اذا حد قالك شكلك غلط

[المحاميه]

السلام عليكم

كلنا نهتم بشكلنا الخارجي
فتحصلنا نختار ملابسنا بعنايه تامه
ونهتم بقص الاظافر وتسريح الشعر والتطيب

لكن
فيه ناس تحصلها توقف ساعه قدام المنظره قبل الطلعه
ويلبسون ويبدلون الف مره لانهم يبون يتجنبون اي انتقاد سلبي من القريب والبعيد

ومثل ماتعرفون الهندام مرتبط بالثقه بالنفس

فهل مظهرك الخارجي مهم عندك لدرجة الهوس ويخليك تحاتي كلام الناس ويأثر فثقتك بنفسك؟
ام انك مقتنع باللي لابسه وماتضيع وقت كبير ف مظهرك الخارجي وثقتك بنفسك كبيره لان المظهر مب كل شي بالنسبه لك؟
وشنو شعورك وموقفك لو حد علق على مظهرك وانتقده وقالك شكلك غلط او لابس غلط؟

حياكم الله

[رهج السنابك]

ماقد حد قالي شكلج غلط

ومايجوز هالكلمه


لكن نعم اهتم بالمظهر لانه جزء من الشخصيه

[alsoq]

قال صلى الله عليه وسلم : [ لا يقولن أحدكم قبح الله وجهك ووجه من أشبه وجهك فإن الله خلق آدم على صورته ] "رواه البخاري"

[alsoq]

1."اللهم احسن وقوفنا بين يديك":

قال الشيخ بن عثيمين _رحمه الله_(قول هذا القول بعد اقامة

الصلاه لا اصل له).


2.التعوذ بعد التثاؤب:

قال الشيخ بن عثيمين _رحمه الله_(هذا لا اصل له , لأنه لم يرد

عنه صلى الله عليه وسلم انه كان يفعله).


3.تقبيل المصحف:

قال الشيخ بن عثيمين _رحمه الله_(الصحيح انه بدعه , وانه ينهى

عن ذلك).


4.لعن ابليس:

قال الشيخ بن عثيمين _رحمه الله_(الانسان لم يؤمر بلعن

الشيطان وانما امر بالاستعاذه منه).


5.قول"صباح الخير - صباح النور":

قال الشيخ بكر ابو زيد _حفظه الله_(هذه تحية المجوس

لأنهم يعتقدون ان هناك اله للخير واله للشر).


6.استعمال الجرائد سفره للطعام:

اجابت اللجنه الدائمه (بأنه لا يجوز اتخاذها سفره , كما لا يجوز

القاؤها بالزبالات).


7.تسمية بعض الزهور "عباد الشمس":

قال الشيخ بن عثيمين _رحمه الله_(هذا لا يجوز لأن الاشجار

لا تعبد الشمس وأنما تعبد الله عز وجل)


8.المصافحه وقول"حرماً تقبل الله" بعد الصلاة:

قال شيخ الاسلام ابن تيميه _رحمه الله_(المصافحه بعد

الصلاه ليست مسنونه بل هي بدعه).


9.قول "الو" في المحادثه الهاتفيه:

اصلها لفظه فرنسيه دخيله على المسلمين , والافضل

منها البدء بقول "السلام عليكم".


10.مسح الوجه باليدين بعد الدعاء:

قال شيخ الاسلام ابن تيميه _رحمه الله_(الاولى عدم

المسح-اي عدم مسح الوجه باليدين بعد الدعاء).


11.انتشار النذر بين المسلمين:

قال الشيخ بن عثيمين _رحمه الله_(والنذر في الاصل

مكروه , بل ان بعض اهل العلم يحرمه).


12.قول"فلان شكله غلط":

قال الشيخ بكر ابو زيد _حفظه الله_(هذا اللفظ من اعظم

الغلط الجاري على الالسنه لما فيه من السخريه).


13.رفع اليدين بعد الركوع على هيئة الدعاء:

وهذا خلاف السنه لأنه الرسول _صلى الله عليه وسلم _

كان يرفع يديه حذو منكبيه او الى اطراف اذنيه.


14.رفع الصوت في القراءة اثناء الصلاه او بعدها:

لأن السنه ان يسمع القارىء نفسه ولا يؤذي من حوله

برفع صوت بالقراءة .


15.انتشار اللعن على السنة الكثيرين:

قال الرسول _صلى الله عليه وسلم_{لعن المؤمن كقتله}.


16.قول "يهدينا ويهديكم الله" عند التشميت:

وهذا خلاف السنه , والصحيح الثابت قول (يهديكم الله

ويصلح بالكم).


17.تسمية المدينه "بالمنوره":

قال الشيخ بن عثيمين _رحمه الله_(لا يقال المنوره لأن ذلك

لم يكن معروفاً عند السلف وجاء اسمها بالقراّن بالمدينه فقط).


18.قول "صدق الله العظيم" بعد القراءة:

وهذه بدعه لم يثبت عن احد من السلف , ولا بد لقائله

من دليل يستند عليه.


19.اطلاق "عزرائيل" على ملك الموت:

قال الالباني _رحمه الله_(اسمه في الكتاب والسنه

"ملك الموت" وتسميته عزرائيل لا اصل له).


20.قول "علي الطلاق" وماشابهها:

قال الشيخ بن عثيمين _رحمه الله_(الحلف بالطلاق

امر ليس بالهين فالأئمه الاربعه يرون وقوعه اذا حنث فيه).


21.قول "ياوجه الله":

نهى عنها كثير من العلماء ,منهم الشيخ محمد بن ابراهيم

_رحمه الله _ وقال (ماتنبغي).


22.قصة العنكبوت والحمامه على الغار:

قال الشيخ بن عثيمين _رحمه الله_(كل هذا لا اصل له ,

لأن الله تعالى هو الذي حجب ابصار المشركين).


23.قول "مصيحف و مسيجد" ونحوهما:

قال ابن المسيب _رحمه الله_(لا تقولوا مصيحف ولا

مسيجد ماكان لله فهو عظيم حسن جميل).


24.ابدال كلمة "علوم الارض" بأطلس:

قال الشيخ بكر ابو زيد _حفظه الله_(هذا المسطلح كان

لأحد اّلهة اليونان الذين يعتقدون انه يحمل الارض).


25.زيارة مدائن صالح _عليه السلام_:

قال صلى _الله عليه وسلم_{لا تدخلوا على هؤلاء

القوم المعذبين الا ان تكونوا باكين فأن لم تكونوا باكين

فلا تدخلوا عليهم أن يصيبكم مثل ماصابهم}. رواه مسلم

وهذا الكتاب لمن يريده

http://saaid.net/book/open.php?cat=82&book=1464

[المحاميه]

جزاك الله خير اخوي السوق واستغربت من بعض الاشيا
بس كل الناس يسون اغلب الامور اللي انذكرت

الارستقراطيه
بشكل عام اذا انتقدوا لبسج او عباتج الخ شبتسوين

[زبرجد]

أحياناً يكون في توجيه واتقبله
ونعم أهتم بشكلي لأنه عنوان يدل علي ويعطيني ثقة بنفسي .

[بوحارب]

اهم شي الأخلاق :)

[qrt_trading]

قالوها واااايد لي وبانتقادات كثيره منها( جنج عيوز حطي اشوي كحل لما تطلعين، حد يلبس عباية مسكره الحين غيريها،...........الخ) والحين صرت لما اطلع أحب البس احذية مريحة ورياضيه وما عمري حبيت الكعب ولما أقول هالكلام اتحس من نظراتهم أني من كوكب ثاني خخخخخخخخ، بس ولا عمري اهتميت بكلام الناس اذا تميت أفكر في علان وفلتان وش بيقولون ما راح ارتاح أبدا.

[المحاميه]

اشكرج اختي تجارة قطر على صراحتج
وفعلا الواحد المفروض يكون واثق من نفسه ف كل الحالات
الشكل مهم
بس الشكل مب كل شي
ليش اوقف ساعه واغير لبسي الف مره
زين وبعدين
ليش اعقد نفسي

[بريق الحق]

ههههههه في حد يهتم حق كلام الناس

[بوخالد911]

هلا بكم
ما تعرضت للموقف ذي

ما يجوز نعيب على خلقة الله

[قطري 777]

رايي الشخصي مايهمني الصراحه ولو حد قال شكلك غلطط بقول شوف شكلك وعقب تكلم هههه
لازم الواحد يكون راضي على شكله ومايهتم بكلام الغير . ((((( اهم شي الثقه بنفس )))))

[المحاميه]

ليش فاهمين الموضوع غلط

اقصد الهندام مب خلقة ربي

[R 7 A L]

عيب

،

[طلعة الروح]

ع حسب المناسبة وملائمة الوقت ، ماحسه شي طبيعي أن يكون الواحد او الوحده كشخه طول الوقت: 24/7 اويكون قاعد ومتفرغ للاهتمام بالشكل فقط،
في أمور أهم ....
وفي النهاية هناك حد أدنى للشكل المقبول..

