في الستي سنتر

[زورق]

اليوم وديت عيالي ملاهي الستي بس صج صدني قهر دخلت اجنبيه مع صديقتها اللي كانت مطلعه من جسدها اكثر من اللي تخفيه يعني ملابس فاضحه بكل ما تعنيه الكلمه ودخلت قدام السكيورتي وهي يطالعها ولا قال لها كلمه مع ان حاطين يافطه مكتوب عليها الرجاء لبس الملابس المحتشمه التفت على السكيورتي وهو من جنسيه عربيه قتله ما تشوف هاي البنت وملابسها ليش ما تمنعها من الدخول ضحك وقال هاي اللي شفتها ولا حاجه جنب العرايا اللي يدخلون واحنا مش مصرح لنا نكلمهم احنا راسلنا السي اي آيه ولا ردوا علينا قتله في فيلاجو اشوفهم يوقفونهم قال هنا لا بس انقهرت صج ليش ما يراعون مشاعر أهل قطر ليش ما يبون يفهمون ان احنا مب متقبلين هالعرايا في بلادنا الله المستعان

[alsoq]

يبون الانفتاح الذي سوف يقلب عليهم ولا راح يسيطرون عليه
ويكثر الفساد في البلد ولا تستغرب ان ترى انشار الدعاره من ها الاشكال

[abu m7md]

لو بمكان اتصل للعضيد
انا اذا اروح للستي الا اتصل لهم وخليهم يطردون الحثاله ذيلا
ومره ثانيه اذا رحت وقال لك السكيورتي نفس الكلام قل له اتصل للمدير
وخله يرزله قدامه

[رهج السنابك]

لو شفنا بنات بلبس قصير جدا او تيشيرتات مزلطه
ودقينا ع العضيد بيتجاوبون معانا؟
انزين فرضا قالوا اوك
بقعد الحق البنت عشان يكلمها موظف العضيد؟!!

[بومحمد المطاوعه]

العضيد وبس

مانقدر نسوي شي بيدنا غير العضيد او 999

[بومحمد المطاوعه]

العضيد وبس

مانقدر نسوي شي بيدنا غير العضيد او 999

[Escalade-ext]

لا حول ولا قوة الا بالله

يعني غصب نصير نفس دبي !!

طيب وش الحل اذا شفت اشتكي وشنو الرقم الي اتصل عليه ؟

[بوحارب]

من جرب يتصل للعضيد في مثل هالمواقف ؟؟؟

[alsoq]

من جرب يتصل للعضيد في مثل هالمواقف ؟؟؟

بو حارب لو العضيد صارم معا الجمعات وانهم وضعو لا فتات تحذر من المخالفات كان شفت كل مجمع يحترم القانون

ولكن الاجانب يقلون لك حريه شخصيه وانت في بلد دومقراطي

لو سكر مجمع سبوع سبوعين شهر للمخالفه كان شفت الكل ملتزم

[بوحارب]

كلامك سليم

[غزلان]

بكل مكان منتشرين > بشائر الصيف مب جلد عليهم يستحمل شمسنا :rolleyes2:
لو ثواني ويهي شب علي وبكريم حمايه بعد

[بوخالد911]

االسكيورتية لا يهشووووون ولا ينشوووون

بس سمانديقه !!!!

مجرررد ديكور للمجمع!!!

[لاجل QT]

بخصوص السكيورتية اللى في الستى من جنسية عربية

نتمنى ينبهونهم بعدم خز الحريم ومراقبتهم بالذات القطريات

جايين يشتغلون ويدورون رزق ؟؟ولايحبون؟؟ ولا يدورون علاقات؟؟

صرت اكرة الستى بسبتهم

يازين الفلبنيين ولا الاثيوبيين محترمين ماشالله في حالهم

السموحة من راعي الموضوع

[مضارب دوسري]

بعدين بيشتكون علينا
ان احنا نمنعهم من حقوقهم ويسحبون كاس العالم منا
هو انتوا لسه شفتوا حاقه!

