ممكن اعرف خطوات بناء فيلا..؟؟

[لاجل QT]

السلام عليكم

مثل ماهو مذكور في العنوان

ابي اعرف خطوات بناء الفيلا من البداية لي سالمو عليكو بالتفصيل

نقطة نقطة بالارقام:shy:

جزاكم الله خيرا

[Azizuk]

اول نصيحة لج الكهربائي والسباك خليهم على نفس المقاول اللي راح يبني البيت

ثاني شي ارتفاع البيت اقل شي خله 4 ونص صافي من البلاطة الى السقف وإذا قدرتي تتجنبين الجسور الساقطة احسن
الله يعزج الحمامات اقل شي 2* 3 وإذا تقدرون تكبرون ابرك 3*2 نص بعد احسن

شبابيك الحمام خليهم على جنب اخر الطوفه في الحمام جهة فتحت الباب اذا راح تركبين كبينة شور زجاجية
وإذا راح تسوين الشور كامل بعرض الحمام خلي الشباك في النص عشان ما يختبر ديكور الحمام وقت تركيب المزايك

درج البيت اقل ارتفاع له 15 او 15 ونص مب اكثر وإلا راح يتعبج

انتبهي الى تسليك بيبات المكيفات ماتتعارض مع شبابيك في البنت هاوس صارت معاي غيرت شوي وتوهقت صار بيب غاز المكيف بين شباك لان الكهربائي معامل حساب شباك البنت هاوس

والتكيف لو تقدرين تركبين مكيف سنترال إفك وأحسن من عوار الرأس من جذي أقول خلي ارتفاع البيت اعلى وأحسن ارتفاع لمكيف الستنرال هو 5 ونص من البلاطة الى السقف بالنسبة الى الدور الأرضي

واهم شي انج ماتتسرعين اذا بتسوين ديكورات في البيت خلي مهندس الديكور او راعي الجبس يحدد لج نقاط كهرباء ليتات ديكور الحوائط على سبيل المثال المجلس الصالة غرفة النوم الرئيسية المطعم الأماكن اللي فيها ديكورات او صور في الحوائط

ألفت او الاصانصير حددي الشركة اللي راح تركبين من عندهم لان كل شركة لها متطلبات معينة وارتفاعات معينة وخلية حمولة 8 أشخاص اذا مب اكبر

هذا بعض المشاكل اللي واجهتني في البنيان وأعضاء المنتدى ماراح يقصرون معاج او مع اي حد يسال
انا استفدة من المنتدى ومع ذالك واجهتني مشاكل

[لاجل QT]

اول نصيحة لج الكهربائي والسباك خليهم على نفس المقاول اللي راح يبني البيت

ثاني شي ارتفاع البيت اقل شي خله 4 ونص صافي من البلاطة الى السقف وإذا قدرتي تتجنبين الجسور الساقطة احسن
الله يعزج الحمامات اقل شي 2* 3 وإذا تقدرون تكبرون ابرك 3*2 نص بعد احسن

شبابيك الحمام خليهم على جنب اخر الطوفه في الحمام جهة فتحت الباب اذا راح تركبين كبينة شور زجاجية
وإذا راح تسوين الشور كامل بعرض الحمام خلي الشباك في النص عشان ما يختبر ديكور الحمام وقت تركيب المزايك

درج البيت اقل ارتفاع له 15 او 15 ونص مب اكثر وإلا راح يتعبج

انتبهي الى تسليك بيبات المكيفات ماتتعارض مع شبابيك في البنت هاوس صارت معاي غيرت شوي وتوهقت صار بيب غاز المكيف بين شباك لان الكهربائي معامل حساب شباك البنت هاوس

والتكيف لو تقدرين تركبين مكيف سنترال إفك وأحسن من عوار الرأس من جذي أقول خلي ارتفاع البيت اعلى وأحسن ارتفاع لمكيف الستنرال هو 5 ونص من البلاطة الى السقف بالنسبة الى الدور الأرضي

