"الثوب والغترة" في العمل :.. ـــــــــــــــــــــــــــــ !

[بو الجوري]

السلام عليكم جميعاً ..

من زمان مانزلت موضوع هني ، لكن الصراحه في نفس الوقت من زمان ماتنرفزت من موضوع فالجريده :rolleyes2:

في عدد اليوم من جريدة الرايه كان في مقال عن جدل شبابي حول التمسك بـ"الثوب والغترة" في العمل !!


مؤيدون: جزء من ثقافتنا والتخلي عنه تعدّ على عادات المجتمع

معارضون: غير مناسب للعمل ويقيد حرية الموظف في الحركة

الزي القطري تراجع بين الشباب وكثيرون لا يرتدونه إلا في المناسبات

الزي الموحد يقضي على الفوارق الاجتماعية في بيئة العمل



للتفاصيل :
http://www.raya.com/news/pages/4bbdda56-19bc-48d7-94fc-6f4bc39db6fc


اللي نرفزني إنه في شباب كاتبين التالي :

شباب يستغنون عن الزي تفادياً للإحراج بأماكن العمل !
"الثوب" لا يسمح للموظف بأداء عمله !
يُقيد حريتي في الحركة أثناء العمل !
مطلوب توحيد أزياء الموظفين الحكوميين !


لهلدرجه في ناس هذا تفكيرهـا !! وهل صحيح إنه الثوب بدأ بالإندثار ؟؟؟؟

أنا ماشوف اللي حولي يلبسون بدل لما يطلعون أو بس فالمناسبات !

أنا ماقول لا تلبس بدله ( كاجوال ) لكن مب إنه يكون لبسك الأساسي !!
والثوب بس فالمناسبات


شنهو رايكـم فالموضوع ، وتعليقكم على المقال !


^
طبعاً اللي عمله يتطلب عدم لبس الثوب فهذا لا خلاف عليه
مثل ( الجمارك ، الشرطه ، المصانع ... الخ )

[العلياا]

يبون يتساوون مع العمال !!

الحمدلله والشكر

[بريق الحق]

اخوي اذا تكلم عن الاماكن مثل الداخليه البنوك الخ انا معاك الصراحه
اما الي شغال فالبترول والمصانع الخ صعب والمكان كلش مايساعد
يعني اذا بروح الصناعيه او عندي شغله فيها شل وحط ود البس بدله افضل

[S S]

انا من شفت اسم كاتب المقال فى الجريدة وانا غاسل يدي من الموضوع

[ضوى]

يمكن شغل البترول يتطلب يونيفورم معين اما باقي الاماكن بشنو يقيدهم لبس الثوب والغترة

[بو الجوري]

يبون يتساوون مع العمال !!

الحمدلله والشكر
إي و الله :(


اخوي اذا تكلم عن الاماكن مثل الداخليه البنوك الخ انا معاك الصراحه
اما الي شغال فالبترول والمصانع الخ صعب والمكان كلش مايساعد
يعني اذا بروح الصناعيه او عندي شغله فيها شل وحط ود البس بدله افضل

وهذا اللي أنا قلته الشيخ


انا من شفت اسم كاتب المقال فى الجريدة وانا غاسل يدي من الموضوع

:secret:

[بو الجوري]

يمكن شغل البترول يتطلب يونيفورم معين اما باقي الاماكن بشنو يقيدهم لبس الثوب والغترة

وهذا اللي أنا أقوله !!!!

إذا مكان العمل يتطلب يونيفورم ، فمافيها مشكله

[ANONYMOUS]

كلام جرايد ياخوي

[Rider]

والله اخوي فعلا انا استغربت من ردود بعض الشباب خاصه الى يقول احراج وثاني مايساعد وغيرها من الردود الواحد المفروض يفتخر بملابسه من تقليد اعمى للغرب نعم فيه امكان الي اذكروها بعض الاخوان في الردود صعب معاها الثوب والغترة لكن دوائر حكومية وشغل مكاتب يبغون الاخوان يلبسون بدل في النهاية تربية الخدم مشكلة

[العنيده]

الغتره والعقال والعبايه والشيله يازينهم في اماكن الشغل
جهات تمثل البلاد وواجهه وترمز لنا .. الا اللبس :nono:

[بو الجوري]

كلام جرايد ياخوي

زين و الشباب اللي محطوطه صورهم وقايلين هالكلام !!


