تجربة شراء الأثاث من كوانزو الصين ،،،،، حياكم

[Umsultan]

السلام عليكم ورحمة الله وبركاته

بعد اللف على أسواق قطر أتضح لي أن جميع الأثاث والأكسسوارات أغلبها من الصين

مبدئيا جا ببالي السفر " لكوانزو " الصين لشراء الأثاث

من فيكم سبق وشرى من الصين ويا ريت تذكرون لي أفضل الأسواق وأجودها للأثاث وورق الجدران والثريات والابجورات وقطع السجاد

يا ريت آراءكم وخبراتكم

[Chambray]

السلام عليكم ورحمة الله وبركاته

بعد اللف على أسواق قطر أتضح لي أن جميع الأثاث والأكسسوارات أغلبها من الصين

مبدئيا جا ببالي السفر " لكوانزو " الصين لشراء الأثاث

من فيكم سبق وشرى من الصين ويا ريت تذكرون لي أفضل الأسواق وأجودها للأثاث وورق الجدران والثريات والابجورات وقطع السجاد

يا ريت آراءكم وخبراتكم
ناس استفادوا من هالتجربه ومبسوطين
وناس تذم التجربه

انا واحد فكرت بين السفر والتأثيث من قطر او على اكثر تقدير من السعوديه
لكن قررت اني اثث من الدوحة واذا في اشياء اقدر اجيبها من برع اجيبها لكن مب لدرجة اني اثث البيت كامل

المشكلة ان التأثيث من الصين لو جا قطعه مكسوره او مختلفه او ناقصه ( وصارت كثير ) كيف بتترقع !!

[معماري قطري]

انا رايي بعد من الدوحة وحولها .. أَثاث الصين ضعيف ودفش في أَكثره .. بالنسبة للأَسرة من كنغ كويل عادية وممكن تضيفون تنجيد لراس السرير بقماش مشابه أَو مماثل للستائر وممكن الكوميدينو تختارونها من ذا ون ولا غيره .. الخزائن خزائن حائط مفصلة وتركيب ثابت وممكن تنضاف لها انارة تماتيك تشتغل وقت فتح الباب .. أَو لو فيه غرف ملابس تترتب حسب الرغبة بفواصل ويستحسن بدون أَبواب لسهولة الوصول لأي قطعة.

باقي الأَثاث من راي مهندسين تصميم داخلي مختصين الأَفضل نشتري القطع بالتدريج وبعد البحث فترة والاختيار.

وشيء مهم ما ننساه السفر للصين مكلف ومرهق والبلاد صعبه وزحمه.

[Azizuk]

السلام عليكم صاحب الموضوع هذا موقع عربي متخصص في الصين وراح تحصل جميع استفساراتك

http://www.travelzad.com/vb/f89.html

وعلى فكرة وايد من الربع راحو الصين وتوفقو الحمدالله

مره سالت واحد قلت له تسوى السفرة قالي نعم تسوى اذا بتأثث كامل البيت او اذا عندك مشروع من بعض الأشياء اللي شفته عنده غرفة نوم نفسه عندي انا ماخذه من نابكو 10 آلاف ريال هو ماخذه 4 آلاف ريال يعني في فرق 6 آلاف

ويقولي عندهم انواع من المستويات يعني شاف غرفة نوم سرير بس ب 136 الف ريال الغرفة كاملة تتكلف قريب 300 الف ريال من الخشب الزان طبعا هذي تتصدر أوروبا وأمريكا ودول الخليج بالطلب

واحد شفته وسألني من وين بتاثث قلت له الله واعلم انا بروح الصين وبشوف الأسعار والبضاعة اذا تسوى بأخذ الأهل في سفرة ثانية وبناخذ الأثاث من هناك الا يقولي تصدق ان في واحد قطري شاري له غرفة نوم بمليون ريال :eek5: والمحل هذا ما يدخل اي شخص لازم بموعد وعن طريق شركة أثاث عالمية
مادري هو صاج وإلا جايب الكلام من عنده الله واعلم

في مجمع يمدحونه أسمة الوفر يعتبر احسن مجمع والأثاث الموجود راقي

انت ادخل الموقع زاد الخير وان شاالله تحصل المعلومات كاملة

[k.fatma]

مرحبا
بالنسبه للصين انا امدحها وانصح بالروحه لها صج انها صارت غاليه بس اهون من الدوحه
والله انه اطقم كراسي شفتها في اللوفر 80 الف تنباع في الدوحه 200 الف
وبضاعه نابكو درجه ثالثه مب اكولتي كلها شفتها هناك
درجه اولى وثانيه هي اكوالتي ومب خساره فيها السعر اما الدرجه الثالثه حرام تشترونها ما تسوى لانها مب خشب ام دي اف

[الســـهم]

اختي ام سطان ..

فكرة ان الواحد يروح الصين بحد ذاتها شي طيب والسبب ان الخيارات الموجودة راح تكون كثيرة جدا ..

اما البضاعة وجودتها فشي اكيد انها راح تكون راجعة للذوق والكواليتي ..

شفت ناس جايبين اثاث من الصين بصراحة كلمة حلو اشوي بحقه , وسألتهم عنه وقالوا انه يعتبر من الدرجة المتوسطة واسعاره مقبوله ..

وشفت ناس جايبين اثاث ما اشتريه بريال ويقولون انه هاي كواليتي وصدقني ما ابالغ تلقاه في اردى محلات الاثاث فالخليج ..

[وحيد-الشوق]

يمدحون اثاث تركيا بس مشكلتة السعر

الصين بعيده واحس سالفة طويلة الافضل التنويع وابتعد عن نابكو احسهم حرامية ايكيا اثاثهم ممتاز بس للأسف مايناسب بيوت قطر :)

[Umsultan]

مشكورين جميعا على الرد

اثاث ايكيا حلو بس مب فخم وفي شي بعد ادخل الانستغرام بتشوف الكل امأثث من ايكيا

احب الكلاسيك والكلاسيك الحديث

[ارونج]

الصين بتوفر كثير وتحصل جودة اعلى اهم شي وثق نفسك معهم بأنواع الخشب واطلب عينه عشوائيه قبل الشحن عشان تتأكد من خشبها واهم شي التغليف الزين عشان ماتتكسر البضاعه