هــل هو مــؤلــم ..!! أم يعــــور القــــلـــب ..!!

[مهرة]

السلام عليكم ورحمة الله وبركاته ..

لو سمحتوا سموا بالرحمن قبل ماتقروون الموضوع ..

عشان ابليس وعشان النزعة الهجومية الجميلة الي تتمتعون فيها ..

والي يشوف ان هذا الكلام لا يعنييه ولا يشمله يتفضل من بوابة الفي آي بي :nice:

بسم الله نبدأ ..

على غرار الأزواج الموظفين والغير موظفين كيف يرتبون أولوياتهم :
* لنفسهم بالمقام الأول
*للعمل وطموح الأعلى
*لتربية الأبناء وقضاء احتياجاتهم
*لصلة الرحم والأقارب
*للأصدقاء والترفيه
*للعبادات وزهد متاع الدنيا
*الأخيرة هذي مجالات أخرى

المؤلم في الموضوع لمن أشوف أطفال صغار تقريباً من عمر ال3 لين 7 أحلى فترة للطفل يحس فيه باهتمام امه وابوه .. وتطبع بذاكرته ذكريات جميلة ويتذكرها ويفتخر فيها ويباهي فيها أمام أقرانه .. انا رحت .. ماما جابتلي .. بابا وداني .. أشوفهم مع الخدم والسواقين الي خذوا دور الأم الحنون والأب الغافل شفتهم بعرووض تقام للأطفال مثل المسرحية الموسيقية اتجرهم الخادمة وراها كنهم ؟؟ واحد ورى الثاني وتقعدهم وتأمر عليهم اقعد لا تحرك لا تروح وتناظر الجوال وتأفف متى يخلص العرض ونفس الحالة مع السايق ملبسينه ثوب انه يعني مادري شاقوول .!! عادي يطرشون بناتهم معاه وعيالهم والأدهى والأمر انه اكثر من حالة شفتها بهالمنظر انترست القاعة بوجود الخدم والسواقين .. والأجانب مع عيالهم معبيين الصالة بضحكاتهم ومشاركة عيالهم تصفيق ورقص وضحك وتصوير ولحظات ممتعة ومعززة أيضاً لعيالهم .. أنا أفرح لمن أشوف ابتسامة عيالنا الخجولة وضحكاتهم البريئة وأسئلتهم اللجووجة حلو تشاركونهم وتحتوونهم وتحسسونهم انهم أغلى ماتملكون وانه انتوا الدرع الواقي والقوي لهم ولبقية حياتهم ..

وللأمانة شفت كم عائلة قطرية من رب الأسرة ومن الأم الفاضلة ينعدوون عالأصابع أشكرهم وأقدرهم والله يكون بعونهم ويوفقهم ويبلغهم بعيالهم أعلى المراتب
والي كانوا راقدييين الله يخلف عليهم ضيعتوا أسعد وأجمل لحظات بعمركم (يالجكر).!!
وللعلم فقط هذه العرووض دائماً ماتقام بالويكند يعني مالهم عذر ..

هاه ممكن اتقولون لي طبعاً الي حاب يشارك وين الفرق بين الأمهات الموظفات والغير موظفات ووين دور الأب المثالي الكادح ..؟

شنو الصعوبات الي واجهتكم يوم انكم ماقدرتوا تحضرون مع فلذات أكبادكم .؟؟
وهذا فيض من غيض جات على كم عرض في السنه غير روحتهم للمدارس وللمجمعات ولكل مكان ..! تراهم أمـــانه وهبة ربي عطاكم وبأي وقت ياخذها منكم من غير سابق انذار ..

مؤلم ولا يعور القلب ؟؟

[زبرجد]

بتكلم من واقع أنا لمسته عن قرب
السبب إنهم أنانيين
. كارهين المسؤولية و ثقيلة عليهم...
يبون وناستهم ...

وما يناسب برستيجهم

وما يخافون من الله في عيالهم

وأحب أقول لكل أم تثق في الخدم ثقة عمية تأكدي إنها ما تحب هالمسؤولية وإنها مب قدها

وياما جفنا خدامات يعتدون عاليهال بالضرب في غياب الوالدين

وياكلون من أكلهم والياهل بس هبابة ينزع يدة من يد الخدامة إللي ماسكته بعنف وبشدة

ولا تقولون لااا إلا خدامتي ..

وبري عيالج صغار يبرونج وانتي كبيرة

لا والله الموضوع ما يعور القلب ولا هو مؤلم إلا ينحر القلب وأنا أختج ... !!

[زبرجد]

دخلت مرة ثانية عقب ما نصرفت من المنتدى بس عشان أشاركم .

[همر]

القطريين مايودون عيالهم الا تحفيظ قران مالهم بهالسوالف...