[المحاميه]

اللي فاهم الموضوع ارحب بمشاركته واللي مب فاهم كيفه ماراح احرق دمي

[جيفنشي قطر]

الله يعطيج العاافيه اختي على طرح الموضووع

والواحد لازم يهتم فلبسه وبنفسه
لانها ادل على شخصية الشخص نفسه
بس مب انه يكون وسواسي

وبالنسبه لي الحمدلله ماقد حد قالي شكلك غلط او لبسك ..
الله يعطيج العافيه مره ثانيه ,, والله يعينج على بعض الردود ..

[المحاميه]

الله يعطيج العاافيه اختي على طرح الموضووع

والواحد لازم يهتم فلبسه وبنفسه
لانها ادل على شخصية الشخص نفسه
بس مب انه يكون وسواسي

وبالنسبه لي الحمدلله ماقد حد قالي شكلك غلط او لبسك ..
الله يعطيج العافيه مره ثانيه ,, والله يعينج على بعض الردود ..

ردك يطيب الخاطر
شكرا لك انت

البعض يعتبرني ديكتاتوريه

[جيفنشي قطر]

ردك يطيب الخاطر
شكرا لك انت

البعض يعتبرني ديكتاتوريه

المشكله الواحد يطرح موضوع
وهم يدخلون لك بموضووع ثاني
وما اعتقد ان الدكتاتوري يحب يشارك الناس فمواضيعه ,,,

ع العمووم ,, الله يعينج ...
ويليت تقولين لناا ردج على الموضووع ..

[المحاميه]

ردود البعض تكون لاذعه

المظهر الخارجي مهم لكن الواحد لازم يقتنع ويرضى بشكله
جدا متعب وقد يتحول لمرض اذا تم الشخص يفكر وايد ويحاتي ويضيع وقته وهو يلبس هذا ويجرب ذاك
خلاص البس وتوكل
ليش تحير نفسك
والناس اذواقها تختلف وعلى قولت اخونا بريق الحق حد يسمع كلام الناس!
طبعا بتتعب ولا بيرضون

لاتخلون مظهركم الخارجي يتحكم ف ثقتكم بنفسكم

[alsoq]

اللي فاهم الموضوع ارحب بمشاركته واللي مب فاهم كيفه ماراح احرق دمي

انا فكرت الشكل مو الهندام

والله الشباب كلهم نفس لبس غتره عقال ثوب نعال( اكرمكم الله) بيعيب وهو لبس نقس الشي:)

عاد الحريم ما شاء الله

والواحد او الوحده لازم يكون لبسه مرتب

واذا قال شي برد عليه بكلمة وحده

جزاك الله خير

[عطر فرنسي]

اسعد الله ايامك

بقوله هذا ماخلقني ربي

[عاشق العديد]

والله ما عمري اهتميت ..

اذا ملابسي نظيفه .. ماعلي من حد ..
لكن اذا فيها ايل هنيه يقوم التقطع شوي ..

[للصبر اخر]

راح اذكر موقف تعرضت له من سنيين
كنا بمجمع وشفت مجموعة شباب تتحرش ببنات
وقلت ( استغفر الله صج ناس مو متربيه )
الا اسمع واحد يقول
شايفه شكلج انتي الحمدالله والشكر

الانتقاد هذا اللي سمعته لاني مو من النوع اللي يحط المكياج بالطلعات ابد
شي ضايقني وااااااااايد
وما انكر هالشي
بس الحمدالله انه ما اثر علي بشكل سلبي كوني محافظة

[عاشق العديد]

راح اذكر موقف تعرضت له من سنيين
كنا بمجمع وشفت مجموعة شباب تتحرش ببنات
وقلت ( استغفر الله صج ناس مو متربيه )
الا اسمع واحد يقول
شايفه شكلج انتي الحمدالله والشكر

الانتقاد هذا اللي سمعته لاني مو من النوع اللي يحط المكياج بالطلعات ابد
شي ضايقني وااااااااايد
وما انكر هالشي
بس الحمدالله انه ما اثر علي بشكل سلبي كوني محافظة

والله ياختي هالخمه موجودين بكل مكان ..
ماعليج من حد والى الامام ..
والله يكثر من امثالج ..

[المحاميه]

انا فكرت الشكل مو الهندام

والله الشباب كلهم نفس لبس غتره عقال ثوب نعال( اكرمكم الله) بيعيب وهو لبس نقس الشي:)

عاد الحريم ما شاء الله

والواحد او الوحده لازم يكون لبسه مرتب

واذا قال شي برد عليه بكلمة وحده

جزاك الله خير

اشكرك على رحابة صدرك وشكرا لانك رجعت وفهمت الموضوع صح

بس انا ماتفق معاك
لان الرياييل بعد يلبسون بدلات او سبورت الخ
يعني اكيد فيه ناس تهتم بالتيشرت اللي بتلبسه وهل هو متناسق وشكله اوكي مع الجنز ولا لا

السالفه عند الحريم دبل عليكم صح لان الزينه للمره ماختلف معاك

بس اكيد في رياييل عندهم فوبيا المظهر :secret:



اسعد الله ايامك

بقوله هذا ماخلقني ربي


اخوي الموضوع عن الهندام الشكل الخارجي من لبس وغيره ومب خلقة ربي




والله ما عمري اهتميت ..

اذا ملابسي نظيفه .. ماعلي من حد ..
لكن اذا فيها ايل هنيه يقوم التقطع شوي ..

ههههه :victory:
كم مره قطعوك اعترف




راح اذكر موقف تعرضت له من سنيين
كنا بمجمع وشفت مجموعة شباب تتحرش ببنات
وقلت ( استغفر الله صج ناس مو متربيه )
الا اسمع واحد يقول
شايفه شكلج انتي الحمدالله والشكر

الانتقاد هذا اللي سمعته لاني مو من النوع اللي يحط المكياج بالطلعات ابد
شي ضايقني وااااااااايد
وما انكر هالشي
بس الحمدالله انه ما اثر علي بشكل سلبي كوني محافظة

اممم
تدرين ليش رد عليج بهالرد لان اصلا ماعنده رد غيره لانج فشلتيه وهو داري انه غلطان ف اسهل رد ذي الرد عشان يأثر عليج وعلى نفسيتج
يالله لاتبلينا ب هالنوع من الناس يعني فوق مايسوي الغلط بعد يرادد ويضيق على خلق الله!

[حمد 2002]

التأخير بالتعدل قبل الطلعه صفه اساسيه بالنساء ، مما يجعل الازواج يعصبون ويرتفع ضغطهم مليون :anger1:..


اما احنا الرجال مساااااااااااااكين بس غتره وثوب ،، :)

[ضوى]

الهندام اذا قالوا لي فيك شي غلط اكيد باحاول اعرف شنهو هو واغيره ، يعني احتمال شي مهب راكب على شي ، وعادة هذا اللي يصير اني ماكون منتبهة وهم ينبهوني ويقولون في شي غلط ، اذا مايتعلق بالشكل وخلقة ربي عادي حلو ينبهوني ،

[عطر فرنسي]

التأخير بالتعدل قبل الطلعه صفه اساسيه بالنساء ، مما يجعل الازواج يعصبون ويرتفع ضغطهم مليون :anger1:..


اما احنا الرجال مساااااااااااااكين بس غتره وثوب ،، :)

ههههههههههههه سبقني

[فيصل99]

يقول الدكتور إبراهيم الفقي رحمه الله
إذا حد إنتقد قوله (رايك فيا لا يدل عليا ولن يدل عليا ):nice:

[Right]

ليش فاهمين الموضوع غلط

اقصد الهندام مب خلقة ربي





الأعضاء مو فاهمين الموضوع غلط


إنتي إلي كتابتج وصياغتج غلط

كاتبه بالعنوان: "اذا حد قالك شكلك غلط"

المقصود هنا من الشكل هي: خلقة الله له ، كالوجه والجسم وغيره إلخ


وبنفس الوقت تقولين لهم: أنا أقصد الهندام !!



