وردات بين أيادي ذئاب الانترنت !!

[رهج السنابك]

تويتر
انستغرام
كيك
فيسبوك
سكايب
سناب شات

وحتى الالعاب صار فيها اونلاين وتواصل
صرنا في عالم مفتوح وكله تواصل
ورداتنا بناتنا واولادنا الصغار صرنا في حيره معاهم يبون تويتر ويبون انستغرام مثل رفيجاتهم ويبون كيك وواتس اب وسكايب ومدري شنو اشياء حتى احنا مانعرفها
حتى الالعاب للاسف قيمزر ولعبه الكاوبوي
مانقدر نسحب الاجهزه منهم ولا نقدر نراقبهم فقدنا السيطره بس نخاف عليهم من العابثين
التربيه هالوقت ماتنفع المدارس مافيها تدريس شرعي عدل و الطفل والمراهق بعمر حساس يبي يكتشف ويسمع قصص من ربعه والربع يتبادلون تجاربهم

نسحب الاجهزه مب حل
سياسة المنع في هالوقت ماتمشي
نقول يا ماما ياعسل معليه حطي حساب بانستغرام وكيك بس لا تردين ع احد
نزلي هالالعاب بس لا تكلمين احد
هالطريقه بعد غلط لانها بتثير الفضول اكثر خاصه عند الطفل الفضولي

مره سمعت وحده تشتكي ان بنتها ام 12 سنه متعرفه على واحد عمره 35 وهي حريصه جدا ع بناتها وتراقبهم وربة بيت معاهم ع طول
بعد تكفيخ البنت الي فجأه صارت تعرف اشيا اكبر من عمرها اعترفت انها تعرفت عليه من قيمزر!!!!! شي مايخطر ع البال

كيف تتعاملون مع اطفالكم ومراهقينكم في ظل وجود هالعالم العنكبوتي المفتوح

[حسن]

الله المستعان

وشقلت انا !!!
انا اشوف شي ادمر اللي جاي الى اذا حلت الكارثه

!!!

[رهج السنابك]

مانبي نشوف واحنا مكتوفين

كيف تتعامل مع مراهقينك لو عندك او اطفالك؟؟ هل تراقب ولا مافي وقت
هل تهتم وتحرص والاجهزه بيدهم

[حسن]

التيار اقوي من الجميع في ضل لايوجد قواعد سلوك وتعليم صح

سواء من البيت والمدرسه

والقادم ادهى وامر

!!!

[همر]

البنت مالها الا جوال نوكيا بو ليت ... بعد ماتدخل الجامعه بعد ...

[لاجل QT]

مانبي نولول

نبي حل يحفظ لنا سلامة عيالنا

المشكلة اذا حرمناهم من الجواويل والايبادات وهالوسائل تمو يطالعون الغير ليش عندهم واحنا لا

والمراقبة صعبة حق اللى عندهم عدد كبير من المراهقين

باط جبدي بو 35 عينة على طفلة 12 سنة السموحة هاي حيوان يصيد اليهالوه في مواقع الالعاب النذل

ايش يبي من ياهل حسبي الله علية وعلى تربيتة

[تغلبية]

ارسطو

ترا اللي وصلوا له المراهقين كان له تمهيد من يوم هم صغار ..

وصعب تمنعين وحتى لو فهمتيهم بالصح والغلط والحلال والحرام ...

يصير لهم من داخل ربكة في فهم سلوك مجتمع بالكامل

المدارس ما تمنع هالاشياء ولا توضح مفاسد هذا الشي

ولا وسائل الاعلام

ولا عاد به هوية دينية تحكم المجتمع علشان يكون كلامنا مقنع

صار كل شي عادي ..

ولا حول ولا قوة الا بالله

[R 7 A L]

الله المستعان
الخطر حتى على الكبار بعد ويأتي من باب حب الاستطلاع

[لاجل QT]

الله المستعان
الخطر حتى على الكبار بعد ويأتي من باب حب الاستطلاع

الكبار مايعتبرون سن استدراج مثل القصر

الكبار بيسون الخطأ وهم عارفين عدل انة خطأ

عكس القصر داشين هالعالم بفضول برئ وطاهر

[R 7 A L]

الكبار مايعتبرون سن استدراج مثل القصر

الكبار بيسون الخطأ وهم عارفين عدل انة خطأ

عكس القصر داشين هالعالم بفضول برئ وطاهر

النتيجة نفس الشي

[حمد 2002]

الحين الشباب صاروا ايخافون على انفسهم من النساء .. لان نساء هالوقت اللهم ياكافي !

[لبيبة]

السلام عليكم،

موضوع مهم للغاية أختي الارستقراطية،

بالتأكيد هنا في هذا الموضوع لا نريد أن نجعله للـ (تحلطم) ولابد أن نقدم بعض الاقتراحات أو الحلول لهذه المشكلة،

غالبنا لديه مراهقين في منزله أو محيطه الأسري، وبالتأكيد هناك بعض التجارب الناجحة،

بالنسبة لي، وجدت أن تقنين أوقات استخدام هذه الالكترونيات يخفف من تعلق المراهق أو الطفل بها،

إضافة إلى التوجيه المستمر وتوضيح الحرام والحلال ووضع الخطوط العريضة للاستخدام،

يجب أن يشعر المراهق بالثقة، وأن الأهل يحترمون خصوصيته، ولا يتجسسون عليه،

ولا يظهرون أنهم سيلاحقونه بالعقاب والتهديد المستمر، فسيرتكب الخطأ حتماً،

ولكن يتقربون منه ويصادقونه، بحيث تصبح الأم ويصبح الأب أصدقاءهم المقربين،

ولا يشعرون بحاجز نفسي مع الأبوين، فيصارحونهم بما يفكرون به، وتشجيعهم على المصارحة

وإشعارهم بالطمأنينة عامل مهم في بناء علاقة ثقة وود وتفاهم مع المراهق،

لن يلجأ حينها للتعرف على أغراب في عالم النت، لن يشعر بالخوف من إطلاع والديه على من يصادق ومن يعرف

كن صديقاً لابنك وابنتك، وابذل من وقتك وجهدك لقضاء الوقت معهم، الغفلة عن المراهق هي العدو هنا من وجهة نظري

وسأتابع الموضوع لأستفيد من آرائكم،

وشكراً للموضوع القيم

[حسن]

الحين الشباب صاروا ايخافون على انفسهم من النساء .. لان نساء هالوقت اللهم ياكافي !