والله اخوي فعلا انا استغربت من ردود بعض الشباب خاصه الى يقول احراج وثاني مايساعد وغيرها من الردود الواحد المفروض يفتخر بملابسه من تقليد اعمى للغرب نعم فيه امكان الي اذكروها بعض الاخوان في الردود صعب معاها الثوب والغترة لكن دوائر حكومية وشغل مكاتب يبغون الاخوان يلبسون بدل في النهاية تربية الخدم مشكلة

الله المستعان :(


الغتره والعقال والعبايه والشيله يازينهم في اماكن الشغل
جهات تمثل البلاد وواجهه وترمز لنا .. الا اللبس :nono:

:nice:

[sweet qatar]

هد أعصابك يا بو الجوري

ماتدري الصحفي شلون طرح عليهم السؤال
او هم في بالهم اي مهنة

يعني الي يدرس هندسة أكيد بيفكر في بيئة عمل المهندس

الحمدلله لا زال الثوب فارض نفسه وهيبته واغلب الشباب في التحقيق قالوا هالشي
بس لاحظت ان قل عدد الأجانب الي يلبسونه
صاروا يكشخون بالبدل

لفت نظري تعليق الهاجري .. واستغربت من الي يقول ان البدلة والكرافة اسهل !!!!

[مشاكل]

كلام فاضي

احنا الدولة الوحيدة اللي مازال فيها رجالها ونسائها صغارها وكبارها ملتزمين بالزي الوطني الموقّر والمحتشم ولله الحمد ،،، وان كان هنالك من يخالف ذلك فهم قلة قليلة جداً مقارنة بالدول الأخرى

[بو الجوري]

هد أعصابك يا بو الجوري

ماتدري الصحفي شلون طرح عليهم السؤال
او هم في بالهم اي مهنة

يعني الي يدرس هندسة أكيد بيفكر في بيئة عمل المهندس

الحمدلله لا زال الثوب فارض نفسه وهيبته واغلب الشباب في التحقيق قالوا هالشي
بس لاحظت ان قل عدد الأجانب الي يلبسونه
صاروا يكشخون بالبدل

لفت نظري تعليق الهاجري .. واستغربت من الي يقول ان البدلة والكرافة اسهل !!!!

:( شفتي شلون ، شيقولون بعضهم

عكروا مزاجي شوي لهذا المساء << تحسين إني همر :nice:

[المحاميه]

يبون يتساوون مع العمال !!

الحمدلله والشكر

اشفيها لو تساوو مع العمال

عيب ولا حرام؟

[بو الجوري]

كلام فاضي

احنا الدولة الوحيدة اللي مازال فيها رجالها ونسائها صغارها وكبارها ملتزمين بالزي الوطني الموقّر والمحتشم ولله الحمد ،،، وان كان هنالك من يخالف ذلك فهم قلة قليلة جداً مقارنة بالدول الأخرى

الحمدلله ، و إن شاء الله يتم الوضع هذا مع الأجيال القادمه

[عاشق العديد]

كلام جرايد انا لبست الثوب فالمصنع كذا مره وبهدلوني ..
ولين اليوم ولكن المشكله يابو الجوري لما اكون لابس لبس المصنع واكون مبنجر او شي العالم مايوقفون لي ..
تخيل مره درويلنا جاني وانا مبنجر يقولي بابا انا فكر انته شغل داخل بترول استيشن ..

[العلياا]

اشفيها لو تساوو مع العمال

عيب ولا حرام؟

لا هو بعيب ولا بحرام
بس منطقياً شلون اخلي موظف واجهة للبلاد يقعد لي بيونيفورم وهو كل شغله على مكتب ولا محتاج يقوم ويقعد
بذمتج هالمنظر يرضيج ؟!

[بو الجوري]

كلام جرايد انا لبست الثوب فالمصنع كذا مره وبهدلوني ..
ولين اليوم ولكن المشكله يابو الجوري لما اكون لابس لبس المصنع واكون مبنجر او شي العالم مايوقفون لي ..
تخيل مره درويلنا جاني وانا مبنجر يقولي بابا انا فكر انته شغل داخل بترول استيشن ..