واهم شي انج ماتتسرعين اذا بتسوين ديكورات في البيت خلي مهندس الديكور او راعي الجبس يحدد لج نقاط كهرباء ليتات ديكور الحوائط على سبيل المثال المجلس الصالة غرفة النوم الرئيسية المطعم الأماكن اللي فيها ديكورات او صور في الحوائط

ألفت او الاصانصير حددي الشركة اللي راح تركبين من عندهم لان كل شركة لها متطلبات معينة وارتفاعات معينة وخلية حمولة 8 أشخاص اذا مب اكبر

هذا بعض المشاكل اللي واجهتني في البنيان وأعضاء المنتدى ماراح يقصرون معاج او مع اي حد يسال
انا استفدة من المنتدى ومع ذالك واجهتني مشاكل

جزاك الله خير اخوي

شنهو مكيف السنترال؟.... تقصد المركزي ؟؟

[مواقف النجادة]

خطواط بناء الفيلا



اختي اولا .. ان شاء الله يفيدونج الاخوان و تبنين بيتج و تتهنين فيه ..

ثانيا .. الله يذكرج بالخير يا وزارة التربية و التعليم .. و حسبي الله و نعم الوكيل على المجلس الاعلى للتعليم

[لاجل QT]

اختي اولا .. ان شاء الله يفيدونج الاخوان و تبنين بيتج و تتهنين فيه ..

ثانيا .. الله يذكرج بالخير يا وزارة التربية و التعليم .. و حسبي الله و نعم الوكيل على المجلس الاعلى للتعليم

ههههههه

عدلتها

[شموخ دائم]

,

,


مرحبا

بناء البيت الجيد بختصره في 3 سطور تعملينها

1- مكتب جيد جدا يعمل لك الخريطه ( لا تسترخصين المكتب )
2- مقاول جيد جدا يبني لك البيت
3- مكتب استشاري ممتاز يتابع البناء ويراقب على المقاول

ان شاء الله النتيجه بتكون ترضيك

والعكس صحيح

تتجنبين 3 سطور اخطاء فادحه

1 - ارخص مكتب للخريطه
2- ارخص مقاول
3- ارخص استشاري

والنتيجه بتكون معروفه

ضغط دم مرتفع
بيت تعبان وفنش اي كلام
خساره فلوس
ودفع فلوس مره ثانيه للتصليح

ويمكن محكمه
:)

بعيد الشر عنك وعن امة محمد

النصيحه الاخيره
لا تاخذين نصيحه شخص ما يفهم في البناء وكل خبرته
تعامله مع بنغالي
النصيحه تنخذ من اهل الخبره المتمرسين وخاصه المهندسين



,

,

اخوك

شموخ دائم

[لاجل QT]

شاكرة لك مورورك اخي شموخ

هذة الاخطاء خذت عليها دورة في بنك التنمية واستفدت منها

اللى اقصدة بناء البيت مرحلة مرحلة وبداية وانتهاء دور كل من يقومون ببناء البيت عند اي مرحلة

شاكرة لكم تعاونكم جميعا

في انتظار من يفيدنى ويفيد غيري

[مليونيرة مفلسة]

الله يوفقج و يسهل امورج

[معماري قطري]

شاكرة لك مورورك اخي شموخ

هذة الاخطاء خذت عليها دورة في بنك التنمية واستفدت منها

اللى اقصدة بناء البيت مرحلة مرحلة وبداية وانتهاء دور كل من يقومون ببناء البيت عند اي مرحلة

شاكرة لكم تعاونكم جميعا

في انتظار من يفيدنى ويفيد غيري

السلام عليكم ورحمة الله وبركاته

انا حاولت أَرد على رسالتج الأَخيرة لكن للأَسف صندوق بريدج مليان ولا يستقبل .. بخصوص الخطوات بالخصها لج حسب البنيان بالطريقة الصحيحة ويمكن تختلف حسب المتطلبات وغيره.

