استهزيء فيك و في عقر دارك

[Aaziz]

استهزيء فيك في عقر دارك افضل عنوان لهذه الصوره


حسبي الله و نعم الوكيل ، الاستهزاء في لباسنا علناً و في احد اشهر المعالم السياحيه في بلدنا


احنا الي جبناه لانفسنا ، نبي نقلد مشية الحمامه فضيعنا مشيتنا

http://www.m5zn.com/newuploads/2014/04/21/png//edcf3744838b503.png



اعتذر عن الصوره ، اعلم ان الصوره خادشه للحياء و غير قابله للنشر ولكن عل و عسى ان تصل الرساله :rolleyes2:

[R 7 A L]

هي ما استهزت

بس ربعنا هم الي خلوها تلبس لبسنا بالطريقـــة

[Aaziz]

هي ما استهزت

بس ربعنا هم الي خلوها تلبس لبسنا بالطريقـــة

مره الله يسلمك واحد طالب (اجلك الله تريب رمل مغسول حق العزبه) و عنده راعي بنغالي
سواق النشال الي جاب الرمل بتاني ،، يقول صاحب العزبه يوم كلمني البتاني جايب الرمل توجهت للعزبه و يوم وصلت ولا البتاني راعي الرمل و البنغالي متهاوشين
يوم وصل و هدى الموضوع ، اكتشف ان البتاني معصب لانه لقى البنغالي لابس بنجابي (لبس خاص الباكستانيين) و عصب على البنقالي يقول له ليش لابس لبسنا

[R 7 A L]

مره الله يسلمك واحد طالب (اجلك الله تريب رمل مغسول حق العزبه) و عنده راعي بنغالي
سواق النشال الي جاب الرمل بتاني ،، يقول صاحب العزبه يوم كلمني البتاني جايب الرمل توجهت للعزبه و يوم وصلت ولا البتاني راعي الرمل و البنغالي متهاوشين
يوم وصل و هدى الموضوع ، اكتشف ان البتاني معصب لانه لقى البنغالي لابس بنجابي (لبس خاص الباكستانيين) و عصب على البنقالي يقول له ليش لابس لبسنا


سلامي عليه البتاني

احسن من ربعنا
الي بأنفسهم يشترون زينا الوطني و يوزعونه على هالاشكال

[بوخالد911]

شيء غريب !!!

بس سؤوال هل الصورة حقيقية؟
ولا متلاعب فيها ؟!

[Aaziz]

شيء غريب !!!

بس سؤوال هل الصورة حقيقية؟
ولا متلاعب فيها ؟!

دققت يابو خالد قبل لا انزل الصوره (رغم اني مش خبير في الجرافيكس) و اكتشفت ان البنت مالها ظل ،، ركزت في باقي الاشخاص بعد مالقيت لهم ظل

اتمنى انها تكون صوره ملعوب فيها

[Super Cool]

ليش ماخذ الموضوع إنها قاصدة تستهزىء؟؟؟ ترى مب كل واحد يعرف شنهي تبعات زينا التقليدي

شخصياً الي أشوفه يشتري "من جيبه" أي قطعة من الزي التقليدي مهما صغرت أعتبرها دلالة معزة
و حب مب كره....هل عمرك بتشوف مسلم لابس طاقية اليهود علشان يستهزىء فيهم؟ اللي يكره ناس
ما يلبس مثلهم

و بعدين تذكر أن هالمكان سياحي و ناس وايد تشتري ملابس بغرض السياحة بدون علم بمستلزماتها
فقط كمثال تروح اليابان يبيعون لك طاقيتهم التقليدية و تلبسها و بعدين تكتشف إن في ناس تحب و ناس
تزعل...المفروض إنت كمواطن توضح لهم لأن البياع أولاً أجنبي ما يعرف عاداتنا و ثانياً يبي يبيع بأي
شكل و لأي شخص

