اعلان عن وجود كشك في اكوا بارك شنو رايكم ؟

[دايموند]

السلام عليكم


اليوم شفت اعلان في الجريده لاكوا بارك ان في 5 كشكات متوفره للايجار

اتصلت عليهم وسالت عن قيمه الاجار قالي 6500 ريال

السعر اوك لكن سؤال هل في اقبال ع هالمكان ؟ والا المكان يصفر ماعدا الويكند!؟
وهل تنصحوني استأجر كشك اهناك والا ؟

[العلياا]

وعليكم السلام

المشكلة شنو ممكن تبيعين اهناك ؟
المجالات محدودة جدا اهناك يا مشروبات او اكل بشكل عام او ملابس السباحة وهالاشياء موجودة اصلا اهناك

كوجهة نظر شخصية ما اشوف عليه اقبال كبير يمكن يزداد مع الايام الجاية
ضيفي للويكند يوم الثلاثاء لانه يوم سيدات فيكون في اقبال

والله يوفقج ان شاءالله

[دايموند]

هلا العلياا

والله انا ماعمري طبيته الاكوا بارك علشان جذي مادري عن مدى الاقبال وعدد الزوار

اما شنو ببيع فراح ابيع ماكولات سريعه
لكن مادري مابي اجازف

فقلت اشوف نصايحكم وخبراتكم

[أم هشام]

و الله يا اختي اوقات الموسم بيكون زحمة جداااا جدا كنت اروحة مع اهلي كل جمعه و حرمنا نروح من كثر الزحمة و المناظر الثانية
هو استثمار جيد الصراحة لكنه استثمار مؤقت لحد شهر 11 و ينتهي العقد

[دايموند]

مشكوره اختي عالافادده بس نقدر نجدد العقد سنويا


مادري ليش احس ان في ناس قاعده تستفيد من موضوعي
وتلقونهم راحوا اتصلوا واحجزوا الكشك بعد مادروا ان في كشك للايجار

انزين عالاقل فيدوني بنصايحكم

[العلياا]

مادري ليش احس ان في ناس قاعده تستفيد من موضوعي
وتلقونهم راحوا اتصلوا واحجزوا الكشك بعد مادروا ان في كشك للايجار

انزين عالاقل فيدوني بنصايحكم

اذا في خير لج الله يسخره ويكون من نصيبج
واذا راح معوضه باللي افضل منه يارب


بيعي اشياء مو موجودة اخذي لج فره اهناك وشوفي شنهو اللي متوفر وشنهو لا
وعسى الرحمن يوفقج

[دايموند]

اذا في خير لج الله يسخره ويكون من نصيبج
واذا راح معوضه باللي افضل منه يارب


بيعي اشياء مو موجودة اخذي لج فره اهناك وشوفي شنهو اللي متوفر وشنهو لا
وعسى الرحمن يوفقج

مشكوره حبيبتي

هذا الي بيصير

في بالي مشروع معين بس بعد خل اخذ فره مثل ماقلتي لي واعاين المكان زين مازين

واخت ام هشام نبهتنني لشغله ان العقد من شهر 4 وينتهي بشهر 11

وعقب البايع وين اوديه خلال الاربع شهور الاجازه؟

[العلياا]

انا من رأيي جيبي لج فلبينية
فالراتب رخيصة ويشتغلون بذمه وضمير
وفترة الاجازة ممكن تستفيدين منها في بيتج تسوي أي شي

[مشتاقة لقطر]

الله يوفقج فيه .. حلو تكسرين حاجز وتدخلين السوق جربي ..
وان شالله ما بتخسرين
وخليج حاضرة في يوم النساء وخذي وعطي مع البنات شوفي وشو ناقصهم ..
ومن ناحية ثانية انتي تقدرين تمشين البضاعة وتعطين عروض وانتي موجودة
بالاضافة للعاملة اللي تكون متواجدة طول الاسبوع
والله يوفقح ياررب

[ANONYMOUS]

المفروض في مثل هالحالات تكلمين ادارة الاكوا.. وتسألينهم عن عدد الزوار بالضبط.. او المتوسط اسبوعيا.. وبناء عليه تاخذين القرار

[biz-qtr]

المفروض في مثل هالحالات تكلمين ادارة الاكوا.. وتسألينهم عن عدد الزوار بالضبط.. او المتوسط اسبوعيا.. وبناء عليه تاخذين القرار

كنت بقولج نفس كلامه بالضبط هاي اللي المفروض تسوينه ... وأهل قطر يحبون الكرك طوري هالمشروع وحطي لج بوث هناك والله يوفقج :)

[am5ald]

فكري لا تجازفين اسألي الاداره عن عدد الزوار واحسبي شكثر ممكن يشترون ممكن تبيعين اشياء مب موجوده هناك ويحتاجونها . بس الاكشاك وايد صغيره تكفي مشروبات ميدليات كاميرات فورية نظارات واقي شمس فوط تي شيرتات كروت تعبئة شاحن الخ….. ممكن مأكولات سريعه مثل الكريب والوافل والاسكريم بس يكون على مستوي محد يروح هناك الا وماخذ منه .وبالتوفيق

[دايموند]

سوري توني اشوف الردود

تم اتخاذ القرار بعدم الاستئجار لعده اسباب منها
انها كان العقد لعده اشهر فقط (ماذكر السالفه قديمه) ل 7 شهور اتوقع ,,,اوك وبقيه الاشهر شاسوي بالعامل ؟ او اابايع؟
ص_كان في يوم نسائي وهاليوم اذا البايع رجل مادخل الحديقه وبالتالي يكون المحل مصكر بهاليوم

3_رمضان مافي اقبال ع الحديقه