تكون البداية بالحفر للأَساسات لحد الوصول لطبقة صلبة ولحد إِرتفاع أَدنى نضمن فيه تغطية الأَساسات تغطية كاملة بعمق معين .. والحفر ممكن يكون كلي وبزيادة بسيطة حتى نضمن قدرة المقاول والعمال على الحركة حول الأَساس أَو جزئي لكل أَساس على حدة.

بعدها تتنظف أَرضية الأَساس من الغبار والتراب ومن الحجارة الصغيرة وتعد لصب خرسانة النظافة .. وهي خرسانة مقاومة للكبريتات بسمك بين 7 الى 10 سم وحسب مواصفات وخرائط العمل الانشائية .. بعضهم يسويها 5 سم وتعتبر مقبولة .. وتكون في العادة أكبر من حجم الأَساس بحدود 15 سم من كل جهة.

طبعاً هناك تكنولوجيا حديثة لعمل أَساسات المنازل بالحقن وهذي تنعمل في ساعات بسيطة .. وفيه تكنولوجيا ثانية باستخدام أَساسات جاهزة وفيه طرق ثانية حسب نظام البناء وخطة البناء المرسومة من الاستشاري .. في بعض الدول يستخدمون نظام صب خرسانة بس للأَساس تحت الطابوق ما تسمى بالسترب فاونديشن . .. strip foundation .. وهو نوع من البناء يعتمد على قوة الطابوق ويكون الأَساس طولي موزع على كامل الحائط وله متطلبات تصميم ثانية.

ثاني خطوة تكون بناء الأَساسات حسب مقاسات واحداثيات وأَحجام الخرائط والمواصفات الإِنشائية .. وثم بعد أَي صب لازم تكون هناك عملية الإِدامة .. عاد الله يعينكم على معناها .. هي رش الخرسانة بالماء المفروض لمدة 21 يوم حتى تقوى وما تتشلخ شلوخ واضحة .. وهناك مواد حديثة تخلي الخرسانة قوية في فترة بسيطة بعضها تقل عن يوم وما تحتاج ادامة أَو curing لتقويتها .. بعدين طبعاً تجي الحماية للأَساسات حسب بعد المواصفات والحماية الأَولية في قطر هي تكون نوعية الخرسانة مقاومة للكبريتات .. sulphite resistant concrete وهذي بعض المهندسين يعارضونها لأَسباب عديدة ويفضلون العادية مع ان مواصفات البناء القطرية تطلبها.

هشكل بيبقى وايد تعبت من الكتابة .. هذا السؤال يبي له كتاب كامل وما اظن لو كتبت الاجابة كاملة حد بيقراها وان شخص عادي قراها ما اظن بيفهم بنود كثيرة منها.

نسيت شيء مهم .. انا مجاوب على هالسؤال في موضوع عقود البناء وحاط حساب كميات منسجم مع تسلسل العمل وحاط مواصفات وطريقة البناء والتعليمات للمقاول مكتوبة وممكن لأَي شخص يطلع عليه .. والموضوع من رأَيي أَهم بكثير من بعض المواضيع المثبتة بس يمكن يحتاج لفهمه ناس مختصين أَو ممارسين للبناء.

[لاجل QT]

الله يوفقج و يسهل امورج

ويوفقج يارب لما يحب ويرضى شاكر لج مرورج


السلام عليكم ورحمة الله وبركاته

انا حاولت أَرد على رسالتج الأَخيرة لكن للأَسف صندوق بريدج مليان ولا يستقبل .. بخصوص الخطوات بالخصها لج حسب البنيان بالطريقة الصحيحة ويمكن تختلف حسب المتطلبات وغيره.

تكون البداية بالحفر للأَساسات لحد الوصول لطبقة صلبة ولحد إِرتفاع أَدنى نضمن فيه تغطية الأَساسات تغطية كاملة بعمق معين .. والحفر ممكن يكون كلي وبزيادة بسيطة حتى نضمن قدرة المقاول والعمال على الحركة حول الأَساس أَو جزئي لكل أَساس على حدة.