أخيراً انت تتوقع كل اللي يلبسون بدل يعرفون يلبسون؟؟؟ ههههههه والله نصهم لبسهم يضحك و ما
يعرفون يلبسون عدل بس محد يقول لهم اشبلاكم ليش تستهزؤون بزينا التقليدي؟

[Aaziz]

ليش ماخذ الموضوع إنها قاصدة تستهزىء؟؟؟ ترى مب كل واحد يعرف شنهي تبعات زينا التقليدي

شخصياً الي أشوفه يشتري "من جيبه" أي قطعة من الزي التقليدي مهما صغرت أعتبرها دلالة معزة
و حب مب كره....هل عمرك بتشوف مسلم لابس طاقية اليهود علشان يستهزىء فيهم؟ اللي يكره ناس
ما يلبس مثلهم

و بعدين تذكر أن هالمكان سياحي و ناس وايد تشتري ملابس بغرض السياحة بدون علم بمستلزماتها
فقط كمثال تروح اليابان يبيعون لك طاقيتهم التقليدية و تلبسها و بعدين تكتشف إن في ناس تحب و ناس
تزعل...المفروض إنت كمواطن توضح لهم لأن البياع أولاً أجنبي ما يعرف عاداتنا و ثانياً يبي يبيع بأي
شكل و لأي شخص

أخيراً انت تتوقع كل اللي يلبسون بدل يعرفون يلبسون؟؟؟ ههههههه والله نصهم لبسهم يضحك و ما
يعرفون يلبسون عدل بس محد يقول لهم اشبلاكم ليش تستهزؤون بزينا التقليدي؟

كثير منا سافرو و لفو العالم ،، شمعنى اذا فكرت تروح لامريكا قبل لا تسافر حتى، بتوصلك معلومه بكل وضوح ان الشرطي الامريكي مايلاعب
شمعنى قبل لا تروح تايلند بتعرف ان البوذا خط احمر و غير قابل للاستهزاء و شمعنى بتعرف معنى كب كون كا يعني مرحبا و في تايلند ايضا رغم ان الدعاره (اجلكم الله رسميه) ولكن محد يجرء يستهزء في احداهن .
و الامثله كثيره جدا
الي بيسافر لبلد بيعرف طبيعه اهلها و عاداتهم و دينهم

و اسمحلي هذا الي ينرد عليه في مشاركتك

[Super Cool]

كثير منا سافرو و لفو العالم ،، شمعنى اذا فكرت تروح لامريكا قبل لا تسافر حتى، بتوصلك معلومه بكل وضوح ان الشرطي الامريكي مايلاعب
شمعنى قبل لا تروح تايلند بتعرف ان البوذا خط احمر و غير قابل للاستهزاء و شمعنى بتعرف معنى كب كون كا يعني مرحبا و في تايلند ايضا رغم ان الدعاره (اجلكم الله رسميه) ولكن محد يجرء يستهزء في احداهن .
و الامثله كثيره جدا
الي بيسافر لبلد بيعرف طبيعه اهلها و عاداتهم و دينهم

و اسمحلي هذا الي ينرد عليه في مشاركتك

إسمحلي في هذي كلامك غلط 100%....مب الكل يعرف و مب الكل يدور و يسال
و إن جيت للحق مستعد أبصم ان أكثر من يستهزىء في عادات البلدان اللي يزورها
هما إحنى و إخواننا الخليجيين ولا نسيت اللي يصف في الشانزيليزيه "فوق الرصيف"؟

[المحاميه]

ليش ماخذ الموضوع إنها قاصدة تستهزىء؟؟؟ ترى مب كل واحد يعرف شنهي تبعات زينا التقليدي

شخصياً الي أشوفه يشتري "من جيبه" أي قطعة من الزي التقليدي مهما صغرت أعتبرها دلالة معزة
و حب مب كره....هل عمرك بتشوف مسلم لابس طاقية اليهود علشان يستهزىء فيهم؟ اللي يكره ناس
ما يلبس مثلهم