غيري العنوان ، وبعدين تحلطمي

[ضوى]

فهل مظهرك الخارجي مهم عندك لدرجة الهوس ويخليك تحاتي كلام الناس ويأثر فثقتك بنفسك؟
مظهري الخارجي جدا مهم عندي ، لكن اكيد مب لدرجة الهوس ، والناس بتتكلم لو شنو مالبست وعابلت بنفسك لذلك كلامهم مايعنيني مع اني اعترف اني اتجنب هالانتقاد بالحفاظ المحترم على شكلي الخارجي

ام انك مقتنع باللي لابسه وماتضيع وقت كبير ف مظهرك الخارجي وثقتك بنفسك كبيره لان المظهر مب كل شي بالنسبه لك؟

لا المظهر مهم جدا ، واقتنع باللي لابسته لكن ماضيع وقت كبير في الاهتمام لكن هذا مايمنع اني اخذ وقت طويل في التنسيق بين هذا وذاك
وشنو شعورك وموقفك لو حد علق على مظهرك وانتقده وقالك شكلك غلط او لابس غلط؟

ماقد صارت لي بهالحدة ، لكن خواتي وايد يقولونها واحنا نقولها وايد لبعض والقصد مثل ماوضحت شي مهب لابق على شي ، اذا احد غريب قالي بامسكه وباقوله لو سمحت شنهو الغلط فيني بالضبط واحاول اعرفه ، اذا اكتشفت انه الكلام استفزازي وغيرة وبس راح اطنشه ومايهمني شي

[وليف الشوق]

موضوع مميز كتميز شخصك الكريم وانا من المتابعين لمواضيعك
اختي الفاضله ان الحديث على هذا الموضوع يطول شرحه وانني وبفضل من الله احرص كل الحرص على اللباس والذوق الذي ارضى عنه وصدقيني مب شرط البس ساعه ماركة معينه او جلكم الله حذاء قيمته الشي الفلاني لاوالله حتى لبس والساعه والغتره والعقال اللي البسهم بأقل الاسعار ومع هذا القى الناس تمدح في اللبس او طريقة اللبس بدون نقد منها او ذم المهم الواحد يطلع بلبس يرضي نفسه قبل لايرضي الاخرين وهذا بأعتقادي وصحيح يمكن ماقلت شي كثير لكن لي الشرف اني شاركت بموضوعك الراااقي كرقي شخصك
اخوج : وليف الشوق

[المحاميه]

ايه بس فيه رياييل مايطلعون بالثوب دوم
ويخافون حد ينتقد لبسهم او ذوقهم سواء من ربعه او الناس حوله ويمكن عشان البنات :secret:


انزين اذا مثلا يعني ياضوى قالولج اللي لابسته مب حلو ولا مب راكب ولا شدخل ذي ف ذي
ولا حسيتهم يتكلمون من وراج او نظراتهم فيها شي حتى لو ناس ماتعرفينهم

هل هالشي بيخليج تراجعين نفسج وبيأثر ف نفسيتج؟

هل بتقولين ليش انا لبسي جذي وفلانه لبسها احسن مني الخ


الكلام حق ضوى والجميع

جاوبوا

:shy: تحقيق

[المحاميه]

الأعضاء مو فاهمين الموضوع غلط


إنتي إلي كتابتج وصياغتج غلط

كاتبه بالعنوان: "اذا حد قالك شكلك غلط"

المقصود هنا من الشكل هي: خلقة الله له ، كالوجه والجسم وغيره إلخ


وبنفس الوقت تقولين لهم: أنا أقصد الهندام !!



غيري العنوان ، وبعدين تحلطمي




اول شي هذا الاسلوب تحصله ف كثير من الجرايد والمجلات
هو اسلوب خداع بس لجذب القراء
يعني لو كاتبه هندامك الخارجي تتوقع هالعنوان يشد القارئ؟

بعدين انا اقصد يقولك شكلك غلط يعني ملابسك مب راكبه على بعض بسبت لون او لانه القطعه او القصه ماتناسبك
او يمكن لابس نعال الله يعزكم مع بدله والمفروض جوتي

فهمت؟

راجع اسلوبك اخوي

[المحاميه]

فهل مظهرك الخارجي مهم عندك لدرجة الهوس ويخليك تحاتي كلام الناس ويأثر فثقتك بنفسك؟
مظهري الخارجي جدا مهم عندي ، لكن اكيد مب لدرجة الهوس ، والناس بتتكلم لو شنو مالبست وعابلت بنفسك لذلك كلامهم مايعنيني مع اني اعترف اني اتجنب هالانتقاد بالحفاظ المحترم على شكلي الخارجي

ام انك مقتنع باللي لابسه وماتضيع وقت كبير ف مظهرك الخارجي وثقتك بنفسك كبيره لان المظهر مب كل شي بالنسبه لك؟

لا المظهر مهم جدا ، واقتنع باللي لابسته لكن ماضيع وقت كبير في الاهتمام لكن هذا مايمنع اني اخذ وقت طويل في التنسيق بين هذا وذاك
وشنو شعورك وموقفك لو حد علق على مظهرك وانتقده وقالك شكلك غلط او لابس غلط؟

ماقد صارت لي بهالحدة ، لكن خواتي وايد يقولونها واحنا نقولها وايد لبعض والقصد مثل ماوضحت شي مهب لابق على شي ، اذا احد غريب قالي بامسكه وباقوله لو سمحت شنهو الغلط فيني بالضبط واحاول اعرفه ، اذا اكتشفت انه الكلام استفزازي وغيرة وبس راح اطنشه ومايهمني شي

اشكرج ضوى على التوضيح وعلى طولت بالج
:victory:




موضوع مميز كتميز شخصك الكريم وانا من المتابعين لمواضيعك
اختي الفاضله ان الحديث على هذا الموضوع يطول شرحه وانني وبفضل من الله احرص كل الحرص على اللباس والذوق الذي ارضى عنه وصدقيني مب شرط البس ساعه ماركة معينه او جلكم الله حذاء قيمته الشي الفلاني لاوالله حتى لبس والساعه والغتره والعقال اللي البسهم بأقل الاسعار ومع هذا القى الناس تمدح في اللبس او طريقة اللبس بدون نقد منها او ذم المهم الواحد يطلع بلبس يرضي نفسه قبل لايرضي الاخرين وهذا بأعتقادي وصحيح يمكن ماقلت شي كثير لكن لي الشرف اني شاركت بموضوعك الراااقي كرقي شخصك
اخوج : وليف الشوق

اشكرك اخوي على اسلوبك الراقي وردك الطيب ولي الشرف انك اتابع مواضيعي :victory:
حمد كحل عينك :shy: وتعلم شلون ترد على مواضيعي

صدقت ياخوي اهم شي الواحد يرضي نفسه لان لو تحقق هالشي خلاص الواحد بيكون واثق من نفسه ومن لبسه وماراح يفكر بكلام ونظرات اللي حوله ..

وانا محور موضوعي عن الناس اللي تدقق ف تفاصيل لبسها قبل لاتلبس
هو شي طيب لكن لو الواحد دقق بزياده راح ينعكس على الشخص بطريقه سلبيه والوضع راح يتأزم وبيقعد كل دقيقه يبدل واخرتها مب راسيله على بر


بالنسبه لي الحمدلله ماعندي هالصفه
:secret:

[وحيد-الشوق]

وايد مهمه المظاهر والشكل واللبس في الدوحة للأسف يهتمون حق لبسك سيارتك كشختك فلوسك مثلا واذا انت قطري وراكب سيارة عادية مايحترمونك في الشارع عكس لما تركب فورويل او موتر رزه

وايد عندنا الانتقادات في الدوحة مايصير ليش تسوي جذي شعليكم مني هههههههههه

[sweet qatar]

ألبس وأبدل ألف مرة .. بس عشان اوصل للشي الي يرضيني

وكلام الناس طبعا مهم.. ولكن أهميته تقل كل ما كبرنا بالعمر

[Right]

اول شي هذا الاسلوب تحصله ف كثير من الجرايد والمجلات
هو اسلوب خداع بس لجذب القراء
يعني لو كاتبه هندامك الخارجي تتوقع هالعنوان يشد القارئ؟

بعدين انا اقصد يقولك شكلك غلط يعني ملابسك مب راكبه على بعض بسبت لون او لانه القطعه او القصه ماتناسبك
او يمكن لابس نعال الله يعزكم مع بدله والمفروض جوتي

فهمت؟

راجع اسلوبك اخوي





حلوة هذي ، أسلوب خداع لجذب القراء

ليش نجيب محفوظ إلي يكتب ؟!


مشكلة أسلوب الترقع ، ذكرتيني في أشغال !


