ذبح الخرفان !!

[رهج السنابك]

فلان رد من السفر ذبحوا له خروف
فلان نجح ذبحوا له خروف
فلان سوا عمليه ذبحوا له خروف
فلان ترقى ذبحوا له خروف

لين متى هالعاده في المجتمع الخليجي
هل مافي تقدير الا بذبح الخرفان
حرام عليكم ارحموا الخرفان شوي سببتوا لهم فوبيا شذنب الخروف في نجاحكم ولا ولادتكم :(
واحيانا مايقعد على الصحن الا كم شخص والباقي في الدرامات اعزكم الله

احنا وااايد نبالغ في الولائم

اشفيها لو تم الاحتفال بالمناسبه ببوفيه صغير على عدد الاشخاص ولا كم طبخه في البيت

مشاركة الفرحة مب في الخروف

المشكله صارت هاي بعد تسبب مشاكل وانتقاد وزعل لو حد مثلا صارت له مناسبه ونسى واحد يوجبه بذبيحه !

من هنا اطلق حملة

لا للخرفان بعد اليوم

[العلم]

سبحان الله .. انا امس راد من السفر وأهلي ذابحين لي الليلة خروف:secret:

[رهج السنابك]

بعض الناس كل شهر مسافرين وكل ماردوا ذبحوا لهم
حرااام جذي ان قلنا مايجوز قالوا عيب فشيله!!!

[العلم]

احلف ولا فيه فايده ..

هذي عادات عندنا يالخليجين بشكل عام .. صار القصد بشكل الإكرام وليس بالقصد منه ألا وهو الأكل .. بعكس الناس أول كان المهم إنه يكرم الضيف إذا جاه وليس بشرط خروف أو شيء كامل .. اللي يحصلونه يحطونه .. *

[رهج السنابك]

الحين البطون متروسه
والكوليسترول ضارب عند الاغلبيه

مب القصد الاكل الناس ماتاكل الا كم لقمة وتشبع من مقدمات ومؤخرات الوليمه مقبلات واطباق جانبيه وحلويات ولبن وعصاير

لكن لانها عاده
صارت تنشاف انه عيب وفشيله ان ماقمنا فيها

[بوحارب]

فيه من يستاهل الذبيحه وأكثر
بس اهم شي ما ينقط الباقي في الزبالة (أجلكم الله)

[بوحارب]

مثلا واحد عزيز رجع من السفر أسوي له صالونه كاري بالدياي عشا


ما يصير يا شيخ ;)

[حسن]

اليوم البنقالي جاي من العمره عندي وقلت لجلال

سو عشا للمجلس واذبحله هامور من الرعيان الموجودين عندي

مافي كلسترول


وين الحين الا العاده ذي اشوفها قلت بنسبه كبيره

[بوحارب]

يمكن أجيك اجرب الذبيحة مالتك ;)

[رهج السنابك]

بوحارب زينه الصالونه اشفيها سوي مثل حسن اذبح هامور عود نصه صالونه وشي مشوي وتطلع احسن من هالخروف المنسدح الي عاض لسانه

[عاشق العديد]

والله ياختي مثل ماقال بوحارب مايصير اسويله كاري اذبح له ذبيحه والي بزيد مؤسسة عيد مب قصره في حفظ النعمه يجون لين محلج ياخذون ويعطونه للفقارئ والمساكين واحنا مانبالغ اكيد لو بعزم عشره مالهم الا صحنين خروف واحد لكن اعزم عشره واذبح 6 خرفان هذا حرام

[اجرام]

عاده مافيها شي
والمقصد منها الجمعه حتى لو في زود يتوزع

[حسن]

يمكن أجيك اجرب الذبيحة مالتك ;)

ترا الهامور طايح اليوم بك وبلياك

لكن العرض المسرحي بيكون افضل اليوم

اليوم اجتماع الويكند

وخل نولعها اليوم

[توشيبا]

السلام عليكم

بخصوص ذكرتي ولادتكم الله يسلمج هاذي عقيقة لازم نذبح مابغي ندخل في مواضيع الدين لي ان الكل عارفها

ومن الصوب الثاني ذكرتي ارحمو الخروف بصراحه انتي من صوب واستراليا من صوب

من قده الكل مهتم فيه وبكره يكبر راسه علينا كفايه سعره


http://up.3dlat.com/uploads/13197407201.jpg

[ضوى]

الصراحة ماعندنا هالسوالف ، عسى ماشر كل واحد يرد من السفر والا نجح والا تزوج سوينا له ذبيحة ، الذباح معروف متى ولمن ، بصراحة انا عادي اعزم بس مب ذباح اللي موجود بالبيت سمج دياي لحم بس مب ذبيحة مخصوصة الا اذا العدد كبير والمناسبه تستاهل ، والحمد لله بيت الطعام جنبي مافي شي ينقط عندنا خدم ودريوليه ويهال مااينقط شي ولله الحمد

[تغلبية]

هلا أرسطو ...



