS]

اي والله انه فاقعن كبدي بخصوص الانترنت بانكينغ .. مع اني ماستخدمه

لدرجة اني مسجل يمكن من سنتين او ثلاث او اربع ماذكر .. بس ولا مره دشيت لانه صعب

المهم

هذا ينطبق علينا قابضين على الجمر

يالله حسن الخاتمه

[alsoq]

البارحة كنت عندكم من الساعة 5 المساء لين الساعة 8 علشان أفتح حساب توفير للعيالي على إن قاصرين فطلبوا مني مبلغ 2000 ريال فقال لهم: مصرف الريان ب 500 ريال وبنك قطر الدولي ب 1000 ريال فقالوا لي: هذي هي سياسة المصرف وما لنا إلا نطبق القوانين ورحت للمدير ووجه مكشر ونفس الكلام وبعد ما خلصت فقلته له: أعطيك نصيحة فقال لي: تفضل فقلت له خلك مبتسم فضحكت وقالي أنا الحين مبتسم، ففتحت لهم حساب.


ليكون فرع سلوى؟

[khalid525]

اتمنى من المصرف المركزي ان لا يسمح بوضع كلمة اسلامي في اسم اي بنك او شركة تأمين
خل الناس تقيم المؤسسات بكفائتها وخدماتها

[alsoq]

البنوك كلها واحد ومعاملتهم واحده لانه التعليمات من البنك المركزي

قد تجد الاختلاق في قله الموظفين فا تنتظر وقت اطول سوى في البنك او الكول سنتر


البنك يدخلك عنده وخلاص تاخذ قرض معاد فكر فيك

[بوNasser]

بالنسبة لي في قطر يمشي الحال

بس اللي ما قدرت استوعبه انهم وقفوا البطاقات للي في امريكا بحجة وجود ثغرة امنية، وانا متأكد من كلامي لأن واحد من عيالي يدرس هناك ووقفوا بطاقته.

كلمهم قالوا له وقفنا البطاقات منعا لاختراق الحسابات، طيب والحل؟؟

و قالوا له لي رجعت قطر طلع بطاقة ثانية، ويمكن توقف بمجرد استخدامها مرة ثانية في امريكا.

صار كل ما يحتاج فلوس يحول عن طريق النت.

طيب الحين وبعد هالتعقيد في الدخول للحساب، شالحل يالمصرف، مافيه بطاقة بديلة ولا دخول سهل للنت، والتحويلات معقده؟؟؟؟؟؟

الله المستعان.

[حمد 2002]

الريان وبس ،،

[مليونيرة مفلسة]

زين هاي مش البنك الوحيد اللي اسلامي..!!
عندكم بروة عندكم مصرف الريان...!!
مع اني ما أؤمن بشي اسمه بنك اسلامي لأن البنك بنك مستحيل بنك يشتغل من غير فوايد و ارباح

[Q-tr]

لا اله الا انت سبحانك اني كنت من الظالمين.

[Q-tr]

انا نفسك فتحت حساب توفير في الوطني وصرت اسحب من الاسلامي واحط المبلغ في الوطني
اما عن استفسارك فاذا كانت عندك قروض مع الدولي ماراح يحولون راتبك لاي بنك ثاني لان لازم ضمان الراتب ينزل عندهم
وفي المقابل البنك الثاني ماراح يقدر يعطيك اي قروض الا اذا حسابك عندهم


مش مسألة تحويل راتب وقرض،،، مسألة هل يجوز ام لاء؟

اكيد اذا بحول راتبي لازم مايكون علي قرض في البنك ولا شالفايده أخذ لي فايده متحركة و ربا.
انا كتحويل راتب،،، فقط للوطني راح تغنيني عن أشياء وايد
المصرف اذا بغيت خدمة ال vip لازم يكون راتبي فوق ال 50 الف ريال عشان معاملة راقيه وبدون كيو
الدولي الاسلامي للأسف ماهو هم خدمة vip من الأساس الاداره موجوده ولكن غير مفعله ٪100
اضطريت أسفر اذا عندي اي معامله مهمه اخلصها بالمعارف.