:omg:

:eek5:

:)

[CH Engineer]

مانبي نولول

نبي حل يحفظ لنا سلامة عيالنا

المشكلة اذا حرمناهم من الجواويل والايبادات وهالوسائل تمو يطالعون الغير ليش عندهم واحنا لا

والمراقبة صعبة حق اللى عندهم عدد كبير من المراهقين

باط جبدي بو 35 عينة على طفلة 12 سنة السموحة هاي حيوان يصيد اليهالوه في مواقع الالعاب النذل

ايش يبي من ياهل حسبي الله علية وعلى تربيتة

تلاقين ام 12 سنه قايله له ان عمرها 22...


الحين الشباب صاروا ايخافون على انفسهم من النساء .. لان نساء هالوقت اللهم ياكافي !

هههههههههههه

[رهج السنابك]

البنت مالها الا جوال نوكيا بو ليت ... بعد ماتدخل الجامعه بعد ...



هل تطبق هالاسلوب في بيتك؟؟ هل قادر ماتعطي عيالك جوالات ؟

انزين والولد ماتخاف عليه ؟؟ ترا حتى الولد عرض وشرف وممكن من سن صغيره بالاهمال ينجرف لامور تضيعه ان حد غريب لعب براسه

[رهج السنابك]

مانبي نولول

نبي حل يحفظ لنا سلامة عيالنا

المشكلة اذا حرمناهم من الجواويل والايبادات وهالوسائل تمو يطالعون الغير ليش عندهم واحنا لا

والمراقبة صعبة حق اللى عندهم عدد كبير من المراهقين

باط جبدي بو 35 عينة على طفلة 12 سنة السموحة هاي حيوان يصيد اليهالوه في مواقع الالعاب النذل

ايش يبي من ياهل حسبي الله علية وعلى تربيتة



هذي هي ماتقدرين تحرمينهم
الحرمان مب حل
والتربيه بعد مب كافيه لان مهما تربين صح المؤثرات الخارجيه لها دور

شنو تسوين مع عيالج؟؟

[رهج السنابك]

ارسطو

ترا اللي وصلوا له المراهقين كان له تمهيد من يوم هم صغار ..

وصعب تمنعين وحتى لو فهمتيهم بالصح والغلط والحلال والحرام ...

يصير لهم من داخل ربكة في فهم سلوك مجتمع بالكامل

المدارس ما تمنع هالاشياء ولا توضح مفاسد هذا الشي

ولا وسائل الاعلام

ولا عاد به هوية دينية تحكم المجتمع علشان يكون كلامنا مقنع

صار كل شي عادي ..

ولا حول ولا قوة الا بالله



هاي الي يعور القلب
المدارس الحين مب نفس قبل
المنهج ركيك
والمدرسات والمدرسين لايعه جبدهم ولا فيهم من يربي الا ماندر
والزملاء من مختلف البيئات



ماعرف ليش احس حتى الاهل ماعاد عندهم هاجس التربيه
محد يدري عن فلذات كبده
يبه نبي ايباد هاااكم
يمه نبي ايفون هاااكم
نبي بلاك بيري اخذوا وانجلعًو

[رهج السنابك]

الكبار مايعتبرون سن استدراج مثل القصر

الكبار بيسون الخطأ وهم عارفين عدل انة خطأ

عكس القصر داشين هالعالم بفضول برئ وطاهر



صدقتي

[رهج السنابك]

الحين الشباب صاروا ايخافون على انفسهم من النساء .. لان نساء هالوقت اللهم ياكافي !



ايه في نساء يخوفون
بس انتو فيكم ذئاب بشرية اكثر واعبر

[رهج السنابك]

السلام عليكم،

موضوع مهم للغاية أختي الارستقراطية،

بالتأكيد هنا في هذا الموضوع لا نريد أن نجعله للـ (تحلطم) ولابد أن نقدم بعض الاقتراحات أو الحلول لهذه المشكلة،

غالبنا لديه مراهقين في منزله أو محيطه الأسري، وبالتأكيد هناك بعض التجارب الناجحة،

بالنسبة لي، وجدت أن تقنين أوقات استخدام هذه الالكترونيات يخفف من تعلق المراهق أو الطفل بها،

إضافة إلى التوجيه المستمر وتوضيح الحرام والحلال ووضع الخطوط العريضة للاستخدام،

يجب أن يشعر المراهق بالثقة، وأن الأهل يحترمون خصوصيته، ولا يتجسسون عليه،

ولا يظهرون أنهم سيلاحقونه بالعقاب والتهديد المستمر، فسيرتكب الخطأ حتماً،

ولكن يتقربون منه ويصادقونه، بحيث تصبح الأم ويصبح الأب أصدقاءهم المقربين،

ولا يشعرون بحاجز نفسي مع الأبوين، فيصارحونهم بما يفكرون به، وتشجيعهم على المصارحة

وإشعارهم بالطمأنينة عامل مهم في بناء علاقة ثقة وود وتفاهم مع المراهق،

لن يلجأ حينها للتعرف على أغراب في عالم النت، لن يشعر بالخوف من إطلاع والديه على من يصادق ومن يعرف

كن صديقاً لابنك وابنتك، وابذل من وقتك وجهدك لقضاء الوقت معهم، الغفلة عن المراهق هي العدو هنا من وجهة نظري

وسأتابع الموضوع لأستفيد من آرائكم،

وشكراً للموضوع القيم





انتي الي وجودج القيم
وقلمج الناضج الحكيم
وتفكيرج العقلاني
اعجبت بمشاركتج

وأؤيد نقطتج
قرب الاهل من اطفالهم ومعاملتهم كصديق بدون حواجز بتملي عليهم كل فضول وبيلقون الوعاء الي يبوحون له كل شي يصير معاهم

ولكن للاسف
ليس كل والدين ع درجة من الوعي

وللاسف

الاغلب يعتقد ان التربيه اكل وشرب وتلبيه حاجات واي شي يبونه نعطيهم مانقصر في الفلوس ويقول ماقصرت في عيالي

اسعدني مرورج ياغاليه

[قناص 787]

ايه في نساء يخوفون
بس انتو فيكم ذئاب بشرية اكثر واعبر
ابشرج ماعاد به ذيابه في هالزمن به ذيبات و الا شرايج يالذيبه :)