أساس الذبح عند العرب هو قربان إلى الله شكر ونعمة على سلامة هذا الانسان اذا كان جاي من السفر ..

طبعاً إحنا نسينا سالفة الحمد والشكر وبقينا على موضوع القدر والكرامة ومكانة هذا الإنسان فنذبح له ..



لاول كانت الذبيحة عزيزة .. فكان لها معنى وشنة ورنة .. حتى طباخها كان يتجمعون عليه الحريم ويشم ريحته الفريج كله

أما الحين الخروف ضاعت هيبته .. ينطبخ ومحد درى عنه المسكين ! ولكن يبقى خروف راهي اذا انحط على اللقن فيستعيد بعضاً من هيبته!

.. مع الرفاهية ..مثل ما قلتي ... صار الكوليسترول ضارب عند الناس من قلة الحركة .. ومب كل مناسبة أذبح فيها ممكن أكتفي ببوفيه ..



لكني أبقى مع الذبح أرسطو .. وعدم التخلي عن العادة العربية الأصلية .. لها قيمة اجتماعية ودينية

وترا العرب كانوا يذبحون قديماً .. في 5 مناسبات فقط:


عند نزول البيت الجديد << انقرضت هالعادة

عند النجاة من خطر أو موت محدق

التمائم

الزواج

(.......) أكملوا الفراغ ... نسيتها !

[توشيبا]

تغلبيه

(...يوم قطعت الزقاير ذبحت لي نفسي ذبيحه...) أكملوا الفراغ ... نسيتها

[المحاميه]

اندثرت هالعاده
الحين يطلبون بوفيه يوصلهم البيت من المطعم ولا الفندق الفلاني

[تغلبية]

تغلبيه

(...يوم قطعت الزقاير ذبحت لي نفسي ذبيحه...) أكملوا الفراغ ... نسيتها



:eek2:



:app::app::app::app::app:

تستاهل السلامة ..

بس في حالتك هذي انت نجوت من خطر ومن موت محدق





وبعد اتجي مكافأة للنفس وتعزيز :victory:

[abu m7md]

وترا العرب كانوا يذبحون قديماً .. في 5 مناسبات فقط:


عند نزول البيت الجديد << انقرضت هالعادة

عند النجاة من خطر أو موت محدق

التمائم

الزواج

(.......) أكملوا الفراغ ... نسيتها !
ماخليت شي كنت بقوله ماقصرتي بالتعليق

ولكن لنوضح بعض المفاهيم
عند نزول البيت الجديد << انقرضت هالعادة
هذه العادة كانت فالسابقه وهي من البدع ( وكانت تسمى عند الشروع في الاكل سموا وياهلا على تميمة البيت )
مشايخنا وجهودهم وجهود تلميذهم ماقصروا في نشر الوعد عندنا فقطر
فاصبحت هذه العاده ليس منتدثره ولكن مصححه وهي عند النزول لبيت جديد
ذبيحه وعزم من هم اقارب ومن هم جيراننا ليعلموا مكان البيت الجديد


(....اكرام الضيف ....) أكملوا الفراغ ... نسيتها !

وعندي تعليق
لصاحبة الموضوع
انتي تقولين كلام كبير
تقولين وحرام ومايجوز
حدد في شنو الحرام وفي شنو الي مايجوز
واغلب مواضيعج تنسين تخصين كله تجمعين الناس سواسية

تقبلي مروري

[مخطط قطري]

سؤالي هل انتي قطريه واتمنى اجابة صادقه وبجاوبج عقبها

[رهج السنابك]

السلام عليكم

بخصوص ذكرتي ولادتكم الله يسلمج هاذي عقيقة لازم نذبح مابغي ندخل في مواضيع الدين لي ان الكل عارفها

ومن الصوب الثاني ذكرتي ارحمو الخروف بصراحه انتي من صوب واستراليا من صوب

من قده الكل مهتم فيه وبكره يكبر راسه علينا كفايه سعره


http://up.3dlat.com/uploads/13197407201.jpg






صح العقيقه لازم ومن شرع الله

اما سعره احسن خلوه يرتفع عشان الناس تخفف شوي


تدري لدرجة في ناس عندهم عزبة مخصوص لخرفان المواجيب؟!!