الوطني اذا الراتب اعتقد من 35 الف وفوق لج معامله خاصه ومافي قائمة انتظار ف كل الفروع الاوليه لج وفرع في اي بي ومنتجات ولا اروع.
مثال:
اللي اكتتبو ف اسهم مسعيد ال ف اي بي خلصو ف اقل من 10 دقايق سواء بالمصرف او الوطني.

سؤالي مره ثانيه:
هل يجوز تحويل راتبي الى بنك قطر الوطني لغرض الخدمات السريعة المتميزة للعملاء ام لا؟

[Q-tr]

اللهم اغفر لنا ووفقنا لما تحبه وترضى

[Q-tr]

زين هاي مش البنك الوحيد اللي اسلامي..!!
عندكم بروة عندكم مصرف الريان...!!
مع اني ما أؤمن بشي اسمه بنك اسلامي لأن البنك بنك مستحيل بنك يشتغل من غير فوايد و ارباح

بنك بروه بنك يافع وراقي وعندهم خدمة برستيج للي راتبة من 30 وطالع ولك تواصل دايركت ف اي معاملة مع مدير علاقات خاص فيك.
بنك جيد ولكن عنده سوء توزيع في المناطق الجغرافية وفروعه محدوده.


مصرف الريان بقولكم شي ما انصح فيه ليش؟

انا من هل المناطق الشمالية كان اقرب فرع لي فرع الستي سنتر اذا ابي اخلص لي معامله العصر المغرب او العشا اتذكر المعاناه في إيجاد مواقف في الستي سنتر والبهدله أغير رااااي.

لازلت على رأي بنك قطر الوطني احسن بنك من ناحية التعاملات البنكية بشتى أنواعها.

لو طلعت فتوى يجوز تحويل الرواتب للوطني أتوقع بعض البنوك بتخسر عملاءها

[Q-tr]

[QUOTE=R 7 A L;9485093][COLOR="Black"][SIZE="5"]انا كنت مسافر
وكان التعامل مع الدولي الاسلامي اصعب

الدولي للاسف كل ماجيت اسحب وانا مسافر ينكبني ومرات يقول مافي رصيد ومرات مرات يطلع لي الرصيد اصفار ومرات اشوف رصيدي بس ماقدر اسحب ،،،ولا بعد لهم عموله ع كل سحبه من ATM !! هالعموله اذا هو بنك إسلامي وين تروح تحت اي بند او مسمى هي؟


اللهم اني أسألك الحكمة.

[محمد2]

والله صدقتوا
انا واحد من اللي تعبوا مع هالمصرف مع الاسف ان كان من افضل البنوك في قطر.
ومعاملاتهم تعبانه في كل شي. حتى في اكتتاب اسهم مسيعيد بهدلوا العالم ويقول لك روح شوف اي بنك يعطيك الفورمة وتعال عندنا. يا اخي هالشي من اختصاصك انت توفر هالشي لي والا اشله تاخذ مني رسوم الاكتتاب. وفوق هذا ما شروا لبعض المكتتبين.
والمشكلة الثانية ؛خدماتهم تعبانه من كول سنتر اللي يخليك ترن بالربع ساعة وزود. الى هالبشر التعبانين اللي موظفينهم اللي تكثر اغلاطهم ومب راضين يصلخونها

[طلعة الروح]

هذا بنك ولا معصره اللي يقولك روح دورلك فورمه وتعال؟

البنك اللي ما يوظف الناس الا بالواسطة ويتجاهل الكفاءات اللي ماعندهم واسطة، كل شي يجوز منه ! وهالكلام طبقه ع باقي البنوك الاسلامية في قطر ، وخذ عندك بروه والريان والدولي الاسلامي
للاسف ننحاز لهم لان الاسم بنك اسلامي فقط !

وبالنسبة لموظفينهم اخطاء بالكيلو وأهمها الموظف عندهم ينكرف كرف اليهد وبالتالي ماله خلق يعطي زياده ، وبعضهم مافي خبره ولا اسلوب ف التعامل، غير المعلومات الخاطئة او الناقصة وهذي موجوده بكل مراكز الاتصال في بنوك قطر سواء الربوية او الاسلامية.