فيه أسلوب أفضل منه وهو الإعتراف بالخطأ

لأن الإعتراف بالخطأ فضيلة

وعدم مهاجمة الآخرين بعدم الفهم



راجعي نفسك لتهذبينها وترشدينها ، الله يهديج بس

[المحاميه]

وايد مهمه المظاهر والشكل واللبس في الدوحة للأسف يهتمون حق لبسك سيارتك كشختك فلوسك مثلا واذا انت قطري وراكب سيارة عادية مايحترمونك في الشارع عكس لما تركب فورويل او موتر رزه

وايد عندنا الانتقادات في الدوحة مايصير ليش تسوي جذي شعليكم مني هههههههههه

صاج
شالحل؟

الحل الله يسلمك
ان كل واحد فينا لازم تكون عنده قناعه قويه ف داخله
ولازم يكون قوي شوي
يعني يسوي اللي يرضيه ومايدقق وايد ويتوكل على الله
واي نقد يواجهه يرد عليه بشكل يردع فيه الطرف الثاني ويبينله ان هذي حريه شخصيه

بس مشكلة المظاهر هذي ظاهره عويصه وماظنتي تندثر بين يوم وليله :secret:


ألبس وأبدل ألف مرة .. بس عشان اوصل للشي الي يرضيني

وكلام الناس طبعا مهم.. ولكن أهميته تقل كل ما كبرنا بالعمر

يعني عندج شي من هالمشكله؟ تحسين تضيعين وقت طويل ف الاختيار والتنسيق؟ وهالشي يضايقج ولا عادي؟

انا ماعندي هالمشكله الحمدلله وبالعكس يمكن احس اهمية الموضوع تزيد بالنسبه لي مع تقدم العمر :secret:

[حمد 2002]

فهل مظهرك الخارجي مهم عندك لدرجة الهوس ويخليك تحاتي كلام الناس ويأثر فثقتك بنفسك؟
مظهري الخارجي جدا مهم عندي ، لكن اكيد مب لدرجة الهوس ، والناس بتتكلم لو شنو مالبست وعابلت بنفسك لذلك كلامهم مايعنيني مع اني اعترف اني اتجنب هالانتقاد بالحفاظ المحترم على شكلي الخارجي

ام انك مقتنع باللي لابسه وماتضيع وقت كبير ف مظهرك الخارجي وثقتك بنفسك كبيره لان المظهر مب كل شي بالنسبه لك؟

لا المظهر مهم جدا ، واقتنع باللي لابسته لكن ماضيع وقت كبير في الاهتمام لكن هذا مايمنع اني اخذ وقت طويل في التنسيق بين هذا وذاك
وشنو شعورك وموقفك لو حد علق على مظهرك وانتقده وقالك شكلك غلط او لابس غلط؟

ماقد صارت لي بهالحدة ، لكن خواتي وايد يقولونها واحنا نقولها وايد لبعض والقصد مثل ماوضحت شي مهب لابق على شي ، اذا احد غريب قالي بامسكه وباقوله لو سمحت شنهو الغلط فيني بالضبط واحاول اعرفه ، اذا اكتشفت انه الكلام استفزازي وغيرة وبس راح اطنشه ومايهمني شي


:nono:
:nono:

لايجوز للمرأة أن تخرج من بيتها متزينة أو متطيبة، سواء كان خروجها للتسوق أو لزيارة قريباتها؛ لما في ذلك من الفتنة، وإنما تخرج في ثياب ساترة لا زينة فيها ولا طيب ‏.

[شبح الصمت]

يعطيج العافيه

لازم الواحد يكون مهتم في نفسه

الله منعم علي مب لازم اكوون واووو ..

اكون نظيف مرتب كاشخ لاجل الي حولي ما يتضايقون ..

اما قويه اجي اقول حق واحد شكلك غلط ..

ما اعرف اشلون تفكيره او اهو يمكن يطلع لجه مثل بوهباش الله منعم عليه بس قحي ..

الكشخه مطلوبه مش للعالم حق نفسي انا اهتم بنفسي اما العالم الي بيشوفوني ومهب عاجبه شيء راجع له ..


ان الله جميل يحب الجمال

[المحاميه]

حلوة هذي ، أسلوب خداع لجذب القراء

ليش نجيب محفوظ إلي يكتب ؟!


مشكلة أسلوب الترقع ، ذكرتيني في أشغال !


فيه أسلوب أفضل منه وهو الإعتراف بالخطأ

لأن الإعتراف بالخطأ فضيلة

وعدم مهاجمة الآخرين بعدم الفهم



راجعي نفسك لتهذبينها وترشدينها ، الله يهديج بس






اي خطأ يبه واي اعتراف
ارقع شنو؟

ياخوي انا كاتبه الموضوع وانا ابخص باللي ف بالي
حلوه ذي
ليكون دشيت ف راسي حضرتك ولا ف نيتي؟

وبعدين لو انت قاري الموضوع جان تأكدت من كلامي ومن قصدي

الله يهديك بس
تنطر الاشاره عشان تهاجم
واللي يكتفي بالعنوان ويرد ف هذي غلطته مش غلطتي

[حمد 2002]

يعطيج العافيه

لازم الواحد يكون مهتم في نفسه

الله منعم علي مب لازم اكوون واووو ..

اكون نظيف مرتب كاشخ لاجل الي حولي ما يتضايقون ..

اما قويه اجي اقول حق واحد شكلك غلط ..

ما اعرف اشلون تفكيره او اهو يمكن يطلع لجه مثل بوهباش الله منعم عليه بس قحي ..

الكشخه مطلوبه مش للعالم حق نفسي انا اهتم بنفسي اما العالم الي بيشوفوني ومهب عاجبه شيء راجع له ..


ان الله جميل يحب الجمال

طيب اخوي شبح اشرايك بتكشخ الحريم وخروجهم برع المنزل ؟

[شبح الصمت]

طيب اخوي شبح اشرايك بتكشخ الحريم وخروجهم برع المنزل ؟



الشرع والدين وضح موضوع التبرج والسفور ..

الباقي عليهم اهم اهي بيدها تثقل موازينها بالحسنات أو بالسيئات ..

[Right]

اي خطأ يبه واي اعتراف
ارقع شنو؟

ياخوي انا كاتبه الموضوع وانا ابخص باللي ف بالي
حلوه ذي
ليكون دشيت ف راسي حضرتك ولا ف نيتي؟

وبعدين لو انت قاري الموضوع جان تأكدت من كلامي ومن قصدي

الله يهديك بس
تنطر الاشاره عشان تهاجم
واللي يكتفي بالعنوان ويرد ف هذي غلطته مش غلطتي






ههههههههه ،، الله يهديج بس

[7llo]

اوه شكثر اسمعها من خواتي بس اطنشهم واقولهم مالكم شغل البس الي ابيه وحزات عشان استفزهم لما يروحون مكان عام البس زنوبه الله يكرمكم عشان ابط جبدهم وانرفززهم زياده ههههههههههههه ,

[شبح الصمت]

صج عندي سؤال ابي الاخوات يجابون واسمحوا لي يعني شيء قدامي ..

ولا تقولون لي ليش شفت ومدري ايش لمحة والله يسامحنا ..


البنات الحين هابين على الفلات او مدري شسمها النعال تكرمون مسطحه وتنقش على رجلها صوب

العرقوب او الجوزه فوقها مباشرة مثل النقشة وتمشي قدام الواحد وترفع العباية من صوب التاتو يعني شوفني تراني مسويه تاتو .. !!



صج صج ترى كل شيء يطلع من البنت فتنه ويفتح ويلفت النظر لا تستهينون باي شيء ..


يعني مب مشكلة سويها بس قدام بنات بس في مكان عام وتمشين قدام شباب اش تبين يصفقون لج والا يقولون


!!


الجواب عندكم

[عطر فرنسي]

صج عندي سؤال ابي الاخوات يجابون واسمحوا لي يعني شيء قدامي ..

ولا تقولون لي ليش شفت ومدري ايش لمحة والله يسامحنا ..


البنات الحين هابين على الفلات او مدري شسمها النعال تكرمون مسطحه وتنقش على رجلها صوب

العرقوب او الجوزه فوقها مباشرة مثل النقشة وتمشي قدام الواحد وترفع العباية من صوب التاتو يعني شوفني تراني مسويه تاتو .. !!



صج صج ترى كل شيء يطلع من البنت فتنه ويفتح ويلفت النظر لا تستهينون باي شيء ..


يعني مب مشكلة سويها بس قدام بنات بس في مكان عام وتمشين قدام شباب اش تبين يصفقون لج والا يقولون


!!


الجواب عندكم

يبون يقلدون الاجانب هم وين وهاذلو وين

[المحاميه]

:nono:
:nono:

لايجوز للمرأة أن تخرج من بيتها متزينة أو متطيبة، سواء كان خروجها للتسوق أو لزيارة قريباتها؛ لما في ذلك من الفتنة، وإنما تخرج في ثياب ساترة لا زينة فيها ولا طيب ‏.