بعدها تتنظف أَرضية الأَساس من الغبار والتراب ومن الحجارة الصغيرة وتعد لصب خرسانة النظافة .. وهي خرسانة مقاومة للكبريتات بسمك بين 7 الى 10 سم وحسب مواصفات وخرائط العمل الانشائية .. بعضهم يسويها 5 سم وتعتبر مقبولة .. وتكون في العادة أكبر من حجم الأَساس بحدود 15 سم من كل جهة.

طبعاً هناك تكنولوجيا حديثة لعمل أَساسات المنازل بالحقن وهذي تنعمل في ساعات بسيطة .. وفيه تكنولوجيا ثانية باستخدام أَساسات جاهزة وفيه طرق ثانية حسب نظام البناء وخطة البناء المرسومة من الاستشاري .. في بعض الدول يستخدمون نظام صب خرسانة بس للأَساس تحت الطابوق ما تسمى بالسترب فاونديشن . .. strip foundation .. وهو نوع من البناء يعتمد على قوة الطابوق ويكون الأَساس طولي موزع على كامل الحائط وله متطلبات تصميم ثانية.

ثاني خطوة تكون بناء الأَساسات حسب مقاسات واحداثيات وأَحجام الخرائط والمواصفات الإِنشائية .. وثم بعد أَي صب لازم تكون هناك عملية الإِدامة .. عاد الله يعينكم على معناها .. هي رش الخرسانة بالماء المفروض لمدة 21 يوم حتى تقوى وما تتشلخ شلوخ واضحة .. وهناك مواد حديثة تخلي الخرسانة قوية في فترة بسيطة بعضها تقل عن يوم وما تحتاج ادامة أَو curing لتقويتها .. بعدين طبعاً تجي الحماية للأَساسات حسب بعد المواصفات والحماية الأَولية في قطر هي تكون نوعية الخرسانة مقاومة للكبريتات .. sulphite resistant concrete وهذي بعض المهندسين يعارضونها لأَسباب عديدة ويفضلون العادية مع ان مواصفات البناء القطرية تطلبها.

هشكل بيبقى وايد تعبت من الكتابة .. هذا السؤال يبي له كتاب كامل وما اظن لو كتبت الاجابة كاملة حد بيقراها وان شخص عادي قراها ما اظن بيفهم بنود كثيرة منها.

نسيت شيء مهم .. انا مجاوب على هالسؤال في موضوع عقود البناء وحاط حساب كميات منسجم مع تسلسل العمل وحاط مواصفات وطريقة البناء والتعليمات للمقاول مكتوبة وممكن لأَي شخص يطلع عليه .. والموضوع من رأَيي أَهم بكثير من بعض المواضيع المثبتة بس يمكن يحتاج لفهمه ناس مختصين أَو ممارسين للبناء.

معماري صعبتها علي

احس انى بين طلاسم :(

الله يعيني على هالمرحلة

الخاص باقضية الحين

[khalid-63]

,

,


مرحبا

بناء البيت الجيد بختصره في 3 سطور تعملينها

1- مكتب جيد جدا يعمل لك الخريطه ( لا تسترخصين المكتب )
2- مقاول جيد جدا يبني لك البيت
3- مكتب استشاري ممتاز يتابع البناء ويراقب على المقاول

ان شاء الله النتيجه بتكون ترضيك

والعكس صحيح

تتجنبين 3 سطور اخطاء فادحه

1 - ارخص مكتب للخريطه
2- ارخص مقاول
3- ارخص استشاري

والنتيجه بتكون معروفه

ضغط دم مرتفع
بيت تعبان وفنش اي كلام
خساره فلوس
ودفع فلوس مره ثانيه للتصليح

ويمكن محكمه
:)

بعيد الشر عنك وعن امة محمد

النصيحه الاخيره
لا تاخذين نصيحه شخص ما يفهم في البناء وكل خبرته
تعامله مع بنغالي
النصيحه تنخذ من اهل الخبره المتمرسين وخاصه المهندسين



,

,

اخوك

شموخ دائم


اختي ... اختصارا للموضوع اخ>ي بكلام اخوي شموخ دائم مع احترامي وتقديري لجميع الاخوة لكن الاخ اختصر لج المسافة وتوكلي على الله وكل شي بيتسهل واتبعي ما قاله اخونا شموخ دائم لانها الخطوات الصح وعقبها راح تشوفين الامور سهلة وماشية بمشيئة رب العالمين وبالتوفيق ان شاء الله

[معماري قطري]

صحيح انا طلع حق اختصاري يبي اختصار

خلاص هذي عناوين ورؤوس مراحل وتحتها طبعاً تجي مراحل متفرعة حسب طبيعة ومواصفات البنيان.

