كثره الاجازات عند النساء وتعطيل مصالح الناس !!!

[حمد 2002]

السلام عليكم ورحمه الله وبركاته

الموضوع يحمل العنوان التالي


كثره الاجازات عند النساء وتعطيل مصالح الناس !!!


كثير مايعاني الطلاب والطالبات بالمدارس الذين يدرسونهم نساء مشاكل وتأخر بالدروس بسبب كثره الاجازات التي يأخذونها الحريم بسبب الحمل والولاده وغيرها من الامور الاخرى !! .. مما يأخر هالامر من تحصيلهم الدراسي والمعرفي ،،

وكذلك نجد بان الكثير من القطاعات بالدوله يشتكي المراجعين بها من تاخير معاملاتهم بسبب تلك المشاكل .. فتحصل حالات نقص بالموظفين ومشاكل مالها اول ولا تالي ...


فما رأيكم بتلك المشكله اخواني الاعضاء بشكل عام ؟


مع فائق تحياتي ..

اخوكم حمد 2002

[qatara]

وكل ميسر لما خلق له

والله المستعان

[بوحارب]

السؤال اللي يطرح نفسه

وش سبب الاجازة!!

مريضة
ولا نقاهه
ولا طالعة تتريق مع ربعها
او مسافرة

وليس على المريض حرض ;)

[R 7 A L]

لاتخاف فيه قانون
وما خذوا الاجازة الا بالقانون

[طلعة الروح]

طيب شنو المطلوب، ما تبون المرأة تداوم ولا تبونها تتزوج ولا تبونها تتطلق واذا داومت واصرفت على عمرها انتقدتوها، تموت أحسن:(

[الشامخ]

انت وش اللي مزعلك ؟؟؟؟؟؟؟

[Khaled Qatar]

يعني الموظفه ممنوع تحمل
ياخي عليك مواضيع الواحد يقراها يقوول يالله صباح خير

[راشد محمد]

حمد شنو الحل برايك

[Ţĥę őήę]

اولا مب كل موظفة تحمل وتولد لنقل نص الموظفات في سن الإنجاب والنص الثاني أنسات او خلصوا مرحلة الإنجاب
ثانيا الادارة من مسؤولياتها تتدارك النقص بتحريك بعض للموظفين مؤقتا للإدارات اللي فيها نقص اما المدارس ففي معلمات بديلات

[ضوى]

طيب شنو المطلوب، ما تبون المرأة تداوم ولا تبونها تتزوج ولا تبونها تتطلق واذا داومت واصرفت على عمرها انتقدتوها، تموت أحسن:(

عجبني تعليقج جدا

[Taiki]

اولا مب كل موظفة تحمل وتولد لنقل نص الموظفات في سن الإنجاب والنص الثاني أنسات او خلصوا مرحلة الإنجاب
ثانيا الادارة من مسؤولياتها تتدارك النقص بتحريك بعض للموظفين مؤقتا للإدارات اللي فيها نقص اما المدارس ففي معلمات بديلات

صح كلامك

[Azizuk]

والله انا أراجع اكثر من جهة حكومية وأشوف الأكثر الغياب هو الرجل

اما الحريم ماشاالله عليهم متواجدين وكمية إنجاز المعاملات عند المرأة اكثر من الرجل

صحيح في أمور المرأة تجهل التعامل فيها بس كا عملية إنجاز المعاملات انا أشوفها عند المرأة افضل من الرجل

اما الغياب والانصراف والإجازات يعتمد على حسب ظروف المرأة

[همر]

اطالب بإعدام جميع الموظفات ...

[Khaled Qatar]

اطالب بإعدام جميع الموظفات ...

ظربا بالمطرقه

[لاجل QT]

عادي يمك حمد كل شي منظم اللى بتولد ولابتاخذ اجازةة في بديل لها حتى لو يوم واحد غابت زميلتها في القسم يقطون عنها اجباريا

كل شي له نظام الموضوع مهب سبهللة مثل مالبعض يعتقد

فقط توقيع الناس الكبيرة هي من تعطل الناس

وافهم يافهيم

[qatara]

طيب شنو المطلوب، ما تبون المرأة تداوم ولا تبونها تتزوج ولا تبونها تتطلق واذا داومت واصرفت على عمرها انتقدتوها، تموت أحسن:(



سالتي وتبين الجواب الصحيح

تقر ببيتها مثل ما الله امرها

لان بيتها حقيقة ناقصه نص طاقه الاسره والمجتمع

ولو كان فيه 10 خادمات لن يفيد لانه لايحفظ الحلال الا راعيه

[شبح الصمت]

اخوي حمد

رضينا أم أبينا

المرأة زاحفه زاحفه نحو القمه ..