[رهج السنابك]

الصراحة ماعندنا هالسوالف ، عسى ماشر كل واحد يرد من السفر والا نجح والا تزوج سوينا له ذبيحة ، الذباح معروف متى ولمن ، بصراحة انا عادي اعزم بس مب ذباح اللي موجود بالبيت سمج دياي لحم بس مب ذبيحة مخصوصة الا اذا العدد كبير والمناسبه تستاهل ، والحمد لله بيت الطعام جنبي مافي شي ينقط عندنا خدم ودريوليه ويهال مااينقط شي ولله الحمد




والله احسن وابرك
بارك الله فيكم

[رهج السنابك]

هلا أرسطو ...



أساس الذبح عند العرب هو قربان إلى الله شكر ونعمة على سلامة هذا الانسان اذا كان جاي من السفر ..

طبعاً إحنا نسينا سالفة الحمد والشكر وبقينا على موضوع القدر والكرامة ومكانة هذا الإنسان فنذبح له ..



لاول كانت الذبيحة عزيزة .. فكان لها معنى وشنة ورنة .. حتى طباخها كان يتجمعون عليه الحريم ويشم ريحته الفريج كله

أما الحين الخروف ضاعت هيبته .. ينطبخ ومحد درى عنه المسكين ! ولكن يبقى خروف راهي اذا انحط على اللقن فيستعيد بعضاً من هيبته!

.. مع الرفاهية ..مثل ما قلتي ... صار الكوليسترول ضارب عند الناس من قلة الحركة .. ومب كل مناسبة أذبح فيها ممكن أكتفي ببوفيه ..



لكني أبقى مع الذبح أرسطو .. وعدم التخلي عن العادة العربية الأصلية .. لها قيمة اجتماعية ودينية

وترا العرب كانوا يذبحون قديماً .. في 5 مناسبات فقط:


عند نزول البيت الجديد << انقرضت هالعادة

عند النجاة من خطر أو موت محدق

التمائم

الزواج

(.......) أكملوا الفراغ ... نسيتها !



الله تغاليبو صج زمان اول الذبيحه لها هيبتها ووقتها وزمانها

الحين على كل شي ذبيحه

انا معاج مب نوقف هالعاده كليا
لكن تكون في المناسبات العوده مثل الي ذكرتيها

ويكون في عدد معازيم كبير

[رهج السنابك]

ماخليت شي كنت بقوله ماقصرتي بالتعليق

ولكن لنوضح بعض المفاهيم
عند نزول البيت الجديد << انقرضت هالعادة
هذه العادة كانت فالسابقه وهي من البدع ( وكانت تسمى عند الشروع في الاكل سموا وياهلا على تميمة البيت )
مشايخنا وجهودهم وجهود تلميذهم ماقصروا في نشر الوعد عندنا فقطر
فاصبحت هذه العاده ليس منتدثره ولكن مصححه وهي عند النزول لبيت جديد
ذبيحه وعزم من هم اقارب ومن هم جيراننا ليعلموا مكان البيت الجديد


(....اكرام الضيف ....) أكملوا الفراغ ... نسيتها !

وعندي تعليق
لصاحبة الموضوع
انتي تقولين كلام كبير
تقولين وحرام ومايجوز
حدد في شنو الحرام وفي شنو الي مايجوز
واغلب مواضيعج تنسين تخصين كله تجمعين الناس سواسية

تقبلي مروري


مايجوز الاسراف
ولنا اخوة مايلقون كسرة خبر

[رهج السنابك]

سؤالي هل انتي قطريه واتمنى اجابة صادقه وبجاوبج عقبها


لاني استهجن هالعادة بالمبالغه الي نشوفها صرت مب قطريه ! ^_^

[بوعمير]

فيه وجيه تستاهل سنام ( جمل) و وجيه تستاهل مفطح (طلي) و وجيه حرام ما تستاهل بنت المؤذن ( الدجاجه)، عموما هو سلم بين العرب ومن باب تكريم الضيف وحنا ماشيين عليه، ويعتمد على قرابه الضيف ومكانته بين ربعه.

[بوحارب]

دام الموضوع طالع من بنت اعتبروه تغيير جو وضحك
ما تنلام اختنا هي وش عرفها في علوم الرجال

[alsoq]

القصد من اكرام الضيف او المسافر بعد رجوعه
احنا عداتنا وتقاليدنا ما تسمح نكرم الضيف او المسافر بوفيه او غيره
هذا عادات حميده وليست سيئه حتى تتذمرين من اكرم ضيفه

اقري القصص حاتم الطائي

[حمد 2002]

ذبح الخرفان مع احترامي لصاحبه الموضوع وللجميع عاده عربيه خليجيه اصييله تدل على الكرم والشهامه وكانوا العرب من قديم الزمان رقم فقرهم يذبحون خرفان .. فما بالك الحين مع رقد العيش ..