[لاجل QT]

الجيل والاجيال القادمة ضايعة بسبب انانية الاب والام

كان التربية عاتق ثقيل على اكتافهم...نسو انهم محاسبين عليها من رب العباد

عقب يجيون يصيحون في المنتديات والمجالس بنتى بوية ولدي (جي )ولدي مايصلي بنتى ماتصلي اذا عاد يهمهم اعيالهم يصلون ولا لا ..الخ من البلاوى اللى نسمعها

جيل معرض للضياع والانحلال الاخلاقي جيل ماربوة ابوة وامة تربية صحيحة

[قطري 777]

الله يجزى امي خيررر فدييت امي الحمدلله اني مولود من زمان ولا كانت طفولتي كلها قهررر

موضوع الصراحه واقعي ونشوفه والادهى والا مر ان بعض الا مهات وخساره فيها كلمه ام الصراحه تخلي ولدها ولا بنتها ترقد مع الخدامه ويقوم الطفل اخر الليل يبكي يبي مرضاعه ولا موسخ الله يعزكم وش تتوقعون من الخدامه اكيد الاجابه هي بتعطيه درس من دروس الكراتيه اتقوا الله في الاطفال يا معشر الحريممم .

[ضوى]

شي مؤلم ومحزن ويعور القلب ، في العمر اللي قلتيه كنت دايما مع عيالي في لعبهم وترفيهم ، او ابوهم الله يعطيه الصحة والعافية ، والحين العليا فديتها ، اطرشها مع الشغاله اذا شفتها وايد مصرة على الطلعة لكن مع اخوها والا اختها والا ابوها ، والا الغالب انا اكون معاها حتى بالنطاطية وبالحباسة الكبيرة ، اصير طفلة معاها ، واحزن من منظر الاطفال اللي كبر بنتي واصغر واكبر والشغاله اللي تلاعبهم وتركض وراهم ، اتذكر في مرة من المرات بنت صغيرة ماتتعدا الثلاث سنوات تشوفني مع بنتي وتبتسم وتطالع الشغالة وتكشر واصلا ماكانت فاضية الشغالة تقرقر في الموبايل والبنت تحرق القلب ، اخذتها ولعبتها مع بنتي صج استانست ، حسيتها محتاجة امها وااايد ، عورت قلبي والله ، الياهل بهالسن يتعلق بامه وايد ، شغالتي اللي للعليا وايد طيبة وحنونة وبنتي تحبها لكن اذا وصلت البيت تركض لي بنتي وماترضى تسوي لها شي ، الشغالة ترا انسانة مثلنا عندها عيال وتحن عاليهال ، حرام نقلل من مشاعرها ، الحب مايقتصر علينا احنا بس ، ترا بعد هم في حب في قلبهم ولما نخلي عيالنا يلعبون معاهم ويحترمونهم بيكون تقدير لاحاسيسهم ومشاعرهم بالاخير الشغالة قد تكون ام ومشتاقة لحضن طفل ، والرحمة في قلب كل ام طبيعية والشواذ مب موضوع نقاشنا

[شبح الصمت]

الدنيا عادها بخير


كل ما اسمع كيف اصبحت ادري انه في تربيات واخلاق طلاب وطالبات ماشاء الله عليهم ..

لا ننكر انه في ناس مهملين عيالهم

من همل تهمل

ولكن هناك من لهم أسباب وظروف حياة لا يمكن ليد وحده ان تصفق ..

اهم شيء الاهتمام والمتابعة للاطفال حتى لو ما كنت حولهم دائماً

الاطفال في مراحلة عمرهم يتعلقون في الام اكثر من الاب لتواجدها المستمر في البيت هذه غير الموظفة
وبعض الموظفات انشهد انهم ما يقصرون مع عيالهم
بعد الدوام ( كرف دوام واهتمام فالبيت )

يعطيهم العافيه

دور الام كبير في حياة المتزوجين
والزوجات لازم يتحسبون ويصبرون


يعطيج العافيه اختي مهره موضوعج فالصميم

[ضوى]

والاهم من هذا كله في شغالات يحفظون اليهال قرأن ، والام تغني وتتفرفر في الاسواق ، في هالظرف الام افضل ام الشغالة ، لازم الام تكون مع عيالها حتى مع وجود الشغالة التوجيه والمتابعة والمراقبة ضرورية ، اما اني اسلمهم الخيط والمخيط وعقب ابكي عاللبن المسكوب فهذا ماينفع

[العلياا]

أي والله الموضوع يعور القلب واستغرب من يامنون الخدم على عيالهم !!
ولو تكرم الاب والا الام يروحون مع عيالهم تلاقينهم يمشون والعيال وراهم وكل ياهل مع خدامة
يعني فالحالتين مهملين مهملين :(