لان لو به ذيابه كان ما شفتي هذا حال بعض الحريم اللي تارسين

الشوارع اكثر من الرجال

[مرتبش]

السبب هو التناقض اللي نعيشه احنا الكبار..نحلل لانفسنا كل المكتوب اعلاه ونبي الصغار يطلعون غير ..شالفايدة من النصايح واحنا ما نطبق اللي نقوله

[رهج السنابك]

ابشرج ماعاد به ذيابه في هالزمن به ذيبات و الا شرايج يالذيبه :)

لان لو به ذيابه كان ما شفتي هذا حال بعض الحريم اللي تارسين

الشوارع اكثر من الرجال


ليش وين راحو الذيابه؟؟؟

[رهج السنابك]

مرتبش

ليش تناقص؟
الكبير ان دش تويتر او فيسلوك او اي برنامج هو داش بكامل وعيه وعارف شنوًحاجته
وعارف الصح من الغلط
واللي يجوز ومايجوز

مب محتاج مراقبه من احد لان الرقابه الذاتيه لازم تنبع من ذاته

[مرتبش]

اختي الارستقراطية
تناقض لان الكبار الفاهمين يسوون الغلط..يبون الصغار مايتعلقون بالشات وبرامج التواصل وهم مو متعلقين الا غارقين فيها..يبون الصغار مايتكلمون مع الغرب او الجنس الاخر وهم نو بروبلم سوالف وضحك

[قناص 787]

ليش وين راحو الذيابه؟؟؟
حولوهم على البند المركزي :weeping:

[تغلبية]

إن الشباب والفـراغ والـجـدة *** مفسدة للمـرء أي مـفـسـدة

هذا ما نحن مبتلون به .. والحمدلله على كل حال

الرفاهية وعدم وجود هدف وعمل يشغلنا بالخير عن الشر هي الآفة التي ضربت البيوت في كبارها وصغارها

وان كان الحديث عن صغارها ... فرأيي أن يتم من الوالدين عمل برنامج .. أو محاولة اشغال الاطفال بما ينفع من أعمال منزلية أو يدوية

أو الاشراك في نادي لممارسة هواية ما...

المشغول برفقة صحبة صالحة لن يجد الوقت لإضاعته في استخدام الاجهزة وألعابها ومفاسدها ..

سوء يكون وقته ممتلئاً بالأعمال المفيدة والاهداف التي يجب أن ينجزها ..

ويتطلب ذلك عمل كبير جداً من الوالدين ....<<< وحتى هم سيتم تقليص وقتهم المستخدم في الواتساب والبيبي ام وغيره

:

[طرف محايد]

ايه في نساء يخوفون
بس انتو فيكم ذئاب بشرية اكثر واعبر


اهلا ارستقراطية

الشباب ذئاب بشرية ؟
ولا خرفان
ارسولكم على بر
بصراحة تاهو الشباب !!


الموضوع فعلا مهم ونحتاج فيه للنقاش وسماع التجارب
البعض ابتكر فكرة الخط المفتوح مع عياله
انهم يكونون متواصلين مع بعض ع طول
في الالعاب
والبرامج
ومحد يقفل جواله

واعطائهم الثقة الكاملة
مع الاقتراب منهم اكثر
وفهم حاجاتهم
وتوضيح مشاكل النت لهم


ادري قد تكون مثالية شيئا ما
ولكنها ما يهم فيها هو الاقتراب اكثر
وعدم ترك المجال للاخرين
ولو حدث خطأ ما فلا نعتبره نهاية العالم !!

لان البعض يهول جدا
والبعض في المقابل يهون !!

[qrt_trading]

أنا كرهت البليستيشن 3 والسبه اللعاب الأون لاين وقررت أغيره ببليستيشن 2 وش زينه بس المشكلة اللعاب ماميش لازم أطلبهم من النت

[الصغيره]

والباث وما ادراك ما الباث غرف خاصه يدعى لها بالخاص يحدث بها تصوير فيديو بها محاورات وشجارات ومهاوش واعراض

الباث ادمر لانه خاص ولفئات وجماعات


الجيل بخطر وللاسف فيه امهات مايعرفون الا تلفزيون بواريل وابهات مايعرفون الا النياق والابل بنات تسع سنين عشراحدى عشر والخطر ببيوتهم وهم على نياتهم ...المدارس لازم يكون لها دور بالتوعيه

[شيخ الديرة]

موضوع على غاية من الأهمية، ولكن عليه تعتيم مجتمعي كامل يتمثل في الهروب وعدم المواجهة، ضمن ثقافة قلة الحيلة والهزيمة.

كل من يتحدث عن إحترام الخصوصية و عدم منع الأجهزة فهو لا يقدر حجم المشكلة.

في بيتي التويتر مغلق والفي بي إن لا يعمل، والبورتات أو المنافذ لخط الإنترت ضيقة جداً، وأطفالي يعلمون جيداً إني مراقبهم ويمكنني معرفة كل ما يزوروه من مواقع ،موقع موقع.

أما شيخة الديرة والكبار في البيت فأجهزتهم لها رقم مميز ضمن الشبكة الداخلية يمكنهم إستخدام ما يشاءون مثل فايبر وغيرها

هذا يجعلهم دائمي التفكير والإحتساب في إنتقاء ما يتصفحون من الانترنت ، وهذا أقل ما أتوقعه منهم

نحتاج الى خدمات تأمين الشبكات والرقابة وتحديد المنافذ وتوقيتها ، وهذا اليوم مفقود من الثقافة التربوية ومن خدمات شركات الإتصالات. أتمنى أن يكون لدى أوريدو وغيرها موقع يمكنني من خلاله تحديد أوقات الانترنت وإمكانية الحجب التام والسماح فقط لما أريد من مواقع وخدمات.

عندي شخصيا مهارات فنية يمكنني تصميم شبكتي الداخلية وتقييد حريات الإستخدام، ولكن أتمنى أن تكون هذه الإمكانية تقدم من آي سي تي قطر وقطر فاونديشين ضمن برامج تمكين الأسرة.

التقييد هي الطريقة، لماذا نقيدهم في اللبس والأكل والصحبة، ولكن غرف نومهم مفتوح على مصراعيها بالصوت والصورة.

