تقدر تسافر بدون؟

[المحاميه]

السلام عليكم


ملاحظه ف هالفتره اغلب اللي يسافرون لازم يشغلون خدمة البلاك بيري، الواتس اب، الانترنت ف تلفوناتهم
واكبر دليل بعض الاعضاء اللي يسافرون ويطلون علينا < ادري ان ولائكم للمنتدى كبير :tease:

بس ش السبب ياترى؟

هل لان الناس تعودت على هالوسائل؟
ولا صادها شغف صوب هالتقنية لدرجه ماتقدر تستغنى عنها؟
هل التواصل صار ضروري عبر هالوسائل؟ ولا هي اسهل طريقه لمعرفة اخر الاخبار وانت برا البلاد؟


مع ان الواحد طالع برا يعني يبي يغير جو ويكسر الروتين
فالمفروض انه يبتعد عن هالخدمات ويريح عيونه وراسه منها

ف اعتقادي هالوسائل تربعت عالعرش يعني الناس ماتقدر تستغنى عنها
تحصل الواحد من يبطل عينه يطل ف تلفونه يشيك يمين ويسار
حتى فالدوام
والطلعات
وقعدة الاهل
والاعياد والمناسبات
ماتعدي ساعه الا وانت شابك


الحين السؤال
هل عندك الجرأه الكافيه للسفر بدون ماتفعل هالخدمه؟

[زبرجد]

خدمة البلاك بيري والواتس أب ضروري لتواصل مع الأهل

وباقي وسائل التواصل من منتديات وإنستقرام في أوقات الراحة وعقب المشاوير .

[رهج السنابك]

انا مافتح بشكل يومي الا منتدى الاسهم
ان سافرت بدون نت احس شي ناقصني احس وايد مواضيع طافتني
مدري شنو سر تعلقي بالمنتدى
بس ماعندي شي اقضي عليه وقت في النت كثر المنتدى
وشوي الواتس اب اطرش برودكاستات او لا استقبل

[aziz4z]

أنا أشوف أنه اللي مفعل الخدمة هاي , مرتبط بديرته و بأهله , هو صح أنا رايح أغير الجو , بس مرات الاهل يستانسون عندما تكون متواصل عليهم , إذا غبت عنهم فجأة ممكن يفكرون مليون تفكير
هو ممكن تقل استخدامتي لهذه الخدمة بسبب كثرة الطلعات , بس صعب الاستغناء عنها

[ضوى]

ضروري بدون شك اشغل الواتس اب في السفر عندي خوات وجارات وربع اتواصل معاهم ماحب اقطعهم

[المحاميه]

يعني هالخدمه مسيطره عليكم وصعب اتخلون عنها
بصراحه انا عكسكم
عادي عندي
وعندي الجرأه الكامله وروح المغامره للتخلي عن هالامور لاني رايحه اغير جو والابتعاد مرات عن ماهو مألوف امر طيب < ياخوفي بس اسافر واشبك وتاكلوني :weeping:
الواحد يعطي نفسه فرصه للتجديد والتفكير خارج الدائره

نشوف آراء الباقي وشكرا للي شارك فوق

[المحاميه]

ضروري بدون شك اشغل الواتس اب في السفر عندي خوات وجارات وربع اتواصل معاهم ماحب اقطعهم

لا ضوى مش ضروري
ليش ربطتي النت بالتواصل

التواصل يكون بالزياره او الاتصال لكن بالنت وانتي مسافره برا؟ اكيد مش ضروري ولا واجب دامج معذوره

[ضوى]

لا ضوى مش ضروري
ليش ربطتي النت بالتواصل

التواصل يكون بالزياره او الاتصال لكن بالنت وانتي مسافره برا؟ اكيد مش ضروري ولا واجب دامج معذوره

بالنسبة لي ضروري جدا بالسفر وغير السفر اكون على تواصل واعرف اخبارهم اول باول اللي يولد اتصل ابارك واهني واللي تعبان اتصل اساله عنه واللي بيتزوج ابارك له ولا قدر الله اتصل اخلف عليهم ، بالنسبه لي هاي اهميته انا حتى بالسفر اتواصل واطرش صور واخليهم يعيشون الجو معاي احب المشاركة خاصة خواتي وزميلاتي المقربات ،

[المحاميه]