المرأة لها دور وما نقدر ننكره ولا احد يقدر ينكره ..


ما تبون حريمنا يقابلونهم حريم ..
ما تبون حريمنا يكشفون عليهم دكاتره حريم ..
ما تبون حريمنا يشتغلون في مكان خاص فيهم ..
ما تبون حريمنا يدرسون بناتنا !


كثير الي نبيه من المرأة فعليه يجب ان نتحمل ما نريده ونشكرهم على عملهم ..


كلممة حق تنقال مش كل وحده نفس الصورة الي احنا متخيلنها في اذاهنا من موقف او من أياً كان ..


خلك يابوشهاب ماسك العصى من النص لاجل عدم الاختلال والتوزان

[أم هشام]

حمد ليش كل مواضيعك عن المرأة ..
طفح الكيل والله
و ليش اغلب الشباب بشكل عام مواضيعهم المرأة الزواج الطلاق اللبس المكياج
ما بتحسوا انه عيب يطلع هالكلام من رجال المفروض يكون تفكيرهم و احاديثكم اهم بكثير واعلى مستوى من هالمواضيع اللي تخص النساء فقط

[العنيده]

المراه لها ظروف تفرق عن الرجل اذا كان بالقانون الشغل لازم يتدارك الوضع ويغطي النقص حال كل الادارات ..
بس ليش يعني كل المواضيع عن المره :)

لو الموضوع كان بصوره عامه لكل الاطراف كان فعلا بيكون محايد وواقع نعيشه ..
وتقبل مروري

[pink pearl]

المرأة والمرأة.. ذبحتونا والله..
ياأخ حمد المرض، الحمل ،الولادة وغيره من الأمور هي سنة الله في كونه..
والقانون من ضمنه هذي الإجازات المكفولة للمرأة.. ولو إنه أقل من حقها..
في كندا إجازة الأمومة سنة كاملة .. وهني شهرين بس!!
احنا هدفنا الأساسي نربي جيل سليم قوي ونغذيه تغذية سليمة، ترى الأم المفروض لها وضعها الخاص
في تكليفها بالأعمال

أما سالفة نقص مانقص هذا واجب الإدارات توفر البديل للظروف الاستثنائية

[أم هشام]

و المرأة لها دور كبير جدا و مسؤوليات اكثر من الرجل في كثير م الحالات
صحيح اني بفضل ان تكون اولوية المراة بعد ان ترزق بالاولاد هي ترك العمل والاهتمام بااطفالها ليكبرو
لكن يجب علينا ان نحيي كل مرأة (زوجة تهتم بزوجها و أم تهتم بامور اطفالها شخصيا و ايضا تعمل بوظيفة لتأمين مستوى معيشي ملائم و تخفيف المصاريف على الزوج و الحمل 9 شهور طوال وثقال وتنظيف المنزل او على الاقل الاشراف على امور البيت في حال وجود خدامة)
الا تستحق هذه المرأة الشكر .. واغلب النساء هكذا سواء قطريات او مقيمات .. واغلبهن هن النساء من يصرف على البيت و الاولاد
لكن للاسف بعض الشباب هنا بالمنتدى مركزين على فئة معينه من النساء و معممين على الجميع..

[رجل الجزيرة]

والله حمد موضوع شيق:

تأخذ إجازة علشان:

إجازة وضع ومرة إجازة رضاعة ومرة الرضيع مريض ومرة هي مريضة ومرة إمها مريضة ومرة ومرة ومرة الخ وفوق هذا كله سنوية وإضطرارية.

بس حنا يا الرياجيل 3 إجازات: سنوية وإضطرارية ومرضية.

فعلا معناه.

:)

[بوفهيد]

بصراحة الحمل شوي زايد عليهم , الصباح دوام وفي البيت دوام ثاني .

[ضوى]

قررنا نحن مجتمع الحريم ان نترك لكم هذا الكوكب الجميل لتعيشوا فيه بسلام ووئام . دون وجود حمل ورضاعة وظروف اسرية ومشاكل اطفال ، ومرض الاطفال ......الخ

استمتعوا بالحياه بدون نساء ، سنترك لكم الجمل بما حمل وارونا قدرتكم على تحمل مسؤلية تفريش اسنانكم اقلها

[عطر]

كثره الاجازات عند النساء وتعطيل مصالح الناس !!!


يعني الرياييل ما يمرضون ولا ياخذون اجازات !!!