حفر - تأَسيس - حماية - دفن ودك - إِكمال الأَعمدة والأَبيام والأَرضيات - وممكن يدخل معاها بداية بنيان الطابوق لكن يفضل ما ينبني الطابوق الا بعد شهر من صب الخرسانة ورشها بالماء - طبعاً يدخل مع الخرسانات التجهيز للإِنارة وللتكييف حسب الرسومات - مرحلة مهمة في رايي بعد اتمام الطابوق البدء في عزل السقف عن الماء والرطوبة ولازم يدخل في النظام العازل الحراري وطبعاً مع عمل مسارب لماء المطر حسب المخططات أَو التجهيز لها حسب خطة نظام البناء .. هذي ممكن تكون بايبات ملاصقة للطابوق ونازلة من فوق وممكن تكون مركبة داخل الحائط ومحاطة بالخرسانة .. ممكن تكون ببساطة ممدة بعد البلاستر ومصبوغة مع الحائط .. وفي هالحالة نمددها شوي ونقصها بعد البلاستر .. والتمديد يكون حق تصريف أَي ماي مطر ينقع فوق السطح ويخرب الخرسانة.

بعد الطابوق وحسب نوع الطابوق نسوي قص بالمنشار الكهربائي أَفضل للتمديدات الكهربية .. وممكن نخلص التمديدات الكهربية مع الصحية من صرف صحي ومن تغذية مياه .. وتكون مرحلة البلاستر جاهزة وتبليط حوائط الحمامات وممكن تمشي مع بعض ومع رش الحوائط بالماء حتى البلاستر ما يتشقق ويقوى ويتماسك .. ويفضل عمل البلاستر لكل البيت اذا ما عندنا حجر خارجي .. وحتى للحمامات وتخشينه شوي للبلاط حسب اللزقة المستخدمة وبعضها ما يحتاج تخشين وحتى على القزاز الأَملس يركب البلاط حسب نوعية اللزقة.

باقي المراحل تجي تركيب النوافذ وعمل التمديدات والبدء في الأَرضيات وعزل أَرضيات الحمامات واكمال التمديدات داخلها ونجي لتركيب الأَبواب أَو نخليه كمرحلة نهائية بس نكون مأَسسين له بخشب يستحسن يكون مارين بلايوود سميك ومركب ببراغي خاصة تكون داخلة في تجويف الطابوق المملوء من الأَطراف بالخرسانة .. ويستحسن نشوف شركة نجارة متمكنة بحيث تجيب الأَبواب مصبوغة في الورشة ومغلفة ببلاستيك ولو ركبت قبل الصبغ ما فيه مشكلة لا تتوصخ الأَبواب ولا يتوصخ الصبغ .. بعد تركيب السويشات وقبلها يجي البرايمر والصبغ التأَسيسي نقدر نصبغ الصبغ النهائي أَو نركب ورق الجدران أَو خشب أَو غيره ولكل تشطيب نحتاج خطوات معينة وطبقات معينة .. ونسيت الأَسقف ممكن تجي بعد البلاستر وقبل الصبغ وممكن تجي قبل الأَرضيات وممكن بعدها بس تشطيبها النهائي يكون مع صبغ البيت النهائي ويفضل قبل بشوي وبعد انتهاء الأَرضيات وتركيب النوافذ.