المره بتلبس عباتها برا البيت
بس اقصد فاليمعات والحفلات والمناسبات
او فالدوام يمكن موديل العبايه او شكلها مب راكب او مب حلو



يعطيج العافيه

لازم الواحد يكون مهتم في نفسه

الله منعم علي مب لازم اكوون واووو ..

اكون نظيف مرتب كاشخ لاجل الي حولي ما يتضايقون ..

اما قويه اجي اقول حق واحد شكلك غلط ..

ما اعرف اشلون تفكيره او اهو يمكن يطلع لجه مثل بوهباش الله منعم عليه بس قحي ..

الكشخه مطلوبه مش للعالم حق نفسي انا اهتم بنفسي اما العالم الي بيشوفوني ومهب عاجبه شيء راجع له ..


ان الله جميل يحب الجمال

الله يعافيك
اشكرك على الاثراء
وكلامك عين العقل :victory:


طيب اخوي شبح اشرايك بتكشخ الحريم وخروجهم برع المنزل ؟

الحريم مايكشخون الا اذا فيه مناسبه او يمعت بنات :anger1: لاتخرب الموضوع

لكن اذا تقصد فئة خالف تعرف :secret: ف هي مش موضوع النقاش

[شبح الصمت]

يبون يقلدون الاجانب هم وين وهاذلو وين



لا يعني كمووون اشلون تقلدهم

هذه صج شكلها غلط حتى لو كانت مهب حاطه مكياج بس ناس تمشي وراها وتقعد ترفع العبايه ليش يبه ليش ..

يعني تبين ناخذ اثمج وتاخذين اثم نظرتنا ..

[sweet qatar]

يعني عندج شي من هالمشكله؟ تحسين تضيعين وقت طويل ف الاختيار والتنسيق؟ وهالشي يضايقج ولا عادي؟

انا ماعندي هالمشكله الحمدلله وبالعكس يمكن احس اهمية الموضوع تزيد بالنسبه لي مع تقدم العمر :secret:

اي طبعا عانيت من هالشي وايد

كنت اكنسل طلعات كثيرة لهالسبب

قولي الحمدلله وان شالله تمين طول عمرج جذي :o

[المحاميه]

ههههههههه ،، الله يهديج بس




مايضحك :anger1:




اوه شكثر اسمعها من خواتي بس اطنشهم واقولهم مالكم شغل البس الي ابيه وحزات عشان استفزهم لما يروحون مكان عام البس زنوبه الله يكرمكم عشان ابط جبدهم وانرفززهم زياده ههههههههههههه ,


هههههه اشكر فنك :discuss:






صج عندي سؤال ابي الاخوات يجابون واسمحوا لي يعني شيء قدامي ..

ولا تقولون لي ليش شفت ومدري ايش لمحة والله يسامحنا ..


البنات الحين هابين على الفلات او مدري شسمها النعال تكرمون مسطحه وتنقش على رجلها صوب

العرقوب او الجوزه فوقها مباشرة مثل النقشة وتمشي قدام الواحد وترفع العباية من صوب التاتو يعني شوفني تراني مسويه تاتو .. !!



صج صج ترى كل شيء يطلع من البنت فتنه ويفتح ويلفت النظر لا تستهينون باي شيء ..


يعني مب مشكلة سويها بس قدام بنات بس في مكان عام وتمشين قدام شباب اش تبين يصفقون لج والا يقولون


!!


الجواب عندكم


ههه ما شاء الله عليكم تقزون كل شي والله
وين شفتوا ريول خلق الله
مادري والله ليش يحطون
وبعد اشوف يحطون ف يدهم
هي موضه هابه والعالم هابه فيها
بس انا ماجربت هالتاتو للحين ولا ادري شسالفته :weeping:



يبون يقلدون الاجانب هم وين وهاذلو وين


ههههه السؤال منكم والجواب منكم ههه ما شاء الله عليكم
البنات مسببينلكم ازمه
وصح كلامك هم وين واحنا وين
لان احنا احسن واجمل منهم :o

[qatara]

اهم شي مافي تبرج ولبس غير محتشم
وعطر يشمه القاصي والداني

[المحاميه]

اي طبعا عانيت من هالشي وايد

كنت اكنسل طلعات كثيرة لهالسبب

قولي الحمدلله وان شالله تمين طول عمرج جذي :o


اوف لهالدرجه
والله كنت حاسه انه فيه ناس تعاني وجذي
لاني لاحظت على كمن حد هالسالفه

الله يعينج
والزين زين :victory:

[المحاميه]

اهم شي مافي تبرج ولبس غير محتشم
وعطر يشمه القاصي والداني

الموضوع يشمل الطرفين

رجال ونساء

وبالاخص الرجال

لان التعدل واللبس فطره وطبيعه ف المره لكن الريال ليش يهتم بطريقه مبالغه؟ يبي يلفت انتباه البنات يعني شوفوني انا ذويق ولا شنو؟

[المحاميه]

لا يعني كمووون اشلون تقلدهم

هذه صج شكلها غلط حتى لو كانت مهب حاطه مكياج بس ناس تمشي وراها وتقعد ترفع العبايه ليش يبه ليش ..

يعني تبين ناخذ اثمج وتاخذين اثم نظرتنا ..




البنيه متعنيه ومسويتلها تاتو
تبيها تخشه؟ :(

الا من وين ياخذونه :secret:

[شبح الصمت]

البنيه متعنيه ومسويتلها تاتو
تبيها تخشه؟ :(

الا من وين ياخذونه :secret:



لا لا صج مسكينه حرام مفروض اصلا تلبس عباية برمودا لاجل يكون واضح التاتو ..

[عطر فرنسي]

لا لا صج مسكينه حرام مفروض اصلا تلبس عباية برمودا لاجل تكون واضح التاتو ..


ههههههههههههههههههههههههههههههه

[المحاميه]

هههه

الله يستر عالجميع :secret:

[شبح الصمت]

صراحة اوقات لازم تنقال حق بعض الشباب شكلك غلط ..


مجلس فيه شيبان وداش عليهم بجنز والشعر سبيايكي ..

صراحة كلش منقود وعيب واصلا اهو لو يستحي ما دخل كذى ..


اهنيه نقوله شكلك غلط لانه في مكان غلط وكيفه عاد

[شبح الصمت]

هههه

الله يستر عالجميع :secret:



اللهم آمين

الخوف انه في يوم نشوف وحده ملصقه هالتاتو في وجهه بالفيت انها قطووووه

وتقول هذه نيو لووووك بنات مياووووو

[ضوى]

ايه بس فيه رياييل مايطلعون بالثوب دوم
ويخافون حد ينتقد لبسهم او ذوقهم سواء من ربعه او الناس حوله ويمكن عشان البنات :secret:


انزين اذا مثلا يعني ياضوى قالولج اللي لابسته مب حلو ولا مب راكب ولا شدخل ذي ف ذي
ولا حسيتهم يتكلمون من وراج او نظراتهم فيها شي حتى لو ناس ماتعرفينهم

هل هالشي بيخليج تراجعين نفسج وبيأثر ف نفسيتج؟

هل بتقولين ليش انا لبسي جذي وفلانه لبسها احسن مني الخ


الكلام حق ضوى والجميع

جاوبوا

:shy: تحقيق

اني اتأثر لا ، الحمد لله عندي قناعتي الشخصية بكل شي اسويه ومايهمني كلام الناس ، اللي بيتكلم بيتكلم في كل الاحوال ، ولو لاحظتي يتكلمون في الحلوة والشينة والمتوسطة يعني محد عاجبهم فليش اعور راسي مع هالاشكال ، في رب بيحاسبهم عالغيبه والبهتان بس اني انأثر نفسيا نو نو

[عطر فرنسي]

اللهم آمين

الخوف انه في يوم نشوف وحده ملصقه هالتاتو في وجهه بالفيت انها قطووووه

وتقول هذه نيو لووووك بنات مياووووو




:rolleyes2:

[دااانة قطر]

كنت متعقدة من صديقتي كلما تشوفني تقول والله انج معقدة ليش جذي عيشي حيااتج مب نقااب وعبااه وسيعه شكلج غلط في المجمعاات صرت ما اطلع معااها لأنها اوفر الله يهديها هي مفتشلة مني لأني متنقبة
ومرة من المراات وحدة من الأهل شاافت بنتي قاالت لها عبااتج حلوة بس لو تضوقينها شوي بتصير ارتب شكلج غلط جذي