[المارونـــي]

زين هاي مش البنك الوحيد اللي اسلامي..!!
عندكم بروة عندكم مصرف الريان...!!
مع اني ما أؤمن بشي اسمه بنك اسلامي لأن البنك بنك مستحيل بنك يشتغل من غير فوايد و ارباح

له طرق ثانيه للمرابحه والفوايد بطريقة غير مباشره

[Gentleman]

مش مسألة تحويل راتب وقرض،،، مسألة هل يجوز ام لاء؟

اكيد اذا بحول راتبي لازم مايكون علي قرض في البنك ولا شالفايده أخذ لي فايده متحركة و ربا.
انا كتحويل راتب،،، فقط للوطني راح تغنيني عن أشياء وايد
المصرف اذا بغيت خدمة ال vip لازم يكون راتبي فوق ال 50 الف ريال عشان معاملة راقيه وبدون كيوالدولي الاسلامي للأسف ماهو هم خدمة vip من الأساس الاداره موجوده ولكن غير مفعله ٪100
اضطريت أسفر اذا عندي اي معامله مهمه اخلصها بالمعارف.

الوطني اذا الراتب اعتقد من 35 الف وفوق لج معامله خاصه ومافي قائمة انتظار ف كل الفروع الاوليه لج وفرع في اي بي ومنتجات ولا اروع.
مثال:
اللي اكتتبو ف اسهم مسعيد ال ف اي بي خلصو ف اقل من 10 دقايق سواء بالمصرف او الوطني.

سؤالي مره ثانيه:
هل يجوز تحويل راتبي الى بنك قطر الوطني لغرض الخدمات السريعة المتميزة للعملاء ام لا؟


أول مرة أسمع عن خدمة الvip. ممكن تفاصيل أكثر جزاك الله خير.

[ضوى]

أول مرة أسمع عن خدمة الvip. ممكن تفاصيل أكثر جزاك الله خير.
احتمال يقصد عملاء التميز ، لاني منهم ، يكون لنا رقم كول سنتر خاص ، ومكان خاص في مركز الفنار ولمت اكبر في السحب النقدي والمشتريات

[ضوى]

وللعلم انا ماطلبت هالخدمة ، هم اتصلوا فيني وقالوا لي ، وطلعوا لي فيزا القطرية مجاناً ، يمكن لاني عميلة قديمة او لانه منتظمة في السداد وماعلي مشاكل

[بوعلي-Qtr]

للعلم فقط
هالاجراءت في كل البنوك في العالم مب بس في قطر
هاي نوع من انواع الحمايه
حتى في الامريكا اذا دخلت من اي بي ثاني لازم يتصلون لك ويعطونك كود
وهالشي من خلال تجربه في امريكا


وشكرا

[الزعفراني]

المصرف عقب ما زادوا عملائه .. خدماته ما قول سيئة لكن مش بالمستوى المطلوب واللي يتأمله العميل .. ويمكن هم اركنوا على كثرة العملاء عندهم ومش مفتكرين بالتطوير .. ويعتقدون ان هالعدد الكبير عبء عليهم فما عندهم مشكله يطلعون من عندهم .. نتمنى الارتقاء بالخدمات وتقديمها وتحقيق الجودة في العمل ..

[الواعد]

صدقتي وللاسف المصرف كخدمة اسوء من قبل بالرغم اني معاهم اكثر من 23 سنة

والنظام الي ذكرتيه بالرغم انه سيفتي الا انه ياخذ وقت من الشخص واي حركة على الحساب يشترط ادخال رقم سري مع ان المفترض بداية الدخول كفاية

وبنفس الوقت حاولت اني ادخل على حسابات العيال واخترت ان تجيني الرسالة على الجوال الا ان المحاولات فشلت

وحتى الكول سنتر للاسف تبهدلت معاهم لما كنت مسافر وتنحسب علينا المكالمات واذا حد رد علينا

