اقترح تعطى المرأه الحق بالاستعلام عن المتقدم لزواجها

[احمد1]

اقترح تعطى المرأه الحق بالاستعلام عن المتقدم لزواجها ... من عدة نواحي واهمها ماضيه الاجرامي ان وجد ههههههههه... والنظر في صحيفة اسبقياته
الاطلاع على ملفه الطبي بالضبط واذا يعاني من اي امراض مزمنه او ماشابه لا قدر الله .... الاطلاع على وضعه المادي بدقه ... لان هالايام عادي تلقاه في رنج ولا بنتلي والبيت شعبي اذا دق مطر يخر عليه ....الوضع التعليمي...واعتقد احد الدول المجاوره قايمه بهالاجراء من ناحية صحيفة اسبقياته...
ومن اهم شيء تحاليل المستشفى الدقيقه انه مثلا لا قدر الله يكون راعي شراب اجلكم الله ويخش الموضوع لين بعد الزواج وعقب شهر العسل يقلب البيت فوق تحت ببلاويه ... وصدقوني الرجال الصادق والي واثق من نفسه ماراح يتحسس من الموضوع واخواني خلو صدركم رحب مثل مالمرأه تتقبل المواضيع الي تنتقدها هم تقبلوها انتو وشكرا...

[حسن]

اتفق معاك

بس للطرفين


:victory:

[عطر فرنسي]

اتفق معاك

[همر]

اتفق معاك

بس للطرفين


:victory:


اتفق معاك

لازم يكون في قاعدة بيانات

مربوطه بتطبيق عالايفون

تدخل رقم بطاقته او بطاقتها

وباسوورد يعطونك اياه المجني عليهم

ويطلع لك تاريخ حياتهم


نفس استعلامات المخالفات بالضبط


يعني مطراش زواج



مطراش 3 :nice:

[توشيبا]

اتفق معاك

لازم يكون في قاعدة بيانات

مربوطه بتطبيق عالايفون

تدخل رقم بطاقته او بطاقتها

وباسوورد يعطونك اياه المجني عليهم

ويطلع لك تاريخ حياتهم


نفس استعلامات المخالفات بالضبط


يعني مطراش زواج



مطراش 3 :nice:



مطراش 3 و مطراش 4

مانبي اختلاط ياخي :)

[العلياا]

هالموضوع انطرح من قبل اذا ما خاب ظني

وفي وايد اشياء من اللي ذكرتها اهل البنت يقدرون يعرفونها بدون سجلات وخرابيط
ومافيها أي مشكلة تكون للطرفين :)

[نوور الدووحه]

هههههههه حبيت مطراش 3

أي والله في بنات يبتلشون برياييل استغفر الله ماضيهم تعباااااااااااان؟؟ ومو بس ماضي الا حاضر ومستقبل بعد!! :rolleyes2:

والمشكله ان الاب ولا الاخ يجوز يسال عنه بس الكل يمدح الخاطب ويغطون عيوبه!! اووونه يسوون خير!
أي خير هاي اللي يسوونه ..خاااااصه الشباب فيهم ميزه عجييييبه تسترون على عيوب ربعكم:secret: صحيح ان هالشي يميزكم عن البنات :nice:
بس مو كل شي يتخبا؟؟:nono:

وبخصوص الواثق مايتحسس من الموضوع اقوله مايهزكك ريييييييح يامركب هوانا <فصله تايم:app2:

[احمد1]

هالموضوع انطرح من قبل اذا ما خاب ظني

وفي وايد اشياء من اللي ذكرتها اهل البنت يقدرون يعرفونها بدون سجلات وخرابيط
ومافيها أي مشكلة تكون للطرفين :)

الموضوع طرح ان الاجراء بخصوص الصحيفه الجنائيه فقط للمتقدم بالزواج لدوله مجاوره ...لكن لو طلع مثلا فيه امراض مزمنه مايبين في صحيفة اسبقياته ,..صح ... ولو طلع راعي كاس ماراح يبين لو مامسكته الشرطه بالجرم المشهود هالشي ... بس بيبين في الفحص الطبي الدقيق فهمتي القصد ... ومب كل العوايل تقدر تسال عن الي يتقدم لهم يمكن واحد يمدح واحد واخر شيء يطلع تبن والعكس صحيح....شكرا لاثرائج الموضوع ...