ههههههههههههههههههه
كان المفروض تفصخ نص الأوفروول و تطلع الباي يمكن أشوفك وأوقفلك :shy:

[sweet qatar]

:( شفتي شلون ، شيقولون بعضهم

عكروا مزاجي شوي لهذا المساء << تحسين إني همر :nice:

ههههههههههه

لاتكفى يكفينا واحد :secret:

انزين فهمني هذاك شيقصد اي عرض أزياء؟؟
صج في ولا يبالغ؟

[بو الجوري]

ههههههههههه

لاتكفى يكفينا واحد :secret:

انزين فهمني هذاك شيقصد اي عرض أزياء؟؟
صج في ولا يبالغ؟

إي في عرض أزياء في جامعة البنات يقولون :shy:

يقولون في بنات هناك كنهم في عرس أو رايحيين حفلة حريم :shy:

[يمامـة]

لا تصدق اللي ينكتب ابدا.

القطري بشكل عام ما يستغنى عن الثوب والغترة و ما بالك الكاتب كاتب
ان ينحرج من الثوب والغترة؟

وين الاحراج في الثوب والغترة؟

الا عيالنا نشوفهم من داوموا صاروا يتمسكون في الغترة والعقال
على اساس ان هذا هو الصح في المكان الصح.

فلذلك اعتبره كلام راعي سوالف صحفي ما عنده سالفة.

[بو الجوري]

لا تصدق اللي ينكتب ابدا.

القطري بشكل عام ما يستغنى عن الثوب والغترة و ما بالك الكاتب كاتب
ان ينحرج من الثوب والغترة؟

وين الاحراج في الثوب والغترة؟

الا عيالنا نشوفهم من داوموا صاروا يتمسكون في الغترة والعقال
على اساس ان هذا هو الصح في المكان الصح.

فلذلك اعتبره كلام راعي سوالف صحفي ما عنده سالفة.

زين ممكن طلب ؟

إشتري اليوم جريدة الرايه وشوفي التقرير بالصور وأسماء القطريين اللي متناقشين فالموضوع

[sweet qatar]

إي في عرض أزياء في جامعة البنات يقولون :shy:

يقولون في بنات هناك كنهم في عرس أو رايحيين حفلة حريم :shy:

البنات ما يلبسون ثوب :o

ما يهمني الي يصير في جامعة البنين

لكن ابصم لك بالعشرة لو الكلام عن جامعة البنات بتلقى عشرين واحد يعطونك تفاصيل التفاصيل


اغلب الشباب في التحقيق قالوا انهم مستحيل يتخلون عن الثوب القطري ويبدلونه
مافي الا اثنين ايدوا و واحد فيهم قال حسب طبيعة الشغل

[يمامـة]

زين ممكن طلب ؟

إشتري اليوم جريدة الرايه وشوفي التقرير بالصور وأسماء القطريين اللي متناقشين فالموضوع

عطني ريالين وطلبك مستجاب على طوول.

شوف يا بوالجوري

يعتمد كم قطري حاطينه في الموضوع.
ويعتمد بعد مكان شغلهم.

يعني واحد يشتغل مثلا مهندس ميداني( هذا طبيعي ينحرج من الثوب والغترة والعقال)
لأن اصلا مرات كثيرة الزي الشعبي يكون عائق لتحركاته.

لكن انسان في مكتب او جامعة او كوفي شوب او غيره
وين الاحراج من ملابسه؟!!

لذلك هالشباب اللي تكلموا وقالوا احنا منحرجين
لازم قبل كل شي نعرف وين جهة عملهم، لأن مستحيل
قطري ينحرج من الثوب والغترة في شغله وهو قاعد على المكتب
ولا في روحته للجامعة.

ناطرة الريالين :shy:

[بو الجوري]

البنات ما يلبسون ثوب :o

ما يهمني الي يصير في جامعة البنين

لكن ابصم لك بالعشرة لو الكلام عن جامعة البنات بتلقى عشرين واحد يعطونك تفاصيل التفاصيل


اغلب الشباب في التحقيق قالوا انهم مستحيل يتخلون عن الثوب القطري ويبدلونه
مافي الا اثنين ايدوا و واحد فيهم قال حسب طبيعة الشغل

:shy: أوكي


عطني ريالين وطلبك مستجاب على طوول.

شوف يا بوالجوري

يعتمد كم قطري حاطينه في الموضوع.
ويعتمد بعد مكان شغلهم.

يعني واحد يشتغل مثلا مهندس ميداني( هذا طبيعي ينحرج من الثوب والغترة والعقال)
لأن اصلا مرات كثيرة الزي الشعبي يكون عائق لتحركاته.