و بعدين تذكر أن هالمكان سياحي و ناس وايد تشتري ملابس بغرض السياحة بدون علم بمستلزماتها
فقط كمثال تروح اليابان يبيعون لك طاقيتهم التقليدية و تلبسها و بعدين تكتشف إن في ناس تحب و ناس
تزعل...المفروض إنت كمواطن توضح لهم لأن البياع أولاً أجنبي ما يعرف عاداتنا و ثانياً يبي يبيع بأي
شكل و لأي شخص

أخيراً انت تتوقع كل اللي يلبسون بدل يعرفون يلبسون؟؟؟ ههههههه والله نصهم لبسهم يضحك و ما
يعرفون يلبسون عدل بس محد يقول لهم اشبلاكم ليش تستهزؤون بزينا التقليدي؟

نفس راييك
يعني شفيها لو اجنبيه البست عبايه ولا نقاب او اجنبي لبس غتره؟

هو مش استهزاء
انت تشوف شكله غلط ومب راكب لانهم مب عارفين يلبسونه مع شنو
انعدام ثقافه
لكن ماظن انهم يستهزؤن بالعكس اكيد حابين هالبس ويبون يجربونه

وماشوف فيها تطاول ولا غيره
الموضوع عادي وسلس
وفالنهايه هم مايمثلونا

[العنيده]

شيء غريب !!!

بس سؤوال هل الصورة حقيقية؟
ولا متلاعب فيها ؟!

شفت نفس المنظر قبل شهر تقريبا وكلمناها ان لو بغيتي تلبسين اقل شي لبسي طويل وساتر لان ممكن يعتبر اهانه وبالفعل شالته وشرحنا لها ايش معنى هالشي ..
احنا رضينا بهالشي وماحطينا قواعد وقوانين غصب عنهم يحترمونا ..

[العلياا]

اذا ما خاب ظني هالصورة في سوق واقف
واذا صحيح فـ اشوف انه شي عادي واكيد ما شرته بقصد الاستهزاء
اكيد شافت الحريم يلبسونه واعرفت هالشي من التراث فـ شرته

انا مرة كنت في سوق واقف مع اخوي شفت انجليزي حاط الغترة على وسطه
اخوي راح كلمه قال له هذي تنلبس على الراس مب على الوسط وعدلها له وهو بنفسه اعتذر

[ولي العهد]

نفس راييك
يعني شفيها لو اجنبيه البست عبايه ولا نقاب او اجنبي لبس غتره؟

هو مش استهزاء
انت تشوف شكله غلط ومب راكب لانهم مب عارفين يلبسونه مع شنو
انعدام ثقافه
لكن ماظن انهم يستهزؤن بالعكس اكيد حابين هالبس ويبون يجربونه

وماشوف فيها تطاول ولا غيره
الموضوع عادي وسلس
وفالنهايه هم مايمثلونا

صحيح البعض منهم حاب يلبس الزي التقليدي ولكن يحتاجون لتوعية ومافيها شي اذا الوحدة البست نقاب او عباية وعادي جدا ولكن الي غير عادي لما تلبس لي نقاب وبنفس الوقت تنوره الين فوق الركبة هنا طال عمرج غير عادي في الاخير اعيد وكرر لازم يحترمون الزي الرسمي والعادات والتقاليد وترى ماعندهم مشكلة لو في ناس اتفهمهم وتوعيهم وعندهم قابليه واحترام للعادات والتقاليد وطبعا ليس الكل

[ولي العهد]

يجب ان يكون هناك اشخاص في الاماكن السياحية يثقفون ويعلمون ويفهمون السياح بالعادات والتقاليد لان بعض السياح ماعنده خلفيه عن العادات والتقاليد ولا يعرفون شي

[Aaziz]

شفت نفس المنظر قبل شهر تقريبا وكلمناها ان لو بغيتي تلبسين اقل شي لبسي طويل وساتر لان ممكن يعتبر اهانه وبالفعل شالته وشرحنا لها ايش معنى هالشي ..
احنا رضينا بهالشي وماحطينا قواعد وقوانين غصب عنهم يحترمونا ..