في النهاية العملية سهلة ويعرفها المقاول المتمرس .. العمال كل واحد يبي يخلص شغله وياخذ فلوسه ويروح لشغلة ثانية ما يهمهم المالك .. لذلك الاتفاق مع مقاول فاهم واحد يكون أَحسن وهو ينسق هذي الشغلات باشراف مهندسين مختصين لمتابعة كل تخصص وكل شغلة تخصصية .. يعني نتعاون مع مكتب قدير .. أَما مثل سكتش مهندس مصري واحد بتاع كله .. one man show فهذا نهائياً لا ينفع.

[معماري قطري]

اختي ... اختصارا للموضوع اخ>ي بكلام اخوي شموخ دائم مع احترامي وتقديري لجميع الاخوة لكن الاخ اختصر لج المسافة وتوكلي على الله وكل شي بيتسهل واتبعي ما قاله اخونا شموخ دائم لانها الخطوات الصح وعقبها راح تشوفين الامور سهلة وماشية بمشيئة رب العالمين وبالتوفيق ان شاء الله

والله صدقت .. وهذا دوم أَنصح به بس ما ادري ليش رحت للجواب المباشر على السؤال وبطريقة مطولة شوي .. يمكن لإِستفادة العموم لأَن البعض يفتون بدون خلفية .. والأَهم طريقة البناء وخطة المهندس .. شفت بعضهم يبنون بدون اتباع الخطة التقليدية وكل شيء يجي مصنع وجاهز والتركيب بكرينات وبسرعة .. بس مهم استشاري جيد يدير العملية ومقاول جيد يتابع معاه وطبعاً عقد واضح ومتكامل .. واخواني شموخ وبن غيث وغيرهم ما شاء الله متمرسين في البناء ويعطون المختصر المفيد.

[Bozizoo]

السوال يذكرني في مشروع التخرج الي سويته في كليه التقنيه .
الي تبينه واااايد طويل الشرح فيه
لكن خليك من هذا و ركزي على و المشاكل و العيوب الي الواحد يتجنبها افضل او بالاحرى اسهل لك .و

[khalid-63]

والله صدقت .. وهذا دوم أَنصح به بس ما ادري ليش رحت للجواب المباشر على السؤال وبطريقة مطولة شوي .. يمكن لإِستفادة العموم لأَن البعض يفتون بدون خلفية .. والأَهم طريقة البناء وخطة المهندس .. شفت بعضهم يبنون بدون اتباع الخطة التقليدية وكل شيء يجي مصنع وجاهز والتركيب بكرينات وبسرعة .. بس مهم استشاري جيد يدير العملية ومقاول جيد يتابع معاه وطبعاً عقد واضح ومتكامل .. واخواني شموخ وبن غيث وغيرهم ما شاء الله متمرسين في البناء ويعطون المختصر المفيد.

كفيت ووفيت اخوي معماري قطري وكلامك فالبداية صحيح مئة في المئة ولكن في ناس عاديين مرات يبون الاختصار وجزاك الله خير

[معماري قطري]

كفيت ووفيت اخوي معماري قطري وكلامك فالبداية صحيح مئة في المئة ولكن في ناس عاديين مرات يبون الاختصار وجزاك الله خير

الله يجزيك بما دعيت ويبارك فيك اخوي خالد .. ما شاء الله أَشوف الكثيرين مهتمين بثقافة البناء والتعمير وهذي ثقافة مجتمعية انبنت عليها مجتمعات كثيرة .. وأَشوف الكثيرات من أَخواتنا يسئلون ويهتمون للتطوير ودوم اتفاعل مع الموضوع من مختلف جوانبه وأَعترف أَوقات كثيرة يكون الرد طويل ويضيع فيه الواحد.

حاسد اخوي شموخ دائم دوم يعطي المختصر المفيد .. استشاري زين ومقاول زين وعقد زين واشراف زين .. يمكن اضافة عليها متطلبات واضحة للمالك وفي حدود معقولة وتغليب الأَولويات على الثانويات والبناء المريح الجيد على الجميل على الفاضي.

[السهم الذهبي]

اهم شي التصميم الداخلي في البيت هو اللي راح يبين شكل البيت من الداخلي ويبعد عنك المشاكل وعوار الراس اللي بتواجهينها بدون تصميم