واذا خذت وحده اجازه المفروض يكون في موظفه بديله

حدث العاقل بما يعقل اخوي .. الله يصلحك بس

[Rider]

غير موقف في الموضوع اخوي حمد يعني ترى بعض الرجال اجازاتهم وايد على الفاضي

[meme-93]

لان المرأه طبيعتها دلوعة اكثر من الريال

[ANONYMOUS]

السؤال اللي يطرح نفسه

وش سبب الاجازة!!

مريضة
ولا نقاهه
ولا طالعة تتريق مع ربعها
او مسافرة

وليس على المريض حرض ;)

:omg:

حرج حرج

[ANONYMOUS]

حمد ماشالله عليك طايح قصف فيهم ماشالله تبارك الله لا اله الا الله عيني عليك بارده

انا من 3 سنين انتقدت الموظفات اللي ياكلون في العمل ومسببين ازمه في الدوامات صادني تسمم

الظاهر اللي قصفتني بعين ماقامت تدش المنتدى

المهم اقرا المعوذات ترى العين حق

[مــاي ورد]

تعطل مصالح !! خلاص أصلا بيوقف االاقتصاد اذا المره ما داومت!! عقب تقولون ليش ما تقعد في البيت احسن لها !! ماعرفنا لكم تبونها تداوم ولا ماتبونها تداوم ارسوا لكم ع بر

[بوراشد82]

لو محصلين رياييل يصرفون عليهم كان اقعدوا فالبيوت وجابلوا عيالهم،، 90% من الموظفات القطريات هم شايلات مصاريف البيت والعيال على ظهورهم ولا عاجبكم ،، مثل الثومة ماكولة ومذمومة،، مع تحيات ام راشد ��

[Journalist]

عاد حسستني ان الرياييل مقطعين الشغل !!
طارحين سبعين موضوع عن المرا و الوظيفة ولا تشتغل و تقعد في البيت
احسن لها والحين تنتقدون ليش ماتشتغل!! ركز على مشاكل الشباب احسن
من التركيز على مواضيع النساء!! كله نقد نقد نقد نقد
مايعجبكم شي

[JN000N]

عيل الدعله الي يداوم يوم ويغيب اسبوع جنه مره حامل تتوحم شنسميه؟

البنات يداومون وينتجون اكثر من الرياييل
الشباب معظمهم
هبابه يقوم ويهه منفخ ايي الدوام ويهه جنه طبل ومتاخر بعد يبصم ويمر عالمدير يتقهوه يبلفيت جوفني موجود ويشل عليه ويعود اخر الدوام يبصم

والا بيطلع بسالفه كل يوم عندي شغل ف البنك
بروح الصناعيه
بروح المستشفى
بروح اخلص اموري ف وزارة مادري شنو
وخذ عاد انت
اخرتها الطيب ف القهوه متكي والا خامد فالبيت

عالاقل المره لو خذت اجازه حامل وربت والقانون معاها ولها اجازه امومه ورضاعه ولين خلصت بتداوم شغلها واضح ماعندها يمين يسار

[أم هشام]

طيب انا راح احكي حقيقة واضحة وضوح الشمس و اكيد راح الاقي تأييد و هجوم
ايام ما كنت اشتغل بالبنك و لسنوات طوال مش شهر و شهرين ولا سنه و سنتين ...
و جدت انه البنت القطرية تشتغل (و بتلتزم) بوظيفتها بالبنك بشكل افضل و احسن من الشباب و بتمسك عمل حساس ما قدر عليها كثير من الشباب اللي هربوا من البنك لوظائف حكومية مريحة

[حسن]

وضعك صعب يابوشهاب

لا لا

الصراحه انت ظالم

:)

[لاجل QT]

عيل الدعله الي يداوم يوم ويغيب اسبوع جنه مره حامل تتوحم شنسميه؟

البنات يداومون وينتجون اكثر من الرياييل
الشباب معظمهم
هبابه يقوم ويهه منفخ ايي الدوام ويهه جنه طبل ومتاخر بعد يبصم ويمر عالمدير يتقهوه يبلفيت جوفني موجود ويشل عليه ويعود اخر الدوام يبصم

والا بيطلع بسالفه كل يوم عندي شغل ف البنك
بروح الصناعيه
بروح المستشفى
بروح اخلص اموري ف وزارة مادري شنو
وخذ عاد انت
اخرتها الطيب ف القهوه متكي والا خامد فالبيت

عالاقل المره لو خذت اجازه حامل وربت والقانون معاها ولها اجازه امومه ورضاعه ولين خلصت بتداوم شغلها واضح ماعندها يمين يسار

