+++ إغلاق محلات تركيب المخفي والعازل الحراري بالغرافه +++

[jajassim]

محمد العقيدي جريدة الشرق


أغلقت إدارة المرور بعض المحلات التجارية المخصصة في تركيب المخفي والعازل الحراري في سوق الغرافه لمخالفتها قوانين وأنظمة إدارة المرور الواضحة في تركيب المخفي والعازل الحراري على جميع السيارات .


واتجهت العديد من محلات تركيب العازل الحراري خلال الآونة الأخيرة إلى مخالفتها للقوانين حيث أنها تقوم بتركيب عازل حراري بدرجات داكنة غير المصرح بها من قبل إدارة المرور وهو ما يعد مخالفا للقوانين المرورية بالدولة .


ويزداد الإقبال على محلات تركيب المخفي والعازل الحراري خلال هذه الأيام مع دخول فصل الصيف حيث ارتفاع درجة الحرارة، ويرتفع الإقبال على طلب العازل الحراري الذي يخفف من دخول حرارة الصيف إلى السيارات ، ولكن بعض المحلات لم تلتزم بالقوانين .


وفي الوقت ذاته تكثف إدارة المرور من حملاتها التفتيشية على كافة المحلات المخصصة في تركيب المخفي والعازل الحراري ، وهو ما أدى إلى ضبط بعض المحلات التي تخالف القوانين وتصر على تركيب درجات داكنة من المخفي والعازل الحراري على الزجاج الأمامي للسيارات وهو ما يعتبر مخالفة واضحة للقوانين .



http://www.al-sharq.com/news/details/229342#.U1Gl3xtZqcw

[abu m7md]

افا كنت متواعد مع المحل امر اركب 15 بالمية :(

[بونو]

مادري متى البلد بتنظف من متخلفي الجيل الحجري !!! في دبي ثلاثين بالميه بدون تصريح ... وهني على عشرين بالميه يذلونك !!!!

[Chambray]

عازل 20% كافي جداً جداً جداً للجو الحار

مافي داعي ابداً لتركيب 50% واكثر

[R 7 A L]

جونا لو نركب 100%
بنحصل السيارة حارة

انا اكتفيت بتركيب 20%

[ClassicRoyal]

شباب والله مع احترامي المفروض المخفي مايزيد عن 20 لانه صراحه مافي شي يبين ومب حلوه واحد مركب مخفي ويجي يطيرك

[DreamBox]

كل قوانينا توضع بدون دراسه ولا اسس ولا قواعد

مثل قصة اللون المطفي ، مواتر انحجزت بالشهور وبعض اصحاب المواتر باعوها برع قطر برخص التراب وفالنهاية اسمحوا لأن اكتشفوا ان مافي اي سبب للمنع وقطر كانت الدولة الوحيدة فالعالم اللي مانعه اللون المطفي

[.. الكاش ..]

يجب على اداره المرور ان تنزل قانون واضح في الجريده الرسميه بتحديد نسبة المخفي علشان الكل يلتزم فيه سواء محلات او الزبون نفسه واقتراحي نسبة 30بالمائه ممتازه بحد اقصى

[style]

المسموح 10% فقط...وأي حد يخالف لايلوم الا نفسه...والحملات شغاله في اي لحظه وخصوصا محلات الزينه.10%

[حسن]

من نزل العازل وانا اركبه اخره من اسبوع على موترين اجدادا

اقوله حط لي المسموح كامل فول
والحمدلله بدون تصريح ولا عمري وقفني حد
واستغرب من اللي مظلم موتره الصراحه يجب ان يتخالفون الى متى واحنا مع هل العقول المتحجره
وبعدين القطرين كله مقيال ومصيفين برع والمواتر المكيفات من كل اتجاه
اي حر واي بطيخ
اكثر من يتعرض للشمس انا لا وموتر ياستاندر يعني مكيف واحد
والرقم على 22 والمروحه على اللو وبروده