لن أندم أبداً في تقييد حرية من هو أقل من 20 سنة، دكتاتور عائلة بكل فخر.

[حسن]

والله انا اشوف معلومات مادري عنها خير شر الشات والباث

هل هذه في الالعاب واي العاب

لاجل نستفيد وغيري يستفيد

هل الابيادات والايبود والجوالت الحديثه
مافي ياهل ماهب عنده

والصراحه شي يضايقني بشكل فضيع ولكن مانقدر التيار اقوى منا
والمشكله نظرهم بيروح منها

والله وقتنا الحلي تصد من من ولا من تقول هجمات والله لو انت اكبر متعلم واعي
ياجدار الحمايه يخترق عندك

لما كنت في المانيا والله ياجماعه الخير على الكتله البشريه
اللي تمشي وتركب الباس والقطار والاكثريه شباب ومراهقين وغيره
النسبه اللي اشوفها كانت لا تذكر مثل النسبه اللي عندنا

دائما كتاب يتصفحه ويقرا فيه ولا مجله وفيها مواضيع يقرا

واحنا امه اقرا لا تقراء

لللاسف في تعليم عندنا ولكن الثقافه زيرو

اي تطبيق مابعد التعليم لا يوجد الى القليل جدا

الله يعين

[رهج السنابك]

تتوقعون بالمدارس فيه محاضرات تثقيفيه عن مخاطر الانترنت وكيف الطفل يحمي نفسه منه؟!!

[حسن]

احنا ماندري عن عيالنا ولا نحضر معايشه وغيرها

الاكثيره هنيه مدرسات ومديرات وحريم نسوان امهات عيال

يخبرونا ويقولون لنا وش يسير

الظاهر مافي الااحنا النخبه المهتمه في المجتمع وهذا الواقع والا الباقي مايدري وين هوا داره
ولاسفرات مع الموضه الجديده عقب الزياده اللي كانهم ماشافو خير

الله المستعان

[شيخ الديرة]

تتوقعون بالمدارس فيه محاضرات تثقيفيه عن مخاطر الانترنت وكيف الطفل يحمي نفسه منه؟!!

المدارس هي المرتع الذي يتعلم في الطفل مواقع اللعب ويبدأ بالتواصل الأنترنتي أولا مع زملائه بالمدرسة ووتوسع دائرة التواصل الى ما لا يحمد عقباه.

أرجو أن لا نطلب الخبز من غير الخباز, المدرسة لا تعلم الكثير من المهارات الحياتية والتدبيرية, الأخلاق.

كل ما نطلبه هو توفر الأدوات لأولياء الأمور للسيطرة على الأنترنت بالنسبة للأطفال. سيم كارت الموبايل لا يسمح لل 3g بدون تفعيل خطي من ولي الأمر, توقيتات على توفر الأنترنت في البيت , جهاز جهاز, جرد بالمواقع التي تم زيارتها, تقارير وتنبيهات فوريه عند زيارة مواقع ذات صفة معينة بغض النظر عن عنوان موقعهم

والجيران, وما أدراك ما وايرلس الجيران, التأكد من الجيران ليس عندهم وايرلس مفتوح, وتلقى الغرباء واقفين قريب منهم وشابكين على خطهم ومكالمات مجانية عن طريق الموبايل, ولا أستغرب وجود ثغرات يمكنهم بها التطفل على صور الموبايل او اللابتوب او غيرها

لدينا ثغرة كبيرة, تتذكرون أيام ما وصلت الكهرباء للبيوت والناس كانت تتكهرب يوميا لأن ما يعرفون مشاكلها؟ أكيد ما تتذكرون, ولا أنا أتذكر لكن الطيبين كانوا يحكون لنا, اليوم نتكهرب بالأنترنت, ونحتاج فترة الى أن نتعلم مشاكلها, الله يستر

[بوحارب]

حتى الشباب مساكين معرضين للخطر من هالبرامج

ياما شباب تخرفنوا بسبة صورة في الأنستقرام. ههههه

الله يحفظهم من عيال الحرام

[QTR TV]

المدارس هي السبب ومناهج التعليم لانضحك على أعمارنا ونقول الأبوين ولمشكله أنهم أعني بالمجلس الأعلى للهدام اخلقوا فجوه كبيره بين الأم والأب والأطفال مثل ماسوو في موضوع المناهج التعليميه الي خلوها بالانجليزي أجيال تخرجت ونصدمة في الجامعه والحين الطفل لازم يكون عنده ايميل ولازم تويتر عشان يتواصل مع معليمينه ولاب ولام خبر خير ما يعرفون للأمور هذي تخبط كبير لأكن في ذمتهم
هذا إحنا تعلمنا من غير انجليزي ولا تعلمنا الايميل عن طريق المدارس يوم كبرنا عرفنا هذي الأشياء وحنا ندرك مدى خطورتها فليش نغرسها في الطفل وهو بريء منها لاولازم كمبيوتر ومشبوك على الإنترنت الله يرحمك يا أستاذ فاروق ليتك موجود وتشوف الباشا بيعمل إيه
إذا تبغون حل خاطبوا المجلس الأعلى لتعليم وخاطبوا قطر فنديشن وقولولهم إحنا بلد ديمقراطي ونبغي تعليمنا على البيئة الي أحنأ فيها مانبغيه على بيئة مارقريتا ولاتومي نبغيه على خالد ومحمد
كذا بتحلون هذا الموضوع الي ماله حل إلا بشريعه والفقه وين جنبك الي يوجعك كذا بيتعلمون عيالنا هههههههههه

[alsoq]

المفروض البنات لا يعطون تلفون الى بعد ما تزوج وكيف زوجها يعطيها او لا

اما اعطي المراهقه تلفون فهذا اكبر خطر

فا الحمدلله عن نفسي لم اعطي بناتي اي هاتف دامهم عندي في البيت عندهم تلفون امهم اذا يبون يتصلون فقط
وهنا اكون ريحت نفسي من دخول في مشاكل كثيره

فا الحذر كل الحذر من الهواتف في ايدي المراهقات

[نوور الدووحه]

البنت مالها الا جوال نوكيا بو ليت ... بعد ماتدخل الجامعه بعد ...