ايلايكت دعلة هههههه حبيت الكلمة راكبة عدل

جنون

روحي اللند الساعة 9 صباحا بتشوفين ادعل وايد

عدل جمع دعلة ادعل؟؟

[النهار]

ايلايكت دعلة هههههه حبيت الكلمة راكبة عدل

جنون

روحي اللند الساعة 9 صباحا بتشوفين ادعل وايد

عدل جمع دعلة ادعل؟؟

:eek5::eek5:

ياترى ماهو السر مكانين المول والاند :shy:
ظلمتيهم يالشيخه الشباب يرحون يتريقون ويسون شوية رياضه
ويردون الشغل ويشتغلون بكل ذمه وضمير ونشاط يمكن شغل اسبوع يخلصونه في يوم :nice:

[بريق الماسه]

ايلايكت دعلة هههههه حبيت الكلمة راكبة عدل

جنون

روحي اللند الساعة 9 صباحا بتشوفين ادعل وايد

عدل جمع دعلة ادعل؟؟

في وين بالضبط في اللاند ؟؟ :shy:

[باراكودا]

المطلوب مدرسة عاقر

[JN000N]

ايلايكت دعلة هههههه حبيت الكلمة راكبة عدل

جنون

روحي اللند الساعة 9 صباحا بتشوفين ادعل وايد

عدل جمع دعلة ادعل؟؟
هههههههههه
وقبل اقول حلاة المجمعات الضحى خاليه ومافيها شباب نتسوق ع راحتنا
الحين صبح وليل هم هناك مبسطين الظاهر مطرودين من بيوتهم
ويقولج الريال انتاجيته اكثر من الحريم
خذي بس انتي
دعل ادعل دعلي دعلات ههههههههه

:eek5::eek5:

ياترى ماهو السر مكانين المول والاند :shy:
ظلمتيهم يالشيخه الشباب يرحون يتريقون ويسون شوية رياضه
ويردون الشغل ويشتغلون بكل ذمه وضمير ونشاط يمكن شغل اسبوع يخلصونه في يوم :nice:

اي مشالله


في وين بالضبط في اللاند ؟؟ :shy:

ف كل مكان
جنهم قراريص منتشرين

[طلعة الروح]

عيل الدعله الي يداوم يوم ويغيب اسبوع جنه مره حامل تتوحم شنسميه؟

البنات يداومون وينتجون اكثر من الرياييل
الشباب معظمهم
هبابه يقوم ويهه منفخ ايي الدوام ويهه جنه طبل ومتاخر بعد يبصم ويمر عالمدير يتقهوه يبلفيت جوفني موجود ويشل عليه ويعود اخر الدوام يبصم

والا بيطلع بسالفه كل يوم عندي شغل ف البنك
بروح الصناعيه
بروح المستشفى
بروح اخلص اموري ف وزارة مادري شنو
وخذ عاد انت
اخرتها الطيب ف القهوه متكي والا خامد فالبيت

عالاقل المره لو خذت اجازه حامل وربت والقانون معاها ولها اجازه امومه ورضاعه ولين خلصت بتداوم شغلها واضح ماعندها يمين يسار

اتفق معاج البعض منهم يدوام عشان الراتب أما الانتاج صفر، أهم شي يرز ويهه ويثبت حضوره
ف يتم على راس وظيفته لأنه محسوب على علان وفلتان
وغير انه يجيبون له موظفات يشتغلون بداله لأنه وعليه مايعرف، أو الشغله مب قدره ولا مقامه.
هاي وهو خبرته تعدت الامية سنة وكله مايعرف ، تعودوا ع الاتكاليه بعض الشباب والتركيز على مصالحهم الشخصيه اكثر من الاهتمام بالانتاج.
اما الموظفة اذا غابت أو تأخرت أو اطلبت اجازة، تقوم قيامة القسم ويسببون لها مشاكل ويوقعونها انذارات فقط لأنها بنت وماتقدر ترز ويها عند المسؤولين.
ف ليش الوحده اتعب نفسها وتداوم مادام للحين هالتمييز بين الرجل والمرأة موجود ف العمل، خل نقعد بالبيوت والدولة تصرف علينا، وخل الشباب يدفعون عجلة التنمية بروحهم.

