الحضور و الانصراف بالبصمة في قطر للبترول

[أسد الجزيرة]

القرار على موقع قطر للبترول الرسمي

هارد لك للمتسيبين:secret:

[moonبنتnight]

للبصمة مرض بطيء ..

[النهار]

للبصمة مرض بطيء ..

كلام فاضي لامرض ولاهم يحزنون
الذبذبات الخارجه من الجوال اكثر خطوره من جهاز البصمه
الضغط على ازرة الجوال اكثر خطوره من جهاز البصمه

[مشاكل]

احسن شي

واتمنى طلب تقرير لكل موظف بالانجاز اليومي او ع الاقل الاسبوعي

اكره المتسيبين ،، لو بيدي فنشتهم

[ريتويت]

شسالفه

[أسد الجزيرة]

اتوقع الخصم بيكون مباشر من الراتب و يحسب بالدقيقة

[Super Cool]

شي طيب

بس أتوقع لو ما طبقوا معاه نظام Flexi-Hours بيموتون من الزحمة....قطر للبترول نقدر نقول عنها أكبر شركة في
قطر من حيث عدد الموظفين موزعين على عدة مواقع و أبراج و و و...ما أتخيل برج كامل يوصلون في نفس الوقت بالدقيقة
و الثانية و أكيد بيكون في طابور على جهاز البصمة...أعتقد بيكون لها فائدة في تنظيم الوضع

للي ما يعرف شنو الـ Flexi-Hours هو نظام عالمي تعمل به كثير من الشركات بحيث تثبت ساعات عمل معينة تسمى
Core Hours يكون فيها الكل حاظر و تحدث خلالها كل الإجتماعات (مثلاً من الثامنة صباحاً حتى الواحدة بعد الظهر أو
شيء من هذا القبيل) و يتبقى للموظف عدد معين من الساعات متغيرة بمعنى يا إما يحظر بدري و يمشي مع نهاية الـCore
أو يحظر من بداية ساعات الـ Core و يكمل ساعاته بعد نهايتها أو بعد الظهر يعني

[Khaled Qatar]

ممكن الخبر ؟

[مرتبش]

هذا التوجه في كل ادارات الدولة مثل مايبين

[moonبنتnight]

كلام فاضي لامرض ولاهم يحزنون
الذبذبات الخارجه من الجوال اكثر خطوره من جهاز البصمه
الضغط على ازرة الجوال اكثر خطوره من جهاز البصمه

كلامك يأكد أنها فيها ذبذبات لكن أقل خطورة لان تعرض لها في اليوم مرتين بس على عكس الجوال ..
في تقرير طبية تمنع الحامل من أستخدامها .. وهي تنقل الامراض عن طريق لمس .. وكل الادارات لي تستخدم جهاز البصمة لا يتم تعقيم جهاز بعد كل أستخدامه على الاقل مرة في اليوم ..

[R 7 A L]

أتمنى ان يطبق القرار على الجميع حتى كبار الموظفين

صراحة كبار الموظفين هم اكثر المتسيبين
لعنبو كل يوم اجتماع ؟

[بوخالد911]

خطوة ممتازة

واللي ملتزم بالدوام ما يخاف

ولكن المتسيب هو اللي صوته بيكون نشاز وبيعترض

يالمتسيب حلل راتبك
حللللللللللللللك بطنك

:)

[العلياا]

بالمبارك والفال للباقي : )

[Super Cool]

كلامك يأكد أنها فيها ذبذبات لكن أقل خطورة لان تعرض لها في اليوم مرتين بس على عكس الجوال ..
في تقرير طبية تمنع الحامل من أستخدامها .. وهي تنقل الامراض عن طريق لمس .. وكل الادارات لي تستخدم جهاز البصمة لا يتم تعقيم جهاز بعد كل أستخدامه على الاقل مرة في اليوم ..

خطأ
,
,
,
الجهاز مثل كاميرا التصوير بالضبط...حالها من حال أي كاميرا تشتريها أو حتى الكاميرا اللي فالجوال

اللون الأحمر مجرد مصباح أحمر من أجل توضيح صورة البصمة فقط لا غير و الجهاز لا يتدعى كونه "كاميرا"

و كل اللي يصير هو أن الجهاز يقارن "صورة" بصمتك المخزنة بـ"صورة" بصمتك عند الحظور

للأسف إحنى شعب كلمة تودينا و كلمة تجيبنا و يقصون علينا بكلمتين من الواتس آب و نصدق

[شيخ الديرة]

خطأ
,
,
,
الجهاز مثل كاميرا التصوير بالضبط...حالها من حال أي كاميرا تشتريها أو حتى الكاميرا اللي فالجوال

اللون الأحمر مجرد مصباح أحمر من أجل توضيح صورة البصمة فقط لا غير و الجهاز لا يتدعى كونه "كاميرا"