اشوف التكنولوجيا ذي عوار راس وسنداره
والاشعه الظاهره منها تسببلنا صداع
الافضل نتخلى عنها كمن يوم عقب نرجعلها
اصلا هي صارت تحكمنا وماتخلينا نستمتع نفس قبل
والدليل كلام الاعضاء ان لازم يدخلون يشيكون يعني فيه شي شاغل البال

[نوور الدووحه]

واتس اب.. بي بي ام .. كل شي يخص السوالف استغنى عنه<<ارتااااح من الناس والسوالف وانسى كل شي :victory:
الانستقرام يجوز بس اصور واحط الصوره واللوكيشن وخلاص ومارد على حد الا لمن ارد الدوحه..يعني توثيق بالصور فقط:victory: <<ونادر هالشي يصير
بس النت ضرووووووري اهم شي يكون متواجد عندي بالسفره احتاجه بشكل يومي :nice: .. حتى لومخططه بكل تفاصيل السفره وين بنروح وين بناكل شبنسوي بس بعد يمكن يصير تغيير بالخطط فاحتاج النت ..انا لو انجرح صبعي دشيت جوجل كتبت صبعي مجروح ابي حل هههههههههههههههههههههه:rolleyes2::taunt:

[بوحارب]

انا كنسلت البي بي اثناء السفر
لانه يشغلني وأكثره سوالف وضحك بدون فايده

اما الانترنت والواتس أب والانستفرام صعبه صعبه ;)

[العلياا]

البنات اللي عندي يفعلونها عشان تعرض صور الدولة اللي هي فيها
يعني شوفوني انا في فرنساا < بالعربي مفوشررر


بالنسبة لي لا ابدا مش مهم
انا فالدوحة ونادر اطل على البيبي وال واتس اب :)

[حمد 2002]

هالموضوع تم طرحه قبل يوم واحد ولكن بصيغه مختلفه بموقع اسمه جريده قطر

http://جريدة.قطر/lifestyle/163988.html?ref=home


ههههههههه يالبووواقه :nice:

[نيساني]

بالنسبه لي بحكم اني حالياً برا البلاد كل شي شغال ولازم افعل جواز كيوتل بالاضافه الى خدمة الWifi في الفندق

اصبح شي ضروري للتواصل مع الجميع

موضوع جميل جداً
وشكراً

[محبـرة الفكـر]

شخصيًا ، بإمكاني اسافر دون انترنت ، بس لابد يكون فيه بديل له ، بحيث يكون متنوع ..

انا اصلا استخدامي له مايوصل لحد الادمان ، يعني خل نقول قليل ادش التويتر والانستقرام ، " من فترة لفترة "

لكن بالنسبة للتواصل بين الااهل والاصدقاء فأحيانًا نحتاج هالشيء ، ممكن توقف على عدة اشخاص معينيين تتواصل معهم على مدار الساعة ،

لإنك بحاجة لمشاركتهم للجو لو سافرت ،

بعد ، على حسب المكان اللي انت رايح له ، ترا شيء حلو انك تتعرف على ناس جداد ، وتشوف ثقافاتهم وعاداتهم ،

وممكن الجوال يشغلك بعيد عنهم ، وهذا الشيء ممكن يطوف لك كم فرصة جميلة للتعرف على الثقافة بشكل اقرب


> ادري كثرت الحكي ههههههههه

بس اهم شيء وصلت الفكرة

[المحاميه]

واتس اب.. بي بي ام .. كل شي يخص السوالف استغنى عنه<<ارتااااح من الناس والسوالف وانسى كل شي :victory:
الانستقرام يجوز بس اصور واحط الصوره واللوكيشن وخلاص ومارد على حد الا لمن ارد الدوحه..يعني توثيق بالصور فقط:victory: <<ونادر هالشي يصير
بس النت ضرووووووري اهم شي يكون متواجد عندي بالسفره احتاجه بشكل يومي :nice: .. حتى لومخططه بكل تفاصيل السفره وين بنروح وين بناكل شبنسوي بس بعد يمكن يصير تغيير بالخطط فاحتاج النت ..انا لو انجرح صبعي دشيت جوجل كتبت صبعي مجروح ابي حل هههههههههههههههههههههه:rolleyes2::taunt:

ههههه ايه صاجه نفسي
وبعد تعرفين اوقات الصلاه

[المحاميه]