[qatara]

الحق للجميع

وما دامه اقتراح

وكذالك لابد من اعطاء الرجل الاستعلام عن المراه المتقدم لها

[Qtr37]

اقترح تعطى المرأه الحق بالاستعلام عن المتقدم لزواجها ... من عدة نواحي واهمها ماضيه الاجرامي ان وجد ههههههههه... والنظر في صحيفة اسبقياته
الاطلاع على ملفه الطبي بالضبط واذا يعاني من اي امراض مزمنه او ماشابه لا قدر الله .... الاطلاع على وضعه المادي بدقه ... لان هالايام عادي تلقاه في رنج ولا بنتلي والبيت شعبي اذا دق مطر يخر عليه ....الوضع التعليمي...واعتقد احد الدول المجاوره قايمه بهالاجراء من ناحية صحيفة اسبقياته...
ومن اهم شيء تحاليل المستشفى الدقيقه انه مثلا لا قدر الله يكون راعي شراب اجلكم الله ويخش الموضوع لين بعد الزواج وعقب شهر العسل يقلب البيت فوق تحت ببلاويه ... وصدقوني الرجال الصادق والي واثق من نفسه ماراح يتحسس من الموضوع واخواني خلو صدركم رحب مثل مالمرأه تتقبل المواضيع الي تنتقدها هم تقبلوها انتو وشكرا...

نعم لازم تستعلم البنت عنه بالطرق الحديثة بعد،،، على سبيل المثال الانستغرام
انا اطلعت على اكاونت انستغرام شخص خطبني ، وهالشي عطاني نبذة مهمة جدا عن شخصيته :secret: وخاصة الصور الغير محترمة والفولونق اللي كلهم بنات :rolleyes2:
فغضيت النظر عن الموضوع!!!

[العلياا]

الموضوع طرح ان الاجراء بخصوص الصحيفه الجنائيه فقط للمتقدم بالزواج لدوله مجاوره ...لكن لو طلع مثلا فيه امراض مزمنه مايبين في صحيفة اسبقياته ,..صح ... ولو طلع راعي كاس ماراح يبين لو مامسكته الشرطه بالجرم المشهود هالشي ... بس بيبين في الفحص الطبي الدقيق فهمتي القصد ... ومب كل العوايل تقدر تسال عن الي يتقدم لهم يمكن واحد يمدح واحد واخر شيء يطلع تبن والعكس صحيح....شكرا لاثرائج الموضوع ...

حقك علي ولا تزعل
لكن شلون عوايل بتزوج بناتها وهم ما عندهم القدرة يسالون عن اللي تقدم لبنتهم !!


موفقين ان شاءالله :)

[أم علي 2010]

اعتقد الرجال ما يخطب البنت قبل لا يسألون عنها عدل مدل و يشوفنها يا في الجامعه ولا في اي مكان عشان يتأكدون

لكن الرجال ما تقدر تسأل عنه عقب الخطبة

و خطبة الرجاجيل ماهي الا شكليات بعد ما يجيهم علم ان اهل البنت وافقوا يقربونه

[عاشق العديد]

نعم لازم تستعلم البنت عنه بالطرق الحديثة بعد،،، على سبيل المثال الانستغرام
انا اطلعت على اكاونت انستغرام شخص خطبني ، وهالشي عطاني نبذة مهمة جدا عن شخصيته :secret: وخاصة الصور الغير محترمة والفولونق اللي كلهم بنات :rolleyes2:
فغضيت النظر عن الموضوع!!!

والله خوشششش

[qatara]

اعتقد الرجال ما يخطب البنت قبل لا يسألون عنها عدل مدل و يشوفنها يا في الجامعه ولا في اي مكان عشان يتأكدون

لكن الرجال ما تقدر تسأل عنه عقب الخطبة

و خطبة الرجاجيل ماهي الا شكليات بعد ما يجيهم علم ان اهل البنت وافقوا يقربونه

يقدرون ابوها واخوانها واهلها يسالون جيرانه وربعه والمسجد الي جنب بيته وربعه الي معاه في الوظيفه

وهذا شي دارج من خلقت الدنيا



لاكن الي تبي الستر بتيود ارضها وهي ناقصه وهو ناقص وهم ستر لبعض

لاكن الي تبي تفتري بتخترع ستين عذروب

[sweet qatar]

مع احترامي

أعتقد صلاة الاستخارة و السؤال عنه يكفي
و ممكن تشوف اكاونته في تويتر او الانستقرام
الأشياء العامة


كل واحد بياخذ نصيبه
بدون تعقيد وشغل مباحث

ماضيه بينه وبين ربه

[احمد1]

حقك علي ولا تزعل
لكن شلون عوايل بتزوج بناتها وهم ما عندهم القدرة يسالون عن اللي تقدم لبنتهم !!