أي والله وايد عليهم بعد ...بس موعقب الجامعه عقب الثانوي معقول:nice:

والله اللوم عالاهل !! كل ياهل ماسك له ايباد ايفون آي آي آي..!؟!؟!؟ :secret:

يازعم يرتاحون من سندارتهم؟؟ كل رفيجاتي عيالهم مدمنين اجهزه!! ولا عاتبتهم قالو عادو يلعبون!! <يلعبون؟؟ اظن في حوش في حديقه في نوادي في يمعات اهل في وايد اشيا ممكن يتسلى فيها الياهل!! :secret:

وفرضا قلنا ضروري ينحط عند البنت او الولد جوال؟؟ اسمه جوال الووووو وخلاص...ليه ينعطى لهم بلاك بيري وايفون و و ... :eek5:!؟!؟ مافيها شي لو كان بوليت على قولة همر..؟؟ اهم شي الهدف من الجوال.. بعدهم صغار!! لاكبرو كشخو بالي يبونه:anger1:

[رهج السنابك]

يعطونهم ايبادات عشان يفتكون منهم
الحين كل ياهل منسدح وبحضنه ايباد


اووووووف شنووو هالاهل

واذا الياهل مارضى بجوال بوليت وقعد يسوي مناحه وعزا كربلائي اهني شنو الحل خاصه بعض الياهل دواهي يضرب عن روحة المدرسه ويصير جنه اخطبوط ان سحبتيه بالقوه تشبص في الباب

[abu m7md]

بعض الاعضاء يلطف الجو ويرد يكتب ردود مادري شالي يبي يوصل له
قال دق الباب قال لقيت الجواب

الاخت الارستقراطية!
من متى والاطفال لهم راي

عن نفسي اب متفتح عايش ذقت قليل من الماضي وعشت الحاضر
التربية من نعومة الاظافر
غيره اقول لك على اعيالك والمستقبل السلام

[puree]

المشكلة ان الشي اللي يقهر اكثر

ان البنات سواء كبار او صغار واغلبهم صغار للأسف صاروا يكلمون الشباب يعني قدام اهاليهم ! في التويتر والانستقرام

يعني عيني عينك يكلمون بعض والاهل يشوفون وكانه الوضع طبيعي ؟ ولا بعد كل وحده فيهم حاطه اسمها الكامل وتستغرب !

[puree]

والباث وما ادراك ما الباث غرف خاصه يدعى لها بالخاص يحدث بها تصوير فيديو بها محاورات وشجارات ومهاوش واعراض

الباث ادمر لانه خاص ولفئات وجماعات


الجيل بخطر وللاسف فيه امهات مايعرفون الا تلفزيون بواريل وابهات مايعرفون الا النياق والابل بنات تسع سنين عشراحدى عشر والخطر ببيوتهم وهم على نياتهم ...المدارس لازم يكون لها دور بالتوعيه

طبعا ماننسى السناب جات والخاص في التويتر و الخاص فالانستقرام و السكايب و البرنامج الجديد كول اواي اظن اسمه

و الله اللي اشوفه يوميا واسمعه شي مايدش العقل !

[رهج السنابك]

بعض الاعضاء يلطف الجو ويرد يكتب ردود مادري شالي يبي يوصل له
قال دق الباب قال لقيت الجواب

الاخت الارستقراطية!
من متى والاطفال لهم راي

عن نفسي اب متفتح عايش ذقت قليل من الماضي وعشت الحاضر
التربية من نعومة الاظافر
غيره اقول لك على اعيالك والمستقبل السلام

تقول اب متفتح
وانت تقول من متى الاطفال لهم راي؟؟
شلون يعني الاطفال مالهم راي؟؟؟ اذا ماتعطي الطفل مساحة لرايه بتكون هدمته وهدمت شخصيته


الطفل بو ثلاث سنين لازم يكون له راي حتى باختيار ملابسه نقول تبي هاي ولا هاي

لكن في ظل وجود الهجوم الالكتروني من كل صوب على قولة حسن

وين دور المجتمع المدارس الاعلام في تسليط الضوء على هالحمى الي صارت بيد كل طفل

[رهج السنابك]

المشكلة ان الشي اللي يقهر اكثر

ان البنات سواء كبار او صغار واغلبهم صغار للأسف صاروا يكلمون الشباب يعني قدام اهاليهم ! في التويتر والانستقرام

يعني عيني عينك يكلمون بعض والاهل يشوفون وكانه الوضع طبيعي ؟ ولا بعد كل وحده فيهم حاطه اسمها الكامل وتستغرب !




مالت على اهلهم دام يدرون وساكتين


هذي نقطه خطيره بعد

البنات الي يحطون اساميهم تقليد لرفيجاتهم وتحط صورها
حتى لو صغيره ماتحجبت بس التعويد على الشي غلط

[aziz4z]

صعب تمنعهم منها , في وحدة تنصح عيالها , لاتستخدمون هالمواقع , بعد كم من يوم شافت ولدها فاتح نفس الموقع , لين سألتها ليش فتح الموقع هاي , قال حبيت أشوف ايش فيه
أفضل شيء على الاطلاق , تجلس معهم و تاخذهم معاك برة , يعني ماتعطيهم مجال يجلسون فترة طويلة على هذه الاجهزة , يعني هم بروحهم راج يكرهون هذه الاجهزة

[ضوى]

بصراحة يوم كانوا بسن السيطرة منعتهم من هالبرامج بس يوم وعوا وكبروا خليتهم ينخرطون بكل شي تحت مراقبتي وانا نفسي نزلت البرامج بتلفوني واتواصل معاهم بهالبرامج ومن وقت لوقت اسوي مداهمة عالجوااويل وافتش والحمد لله لك يارب مالقى شي خاصة اني يوميا من ثلاث لاربع مرات استودعهم رب العالمين واعرف الله مابيضيع تعبي فيهم ويارب يحفظهم من عيال الحرام

[رهج السنابك]

بعمر كم ياضوى خليتيهم ينخرطون؟؟

[العلياا]

فعلا الموضوع مهم جدا
اعجبتني سياسة اخوي شيخ الديرة ولو ان المراهقين في هالحاله يلجأون لربعهم عشان يزورون المواقع المحجوبه فاالبيت

احنا كان عندنا ممنوع البنت تاخذ جوال قبل ما تخلص ثانويه
اذكر شكثر الموضوع كان زاعجني ومسبب لي احراج قدام ربعي
لكن هالوقت تغير وفعلا سالفه اني امنع الجوال نهائيا هذي بحد ذاتها كارثه
تولد عن الطفل او المراهق فضول لمعرفة ايش فيها عشان يمنعونها عني فبالتالي بيروح عند ربعه وما ندري شنهي المواقع اللي بيشوفونها !!