وسبق اني ناقشتهم بخصوص حسابات العيال وتخصيص رقم جوال واحد ولكن الرد كان ان لكل حساب رقم يعني كل واحد ياخذ رقم لكل فرد من افراد اسرته حتى لو العمر كم يوم

هذي المشكلة اللي انا عانيت منها معهم والمشكلة ماعندي الا رقم واحد فشلون احط حسابات عيالي بأرقام ثانية وليش ماتكون كلها على رقمي ايش المشكلة ؟؟؟؟؟؟؟

[hossam]

بصراحة المنظومة بشكل عام فاشلة فى المصرف بناء على ما ذكره الأخوة والأخوات ، و سواء فى بيتك تتصل بالـ Call Center أو تذهب شخصيا الى البنك يرتفع ضغطك و تتحرق أعصابك من الموظفين الذين لا يعلمون معنى خدمة العملاء أو تسهيل الإجراءات أو المساعدة و كأن على رؤسهم الطير ، الوضع يختلف للأسف فى البنوك الربوية و تقدم خدمة أفضل و تواصل مع العملاء . بصراحة نقلت من التجارى الى المصرف بعداً عن الشبهات و لكن الوضع أصبح مزرى و لا بد من تدخل الإدارة العليا أو البنك المركزى و الجهات الرقابية بما فيها حماية المستهلك .

[بدوي خليجي]

بالعكس هذا افضل وهو من باب الحمايه

في الفترة الاخيرة حصلت سرقات من قبل اشخاص عرفوا رقم حسابات وكلمات السر وحولوا اموال من حسابات العملاء بلا علم منهم

[فريج النجادة]

انا عندي اقتراح ليش ما نجمع لهم تبرعات

حتى يكبرون فرع الغرافة مساكين ما عندهم فلوس!!!!!!!

[فريج النجادة]

ولا عندهم قسم للعلاقات العامة ينقل لهم معانات الناس

ولا يقدرون يسوون استبيان

حتى يعرفون رضاء العملاء

[توشيبا]

لمن يهمه الامر قاعد يقرا في صفحات الموضوع

اللي عنده اي ملاحظه او مشكله يتكلم

والجماعه مب مقصرين

بحدود الموضوع

[بو راشد 1]

انا السنه الماضيه سجلت عندهم ان تنزلي ارباح الاسهم على حسابي عندهم
السنه وجدت لم تنزل ارباح اسهمي عندهم
راجعت البنك . قال لم تنزل ارباح اسهمك عندنا ... قلت انا مسجل السنه الماضيه لنزول ارباحى في حسابي
قال اسف مادري وين راحت اوراق تسجيلك ..... بصراحة قررت التسجيل مره ثانيه في بنك اخر


أخوي، كأنك تتكلم عني بالضبط، السنة الماضية سجلت عشان ارباح الاسهم تنزل في حسابي مباشرة، جات السنة ما نزل شي، اتصلت، قالوا ضاعت الاوراق، طرشت الاوارق مرة ثانية، ما صار شي، اتصلت، قالوا طرش الاوراق بعد مرة حق شخص غير، بعد طرشت الاوارق للمرة الثالثة من شهر تقريبا و بعد ما نزلت الارباح لحد الان، للاسف ما عندي حساب ثاني في بنك اخر.

[Gentleman]

وللعلم انا ماطلبت هالخدمة ، هم اتصلوا فيني وقالوا لي ، وطلعوا لي فيزا القطرية مجاناً ، يمكن لاني عميلة قديمة او لانه منتظمة في السداد وماعلي مشاكل

جزاج الله خير على التوضيح أختي الفاضلة.

الصراحة شيء غريب.. أنا ينزل لي راتب دبل المبلغ المذكور وأكثر وعميل قديم وما صارت لي مشاكل وما علي قروض والفيزا تندفع بانتظام. محد عرض علي رقم اتصال في آي بي خاص وكل مرة أروح خدمة العملاء أو الكاونتر آخذ رقم عادي وأنتظر أحياناً أكثر من ساعة حتى لو عندي شيك بملايين، والفيزا أدفع عليها رسوم سنوية !!!
مستغليني أسوأ استغلال بأشوف شغلي معاهم يوم السبت.