عاده ذبح الخرفان للضيوف لها ناسها واهلها ومايعرف دلالتها وقيمتها كل من هب ودب !!

[R 7 A L]

ههههههههه
المفروض هالموضوع في الاستراحة
وموضوع حمد الي عن مخاطر الردبول ينقل من الاستراحة للعام

[رهج السنابك]

ندري انها عاده قديمه ماقلت شي جديد


لكن صارت مبالغ فيها في مناسبات بداعي وبدون داعي
مع قلة من يحفظ هالنعمه
ولدرجة الاسراف

[قطري 777]

الخروف حتى في المناسبات الحزينه مثل العزاء وراه وراه ههههههههاي

هاذي م العادات والتقاليد وصعب تتغييرها والاسراف اكيد حرام .

[المحاميه]

ههه والله هالاعضاء كل شي مب عاجبهم
كلتوا البنيه ترا ماقالت شي غلط

[طرف محايد]

المفروض يكون في شي اسمه ميني خروف
للمناسبات الصغيرة
عشان ما يكون في تبذير
وكل واحد ياخذ المقاس الي يناسبه


عن نفسي اؤيد صاحبة الموضوع ان الطرق ممكن نغيرها
لكن من يستطيع ذلك؟
لان الناس بياكلونه بكلامهم !!

[تغلبية]

ماخليت شي كنت بقوله ماقصرتي بالتعليق

ولكن لنوضح بعض المفاهيم
عند نزول البيت الجديد << انقرضت هالعادة
هذه العادة كانت فالسابقه وهي من البدع ( وكانت تسمى عند الشروع في الاكل سموا وياهلا على تميمة البيت )
مشايخنا وجهودهم وجهود تلميذهم ماقصروا في نشر الوعد عندنا فقطر
فاصبحت هذه العاده ليس منتدثره ولكن مصححه وهي عند النزول لبيت جديد
ذبيحه وعزم من هم اقارب ومن هم جيراننا ليعلموا مكان البيت الجديد


(....اكرام الضيف ....) أكملوا الفراغ ... نسيتها !



شاكرة لك أخوي بو محمد على التوضيح ..

أنا قيلت لي هالمعلومة نقلاً عن كتاب قديم .. وهي متى يذبح العرب .. لكني لا أعلم أي زمن للعرب.. قبل الاسلام أم بعده

اذا بعد الاسلام فتدخل في ذلك الذبح .. الأضاحي والهدي

اما ذبح نزول البيت الجديد .. ممكن توضح لي شلون كانت من البدع واجتهد في ذلك العلماء

يعني المعلومة مش مفهومة عندي بالكامل .. وشكراً،،

[بوخالد911]

هالعادة موجودة بقبايل
وتكاد تنعدم بقبايل أخرى

[بوخالد911]

مثلا واحد عزيز رجع من السفر أسوي له صالونه كاري بالدياي عشا



ما يصير يا شيخ ;)


ياخي امس انا رجعت من السفر
ع الأقل قلاااااااص كرررك

[تغلبية]

المفروض يكون في شي اسمه ميني خروف
للمناسبات الصغيرة
عشان ما يكون في تبذير
وكل واحد ياخذ المقاس الي يناسبه


عن نفسي اؤيد صاحبة الموضوع ان الطرق ممكن نغيرها
لكن من يستطيع ذلك؟
لان الناس بياكلونه بكلامهم !!

هذي اعراف مجتمع يا طرف .. والدين نفسه احترم اعراف الشعوب

ما يصير بعد نتخلى عن اعرافنا وسلوك حميدة تصرفها البعض بالخطأ ..

وبعدين اذا كانت هذي الأعراف من أحكام الاسلام ... فإنك تؤجر عليها .. بأنك طبقت الدين .. وأقمته .. ومن أحيا سنة أمات بدعة

فأيهما أحق أن يتبع ؟

[طرف محايد]

هذي اعراف مجتمع يا طرف .. والدين نفسه احترم اعراف الشعوب

ما يصير بعد نتخلى عن اعرافنا وسلوك حميدة تصرفها البعض بالخطأ ..