زين سو المرور بس باقي الشوارع عاد مهب على الدكاكين يعني خالفو
المخالفين

يعطيكم القوه

[حسن]

وعلى فكره القانون واضح وصريح

لكن اللي مايبي يقرا مشكلته

انت ركب العازل ووقوله حط المسموح وتوكل على الله ولا تسون حق نفسكم سوالف

[R 7 A L]

من نزل العازل وانا اركبه اخره من اسبوع على موترين اجدادا

اقوله حط لي المسموح كامل فول
والحمدلله بدون تصريح ولا عمري وقفني حد
واستغرب من اللي مظلم موتره الصراحه يجب ان يتخالفون الى متى واحنا مع هل العقول المتحجره
وبعدين القطرين كله مقيال ومصيفين برع والمواتر المكيفات من كل اتجاه
اي حر واي بطيخ
اكثر من يتعرض للشمس انا لا وموتر ياستاندر يعني مكيف واحد
والرقم على 22 والمروحه على اللو وبروده

زين سو المرور بس باقي الشوارع عاد مهب على الدكاكين يعني خالفو
المخالفين

يعطيكم القوه




لا و أزيدك من الشعر بيت اكثر الي مركبين تبل مخفي لا شغل ولا مشغلة
نوم لين المغرب قبل العشاء بشوي
خاطري اعرف ليش مركبي مخفي على شان السكسوكة مثلاً ولا على شان الشنب الى جالقه بموس ؟

[qatara]

مادري متى البلد بتنظف من متخلفي الجيل الحجري !!! في دبي ثلاثين بالميه بدون تصريح ... وهني على عشرين بالميه يذلونك !!!!

جراثيم صح ؟

الجيل الحجري هم ابائنا واجدادنا ونفتخر بهم

الله ينظف البلد المسلم ذو العادات والتقاليد
من جيل بعضهم فسخ الحياء والدين
الذين لم نرى منهم تقدم غير التفسخ
والتزلط ولم نرى منهم اي تقدم حقيقي

اللهم امين

[ANONYMOUS]

القانون شيقول

او ع الاقل روح القانون وش يقول

[بوحارب]

اللي تسكر محل زينة للسيارات

لكن المحلات الكبيرة محد يقربها

وش هذا الظلم يا جاجاسم ;)

[jajassim]

اللي تسكر محل زينة للسيارات

لكن المحلات الكبيرة محد يقربها

وش هذا الظلم يا جاجاسم ;)


هذا مب ظلم ،، هذا تكتيك في علم الإدارة ،

[أسد الجزيرة]

محل اوزون و الي جمب المعصرة الي في الزاوية كان مصكرين في الغرافة يوم الخميس

[سهم طويل الأجل]

هذا مب ظلم ،، هذا تكتيك في علم الإدارة ،

أضرب المربوط .. يخاف المفتلت :victory:

[MAZEN37]

المفروض خبراء المخفي هم مرور الفحص الفني
قبل شهر رجعوني وانا مركب مخفي كامل في الخلف ومصرح ويقولي عاكس شيله وهو مخفي من محل عليه ضمان

[h9466]

طيب اخونا العزيز جا جاسم والسؤال موجه ايضا لاهل الخبرة الكرام ،،،انا رحم الله والديكم غالبا يكون دوامي قبل العصر واتجاه عملي غرب يعني الشمس في وجهي لمسافة تزيد عن 20 كيلومتر،،،اقدر اركب مخفي او عازل امامي ?ولو الجواب نعم كم النسبة القانونية بحيث لو ركبتها ما راح اتخالف،،،وترشحوا لي اي محل للتركيب،،،?