و كل اللي يصير هو أن الجهاز يقارن "صورة" بصمتك المخزنة بـ"صورة" بصمتك عند الحظور

للأسف إحنى شعب كلمة تودينا و كلمة تجيبنا و يقصون علينا بكلمتين من الواتس آب و نصدق

خلليك كووول مثل أسمك, اللي يشكك في جهاز البصمة يقصد أنه ما يريد يلتزم بالدوام وأوقاته

[Super Cool]

خلليك كووول مثل أسمك, اللي يشكك في جهاز البصمة يقصد أنه ما يريد يلتزم بالدوام وأوقاته

صدقني بتلاقي ان نسبة المعترضين على التطبيق بتكون قليلة جداً جداً جداً لأن موظفي قطر للبترول و الشركات الصناعية بشكل عام أكثر جدية من هيئات و مؤسسات الدولة و الوزارات و ما شابه و مافي مجال انك تتسيب أو تتأخر أو تشرد لأن الشغل يتراكم بسرعة كبيرة...لو يغيبون يوم واحد بس و بعذر طبي بعد يرجعون يلاقون 100 إيميل ناطر ردهم...أي تأخير يأثر على فريق العمل بالكامل...بل أن بعض المناصب تتعلق بالسلامة و اي إهمال فيها قد يأثر على حياة الغير

[أم علي 2010]

خطوة ممتازه ،، وقريت في السيركولر راح يكون مرتبط بالاج ار ،، مب الفايننس

وراح يتم التفعيل في الربع الثاني من السنة

بس تمنيت لو يكون في المبنى الجديد لان الكنترول بيكون دقيق اكثر ،، واللي يشتغل في قطر للبترول يعرف

اوقات تطلع كورس اسبوع واحيانا اجتماع الصبح وعقبها ترجع المكتب او العكس اجتماع اخر الدوام وهكذا غير اللي عندهم لا مانع من الدراسه الجزئية مثلا يومين غياب

شلون راح يسوون كنترول اذا انت راح تتنقل من مبنى لين مبنى ،، سهالات البعض بيجي يبصم و بيطلع ،، ماسوينا شي ترى

عكس لما تكون في في مبنى واحد يضم كل الدوائر

و صاج اخوي رحال ،، شنو هالاجتماع اللي مايخلص ههههه هم يجون ظ© ما في مشاكل انت تعال ظ§ ونص ولا ظ§ اعفسوك و طرش المدير انترنال نوت

عمومااحنا مديرنا مطبق نظام التوقيع

[همر]

احد مساوئ التقطير الناعم للاسف..

[جرير]

اتوقع ((( نزوح ))) اعداد من الموظفين والبحث عن وظائف اخرى


قله درجات او انعدام درجات + نظام بصمه + محاربه تقطير او عدم تقبل فكره التقطير لبعض المسؤلين = هروب من قطر للبترول

[أم علي 2010]

احد مساوئ التقطير الناعم للاسف..



أشدخل التقطير الناعم في الموضوع

اسألوا عن القصة اللي سببت الموضوع وبتعرفون

[مرتبش]

أشدخل التقطير الناعم في الموضوع

اسألوا عن القصة اللي سببت الموضوع وبتعرفون

؟ ايش القصة

[نيساني]

والله خبر يسر


وشكراً لكل من ساهم في الحد من اللا مبالاه في العمل

وشكراً

[أم علي 2010]

؟ ايش القصة

اللي شغال في كيوبي بيعرف

المشكلة بشكل عام محد يقدر يسوي tracking على موظفينه

اللي يأخذ أجازه ويشبك معاه يوم و اللي إجازته تبتدئ الأسبوع الجاي وهو من الخميس مأجز

وانا اقصد سواء موظفيين او موظفات

ناس استغلت الوضع بشكل سيء


وانا أطالب بتطبيق الساعات المرنة

[رهج السنابك]

معقوله توها كيو بي تطبق؟!

انزين ماكان في كروت؟؟

عيل شلون يتابعون حضور الموظفين! عيل كنتو في تسيب



سوبر كول
شنو هو الفلكسي اورز؟؟؟ يعني باقي الساعات هارج الكور اورز مب محسوبه ان طلع بدري!

[النهار]

كلامك يأكد أنها فيها ذبذبات لكن أقل خطورة لان تعرض لها في اليوم مرتين بس على عكس الجوال ..
في تقرير طبية تمنع الحامل من أستخدامها .. وهي تنقل الامراض عن طريق لمس .. وكل الادارات لي تستخدم جهاز البصمة لا يتم تعقيم جهاز بعد كل أستخدامه على الاقل مرة في اليوم ..