انا كنسلت البي بي اثناء السفر
لانه يشغلني وأكثره سوالف وضحك بدون فايده

اما الانترنت والواتس أب والانستفرام صعبه صعبه ;)

اشلون صعبه؟
الواتس اب نفس البي بي ام يبه
والانستقرام مب شي ضروري
نزل الصور لي عودت مب لازم اول باول < العين حق


البنات اللي عندي يفعلونها عشان تعرض صور الدولة اللي هي فيها
يعني شوفوني انا في فرنساا < بالعربي مفوشررر


بالنسبة لي لا ابدا مش مهم
انا فالدوحة ونادر اطل على البيبي وال واتس اب :)

والمنتدى؟

صاجه لازم المفوشر وشوفوني ترا انا ف هالدوله
بس الوحده جذي اتييب العين حق نفسها


هالموضوع تم طرحه قبل يوم واحد ولكن بصيغه مختلفه بموقع اسمه جريده قطر

والله العظيم الموضوع من عندي
طرى على بالي من كمن يوم
لا شفت جريده ولا بقته من حد
اصلا المواضيع ماكثرها يعني الواحد يفكر ويكتب مب لازم اسوي سيرج
اشدعوه بحث هو ههههه
الله يهديك وخلك ف صلب الموضوع بدال التنبش
بس انا عارفه ليش رديت علي جذي
بس عالاقل انا كتبت كمن كلمه ف صلب موضوعك

http://جريدة.قطر/lifestyle/163988.html?ref=home


ههههههههه يالبووواقه :nice:

[R 7 A L]

ما اقدر استغني عنها


موضوع ممتاز
بس على شان ماتقولين اني مستقصدك :)

[حسن]

بالنسبه لي

انا اكره رنه التلفون والحمدلله ماعمري استخدمت البلاك بيري خير شر
لاني انسان جاد ولا احب الهذره والكلام الفاضي
الحين الناس هبابه تشيل نفسها فاضيه حق السوالف
واساسا الوتس اب نادر ماافتح روابطه
حتى البعض يقولي شدعوه ماتوصلك رسايلي اقوله اي يقول ماتطرش
ياخي اما فاضي ولو فاضي مالي نفس
والاستغرام سويتلي اشتراك ويوم شفت الدعوه صور شطبنا عليه خلاص من زمان

احس انها مش من مستواي ومقامي السامي هل التفاهات

التواصل بالاتصال ولا فيس توفيس

بالنسبه للنت وخصوصا شبكه الاسهم نعم ادخل كثير

والسلام ختام

[حسن]

نسيت بالنسبه للسفر

انا ماسافر خير شر مستمتع بالدوحه ولا اجمل منها

بس ياريت يخلون لي البحر

باي

[حمد 2002]

بالنسبه لي

انا اكره رنه التلفون والحمدلله ماعمري استخدمت البلاك بيري خير شر
لاني انسان جاد ولا احب الهذره والكلام الفاضي
الحين الناس هبابه تشيل نفسها فاضيه حق السوالف
واساسا الوتس اب نادر ماافتح روابطه
حتى البعض يقولي شدعوه ماتوصلك رسايلي اقوله اي يقول ماتطرش
ياخي اما فاضي ولو فاضي مالي نفس
والاستغرام سويتلي اشتراك ويوم شفت الدعوه صور شطبنا عليه خلاص من زمان

احس انها مش من مستواي ومقامي السامي هل التفاهات

التواصل بالاتصال ولا فيس توفيس

بالنسبه للنت وخصوصا شبكه الاسهم نعم ادخل كثير

والسلام ختام

:) ..

[حسن]

:) ..
:app2:

[ANONYMOUS]

استغني عنها زي اللوز

اهم شي فيه تلفون حق الحاجه

[المحاميه]

نسيت بالنسبه للسفر

انا ماسافر خير شر مستمتع بالدوحه ولا اجمل منها

بس ياريت يخلون لي البحر

باي

ههههههههه انزين ليش باي هههههه

علينا
نسينا سفرت المانيا

ناكل ونمش يدنا ها هههههه

[المحاميه]

:) ..