رحم الله من رباكم و حط فيكم غيره على دينكم و بلدكم


إسمحلي في هذي كلامك غلط 100%....مب الكل يعرف و مب الكل يدور و يسال
و إن جيت للحق مستعد أبصم ان أكثر من يستهزىء في عادات البلدان اللي يزورها
هما إحنى و إخواننا الخليجيين ولا نسيت اللي يصف في الشانزيليزيه "فوق الرصيف"؟

اخوي مابي ادخل في جدال خصوصا اذا فيه خلط للاوراق ، ايش جاب وحده لابسه نقاب مستتر من فوق و من تحت تنوره فوق الركبه و لبس ضيق ،، لناس ذابحتهم البطره و الفسق و يدورون التميز في بلد يسمح و مبسوط بهالشي بغرض السياحه .




نفس راييك
يعني شفيها لو اجنبيه البست عبايه ولا نقاب او اجنبي لبس غتره؟

هو مش استهزاء
انت تشوف شكله غلط ومب راكب لانهم مب عارفين يلبسونه مع شنو
انعدام ثقافه
لكن ماظن انهم يستهزؤن بالعكس اكيد حابين هالبس ويبون يجربونه

وماشوف فيها تطاول ولا غيره
الموضوع عادي وسلس
وفالنهايه هم مايمثلونا

هل تقبلين اختي المحاميه شخص يلبس لباس الاحرام وهو جالس في بار ؟

لو توصلكم قنوات التلفزيون الامريكيه و تشوفون الاستهازاء في الدين الاسلامي و في اللحيه و العبايه و كان عرفتو ان الي مسويته هذي ماهو الا خطوه جريئه لاستكمال على ارض الواقع للصوره الي رسمها الاعلامي الامريكي بتوجيه يهودي للمسلم .


اذا ما خاب ظني هالصورة في سوق واقف
واذا صحيح فـ اشوف انه شي عادي واكيد ما شرته بقصد الاستهزاء
اكيد شافت الحريم يلبسونه واعرفت هالشي من التراث فـ شرته

انا مرة كنت في سوق واقف مع اخوي شفت انجليزي حاط الغترة على وسطه
اخوي راح كلمه قال له هذي تنلبس على الراس مب على الوسط وعدلها له وهو بنفسه اعتذر

هل لو كنتي في السوق و مرت هذي قدامج بتسوين نفس ماسوى اخوج ،، و ليش ؟

[Aaziz]

هل تعلم :
هل تعلم انه في عمان كي تتمكن من انهاء اجراءاتك في الدوائر الحكومية يجب ان تلتزم بالزي التقليدي الرسمي للبلد (القحفيه العمانيه او العصمة)

[العلياا]

هل لو كنتي في السوق و مرت هذي قدامج بتسوين نفس ماسوى اخوج ،، و ليش ؟

طبعا بوقفها وبفهمها ان طريقة لبسها غلط ولازم تحترم الارض اللي هي واقفه عليها
هم ما يعرفون ومفروض اللي شافوها يوقفونها وصدقني الانجليز متعاونين ومتفهمين

[Aaziz]

طبعا بوقفها وبفهمها ان طريقة لبسها غلط ولازم تحترم الارض اللي هي واقفه عليها
هم ما يعرفون ومفروض اللي شافوها يوقفونها وصدقني الانجليز متعاونين ومتفهمين

بارك الله فيج

العليا متفقين احنا ولكن انتي و كذا واحد من الاخوان ماخذين الموضوع بحسن نيه مبالغ فيها
و انا بحكم احتكاكي معاهم الطويل عندي يقين ان الغالبيه ملمين تماما في مايهمنا لو لو يكن لسبب انهم يقرئون كثيرا سيكون بسبب الاعلام ،، لا ابالغ لو اقول انه لايخلو اي برنامج جماهيري (talk show) من صوره كاريكاتيريه او من الانتر نت تحتوي على مطوع او منقبه او مرأه سمينه لابسه عباه .