[احمد1]

مع الطفره وارتفاع مستوى المعيشه مشاء الله واقع مرير نعيشه صارو الخدم ياخذون مكان الوالدين في معظم الاوقات ... العذر اشتغل ... لا حول ولا قوة الا بالله ادري الكلام يمكن يزعل فئه من... بس لو كلن شاف مهامه ومسؤولياته الحقيقيه ... كان احنا بخير وبعافيه .... الرجل عليه مسؤولية توفير العيش الكريم ويكدح ويشقى ويوفر كل ماهو مناسب لعائلته والمرأه تقوم بدورها كأم تربي عيالها وتداريهم ومب عيب لو طبخت لهم ولبستهم وجابلتهم ... واذا اكبرو العيال وفضيتي اشتغلي المكان الي تبينه بس تكونين متفرغه للشغل ... شكرا على طرح هذا الموضوع الهادف..

[مهرة]

دخلت مرة ثانية عقب ما نصرفت من المنتدى بس عشان أشاركم .

يعطيج العافية خيتي ومشكورة على اهتمامج واضافتج المميزة ..

ومثل ماتفضلتي كل ما الأم والأب كانوا عطوفين وحنونين وباريين في عيالهم عند الصغر بيلاقونها ان شاءالله مظلة وعصا عند الكبر ..

سمح الله درووبج يالغالية بالسلامة

[مهرة]

الجيل والاجيال القادمة ضايعة بسبب انانية الاب والام

كان التربية عاتق ثقيل على اكتافهم...نسو انهم محاسبين عليها من رب العباد

عقب يجيون يصيحون في المنتديات والمجالس بنتى بوية ولدي (جي )ولدي مايصلي بنتى ماتصلي اذا عاد يهمهم اعيالهم يصلون ولا لا ..الخ من البلاوى اللى نسمعها

جيل معرض للضياع والانحلال الاخلاقي جيل ماربوة ابوة وامة تربية صحيحة


بارك الله فيج وأخيراً جانا هالأعتراف الدامي فعلاً في امهات واباء مسميات فقط هم أنانيييين بالدرجة الأولى والعيال ماهو الا تحصيل حاصل ..!

ويحسبون التربية والمسؤولية ينشرى بالفلوووس بالخدم وبتلبية الطلبات من غير تقدير او حساب ..

يعطيج العافية اختي لآجل قطر .. :tease:

[مهرة]

الله يجزى امي خيررر فدييت امي الحمدلله اني مولود من زمان ولا كانت طفولتي كلها قهررر

موضوع الصراحه واقعي ونشوفه والادهى والا مر ان بعض الا مهات وخساره فيها كلمه ام الصراحه تخلي ولدها ولا بنتها ترقد مع الخدامه ويقوم الطفل اخر الليل يبكي يبي مرضاعه ولا موسخ الله يعزكم وش تتوقعون من الخدامه اكيد الاجابه هي بتعطيه درس من دروس الكراتيه اتقوا الله في الاطفال يا معشر الحريممم .

رحم الله والديم ووالدينا والله يخلييلك اميمتك ..

الحمدالله بعدنا على النهج الجميل نهج قويم مستقيم متوارث طيب من الأجيال السابقةوهذا لا يخلو من مساعدة بعض الخدم في الشغلات الضرورية ..

يعطيكم العافية اخوي في الله ..

[مهرة]

شي مؤلم ومحزن ويعور القلب ، في العمر اللي قلتيه كنت دايما مع عيالي في لعبهم وترفيهم ، او ابوهم الله يعطيه الصحة والعافية ، والحين العليا فديتها ، اطرشها مع الشغاله اذا شفتها وايد مصرة على الطلعة لكن مع اخوها والا اختها والا ابوها ، والا الغالب انا اكون معاها حتى بالنطاطية وبالحباسة الكبيرة ، اصير طفلة معاها ، واحزن من منظر الاطفال اللي كبر بنتي واصغر واكبر والشغاله اللي تلاعبهم وتركض وراهم ، اتذكر في مرة من المرات بنت صغيرة ماتتعدا الثلاث سنوات تشوفني مع بنتي وتبتسم وتطالع الشغالة وتكشر واصلا ماكانت فاضية الشغالة تقرقر في الموبايل والبنت تحرق القلب ، اخذتها ولعبتها مع بنتي صج استانست ، حسيتها محتاجة امها وااايد ، عورت قلبي والله ، الياهل بهالسن يتعلق بامه وايد ، شغالتي اللي للعليا وايد طيبة وحنونة وبنتي تحبها لكن اذا وصلت البيت تركض لي بنتي وماترضى تسوي لها شي ، الشغالة ترا انسانة مثلنا عندها عيال وتحن عاليهال ، حرام نقلل من مشاعرها ، الحب مايقتصر علينا احنا بس ، ترا بعد هم في حب في قلبهم ولما نخلي عيالنا يلعبون معاهم ويحترمونهم بيكون تقدير لاحاسيسهم ومشاعرهم بالاخير الشغالة قد تكون ام ومشتاقة لحضن طفل ، والرحمة في قلب كل ام طبيعية والشواذ مب موضوع نقاشنا