موفقين ان شاءالله :)

عزيزه وغاليه ... ابد والله لا زعل ولا شيء العكس يمكن انه اشطح شوي ولا اخطي تصلحون لي كلنا بشر وصدقوني هدفي دايمن بالمواضيع المطروحه ايجابي وليس اثارة موضوع جانبي ... اختي بخصوص الفكره انه احنه يوم نسال عن رجال في مجلس او مكان والعكس صحيح عن البنت مايكون دقيق مثل السجلات الموجوده بالدوله وادق في التفاصيل... محد بيقول لج ان مثلا الرجال هذا كانت قضيته الاوليه الاعتداء بالضرب المبرح على زوجته وهاي سبب الطلاق مثلا ... هنيه هذا بيبين وايد امور ... غير يوم تسمعين الجواب يوم تسالين عند ناس ... لا الله ماوفق ... وشكرا

[احمد1]

مع احترامي

أعتقد صلاة الاستخارة و السؤال عنه يكفي
و ممكن تشوف اكاونته في تويتر او الانستقرام
الأشياء العامة


كل واحد بياخذ نصيبه
بدون تعقيد وشغل مباحث

ماضيه بينه وبين ربه

يعني الحين اكاونت تويتر ولا انستقرام احسن من الامور الدقيقه ... انزين افترضنا جواله بوليت لا انستقرام ولا تويتر وين بتعرفين توجهه ... من الليت مثلا

[العلياا]

عزيزه وغاليه ... ابد والله لا زعل ولا شيء العكس يمكن انه اشطح شوي ولا اخطي تصلحون لي كلنا بشر وصدقوني هدفي دايمن بالمواضيع المطروحه ايجابي وليس اثارة موضوع جانبي ... اختي بخصوص الفكره انه احنه يوم نسال عن رجال في مجلس او مكان والعكس صحيح عن البنت مايكون دقيق مثل السجلات الموجوده بالدوله وادق في التفاصيل... محد بيقول لج ان مثلا الرجال هذا كانت قضيته الاوليه الاعتداء بالضرب المبرح على زوجته وهاي سبب الطلاق مثلا ... هنيه هذا بيبين وايد امور ... غير يوم تسمعين الجواب يوم تسالين عند ناس ... لا الله ماوفق ... وشكرا

يا اخوي يمكن يوم تعدى على مرته هي كانت السبب ويمكن الرجال كان غير سوي وبعدها الله هداه ، هذاك كان ماضيه اللي ما يهمني بشي
بالنسبة لي اشوف ان راي اهلي المهم وانه اكيد ما بيرضون يزوجوني رجال مهب صالح واكيد بيسالون عدل
والتوفيق من رب العالمين

:)

[ANONYMOUS]

اتفق معاك

بس للطرفين


:victory:



اعتقد هاذا ماستطبقه احدى الدول المجاوره

بس مش متأكد استعلام من اي ناحيه



بس في نظري هذا خطأ ..

اما اذا كانت هناك ضوابط .. وليس مفتوح بحري

[احمد1]

يا اخوي يمكن يوم تعدى على مرته هي كانت السبب ويمكن الرجال كان غير سوي وبعدها الله هداه ، هذاك كان ماضيه اللي ما يهمني بشي
بالنسبة لي اشوف ان راي اهلي المهم وانه اكيد ما بيرضون يزوجوني رجال مهب صالح واكيد بيسالون عدل
والتوفيق من رب العالمين

:)

رحابة صدر جميله وتنازل لاعطاء الفرصه لشخص يمكن نوى يبتدي حياته صح وينسى الماضي ... احييج على رحابة صدرج

[نوور الدووحه]