[دايموند]

اطالب بوأد البنات ....
عشان يرتاحون من الحريم ومايكون في مواضيع عن الحريم خير شر

[الدبلوماسي]

بشكل عام انتاجيه الحريم اكثر من الرياييل بمراحل في الوزارات والدوائر

[BIG-VEGA]

دام انها اجازات بعذر وقانونيه مافيها مشكله
واذا فيه حالات استثنائيه بتعطيل الشغل او غيره فهي نادره وماتتعمم

واصلا لو القرار عندي اخلي دوام المتزوجه مايتعدى ال 5 ساعات في اليوم في كل القطاعات

[عطر فرنسي]

صباح الخير

تجلس في بيتهم احسن اذا كانت تاخذ اجازات كثيره

[لاجل QT]

:eek5::eek5:

ياترى ماهو السر مكانين المول والاند :shy:
ظلمتيهم يالشيخه الشباب يرحون يتريقون ويسون شوية رياضه
ويردون الشغل ويشتغلون بكل ذمه وضمير ونشاط يمكن شغل اسبوع يخلصونه في يوم :nice:

وشاهد شاهد من اهلها

يطلعون 10 حق الكوفي والتخزخز شيردهم ذيلا مرة ثانية لمكاتبهم

اها يمكن حق البصمة:rolleyes2:

مدري اشلون يحللون راتبهم

ترا مايجوز شرعا وين اذا عملت عملا فاتقنة


في وين بالضبط في اللاند ؟؟ :shy:

اي كوفي مقعدين فية بالذات اللى قريب الالعاب موقعة استراتيجي حق ماتمر وحدة الا خزوها تمام

او اللى مقابل دماس

تحاشوهم يابنات وياحريم انا مامر ذاك الصوب ملغم

لا ومقسمين عمرهم هههههه

الكوفي اللى مقابل كارفور للشياب :nice:



هههههههههه
وقبل اقول حلاة المجمعات الضحى خاليه ومافيها شباب نتسوق ع راحتنا
الحين صبح وليل هم هناك مبسطين الظاهر مطرودين من بيوتهم
ويقولج الريال انتاجيته اكثر من الحريم
خذي بس انتي
دعل ادعل دعلي دعلات ههههههههه


اي مشالله



ف كل مكان
جنهم قراريص منتشرين

وبالذات يووم الخميس

تقولين شابكينة مع الجمعة اجازة ربع دوام


الخطأ على المكان اللى يشتغلون فية لاحسيب ولا رقيب

[عثرة جواد]

السلام عليكم

اخوي حمد انا موظفه واشوف العكس الشباب هم الي يتخرون ومافي انظباط ....
وبنسبه للحمل والولادة الشعوب المتقدمه والحظاريه تعطي اجازة سنه للام ويكون لها بديل لحيث عودتها
ومثلك عارف دورالام ف تربية الابناء

[khaldoon]

يا جماعه تخيلوا ....مجرد تخيل ....اخونا العزيز حمد صار وزير العمل (الله لا يقولها).... ايش بيصير في الحريم و في موظفين القطاع الخاص و العام.....لا لا لا لا .... مجرد التخيل صار عندي هلع و رعب

[qatara]

يا جماعه تخيلوا ....مجرد تخيل ....اخونا العزيز حمد صار وزير العمل (الله لا يقولها).... ايش بيصير في الحريم و في موظفين القطاع الخاص و العام.....لا لا لا لا .... مجرد التخيل صار عندي هلع و رعب


اتركك من حمد

تخيل لو احد الصحابة رضي الله عنهم
جاء بزمننا هذا هل سيقبل ما يحصل

؟

[JN000N]

اتفق معاج البعض منهم يدوام عشان الراتب أما الانتاج صفر، أهم شي يرز ويهه ويثبت حضوره
ف يتم على راس وظيفته لأنه محسوب على علان وفلتان
وغير انه يجيبون له موظفات يشتغلون بداله لأنه وعليه مايعرف، أو الشغله مب قدره ولا مقامه.
هاي وهو خبرته تعدت الامية سنة وكله مايعرف ، تعودوا ع الاتكاليه بعض الشباب والتركيز على مصالحهم الشخصيه اكثر من الاهتمام بالانتاج.
اما الموظفة اذا غابت أو تأخرت أو اطلبت اجازة، تقوم قيامة القسم ويسببون لها مشاكل ويوقعونها انذارات فقط لأنها بنت وماتقدر ترز ويها عند المسؤولين.
ف ليش الوحده اتعب نفسها وتداوم مادام للحين هالتمييز بين الرجل والمرأة موجود ف العمل، خل نقعد بالبيوت والدولة تصرف علينا، وخل الشباب يدفعون عجلة التنمية بروحهم.