لكن انسان في مكتب او جامعة او كوفي شوب او غيره
وين الاحراج من ملابسه؟!!

لذلك هالشباب اللي تكلموا وقالوا احنا منحرجين
لازم قبل كل شي نعرف وين جهة عملهم، لأن مستحيل
قطري ينحرج من الثوب والغترة في شغله وهو قاعد على المكتب
ولا في روحته للجامعة.

ناطرة الريالين :shy:

موجوده الريالين ، إشتري الجريده أول :)

[يمامـة]

:shy: أوكي



موجوده الريالين ، إشتري الجريده أول :)

ما يعطوني الجريدة من غير فلوس

فالفلوس اول :shy:

[بو الجوري]

ما يعطوني الجريدة من غير فلوس

فالفلوس اول :shy:

زين طرشي حد دوامي ياخذ الريالين :anger1:

[مضارب دوسري]

احنا جذي ومب مترفعين بعد بيلبسون بدل
من فتره ف مطعم واحد لابس بدله الوانها نفس الوان ملابس اللي يشتغلون
ناديته مدير جيب بيبسي

موقف محرج لي وله

حلاة الواحد بغترته وثوبه

هذي فالحياه العامه

اما فالعمل
اللي شغله مكتب فقط يلبس ثوبه وغترته

واللي شغله out door <<<<<<ركزوا على الاوت دور متعوب عليها

في هالحاله افضل له يلبس بدله او يونيفورم

[Dana’1]

ما أظن بالعكس الي أشوفة حولي هنا كلهم محافظين عالثوب والغترة ومستحيل يطلع لمكان بدونها إلا نادر ..مثلا طالع من جم أو نادي ومار ياخذ شغلة بطريقة

مع إني أشوفة شي عادي أهم شي لبس ساتر وأنتهى

أذكر في واحد يقول ياحظ الدوله الفلانية محد يطالع أحد بدلة ثوب ...ثوب بدون شماغ الأمور طيبة
أنا خاطري البس بدلة كاجوال أو رياضية قطنية يبغى يريح تعب من الثوب والغترة بالذات بالصيف بس مستحيل يسويها بقطرر
فماله إلا الثوب ويسكر زرار الياقة بعد ههههه

أحسن كذا عن نفسي أنبسط إذا شفت أطفال وكاشخين بالثوب والغترة<<سكبة<<قديمة الكلمة من زمااان ما قلتها<<لا يكثر

دمتم بود

[قناص 787]

ذكرتوني بسنة 2000 يوم يوم طلع كلام ان الفترة الجاية راح يكون في

اختلاط في الدراسه و في العمل و الكل كان يتحلطم و ان مستحيل يخلي زوجته

اخته أمه بنته في مكان فيه مختلط ههههههههههههههه و الحين حدث و لا حرج

عااااااااااااااادي ..... يحليلكم والله

كل واحد يجهز له بدله حق الدوام من الحين :thumbup::deal:

[جيفنشي قطر]

ذكرتوني بسنة 2000 يوم يوم طلع كلام ان الفترة الجاية راح يكون في

اختلاط في الدراسه و في العمل و الكل كان يتحلطم و ان مستحيل يخلي زوجته

اخته أمه بنته في مكان فيه مختلط ههههههههههههههه و الحين حدث و لا حرج

عااااااااااااااادي ..... يحليلكم والله

كل واحد يجهز له بدله حق الدوام من الحين :thumbup::deal:

هههههههههه ... ع العووق

[بو الجوري]

احنا جذي ومب مترفعين بعد بيلبسون بدل
من فتره ف مطعم واحد لابس بدله الوانها نفس الوان ملابس اللي يشتغلون
ناديته مدير جيب بيبسي

موقف محرج لي وله

حلاة الواحد بغترته وثوبه

هذي فالحياه العامه

اما فالعمل
اللي شغله مكتب فقط يلبس ثوبه وغترته

واللي شغله out door <<<<<<ركزوا على الاوت دور متعوب عليها

في هالحاله افضل له يلبس بدله او يونيفورم

هههههههههههههههه

وكلامك صحيح أخوي



ما أظن بالعكس الي أشوفة حولي هنا كلهم محافظين عالثوب والغترة ومستحيل يطلع لمكان بدونها إلا نادر ..مثلا طالع من جم أو نادي ومار ياخذ شغلة بطريقة