[مضارب دوسري]

بخصوص السكيورتية اللى في الستى من جنسية عربية

نتمنى ينبهونهم بعدم خز الحريم ومراقبتهم بالذات القطريات

جايين يشتغلون ويدورون رزق ؟؟ولايحبون؟؟ ولا يدورون علاقات؟؟

صرت اكرة الستى بسبتهم

يازين الفلبنيين ولا الاثيوبيين محترمين ماشالله في حالهم

السموحة من راعي الموضوع

صحيح اتفق معاج
هم والجنسيات الاخرى ما عدا الفلبينيين

بس للعلم
هم ما يخزون الا اللي حاطين فل ميك اب وعبايه رصصص وريحة العطر حدث ولا حرج

ولا الحريم اللي يتفرفرون فالمجمعات بهالمظهر
وش اللي خلاهم يسوون في نفسهم جذي غير انهم يبحثون عن امور ثانية من وراء ذهابهم لهالمجمعات

[معماري قطري]

انا شفت منظر أَخطر في الستي سنتر .. مجموعة سياح اوروبيين صغار في السن ووحدة منهم شاله شنطة ووقت كانت زحمة فوق قرب دوار التزحلق .. هي ببراءَة افترشت الأَرض وفتحت شنطتها طلعت بنطلون وفصخت اللي عليها وتمت بكل براءَة بعد بملابس بسيطة وبدلت وقامت .. انا ما صدقت شيصير وما صدقت عيوني استغربت بس شيسوي الواحد .. بعض الدول فارضة الحشمة غصب والمفروض فيه تعليمات من عندنا من وقت أَخذ الفيزة.

[المحاميه]

اللي سمعته ان العضيد يتواجد بسرعه ويتجاوبون ف مثل هالمواقف

[همر]

زين بكره لي جو البرازيليات وعقب كل مباراه

قاموا يرقصون سامبا في الشوارع نكلم العضيد بعد ؟!!

[shadad]

نفس الشي صادفني في مكتبة ابن القيم اللي عند المرخيه. الاربعاء دخلت مستعجل اطبع كم من ورقة ملونه . عاد تعبان حدي ومو قادر اطالع عدل من الدوام بس وانا داخل لمحت عيني شي على اليسار .. عاد وانا ماشي ريوس ( هههه ) داخل المحل نفسه اطالع ورا والا وحده طويله لابسه مو سكيرت ....سكيرت هاي طويل بعد على اللي شفته ..لا وفيه فتحه بعد ...على طول ارد السكان ( راسي ) على قدام واطالع مصري ملتحي محترم شغال كان واقف ويطالعني شاف ردة فعلي يوم التفت ورديت وانا ماشي قلته عادنا ما وصلنا 2040 صح ؟ ابتسم وحسيت انه يقول : لا حول ولا قوة الا بالله ما بيدي شي .

حتى في المكتبه طلعوا لنا . ما ادري ... تهقا العضيد بيتلونها ؟

[العنيده]

وعشان هالسبب مااروح هالمجمع :)
ترى للحين العدد مازاد عندنا علموا اللي موجود قبل اللي بيجي :omen2:

[العنيده]

زين بكره لي جو البرازيليات وعقب كل مباراه

قاموا يرقصون سامبا في الشوارع نكلم العضيد بعد ؟!!


؟؟؟؟؟ سؤال حلووووو :tease:

[S S]

العضيد مايردون على خطهم المباشر

[Khaled Qatar]

من جرب يتصل للعضيد في مثل هالمواقف ؟؟؟

انا جربت وسألني هل لبسها فوق الركبه او تحت الركبه وجاو في نفس الوقت بس البنت طلعت

وموقف ثاني فلبينيات لابسين لبس جدا فاضح كلمتهم اختي ان هذا اللبس ممنوع وطلعو الجاكيت من الشنطه ويبلفيت تسترو

[الفا برافو]

يوم الجمعه وديت اليهال السينما في الستي عقب الغدا.. والله ثم والله شفت فلبينيه مع فلبيني انها لابسه فاضح.. مزلط واي مزلط الا مزلط ملط وشورتها اقصر من الشورت وتتمشى صوب السينما يعني مرت على السكورتيه وخبر خير.. خفت اكلمهاوتراددني والله واعلم اخرتها شنهو بيصير.. قلت لو اتصل بالعضيد شاقوله فلبينيه لابسه عاري وتتمشى تعالوا مسكوها.. وبعدين شاسوي هل اتم امشي وراها لين يوصلون ولا اقولها لا تتحركين لين يوصلون !!! وعيالي جايين يبون يستانسون وفلمهم بيبتدي !!
ادارة الستي دامها تحت الاجانب اللي هالشي حلو على قلوبهم ماراح يتغير الوضع وما نقول الا حسبنا الله ونعم الوكيل .

