التامين الصحي بظوابط معينه ..

[حمد 2002]

السلام عليكم ورحمه الله وبركاته
التامين الصحي بظوابط معينه ..

اخشى ان يلجا الكثير من النساء لعمليات التجميل وتغير خلق الله بعد الحصول على التامين الصحي والدخول والتعارض مع الشريعه الاسلاميه ..

ممم فحسب اعتقادي يجب ان يكون التامين الصحي وفقا لظوابط معينه والا يتعارض مع الشريعه الاسلاميه ...

مع التحيه ..

بالتوفيق ..

[أم علي 2010]

حمد صل على النبي ، ولا تأمين في الدنيا يغطي عمليات التجميل من غير داعي

حتى تقويم الاسنان ما يغطيه التأمين ، الله يستر بس من اللسته اللي بغطيها التأمين

[الكنترول]

حمد الله يجزيك خير خلهم على راحتهم تعديل الوجه من حروق وشيخوخة بالبوتكس ايه المانع

[ضوى]

عمليات التجميل غير خاضعة للتأمين ، بجذي يكون الموضوع ماله داعي من الاساس

[العلياا]

عمليات التجميل غير خاضعة للتأمين ، بجذي يكون الموضوع ماله داعي من الاساس


:victory:

[حمد 2002]

حتى لو مايغطيه بس اخشى ان يكون هناك تلاعب على القانون

[حسن]

الضمير

:)

[ANONYMOUS]

حتى لو مايغطيه بس اخشى ان يكون هناك تلاعب على القانون


بالفعل هناك تلاعب كما سمعت بالاتفاق مع الدكتور سواء اسنان او تجميل غيره

بان يسجل بالفاتوره بأنه فعل عمليه او شغله من ظمن مايغطيه التأمين

وفعليا المريض سوى شي تجميلي خارج التأمين

[ضوى]

والتجميل الشي اللي شاغل بالك فيه انه ممكن يكون فيه تلاعب فيه ،؟؟؟ التلاعب واضح بكل مشاريع البنية التحتية ماشوفك شديت حيلك وكتبت عنهم وكشفتهم والا بس عشان المره في الموضوع شديت حيلك ؟!!!

[المرحب]

عمليات التجميل غير خاضعة للتأمين ، بجذي يكون الموضوع ماله داعي من الاساس

:victory:

[Rider]

مع احترامي لك اخوي حمد بس ترى مواضيعك كلها عن الحريم يعني سؤال هل أنت صح في هذي الدنيا والناس غلط بمعنى اخر هل انت مشي أهلك على الصراط المستقيم اكتب مواضيع تهم الوطن والمواطن اما فلانه وفلان قال وقالوا كل واحد حر في نفسك انا معاك تتكلم في شي غلط شفته ويخص أحد ما

[أم علي 2010]

والتجميل الشي اللي شاغل بالك فيه انه ممكن يكون فيه تلاعب فيه ،؟؟؟ التلاعب واضح بكل مشاريع البنية التحتية ماشوفك شديت حيلك وكتبت عنهم وكشفتهم والا بس عشان المره في الموضوع شديت حيلك ؟!!!

ذكرني هالرد بموقف ،، لما قالوا خلاص بنوفر التكلفة والمصروفات ،، الناس توقعت تعديلات على النظام تجنب التاخير في المعاملات ،، قالوا بنوفر ورق وما بنطبع يعني بيوفرون 4000 ريال بدال الملايين ههههه

[يمامـة]

عمليات التجميل غير خاضعة للتأمين ، بجذي يكون الموضوع ماله داعي من الاساس

اتفق معاج..

الحين الواحد ضرسه طايح مب راضيين يركبون له يقولون التأمين ما يغطي.

وانت يا حمد تتكلم عن التجميل في الويه والخشم والبراطم.

[يمامـة]

بالفعل هناك تلاعب كما سمعت بالاتفاق مع الدكتور سواء اسنان او تجميل غيره

بان يسجل بالفاتوره بأنه فعل عمليه او شغله من ظمن مايغطيه التأمين

وفعليا المريض سوى شي تجميلي خارج التأمين

التلاعب في كل شي مب شرط عمليات التجميل

يعني تركيب جسر يكلف مثلا نقول 2800
والتأمين حاط 1000 ريال

ممكن العيادة تتفق مع المريض انه ينكتب له
انه عالج اربع ضروس والتهاب في اللثة و جراحة وغيره
وكل هذا كذب في الأخير المبلغ المسحوب على جسر واحد.

ومثل هالأمور تصير في كل القطاعات مب بس في قطاع التأمين.

[مرتبش]

مصيره يكون مثل البلدان اللي اخترعت التامين الصحي..امريكا مثلا

عندهم شركات التامين تتحكم في المريض.. تمنعه من عمل فحوصوات معينة لانها مكلفة او انها تشوف مالها حاجة.. تمنع العمليات ايضا لنفس الاسباب.. تخيل ان عندك مريض يرفضون علاجه في الخارج شنو شعورك وانت عارف الحال عندنا.. هذا اللي بيصير في نهاية المطاف مع التامين الصحي الاجتماعي ( اللي حتى مانعرف تفاصيله )

[رهج السنابك]

البنت الي تسوي عمليات ماتردها الفلوس
حتى لو تغطى بالتامين مع انه مافي ولا بيكون في
الي تبي تسوي بتسوي بتامين ولا بدونه
والي ماتبي مش هتعمل حاقه

[ANONYMOUS]

التلاعب في كل شي مب شرط عمليات التجميل

يعني تركيب جسر يكلف مثلا نقول 2800
والتأمين حاط 1000 ريال

ممكن العيادة تتفق مع المريض انه ينكتب له
انه عالج اربع ضروس والتهاب في اللثة و جراحة وغيره
وكل هذا كذب في الأخير المبلغ المسحوب على جسر واحد.

ومثل هالأمور تصير في كل القطاعات مب بس في قطاع التأمين.

مافهمت وش تقصدين .. لانج كررتي ردي.. لاني ذكرت الاسنان والتجميل

على طاري الجسر والتقويم .. ولدي ركبوا له حافظة مسافات للاسنان ب 1000 ريال.. والتأمين ماغطى التكلفه..

بس شدتني الجمله الاخيره " ومثل هالأمور تصير في كل القطاعات مب بس في قطاع التأمين" .. هل هذي دعوه لتحليل هالنوع من انواع الاحتيال نصب - بوق - سميه ماشئتي !!

هذي لو تدري عنها شركة التأمين الصحي راح توقف التعامل مع العياده اللي تسهل هالمواضيع

[نتفـه]

لا تحاتي ما يغطيه التأمين :)

[بصمة قطرية]

اللي أعرفه ان شركات التأمين تراجع كل شي
و تتأكد من عدم وجود تلاعب
و لو وجد تلاعب ينلغي التأمين مع هالعيادة ..
و التجميل ما يشمل التأمين
ولدي يبي يركب تقويم و عنده لما البطاقه 5000
و العام كان باقي 4000 ما رضوا التأمين
قالوا ما يشمل ..!!!

[طلعة الروح]

لا داعي لافتراض أمور غير موجودة في واقع الحياة يا آخ حمد؟

[عطر فرنسي]

:(حتى انا مثلك اخوي حمد اخشى

[7llo]

ملاحظه : التامين الصحي لايشمل الاسنان ولا يشمل التجميل