[بوخالد911]

السموحة منكم للمداخلة التالية :

عيل ما أستبعد أشوف منظر لسائحة أجنبية ع السيف وبملابس البحر ولابسه النقاب/ البرقع / الشيلة

!!!!!!!!!!!!!!!!!!!!!!!!!

[العلياا]

بارك الله فيج

العليا متفقين احنا ولكن انتي و كذا واحد من الاخوان ماخذين الموضوع بحسن نيه مبالغ فيها
و انا بحكم احتكاكي معاهم الطويل عندي يقين ان الغالبيه ملمين تماما في مايهمنا لو لو يكن لسبب انهم يقرئون كثيرا سيكون بسبب الاعلام ،، لا ابالغ لو اقول انه لايخلو اي برنامج جماهيري (talk show) من صوره كاريكاتيريه او من الانتر نت تحتوي على مطوع او منقبه او مرأه سمينه لابسه عباه .

وانا تكلمت من واقع تجربة عاشرتهم ثلاث سنين
مسؤولي انجليزي ومعظم اللي معاي فالقسم انجليز
والله يا عزيز انهم اكثر من بعض العرب في تعاملهم معانا
ما يدخل اللفت لو انا فيه ، يترك مسافة بيني وبينه محترمين وحذرين جدا بخصوص الدين والعادات والتقاليد

[sweet qatar]

ماشوفها استهزاء قد ما اعتقد انها اختلافات ثقافية

نعم احنا مقصرين .. ما علمناهم بثقافتنا وطريقتنا

لا عطيناهم بروشورات ولا وزعنا مرشدين سياحيين

[Super Cool]

اخوي مابي ادخل في جدال خصوصا اذا فيه خلط للاوراق ، ايش جاب وحده لابسه نقاب مستتر من فوق و من تحت تنوره فوق الركبه و لبس ضيق ،، لناس ذابحتهم البطره و الفسق و يدورون التميز في بلد يسمح و مبسوط بهالشي بغرض السياحه .



تبيني أنكر اللي أشوفه بعيني؟

إشدخل البطرة بالموضوع....أشهر شارع "فالعالم" و الشعب الفرنسي يعتبر الدوس على رصيفه
"مهانة" و يطالبون بسجن المخالفين لأنه كان مسار جيوش فرنسا لدرجة أن جعلوا المخالفة 2500
يورو....و ربعنا يصفون و يصورون مع الموتر و يحطونها فالإنستغرام!

آنا واحد أقل شي كل شهرين سفرة....إذا مب أكثر و زرت أكثر من 30 بلد....و كل مرة ما يرفع ضغطي
إلى تجاوزات بعض الخليجيين بشكل عام و بعض القطريين على وجه الخصوص و أولهم أهلي و جماعتي
و ما أزكي نفسي على أحد و أحس بالخزي من بعض تصرفاتهم...هو طبع فينا إن إحنى نستحل المكان
و ناخذ راحتنا بزيادة و ننسى الناس اللي حوالينا...أهم شي إذا عندنا مقبول نقول خلاص عادي

لو اسرد لك حوادث بقعد لين بكرة....البعض يتضايق و البعض يكره و البعض يحقد و البعض ياخذ الموضوع
بحسن نية و كل(ن) على طبعه

[عثرة جواد]

السلام عليكم

صبااح الخير

شنو الضرر من لبسها بل عكس انا شفته وايد زين لانها تقيدت بلباس الخليجي وهاي من مظاهر السوق

[قطريه22]