مع إني أشوفة شي عادي أهم شي لبس ساتر وأنتهى

أذكر في واحد يقول ياحظ الدوله الفلانية محد يطالع أحد بدلة ثوب ...ثوب بدون شماغ الأمور طيبة
أنا خاطري البس بدلة كاجوال أو رياضية قطنية يبغى يريح تعب من الثوب والغترة بالذات بالصيف بس مستحيل يسويها بقطرر
فماله إلا الثوب ويسكر زرار الياقة بعد ههههه

أحسن كذا عن نفسي أنبسط إذا شفت أطفال وكاشخين بالثوب والغترة<<سكبة<<قديمة الكلمة من زمااان ما قلتها<<لا يكثر

دمتم بود

شاكر مشاركتج إختي



ذكرتوني بسنة 2000 يوم يوم طلع كلام ان الفترة الجاية راح يكون في

اختلاط في الدراسه و في العمل و الكل كان يتحلطم و ان مستحيل يخلي زوجته

اخته أمه بنته في مكان فيه مختلط ههههههههههههههه و الحين حدث و لا حرج

عااااااااااااااادي ..... يحليلكم والله

كل واحد يجهز له بدله حق الدوام من الحين :thumbup::deal:

هههههههههههههههههههههههه

الله المستعان ياخوي

عيل لازم نتعلم شلون نربط الكرفته من الحين :shy:

[يمامـة]

زين طرشي حد دوامي ياخذ الريالين :anger1:

اذا باطرش حد لازم تدفع حق المندوب ياخذ على المشوار 100 ريال

جهز 102 علشان اشتري الجريدة :shy:

[بو الجوري]

اذا باطرش حد لازم تدفع حق المندوب ياخذ على المشوار 100 ريال

جهز 102 علشان اشتري الجريدة :shy:


ياخذون 30-50 عن الطمع

تذكريني فناس ، يسوون صحن سندويشات مايكلفهم 120 ريال مع قيمة الصحن ويبيعونه بـ 400:shy:

[يمامـة]

ياخذون 30-50 عن الطمع

تذكريني فناس ، يسوون صحن سندويشات مايكلفهم 120 ريال مع قيمة الصحن ويبيعونه بـ 400:shy:

زين خلاص

جهز 52 ريال

وحدد الصفحة اللي فيها المقال علشاني انسانة اعيز من تقلب الصفحات في الجريدة
لو سمحت طبعا.

وشكرا لك مقدما.

[قناص 787]

هههههههههههههههههههههههه

الله المستعان ياخوي

عيل لازم نتعلم شلون نربط الكرفته من الحين :shy:

يمدحون رد تاغ ..... يقولك عليه كرفتات بروحها تربط نفسها :nice:

[ريم الشمال]

اعتقد الثوب هو لبس جميل ورؤية الشاب أو الرجال عموماً به جميل لأنه دليل تميز الرجل وخاصة العربي
عموماً الثوب لبس ليس فقط للخليجي هو للعرب عموماً لأنه يناسب بيئتنا الحاره ابيض يعكس اشعة الشمس
اما الذي يعمل في عمل يحتاج لبس معين فلا حرج عليه
أما من اعترض على الثوب فهم لهم وجهة نظر بس لا يمكن تعميمها على مجتمع يعشق الثوب وينظر لمن يرتدية نظرة احترام ويعتبر من البرتوكولات الاساسية التي يقيس بها المجتمع من أنت

[معماري قطري]

معليش بو الجوري خلنا واقعيين .. الثوب والغترة والعقال ما كانوا مثل ما هم عليه أَلحين

كانت قبل الغترة أَنواع تختلف وتستعمل لتغطية الرأَس عن الشمس أَو للحماية من البرد، وكانت أَقرب للعمامة وتم دخول العقال تدريجياً لين وصل لشكله الحالي .. والعقال بداية استخدامه في سوريا وبلاد الشام وانتقل للجزيرة العربية ووصلنا وتطور لين وصل لهذا الشكل الأَخير.

في دول ثانية مثل أَمريكا كان الكاوبوي يستخدم قبعة عريضة تغطي راسه وتظلل جسمه بسبب ظروف الجو بعد وليقدر على الرعي .. وتم استخدامها مثلنا كلباس تقليدي لفترة طويلة من الزمن وللكشخة .. وما زال القليل يلبسها واحتمال في مناسبات وأَوقات خاصة .. بسبب تغير بيئة العمل وطبيعة العمل وأُمور كثيرة.

