شراكه او تأجير سجل منك؟ شلون تعرف حقوقك وتضمن حقك ؟

[احمد1]

السلام عليكم ورحمة الله ... اخواني خواتي حبيت اذكر موضوع دارج ويعرفونه اهل قطر بخصوص الشراكه معظم الاوقات تكون مع مقيم وفتح تجاره تتمثل بسجل تجاري ومن ثم رخصه بلديه وقيد منشأه .... ونبتدي... وبذكر انا نتحاشا العواطف والمجاملات ونتعتمد على الاوراق والشروط الي تحفظ حق الطرفين ...وتكون على اسس صحيحه ... مثلا عندي صديق اشترك مع شخص (ازعر ) من الي يعطيك من طرف اللسان حلاوتن ... وكان متفق على مبلغ شهري مقطوع لكن خمس سنسن وماشفنا منه ريال ... طلع انه رفيجي راح مع هله لبنان والاخ استقبله في بيته لمدة 4 ايام هنيه رفيجي صار يستحي منه بحكم تدرون عزمه ودشن العواطف والصداقه في الشغل من عقبها ماقدر يطالبه باي شي..... غير ذلك معظم الاوقات يجيك الي يبي يشاركك يقولك بسوي بحط .....في اسس نتبعها المفروض عشان نحفظ حقوقنا .....

وعندك من شركة المقاولا ت .... صالون نسائي.... سوبر ماركت.... اعمال مقاوله بالباطن ...

يوم تحط الي معاك شريك بالنص تقريبا خاصه ان الشركه مقاولا ت مثلا بيتحمل مسولية الخساره قانونيا فهذا بيعطيه دافع ان يشد حيله

يوم الشخص يستلم دفعات لمشروع وفي لحظه يقولك بسافر لظرف ما بدون عواطف وزعل او احراج يحط شخص ثاني بالشركه ضمان او تشير له مبلغ في البنك

بالنسبه للي عندها صالون نسائي ويشتغلون عندها حريم على كفالة ازواجهم تاخذون اورقه يوقها الزوج ضمان مثلا انها ماتتطلع اسرار الصالون او تشتغل من ورى صاحبة الصالون مع الزباين برى برى يعني
والاسس الي اشوفها زينه

لا تاخذ سلفيه عشان مشروع واطلب من شريكك يبتدي من الدفعه الاولى للمشروع يعني المشروع يشل نفسه ...

لا تاخذ اشيا اقصاط وتحط على الشركه خلها تشيل عمرها
يتم تزويدك بكشف شهري لرواتب العمال والموظفين وفواتير الكهرباء والهاتف عشان تكون كلير من ناحية ادارة العمل

حااسب من الي ايجيك تلقاه لابس بدلة ارماني ومأجر لك رنج ويقابلك تنصدم فيه ويطلع نصاب اعتمد على شيء اسمه لغة الارقام

اخواني الحيث ذو شجون ويختلف مع اختلاف الاختصاصات والي يحب افيده بالي اعرفه انه حاضر وللعلم بنتطرق مستقبلا للنقليات دناكر تركات دفان .... الخ

اتمنى اكون ساهمت بشيء يفيد الطرفين صاحب السجل والشريك...

[sweet qatar]

جزاك الله خير على النصائح القيمة

في ميزان حسناتك ان شالله

[احمد1]

جزاك الله خير على النصائح القيمة

في ميزان حسناتك ان شالله

وجزاك مثله ان شاء الله

[بو الجوري]

موضوع جميل ، و نصايح حلوه

وكلامك صحيح أهم شي كل شي يكون رسمي وموثق ، و بعقود تضمن حقك

ولو كنت بالإسم بس مشترك ، لازم يتوثق هالشي عند محامي عشان تضمن نفسك


ويفضل تكون إنت المخول بالتوقيع على كل شي ، عشان تكون عارف باللي يصير

ولا تعطيهم خروجيه سنويه :)

[حسن]

شوف انا ضد تاجير السجل وغيره

وعرض علي ان يستغل السجل اللي عندي ولكن ارفض
مالي بعوار الراس والمشاكل

للاسف الكثير من اللي عليه قضايا هم راحو ضحيه اما طمع واستغلال
للوافد ولا ضحيه جهل من الوافد ونواياه ولا جهل بالقوانين
واللتزامات

قبل يوم واحد مصري عندنا جايب شيك موقع لبيع حديد من مصري بقيمه 2مليون
وبدون اسم
والتوقيع طبعا للقطري للاسف