اووه اضافتج وردج ياضوى صج مؤلمة .. والله اني ماكذبت انه نفس حالتج واكثر اتمر علي بنوته مكان الألعاب اتشوفني وتبوسم وتضحك معانا انا وبنتي وخاصة لمن تقرب اللعبلة واسلم عليها باليد تستاااانس .. صج كسرت خاطري غير مرة ثانية اشوف بزر صغير شكله مغلط ماسكني من عباتي ويصيح الا يلحقني والخدامة الأثيوبة اتجره ( يلا حمني يلا حمني)
لين جا السايق وطلعووه من الألعاب .. حررررام

اما من ناحية اللعب مع عيالج فهذي قمة الوناسة خاصة يوم اتجيبلج نطاطية في البيت الساعة 12 بالليل وتنطنطين براحتج مع اليهال والخدامة بعد:victory:

[رهج السنابك]

ترا والله تعبنا نتكلم في المثاليات ودور كل نفر في المجتمع

دايما وابدا اقوالنا ماتعكس افعالنا

وافكارنا المثالية تظل مجرد افكار :)

[Aaziz]

مسرحيات و موسيقى و عروض !!
الحدث ماينفع يكون مقياس خصوصا انج تتحدثين عن امر تربوي و تبحثين عن الاب او الام المربين الفاضلين المهتمين في ابنائهم تربيه حقيقية
لو استبدلتي المسرحيه و الموسيقى و المكان العام الصاخب بـ مجلس او عزبه او رحله ، ماراح تشوفين دريول او خدامه

[مهرة]

الدنيا عادها بخير


كل ما اسمع كيف اصبحت ادري انه في تربيات واخلاق طلاب وطالبات ماشاء الله عليهم ..

لا ننكر انه في ناس مهملين عيالهم

من همل تهمل

ولكن هناك من لهم أسباب وظروف حياة لا يمكن ليد وحده ان تصفق ..

اهم شيء الاهتمام والمتابعة للاطفال حتى لو ما كنت حولهم دائماً

الاطفال في مراحلة عمرهم يتعلقون في الام اكثر من الاب لتواجدها المستمر في البيت هذه غير الموظفة
وبعض الموظفات انشهد انهم ما يقصرون مع عيالهم
بعد الدوام ( كرف دوام واهتمام فالبيت )

يعطيهم العافيه

دور الام كبير في حياة المتزوجين
والزوجات لازم يتحسبون ويصبرون


يعطيج العافيه اختي مهره موضوعج فالصميم


ويعافيك اخوي في الله .. نقطة حلوة أثرتها الي هي نوعية اليهال الي يتصلون على برنامج كيف أصبحت (من أجمل البرامج الي تبدا فيها يومك) .. يبين انهم أطفال صحيين وبكامل نشاطهم وعفويتهم وأثر التربية والأهتمام يبين حتى في كلامهم .. الله يعطيهم الصحة والعافية والأجر الحسن لأهلهم ولنا ولكم ..

الدور جديد علينا كأم وأب وهذي هي فطرة جميلة حطها في نفوسنا الله سبحانه وتعالى وفجأة تتغير من تغيرنا للأمومة والأبوة وهي بالكاد مسؤولية عظيمة وكبيرة والله يعينا فيها وان شاءالله راح نجني ثمرن طيب ..

أهم شي اضافة الألوان المبهجة :)

[sweet qatar]

يعطيج العافية على الطرح الطيب اختي


أجمل اللحظات الي تنحفر بعقل الإنسان في هالعمر

مواقف بسيطة للحين اتذكرها ..

على فكرة طريقة تعاملكم معاهم الحين بتحدد طريقة حياتهم

لو خليتوهم يطلبون اهتمامكم الي بالاساس حق من حقوقهم

توقعوا ان العيال بكرة بيطلبون الاهتمام باي وسيلة
لو يرخصون أنفسهم او يسوون شي هم مب مقتنعين فيه بس عشان يلقون حد يهتم فيهم ويحسسهم انهم مرغوبين

[بريق الماسه]

امي ياما تركتنا معاهم وعادي شحليلاتنا تربية خدامات ..... يعني الام ماعندها التزامات غير عيالها

تهولون الامور وهي سهله

[طبيب قطري]

شي يعور القلب ومؤلم .. اطفالنا امااانه وبنتحاسب عليهم ليش نرميهم للخدم ؟؟ التقصير من الزوج والزوجه بنفس الوقت كل ماطلبت خدامه يجيبلها ، طيب ليش مايقعدون يتفاهمون ويشوفون هل هم بحاجه للخدامه فعلا ام هي مجرد كشخه ورفاهيه؟؟
مب قد العيال ليش يجيبونهم من الاساس!