جهاز البصمه مثله مثل اي شي في مكان العمل
مثل قبضة الابواب والاثاث والتكيف المركزي الذي ينقل العدوى بعملية الدفع والشطف
والحمامات ووووووووووو

[R 7 A L]

خطوة ممتازه ،، وقريت في السيركولر راح يكون مرتبط بالاج ار ،، مب الفايننس

وراح يتم التفعيل في الربع الثاني من السنة

بس تمنيت لو يكون في المبنى الجديد لان الكنترول بيكون دقيق اكثر ،، واللي يشتغل في قطر للبترول يعرف

اوقات تطلع كورس اسبوع واحيانا اجتماع الصبح وعقبها ترجع المكتب او العكس اجتماع اخر الدوام وهكذا غير اللي عندهم لا مانع من الدراسه الجزئية مثلا يومين غياب

شلون راح يسوون كنترول اذا انت راح تتنقل من مبنى لين مبنى ،، سهالات البعض بيجي يبصم و بيطلع ،، ماسوينا شي ترى

عكس لما تكون في في مبنى واحد يضم كل الدوائر

و صاج اخوي رحال ،، شنو هالاجتماع اللي مايخلص ههههه هم يجون ظ© ما في مشاكل انت تعال ظ§ ونص ولا ظ§ اعفسوك و طرش المدير انترنال نوت

عمومااحنا مديرنا مطبق نظام التوقيع





كلنا عيال قرية وكلاً عارف اخيه

حنا في مجتمع صغير ومترابط وعارفين وش الي يصير
يجيك رئيس قسم او مدير ادارة
يا متأخر او يطلع بدري او مايداوم اليوم كله وينه ؟
يقولون لك اجتماع شدعوه كل اسبوع يومين ثلاثة اجتماع !!!

والله ماحد سبب التسيب والاهمال
الا هالفئه مدراء الادارات ورؤساء الاقسام
اذا انصلح حالهم وضبط دواهم راح يضبط دوام الجميع

وجهاز البصمة ماراح يضبط الوضوع
بيصير تسيب اكثر
تحضير اول الدوام ونهايته بس ما راح يكون فيه انتاجية بالعمل
لان الموظف نفسياً بعد هالجهاز بيحس مافيه ثقه خصوصاً اذا ساووه بالعمال الاجانب.

[QtrGate]

في شركات في مسيعيد متبعين نظام البوابة الاكترونية
التي تعتبر من اشد انواع المراقبة في الدخول والخروج

[qtr qtr]

عندنا فالبلديه بصمه وتوقيع واستاذان عن طريق موقع الموظفين فالنت وتوقيع اثناء الخروج فالعمل ودخوله وتقرير يومي

عندنا وعندكم خير

[دايموند]

عادي يبصم ويروح البيت ويخمد لين نهايه الدوام ويرد يبصم مره ثانيه لنهايه الدوام!!

[مليونيرة مفلسة]

ماشوف فيها مشكلة
بس نبي نسمع القصة اللي تسببت بهالقرار :)

[moonبنتnight]

خلليك كووول مثل أسمك, اللي يشكك في جهاز البصمة يقصد أنه ما يريد يلتزم بالدوام وأوقاته

صحيح الملتزم ملتزم بيداوم ما همه قرار حتى لو تأخذ جهاز بصمة عيون ..
بس صحة الموظف اهم ..
وكيوبي متأخر في تطبيق ..

[أم علي 2010]

ماشوف فيها مشكلة
بس نبي نسمع القصة اللي تسببت بهالقرار :)


ما يحدث في كيوبي ،،، يبقى في كيوبي ههههههههههههه

[المحقق كونان]

اخيراً سووو بالبصمه .. زين عشان محد يتسيب

قبل كان بالورق وتسجيل وقت الدخول والتوقيع وتسجيل وقت الخروج والتوقيع

وكان في واحد اجنبي يتأخر ولكن يكتب الدخول 6:30 صباحا

[شيخ الديرة]

لا أعرف لماذا المشاركات في هذا الموضوع متلخبطة يمين يسار شرق غرب

http://2.bp.blogspot.com/-bO79gStZEiA/T2H9wDVo0aI/AAAAAAAAAik/ZuLyL0N3Izs/s320/hg.png

[أسد الجزيرة]

من الصدمة

[ANONYMOUS]

كله واحد

بس نبي نظام ل فليكسي اورز ..

ع الاقل نبي نداوم 5 ونظهر 1 .. ونتغدا مثل المسلمين ونقيل بو ساعه ونستغل وقت العصر اللي يضيع بلوشي ونكون فيه راقدين ولا شبه راقدين ومصدعين ومتسندرين

[تغلبية]

بعد اذنك ياشيخ الديرة ..

http://2.bp.blogspot.com/-bO79gStZEiA/T2H9wDVo0aI/AAAAAAAAAik/ZuLyL0N3Izs/s320/hg.png

أنا للحين مش مستوعبة ان قطر للبترول تووووها تستخدم التقنيات الحديثة في الحضور والانصراف !!!

[رهج السنابك]

انا بعد استغربت
حتى كروت مافيه!!! عيل الدعوه سايبه ناس تاخذ اجازات ولاحد يدري بهم!!
وناس تداوم ساعه وتشرد
كيف صارت من اقوى الشركات واشهرها؟!!
ولا الكراف بس ع موظفين المصانع !