يعني الحين اكاونت تويتر ولا انستقرام احسن من الامور الدقيقه ... انزين افترضنا جواله بوليت لا انستقرام ولا تويتر وين بتعرفين توجهه ... من الليت مثلا

هههههههههههههههههههههههههه من الليت !! :funny:

[sweet qatar]

يعني الحين اكاونت تويتر ولا انستقرام احسن من الامور الدقيقه ... انزين افترضنا جواله بوليت لا انستقرام ولا تويتر وين بتعرفين توجهه ... من الليت مثلا

لا القصد بارك الله فيك انا نشوف الامور العامة والي يظهرها للكل

ما ننبش وراه


الهدف من اقتراحك مشروع.. لكن شلون نوصل للهدف بدون فضايح او هتك لستر الله عليه

نفترض صاحب سوابق تايب بيخطب وحدة وبتطلع على سجله وترفضه
والثانية
و لو وافقت الثالثة بتكون سمعة الرجال على كل لسان
ومب بعيدة يطلع كلام على البنت ليش توافق اكيد فيها بلا

[Qtr37]

يعني الحين اكاونت تويتر ولا انستقرام احسن من الامور الدقيقه ... انزين افترضنا جواله بوليت لا انستقرام ولا تويتر وين بتعرفين توجهه ... من الليت مثلا

احنا ما نقول يا اخي الكريم ان نعتمد فقط على وسائل التواصل الاجتماعي الحديثة، لكن اذا توفرت هذي الامور وعرفنا حسابات الشخص، فلم لا؟!
لكن طبعا بالاول والاخير السؤال عنه وعن ربعه مثل ما تعودنا

[ريتويت]

السؤال عن المراه والرجل .. يعني يسالون عن البنت بعد .. لان الزمن هذا صار زمن اعوذ بالله

[qatara]

السؤال عن المراه والرجل .. يعني يسالون عن البنت بعد .. لان الزمن هذا صار زمن اعوذ بالله

صدقتي

[L . V]

الحق للجميع

وما دامه اقتراح

وكذالك لابد من اعطاء الرجل الاستعلام عن المراه المتقدم لها

كتارا ما لك حل ههههههه

[أم علي 2010]

يقدرون ابوها واخوانها واهلها يسالون جيرانه وربعه والمسجد الي جنب بيته وربعه الي معاه في الوظيفه

وهذا شي دارج من خلقت الدنيا



لاكن الي تبي الستر بتيود ارضها وهي ناقصه وهو ناقص وهم ستر لبعض

لاكن الي تبي تفتري بتخترع ستين عذروب

اكيد بيسألون عنه ،، وهذي بعد ما يروحون الحريم يخطبون


ماعرف شنو المقصد من ردك الحين ،، انا قلت الرجال ما يناسب ناس خبط ولزق ،، في معايير معينه عند كل عايله

واكيد محد كامل ،، لا المره و لا الرجال و كلن مكتوب من هو نصيبة من انفخة فيه الروح

و مثل مافي بنات يفترون على رجاجيل بعد في العكس محد كامل و في الاخير كل واحد حر في اختيار شريك حياته

[مرتبش]

الفكرة نوعا ما تعدم الخصوصية ولما الامر ينترك للحكومة خلاص سلم عليها عدل..المعلومات بتكون متاحة للي يبي ينبش واللي بالغلط يطيح عليها الخ.

اهل العروس يقدرون يستفسرون عن كل اللي يبونه لو يتعبون انفسهم شوي ويتحركون وكذلك اهل المعرس

[qatara]

اكيد بيسألون عنه ،، وهذي بعد ما يروحون الحريم يخطبون


ماعرف شنو المقصد من ردك الحين ،، انا قلت الرجال ما يناسب ناس خبط ولزق ،، في معايير معينه عند كل عايله

واكيد محد كامل ،، لا المره و لا الرجال و كلن مكتوب من هو نصيبة من انفخة فيه الروح

و مثل مافي بنات يفترون على رجاجيل بعد في العكس محد كامل و في الاخير كل واحد حر في اختيار شريك حياته

مافي شي اسمه شراكه مهب فاتحين دكان

فيه طاعه لله ورسوله وللزوج بما امر الله

[يمامـة]

اشوف الزواج قسمة ونصيب مهما تكلمنا او عدنا او اقترحنا
ما نقدر نمنع النصيب.