صج عندي سؤال ابي الاخوات يجابون واسمحوا لي يعني شيء قدامي ..
ولا تقولون لي ليش شفت ومدري ايش لمحة والله يسامحنا ..
البنات الحين هابين على الفلات او مدري شسمها النعال تكرمون مسطحه وتنقش على رجلها صوب
العرقوب او الجوزه فوقها مباشرة مثل النقشة وتمشي قدام الواحد وترفع العباية من صوب التاتو يعني شوفني تراني مسويه تاتو .. !!
صج صج ترى كل شيء يطلع من البنت فتنه ويفتح ويلفت النظر لا تستهينون باي شيء ..
يعني مب مشكلة سويها بس قدام بنات بس في مكان عام وتمشين قدام شباب اش تبين يصفقون لج والا يقولون
!!
الجواب عندكم

هني الغلط لانها اختاارت مكاان عاام ولبست فيه هالشغلااات
فعلا لاااحظت المجمعاات صاارت مكاان للعرض والتجمهر
الله يهدي الجميع

[المحاميه]

اني اتأثر لا ، الحمد لله عندي قناعتي الشخصية بكل شي اسويه ومايهمني كلام الناس ، اللي بيتكلم بيتكلم في كل الاحوال ، ولو لاحظتي يتكلمون في الحلوة والشينة والمتوسطة يعني محد عاجبهم فليش اعور راسي مع هالاشكال ، في رب بيحاسبهم عالغيبه والبهتان بس اني انأثر نفسيا نو نو

صدقتي الناس بتكلم ف كل الاحوال

انتي كدا :nice:


صراحة اوقات لازم تنقال حق بعض الشباب شكلك غلط ..


مجلس فيه شيبان وداش عليهم بجنز والشعر سبيايكي ..

صراحة كلش منقود وعيب واصلا اهو لو يستحي ما دخل كذى ..


اهنيه نقوله شكلك غلط لانه في مكان غلط وكيفه عاد


مافي سنع

[المحاميه]

كنت متعقدة من صديقتي كلما تشوفني تقول والله انج معقدة ليش جذي عيشي حيااتج مب نقااب وعبااه وسيعه شكلج غلط في المجمعاات صرت ما اطلع معااها لأنها اوفر الله يهديها هي مفتشلة مني لأني متنقبة
ومرة من المراات وحدة من الأهل شاافت بنتي قاالت لها عبااتج حلوة بس لو تضوقينها شوي بتصير ارتب شكلج غلط جذي



هني الغلط لانها اختاارت مكاان عاام ولبست فيه هالشغلااات
فعلا لاااحظت المجمعاات صاارت مكاان للعرض والتجمهر
الله يهدي الجميع


ارفض الناس اللي اتدخل ف شؤون الغير
خصوصا لو وحده متستره
او ماتمكيج
اشدخلكم فيها؟
كيفها
يعني الحين هي الغلط وانتو الصح
الله اكبر
بس الواحد شيقول

الله يعينج ويصبرج

[شبح الصمت]

اختي المحامية مافي شيء اسم ارفض التدخل في شؤون الغير ..

في شيء اسمه النصيحة بالمعروف ما احرجه قدام العالم

امسكه امسكها على جمب يا فلان ترى الملابس هذه غلط مهب مكانها ..

[المحاميه]

اختي المحامية مافي شيء اسم ارفض التدخل في شؤون الغير ..

في شيء اسمه النصيحة بالمعروف ما احرجه قدام العالم

امسكه امسكها على جمب يا فلان ترى الملابس هذه غلط مهب مكانها ..



افهم كلامي عدل
هي تقول اللي معاها تقولها غيري طريقتج فالعبايه والنقاب
تبيها تتبرج يعني
فقلتلها غلط تدخل ف شؤون الغير خصوصا لو متستره

افهم كلامي قبل ماتعلق رجاءً

[qatara]

الموضوع يشمل الطرفين

رجال ونساء

وبالاخص الرجاللان التعدل واللبس فطره وطبيعه ف المره لكن الريال ليش يهتم بطريقه مبالغه؟ يبي يلفت انتباه البنات يعني شوفوني انا ذويق ولا شنو؟

لايبه العكس صحيح الاهم النساء في مثل هذه الحالات

شكل مدارسنا ماعد فيها تدريس شرعي

مهب على كيفج المراه مثل الرجل من يقول

فا دين الله واضح الا كان طلعتو لنا بدين جديد شي اخر ولا يمكن
في قانون جديد يغلي الشرع ونمشي عليه ؟ يا ست محاميه

فالمره المتعطره الخارجه ويشم عطرها تعتبر زانيه

فكيف الرجل مثل المراه ؟

[دااانة قطر]

ارفض الناس اللي اتدخل ف شؤون الغير
خصوصا لو وحده متستره
او ماتمكيج
اشدخلكم فيها؟
كيفها
يعني الحين هي الغلط وانتو الصح
الله اكبر
بس الواحد شيقول

الله يعينج ويصبرج


اي نعم
يعني لو شاايفة علي غلط وبتنصحني اوكي بتقبل بدون زعل
اما بتقول لي وسعي العباااية مدري قصريها مب بكيف احد
بعدين هذا مب معنااته اني ماكشخ لكن الكشخة لها مكاان
والطلعة للتسوق وللمجمعات والمستشفى لها ستاايل عادي

الله يعينا اجمعين
تسلمي عالرد

[المحاميه]

لايبه العكس صحيح الاهم النساء في مثل هذه الحالات

شكل مدارسنا ماعد فيها تدريس شرعي

مهب على كيفج المراه مثل الرجل من يقول

فا دين الله واضح الا كان طلعتو لنا بدين جديد شي اخر

فالمره المتعطره الخارجه ويشم عطرها تعتبر زانيه

فكيف الرجل مثل المراه ؟


اخوي كلامي وقصدي ف صوب وكلامك وقصدك ف صوب

مب منك
انا ادري
كله من حمد

:(

[المحاميه]

اي نعم
يعني لو شاايفة علي غلط وبتنصحني اوكي بتقبل بدون زعل
اما بتقول لي وسعي العباااية مدري قصريها مب بكيف احد
بعدين هذا مب معنااته اني ماكشخ لكن الكشخة لها مكاان
والطلعة للتسوق وللمجمعات والمستشفى لها ستاايل عادي

الله يعينا اجمعين
تسلمي عالرد

ايوه هاللي قصدته
وكلامج صحيح

شبح هالرد لك

[شبح الصمت]

افهم كلامي عدل
هي تقول اللي معاها تقولها غيري طريقتج فالعبايه والنقاب
تبيها تتبرج يعني
فقلتلها غلط تدخل ف شؤون الغير خصوصا لو متستره

افهم كلامي قبل ماتعلق رجاءً


وانا قلت لج انه التدخل في شيء فيه خير للشخص بلبسه الخطأ مب اخليه يلبس ليش شي منقود غلط او شيء فاضح


وكذلك الاخوات تبي تنصحينها انصيحها على الستر مب على التفصخ ..


فاهمك صدقيني بس انتي لو ما تولعين بسرررعه احس يبي لج مكيف فوق راسج ..

[دااانة قطر]

اختي المحامية مافي شيء اسم ارفض التدخل في شؤون الغير ..
في شيء اسمه النصيحة بالمعروف ما احرجه قدام العالم
امسكه امسكها على جمب يا فلان ترى الملابس هذه غلط مهب مكانها ..



معليش اخوي شبح هي ردها وااضح يعني لو اي احد شااف الغلط فمن باااب الامر بالمعروف والنهي عن المنكر اني انصح
لكن لما اشوف وحدة ملتزمه واقول لها مدري ليش حاكرة عمرج بالنقااب ولا العباية الوااسعه هذي مب نصيحة وانا اختك
ذكرتني بزميلتي تشتكي من اهلها يعايرون بنااتها لأنهم البسوا العبااية في سن مبكرة وبدال مايفرحون لهم قاالوا ليش اشكالكم جذي جنكم افارقة تقول تضايقوا بناتها حتى خاالهم ضحك عليهم قاام الزوج منعهم من زياارة اهلها

[qatara]

اخوي كلامي وقصدي ف صوب وكلامك وقصدك ف صوب

مب منك
انا ادري
كله من حمد

:(

لاتلزقينها بحمد

معليه خذيني على قد عقلي مخي صغير وناقص و متحجر ومن زمن
الجاهليه كما وصفني بعض الاخوات المتطورات
التين سبقنا حتى التطور نفسه وصنعنا المكوك
وقولي
لي وضحي لي مافيها شي جئنا لنفيد ونستفيد
والكمال لله

[شبح الصمت]

معليش اخوي شبح هي ردها وااضح يعني لو اي احد شااف الغلط فمن باااب الامر بالمعروف والنهي عن المنكر اني انصح
لكن لما اشوف وحدة ملتزمه واقول لها مدري ليش حاكرة عمرج بالنقااب ولا العباية الوااسعه هذي مب نصيحة وانا اختك
ذكرتني بزميلتي تشتكي من اهلها يعايرون بنااتها لأنهم البسوا العبااية في سن مبكرة وبدال مايفرحون لهم قاالوا ليش اشكالكم جذي جنكم افارقة تقول تضايقوا بناتها حتى خاالهم ضحك عليهم قاام الزوج منعهم من زياارة اهلها



اشفيكم تراني فاهم السالفة ..