[ANONYMOUS]

بعد اذنك ياشيخ الديرة ..

http://2.bp.blogspot.com/-bO79gStZEiA/T2H9wDVo0aI/AAAAAAAAAik/ZuLyL0N3Izs/s320/hg.png

أنا للحين مش مستوعبة ان قطر للبترول تووووها تستخدم التقنيات الحديثة في الحضور والانصراف !!!


في قطر للبترول في رقابه ذاتيه ووشعور بالمسؤوليه ولكل شخص عنده عمل يقوم فيه زمافي عماله متكدسه واغلب الموظفين بروفيشونال ..

الكل يحظر قبل الدوام.. و شي بسيط جدا يتاخر 5 ولا 10 دقايق ومش دايما ..

"انا اتكلم عن المكان اللي انا فيه واللي اشوفه"

والقصه اللي تذكرها ام علي 2010 ماعرفها .. يجوز صارت تجاوزات في مكان ما .. وحبوا يظبطون الوضع

انا قريت السيركولير .. وتوقعت انه اجراء جديد تزامنا مع النقل للابراج ف الشهور القادمه

بس فعلا بتكون مأساه 400 ولا 500 موظف او اكثر ماعندي احصائيه .. يعني 500 سياره .. يعني .. حتى في الباركينغ زحمه .. اللفت زحمه .. الدرج زحمه .. الممرات زحمه .. محل البصمه زحمه ..

الله يستر

[تغلبية]

في الابراج الجديدة يحسسوني انا داشة بنتاغون من البوابات الالكترونية والسكيورتي الموزعين

يعني يسوون جو رعب عالفاضي .. مادري ليش!

ويسوون زحمة في وقت الذورة .. الله يعينكم !

هالتقنيات تصلح شي وتخرب اشياء وايد .. أهمها الرقابة الذاتية ...

عاد لما يجيك المراقب والا المشرف على السستم ويجي يدقق ... وتبتدي عاد المساءلات اللي مال امها داعي

الواحد كان يداوم اشزينه بدون بصمة .. وعقبها .. تجيك المسجات .. والانذارات على كمن دقيقة ناقصة .. !!

[رهج السنابك]

مابيكون في تكدس ع البصمه لانه مابيكون جهاز واحد كل اداره لها جهاز
ومتى بينقلون للابراج؟ جذي بتزاحمون العالم يا كيو بي الله يعين اهل الابراج بروحهم مستضيقين

منطقه الابراج المفروض خلاص ستوب مايبنون فيها بعد

[عاشق العديد]

انا عندي بصمه فالبرج لكن لما ودوني المصنع مافي ويقولون بيركبون لكن من وجهة نظري ماله داعي انت ماتعرف شظروفك حن نداوم فشمال والي فمسعيد والي دخان بنجرنا صار لنا شي محد يقدر وخصم وخصم خل يعدلون اوضاعنا اول عقب خل يخصمون

[عنيــــد]

موظفين قطر للبترول هم المثال الاعلى في الالتزام و الانتاجية في الدولة و جميع المسؤولين على علم بذلك ،، و نظام البصمه ما راح يكون له اي تأثير على السواعد السمر ،،

[Super Cool]

معقوله توها كيو بي تطبق؟!

انزين ماكان في كروت؟؟

عيل شلون يتابعون حضور الموظفين! عيل كنتو في تسيب



سوبر كول
شنو هو الفلكسي اورز؟؟؟ يعني باقي الساعات هارج الكور اورز مب محسوبه ان طلع بدري!

بخصوصو الحظور و الإنصراف فالبترول غالباً شغلهم يبي فوق الـ8 ساعات ساعة أو أكثر إضافية فاللي يبي يتأخر بيضر نفسه....البترول مب مكان حق اللي يبي يكون مرتاح و مريح على طول...في ناس تداوم سبت علشان تلحق عالشغل...و كله من غير أوفر تايم

بخصوصو الفلكسي أورز....أولاً يحددون ساعات يكون الكل موجود فيها....مثلاً 7:00 إلى 2:00 وهذي الساعات أي تأخير فيها يحاسب عليه الموظف....يعني 7 ساعات وتبقى لك ساعة....هالساعة تقدر توزعها قبل و بعد (يعني تداوم 6:30 الى 2:30) و تقدر تقدمها (يعني تداوم 6:00 إلى 2:00) و تقدر تأخرها (يعني تداوم 7:00 إلى 3:00) و الأهم إنك تكمل 8 ساعات فاليوم و ما تفرط فالـ7 ساعات اللي هي الكور بزنس أورز

أتمنى وضحت

[بـو خـالد]

بخصوصو الحظور و الإنصراف فالبترول غالباً شغلهم يبي فوق الـ8 ساعات ساعة أو أكثر إضافية فاللي يبي يتأخر بيضر نفسه....البترول مب مكان حق اللي يبي يكون مرتاح و مريح على طول...في ناس تداوم سبت علشان تلحق عالشغل...و كله من غير أوفر تايم