الحل الوحيد ان تعطوون المراهق الجوال في الويكند فقط او اذا طلعتوا لمشوار برا

[ضوى]

بعمر كم ياضوى خليتيهم ينخرطون؟؟

الولد الكبير باخر الثانوية تقريبا ظ¢ ثانوي والبنت توه السنة بس والعام على خفيف والصغير لاني اعرف ميوله الكروية واعرف بالضبط شنو يشده لذلك اتابعه مع من يلعب في قيمرز وبعد في السوني

[محبـرة الفكـر]

والله الموضوع جدًا شائك ويشغل ذهن الواحد ولا يدري كيف يحل هالامور ،

يعني احيانًا استغفر الله افكر اهاجر كذا بمكان بعيد في الريف ف أي دولة وتكون فيها مدرسة والناس على قد نياتهم

يعني يكونون شبه معزولين عن العالم ، الا في حالة الضرورة القصوى ،

بس هذي مجرد فكرة مجنونة نوعًا ما ، والواحد لابد يفكر بعقلانية ..

يعني المشكلة ، لابد يكون فيه ناس من ضمن هالمراهقين يكونون قدوة لهم ، بمعنى يعلمونهم الصح والغلط

لان ممكن مايسمعون من الوالد والوالدة ، لابد تثقيفهم من هالناحية ، بقصص وروايات ، وافلام توضح مساؤى هالامور

بحيث انها تعد الواحد للمستقبل ، وبنفس الوقت إعطاء الأبناء خصوصية لهم ، ولكن ماينضمن لو هم بيستغلونها بطريقة سلبية

يعني لازم اشياء تشغله من ناحية حلوة ، مثلا ، عنده مواهب ، يشترك بأي نادي او اي مكان بحيث يطلع هالموهبة وممكن ينشرها

ويحصد إعجاب ناس ، لكن ممكن يكون مستهدف ، وهنا مشكلة ، يعني حتى الحلول بنفسها ممكن تكون فيها مشكلة ...

واحنا في زمن كله فتــن ، ما ندري وش يصير عندهم ، والمشكلة لو كبروا .. يكونون عندهم عقلية متناقضة ،

لانهم يشوفون شيء، ويقرون شيء غير ويسمعون شيء آخر !!

وزيادة الصحبة الزينة مهمة مهمة جدًا جدًا

* انا للآن افكر بحلول مقنعة واحاول القى اي شيء ممكن يبعدهم عن هالدروب ،

ما لنا الا الدعاء، الله يحفظ بناتنا وعيالنا ،

اللهم آمين ..

شكرًا

[رهج السنابك]

الناي


تقدر تستخدم حل التوقيت مثل ماقترح البعض
ماتعطيهم الا بالويكند وفتره محدوده
جوالاتهم ماتكون متطوره نوكيا 3310 الكحلي مثلا

لان المنع الكلي صار مستحيل ومحد يقدر وبيزيد رغبتهم فيه اكثر وممكن بعد يحسون بالحرمان لان الي بعمرهم معاهم

يازين ايام الكيرم والمونوبولي ولما تطورنا خذنا اتاري وكمبيوتر العائله وهواش على ماريو

[رهج السنابك]

الولد الكبير باخر الثانوية تقريبا ظ¢ ثانوي والبنت توه السنة بس والعام على خفيف والصغير لاني اعرف ميوله الكروية واعرف بالضبط شنو يشده لذلك اتابعه مع من يلعب في قيمرز وبعد في السوني



العليا بتغار الحين تبي نفسهم هههه

الله يحفظهم لج

[حسن]

والله اني مساعه كسرت ايبدات اثنين

رضختهم رضخم في البلاط

:)

[حمد 2002]

والله اني مساعه كسرت ايبدات اثنين

رضختهم رضخم في البلاط

:)

:rolleyes2: ليششششش

[حسن]

:rolleyes2: ليششششش

والله ياحمد اقول لولدي قوم روح معاي البحر للربع كان يقول لا

قلت له قم يالله روح معاي

يااخي شفت لادمان على الالعاب بشكل فضيع
وحتى مره يقول نظري مزغلل
رحت للدكتوره اسيا كان تقولي كل من الايباد

نصحته وقلت قللو منه وانا اساسا سم ضروسي ولا انا اللي شاريه
كان اعصب عليه عقب الصلاه

واشيلهم وارضخهم وقلت ياويل من يدخلها

يااخي تعلمهم البلاده

وصعب تعمل كنترول عليهم بزران وشعرفهم بمصلحتهم

[حمد 2002]

والله ياحمد اقول لولدي قوم روح معاي البحر للربع كان يقول لا

قلت له قم يالله روح معاي

يااخي شفت لادمان على الالعاب بشكل فضيع
وحتى مره يقول نظري مزغلل
رحت للدكتوره اسيا كان تقولي كل من الايباد

نصحته وقلت قللو منه وانا اساسا سم ضروسي ولا انا اللي شاريه
كان اعصب عليه عقب الصلاه

واشيلهم وارضخهم وقلت ياويل من يدخلها

يااخي تعلمهم البلاده

وصعب تعمل كنترول عليهم بزران وشعرفهم بمصلحتهم

المهم شصار بعدين ؟ :eek5:

[حسن]

المهم شصار بعدين ؟ :eek5:

اوه فلم

ذاك يصيح وهذا يصيح وذي مسكينه تكتب على صبورتها وخذ الاصياح

فلم

كان اقول للعيال يالله اركبو السياره

رحنا واستانسنا على البحر وسبحنا وتعشينا ذاك العشى الزين
ورجعنا زي الفل

خلهم يعرفون البحر والبر والادلاه والتجاهات
واسماء القيعان

والمرجله
ابشرك اليوم قلص مكينه الكهرب الكبيره من السيف
الى المكان اللي نبيه
وريويس على الرمانه صح

ترا صف سادس

خل نسنعهم

[حمد 2002]

اوه فلم

ذاك يصيح وهذا يصيح وذي مسكينه تكتب على صبورتها وخذ الاصياح

فلم

كان اقول للعيال يالله اركبو السياره

رحنا واستانسنا على البحر وسبحنا وتعشينا ذاك العشى الزين
ورجعنا زي الفل

خلهم يعرفون البحر والبر والادلاه والتجاهات
واسماء القيعان

والمرجله
ابشرك اليوم قلص مكينه الكهرب الكبيره من السيف
الى المكان اللي نبيه
وريويس على الرمانه صح

ترا صف سادس

خل نسنعهم

:victory::victory:

[حسن]

:victory::victory:

:victory:

حمد اثرك في رمله السيف يبين ان عندك كساح وتباعد في الركب

وكانه فيك دوالي وشبه ام زليقه

:)

[ابن جيلان]

الله المستعان
المسؤولية كبيرة
على كل ولي أمر أن يعرف أن أبناؤه سيقلدوه إذا أحبوه
..