[مستـريــح البـــال]

موضوع لامس كبد الحقيقة ..

كفى بالمرء آثما ان يضيع من يعول..

حدث نقاش بيني وبين رئيسي في العمل، مكرس حياته كلها في جمع المال والدورات والاجتماعات، وكان محوره رفضي لبعض المهام المسنده اللي، وضرب مثال نفسه..

رديت عليه وقلت، لا تستعجل النتيجة قدام ، كم من سنه بس وتذكرني..

رفضتها لانها ستكون على حساب بيتي ووقتي ووقت الوالدين..

اعلم انها ستؤثر علي، ولكن مستعد اشتري اللحظات الحلوة بالمال ، لو تنشرى ..

لو كل شخص حرك شعور الطفوله اللي بداخله، ووضع نفسه محل الياهل، لبكى على لحظات الطفوله..

لكم جل الاحترام ..

[بو الجوري]

انا و لله الحمد عمري ماخليت عيالي يروحون أي مكان مع الخدامه سواء ملاهي أو ألعاب أو مجمعات

أنا أصلا أتنرفز من اللي أشوفه فالملاهي ، اليهال مع الخدم :anger1:

إذا الأم أو الأبو ماعندهم وقت ، خلاص يخلون عيالهم فالبيت

أنا عن نفسي مقصر مع اليهال في إني أوديهم الملاهي كل إسبوع

لأن حزات ما أقدر ، وطبعاً ما راح أرضى أوصلهم الألعاب مع الخدامه وأرجعلهم عقب << مستحيييييل

الله يهديهم هذول اللي يخلون عيالهم مع الخدامه في كل مكان :(

والحمدلله عيالي يحبوني دايماً يكتبون لي رسايل حب و شكر :shy:

وبس والله

[بو الجوري]

وردي فوق مافيه أي نوع من المثاليه :shy: سألو الجوري لو تبون :telephone:

[alhurmsi]

موضوع جميل نتمنى من الجميع الأستفادة الوافية من النقاش

بالفعل كثرت في هالزمن هذي الظاهرة وهي تخلي الوالدين عن مسؤوليتهم الطبيعية في تربية أبنائهم

ولو أخذنا مبدأ ( كلكم راع وكلكم مسؤول عن رعيته ) لصلح حال الأسرة والمجتمع بأكمله

ولكن دور الأم والأب الحقيقي لم يعد موجود داخل الأسر القطرية إلا القله من الأسر
وجاء دور الخدامة والدريول مقام الوالدين

ولكن الحقيقة مهما صرفنا على أبنائنا من المال والترفية لم يغنيهم عن عدم وجود العاطفة والحنان من قبل الأب والأم

والكثير من الأسر ضاعت من أهمال الوالدين لأبنائهم

وننظر للجنسيات الأخرى لا يوجد خدم عندهم وحياتهم أفضل ما يكون ...

إذاً العذر للأسر القطرية غير مقبول بإنشغال الام والأب عن إبنائهم ...

نتمنى أن تتغير عقلية الأسرة القطرية للأفضل من حيث الأهتمام بأسرهم أكثرهم ...

[مهرة]

وردي فوق مافيه أي نوع من المثاليه :shy: سألو الجوري لو تبون :telephone:

رايتك بيضا اخوي في الله .. بس ماعليك من ذولي الي يترصدوون الغلط ولا يهمونك ولا تعطيهم اكبر من حجمهم .. الغلط والعله فيهم ندعوا لهم بالهداية والشفاء ..

[الزعفراني]

الحمدلله ماعندي خدامه ولا دريول والله لا يحدني عليهم .. وكان الله في عون كل شخص احتد عليهم .. مع الاسف الام تخلت عن دورها ورمت المسؤولية على غيرها .. واهم شي عندها الراحة وتشوف نفسها وتعيش حياتها .. يحز في الخاطر لما تشوف ولد في مركز صحي وجاي مع الخدامه .. يحز في خاطرك تشوف بدال الخدامة ثنتين ويلعبون العيال في المجمعات التجارية ويراكضون وراهم ..

ياخي هذيلا عيالج وهذيلا عيالك شلون ترضى انهم يكونون مع الخدم .. وين مشاعر الابوة والامومة ..