اي والله في هذي صدقت

نفسيتنا تعبت الصراحه من كثر الشغل والاداره الظاهر شايفينا مكاين مب بشر

الشخص يضطر يداوم السبت بدون اوفر تايم بس عشان يخفف عنه الشغل

الواحد حتى وهو في اجازه يحاتي اللي ماسك مكانه بيأدي شغله ولا بيرجع يلقى الشغل متراكم


خلاصة الكلام فالبترول تأخيرك للدوام يطلع بشكل واضح على شغلك في فتره قصيره

[7llo]

هاي صاير عندنا في الاداره الصبح ززحمه على البصمه 200 شخص واقف بالدور ينطر دوره عشان يبصم , احسن حل يحطون داخل كل اداره بصمه مشبوكه مع الماليه او في كل طابق جهازين بصمه عشان اتخف الزحمه

[همر]

موظفين قطر للبترول هم المثال الاعلى في الالتزام و الانتاجية في الدولة و جميع المسؤولين على علم بذلك ،، و نظام البصمه ما راح يكون له اي تأثير على السواعد السمر ،،


الا والله بيأثر على السواعد البيض اللي يداومون

8:30 والشرده 1:00 .. الله ياهي كيوبي بتوفر

فلوس من كثر الخصوماااااات !!!

[أم علي 2010]

الا والله بيأثر على السواعد البيض اللي يداومون

8:30 والشرده 1:00 .. الله ياهي كيوبي بتوفر

فلوس من كثر الخصوماااااات !!!


اي مربوط بالفايننس


يالله العشم في مشروع إرادة يشخل اللي مامنهم فايدة والدينصورات اللي معمرين

[ANONYMOUS]

اي مربوط بالفايننس


يالله العشم في مشروع إرادة يشخل اللي مامنهم فايدة والدينصورات اللي معمرين


خبرج عتيج

اراده تبي ترفع عمر التقاعد

[ANONYMOUS]

الا والله بيأثر على السواعد البيض اللي يداومون

8:30 والشرده 1:00 .. الله ياهي كيوبي بتوفر

فلوس من كثر الخصوماااااات !!!




تبي تقنعني ان نظام البصمه مافيه override


اذا اُسْتخدم بالحق.. ممتاز .. المشكله اذا كان استخدامه بالباطل .. ماسوينا شي

[همر]

تبي تقنعني ان نظام البصمه مافيه override


اذا اُسْتخدم بالحق.. ممتاز .. المشكله اذا كان استخدامه بالباطل .. ماسوينا شي


شلون يعني اوفررايد اخوي ؟!!

قصدك المدير يحاسب ناس ويطنش حق ناس ..

جايز .. لكن على الاقل بيكون في دليل قاطع

على دوام الموظفين بدال فلانه تأخرت وفلان شرد

والاتش ار مايقدرون يسوون شي على اساس ادعاءات

مدير ولا غيره ... لكن لاصار عندي ركورد انا من حقي

اطالب الاتش ار بقوة وجه يتخذون الاجراءات اللازمه

في المتسيبين بدال ماقاعدين نشتكي عليهم والاتش ار

يقولون لنا شنسوي لهم ... قطريين مانقدر نفنشهم !!!


والشي الثاني على امل يربطون البصمه بالفاينانس ويفكونا

من لمراكض ورى الموظفات وين فلانه ووين علانه !!!

[همر]

طبعاً لي الحين ماندري وش النظام اللي بيطبقونه

وشلون بيطبقونه .. كل شي في كيوبي يعتمد عنصر

المفاجأه :eek2:

[ANONYMOUS]

والله ياخوي هذا نظام البصمه ولا الكرت ولا التوقيع ماعرفه

احنا من داومنا .. نداوم بالوقت المحدد .. ونطلع بالوقت المحدد .. والكثير يجي قبل الوقت ويطلع بعد الوقت ..


طبعا انا اتكلم بشكل عام .. في بعض التجاوزات البسيطه لاتشكل ظاهره .. ولا تستحق الحديث عنها



المشكله ان في بعض المراجعات اللي تضطر تطلع من الدوام تخلصها كون انها مغلقه بعد الظهر والويكيند ..

هل سيتم اعطائنا اجازات عارضه

ولا من الرصيد :rolleyes2:

[أم علي 2010]

خبرج عتيج

اراده تبي ترفع عمر التقاعد

اذا قانون الموارد رفع السن ، اتوقع by defualt الشركة راح ترفعه


ارادة مشروع كبير فيه اجابيات و سلبيات

اتوقع ان من التوصيات ، عندي الريبورت مال الدايغنوستك بس للحين ماقريته

متفأله خير ،، و ابشرك المشروع راح يدمج اقسام ويقلص الطباقات الي تشوف مدير و فوقه مدير

ياهي ناس بتزعل هههههه

[طلعة الروح]

شلون يعني اوفررايد اخوي ؟!!