عندنا نتمنى تكون الغترة والعقال تراث تقليدي متواصل وكذلك الثوب بس بعض المبالغة في لبسهم وفي تزيينهم وتطويرهم من قبل المنتجين لدرجة وصلت الغترة معاها خفيفة وايد وشفافة .. صراحة انقلبت قريبة من اللباس النسائي واستوى الواحد .. طبعاً البعض .. ياخذ فترة فل لبس الغترة والبعض يتفنن في تغييرات على الثوب وتخصير وتطويل أَكثر من اللازم لدرجة انه أَصبح معرقل للمشي الطبيعي.

انا من رايي بالنسبة لمهن معينة كالطبيب والمهندس وبعض الاداريين اللي لازم يتحركون بسرعة ويتابعون اللباس الخاص المهني أَفضل والثوب والغترة للكشخات والتجمعات الاجتماعية.

[زبرجد]

أنا أجوف معظم شبابنا يلبسون الثوب وحتى إللي تحت العشرين وأذكر مرة كويتي زار قطر وإعجبه إن الشباب المراهقين وإللي أصغر يلبسون الثوب والغترة والعقال
وإذا على الراحة في رأيي الثوب وايد أريح من الترصص بالبنطلون .

[aziz4z]

يعتمد على نوعية الشغل , إذا شغال مهندس في بترول أو كهرباء , يفضل يلبس نوعية مناسبة للاحتياطات , مثلا مضادة للحريق يحمي الجسم من تسريب مواد معينة للجلد
أما الاعمال الثانية أو المكتبية طبعا ثوب و غترة , اعتزاز و جمال , بالعكس أنا أشوف لبس البدلة معقد , يصعب الحركة , حتى ماتقدر ترفع رجلك , يعني جالس مستقيم

[moh5773]

انا it والسالفه فيها كمبيوترات وشيل وحط ووايرات .. ومع هاي البس ثوب وغترة مع ان البدله احسن واريح .. اما البنوك والوزارات وشغل مكاتب ما اشوف ان الثوب والغترة عائق .. بالعكس قاعد على هالكرسي ولا يتحرك

[بو الجوري]

شاكر لكل من مر و علق وأبدى رأيه فالموضوع :)

أتمنى الثوب و الغتره ما يتدثرون مع الأيام :..

[يوسف0]

زين خلاص

جهز 52 ريال

وحدد الصفحة اللي فيها المقال علشاني انسانة اعيز من تقلب الصفحات في الجريدة
لو سمحت طبعا.

وشكرا لك مقدما.

http://www.raya.com/file/get/a9371095-7c02-4cbb-ae4c-372bd2db7dd5.pdf#pagemode=thumbs

صفحة 25

[بو الجوري]

تسلللم يا يوسف ، مدري ليش راح عن بالي موضوع الpdf

[CH Engineer]

بو الجوري عن تجربة المقالات والمقابلات فالجرايد يتصل عليك الكاتب ويقولك بنحط صورتك وهو يكتب الكلام على كيفه..

بالنسبة للثوب والغتره لهم هيبه فالدوام تحس انك "مدير كبير"," بق بوس" في مجال البترول سواء ثوب وغتره أو جنز ورياضه كلهم ماينفعون لازم يونيفورم محدد للكل ومجبور عليه وغير مريح ولكن مجبور تلبسه لانه احد شروط السلامة.. يعني مب سالفة ثوب وغتره او جنز..

[اجرام]

هالجريده جالس اتسوي دراما
مستحيل اتحصل قطري يداوم ببدله الا اذا عمله يفرض عليه
بالعكس اتحصل اكثرهم يحط ثوبه وغترته عشان لو طلع من دوامه وكان عنده شغل ما يروح الا وهو لبس الثوب

هالجريده ماعندها سالفه

[يوسف0]

تسلللم يا يوسف ، مدري ليش راح عن بالي موضوع الpdf

الله يسلمك

[يوسف0]

هالجريده جالس اتسوي دراما
مستحيل اتحصل قطري يداوم ببدله الا اذا عمله يفرض عليه
بالعكس اتحصل اكثرهم يحط ثوبه وغترته عشان لو طلع من دوامه وكان عنده شغل ما يروح الا وهو لبس الثوب

هالجريده ماعندها سالفه

في قطريين يلبسون بدله فالدوام

وفي قطريين كل طلعاتهم بجنزات والثوب للمناسبات فقط

لاكن العدد الله أعلم