كيف تثق بهؤلاء وعقب تولول في الروادو وغيره

انا انصح اذا انت ماتدير سجلك بنفسك ولا فلا

احط راسي واروح ولا بكره من مركز ولا مطلوب واسمع منع سفر
الحمدلله المعاشات كفيه ووموفيه وفايضه اللي تنكت برع
في السفرات

تصدق كنت اتمنى ان تقوم حملات على اصحاب السجلات
بخصوص كشف تجار الفيز وغيره

[احمد1]

موضوع جميل ، و نصايح حلوه

وكلامك صحيح أهم شي كل شي يكون رسمي وموثق ، و بعقود تضمن حقك

ولو كنت بالإسم بس مشترك ، لازم يتوثق هالشي عند محامي عشان تضمن نفسك


ويفضل تكون إنت المخول بالتوقيع على كل شي ، عشان تكون عارف باللي يصير

ولا تعطيهم خروجيه سنويه :)

ممتاز بارك الله فيك والله افرح من قلبي يوم اشوف الشباب يعرفون الامور المهمه الي جذيه .... ذكرتني مره جا واحد تركي يتكلم لغه عربيه فصحا تخبر .. المهم قعدنا في المقهى نتفق انه بيفتح بزنس قلت حق رفيجي بطل حلجك ... سو نفسك غبي او عبيط ماتفهم .....وخليناه يغرد ابي وبسوي وووو الخ ... خلص من الكلام قلت له وش الضمانات وكم تدفع .... كمل ساعه ثانيه يهذر ورد قلت له نفس الكلام ... المهم رفيجه الي جايبه سوى حاله يتكلم بالتيلفون ونفخ له ..ههههه ... دفعنا الحساب هههوهو كان ماعنده موتر وصلناه شقته واحنه نضحك بالسياره بهستيريه وهو بالع الهم وساكت يضحك ووجه محومر ... وانه بخاطر اقول حاول مره اخرى....بس كان داهيه ينومك مغناطيسيا في الكلام ...

[احمد1]

شوف انا ضد تاجير السجل وغيره

وعرض علي ان يستغل السجل اللي عندي ولكن ارفض
مالي بعوار الراس والمشاكل

للاسف الكثير من اللي عليه قضايا هم راحو ضحيه اما طمع واستغلال
للوافد ولا ضحيه جهل من الوافد ونواياه ولا جهل بالقوانين
واللتزامات

قبل يوم واحد مصري عندنا جايب شيك موقع لبيع حديد من مصري بقيمه 2مليون
وبدون اسم
والتوقيع طبعا للقطري للاسف

كيف تثق بهؤلاء وعقب تولول في الروادو وغيره

انا انصح اذا انت ماتدير سجلك بنفسك ولا فلا

احط راسي واروح ولا بكره من مركز ولا مطلوب واسمع منع سفر
الحمدلله المعاشات كفيه ووموفيه وفايضه اللي تنكت برع
في السفرات

تصدق كنت اتمنى ان تقوم حملات على اصحاب السجلات
بخصوص كشف تجار الفيز وغيره

كلام جميل وواقعي وفيه الابتعاد عن المشاكل ... صح وفيه طرق لو تبي تستفيد تأمن نفسك قانونيا وتشارك الشخص مع اخذ كل الضمانات القويه ... بالنسبه للشيكات انصح يكون انت كصاحب سجل مخول بالتوقيع في البنك بالاضافه لقيد المنشأ وتشرط على الشريك هذا الشرط.... كل مايبي يصرف شيك قبل لا توقع تخليه يروح البنك ويتأكد باوراق مختومه بان الرصيد كافي ... ويبتعد عن شيء اسمه شيك ضمان لا ي سبب من الاسباب.... تسلم الغالي

[ولد العلي]

جزاك الله خير على النصائح القيمة

في ميزان حسناتك ان شاء الله

[أم هشام]

شكرا لك على طرح موضوع مهم
لدي صديقة قطرية كانت عارضة السجل التجاري للايجار لكن للسيدات فقط .. فكيف تضمن حقها
هل يمكن تاجير السجل التجاري لسيدة بشرط كتابة اتفاق عن طريق مكتب محامي باخلاء مسؤولية مالك السجل من اي مطالبات قانونية و فقط المستأجر هو المسؤول الاول و الاخير عن نشاطة ؟؟

[alsoq]

انصحك لا تسوي سجل وتعطيه اجنبي فا تدخل في دوامه وقد تصبح مديون وانت لا تدري

الان لهم طرق احتيال كثيره

[مليونيرة مفلسة]