وبعدين اذا كانت هذي الأعراف من أحكام الاسلام ... فإنك تؤجر عليها .. بأنك طبقت الدين .. وأقمته .. ومن أحيا سنة أمات بدعة

فأيهما أحق أن يتبع ؟

اهلا تغلبية

ابدا لا يفهم من كلامي ان نترك الاعراف المتفق عليها
لان الاعراف اذا لم يكن فيها خلاف صريح للشرع فهي من المباحات
ولكن هي تسمى عرف
أي ان العرف قد يتغير من وقت لاخر
ولذا من استطاع ان يغير شيئا من العرف لمصلحة ما
ولم يكن فيه ما يضر فاين المشكلة؟
وليس شرطا ان يكون ذبح الخرفان مثالا !!


والعرف اما ان يكون صحيحا والمقصود به ان يكون مباحا
وهو ما تعارف عليه المجتمع دون ان يصادم شيئا من الدين والشرع
كما ترك النبي صلى الله عليه وسلم اعراف مجتمعه دون تدخل
أو حض عليها كقيمة مجتمعية يعززها الاسلام

او ان يكون العرف محرما
وهو الفاسد


وقد عد العلماء العرف دليلا ومصدرا من مصارد التشريع الاسلامي
بل ان بعض المذاهب توسعوا فيه



لكن موضوعنا هو من المباحات
التي من احب التقيد بها فله ذلك
ومن رأى ان غيرها افضل فهو عرف بامكان البعض تغييره
حتى يصبح لدى المجتمع الجديد عرفا جديدا

[تغلبية]

اهلا تغلبية

ابدا لا يفهم من كلامي ان نترك الاعراف المتفق عليها
لان الاعراف اذا لم يكن فيها خلاف صريح للشرع فهي من المباحات
ولكن هي تسمى عرف
أي ان العرف قد يتغير من وقت لاخر
ولذا من استطاع ان يغير شيئا من العرف لمصلحة ما
ولم يكن فيه ما يضر فاين المشكلة؟
وليس شرطا ان يكون ذبح الخرفان مثالا !!


والعرف اما ان يكون صحيحا والمقصود به ان يكون مباحا
وهو ما تعارف عليه المجتمع دون ان يصادم شيئا من الدين والشرع
كما ترك النبي صلى الله عليه وسلم اعراف مجتمعه دون تدخل
أو حض عليها كقيمة مجتمعية يعززها الاسلام

او ان يكون العرف محرما
وهو الفاسد


وقد عد العلماء العرف دليلا ومصدرا من مصارد التشريع الاسلامي
بل ان بعض المذاهب توسعوا فيه



لكن موضوعنا هو من المباحات
التي من احب التقيد بها فله ذلك
ومن رأى ان غيرها افضل فهو عرف بامكان البعض تغييره
حتى يصبح لدى المجتمع الجديد عرفا جديدا


امممم

مانبي اعراف جديدة طرف تجردنا من هويتنا العربية والاسلامية

ودي نتميز بشي عن باقي العالم ... معليه .. خلونا ضحلين في هالمسألة (وإن كنت ماشوفها ضحلة)

مانبي نوصل في يوم ان اكرام الضيف عندنا كوب شاي (مب بيالة) وجنبه بسكوتتين ... وصار ذيه قهوتنا وقدوعنا وكان الله غفوراً رحيماً




ارسطو وأنت تطرقتوا للإسراف في الذباح وإنها صارت سهلة .. وفيه ناس مب لاقية تاكل

ما ننكر السلوكيات الظالمة لأصحابها مب للعرف نفسه ... وبعد هالشي يعتمد علينا

خبرك لاول نقسم الزايد على الجيران وكلن يفرح به، الحين الناس شبعانة .. وما تاكل لحم في الليل مثلاً

فيه ناس من حسن تدبيرها ما تطيح منها ولا حبة عيش لو كان العشاء متأخر ..

يجمعونه كله ويقسمونه في صحون وينحط في الفريزر لي ثاني يوم .. يتوزع على الفقارى ..

أو فيه ناس يطبخون عليه غدى يوم ثاني .. ومن أحلى ما يكون .. <<وترا ذيه عرف عالمي :victory:

[معماري قطري]

الله يعينج على هالموضوع شوي والبعض بيتهاوش معاج

انا عني من شفت في الموضوع ذبح قلت بادخل باتذابح .. بس اقتنعت برايج .. عندنا في مزارع فلوريدا الذبايح كل وحدة تقول الزود عندي .. اللحم ما شاء الله عمري ما كلت مثله .. غير عن الغزلان واحد مواعدني نروح نصيد بس ما ادري متى يفتحون الموسم.