[أسد الجزيرة]

بس صوب الشمس الباقي ممنوع

[h9466]

بس صوب الشمس الباقي ممنوع
مافهمت عليك اخوي العزيز اسد الجزيرة،،،

[jajassim]

طيب اخونا العزيز جا جاسم والسؤال موجه ايضا لاهل الخبرة الكرام ،،،انا رحم الله والديكم غالبا يكون دوامي قبل العصر واتجاه عملي غرب يعني الشمس في وجهي لمسافة تزيد عن 20 كيلومتر،،،اقدر اركب مخفي او عازل امامي ?ولو الجواب نعم كم النسبة القانونية بحيث لو ركبتها ما راح اتخالف،،،وترشحوا لي اي محل للتركيب،،،?


بوابة الشرق- محمد العقيدي
علمت "الشرق" أن إدارة المرور بصدد إصدار قرارات جديدة تتعلق بتركيب المخفي والعازل الحراري على زجاج السيارات، حيث أنها ستوضح نسبة العازل الحراري المسموح بها والأخرى التي لا يسمج بتركيبها، وقد اجتمعت إدارة المرور بأصحاب المحلات وأخطرتهم بأن الدرجة المسموح بتركيبها من العازل الحراري 5 % و10 % فقط ولا يسمح تجاوز تلك الدرجة وكل من يركب خلاف ذلك من المحلات يعتبر مخالفا للقوانين.
وتشير المعلومات التي حصلت عليها "الشرق " إلى أن إدارة المرور سوف تبدأ بالتفتيش على كافة السيارات خلال شهر أكتوبر القادم لرصد السيارات المخالفة، ويرى أصحاب محلات أن قرارات إدارة المرور الجديدة قد تكبدهم خسائر فادحة خاصة أن العديد من المواطنين والمقيمين يقبلون على المحلات لتركيب العازل الحراري بنسبة 20 % وهي الدرجة التي كان مسموحا بها من قبل إدارة المرور في السابق.
وأكدوا أنهم لا يستطيعون تركيب المخفي والعازل الحراري إلا بالدرجات التي وضحتها لهم إدارة المرور، وان ذلك سبب في تراجع نسبة تركيب العازل الحراري والمخفي في تلك المحلات، حيث أن الزبائن باتوا يبحثون عن المحلات التي تركب لهم عازلا حراريا بدرجة 20 %.


منقول

-------

مازلنا بانتظار قرار إدارة المرور ،، اليوم 19/04/2014م

[ابوالحارث]

يا ادارة المرور المحترمه اعتقد انه فيه امور اهم من العازل و يجب ان تعطى لها الأولويه منها على سبيل المثال لا الحصر :

فك الاشتباكات المروريه والتي نراها كل يوم عند المدارس الحكوميه او الخاصه


خطة مروريه على مستوى الدولة لتخفيف الزحام المروري الذي نعيشه كل يوم

الحد من استهتار سائقي الشاحنات و غيرهم

الحد من الواسطات

الخ الخ الخ

[عيد823]

خذ العمال معاك البيت وبيركبون لك المخفي

[h9466]

بوابة الشرق- محمد العقيدي
علمت "الشرق" أن إدارة المرور بصدد إصدار قرارات جديدة تتعلق بتركيب المخفي والعازل الحراري على زجاج السيارات، حيث أنها ستوضح نسبة العازل الحراري المسموح بها والأخرى التي لا يسمج بتركيبها، وقد اجتمعت إدارة المرور بأصحاب المحلات وأخطرتهم بأن الدرجة المسموح بتركيبها من العازل الحراري 5 % و10 % فقط ولا يسمح تجاوز تلك الدرجة وكل من يركب خلاف ذلك من المحلات يعتبر مخالفا للقوانين.
وتشير المعلومات التي حصلت عليها "الشرق " إلى أن إدارة المرور سوف تبدأ بالتفتيش على كافة السيارات خلال شهر أكتوبر القادم لرصد السيارات المخالفة، ويرى أصحاب محلات أن قرارات إدارة المرور الجديدة قد تكبدهم خسائر فادحة خاصة أن العديد من المواطنين والمقيمين يقبلون على المحلات لتركيب العازل الحراري بنسبة 20 % وهي الدرجة التي كان مسموحا بها من قبل إدارة المرور في السابق.
وأكدوا أنهم لا يستطيعون تركيب المخفي والعازل الحراري إلا بالدرجات التي وضحتها لهم إدارة المرور، وان ذلك سبب في تراجع نسبة تركيب العازل الحراري والمخفي في تلك المحلات، حيث أن الزبائن باتوا يبحثون عن المحلات التي تركب لهم عازلا حراريا بدرجة 20 %.