العيال آمانه ومع الاسف لين تسلمون هالامانه للغير فانتوا ضيعتوها .. لا تربية مثل الناس ولا اهتمام .. ولا مشاعر ..

الولد يكبر وحنانه ومشاعره صوب الخدامه لانها هي اللي تداريه وتلعبه وتاخذه للمركز الصحي وتراقبه وتلاعبه وتشيله وتأكله وتشربه

يكبر الولد يا عاق لوالديه او ماعنده الاهتمام صوبهم ..

للاسف المجتمع دامر من هالناحيه .. والمشاهد ذي تعطينا مؤشر ان المشاكل الاجتماعية راح تزيد أكثر وأكثر

[تغلبية]

^

وازيدك من الشعر بيت الزعفراني

صاروا اليهال اللي بمعية خدم يغارون ويحسون بالنقص من اليهال اللي بمعية امهاتهم وابهاتهم

اليتيم .. الله يجبر بخاطره

لكن اليتيم وامه وابوه احياء يرزقون .. شاللي يجبر بخاطره؟!

الياهل يكبر وهو فاقد حب وحنان .. ويتم هالنقص فيه لين يعرس ويجيب عيال

لانه عاش بمشاعر مش مكتمله .. ما شبع .. ما ارتوى

فعادي تشوف الامراض النفسية وعدم الثقة بالنفس

[sweet qatar]

موضوع لامس كبد الحقيقة ..

كفى بالمرء آثما ان يضيع من يعول..

حدث نقاش بيني وبين رئيسي في العمل، مكرس حياته كلها في جمع المال والدورات والاجتماعات، وكان محوره رفضي لبعض المهام المسنده اللي، وضرب مثال نفسه..

رديت عليه وقلت، لا تستعجل النتيجة قدام ، كم من سنه بس وتذكرني..

رفضتها لانها ستكون على حساب بيتي ووقتي ووقت الوالدين..

اعلم انها ستؤثر علي، ولكن مستعد اشتري اللحظات الحلوة بالمال ، لو تنشرى ..

لو كل شخص حرك شعور الطفوله اللي بداخله، ووضع نفسه محل الياهل، لبكى على لحظات الطفوله..

لكم جل الاحترام ..

استثمارك في محله وهي تجارة رابحة باذن الله

السعي و الكرف هذا كله لمن ؟!

ياما اصحاب مناصب اختفى ذكرهم بعد مغادرتهم للكرسي الي عطوه كل عمرهم

بالمقابل أصحاب التفكير السليم يبدون يحصدون ثمرة تضحياتهم

[sweet qatar]

وردي فوق مافيه أي نوع من المثاليه :shy: سألو الجوري لو تبون :telephone:

عاد خلها تتكلم براحتها مب تنقلها :o

الله يحفظ لك عيالك ويبلغك فيهم

معليه بعض الأعضاء تعودوا على تفكير معين

فاي نقاش يشوفونه يحسبونه اتهام ودفاع

[مستـريــح البـــال]

^



لكن اليتيم وامه وابوه احياء يرزقون .. شاللي يجبر بخاطره؟!




كلام مؤلم، وفي الصميم..

تدمير مسبق لأجيال سوف تنتج من اصلاب يتامى المشاعر..

مالم يتم تفادي النقص للأحفاد من قبل يتامى المشاعر..

وهنا تتضح صحة مقولة : ( فاقد الشيئ لا يعطيه) من عدمها..

فعليا لا أؤمن بها..

[مرتبش]

مقال في الصميم وتصوير حقيقي لواقع الكثيرين.

جهل في التربية ويحاولون يغطونه بالفلوس يظنون انهم ما قصروا في تربية الصغار بتوفير الخدم ..شنو نتيجة هالتربية غير مهم او على الاقل ليس باهمية الوناسة

[alsoq]

للوالدين دور كبير في مهمة التربية ، فمن يربي الطفل إن لم يربه أبواه !
فعليهما يكون العبء الأكبر و الجهد المضني في التربية ، وأهم ما يمكن أن يقوم به الأبوان في تربية الطفل هو توفير النموذج المثالي والقدوة الحسنة أمام عين الطفل ، وهذا النموذج وتلك القدوة الحسنة هما الأبوان فإن صلحا صلح الطفل ، وإن فسدا فسد الطفل ؛ وحينئذ لا يلوم أي منهما إلا نفسه !.

وفي أهمية القدوة يقول الله -تعالى-: { لقد كان لكم في رسول الله أسوة حسنة} [الأحزاب: 21]، ولقد كان رسول الله -صلى الله عليه وسلم- الصورة الحية والترجمة الحقيقية لروح القرآن وحقائقه وتوجيهاته ؛ ففي الحديث : سئلت السيدة عائشة -رضي الله عنها- عن خلق الرسول فقالت -صلى الله عليه وسلم- : " كان خلقه القرآن "1 .