ماشوفك علقت على كلامي بس فالح تحذف ردك وتروح

[المحاميه]

بارجع حق باقي الردود ان شاء الله :)

[Chambray]

كل ما اسافر اندورا ( اتضايق ) هههههههههه
لان ماعندها اتفاقيه مع اوريدو وتنقطع الاتصالات والانترنت وكل شئ هناك

والله على حلاه الجو والطبيعه والوناسه هناك
الا ان مسألة انقطاع الاتصال يضايقني
لاني انا من النوع الي احب اكون متواصل 24 ساعه مع الناس
سواء تويتر فيس بوك انستغرام واتس اب بلاك بيري

خلاص صار عندي ادمان ( حقيقي ) لهالموضوع ..

[المحاميه]

ما اقدر استغني عنها


موضوع ممتاز
بس على شان ماتقولين اني مستقصدك :)

انت رايح استجمام وتشوف البلاد ولا رايح تطل ف تلفونك؟

ههه ماقلت شي :secret:




بالنسبه لي

انا اكره رنه التلفون والحمدلله ماعمري استخدمت البلاك بيري خير شر
لاني انسان جاد ولا احب الهذره والكلام الفاضي
الحين الناس هبابه تشيل نفسها فاضيه حق السوالف
واساسا الوتس اب نادر ماافتح روابطه
حتى البعض يقولي شدعوه ماتوصلك رسايلي اقوله اي يقول ماتطرش
ياخي اما فاضي ولو فاضي مالي نفس
والاستغرام سويتلي اشتراك ويوم شفت الدعوه صور شطبنا عليه خلاص من زمان

احس انها مش من مستواي ومقامي السامي هل التفاهات

التواصل بالاتصال ولا فيس توفيس

بالنسبه للنت وخصوصا شبكه الاسهم نعم ادخل كثير

والسلام ختام

ههه زين ليش معصب
هدي
بس ماتلاحظ انك ربطت الجديه بوسائل الاتصال الحديثه .. يعني افهم من كلامك ان الاعضاء مب جادين ويحبون الهذره بما انهم قالوا مانقدر نستغنى عنها فالسفر؟

وليش توصف هالتكنولوجيا واللي اعتبرها البعض انها وسيلة للتواصل بالتفاهات؟

اخوي حسن اذا شي مايهمك وتشوف ماله داعي ف هالشي بس من وجهة نظرك مايصير تعمم عالجميع لان كل واحد يشوف الموضوع من زاويه وكل واحد عنده احتياجات تختلفت عن احتياجاتك

وبعدين انت اخر شي قلت انك تدخل المنتدى يعني حتى وانت مسافر؟
عيل انت ف نفس الدائره اللي تنقدها
ولكن من زاويه اخرى :victory:





استغني عنها زي اللوز

اهم شي فيه تلفون حق الحاجه

عدل شغلك
:victory:



كل ما اسافر اندورا ( اتضايق ) هههههههههه
لان ماعندها اتفاقيه مع اوريدو وتنقطع الاتصالات والانترنت وكل شئ هناك

والله على حلاه الجو والطبيعه والوناسه هناك
الا ان مسألة انقطاع الاتصال يضايقني
لاني انا من النوع الي احب اكون متواصل 24 ساعه مع الناس
سواء تويتر فيس بوك انستغرام واتس اب بلاك بيري

خلاص صار عندي ادمان ( حقيقي ) لهالموضوع ..


انزين لما تسافر دوله ثانيه تقدر تاخذ شريحتهم ويوفرونلك الخدمه اللي تبيها .. بدال لايحسبلك عالكرت القطري

ماتحس ان السالفه فيها ارهاق .. تكون متواصل 24 ساعه على كذا موقع تواصل اجتماعي؟

طيب دامك وصلت مرحلة الادمان وتعترف ب هالشي .. مافكرت تغير الخطه وتردع نفسك شوي عن ادمان التواصل اللي من هالنوع؟ وهل هالشي اثر على حياتك سلباً ولا ايجاباً

[العنيده]

صعبه مانفعل الخدمه اهم شي الواتس اب للاهل .. والنت ممكن نستخدمه اذا توهقنا بديره وندور مكان روح له ..
اما البيبي يتم في البلاد لحين العوده باذن الله :shy:

[المحاميه]

هلا العنيده

انا اشوف النت ضروري نفس ماتفضلتي لان الواحد يبي يشوف اوقات الصلاه
الاماكن
يستفسر
يدور شي عن هالبلاد
وبعد ممكن يكون نوع من التسليه وقت الملل تالي الليل

لكن الواتس اب والبي بي ام والانستغرام
انا ضدهم ف السفر وبقوه :victory:

[شبح الصمت]

صراحة اقدر استغنى عن المنتدى عادي ..