قصدك المدير يحاسب ناس ويطنش حق ناس ..

جايز .. لكن على الاقل بيكون في دليل قاطع

على دوام الموظفين بدال فلانه تأخرت وفلان شرد

والاتش ار مايقدرون يسوون شي على اساس ادعاءات

مدير ولا غيره ... لكن لاصار عندي ركورد انا من حقي

اطالب الاتش ار بقوة وجه يتخذون الاجراءات اللازمه

في المتسيبين بدال ماقاعدين نشتكي عليهم والاتش ار

يقولون لنا شنسوي لهم ... قطريين مانقدر نفنشهم !!!


والشي الثاني على امل يربطون البصمه بالفاينانس ويفكونا

من لمراكض ورى الموظفات وين فلانه ووين علانه !!!


القطريين ما يقدرون يفنشونهم؟ زين بس فيه شي اسمه تطفيش واجبار ع الاستقالة

[ANONYMOUS]

اذا قانون الموارد رفع السن ، اتوقع by defualt الشركة راح ترفعه


ارادة مشروع كبير فيه اجابيات و سلبيات

اتوقع ان من التوصيات ، عندي الريبورت مال الدايغنوستك بس للحين ماقريته

متفأله خير ،، و ابشرك المشروع راح يدمج اقسام ويقلص الطباقات الي تشوف مدير و فوقه مدير

ياهي ناس بتزعل هههههه

ماحد بياخذ رزق احد

والتقرير هههههههههههههه ,, أبليني لو قريتيه عبالج 12 صفحه

بتقرين الجزء اللي يهمج ويالله يالله

[شيخ الديرة]

كل ما يمكن أن يضمنه نظام البصمة هو الدخول في الوقت, والخروج في الوقت. أما ما يحدث بين الحدثين من فوتات وطلعات لا يمكن النظام تنظيم ذلك.

الكثير من المشاكل ستظهر عند المشاركة في أجتماعات خارج الدائرة, بدون المرور بالدائرة صباحا أو عصرا, عندها يحتاج المدير الى صلاحيات لتغيير البيانات

[blueZircon]

كيوبي للاسف بدت تتراجع للورى والسبب العقليات الحاليه اللي تديرها. للاسف الوضع في كيوبي كالاتي :

اشتغلت ولاماشتغلت ، انتجت او ماانتجت كله واحد ، اهم شي انك تكون موجود بالمكتب بالوقت وتطلع عالوقت

اذا داومت نص ساعه متأخر يسوون لك بلبله ويعطونك انذار ، بس اذا تميت بالمكتب تشتغل لين ست المغرب محد يشكرك ويقدرك

المسؤؤولين في كيوبي وضعوا كل جهوداتهم في مراقبة الموظفين حضورهم وانصرافهم وهذا دليل على الفشل الاداري والافلاس المعرفي

اثبتت كل الدراسات ان نظام مراقبة الموظفين يقلل من انتاجيتهم بشكل كبير واي شخص فاهم بالامور الاداريه ومطلع على اخر البحوث العلميه ماراح يحط جل اهتمامه فيمثل هذي الامور

الشطاره هي شلون تخلي الموظف من نفسه وذاته يكون ملتزم ومنضبط بشغله ووقته . وللاسف هذه المهاره مفقوده لدى ديناصورات كييوبي

[همر]

كل ما يمكن أن يضمنه نظام البصمة هو الدخول في الوقت, والخروج في الوقت. أما ما يحدث بين الحدثين من فوتات وطلعات لا يمكن النظام تنظيم ذلك.

الكثير من المشاكل ستظهر عند المشاركة في أجتماعات خارج الدائرة, بدون المرور بالدائرة صباحا أو عصرا, عندها يحتاج المدير الى صلاحيات لتغيير البيانات



عيل انت ماسمعت عن اخر صيحات مراقبة

السجناء ... قصدي الموظفين !!!

يقول لك بيسكرون البيبان الفرعيه لاي قسم من الاقسام

وبيخلون باب واحد بس مثل القرقور ...

ويحطون جهاز تراكينج على هالباب وبطاقتك

المعلقه تنشخط في الطلعه والدخله

تطلع من قسم لي قسم يتسجل

تروح الله يعزك الحمام تتسجل

اللي بيروح يدخن راحت عليه

شباب وبنات يتجمعون في مكتب راحت عليهم

بتروح اجتماعات ماعندك مشاكل لانك بتمر على

هالبوابات اللي بتسجل تحركاتك مثل فار التجارب


فهنيئاً لنا ... :shy:

[R 7 A L]

عيل انت ماسمعت عن اخر صيحات مراقبة

السجناء ... قصدي الموظفين !!!

يقول لك بيسكرون البيبان الفرعيه لاي قسم من الاقسام

وبيخلون باب واحد بس مثل القرقور ...