[abu m7md]

تقول اب متفتح
وانت تقول من متى الاطفال لهم راي؟؟
شلون يعني الاطفال مالهم راي؟؟؟ اذا ماتعطي الطفل مساحة لرايه بتكون هدمته وهدمت شخصيته


الطفل بو ثلاث سنين لازم يكون له راي حتى باختيار ملابسه نقول تبي هاي ولا هاي

لكن في ظل وجود الهجوم الالكتروني من كل صوب على قولة حسن

وين دور المجتمع المدارس الاعلام في تسليط الضوء على هالحمى الي صارت بيد كل طفل

لما قلت انه مالها راي
كنت اقصد مثل الامور هذي الي يشوف فيها الاب مصلحه لبنته بتضيع في اختيارها
هنا مايكون لها اي راي
لكن مثل الملابس بالعكس اعطيها رايها وابدي رايي انا لها واعلمها


اتمنى اني وضحت لج
تقبلي مروري

[شيخ الديرة]

فعلا الموضوع مهم جدا
اعجبتني سياسة اخوي شيخ الديرة ولو ان المراهقين في هالحاله يلجأون لربعهم عشان يزورون المواقع المحجوبه فاالبيت


ممكن يتصفح المواقع المحجوبة في بيتي عندما يزور مكان أخر, ولكن هدفي هو تقليل الفرص, والفترة الزمنية, والتوقيت.

أكثر أوقاتهم داخل البيت, وأكثر وقت يصيبهم الملل داخل البيت, ويحسون بالأمن داخل البيت, لذلك التقييد الأول في البيت, لتقليل فرص التعرض للمواقع التي لا تأتي منها غير المشاكل

أنا على يقين تام أن أولياء الأمور يحسون بالهزيمة بسبب انعدام الوسائل المتاحة للسيطرة على ومراقبة الأنترنت, نحس أنها تحتاج الى عبقري حتى يمكنه أن يحجب الفيسبوك من الساعة 9 ليالي أيام المدرسة, ويحجب الفيسبوك الساعة 11 في ليالي عطلة الأسبوع,

الأنترنت مفتوحة على مصراعيها, وليس هناك تفرقة في العمر, أي طفل يمكنه دخول مواقع الكبار , وأي شاب يمكنه التسجيل في منتديات النساء وتايهه على الجميع,

يجب أن نضع حدود لأستخدام الأنترنت, وأبسطها التوقيت, بكل سهولة, قفل على خط كهرباء الروتر الرئيسي,

http://www.onlinesecurityproducts.co.uk/user/products/large/KS2S_2.jpg

[شيخ الديرة]

ولا تنسى أن تتأكد ان لا يكون وايرلس الجيران مفتوح لأن الخطة تفشل. أقطع انترنت البيت, وقم بجولة من كل غرف البيت وحاول البحث عن وايرلس مفتوح من الجيران, واذا وجدت خط مفتوح, حاول ان تتحدث مع الجيران وبكل سهولة قل لهم ان الدريوليه يستخدمون خط الأنترنت حقكم للمكالمات الهاتفية المجانية وقد تتعرضون للمشاكل من ذلك, ساعة ساعتين يحطون باسوورد.

أنا دخلت على شبكة جيراني وغيرت الأعدادات, اضطروا يحطون باسوورد

[رهج السنابك]

فرحت منك ياحسن انك كسرت الايبادات
بس عسى محد يجيب لهم غيره


وعقبال بقية الاباء مايكسرًون ايبادات عيالهم

[رهج السنابك]

فرحت منك ياحسن انك كسرت الايبادات
بس عسى محد يجيب لهم غيره


وعقبال بقية الاباء مايكسرًون ايبادات عيالهم

[@north_star@]

الحل ما نعطيهم اجهزة ولاب تبات حتى عمر معين وبالاضافة الى الرقابة الغير مباشرة حتى ما يشعرون انا نراقبهم
وطبعا توجيه النصح الدائم لهم بمخاطر الشبكة العنكبوتية

[qatara]

البنت مالها الا جوال نوكيا بو ليت ... بعد ماتدخل الجامعه بعد ...


للي يبي يحرص قدر استطاعته كلامك سليم
والباقي على الله

[سعود بن محمد]

الله يكفينا شر الوقت هذا
الحل اختي تكثيف التوعيه في المدارس
وزياده حصص التربيه الاسلاميه وترسيخها بشكل افضل في الاطفال

بعض الاطفال او بعض الي وصلوا سن المراهقة مايعرفون المباح من المحرم

[نوور الدووحه]

والله اني مساعه كسرت ايبدات اثنين

رضختهم رضخم في البلاط

:)


ككككككككفووووووووو

والله هالاجهزه شقد سببت توحد لليهال والياهل يصير انطوائي والام ماتعرف من وين!!! مايبيلها تفكير من وين من دلعكم الزايد واهمالكم ؟

[حسن]

فرحت منك ياحسن انك كسرت الايبادات
بس عسى محد يجيب لهم غيره


وعقبال بقية الاباء مايكسرًون ايبادات عيالهم


وش نسوي
علمتهم البلاده والتفهي والغبى
والله ان مجتمعاتنا تحت ضغط رهيب وش بنلحق من من ولا من من
ولا في تعاون ومن المدارس ولا هناك ثقافه للاسف مجتمعانتا تحتظر
ياخي ودوهم سولهم برامج تثقيفيه تنظيف شوارع خلو لودي كناس خلوهم يتحملون
المشقه
والله اللي اسمعه ساعات من انخاف عليهم ودي اشق حلجه
مهملهم ومعلمهم البلاده ويقولك نخاف على عيالنا
ليش اصبحنا متناقضين قالتها شيخه المسند