[الأصيلة]

ياخوفي الجيل الجديد يشغل لنا هالإسطوانة ويقضي على ملامح الكرم
وتنعزم الرجال والضيوف في المجالس على ستيك هامور أو سباجتي أو لازانيا...
الله يهديك هذه عادات وسلوم العرب وكرم الضيافة...
لاتخربون عقول العيال وتشوهونها بأفكار الأجانب...

[الأصيلة]

المفروض يكون في شي اسمه ميني خروف
للمناسبات الصغيرة
عشان ما يكون في تبذير
وكل واحد ياخذ المقاس الي يناسبه


عن نفسي اؤيد صاحبة الموضوع ان الطرق ممكن نغيرها
لكن من يستطيع ذلك؟
لان الناس بياكلونه بكلامهم !!

ذكرتني بطارق العلي ههههههههههه
أخبر ميني كيك وميني بورجر وميني بيتزا
أما ميني خروف اللي أعرفه ( هرفي )

http://www.youtube.com/watch?v=eMbhKW4WdZc

[عنيــــد]

مافي اي مشكله ،،

انتي لا جا الضيوف عند اهلج اعزموهم على اللي يعجبكم ،،

و احنا نكرم ضيوفنا باللي يعجبنا ،،

كل ناس و لهم عاداتهم و تقاليدهم و الكرم عادة اصيلة من عادات القبائل العربية ،، و اتكلم عن نفسي و عن عائلتي ما نقدر نتخلى عن هالعاده و الحمدلله ،،

الغلط في ان الاكل يرمى في الزباله (اجلكم الله) ،، اليوم الجمعيات الخيرية مب مقصره يجونك لين البيت و ياخذون الاكل ،،

سلام ..

[Aaziz]

حقيقه بعيد عن سوالف توم و جيري

سابقا كانو الرجال يتعشون و لا خلصو من العشا راح اللقن للحريم و تعشو و عشو عيالهم و فرقو الزود على جاراتهم الي ماقدرو يحضرون (المريضه او الي عندها عيال مرضا او لاي عذر) كان مايبقى من الذبيحه شي
حاليا اغلب النسوان يستكبرون عن اكل الذبيحه كـ قلطه ثانيه (مأكول منها)
من جانب اخر فيه ناس الله يجزاهم خير يبالغون على اي سبب بيذبح لدرجه احيانا تحس ان الضيف متضايق من العزيمه .
ودك الشي يكون على سنعه و الاعتدال مطلوب و الكرم له عده اوجه ،، احدها هو اكرام الضيف

[معماري قطري]

حقيقه بعيد عن سوالف توم و جيري

سابقا كانو الرجال يتعشون و لا خلصو من العشا راح اللقن للحريم و تعشو و عشو عيالهم و فرقو الزود على جاراتهم الي ماقدرو يحضرون (المريضه او الي عندها عيال مرضا او لاي عذر) كان مايبقى من الذبيحه شي
حاليا اغلب النسوان يستكبرون عن اكل الذبيحه كـ قلطه ثانيه (مأكول منها)
من جانب اخر فيه ناس الله يجزاهم خير يبالغون على اي سبب بيذبح لدرجه احيانا تحس ان الضيف متضايق من العزيمه .
ودك الشي يكون على سنعه و الاعتدال مطلوب و الكرم له عده اوجه ،، احدها هو اكرام الضيف

هذا عين العقل والجواب اللي يعبر عن رأَيي

الاعتدال واجب في كل شيء .. ولا ننسى المبذرين اخوان الشياطين

[بانغ بانغ]

فلان رد من السفر ذبحوا له خروف
فلان نجح ذبحوا له خروف
فلان سوا عمليه ذبحوا له خروف
فلان ترقى ذبحوا له خروف

لين متى هالعاده في المجتمع الخليجي
هل مافي تقدير الا بذبح الخرفان
حرام عليكم ارحموا الخرفان شوي سببتوا لهم فوبيا شذنب الخروف في نجاحكم ولا ولادتكم :(
واحيانا مايقعد على الصحن الا كم شخص والباقي في الدرامات اعزكم الله

احنا وااايد نبالغ في الولائم

اشفيها لو تم الاحتفال بالمناسبه ببوفيه صغير على عدد الاشخاص ولا كم طبخه في البيت

مشاركة الفرحة مب في الخروف

المشكله صارت هاي بعد تسبب مشاكل وانتقاد وزعل لو حد مثلا صارت له مناسبه ونسى واحد يوجبه بذبيحه !