ويحطون جهاز تراكينج على هالباب وبطاقتك

المعلقه تنشخط في الطلعه والدخله

تطلع من قسم لي قسم يتسجل

تروح الله يعزك الحمام تتسجل

اللي بيروح يدخن راحت عليه

شباب وبنات يتجمعون في مكتب راحت عليهم

بتروح اجتماعات ماعندك مشاكل لانك بتمر على

هالبوابات اللي بتسجل تحركاتك مثل فار التجارب


فهنيئاً لنا ... :shy:






موجودة هالتقنية
في برج الملاحة بالكورنيش

[Bozizoo]

بعد اذنك ياشيخ الديرة ..

http://2.bp.blogspot.com/-bO79gStZEiA/T2H9wDVo0aI/AAAAAAAAAik/ZuLyL0N3Izs/s320/hg.png

أنا للحين مش مستوعبة ان قطر للبترول تووووها تستخدم التقنيات الحديثة في الحضور والانصراف !!!

اذا كانت غريبه عليك فااكيد انتي ماتعرفين طبيعه العمل هناك و المسوليه الي تكون على عاتق المووظف وخاصه اذا كان في احد الاقسام الفنيه مرتبطه ارتاط كلي بالانتاج اي تقصير من الموظف يمكن يكلف خساير الله لا يقوله

[Bozizoo]

طبعاً لي الحين ماندري وش النظام اللي بيطبقونه

وشلون بيطبقونه .. كل شي في كيوبي يعتمد عنصر

المفاجأه :eek2:


اخوي بسيط جدا من النظام انت ساعات الدوام اليوميه 8
وتقرير يومي او اسبوعي او شهري
اذا كانت ساعات دوامك اقل من المفروض يجب عليك انت تبرر هذا الشي لمسولك او اذا كان مسولك على علم بسبب غيابك او تاخيرك
ويرفعها لل اتش ار
وطعبا اخر السنه او عند مطالبتك بدرجه او زياده
يفتحون لك الصندوق المبيت
على فكره هذا النظام من التسعينات كان شغال مع (نودكو) سابقا (مصفاة البترول حاليا) بس باستخدام الكاارد ليست البصمه

[همر]

اخوي بسيط جدا من النظام انت ساعات الدوام اليوميه 8
وتقرير يومي او اسبوعي او شهري
اذا كانت ساعات دوامك اقل من المفروض يجب عليك انت تبرر هذا الشي لمسولك او اذا كان مسولك على علم بسبب غيابك او تاخيرك
ويرفعها لل اتش ار
وطعبا اخر السنه او عند مطالبتك بدرجه او زياده
يفتحون لك الصندوق المبيت
على فكره هذا النظام من التسعينات كان شغال مع (نودكو) سابقا (مصفاة البترول حاليا) بس باستخدام الكاارد ليست البصمه



انت تقول بيد المسؤول وناس تقول مرتبط

مباشره بالاتش ار او الفاينانس

هذا اللي اقصده وش من نظام بيطبقون..

[تغلبية]

اذا كانت غريبه عليك فااكيد انتي ماتعرفين طبيعه العمل هناك و المسوليه الي تكون على عاتق المووظف وخاصه اذا كان في احد الاقسام الفنيه مرتبطه ارتاط كلي بالانتاج اي تقصير من الموظف يمكن يكلف خساير الله لا يقوله

صحيح ... ماعرف طبيعة العمل هناك .. لكن أعرف انهم يحسبون دقيقة الانتاجية بفلوس لذلك أنا مستغربة ..

ويوم ان الأغلبية ملتزمين بدون أنظمة حضور وانصراف ... ليش الحين عقدوا المسائل

يخلون الحضور والانصراف للاداريين ويربطونه بالتش آر .. حالهم حال المؤسسات الثانية




يعني عفوا .. حسيت إن قطر للبترول بسمعتها وشغلها أكبر من البلبلة اللي صايرة (قد تكون في الموضوع بس) .

[طلعة الروح]

كيوبي للاسف بدت تتراجع للورى والسبب العقليات الحاليه اللي تديرها. للاسف الوضع في كيوبي كالاتي :

اشتغلت ولاماشتغلت ، انتجت او ماانتجت كله واحد ، اهم شي انك تكون موجود بالمكتب بالوقت وتطلع عالوقت

اذا داومت نص ساعه متأخر يسوون لك بلبله ويعطونك انذار ، بس اذا تميت بالمكتب تشتغل لين ست المغرب محد يشكرك ويقدرك

المسؤؤولين في كيوبي وضعوا كل جهوداتهم في مراقبة الموظفين حضورهم وانصرافهم وهذا دليل على الفشل الاداري والافلاس المعرفي

اثبتت كل الدراسات ان نظام مراقبة الموظفين يقلل من انتاجيتهم بشكل كبير واي شخص فاهم بالامور الاداريه ومطلع على اخر البحوث العلميه ماراح يحط جل اهتمامه فيمثل هذي الامور