والله عندي واحد ف الدوام نفس وصفج بالضبطططططططططط ويزيد عليه
ويهه بليته واسلوبه واطي ومسوي نفسه شيخ على الطل
كب ماسلموه شي يسويه يروح الوقت وهو ماسوا شي كلش مع ان نتابعه ويقول كل شي اوكي بس قبلها بيوم وقت نبي نجوف يطلع ماسوا شي
واخرتها يطيح الضغط ع راسي اسوي كل شي اهو خربه وعلى راس رئيس قسمنا
ولانه قطري يبلفيت مايقدرون يقولون له شي واللي عندنا اجانب مايحتكون فيه وايد يخافون
مافي الا انا تميت راسي براسه لين طلعت اخس مافيه وبين الصج قدامهم والحين يبونه يطلع ب اي طريقه بس مايقدرون يطردونه بحكم ان قطري بس يدورون له مكان ثاني عشان يزينونه بعينه

[JN000N]

اتركك من حمد

تخيل لو احد الصحابة رضي الله عنهم
جاء بزمننا هذا هل سيقبل ما يحصل

؟

وهل سيقبل ان المره تكد ع بيتها لان كثرو اشباه الرجال؟

[نوور الدووحه]

يعني الموظفه ممنوع تحمل
ياخي عليك مواضيع الواحد يقراها يقوول يالله صباح خير

أي والله هاي الي يبونه ..في سنه 2010 اشتغلت بمدرسه المديره تقولي منو قالج تحملين هههههههههههههههههه تخيلو :eek5:؟؟؟ مطلقه وحاطه حرتها بالموظفات خاصه المتزوجات ممنوع نحمل:funny: ممنوع ناخذ ساعة رضاعه ممنوع نطلع لظرف طارئ يخص عيالنا والي تتزوج تحط العين عليها :secret:... بالاخير صارت توظف بنات ماتزوجو <<مصيرهم يتزوجون :tease: ..

[ضوى]

أي والله هاي الي يبونه ..في سنه 2010 اشتغلت بمدرسه المديره تقولي منو قالج تحملين هههههههههههههههههه تخيلو :eek5:؟؟؟ مطلقه وحاطه حرتها بالموظفات خاصه المتزوجات ممنوع نحمل:funny: ممنوع ناخذ ساعة رضاعه ممنوع نطلع لظرف طارئ يخص عيالنا والي تتزوج تحط العين عليها :secret:... بالاخير صارت توظف بنات ماتزوجو <<مصيرهم يتزوجون :tease: ..

هذي انسانة معقدة ومب من حقها ولا من حق اكبر راس يمنع المرأة تتزوج وتحمل ، والله حلوة يبه هذي

[qatara]

وهل سيقبل ان المره تكد ع بيتها لان كثرو اشباه الرجال؟

انتي وش رايج مذا سيقول للاثنين

للرجل وللمراه

؟

جاوبيني بحق الله وليس بالمجامله


الن يقول لها قري ببيتج ويقول له هي بذمتك والله محاسبك وليس الناس
وعليك اكلها وشربها ولبسها وما تطيب به نفسك من مصروف لها


اجيبيني بما امر الله وليس بما قاله الغرب

[JN000N]

انتي وش رايج مذا سيقول للاثنين

للرجل وللمراه

؟

جاوبيني بحق الله وليس بالمجامله


الن يقول لها قري ببيتج ويقول له هي بذمتك والله محاسبك وليس الناس
وعليك اكلها وشربها ولبسها وما تطيب به نفسك من مصروف لها


اجيبيني بما امر الله وليس بما قاله الغرب

والمرأه ف زمن الرسول والصحابة ماكانت تشتغل؟ معليش بس لان ماعرف اذا كانت لها وظيفه او لا
وماعرف اذا كان من حقها تتعلم وتطلب اعلى الدرجات وتساهم ف بناء المجتمع او لا
واكيد ماراح يىافق ع شغل المراه ف اماكن مختلطه
لكن مايمنعا تصرف ع بيتها وعيالها ولا يمنعها تكمل دراستها وتتعلم مش كلام غرب طبعا لان الاسلام كرم المراه ومافي ديانه وضعت حقوق للمراه كثر الاسلام

وارجع اقول هل بيوافق ع اشباه الرجال؟ الي مقصر مع مرته وعياله ومصاريفهم

[qatara]

والمرأه ف زمن الرسول والصحابة ماكانت تشتغل؟ معليش بس لان ماعرف اذا كانت لها وظيفه او لا
وماعرف اذا كان من حقها تتعلم وتطلب اعلى الدرجات وتساهم ف بناء المجتمع او لا
واكيد ماراح يىافق ع شغل المراه ف اماكن مختلطه
لكن مايمنعا تصرف ع بيتها وعيالها ولا يمنعها تكمل دراستها وتتعلم مش كلام غرب طبعا لان الاسلام كرم المراه ومافي ديانه وضعت حقوق للمراه كثر الاسلام