يقول الأستاذ محمد قطب :
من السهل تأليف كتاب في التربية ، ومن السهل تخيل منهج ، وإن كان في حاجة إلى إحاطة وبراعة وشمول ، ولكن هذا المنهج يظل حبراً على ورق .. يظل معلقاً في الفضاء ما لم يتحول إلى حقيقة واقعة تتحرك في واقع الأرض .. ما لم يتحول إلى بشر يترجم سلوكه وتصرفاته ومشاعره وأفكاره مبادئ المنهج ومعانيه ؛ عندئد يتحول المنهج إلى حقيقة إلى حركة ، يتحول إلى تاريخ 2 .

ومن ثم فإن التربية القدوة هي أخطر وسائل التربية على الإطلاق ؛ لأن الطفل في هذه المرحلة (من الفطام إلى البلوغ) يكون بمثابة المقلد دون وعي أو فكر ، فإن كل شيء صغير أو كبير يحدث أمامه يؤثر فيه ، وينعكس على تصرفاته الشخصية ، فليت كل والد ووالدة يضع في حسبانه قول القائل : من شب على شيء شب عليه ، ولا يشب الطفل إلا على ما يراه من والديه.

ولذلك يجب على كل منهما أن يبدأ بإصلاح نفسه ؛ لأن أعين الأولاد معقودة بأعينهما ، فما يراه الوالدان حسناً فهو حسن عند الأولاد ، وما يراه الوالدان قبيحاً فهو سيء ورديء عند الأولاد ؛ ولذلك ينبغي أن يحرص كل منهما على أن يرى الحسن والقبيح بمنظور شرعي وليس بمنظوره هو ؛ لأنه بذلك يغرس الشرع وقواعده في نفس ولده دون أن يعلم . وحول ما تشبه الولد بأبيه يقول أبو العلاء المعري :

مشى الطاووس يوماً في اعوجاج = فقلد شكل مشيته بنوه
فقال ما لكم تتحرفون قالوا = بدأت ونحن مقلدوه
فقوم سيرك المعوج واعدل = فإنك إن عدلت مُعَدلوه
وينشأ ناشئ الفتيان فينا = على ما كان عوده أبوه

[مهرة]

كلام مؤلم، وفي الصميم..

تدمير مسبق لأجيال سوف تنتج من اصلاب يتامى المشاعر..

مالم يتم تفادي النقص للأحفاد من قبل يتامى المشاعر..

وهنا تتضح صحة مقولة : ( فاقد الشيئ لا يعطيه) من عدمها..

فعليا لا أؤمن بها..


يعطيك العافية اخوي اثريت الموضوع بردك الطيب .. واليتيم في يومنا هذا هو الي امه وابوه موجودين بالأسم فقط وهو ضايع بين الخدم وبين مشاعره المختلطة ..

الله يكون بعونهم

[مهرة]

للوالدين دور كبير في مهمة التربية ، فمن يربي الطفل إن لم يربه أبواه !
فعليهما يكون العبء الأكبر و الجهد المضني في التربية ، وأهم ما يمكن أن يقوم به الأبوان في تربية الطفل هو توفير النموذج المثالي والقدوة الحسنة أمام عين الطفل ، وهذا النموذج وتلك القدوة الحسنة هما الأبوان فإن صلحا صلح الطفل ، وإن فسدا فسد الطفل ؛ وحينئذ لا يلوم أي منهما إلا نفسه !.

وفي أهمية القدوة يقول الله -تعالى-: { لقد كان لكم في رسول الله أسوة حسنة} [الأحزاب: 21]، ولقد كان رسول الله -صلى الله عليه وسلم- الصورة الحية والترجمة الحقيقية لروح القرآن وحقائقه وتوجيهاته ؛ ففي الحديث : سئلت السيدة عائشة -رضي الله عنها- عن خلق الرسول فقالت -صلى الله عليه وسلم- : " كان خلقه القرآن "1 .

يقول الأستاذ محمد قطب :
من السهل تأليف كتاب في التربية ، ومن السهل تخيل منهج ، وإن كان في حاجة إلى إحاطة وبراعة وشمول ، ولكن هذا المنهج يظل حبراً على ورق .. يظل معلقاً في الفضاء ما لم يتحول إلى حقيقة واقعة تتحرك في واقع الأرض .. ما لم يتحول إلى بشر يترجم سلوكه وتصرفاته ومشاعره وأفكاره مبادئ المنهج ومعانيه ؛ عندئد يتحول المنهج إلى حقيقة إلى حركة ، يتحول إلى تاريخ 2 .