الشطاره هي شلون تخلي الموظف من نفسه وذاته يكون ملتزم ومنضبط بشغله ووقته . وللاسف هذه المهاره مفقوده لدى ديناصورات كييوبي


حسنا اعتقد انك أصبت كبد الحقيقة في مقتل، هذا اللي حاصل فعلاَ في اغلب الجهات، التركيز على الاخطاء وليس الانتاج الفعلي

[بوعمير]

كيوبي مثل غيرها من جهات العمل الاخرى ليست منزهه من العيوب بل بها الكثير من النواقص.
أيضاً موظفي كيو بي مثل غيرهم من الموظفين سوء في الحكومة او غيرها هناك المجتهد وهناك المقصر، كذلك هناك من لدية ضغط عمل وهناك من هو - فاضي عمل - .

بالنسبة لنظام البصمة، هذا النظام غير مطبق في كيو بي وبناتها لان اغلب موظفيها من الجنسيات الأجنبية وهم فوق مستوى هذا النظام، وخصوصا الحمر منهم !!!

[Ghanim202]

الحمد لله ... صراحة خبر يفرح القلب ... والله يرزقنا وإياكم بالرزق الحلال الطيب المبارك فية ...

[Super Cool]

صحيح ... ماعرف طبيعة العمل هناك .. لكن أعرف انهم يحسبون دقيقة الانتاجية بفلوس لذلك أنا مستغربة ..

ويوم ان الأغلبية ملتزمين بدون أنظمة حضور وانصراف ... ليش الحين عقدوا المسائل

يخلون الحضور والانصراف للاداريين ويربطونه بالتش آر .. حالهم حال المؤسسات الثانية




يعني عفوا .. حسيت إن قطر للبترول بسمعتها وشغلها أكبر من البلبلة اللي صايرة (قد تكون في الموضوع بس) .


هذا مربط الفرس

معروف عن موظفي قطر للبترول الإنضباطية و المسؤولية تجاه العمل
بالإضافة إلى ان الحمل كبير لا يستوعب التأخير أو التسيب و في ناس
تشتغل فالإجازات و ناس تشتغل خارج ساعات العمل وفوق هذا إنت تثق
فيهم و تحط تحت أمرتهم ملايين الدولارات و تخلي شغلهم مصدر دخل
رئيسي لقطر فالمفروض أن موظفيها كسبوا نسبة كافية من الثقة إنهم
ما يحتاجون متابعة و تحريات و إذا كانت هناك جهات فيها تسيب يطبق
النظام عليهم في نطاق محدود

لا اعتقد أي جهة فالبترول بتتأثر بهالقرار لأنهم فعلاً منضبطين إلا
من رحم ربي و لن يجد معارضين لكن التطبيق الآن غريب نوعاً ما

[ولد شرق]

سبحان الله
والله ضحكتني الردود حتى ابكتني

لهدرجة الناس تبغي تتسيب؟
وين المشكله اذا حطوا نظام البصمة ولا المراقبة؟
يعني ماتبغي ادوام؟
يقول لك مراقبة ذاتيه.....؟؟؟ اي مراقبة ذاتيه الله يهديك لو فعلا عندك مراقبة ذاتيه (البعض) جن ماشفنا التسيب
من يعطونه الثقة اشوي شرد من الشغل وقال لك مراقبة ذاتية
ياخي حلل راتبك دوامك من 7 لين 3 ليش تبغي تطلع قبل؟

انا ماشوف ان تطبيق نظام المراقبة في اي شي لان يوم عطوك الثقة بديت تتسيب وهذا حال الاغلبية

[راشد محمد]

شي طيب

[قنديلة]

كله واحد

بس نبي نظام ل فليكسي اورز ..

ع الاقل نبي نداوم 5 ونظهر 1 .. ونتغدا مثل المسلمين ونقيل بو ساعه ونستغل وقت العصر اللي يضيع بلوشي ونكون فيه راقدين ولا شبه راقدين ومصدعين ومتسندرين

صحيح كلامك 100%

[بشائر]

خطوة ممتازة .

[بويوسف-قطر]

السلام عليكم ورحمة الله

هذا الكلام مضيعة للوقت
لكل قانون ثغرات ومداخل
شكل من قرر هذا الجهاز مسؤول جديد توه مترقي وقالوا له لازم تكون لك بصمة ,, راح باله على جهاز البصمة
قطر للبترول اكبر شركة حكومية في قطر وبما انها تتعامل بالنفط ومشتقاته فمن غير المعقول ان يلتزم جميع موظفيها في مكاتبهم. صحيح بعض الاعمال المكتبية يجب تواجدهم في مكاتبهم ولكن اغلب الادارات الفنية الاخرى اذا لم يكن كل, المهام خارج المكاتب واحيانا خارج المبنى
بحكم قربي منهم لن يكون هذا الجهاز مؤثر الا على الوظائف الدنيا في المؤسسة