وشوفي ردي فوق اختي ..

[بومحمد المطاوعه]

بارك الله فيج ع الموضوع

بس لاكن شدني شي يعني





ونهتم بقص الاظافر وتسريح الشعر والتطيب



التطيب ماحددتي للنساء ام للرجال

وان كانت للنساء

نسيتي ان التطيب والعطر يفتن المرأه .؟


قال: قال رسول الله صلى الله عليه وسلم: أيما امرأة استعطرت فمرت على قوم ليجدوا من ريحها فهي زانية.

-وعن زينب الثقفية أن النبي صلى الله عليه وسلم قال: إذا خرجت إحداكن إلى المسجد فلا تقربنّ طيبا . أخرجهما النسائي.

وعن أبي هريرة قال: قال رسول الله صلى الله عليه وسلم: أيما امرأة أصابت بخورا فلا تشهد معنا العشاء الآخرة. رواه مسلم.


هذي كلها ادله على عدم جواز تطيب المرأه للخارج

بارك الله فيج

[عطر فرنسي]

اشفيكم تراني فاهم السالفة ..


وشوفي ردي فوق اختي ..

:rolleyes2:اخوي شبح حط رجلك وتراني مجهز لك بندول

[المحاميه]

دانة قطر عندج اياه استلميه وردي بدالي


كتارا ان شاء الله باوضحلك
والسموحه منك اخوي لاتفهمني غلط
وانا ماقلت انك متحجر ولا غيره محشوووم
بس يمكن انت متعصب شوي لآرائك لا اكثر ولا اقل
:)

[شبح الصمت]

:rolleyes2:اخوي شبح حط رجلك وتراني مجهز لك بندول


تهقى ياخوي راسي بيعورني ..


مب مشكلة مقاومه حتى آخر رمق .




دانة قطر عندج اياه استلميه وردي بدالي


كتارا ان شاء الله باوضحلك
والسموحه منك اخوي لاتفهمني غلط
وانا ماقلت انك متحجر ولا غيره محشوووم
بس يمكن انت متعصب شوي لآرائك لا اكثر ولا اقل
:)






هههههههههاي

يعني سلمتيها السيف اوكي

[دااانة قطر]

اشفيكم تراني فاهم السالفة ..

وشوفي ردي فوق اختي ..

اي شفته تسلم


دانة قطر عندج اياه استلميه وردي بدالي

:)

يقول فااهم الساالفة خلااص اعفاااء

[شبح الصمت]

اي شفته تسلم



يقول فااهم الساالفة خلااص اعفاااء



اشكرج اختي الدانه ..


يعني اعفاء والا انسحاب

[مشاكل]

مايقولها الا سفيه

[المحاميه]

كتارا نستلم ردودك ..



اهم شي مافي تبرج ولبس غير محتشم
وعطر يشمه القاصي والداني

ف أول رد لك تقول مافي تبرج ولبس غير محتشم وعطر
يعني تقصد المره بكلامك
لان كلامك واضح ومباشر

وانا الله يبارك فيك متكلمه ف موضوعي عن الطرفين المره والريال
واصلا مب قصدي تبرج ولا عطر
قصدي ان هل انتو توقفون ساعه قدام المنظره تختارون اللبس الفلاني وكل شوي تغيرون لان مب مقتنعين ف شكل اللبس وخايفين من كلام الناس؟
يعني ربعك اللي بتطلع معاهم ممكن يعلقون على لبسك بطريقه مب حلوه او يمكن حد من الناس اللي ماتعرفها يطالعك بنظره ان ش هاللبس
ف تقعد تراجع نفسك ولبسك
وتسال نفسك هذا ولا هذا
ووو الخ

وقلت انا ان المره الزينه والاهتمام بزياده ف اللبس من طبعها وهو شي طبيعي ف المره غير عن الرجال
لكن لما تشوف رجال بالغ ف الاهتمام بزياده وهالطبع مب له اهني نستفسر عن السبب
هل هو مهتم لان الثقه معدومه
او لانه يبي يلفت انتباه البنات برا
ولا ايش بالضبط

اتمنى فهمت قصدي...



لايبه العكس صحيح الاهم النساء في مثل هذه الحالات

شكل مدارسنا ماعد فيها تدريس شرعي

مهب على كيفج المراه مثل الرجل من يقول

فا دين الله واضح الا كان طلعتو لنا بدين جديد شي اخر ولا يمكن
في قانون جديد يغلي الشرع ونمشي عليه ؟ يا ست محاميه

فالمره المتعطره الخارجه ويشم عطرها تعتبر زانيه

فكيف الرجل مثل المراه ؟

اول شي هدي
ثاني شي توضيحي فوق
ثالث شي انت متطرق لمواضيع خارج موضوعي الاساسي عشان جذي ماراح ارد ف نقاط خارج موضوعي مابي اتناقش فيها ولانها واضحه يعني المسأله مب حاجه لرايي
رابع شي انت رجعت وعدلت على كلامك واضفت اضافات جديده
مادري ليش كل هالعصبيه!




لاتلزقينها بحمد

معليه خذيني على قد عقلي مخي صغير وناقص و متحجر ومن زمن
الجاهليه كما وصفني بعض الاخوات المتطورات
التين سبقنا حتى التطور نفسه وصنعنا المكوك
وقولي
لي وضحي لي مافيها شي جئنا لنفيد ونستفيد
والكمال لله

ارد واقولك محشوم
وهذاني وضحتلك
وبالعكس ردودك ومشاركاتك قيمه وكنت انطر مشاركتك بصراحه
واحب اتناقش معاك

والسموحه منك يبه

[بومحمد المطاوعه]

بارك الله فيج ع الموضوع

بس لاكن شدني شي يعني


اقتباس المشاركة الأصلية كتبت بواسطة المحاميه مشاهدة المشاركة

ونهتم بقص الاظافر وتسريح الشعر والتطيب


التطيب ماحددتي للنساء ام للرجال

وان كانت للنساء

نسيتي ان التطيب والعطر يفتن المرأه .؟


قال: قال رسول الله صلى الله عليه وسلم: أيما امرأة استعطرت فمرت على قوم ليجدوا من ريحها فهي زانية.

-وعن زينب الثقفية أن النبي صلى الله عليه وسلم قال: إذا خرجت إحداكن إلى المسجد فلا تقربنّ طيبا . أخرجهما النسائي.

وعن أبي هريرة قال: قال رسول الله صلى الله عليه وسلم: أيما امرأة أصابت بخورا فلا تشهد معنا العشاء الآخرة. رواه مسلم.


هذي كلها ادله على عدم جواز تطيب المرأه للخارج

بارك الله فيج

[شبح الصمت]

اخبر مره واحد من الشباب احرج واحد قدامنا صراحة ذاك زعل الرجال قاله كاش ياخي تبي شيء بيني وبينك ومن ذاك اليوم وحساسيه ضاربتهم مفروض اذا في خاطري شي اجي اخذه على جمب مب كلن يتقبل نقدي ..

[بومحمد المطاوعه]

بارك الله فيج ع الموضوع

بس لاكن شدني شي يعني


اقتباس المشاركة الأصلية كتبت بواسطة المحاميه مشاهدة المشاركة

ونهتم بقص الاظافر وتسريح الشعر والتطيب


التطيب ماحددتي للنساء ام للرجال

وان كانت للنساء

نسيتي ان التطيب والعطر يفتن المرأه .؟


قال: قال رسول الله صلى الله عليه وسلم: أيما امرأة استعطرت فمرت على قوم ليجدوا من ريحها فهي زانية.

-وعن زينب الثقفية أن النبي صلى الله عليه وسلم قال: إذا خرجت إحداكن إلى المسجد فلا تقربنّ طيبا . أخرجهما النسائي.

وعن أبي هريرة قال: قال رسول الله صلى الله عليه وسلم: أيما امرأة أصابت بخورا فلا تشهد معنا العشاء الآخرة. رواه مسلم.


هذي كلها ادله على عدم جواز تطيب المرأه للخارج

بارك الله فيج

[المحاميه]

كتارا نستلم ردودك ..