[moonبنتnight]

أنا اقول خل العضيد يقعدون موظفينهم عند باب المجمع ولي يشوفها من غير لبس محتشم أو حتى حاطة مكياج عرس أو لبس مرصرص خادش للحياء وحتى رجل لبس لبس غير محترم يقبضهم الباب ويرجعهم ... مرة مرتين بيفهمون وبيلبسون عدل .. ليش يلزمون الناس يتصلون ويبلغون وآخرتها ما يقدرون يسون شي ..

[Rider]

انا وحده قدامي في حديقة اسباير بلفيت لابسه رياضه الي ظاهر اكثر من المغطى مريت عليها وطلعتها بحتقر وتفلت في وجها ولا قالت شي

[حسن]

الله يعين

[المحاميه]

زين بكره لي جو البرازيليات وعقب كل مباراه

قاموا يرقصون سامبا في الشوارع نكلم العضيد بعد ؟!!



تفائلوا بالخير تجدوه

ليش يعني نفترض ان الامور بتخرج عن السيطره من البدايه؟ وعلى اي اساس؟

[أسد الجزيرة]

اقترح وقوف لبعضيد على ابواب المجمعات في نهاية الاسبوع لمنع المخالفين

[هبوب الشمال]

لو شفنا بنات بلبس قصير جدا او تيشيرتات مزلطه
ودقينا ع العضيد بيتجاوبون معانا؟
انزين فرضا قالوا اوك
بقعد الحق البنت عشان يكلمها موظف العضيد؟!!

عزيزتي العضيد اتصل لهم ويأخذون الشكوى مني ويسكرون التلفون وخلال اقل من دقيقه يتصل لج رجل العضيد ويقول لج وين المنظر اللي شفتيه لأنهم متواجدين على طول خصوصا في المولات ويجي ويتكلم مع المخالف او المخالفة وان احتاج الامر يطردهم من المكان ،،،،، هذا الكلام من واقع تجااااارب شخصيه وليس تجربه

[هبوب الشمال]

العضيد بمجرد اتصالكم لهم خصوصا في المولات يجون خلال دقائق ويطلعون المخالفين من السوق .، من واقع تجارب

[Khaled Qatar]

العضيد بمجرد اتصالكم لهم خصوصا في المولات يجون خلال دقائق ويطلعون المخالفين من السوق .، من واقع تجارب

كم الرقم

[بو خليفه 123]

لو شفنا بنات بلبس قصير جدا او تيشيرتات مزلطه
ودقينا ع العضيد بيتجاوبون معانا؟
انزين فرضا قالوا اوك
بقعد الحق البنت عشان يكلمها موظف العضيد؟!!

قال رسول الله (ص) : "إذا رأيت منكرا فغيره بيدك و إن لم تستطع فبلسانك و إن لم تستطع فبقلبك و ذلك أضعف الإيمان "

[بو خليفه 123]

خدمة العضيد

هاتف : 4947888

أو خدمة الرسائل : 2994

أو بريد إلكتروني : aladeid@moi.gov.qa

[دنيا الاسهم]

زين ليش ما يحطون سيكيورتي قطري عشان يمكن يسيطر عليهم لان الاجنبي اذا هندي ولا مصري اما ان يخاف او ان عادي عندة
الله يهديهم ،، انا لي شفت منكر برسل رسالة وبعدين خل العضيد يدورون على الفضولي بروحهم انا ما اقدر ما انطرهم
الله يهديهم

[رهج السنابك]

زين دامهم يتواجدون في المولات ليش متخفين؟
ليش مايقعدون على ديسك نفس مال التبرعات بوسط المجمع
جذي اسهل نشوفه ونكلمه وهو يتصل بالعضيد الجواله (يحطون كم واحد يتجول)
جذي بتتفعل اهميه العضيد