من هنا اطلق حملة

لا للخرفان بعد اليوم

صراحة موضوع مش في محله
هذا عند العرب طبعا وكل شعوب العالم يعتبر من القربان لله لان الله رجعهم بالسلامة باختلاف التقاليد طبعا
أتمنى ان لا يكون المنتدى لأي موضوع مسيء سواء يمس الأعراف او التقاليد

[رفيع الهامه]

بوحارب زينه الصالونه اشفيها سوي مثل حسن اذبح هامور عود نصه صالونه وشي مشوي وتطلع احسن من هالخروف المنسدح الي عاض لسانه

ههههههه

[العلياا]

المفروض يكون في شي اسمه ميني خروف
للمناسبات الصغيرة
عشان ما يكون في تبذير
وكل واحد ياخذ المقاس الي يناسبه


عن نفسي اؤيد صاحبة الموضوع ان الطرق ممكن نغيرها
لكن من يستطيع ذلك؟
لان الناس بياكلونه بكلامهم !!

بصراحة احنا بحاجة الميني خروف هههههههههه
عجبني ردك


راح أقرأ الردود للوالد يمكن يخفف من هالعادة

[احمد1]

الحين البطون متروسه
والكوليسترول ضارب عند الاغلبيه

مب القصد الاكل الناس ماتاكل الا كم لقمة وتشبع من مقدمات ومؤخرات الوليمه مقبلات واطباق جانبيه وحلويات ولبن وعصاير

لكن لانها عاده
صارت تنشاف انه عيب وفشيله ان ماقمنا فيها

عندي خرفان مسويين دايت ... لا تخافين مافيهم شحم والكلسترول معدوم..ههههههههههههههه

[ولي العهد]

هذي عادات وتقاليد ولاء ولن وكلا وno لتنازل عنها ... عيل اسوي عزيمة وحط لهم سندويشات

[فيصل99]

تستاهلين ننحر لك حوار على طرح الموضوع الهادف

[للصبر اخر]

انا محد ذبح لي خرووف
لييش
احتج
المهم
الخروف يكون دايم للضيوف او عقيقه او سفرة علاج
يعني مو دايم ولا على كل شي

[لمت اب]

موضوع حلو ومهم جدا يا الاستقراطيه
ونشكرك عليه

كلسترول من اللحوم وسكر من الرز
و3/4 الذبيحه ينقط في الدرام
وناس كثيره جايعه ماتلقى عظم تطبخ عليه
وشخصيا اعتقد اذا الشخص سوى لي عشاء او غدا من بيته وفي بيته
مثلا سمك او دجاج او الي هو
افضل بكثير والرجال يعزني
الان الولائم تتصل في المطبخ الشعبي هو يروح ويشتري الخروف ويطبخه
ويجيبه لك مفطح يعني انت ماتعبت ولا شيء فقط ادفع الفاتوره وخلاص
ولو معزمين تبون خروف مو مشكله
في السعوديه مثلا يقطع الخروف قطع صغيره على الصحن ولا ينحط كامل مثلنا
بهالحاله نظمن ان القطع الي ماتنوكل سوف توزع على الجيران او العمال القريبين من المنطقه
والحل الثاني
انتوا مصرين لازم خروف ,,,اوكي اعمل خروف لكن
اعمله بوفيه مثل ماقالت الاستقراطيه وبعض الاخوه
خروف موزع نصه مشوي ونصه مطبوخ ونصه محشي وهكذا
فهالحاله انت نوعت الوليمه والاكل الزائد لن يفسد بل سيبقى في أوانيه ويوزع فيما بعد

[بوخالد911]

الحين وبعد النقاش المستفيض

بتذبحون خرررررررررررررررررفان ولا ؟!؟!؟!؟!

[بو خليفه 123]

أنا يوم ترقيتي سوولي عزيمه في مطعم على سوشي :shy:

[وحيد-الشوق]

امحق عادات الا تبذير واسراف عالفاضي مايقهرني الا العزاء اهل المتوفي حالتهم حاله واجباري في قطر تفتح بيتك وخرفان وذبايح وجاي وقهوة وسوالف وبلاك بيري ماصار عزاء هذا مصخره

[R 7 A L]

اي بالله صدقت مكان الموضوع في الاستراحه !! الاولين من فقر ومن قل مال وحال يذبح لضيفانه !! ويوجبهم
واليوم حنا في خير ونعمه والفلوس واجد اتقول الاخت ومن وافقها قدموا لضيفانكم صالونه ودجاج !! وسمك

ليتها اللبخت على شحم ولا دخلت في عاداتنا وتقاليدنا
الاصيله اللي متمسكين فيها ونورثها لعيالنا !!

هههههههههههه

[ريتويت]

عشان العشا بس

[abu m7md]

شاكرة لك أخوي بو محمد على التوضيح ..