المشاركة الأصلية كتبت بواسطة qatara
اهم شي مافي تبرج ولبس غير محتشم
وعطر يشمه القاصي والداني

ف أول رد لك تقول مافي تبرج ولبس غير محتشم وعطر
يعني تقصد المره بكلامك
لان كلامك واضح ومباشر

وانا الله يبارك فيك متكلمه ف موضوعي عن الطرفين المره والريال
واصلا مب قصدي تبرج ولا عطر
قصدي ان هل انتو توقفون ساعه قدام المنظره تختارون اللبس الفلاني وكل شوي تغيرون لان مب مقتنعين ف شكل اللبس وخايفين من كلام الناس؟
يعني ربعك اللي بتطلع معاهم ممكن يعلقون على لبسك بطريقه مب حلوه او يمكن حد من الناس اللي ماتعرفها يطالعك بنظره ان ش هاللبس
ف تقعد تراجع نفسك ولبسك
وتسال نفسك هذا ولا هذا
ووو الخ

وقلت انا ان المره الزينه والاهتمام بزياده ف اللبس من طبعها وهو شي طبيعي ف المره غير عن الرجال
لكن لما تشوف رجال بالغ ف الاهتمام بزياده وهالطبع مب له اهني نستفسر عن السبب
هل هو مهتم لان الثقه معدومه
او لانه يبي يلفت انتباه البنات برا
ولا ايش بالضبط

اتمنى فهمت قصدي...




المشاركة الأصلية كتبت بواسطة qatara
لايبه العكس صحيح الاهم النساء في مثل هذه الحالات

شكل مدارسنا ماعد فيها تدريس شرعي

مهب على كيفج المراه مثل الرجل من يقول

فا دين الله واضح الا كان طلعتو لنا بدين جديد شي اخر ولا يمكن
في قانون جديد يغلي الشرع ونمشي عليه ؟ يا ست محاميه

فالمره المتعطره الخارجه ويشم عطرها تعتبر زانيه

فكيف الرجل مثل المراه ؟


اول شي هدي
ثاني شي توضيحي فوق
ثالث شي انت متطرق لمواضيع خارج موضوعي الاساسي عشان جذي ماراح ارد ف نقاط خارج موضوعي مابي اتناقش فيها ولانها واضحه يعني المسأله مب حاجه لرايي
رابع شي انت رجعت وعدلت على كلامك واضفت اضافات جديده
مادري ليش كل هالعصبيه!





المشاركة الأصلية كتبت بواسطة qatara
لاتلزقينها بحمد

معليه خذيني على قد عقلي مخي صغير وناقص و متحجر ومن زمن
الجاهليه كما وصفني بعض الاخوات المتطورات
التين سبقنا حتى التطور نفسه وصنعنا المكوك
وقولي
لي وضحي لي مافيها شي جئنا لنفيد ونستفيد
والكمال لله

ارد واقولك محشوم
وهذاني وضحتلك
وبالعكس ردودك ومشاركاتك قيمه وكنت انطر مشاركتك بصراحه
واحب اتناقش معاك

والسموحه منك يبه

[بومحمد المطاوعه]

بومحمد :anger1:

مره ثانيه بانتقي اللفاظي بعنايه تامه
نسيت ان المجاز والاستعار اهني ممنوعه لانها تفهم بطريقه خاطئه

التطيب
يعني الواحد يتطيب
شامله السبوح قص الشعر الاظافر تسريح الشعر
ان يكون طيب الهندام
يعني ملابسه نظيفه - يهتم بنظافته الشخصيه - مايكون شعره اشعث ومنظره مقزز وريحته مقرفه الخ

اوصلت؟

للحين ماوصلت فالزحمه شايره :rolleyes2:

[بومحمد المطاوعه]

لااله الاالله محمد رسول الله

خلاص ياجماعه اقعدو على قلبها بس خلنا نستفيد من الموضوع


ان شاءالله ياخوي

مافي استفاده هههه صدقني
مايبيلها عقل الموضوع

بس من الملل قامو يناقشون

[عطر فرنسي]

ان شاءالله ياخوي

مافي استفاده هههه صدقني
مايبيلها عقل الموضوع

بس من الملل قامو يناقشون

عاد بومحمد مش مش خلنا نستفيد :rolleyes2:

[المحاميه]

لااله الاالله محمد رسول الله


اختي اهي جذي تسوي فينا لو نزلنا موضوع

خلنا نقعد على قلبها


متى سويت
هذا افترااااااااااااااااااااااااااء
متى خربت وسولفت؟
متى متى

صج ابي اعرف متى؟




انزين سؤال يالمحامية انتي ولا مره وحده احرجتك من خلال حياتك اليوميه ..

شبح يوز عني

لا محد احرجني
ولا علق على لبسي او عباتي ولا مره

يا يمدحون او مافي تعليق

وانا ماحب اقعد افكر وايد ولا اتاخر بسبت اللبس
هو الهندام امر مهم بس مب لدرجه انه يعفس حياتي ويعطلني

ماشوف ان المظهر الخارجي مرتبط رابطه قويه بالثقه بالنفس
يعني مب شرط اني اكون بيرفكت من برا عشان اكون واثقه

وساعات اوجه النقد لنفسي
اقول مثلا هاللبس مب حلو شلون اخترته :rolleyes2:
يمكن لان العين اذا تعودت تشوف شي تعافه

[بومحمد المطاوعه]

عاد بومحمد مش مش خلنا نستفيد :rolleyes2:

انزييين ههههههههه

اترخص بروح اصلي ابرك لي ياريال

استغفرالله واتوب اليه

[العلياا]

اللي عنده مشكلة مع عضو يحلها مب في موضوع عااام

ترى عيب اللي قاعد يصير ترى سوالف المناااحس سوالف يهال :)

[ضوى]

لا حول ولا قوة الا بالله

صلوا عالنبي شهالسالفة اللي مالها معنى ، كل واحد يرد هالثاني مداحر وعناد عاد ليش ، المحامية هدي شوي ، ديري موضوعج بفن وخلي الغلط عليهم ، بردودج عليهم ماعرفنا منهو الصح ومنهو الغلط

[عطر فرنسي]

متى سويت
هذا افترااااااااااااااااااااااااااء
متى خربت وسولفت؟
متى متى

صج ابي اعرف متى؟





شبح يوز عني

لا محد احرجني
ولا علق على لبسي او عباتي ولا مره

يا يمدحون او مافي تعليق

وانا ماحب اقعد افكر وايد ولا اتاخر بسبت اللبس
هو الهندام امر مهم بس مب لدرجه انه يعفس حياتي ويعطلني

ماشوف ان المظهر الخارجي مرتبط رابطه قويه بالثقه بالنفس
يعني مب شرط اني اكون بيرفكت من برا عشان اكون واثقه

وساعات اوجه النقد لنفسي
اقول مثلا هاللبس مب حلو شلون اخترته :rolleyes2:
يمكن لان العين اذا تعودت تشوف شي تعافه

هذا شي جيد احييك لانك تلبسي شي يهمك قبل لايهم الناس وهذا شي حلو الثقه بالنفس :victory:

[بومحمد المطاوعه]

متى سويت
هذا افترااااااااااااااااااااااااااء
متى خربت وسولفت؟
متى متى

صج ابي اعرف متى؟






قاعده تغنين ولا شنو

متى ومتى ومتى

[Right]

أتمنى أن تتبعي أسلوب إحترام " الرأي والرأي الآخر "


وليس كل رأي مخالف لرأيك هو ضدك وتحاربيه أنه عدو !!

[قطري2022]

السلام عليكم

كلنا نهتم بشكلنا الخارجي
فتحصلنا نختار ملابسنا بعنايه تامه
ونهتم بقص الاظافر وتسريح الشعر والتطيب

لكن
فيه ناس تحصلها توقف ساعه قدام المنظره قبل الطلعه
ويلبسون ويبدلون الف مره لانهم يبون يتجنبون اي انتقاد سلبي من القريب والبعيد

ومثل ماتعرفون الهندام مرتبط بالثقه بالنفس

فهل مظهرك الخارجي مهم عندك لدرجة الهوس ويخليك تحاتي كلام الناس ويأثر فثقتك بنفسك؟
ام انك مقتنع باللي لابسه وماتضيع وقت كبير ف مظهرك الخارجي وثقتك بنفسك كبيره لان المظهر مب كل شي بالنسبه لك؟
وشنو شعورك وموقفك لو حد علق على مظهرك وانتقده وقالك شكلك غلط او لابس غلط؟

حياكم الله

عيب ان تنقال هالكلمة ، لكن المفروض ان يتم تنبيه الشخص الي لبسه غير لائق ، لكن بطريقة مهذبة و سلسلة خالية من التجريح و الاحراج ، ومن غير اعلان و تشهير ، و لكن بينهم هم الاثنين فقط ، و بالنسبة لي نعم لازم ما يكون في شكلي او لبسي شي غلط .