ومن ثم فإن التربية القدوة هي أخطر وسائل التربية على الإطلاق ؛ لأن الطفل في هذه المرحلة (من الفطام إلى البلوغ) يكون بمثابة المقلد دون وعي أو فكر ، فإن كل شيء صغير أو كبير يحدث أمامه يؤثر فيه ، وينعكس على تصرفاته الشخصية ، فليت كل والد ووالدة يضع في حسبانه قول القائل : من شب على شيء شب عليه ، ولا يشب الطفل إلا على ما يراه من والديه.

ولذلك يجب على كل منهما أن يبدأ بإصلاح نفسه ؛ لأن أعين الأولاد معقودة بأعينهما ، فما يراه الوالدان حسناً فهو حسن عند الأولاد ، وما يراه الوالدان قبيحاً فهو سيء ورديء عند الأولاد ؛ ولذلك ينبغي أن يحرص كل منهما على أن يرى الحسن والقبيح بمنظور شرعي وليس بمنظوره هو ؛ لأنه بذلك يغرس الشرع وقواعده في نفس ولده دون أن يعلم . وحول ما تشبه الولد بأبيه يقول أبو العلاء المعري :

مشى الطاووس يوماً في اعوجاج = فقلد شكل مشيته بنوه
فقال ما لكم تتحرفون قالوا = بدأت ونحن مقلدوه
فقوم سيرك المعوج واعدل = فإنك إن عدلت مُعَدلوه
وينشأ ناشئ الفتيان فينا = على ما كان عوده أبوه

يعطيك العافيه اخوي الكريم اضافتك جدا جميلة وان شاءالله بعض الناس مدعية المثالية ينزلون اشوي من برجهم العاجي ويضحوون من أجل عيالهم مب لعيون كلام الناس .. مش عيب اذا غلطنا العيب نستمر في الغلط ونكابر .. وان شاءالله نتغير للأفضل وللأعلى .. موفق ان شاءالله

[ريتويت]

اهمال .. الزوج مهمل والمره مهمله

[مهرة]

مقال في الصميم وتصوير حقيقي لواقع الكثيرين.

جهل في التربية ويحاولون يغطونه بالفلوس يظنون انهم ما قصروا في تربية الصغار بتوفير الخدم ..شنو نتيجة هالتربية غير مهم او على الاقل ليس باهمية الوناسة

للأسف اخوي ماراح يعرفون قيمة عيالهم الا بعد فوات الآوان .. مب القطو العود مايتربى ..! والوناسة الي يدورون عليها هي مؤقته وبتزول مع كبر عيالهم وبيحتاجونها في المستقبل ..

موفق ان شاءالله ..

[بو خليفه 123]

هو مؤلم و يعور القلب بنفس الوقت

لاحظت ان تربية الابناء اما مفقوده أو مفرطه أو غير متوازنه ..

[مهرة]

موضوع جميل نتمنى من الجميع الأستفادة الوافية من النقاش

بالفعل كثرت في هالزمن هذي الظاهرة وهي تخلي الوالدين عن مسؤوليتهم الطبيعية في تربية أبنائهم

ولو أخذنا مبدأ ( كلكم راع وكلكم مسؤول عن رعيته ) لصلح حال الأسرة والمجتمع بأكمله

ولكن دور الأم والأب الحقيقي لم يعد موجود داخل الأسر القطرية إلا القله من الأسر
وجاء دور الخدامة والدريول مقام الوالدين

ولكن الحقيقة مهما صرفنا على أبنائنا من المال والترفية لم يغنيهم عن عدم وجود العاطفة والحنان من قبل الأب والأم

والكثير من الأسر ضاعت من أهمال الوالدين لأبنائهم

وننظر للجنسيات الأخرى لا يوجد خدم عندهم وحياتهم أفضل ما يكون ...

إذاً العذر للأسر القطرية غير مقبول بإنشغال الام والأب عن إبنائهم ...

نتمنى أن تتغير عقلية الأسرة القطرية للأفضل من حيث الأهتمام بأسرهم أكثرهم ...

وهذا الجانب السلبي للنعمة ربنا سبحانه وتعالى أنعم علينا ورزقنا رزق طيب سواء من مال او عيال ولكن ؟؟ قد تكون نقمة للبعض وامتحان للبعض ورسالة إلاهية للعبرة والموعظة وان شاءالله نكون قد الحمل ونبذل الغالي والنفيس في سبيل عيالنا ولمصلحتهم أولاً وأخيراً والعائد الطيب راح نجنيه بإذنه تعالى في الأيام القادمة .. هي نعمة ونقمة تدوم وتزول ..

ومحد عنده عذر الغني بيربي والفقير بيربي وكلن حسب طاقته وقدرته .. يعطيك العافيه اخوي الكريم