أنا قيلت لي هالمعلومة نقلاً عن كتاب قديم .. وهي متى يذبح العرب .. لكني لا أعلم أي زمن للعرب.. قبل الاسلام أم بعده

اذا بعد الاسلام فتدخل في ذلك الذبح .. الأضاحي والهدي

اما ذبح نزول البيت الجديد .. ممكن توضح لي شلون كانت من البدع واجتهد في ذلك العلماء

يعني المعلومة مش مفهومة عندي بالكامل .. وشكراً،،

تكون بدعه عندما تدخل فالنية انه هذا الذبح لاجل المنزل وليس لمعرفة الناس مكان المنزل الجديد
مثال:
انا نزلت في بيت جديد
نسميها تميمة للبيت وهذا من البدع
او حياكم عندي عشى لبيتي الجديد
هذه بدع
لكن عندما يوضح الامر يكون ليس ببدع
وفيه بعضهم يذكرونه قبل الاكل
مثل بسم الله ياهلا بكم على تميمة البيت الجديد ( ههذه بدعه )
اما
بسم الله ياهلا فيكم سمو بسم الله ( هذا مباح )

اي استفسار ثاني اوضحه انا حاضر

[رهج السنابك]

الله يعينج على هالموضوع شوي والبعض بيتهاوش معاج

انا عني من شفت في الموضوع ذبح قلت بادخل باتذابح .. بس اقتنعت برايج .. عندنا في مزارع فلوريدا الذبايح كل وحدة تقول الزود عندي .. اللحم ما شاء الله عمري ما كلت مثله .. غير عن الغزلان واحد مواعدني نروح نصيد بس ما ادري متى يفتحون الموسم.



خش لي غزال فلوريدي والله مارده ههههههه
بس مب مذبوح ابيه حي

[رهج السنابك]

ياخوفي الجيل الجديد يشغل لنا هالإسطوانة ويقضي على ملامح الكرم
وتنعزم الرجال والضيوف في المجالس على ستيك هامور أو سباجتي أو لازانيا...
الله يهديك هذه عادات وسلوم العرب وكرم الضيافة...
لاتخربون عقول العيال وتشوهونها بأفكار الأجانب...

مب عادات اجانب
احنا مب مع قطع العادة كليا
احنا ضد الاسراف والمبالغه فيها
يعني الذبيحه تنحط للمناسبه الي تستاهل مب كل مناسبه
مب اذا رجعت من سفره عاديه سياحيه احلفوا عليك عشرين نفر يذبحون لك خرفان !!
مب واحد ترقى خروف
نجح ولده خروف
طلع سياره جديده خروف

مب جذي عاد ليش هالكثر نبالغ

ها شوفي الجمعه اليايه معزومه على ذبيحه عشان وحده راده من العمره (وكل سنه تعتمر مرتين)
واشكثر يقعد على الصحن؟ سته سبعه ان كثروا والاغلبيه ماياكلون لحوم

[كازانوفا]

صحيح فيها اصراف للي ما يعرف يستخدمها لوجه الله صحيح
بس بالنسبه لي اكون راجعه من سفر طويل او اجتهدت وحصلت على شهاده سنين وانا ادرس ويجي واحد من اهلي ويسوي لي ذبيحه يالله راح افرح كثيررررررررررررررررررررر
يعني الناس بهاي الحاله راح اتفكر كيف ادخل الفرحه لقلبي قصدهم الاول والاخيرر وما راح يفكرو انها تكون تبذير واسراف
يعني الموضوع يختلف من شخص لاخرررر

[رفيع الهامه]

امحق عادات الا تبذير واسراف عالفاضي مايقهرني الا العزاء اهل المتوفي حالتهم حاله واجباري في قطر تفتح بيتك وخرفان وذبايح وجاي وقهوة وسوالف وبلاك بيري ماصار عزاء هذا مصخره

اخ وحيد

ترا لها ميزة طيبه هذي


لانك تعلم في العزاء يجونك ناس من بعيد واقاربك اللي ملازمينك في مجلسك طوال العزا من غير ان اهل العزا فيهم من الحزن مايكفيهم ولا يقدرون حتي يسوون قهوه وشاي للمعزين.... وهل يعقل ان نتكرهم من غير مانقوم بالدور في اكرام الناس اللي جايه من بعيد ونخليهم يتعشون او يتغدون في المطاعم ....

[رفيع الهامه]

أنا يوم ترقيتي سوولي عزيمه في مطعم على سوشي :shy:

ترقيتي ,, افا بوخليفه !!!!