منقول

-------

مازلنا بانتظار قرار إدارة المرور ،، اليوم 19/04/2014م
الله المستعان،،،،مازلنا ننتظر

[جوال 11]

نحتاج قوة القانون لشركات التامين التي تدفع المجني عليه في الحادث بدفع نسبة من قيمة قطع الغيار ولما تسال يقال لك هذا قانون المرور .
شخص برئ يسير بسيارته وتصدم سيارته ويتضرر وقد يؤجر سيارة خلال فترة اصلاح السيارة ويدفع نسبة من قيمة قطع الغيار لماذا لا يدفع القيمة صاحب السيارة المخطئ هذا من الظلم .

[العنيده]

20% ماطلبنا غير هالشي .. المشكله حتى ال10 نلاقي دوريات توقفنا :(

[Right]

القانون شيقول

او ع الاقل روح القانون وش يقول




يقول: البيت لها

[حمد بن سعد]

اطالب بتصريح مخفي كامل 100% برسوم سنويه بقيمة 5000 اريال قطري

هذا اقتراحي

[سارونه]

ههههههه صح فكره حلوه :)

من يومين شفت عمال يصلحون سيارتين فيهم ضربات من حادث وصبغ بدون ورقة من الشرطة في احد البيوت..
احس بان العمال عادي يشتغلون على حسابهم بدون علم الكفيل :)

[monatee]

وين المشكله اذا خليتوا لنا الحريه في اختيار درجات المخفي في كامل السياره

ماعدى الزجاج الامامي لايتعدى ال 20 % فقط

[العنيده]

اطالب بتصريح مخفي كامل 100% برسوم سنويه بقيمة 5000 اريال قطري

هذا اقتراحي

حلوه الفكره بالرسوم احنا قنوعين مانبي 100 اقل شي 50 % :nice:

[Right]

الدول تقدمت بشكل كبير وملحوظ في المرور وقواعده وما يمت إليه بصلة



والمرور عندنا يناقش موضوع المخفي !!

[أسد الجزيرة]

مافهمت عليك اخوي العزيز اسد الجزيرة،،،

امزح معاك اخوي موفق

اقصد بيقولون لك ركب جامة وحدة بس

[qatara]

طيب السياره سيارتي
والمخفي مركبه على حسابي

في حال المخفي حسب المقاسات و الشروط القانونيه

لماذا ادفع رسوم تركيب مخفي

؟

هل التركيب من عندهم مثلا او السياره من عندهم

شي يحير

[عطر فرنسي]

تركيب العازل والمخفي فوق 30 بالمئه لي ناس وناس

[ya3coub]

و الي مركب عازل بالمبلغ الفلاني على اساس قانوني من سنة او سنتين!!!!

و الحين مرة وحدة بيخالفون او يجيك شخص من الفحص الفني يقولك شيله و ارجع ركب

ليش المضرة

و هل بدو يستخدمون الأجهزة الي تبين نسبة التعتيم نفس بعض الدول المجاورة في جهاز ينحط و يعطيه النسبة

و اذا اكثر يخالفك.

عندنا على كيف الشرطي يقولك انت مركب 20 فالمية لأنه ثقيل و اهو اصلن 10

و قس على ذلك

انا ما المخالفات و مع تشديد الرقابة بس ايضا ضد التخبط الدوري
عالأقل الي ركب قبل بمقايس قانونية المرور يتحمل تكلفه تبديل العازل و تركيب عازل جديد "قانوني"

[Qa10]

بارك الله فيهم

[العربية نت]

زين كيف الواحد يعرف النسبة اذا الواحد قال للمحل ركب لي حسب القانون وركب بس طلع مخالف
بعدين القرارات العشوائية ليست حل لا ننسى ان العازل الحراري يختلف عن المخفي الرخيص
فيجب مراعاة ذلك وكلامي طبعاً في حدود المعقول وما قلنا يسمحون مخفي كامل :shy:

[h9466]

امزح معاك اخوي موفق

اقصد بيقولون لك ركب جامة وحدة بس

يعني يصير اركب عازل على الجامة الامامية ضمن النسبة المسموح فيها.؟؟

[التـسـعـة]

الحمدلله والشكر ، هاي حالتنا مع المخفي من أول ما ان ولدنا

ما يكون التركيز على المخفي إلا إذا دخلنا الصيف ، وفي الشتاء لو تركب جلاد أسود محد يكلمك

لاإله إلا أنت سبحانك إني كنت من الظالمين

[h9466]

الحمدلله والشكر ، هاي حالتنا مع المخفي من أول ما ان ولدنا

ما يكون التركيز على المخفي إلا إذا دخلنا الصيف ، وفي الشتاء لو تركب جلاد أسود محد يكلمك

لاإله إلا أنت سبحانك إني كنت من الظالمين
اضحك الله سنك...
الله يصلح الحال...

[نمساوي]

المفروض من ادارة المرور تمنع دخول العازل من الاساس

[tawareq]

بعض العوازل تركب 20 % كانك مركب 30 %

وبعض العوازل تركب 30 % كانك مركب 50%

وفيه العكس تركب 50% كانك مركب 30%

طيب شلون تفهم الشرطي في ذي الحالة اذا وقفك

[tawareq]

سؤال :

اذا الواحد عنده تصريح مخفي

وركب عازل خلفي 50% والسواق والعبري 30% والزجاج الامامي 10%

هل يعتبر مخالف ام لا ؟

[Right]

الحل بسيط: إلي يبي يركب عازل يروح الحسا يركب ويرجع

[cabtan1]

المفروض يسمح ب30% كحد اقصى

[بومحمد المطاوعه]

خل يسكرونهم


الحين الاغلبيه شغل بيت ياحبيبي

سهل جدآ تركيب المخفي

وعازل البحرين زين ويعزل

[عاشق الدمعة]

السلااام عليكم يا جمااااعه ،،، بخصوص العازل الحراري للسيارات: 1- ايش أحسن نوع (ويفضل إذا كان يتغير لونه على حسب الحرارة والشمس )؟؟؟؟ 2- كم النسبة للجامة الأمامية والخلفية والجامات الجانبية المسموحة؟

وبخصوص الحماية للسيارة: وين أحسن حماية للسيارة كاملة مع الضمان طويل الأمد ؟

مع تحياااااتي

[أم محمد 90]

مركبة 40% :omen2: خلوا كل شي خربان فالبلد وقاعدين لنا على عازل ومخفي

[عاشق الدمعة]

لا توهقينا يا أم محمد 90 ههههه أخاف أركب 40% وفي نفس اليوم موقفيني المرور ومخالفيني ههههه

[بوخالد911]

نسبة 20% كااااااااااااااااااااااااااااافية جدا

والله يعينكم ع الحرررر

[أم محمد 90]

لا توهقينا يا أم محمد 90 ههههه أخاف أركب 40% وفي نفس اليوم موقفيني المرور ومخالفيني ههههه

والله يكلموني ويوقفوني
بس انا بنت مستحيل يحجزون سيارتي

عاد انتو الرياييل الله يعينكم ,,

انا حظي ركبت العازل من الشركة بالدرجة اللي ابيها ههه :shy:

[عاشق الدمعة]

نسبة 20% كااااااااااااااااااااااااااااافية جدا

والله يعينكم ع الحرررر

الله يعين الجميع إن شاء الله أخوي ، يعني عادي أركب 20% على كامل السيارة مسموح ؟؟؟ لأن فيه محلات للعازل الحراري تقول بس 10% للجامة الجانبية الأمامية فقط . وايش تنصح أركب أي نوع؟

[عاشق الدمعة]

والله يكلموني ويوقفوني
بس انا بنت مستحيل يحجزون سيارتي

عاد انتو الرياييل الله يعينكم ,,

انا حظي ركبت العازل من الشركة بالدرجة اللي ابيها ههه :shy:
ههههه أي صح البنات ما يقولون لهم شي لأن عندهم واسطة واحنا الشباب متسببين علينا حتى لو كانت مواترنا بالمواقف أو مبنجره في الشارع هههه ، والله يعين الجميع إن شاء الله
أي نوع أختي مركبة العازل الحراري؟

[أم محمد 90]

ههههه أي صح البنات ما يقولون لهم شي لأن عندهم واسطة واحنا الشباب متسببين علينا حتى لو كانت مواترنا بالمواقف أو مبنجره في الشارع هههه ، والله يعين الجميع إن شاء الله
أي نوع أختي مركبة العازل الحراري؟


ركبته عند :

ziebart

شغل ممتاز صراحة واحس بفرق لما اركب سيارتي , ولما اركب سيارة اخوي

احس العازل الي عندي احسن من الي هو مركبه

[FCB 123]

أنا مركب 30% والحمد لله محد كلمني ولا وقفوني وأكثر من ثبوت كان وعادي محد كلمني

[mubarak2006]

إيه يقول المثل عيال الحلال وايد حـق الحريم هالايام ...الشاطر يفهم عاد

[مليونيرة مفلسة]

أحين ايش اخر الكلام مع هالموضوع؟
عندي تصريح بالنوافذ الخلفية ع الجانبين. يعني كم النسبة ماكسيموم و هل يعني ان مو مسموح اركب على الحوانب الامامية؟؟

[عاشق الدمعة]

ركبته عند :

ziebart

شغل ممتاز صراحة واحس بفرق لما اركب سيارتي , ولما اركب سيارة اخوي

احس العازل الي عندي احسن من الي هو مركبه

كنت عند ziebart وعطاني سعر 18 ألف (كان السعر 29 ألف ) للحماية كاملة للسيارة وعازل حراري وصبغ السيارة من تحت وشمع على الكراسي وما شاء الله عنده زحمة ، وعجبني العازل الحراري اللي في محل الحماية نوع اسمه كريستال لاين حلو، وأهم شي يكون يعزل حرارة الشمس عندنا

[عاشق الدمعة]

أنا مركب 30% والحمد لله محد كلمني ولا وقفوني وأكثر من ثبوت كان وعادي محد كلمني

هلا أخوي ، هو على حسب تقدير الشرطي نفسه ، بس أشوفهم هالأيام متشددين ، حااااسب

[عاشق الدمعة]

إيه يقول المثل عيال الحلال وايد حـق الحريم هالايام ...الشاطر يفهم عاد

ههههه والله يا أخوي هو راجع لمزاج اللي يفتش

[بومحمد المطاوعه]

موتري الثاني استخدمه مع ام العيال والعيال

100% كامل وجدام 50%


وثبتني يالمرووور

[بومحمد المطاوعه]

مواترهم كلهم مخفي ثقيل

اقرب مثال روحو مرور المعموره وشوفو مواترهم الي صافه برع

وروحو الحجز في الصناعيه وشوفو مواترهم الي صافه

كلها مخفي ثقيل
ويتفلسفون علينا


لان مواترهم ماتنطلب ولا تنحجز

يطيح البلاغ على طول بس احنا تعال وادفع واحجز

[Right]

والله يكلموني ويوقفوني
بس انا بنت مستحيل يحجزون سيارتي

عاد انتو الرياييل الله يعينكم ,,

انا حظي ركبت العازل من الشركة بالدرجة اللي ابيها ههه :shy:





أكيد عندج واسطة !!

[عاشق الدمعة]

أحين ايش اخر الكلام مع هالموضوع؟
عندي تصريح بالنوافذ الخلفية ع الجانبين. يعني كم النسبة ماكسيموم و هل يعني ان مو مسموح اركب على الحوانب الامامية؟؟

أهم شي تصريح الجانبين أختي ، من كم يوم كنت في محلات العازل الحراري قال لي إن المرور مشددين على درجة العازل الحراري ، المهم الجامة الأمامية جدام السايق والجامة الخلفية مسموح 5% ، أما الجامات الجانبية الخلفية دام عندج تصريح تقدرين تحطين 100% ما فيها مشكلة بس ماعدا الجامات الجانبية الأمامية(السايق والعبري) مسموح 10% فقط (في السابق كان 20% مسموح)

[عاشق الدمعة]

موتري الثاني استخدمه مع ام العيال والعيال

100% كامل وجدام 50%

وثبتني يالمرووور

الله يعينك عند تجديد الاستمارة ههههههه

[عاشق الدمعة]

مواترهم كلهم مخفي ثقيل

اقرب مثال روحو مرور المعموره وشوفو مواترهم الي صافه برع

وروحو الحجز في الصناعيه وشوفو مواترهم الي صافه

كلها مخفي ثقيل
ويتفلسفون علينا


لان مواترهم ماتنطلب ولا تنحجز

يطيح البلاغ على طول بس احنا تعال وادفع واحجز

هههه صدقت أخوي ، تلقى مواترهم مخفي ثقيل ومركبين تواير بالون وباقي يركب دبّة صووووت واكملت

[بومحمد المطاوعه]

الله يعينك عند تجديد الاستمارة ههههههه

عادي ياخوي

موتري جديد

باقي له 3 سنين
ههههههه

بشل وبرد اركب

[بومحمد المطاوعه]

هههه صدقت أخوي ، تلقى مواترهم مخفي ثقيل ومركبين تواير بالون وباقي يركب دبّة صووووت واكملت

والله العظيم اكثريتهم جذي

من صجك يمشون نفسهم ياخوي

[qatari 111]

قرار في محله والله زين سكروا المحلات والباقي عاللي مركب اكثر من 20 % يسوقون كانهم عميان ..كذا واحد لف علي
العزل مب فاللون العزل في ع وجوده العازل نفسه لحد يضحك عليكم

[بومحمد المطاوعه]

قرار في محله والله زين سكروا المحلات والباقي عاللي مركب اكثر من 20 % يسوقون كانهم عميان ..كذا واحد لف علي
العزل مب فاللون العزل في ع وجوده العازل نفسه لحد يضحك عليكم

بارك الله فيك

صح كلامك اخوي

العزل في نوع المخفي مب الثقل

انا مركب على موتري الثاني
زيرو زيرو بس يعزل حراره بدرجه كبيره ماشاءالله

بس خبرك العالم يركبون للشكل فقط انه لون وثقيل

ولو على موتر عائله يفضل ثقيل


تحياتي

[مختلفة عقليا]

السلام عليكم .,

يا هالمخفي ,, !!

انا مره خالفني والمخفي 20% يعني مو ممنوع ., وقلت له ترا عادي السياره مو لي السياره اماجره .,

تخيل الفلم الهندي اللي سواه ., وعقب انصدم انها مو سيارتي اماجره .,

جونا لازم مخفي ., بنموت والله من الشمس .,

ويسلمو .,