وارجع اقول هل بيوافق ع اشباه الرجال؟ الي مقصر مع مرته وعياله ومصاريفهم

مقصر هاذي كلمه للتحجج فالبيوت اسرار لايعلمها الا الله
لاكن بعضهن مته ما قلبت وكفرت العشير حطت لها تبريرات
عطيني اي مره زعلت ويا زوجها لو على سالفه كوب ماء

بتحطه مقصر وبخيل وفيه ويخطيه تخلي سالفة الكوب وتسوي
افلام من كل الانواع ودائما الافلام والمسلسلات ما يجعلون
المراه مظلومه حتا لو كان جرمها للسماء
لفتنه المسلمين وزرع الفتنه بينهم ودققي فهي كذالك


كلنا نعرف ذالك هي حجج لتبرير فعلتها


وليست مجبوره تكد على بيتها ولا الله طالبها بذالك المجبور الرجل
هي علىيها دور محاسبه امام الله عنه وهو قيامها ببيتها
وهو عليه دور الله محاسبه عليه صرفه على بيته


ولا يحتاج يا اختي اشرح وافصل فالدين
واضح لمن يخاف الله واليوم الاخر

سواء رجل او امره

[يمامـة]

علشان نكون حقانيين.. المرأة اللي بتحمل سنة وترك شي طبيعي تكثر اجازاتها
وهذا شي معروف وما نقدر ننكره، والإجازات هذي تأثر على سير العمل
سواء في المدارس او غير المدارس.

لكن بشكل عام الامراض الثانية الرجل والمرأة فيها سواء.

طلابنا في المدارس يعانون من الاجازات المتكررة للمدرسة الحامل
ويعانون من اجازات الولادة ويعانون بعد من خروجها سنة من غير راتب.

بعض المدارس تمر اسابيع و المدرسة تعبانة من الحمل.

هالشي واقع متعايش .

[بو الجوري]

سؤال
المره إذا ربّت كم يعطونها إجازه ؟ < فالجهات الحكوميه

[سعادة الوزير]

اجازة رسمية وحسب اللوائح والقوانين ، وين المشكلة بالضبط؟؟؟؟

[نفسي عزيزه]

المراه شغلها اكثر واظبط من الرجل نعطيك مثال في احدى الوزارات
شوف الجوازات المبنى الرئيسي بالغرافه شاكرينهم بوطني الحبيب والعميد البوعينيين عطاهم اجازات يومين على كفائتهم
بصراحه شغولين واحييهم على تعاملهم وسرعة انجازاتهم مشكورين

[وليف الشوق]

عفوا من وين جبت الاستبيان هذا على الموظفات ؟ انت ماتدري ان الموظفه ممكن تربي وتخلف وتمرض وتاخذ اجازة ؟ انت تعرف ان الموظفه حالها حال اي موظف واللي القانون يكفل له جميع الاجازات المقرره والمسموح بها ؟ هل تعلم ان الموظفه ممكن تروح بعثه او تروح مهمه او تسافر للمرافقه الطبيه ؟ هل تعلم ان الموظفه انسانه ؟ حالها حال اي انسان يتعب ويستحق اجازة مرضيه او يوميه او سنوية ؟ ياااااااااااااااااااااااااااخي اتق الله في اخواتنا الموظفات ؟ وبعدين تعال خبرني متى رحت اداره وتعطلت اشغالك الهامه او الكبيرة ؟ اخاف خسرت مليار بسبب اجازة بسيطه من موظفه
والشي الثاني اللي ودي اذكرك فيه ان عمل المراء يمكن يكون من الساعه 6 الفجر الى الساعه 2 او 3 العصر
متى تلحق على مشاكل بيتها والكارثة الاعظم ياااخي كثير من الموظفات اللي مسكينه تبذل جهد عشان توفر حاجتها وحاجات عيالها ورواتب السايق او الخدامه اللي على كفالتها !!! ياخي عقب هالرد اقتنعت في كلامي ؟

والله ان اكثر همي بالموظفه اللي تجتهد وتكرف اثناء عناء الدوام الرسمي واخر المطاف قدامها بيتها وزوجها والغدى ومتابعه دروس العيال هذا غير اعمال البيت




يااااااااااااااااااااااااااااااااااااااااااااخي جننتي بموضوعك والله

[تغلبية]

الموظفة حاضرة والا غايبة .. مسوولية المدير او الرئيس المباشر يوزع الشغل ويضمن اتمام معاملات المراجعين بدون تاخير ...

والموظفة ما اطلعت الا باجازة رسمية حسب القانون!

وين المشكلة حمد ؟!

[بحر شرق]

اعتقد كلن على ضميره يمشي والله يراقب كل إنسان في عمله سواء رجل او أمراه

[w.qatar]

مت من الضحك على اللي يقول اعدموا كل الموظفات

^_^

ناخذ اجازات ع الاقل مب مثل بعض الموظفين اللي طول الدوام هياته بس يجون يبصمون و يطلعون

[JN000N]

مقصر هاذي كلمه للتحجج فالبيوت اسرار لايعلمها الا الله
لاكن بعضهن مته ما قلبت وكفرت العشير حطت لها تبريرات
عطيني اي مره زعلت ويا زوجها لو على سالفه كوب ماء

بتحطه مقصر وبخيل وفيه ويخطيه تخلي سالفة الكوب وتسوي
افلام من كل الانواع ودائما الافلام والمسلسلات ما يجعلون
المراه مظلومه حتا لو كان جرمها للسماء
لفتنه المسلمين وزرع الفتنه بينهم ودققي فهي كذالك


كلنا نعرف ذالك هي حجج لتبرير فعلتها


وليست مجبوره تكد على بيتها ولا الله طالبها بذالك المجبور الرجل
هي علىيها دور محاسبه امام الله عنه وهو قيامها ببيتها
وهو عليه دور الله محاسبه عليه صرفه على بيته


ولا يحتاج يا اختي اشرح وافصل فالدين
واضح لمن يخاف الله واليوم الاخر

سواء رجل او امره

انت مقتنع من كلامك الحين!
مقتنع ان المره مني والدرب بتقول مقصر والل ع اسباب تافهه؟
من صجك يعني والا تتغشمر؟

[qatara]

انت مقتنع من كلامك الحين!
مقتنع ان المره مني والدرب بتقول مقصر والل ع اسباب تافهه؟
من صجك يعني والا تتغشمر؟عَنْ ابْنِ عَبَّاسٍ قَالَ قَالَ النَّبِيُّ صَلَّى اللَّهُ عَلَيْهِ وَسَلَّمَ "

أُرِيتُ النَّارَ فَإِذَا أَكْثَرُ أَهْلِهَا النِّسَاءُ يَكْفُرْنَ قِيلَ أَيَكْفُرْنَ
بِاللَّهِ قَالَ يَكْفُرْنَ الْعَشِيرَ وَيَكْفُرْنَ الْإِحْسَانَ لَوْ أَحْسَنْتَ
إِلَى إِحْدَاهُنَّ الدَّهْرَ ثُمَّ رَأَتْ مِنْكَ شَيْئًا قَالَتْمَا رَأَيْتُ مِنْكَ خَيْرًا قَطُّ ".

ممكن تقولين لي ماذا يعني هذا الحديث وهذه الفقره بالاخص

مَا رَأَيْتُ مِنْكَ خَيْرًا قَطُّ

معقوله لهل الدرجه يسعي شهور وسنين ويرزقها والله الرازق واخرتها

ومارايت منه خيرا قط؟
اليس هذا جحد وكفران ؟
او ماذا تسمينه ؟

غالبهن بالنار لماذا اليس بسبب كفران العشير ؟

ولماذا القليلات من اهل الجنه اليس لانهن

قارت ببيوتهن كما امرهن الله
ومحسنات التبعل للعشير

والله اعلى واعلم

[h9466]

الدين اوصانا بهن خيرا،،،ما اكرمهن الا كريم وما اهانهن الا لئيم،،ومن مراجعاتي لاكثر من جهة حكومية وبشكل دوري ارى ان الحقيقة العنصر النسائي تعامله جدا راقي وسرعة في انجاز المعاملات ،،،واراهم دائما في اماكنهم ،،،كلمة حق يجب ان تقال بدون نفاق او مجاملة،،،

[نتفـه]

راعي الموضوع .. ما تتمنى لو ان الحريم ما انخلقوا احسن لك ؟ :)

[qatara]

راعي الموضوع .. ما تتمنى لو ان الحريم ما انخلقوا احسن لك ؟ :)

لا بلعكس


إن النساء رياحين خلقن لنا *** وكلنا يشتهي شم الرياحينا


وحلاة الريحان والورود بجنينته الذي انبتها الله فيها (بمكانه الطبيعي ) بيتها

وان قطف وغير مكانه عجل فساده و ذبولة ولو كان بمزهريات من ذهب

اليس كذالك