الوتس آب لا لانه يمكن يكلموني الشغل ..

البلاك بيري يكون مفتوح لمعرفة ومتابعة والتواصل مع الربع ..


محد هالايام يقدر يقول اقد استغني إلا الي كلش كاره الي حوله

هههههههههههههاي

[المحاميه]

صراحة اقدر استغنى عن المنتدى عادي ..


الوتس آب لا لانه يمكن يكلموني الشغل ..

البلاك بيري يكون مفتوح لمعرفة ومتابعة والتواصل مع الربع ..


محد هالايام يقدر يقول اقد استغني إلا الي كلش كاره الي حوله

هههههههههههههاي


امبله
مب شرط
انا اقدر استغنى ونص
مب نهاية العالم لو ماتواصلت هالكمن يوم

يمكن اهم شي المنتدى
لكن الباقي مب شرط الا فكه من الحنه وعوار الراس والبيسيات اللي مالها داعي :secret:

[شبح الصمت]

امبله
مب شرط
انا اقدر استغنى ونص
مب نهاية العالم لو ماتواصلت هالكمن يوم

يمكن اهم شي المنتدى
لكن الباقي مب شرط الا فكه من الحنه وعوار الراس والبيسيات اللي مالها داعي :secret:



شوفي الناس المهمين دووم يكون تواصلهم مستمر مع العالم اخذيها مني ..


اما الي ما يحس نفسه مهم فهذا عادي عنده ..



مجرد تكتيك من الشخص نفسه يشوف نفسه مهم راح ينسل عنه او غير مهم ..

[المحاميه]

هههه

اختلف معاااااااك كلياً

يعني انا اقطعها لان ماعندي حد يسأل عني؟ ههه شدخل يبه

انا اقطعها عشان اريح راسي واكسر الروتين واحس اني صج مسافره
يعني لازم استمتع برحلتي
مب اقعد اطل ف التلفون وارد على خلق الله
ولا شوفوني انا اهني ترا!!!

خلاص هم يدرون فلانه رايحه ومعذوره

بس انت ذكرت نقطه مهمه فعلاً
لو مدير او رئيس والشغل واقف عليه من اعتمادات وابداء راي الخ
اهني نقول نعم لازم يخلي بريده شغال ويشيك بين فتره وفتره عشان يرد عالعالم ومايعطلهم
والله يعينه ويجزيه خير

غير جذي لاتحاول تقنعني

[نوور الدووحه]

كل شخص مهم ماكو شخص مو مهم!!!

الام والاب يتركون عيالهم ويسافرون:)

المدير يترك مكتبه ويسافر

الي ماعنده مهمه هم يترك ربعه وناسه واهله ويسافر:nice:

بس هالجم يوم مابتاثررر ؟؟؟؟

حلو الواحد يقط همومه ويترك الناس شوياااااااااااات لاحقين عالحجي والناس وال وال وال :telephone::omen2:

وشكرا:nice:

[المحاميه]

كل شخص مهم ماكو شخص مو مهم!!!

الام والاب يتركون عيالهم ويسافرون:)

المدير يترك مكتبه ويسافر

الي ماعنده مهمه هم يترك ربعه وناسه واهله ويسافر:nice:

بس هالجم يوم مابتاثررر ؟؟؟؟

حلو الواحد يقط همومه ويترك الناس شوياااااااااااات لاحقين عالحجي والناس وال وال وال :telephone::omen2:

وشكرا:nice:

احييج
كلامج عين العقل

[حياة]

انا ماانكر اني مرات ودي اسافر واحذف التلفون الين ارجع
بس مااقدر ... عندي عيالي وبناتي وامي وهلي وصديقاتي لازم بيكون
فيه واتساب او فايبر اما المنتدى موب مشكله عندي عادي اي وقت بشوفه
بس مش مهم مثل الواتساب والفايبر والتانغوا
.. احتمال في سفره من السفرات اريح مخي ومااستخدم اي نوع
من التواصل ودي والله بس مادري متى ..
الله لايحرمني من كل اللي احبهم يارب ولايحرمكم ان شاء الله

[بو خليفه 123]

الواتس اب و ايميل الشغل هم رفقاء السفر :(

[لبيبة]