اهم شي الاستخارة يا عيال ( اني جدتكم الحين)
ما خاب من استخار، فلربما ربما ربما المتقدم كان اسوأ الناس
ولكن الله يكتب فيه الخير في المستقبل بعد ان ترتاح الوحدة للاقتران به.

[تغلبية]

صاروا الأطباء النفسيين يطالبون بضرورة اجراء اختبار أو اتخاذ أي اجراء لمعرفة ما اذا كان الطرفين يعاني من مشاكل نفسية ..

وأنا مع الاقتراح ومع هذا الاجراء ... لان صرنا اللي نسمعه ونشوفه ونقراه .. أشياء مخيفة تقشعر منها الابدان ...من العقد والامراض النفسية!!

واذا ما بين على الكبار يبين على الصغار من التربية اللهم عافنا ولا تبلانا


عاد عقب الاختبار .. اذا هم قابلين بعض أو رافضين القرار لهم .. وذنبهم على جنبهم

[طرف محايد]

نحدد المشاكل الي تبي البنت تسال عنها

1- المشاكل الطبية وهي من حق الطرفين

2- المشاكل النفسية وانا اؤيدها

3- الماضي !!

ولماذا يُستعلم عن الماضي

حتى لو كان سيئا

اذا تاب تاب الله عليه

فلماذا تطلع هي عليه

او لماذا يطلع الرجل ع ماضي البنت

وقد قال صلى الله عليه وسلم

التوبة تجب ما قبلها



اعتقد انه فتح لباب من الافضل الا يفتح اساسا

ولنستر على من ستر الله عليه

[meme-93]

نحدد المشاكل الي تبي البنت تسال عنها

1- المشاكل الطبية وهي من حق الطرفين

2- المشاكل النفسية وانا اؤيدها

3- الماضي !!

ولماذا يُستعلم عن الماضي

حتى لو كان سيئا

اذا تاب تاب الله عليه

فلماذا تطلع هي عليه

او لماذا يطلع الرجل ع ماضي البنت

وقد قال صلى الله عليه وسلم

التوبة تجب ما قبلها



اعتقد انه فتح لباب من الافضل الا يفتح اساسا

ولنستر على من ستر الله عليه
انا معاك في هذي النقطه
لكن ربعنا يذبحون عمرهم لو مافتشوا في ماضي المرأه
على اساس ماضي الشباب مشموم

[طرف محايد]

انا معاك في هذي النقطه
لكن ربعنا يذبحون عمرهم لو مافتشوا في ماضي المرأه
على اساس ماضي الشباب مشموم



التركيبة لدينا بهذا الشكل

وكأن الاعتراف واجب في حق الفتاة فقط

وفي نظري لا يستحق أحد الاعتراف اذا كان صادقا



الكل لديه اخطاء

وتكفي النية الصادقة للمضي قدما

[شيخ الديرة]

خففوا السرعة رجاءا

يبدو المثاليات وصلت الى مرحلة عالية جدا

نريد زوج مية المية وزوجة المية المية

الزواج بداية وليس نهاية

[حسن]

جرى العرف والعاده في المجتمع القطري

الزواج من ابن عم ولا ابن خال

يعني من القرايب

والحين تغير الوضع صارو شعوب وقبائل


المتعارف عليه اي متقدم للنساء يسئل عنه

عن واخلاقه وسمعته يعني مثل السيره الذاتيه

هذا المتعارف عليه

ونا كثيرا سئلت وحتا هنا في المنتدي

المهم اقول الصج وهم من يقرر لا احابي زيد ولا عبيد

اذكر جاني اتصال من فارس وكلمني شخص عربي وسئلني عن فلان اعرفه جاي يخطب عندهم

قال وش رايك فيه

قلت له شوف ياخوي هذا زوجته في قطر ذهب وزين اللي استحملته
والرجل بخيل الى ماتتصور
لا سائق ولا خادمه ولا مصروف تخيل
لو زوجته غير بنت ناس لا غواها الشيطان
والرجل يبيله مراجعه الدكتور عكاشه

قالي جزاك الله خير وماقصرت واشكرك على صراحتك

الحق حق ولا ينزعل منه

وعليكم بالاستخاره والسؤال من رجل له تقدير وله خبره

مهب من سفيه وتبون علوم

وشكرا

[hanayen]

مكثرهم اللي يخربطون من تحت لي تحت جدام أهله ملاك ومع ربعه ابليس والعياذ بالله
الله يهدي عيالنا يا رب

[رهج السنابك]

ليش هاي كله
واذا له سوابق اجراميه
او عنده امراض مزمنه
او ضايف بنات في حساباته

هل معناها نحكم عليه انه خلاص مايتعدل ماينصلح !!
كله ممكن يتعدل

ماعدا شي واحد اهم من وضعه المادي والتعليمي
صلاته
اذا ماضيه قال انه تارك الصلاه
فغضي الطرف عنه

[Aaziz]

ايش هالقريحة الولاده عندكم

لو طحنتكم هذي في امور علميه كان صارت عندكم دكتوراه فخرية

[طبيب قطري]

صاروا الأطباء النفسيين يطالبون بضرورة اجراء اختبار أو اتخاذ أي اجراء لمعرفة ما اذا كان الطرفين يعاني من مشاكل نفسية ..

وأنا مع الاقتراح ومع هذا الاجراء ... لان صرنا اللي نسمعه ونشوفه ونقراه .. أشياء مخيفة تقشعر منها الابدان ...من العقد والامراض النفسية!!

واذا ما بين على الكبار يبين على الصغار من التربية اللهم عافنا ولا تبلانا


عاد عقب الاختبار .. اذا هم قابلين بعض أو رافضين القرار لهم .. وذنبهم على جنبهم

على عكس المتداول والمعروف ، الاختبارات النفسيه ماتكشف كل الامراض ولكن فقط امراض معينه ومعروفه مثل الفصام، الاكتئاب القلق وبعض اضطرابات الشخصيه..
ولكن ماراح تكشف مثلا عن الشخص الكذاب او المنافق او المخادع او الحقود هذي الاشياء للاسف تنعرف مع العشره وخلال السنين

[Q-tr]

اقترح تعطى المرأه الحق بالاستعلام عن المتقدم لزواجها ... من عدة نواحي واهمها ماضيه الاجرامي ان وجد ههههههههه... والنظر في صحيفة اسبقياته
الاطلاع على ملفه الطبي بالضبط واذا يعاني من اي امراض مزمنه او ماشابه لا قدر الله .... الاطلاع على وضعه المادي بدقه ... لان هالايام عادي تلقاه في رنج ولا بنتلي والبيت شعبي اذا دق مطر يخر عليه ....الوضع التعليمي...واعتقد احد الدول المجاوره قايمه بهالاجراء من ناحية صحيفة اسبقياته...
ومن اهم شيء تحاليل المستشفى الدقيقه انه مثلا لا قدر الله يكون راعي شراب اجلكم الله ويخش الموضوع لين بعد الزواج وعقب شهر العسل يقلب البيت فوق تحت ببلاويه ... وصدقوني الرجال الصادق والي واثق من نفسه ماراح يتحسس من الموضوع واخواني خلو صدركم رحب مثل مالمرأه تتقبل المواضيع الي تنتقدها هم تقبلوها انتو وشكرا...


لا اتفق معك تماما: ليش؟ لان اذا كل واحد نبش ودور وحصل شي لاقدر الله محد بيتزوج لا بنات ولا شباب ولو تزوجو ممكن يكون فيه معاير في المستقبل... ممكن الشاب غلط وتاب وستر الله عليه ليش الواحد يدور مشاكل هو في غنى عنها.

طيب اعكس السؤال/

اشرايك لو يعطى الرجل الحق بالاستعلام عن المرأه قبل الزواج منها بكل الوسائل المتاحة قبل الزواج؟
اترك لك الاجابة لان اللي اعني واضح

الله يسترعلينا يارب وعلى جميع المسلمين

[رهج السنابك]

نبي سايكوماتريك تيست لكل ريال ههههه

[w.qatar]

فكره حلوه صراحه نبي مطراش 3

[نيساني]

فكره جميله جداً

في السعوديه بيسوونها عشان الخمه اصحاب المخدرات والتحرش ووو...

لكن بعد في نفس الوقت الله يستر على العبد مش عشان سواد عيونه لانه ممكن يتوب وخير الخطائيين التوابين

وشكراً

[قطري 777]

اممممممممممممم بيصير تجسسات ممكن وحده تدعي فلان خطبني وهي مدزوزه من حد بغرض التجسس على هشخص انا ضد الا قتراح

لا هاذي وظيفه ولي الامر هو الي يسال ويبحث عن الشخص المتقدم ....

[احمد1]

صاروا الأطباء النفسيين يطالبون بضرورة اجراء اختبار أو اتخاذ أي اجراء لمعرفة ما اذا كان الطرفين يعاني من مشاكل نفسية ..

وأنا مع الاقتراح ومع هذا الاجراء ... لان صرنا اللي نسمعه ونشوفه ونقراه .. أشياء مخيفة تقشعر منها الابدان ...من العقد والامراض النفسية!!

واذا ما بين على الكبار يبين على الصغار من التربية اللهم عافنا ولا تبلانا


عاد عقب الاختبار .. اذا هم قابلين بعض أو رافضين القرار لهم .. وذنبهم على جنبهم

صدقتي كم مره اشوف واحد تكانه وثقيل اخر شيء عاض زوجته في اذنها ... البعض وليس الكل... عنده ماضي مؤلم... وله يطلع راعي كاس

[احمد1]

نحدد المشاكل الي تبي البنت تسال عنها

1- المشاكل الطبية وهي من حق الطرفين

2- المشاكل النفسية وانا اؤيدها

3- الماضي !!

ولماذا يُستعلم عن الماضي

حتى لو كان سيئا

اذا تاب تاب الله عليه

فلماذا تطلع هي عليه

او لماذا يطلع الرجل ع ماضي البنت

وقد قال صلى الله عليه وسلم

التوبة تجب ما قبلها



اعتقد انه فتح لباب من الافضل الا يفتح اساسا

ولنستر على من ستر الله عليه

معقول جدا واحس مثلا لو يحجم الاستفسار ويكون محدود عشان محد يطيح في اي احراج

[alhurmsi]

أنا لا أرى جدوى من هذي الأجراءات الأستخبارية والمخابراتية

أعقلها وتوكل

الزواج نختصره في خصلتين كما نبهنا عنها رسولنا الكريم صلى الله عليه وسلم ( من جائكم من ترضون دينه وخلقه فزوجوه )

فقط هذي الخصلتين في الرجل تغني عن جميع المسائل

ولو نظرنا في السابق كان الزواج اسهل بكثير من الآن وكانت تنكح المرأة

روى أبو داود والنسائي عن أبي هريرة رضي الله عنه: قال النبي صلى الله عليه وسلم: "تنكح المرأة لأربع لمالها ولحسبها ولجمالها ولدينها فاظفر بذات الدين تربت يداك".

هذا الزواج الحقيقي فالحياة أسهل بكثير من أن نعقدها بمسائل لا تمت للأنسانية بشيء

[احمد1]

لا اتفق معك تماما: ليش؟ لان اذا كل واحد نبش ودور وحصل شي لاقدر الله محد بيتزوج لا بنات ولا شباب ولو تزوجو ممكن يكون فيه معاير في المستقبل... ممكن الشاب غلط وتاب وستر الله عليه ليش الواحد يدور مشاكل هو في غنى عنها.

طيب اعكس السؤال/

اشرايك لو يعطى الرجل الحق بالاستعلام عن المرأه قبل الزواج منها بكل الوسائل المتاحة قبل الزواج؟
اترك لك الاجابة لان اللي اعني واضح

الله يسترعلينا يارب وعلى جميع المسلمين

ردي على الجدزء الاول من السوال هو لو جا واحد خمار والعياذ بالله ولا معقد نفسيا ويريك زوجته ضرب ويعشيها ضرب ... وش بيكون ردك انت في هالحاله ولا بتقول لا غضو الطرف وبعد ماتطيح الفاس بالراس نطلقهم مثلا ... لا انه اقول يتأكدون منه وبعد يتأكدون منها على الاقل الحاله النفسيه والماضي اذا كان مقبول الله يصلح الطرفين ويوفقهم ... مع كل احترامي لوجهة نظره ممكن تكون انت صح وانه غلط ....