صارت لي سالفة من فترة طويلة بطاقتي الشخصية انسرقت من قبل شخص كان يدعي انه مندوب و كان بيساعدني لفتح سجل تجاري المهم القصة طويلة بالاخير اكتشفت من فترة بسيطة بالصدفة في احد البنوك ان في حساب لشركة كان اسمي فيها بس بدون توقيعي و الحساب حاليا مغلق أبي اعرف كيف اقدر اشيك اذا في سجلات تجارية بإسمي شغالة بدون علمي ما اقدر اروح وزارة التجارة ظروفي صعبة و عندي دوام صعب بالصباح حاولت اتصل بالرقم الساخن للاسف محد يرد دلوني شسوي؟؟

[h9466]

الله يجزيك خير ،،،ننتظر موضوع الدناكر والنقليات وياريت تكون بالتفصيل الممل،،،،

[بوحارب]

جزاك الله خير على الكلام الطييييب

واحد من ربعي دخل في شراكة مع أجانب عرب والحين محكوم عليه 12 سنة

والسبب شيكات بدون رصيد

[PRO-VISION]

الا الفكه منهم ومن شرهم مافيهم خير... انا تبهدلت علي ديون الحين فوق ال 100 مليون ريال ويوم جات عالاجنبي فظل السجن على الدفع وانا كل ماصدر حكم دفعت قاعد ابيع واتصرف في اللي وراي وقدامي تلتهت وتبهدلت والله يسترها علينا وعليكم ونصيحتي لكل مواطن قطري ابعدو عن موضوع الكفاله والشراكه مع الاجانب تراها بدايتها حلوه ونهايتها خبيثه والله يستر وييسر لنا ولكم ان شاء الله

[احمد1]

شكرا لك على طرح موضوع مهم
لدي صديقة قطرية كانت عارضة السجل التجاري للايجار لكن للسيدات فقط .. فكيف تضمن حقها
هل يمكن تاجير السجل التجاري لسيدة بشرط كتابة اتفاق عن طريق مكتب محامي باخلاء مسؤولية مالك السجل من اي مطالبات قانونية و فقط المستأجر هو المسؤول الاول و الاخير عن نشاطة ؟؟

اول حاجه اختي الايجار قانونا ممنوع ...ى بس الناس تأجر ولا محامي بيضمن حقك بالكامل بعد لانك بالاخير لو صار اي شيء يرجع على مالك السجل ...بس على حسب نوع النشاط لو صالون مثلا ممكن نتابع الوضع ويكون التحكم فيه سهل ... لكن لو كان مقاولا ت او اي شيء اخر صعبه لانها شغلات معقده والخلل يمكن يجي من اي مكان .. بالمجمل ممكن تحطها شريك بالنص وتسوي عقد يحفظ لهم حقوقهم ويثبن عليهم المسؤوليه ... وفي طريقه ثانيه ان الي بأجر سجل يحط مبلغ محترم باسم الي باجر منه كضمان هنيه ... المال عديل الروح ومحد يقدر يلف ويدور وهو الضامن بعد الله بان الامور تتم في نصابها ....

[حمد 2002]

والي يبي ايتاجر والاجارات غاليه .. وماعنده حل الا ايأجر السجلات .. شتنصحه اخوي احمد ؟

[احمد1]

صارت لي سالفة من فترة طويلة بطاقتي الشخصية انسرقت من قبل شخص كان يدعي انه مندوب و كان بيساعدني لفتح سجل تجاري المهم القصة طويلة بالاخير اكتشفت من فترة بسيطة بالصدفة في احد البنوك ان في حساب لشركة كان اسمي فيها بس بدون توقيعي و الحساب حاليا مغلق أبي اعرف كيف اقدر اشيك اذا في سجلات تجارية بإسمي شغالة بدون علمي ما اقدر اروح وزارة التجارة ظروفي صعبة و عندي دوام صعب بالصباح حاولت اتصل بالرقم الساخن للاسف محد يرد دلوني شسوي؟؟

هو على حد علمي الله يسلمج انك تروحين وبرقم بطاقتك الشخصيه تطلعين اي شي بأسمج في السجل ... بس اعتقد في طريقه ثانيه الي هي .... اشتركي بخدمة مطراش 2 وعقب بتلقين الشركات الي انتي مخوله بالتوقيع فيها موجوده في البرنامج ... بس احذرك قلتلك الي انتي مخوله بالتوقيع فيها يعني لو واحد فتح بأسمك سجل وماحطج مخوله بالتوقيع مايبين ...... الحل الثالث كتاب تخويل منك مفاده انا الموقعه ادناه اخول السيد/..... بطاقه شخيه رقم 65497445 بتزويدي بجميع السجلات التي باسمي وبرقم شخصي تحطين رقمك الشخصي ... وتوقعين وتبعثينها مع حد موثوق وان شاء الله يفيدونج...

[احمد1]

الله يجزيك خير ،،،ننتظر موضوع الدناكر والنقليات وياريت تكون بالتفصيل الممل،،،،

ويجزاك الف خير .... ان شاء الله ابشر

[احمد1]

والي يبي ايتاجر والاجارات غاليه .. وماعنده حل الا ايأجر السجلات .. شتنصحه اخوي احمد ؟

اذا بتأجر سجل الشيخ حاول اول حاجه مايكون موسسه... يكون شركه ذ.م.م ذات مسوؤليه محدوده عشان تقل المسؤوليات ... وعقب حاول الي يأجر السجل تقنعه يصير شريك بالنص عشان يتحمل المسؤوليه معاك في اي شيء مستقبلا لا قدر الله .. وتاخذ منه الضمانات .... طبعا على حسب المشروع ... ولا زم تسال عنه وتعرفه وتكون سائل في السوق عدل لو كان له ماضي في السوق .... تحمل قعدة كباتشينو وبدله حلوه واسامي رنانه ... تصدقه .... ولا تكذبه .... خل الاوراق والناس الموثيقين الي يشهدونله وانجازاته ... وفوق هاي كله يحط مبلغ في البنك ماينسحب الا بتوقيعين .... وتتابع المشاريع معاه اول باول ... وتتابع شيء اسمه المصروفات الشهريه ... تندفع اول باول ...

[مليونيرة مفلسة]

هو على حد علمي الله يسلمج انك تروحين وبرقم بطاقتك الشخصيه تطلعين اي شي بأسمج في السجل ... بس اعتقد في طريقه ثانيه الي هي .... اشتركي بخدمة مطراش 2 وعقب بتلقين الشركات الي انتي مخوله بالتوقيع فيها موجوده في البرنامج ... بس احذرك قلتلك الي انتي مخوله بالتوقيع فيها يعني لو واحد فتح بأسمك سجل وماحطج مخوله بالتوقيع مايبين ...... الحل الثالث كتاب تخويل منك مفاده انا الموقعه ادناه اخول السيد/..... بطاقه شخيه رقم 65497445 بتزويدي بجميع السجلات التي باسمي وبرقم شخصي تحطين رقمك الشخصي ... وتوقعين وتبعثينها مع حد موثوق وان شاء الله يفيدونج...

جزاك الله الجنة

[مليونيرة مفلسة]

هو على حد علمي الله يسلمج انك تروحين وبرقم بطاقتك الشخصيه تطلعين اي شي بأسمج في السجل ... بس اعتقد في طريقه ثانيه الي هي .... اشتركي بخدمة مطراش 2 وعقب بتلقين الشركات الي انتي مخوله بالتوقيع فيها موجوده في البرنامج ... بس احذرك قلتلك الي انتي مخوله بالتوقيع فيها يعني لو واحد فتح بأسمك سجل وماحطج مخوله بالتوقيع مايبين ...... الحل الثالث كتاب تخويل منك مفاده انا الموقعه ادناه اخول السيد/..... بطاقه شخيه رقم 65497445 بتزويدي بجميع السجلات التي باسمي وبرقم شخصي تحطين رقمك الشخصي ... وتوقعين وتبعثينها مع حد موثوق وان شاء الله يفيدونج...

جزاك الله الجنة

[احمد1]

جزاك الله الجنة

وجزاك اعالي الجنين ان شاء الله .. ملاحظه الرقم الي انكتب بالرد كنت حاطه عشوائي بدون قصد .....

[احمد1]

جزاك الله خير على الكلام الطييييب

واحد من ربعي دخل في شراكة مع أجانب عرب والحين محكوم عليه 12 سنة

والسبب شيكات بدون رصيد

وجزاك مثله يابوحارب .... الغالي يقال اعقلها وتوكل ... وان شاء الله نستفيد ونعتبر ونتعلم من الي يصير لغيرنا ونتثقف في هالامور والله بيرزقنا ان شاء الله كلنا .... ودايمن خذ حذرك ولا تخاف وحرص ولا تخون ولا تخلي المجامله ولا العاطفه تدخل في مجال عملك وحط لك اسس ماتخالفها تكون صارمه بتلقى ان الامور مرتبه بعون الله .... الله يعين رفيجك ... ويفك سجنه

[احمد1]

نصيحه دايمن اسمعها حاول تشتغل في الي تعرفه