ماكان المجتمع جذي قبل ابدا هذا مسخ يادافع البلا

والمشكله مافي بديل مراكز تعليميه تطوير تخلي المخ يتطور

والحين كله يقولون لك ملل وش تسوي وين توديهم
انا كولي امر ومهتم وين اودي قولو لي
الوقت مع التعليم المتاخر في وقت
ومن الساعه سبع ينامون
والشوارع زحمه وش الحل اقعد مربوط وياهم في البيت

[المهاجر]

التربيه والمراقبه اصبحت في غاية الصعوبه في هذا الوقت

لكن علينا ان نجتهد في ذلك والاهم من هذا كله

هو الدعاء ان الله يحفظهم ويهديهم ويصلح لهم احوالهم ويبارك فيهم

الله سبحانه وتعالى هو الحافظ طالما نقوم بدورنا من نصح وتوجيه وارشاد

لا استطيع ان امنع ابنائي من حقهم في مواكبة التطور والتقدم اللي حاصل

ولكن يجب ان اكون قريب منهم وان اعطيهم من النصائح والارشادات اللي تكون

لهم السراج اللي ينير لهم حياتهم وبنفس الوقت احسسهم اني صارم وحازم وما ارضى بأي خطأ يقع منهم

وان هناك عقاب لمن يخطىء بدون تردد واية تنازلات مهما تدخلت من وساطه لعدم توقيع العقاب

طبعاً لا اقصد بالعقاب الضرب لا فهذا العقاب مرفوض ابداً

هناك طرق كثيره من العقاب

كأن احرمهم من شيء يحبونه ووووو الخ ....


وعلى الاباء ان يصطحبوا ابنائهم معهم مره او مرتين بالاسبوع ليخالطوا الكبار

ويكونوا قريبين منه ويفتح لهم المجال لمعرفة سنع الرجال

وكذلك الام تفعل نفس الشيء

[شيخ الديرة]

الحل ما نعطيهم اجهزة ولاب تبات حتى عمر معين وبالاضافة الى الرقابة الغير مباشرة حتى ما يشعرون انا نراقبهم
وطبعا توجيه النصح الدائم لهم بمخاطر الشبكة العنكبوتية

رب العالمين يراقبنا ويراقبهم ، وهو الخالق الجبار ، ما هي المشكلة بأنهم يعرفون إننا نراقبهم ؟؟

حسب علمي المبالاة وعدم الإهتمام بالأبناء هو شئ لا يفرحهم ويقلل من قيمتهم بالعائلة والمجتمع.

[qatara]

والله اني مساعه كسرت ايبدات اثنين

رضختهم رضخم في البلاط


:)

اذن انت اب متوحش غير متفاهم ومن زمن الجاهليه
بيتعقد العيال لا لازم يشفون لك حل حقوق الطفل
لا لا يحسن طلعت مجرم كبير بحق البشر

ههههههههههه
التربيه الحديث تستنكر ذالك وليس لك تبرير

كل شي بالتفاهم تقدر تمسكهم وتجلس عند اركبه وتقولهم بليز لا تكررون

مره ومرتين وثلاث واربع وخمس وست مرات الين يجي حد
منهم يعيك كف ويقولك مهب على كيفك وبنسوي الي نبي
وان طقيتنا بنشتكي عليك
كانك جايهم من الشارع ماكنك ابوهم ولمصلحتهم التي انت ادرى بها تادبهم
هذا اذا ابوهم عندهم الله يعين الجيل الي
طلع ابوه ا بعد عنه غصب عليه بحجة الحضانه

مع احترامي لك ياحسن بس حبيت اوضح
لدعاه التربيه الحديثه بان كلامهم ما ودانا لخير
تعليم بدون تربيه واخلاق

[الزعفراني]

كان زمان هالكلام .. الحين المغازلجية ارجعوا للزمن القديم .. الترقيم شفهيا عيني عينك .. في كتارا والمجمعات التجارية .. وعادة النظام يكون شلليه
بنات وشباب وعندهم الاستعداد والقبول .. راح الزمان اللي الشاب يضيع وقته في انه يدور على فريسه عن طريق الانترنت .. الحين كله فيس تو فيس يشوف البضاعه ويعاينها قدامه
ونفس الشي بالنسبة للبنت .. واذا صار تراضي .. يتم التبادل ..

هذي حقيقة ونواجهها .. ونشوفهم قدامنا

[حسن]

اذن انت اب متوحش غير متفاهم ومن زمن الجهه
بيتعقد العيال لا لازم يشفون لك حل حقوق الطفل
لا لا يحسن طلعت مجرم كبير بحق البشر

ههههههههههه
التربيه الحديث تستنكر ذالك وليس لك تبرير

كل شي بالتفاهم تقدر تمسكهم وتجلس عند اركبه وتقولهم بليز لا تكررون

مره ومرتين وثلاث واربع وخمس وست مرات الين يجي حد
منهم يعيك كف ويقولك مهب على كيفك وبنسوي الي نبي

مع احترامي لك ياحسن بس حبيت اوضح
لدعاه التربيه الحديثه بان كلامهم ما ودانا لخير


اي دعاه التربيه واي خرابيط

انا اللي اعرف الصح ومصلحه عيالي

الاي بادات فسدت اخلافهم وخلتهم مفهين وبليد

وماعلي من حد الصح صح والغلط غلط

وطز في الليي يقولون

[حسن]

كان زمان هالكلام .. الحين المغازلجية ارجعوا للزمن القديم .. الترقيم شفهيا عيني عينك .. في كتارا والمجمعات التجارية .. وعادة النظام يكون شلليه
بنات وشباب وعندهم الاستعداد والقبول .. راح الزمان اللي الشاب يضيع وقته في انه يدور على فريسه عن طريق الانترنت .. الحين كله فيس تو فيس يشوف البضاعه ويعاينها قدامه
ونفس الشي بالنسبة للبنت .. واذا صار تراضي .. يتم التبادل ..

هذي حقيقة ونواجهها .. ونشوفهم قدامنا



عيزان ادور لك على ردي

لاني ذكرت الاسباب

ومابعد الاسباب وين بنوصل


راجع ردودي اذا انت فاضي

:)