[احمد1]

اممممممممممممم بيصير تجسسات ممكن وحده تدعي فلان خطبني وهي مدزوزه من حد بغرض التجسس على هشخص انا ضد الا قتراح

لا هاذي وظيفه ولي الامر هو الي يسال ويبحث عن الشخص المتقدم ....

بالنسبه لهذا الخطوه لها اكثر من طريقه لتنظيمها وخاصه من الجهات المسؤوله ...

[الخيالة]

في عوائل ما يقولون الصج بنت خالى تزوجت من واحد وسالوا عنه بعد كل اللي يعرفونه بس طلع عقب الزواج الريال مريض نفسي وكان يوميا يضرب بنت خالى تحملت ثلاث سنوات بغت تموت لين تطلقت ومب قادره تأخذ ولدها لان الدكتور قائل ان حس الريال ان بتاخذين ولدج بيرجع بيلعوزج وحالتها حاله الحين

[alsoq]

السجل للشخص عند الجهات معلومات سريه ولا يحق لاي كان الاطلاع عليها

لو عرف بيت واحد بمعلومات الشخص ثاني يوم تحصله منفضح في قطر بكبرها من تناقل الكلام

ابن ادم ليس معصوم من الخطاء

عن أنس بن مالك رضي الله عنه قال: سمعت رسول الله - صلى الله عليه وسلم - يقول: قال الله تبارك وتعالى: (يا ابن آدم إنك ما دعوتني ورجوتني غفرت لك على ما كان فيك ولا أبالي، يا ابن آدم لو بلغت ذنوبك عنان السماء ثم استغفرتني غفرت لك ولا أبالي، يا ابن آدم إنك لو أتيتني بقراب الأرض خطايا ثم لقيتني لا تشرك بي شيئا لأتيتك بقرابها مغفرة) رواه الترمذي وصححه ابن القيم وحسنه الألباني.

الناس تقع في مشاكل وتتوب بعدها ولكن السجلات يتم فيها


يمكن ها الشخص تايب ومن اصلح الرجال الان ها تاخذه بعقوبه سابقه


كلام غير منطقي الصراحة ان الجهات المختصه زود احد بمعلومات سريه عن الشخص
وفي الاعراف الدوليه تقدر تحاسب هذي الجهات

[طلعة الروح]

اذا بنركز ع الماضي، محد راح يتزوج! لكن أنا مع الفحص الطبي والنفسي للطرفين!

[saeed2005]

يبقى سؤال مهم بأهمية الموضوع وهو في حال كان للشاب المتقدم ماضي سيء وتاب توبة نصوح هل سيلاحقه سجله السيء ليحول حياته إلى جحيم فلا زواج ولا اسرة ولا استقرار اعتقد أن الشرع رغب في الستر وقال صلى الله عليه وسلم من ستر مسلما ستره الله .. فكيف تتم الدعوة إلى الفضيحة بحجة التأكد من ماضي المتقدم أو ماضي المتقدمة هذا أمر فيه هتك للأعراض واستباحة للحرمات .. والله أعلم .

[نوور الدووحه]

اذا بنركز ع الماضي، محد راح يتزوج! لكن أنا مع الفحص الطبي والنفسي للطرفين!



شدعوووه محد بيتزوج!! :eek5:

شبابنا فيهم الخير ..بس ماضي عن ماضي يفررررق؟؟

والي ماضيه تعبان الله يغفر له :secret:

[ريتويت]

لا اتفق معك تماما: ليش؟ لان اذا كل واحد نبش ودور وحصل شي لاقدر الله محد بيتزوج لا بنات ولا شباب ولو تزوجو ممكن يكون فيه معاير في المستقبل... ممكن الشاب غلط وتاب وستر الله عليه ليش الواحد يدور مشاكل هو في غنى عنها.

طيب اعكس السؤال/

اشرايك لو يعطى الرجل الحق بالاستعلام عن المرأه قبل الزواج منها بكل الوسائل المتاحة قبل الزواج؟
اترك لك الاجابة لان اللي اعني واضح

الله يسترعلينا يارب وعلى جميع المسلمين

المفروض يستعلمون عن البنت اكثر فهالزمن لان تحت السواهي دواهي

[بوحارب]

على الأقل يعرفون تاريخ سفراته وين يروح ووين يجي ;);)