ما أقدر أستغني عن النت، لأنه جداً ضروري بالنسبة لي،

في السفر ينفعني في تحركاتي وأتواصل فيه مع الأهل سواء مسافرين معاي أو في الدوحة،

ما أستغني عن التواصل معاهم فيس تايم و واتساب، ولما أسافر آخذ خط من المكان اللي أكون فيه مع انترنت للجوال،

وابحث عن فنادق فيها اتصال انترنت قبل الحجز فيها،

ممكن أريح أثناء السفر من المشاركة في المنتدى، وبعض المواقع الاجتماعية الأخرى،

لكن لا زال النت مهم في السفر

[sweet qatar]

أقدر

بس شالحكمة ؟

[المحاميه]

أقدر

بس شالحكمة ؟

الحكمه الله يسلمج
ان الناس ماعادت نفس اول

لاحظيهم
لي تيمعوا يطلون ف تلفوناتهم
لي سافروا نفس الشي
لي اطلعوا مكان نفس الحاله

عيل اشلون تستمتعون وتغيرون جو وتكسرون الروتين؟

ترا هالتكنولوجيا آفه
لان صارت ادمان + الاشعه اللي تظهر منها ضاره


جان زين نقدر نستغى عنها ونكنسلها
ونعيش حياه طبيعيه بسيطه غير معقده

[sweet qatar]

اهاااا

فهمت قصدج.. الاستخدام الخاطئ للتكنولوجيا ما يخليني ألغيها

قبل البي بي والواتس اب كنا لازم يوميا نتصل نتطمن على هل الدوحة
وهم يتصلون يتطمنون علينا ويشوفون ان كنا محتاجين شي


اذا تحبين حد وتعزينه بتهمج أخباره في كل مكان

استمتع بسفرتي وان طرا علي حد ارسلت له بكبسة زر


حتى لو ابتعدت عنهم ما ألغيهم من يومي واتجاهلهم واقول ابي ارتاح


راحتي معاهم مو بدونهم

[المحاميه]

بس بعد البعد زين

عشان يشتاقون

ويعرفون ان مكانج الخالي محدٍ ملاه :nice:

[لاجئ عاطفي]

نعم انا لما اسافر لا افعل الخدمه ولا حتى افعل التجوال الدولي كل وقتي مع هلي وعيالي في السفر وانسى اي تواصل انترنتي خلال هالفتره

[بومحمد المطاوعه]

انا اقدر اسافر بدون بلاك بيري

عادي

بس بتملل

ع الاقل افعل الخدمه في الدوله الي بروح لها

او الفندق يوجد به واير لس

[عطر]

بالنسبه لي اذا السفره قصيره يعني اسبوع او اقل مو مهم البلاك بيري ولا الواتس اب ولا غيره بس اهم شي اقدر اتصل
واصور عشان لما ارجع انزلهم في الانستغرام

اما اذا السفره اكثر من اسبوع لا ضروري افعل الخدمات كلها عشان اتواصل مع اهلي وتلاقيني طول اليوم مطنشه للتلفون
لين ماارجع الفندق افتحه واشوف كل شي واتطمن على احوال الرعيه واسكره وانام :victory:

موضوعج حلو اختي عساج ع القوه :)

[المحاميه]

نعم انا لما اسافر لا افعل الخدمه ولا حتى افعل التجوال الدولي كل وقتي مع هلي وعيالي في السفر وانسى اي تواصل انترنتي خلال هالفتره

تمام
:nice:



انا اقدر اسافر بدون بلاك بيري

عادي

بس بتملل

ع الاقل افعل الخدمه في الدوله الي بروح لها

او الفندق يوجد به واير لس


اشلون اتملل؟
لو تسويلك جدول يوم بيوم مابيكون عندك وقت للملل




بالنسبه لي اذا السفره قصيره يعني اسبوع او اقل مو مهم البلاك بيري ولا الواتس اب ولا غيره بس اهم شي اقدر اتصل
واصور عشان لما ارجع انزلهم في الانستغرام

اما اذا السفره اكثر من اسبوع لا ضروري افعل الخدمات كلها عشان اتواصل مع اهلي وتلاقيني طول اليوم مطنشه للتلفون
لين ماارجع الفندق افتحه واشوف كل شي واتطمن على احوال الرعيه واسكره وانام :victory:

موضوعج حلو اختي عساج ع القوه :)


شاكرتلج مرورج وردج العطر
وردج عجبني
لانه فيه انصاف وموضوعيه :nice: