Chambray
19-04-2014, 03:27 AM
السلام عليكم ورحمة الله وبركاته
انا عملت الدرابزين ( الباب الرئيسي للمجلس والفيلا من شركة درابزين ) بالاضافة إلى الابواب الرئيسيه للشارع ، وابواب بيت الوالد غيرتها ايضاً من شركة درابزين
للامانه شغل الدرابزين عندهم ممتاز .. وخدمة مابعد البيع والضمان 10 على 10
ارتحت بالتعامل معاهم .. لكن لفت انتباهي ان داخل شركة درابزين الموجوده في شارع سحيم بن حمد بعد طوارئ الاطفال .. داخلها في شركة لل upvc للنوافذ والابواب اليوبي في سي اسمها فلكس ويندوز ( flex windows )
بحكم خبرتي وتركيب النوافذ من شركة الدوحة لليو بي في سي .. وشفت جوده المنتج عند شركة الدوحة يو بي في سي للنوافذ وكيف هي فعلاً عازله للصوت والماء والحراره ..
قلت اركب المداخل الفرعيه للفيلا وابواب الملاحق من هالشركة لانها جديده ، واكيد بنفس جوده شركات اليوبي في سي لان كلها نفس الشئ ( هذا اعتقادي ) وللاسف ان اعتقادي خاطئ
تم الاتفاق على تركيب عدد 7 ابواب بقيمة 23 الف ريال
المبلغ مب بسيط .. لكن شئ يريحني عن الغبار والحراره والصوت .. مب حرام احطه في شئ بيفيدني طول العمر ..
توكلت على الله ووقعت العقد وتم تركيب الابواب
اول شهر اخترب الباب وماصار يصكر عدل
بعد شهرين نفس الشئ الباب الثاني اخترب
بعدها بفترة باب اخترب وصار يحك بالارض
رابع مرة قلت اروح المحل اشوف شسالفه معاهم
صحيح ضمان ، لكن في اقل من 5 شهور يختربون الابواب !! مب حاله ذي
للاسف رحت وليتني مارحت
انصدمت ان المفصلات الي راكبه عندي غير الي موجوده ومعروضه بالمحل
القواطع صغيره عن الي راكبه عندي في الفيلا ، الي في المحل قواطعهم اكبر والباب ثقيل وانا الابواب عندي خفيفه
حاولت اكلم راعي المحل مب محصله
يجوني يصلحون ويروحون بعدها بفترة يخترب
بعد رشه المطر دخل ماي الباب
قلت يمكن الباب كان مفتوح
خلني اشغل الهوز واغسله واشوف يدخل ولا لا
الصدمه ان الماي يدخل !!!
والاعلان الموجود عندهم ( الابواب عازله للماء )
كلمت حماية المستهلك .. وبعد فترة قالولي ان الرجال ملتزم بالضمان
قلت لهم ملتزم صح لكن غشني
قالولي خلاص بنخليه يغير لك المفصلات
وصار لي الحين 3 اسابيع وماحصلت رد من حماية المستهلك ولا من المحل
رحت المحل وقابلت مدير الشركة الايراني محمد علي ..
قالي كلموني حماية المستهلك بس مادري ليش انت مب عاجبك الشغل
الابواب المانيه وجوده عاليه ليش متضايق
قلت له لان الابواب الي شفتها واخترتها في محلكم غير عن الي ركبت .. انا مب خبير في الابواب لكن من كثر ماختربت جيتكم وشيكت على المفاصلات طلعت غير
قالي اي احنا عندنا نوعين من المفصلات
الابواب الي اخترتها انت للمداخل وانت اخترتها للملاحق
قلت له مالك خص احطها وين انا اخترت الابواب على حسب ماهو موجود معاكم في المحل
المهم قالي اذا مب عاجبتك الابواب بنشيلها وبنعطيك فلوسك
قلت له اوكي توكل على الله قالي خلاص يومين وتعال خذ الفلوس وبكرة بناخذ الابواب
بعدها بساعه قالي خساره علينا احنا بناخذ الاابواب ومب مستفيدين شئ
قلت له ولا انا باستفيد من الابواب
لان انا بيتي جاهز وقاعد اثث يعني بعد بانطر شهر ونص لين تتفصل الابواب الجديده من شركة ثانية
قالي انا بكرة باجيك وباشوف ايش المشكلة بنفسي وان شاء الله باحل الموضوع لك
وبالفعل جاني البيت
وشاف الاخطاء
ولازال يعاند ويقول ابوابك مافيها شئ وكل شئ سليم
قلت له لحظة دقيقه بس ..
جبت له الهوز وغسلت الباب ودخل ماي جدامه
قالي ياخي الابواب عادي تدخل ماي اذا بتغسله هشكل
لان الباب مب مصمم حق برجه سباحه ومب عازل
قلت له انت تتطنز ولا من صجك !! باب اكيد ماراح ينحط حق برجه ههههههههه
انا دفعت لانه عازل
المفروض تقول ( الباب ) يعزل الماي بنسبه 50% هههههههههه
قالي كل الشركات هشكل
قلت له انا باوديك 5 شركات اذا شركة وحده نزل الماي انا اعطيك ال 23 الف واعطيك فوقهم الابواب
لكن للاسف تمادى وقالي انت ظالم والابواب مافيها شئ وانت تبي تفتعل مشكلة من ولا شئ ومن هالكلام
الزبده ..
هو ماعرفني انا من ولا شنو اقدر اسوي في شركته على باله واحد يقدر يقص علي بكلمتين مايدري ان عندي صولات وجولات مع هالنصابين في الدوحة واعرف كيف اقدر اخذ حقي لان عندي 100 طريقه وطريقه
والله باخليه يتحسف قد شعر راسه ان تعامل معاي بهالطريقه
اول خطوه سويتها اني كلمت الشركة الالمانية الي هو وكيلها وهدفي هو سحب الوكاله من هالشركة ان شاء الله ..
والخطوات الثانية جايه بالطريق بس اخلص ( خطوه خطوه )
ابغي اعرف من الي تعامل معاهم ؟ وكيف يشوف تعاملهم وكيف يشوف ابوابهم ؟؟
لو حال المسألة بشكل ودي معاي قسماً بالله كان ارتاح وريحني ..
لكن الحمد لله ان في ناس هشكل تحب تنصب وتصر على نصبها لان للاسف محصله ناس اذا شافت الطريق مسدود ( على طول تقط الابواب وتروح تشتري ابواب ثانية )
لكن المسألة مسألة حق .. اذا لك حق لاتسكت عنه حتى لو شئ بسيط لان محد مقوي هالناس علينا الا لاننا طيبين ونعطي طاف للامور ..
باحط لكم صورة من المعروض عنده بالمعرض ومن الباب الي مركب عندي بالفيلا
وانتوا حكموا
انا عملت الدرابزين ( الباب الرئيسي للمجلس والفيلا من شركة درابزين ) بالاضافة إلى الابواب الرئيسيه للشارع ، وابواب بيت الوالد غيرتها ايضاً من شركة درابزين
للامانه شغل الدرابزين عندهم ممتاز .. وخدمة مابعد البيع والضمان 10 على 10
ارتحت بالتعامل معاهم .. لكن لفت انتباهي ان داخل شركة درابزين الموجوده في شارع سحيم بن حمد بعد طوارئ الاطفال .. داخلها في شركة لل upvc للنوافذ والابواب اليوبي في سي اسمها فلكس ويندوز ( flex windows )
بحكم خبرتي وتركيب النوافذ من شركة الدوحة لليو بي في سي .. وشفت جوده المنتج عند شركة الدوحة يو بي في سي للنوافذ وكيف هي فعلاً عازله للصوت والماء والحراره ..
قلت اركب المداخل الفرعيه للفيلا وابواب الملاحق من هالشركة لانها جديده ، واكيد بنفس جوده شركات اليوبي في سي لان كلها نفس الشئ ( هذا اعتقادي ) وللاسف ان اعتقادي خاطئ
تم الاتفاق على تركيب عدد 7 ابواب بقيمة 23 الف ريال
المبلغ مب بسيط .. لكن شئ يريحني عن الغبار والحراره والصوت .. مب حرام احطه في شئ بيفيدني طول العمر ..
توكلت على الله ووقعت العقد وتم تركيب الابواب
اول شهر اخترب الباب وماصار يصكر عدل
بعد شهرين نفس الشئ الباب الثاني اخترب
بعدها بفترة باب اخترب وصار يحك بالارض
رابع مرة قلت اروح المحل اشوف شسالفه معاهم
صحيح ضمان ، لكن في اقل من 5 شهور يختربون الابواب !! مب حاله ذي
للاسف رحت وليتني مارحت
انصدمت ان المفصلات الي راكبه عندي غير الي موجوده ومعروضه بالمحل
القواطع صغيره عن الي راكبه عندي في الفيلا ، الي في المحل قواطعهم اكبر والباب ثقيل وانا الابواب عندي خفيفه
حاولت اكلم راعي المحل مب محصله
يجوني يصلحون ويروحون بعدها بفترة يخترب
بعد رشه المطر دخل ماي الباب
قلت يمكن الباب كان مفتوح
خلني اشغل الهوز واغسله واشوف يدخل ولا لا
الصدمه ان الماي يدخل !!!
والاعلان الموجود عندهم ( الابواب عازله للماء )
كلمت حماية المستهلك .. وبعد فترة قالولي ان الرجال ملتزم بالضمان
قلت لهم ملتزم صح لكن غشني
قالولي خلاص بنخليه يغير لك المفصلات
وصار لي الحين 3 اسابيع وماحصلت رد من حماية المستهلك ولا من المحل
رحت المحل وقابلت مدير الشركة الايراني محمد علي ..
قالي كلموني حماية المستهلك بس مادري ليش انت مب عاجبك الشغل
الابواب المانيه وجوده عاليه ليش متضايق
قلت له لان الابواب الي شفتها واخترتها في محلكم غير عن الي ركبت .. انا مب خبير في الابواب لكن من كثر ماختربت جيتكم وشيكت على المفاصلات طلعت غير
قالي اي احنا عندنا نوعين من المفصلات
الابواب الي اخترتها انت للمداخل وانت اخترتها للملاحق
قلت له مالك خص احطها وين انا اخترت الابواب على حسب ماهو موجود معاكم في المحل
المهم قالي اذا مب عاجبتك الابواب بنشيلها وبنعطيك فلوسك
قلت له اوكي توكل على الله قالي خلاص يومين وتعال خذ الفلوس وبكرة بناخذ الابواب
بعدها بساعه قالي خساره علينا احنا بناخذ الاابواب ومب مستفيدين شئ
قلت له ولا انا باستفيد من الابواب
لان انا بيتي جاهز وقاعد اثث يعني بعد بانطر شهر ونص لين تتفصل الابواب الجديده من شركة ثانية
قالي انا بكرة باجيك وباشوف ايش المشكلة بنفسي وان شاء الله باحل الموضوع لك
وبالفعل جاني البيت
وشاف الاخطاء
ولازال يعاند ويقول ابوابك مافيها شئ وكل شئ سليم
قلت له لحظة دقيقه بس ..
جبت له الهوز وغسلت الباب ودخل ماي جدامه
قالي ياخي الابواب عادي تدخل ماي اذا بتغسله هشكل
لان الباب مب مصمم حق برجه سباحه ومب عازل
قلت له انت تتطنز ولا من صجك !! باب اكيد ماراح ينحط حق برجه ههههههههه
انا دفعت لانه عازل
المفروض تقول ( الباب ) يعزل الماي بنسبه 50% هههههههههه
قالي كل الشركات هشكل
قلت له انا باوديك 5 شركات اذا شركة وحده نزل الماي انا اعطيك ال 23 الف واعطيك فوقهم الابواب
لكن للاسف تمادى وقالي انت ظالم والابواب مافيها شئ وانت تبي تفتعل مشكلة من ولا شئ ومن هالكلام
الزبده ..
هو ماعرفني انا من ولا شنو اقدر اسوي في شركته على باله واحد يقدر يقص علي بكلمتين مايدري ان عندي صولات وجولات مع هالنصابين في الدوحة واعرف كيف اقدر اخذ حقي لان عندي 100 طريقه وطريقه
والله باخليه يتحسف قد شعر راسه ان تعامل معاي بهالطريقه
اول خطوه سويتها اني كلمت الشركة الالمانية الي هو وكيلها وهدفي هو سحب الوكاله من هالشركة ان شاء الله ..
والخطوات الثانية جايه بالطريق بس اخلص ( خطوه خطوه )
ابغي اعرف من الي تعامل معاهم ؟ وكيف يشوف تعاملهم وكيف يشوف ابوابهم ؟؟
لو حال المسألة بشكل ودي معاي قسماً بالله كان ارتاح وريحني ..
لكن الحمد لله ان في ناس هشكل تحب تنصب وتصر على نصبها لان للاسف محصله ناس اذا شافت الطريق مسدود ( على طول تقط الابواب وتروح تشتري ابواب ثانية )
لكن المسألة مسألة حق .. اذا لك حق لاتسكت عنه حتى لو شئ بسيط لان محد مقوي هالناس علينا الا لاننا طيبين ونعطي طاف للامور ..
باحط لكم صورة من المعروض عنده بالمعرض ومن الباب الي مركب عندي بالفيلا
وانتوا حكموا