ماعتقد هي تستهزء بس تبي تلبس شيء من اللباس التقليدي

يمكن طريقتها وهي لابسته بلبسها العاري تقهر وتخلي الواحد يعصب

[Super Cool]

واضح ولله الحمد أن الغالبية ماخذين الموضوع بحسن نية و هذا شيء يثلج صدري

قد تكون نصيحة طيبة و بأسلوب راقي سبب في إحتشام هالبنت أو حتى إسلامها

[Aaziz]

قسماً بالله اني في قمه الاستغراب ،، ليش اغلب البنات الي ردو ماخذين الموضوع عادي او بحسن نيه .
من باب اولى انتو الي دمكن يغلي لان هذا لبسكم و لبس امهاتكم و منظر مألوف بالنسبه لكم ، فا تشوفونه على كاسيه عاريه و تقولون عادي او ماتدري !

مابي احط الصوره الاصليه عشان ما اكسب ذمبها ، فعلا شي يقهر

عجبي

[قطريه22]

واضح ولله الحمد أن الغالبية ماخذين الموضوع بحسن نية و هذا شيء يثلج صدري

قد تكون نصيحة طيبة و بأسلوب راقي سبب في إحتشام هالبنت أو حتى إسلامها

صح كلامك واتوقع بعد لو وحده كلمتها وقالت لها مايصير تلبس النقاب وهي بهالللبس العاري بطريقه محترمه ممكن تتقبل هالشيء وتعتذر
ترى بعضهم على باله عادي مايدري ان هالشيء يضايق

[قطريه22]

قسماً بالله اني في قمه الاستغراب ،، ليش اغلب البنات الي ردو ماخذين الموضوع عادي او بحسن نيه .
من باب اولى انتو الي دمكن يغلي لان هذا لبسكم و لبس امهاتكم و منظر مألوف بالنسبه لكم ، فا تشوفونه على كاسيه عاريه و تقولون عادي او ماتدري !

مابي احط الصوره الاصليه عشان ما اكسب ذمبها ، فعلا شي يقهر

عجبي

اخوي عزيز انا يوم شفت الصوره عصبت بس في نفس الوقت عرفت انها معتبره لبس النقاب شيء تقليدي ولبسته ماتدري ان ممكن يضايق البعض
بس لو في حد كلمها وقالها مايصير ممكن تتقبل هالشيء ونعرف قصدها

[cabtan1]

اخوي سافرت المكسيك اول شي شريته القبعه الكبيره ولبستها محد اعترض
بعض الناس تحب لفت الانضار خذها بروح رياضيه بعيده عن التعصب

[شيخ الديرة]

ماعتقد هي تستهزء بس تبي تلبس شيء من اللباس التقليدي

يمكن طريقتها وهي لابسته بلبسها العاري تقهر وتخلي الواحد يعصب

استهزاء واضح ومتقصد, ما أستغرب أنها تكون لبنانية ويعرفون تقاليد البلد بالكامل, ولكن يتحدون بكل قباحة, مثل ما نشوفهم بملابس النوم تقريبا أحيانا في المجمعات

[المحاميه]

دامهم يتقبلون ياعبدالعزيز
فاكيد يعني مب قاصدين
الظاهر من المسأله يغلب عليه حسن النيه

[Aaziz]

مره في مكان عام في امريكا شفت هذا المنظر

http://www.aawsat.com/2006/10/04/images/news.385747.jpg

http://l.yimg.com/qn/uaesm/up/uploads/a3d7a8b58d.jpg


استغربت كانه اشخاص من العصور الوسطى .. سالت و دخلت النت بحثت و عرفت انهم الامش و عرفت كثير من عاداتهم الي منها انهم مايحبون التطور و مايقبلون بانهم يصورون

بعد فتره رحت لواحد منهم صاحب مزرعه اشتري منه ذبيحه ،، و كان لطيف ،، قلت له ممكن اخذ صوره معاك ،،، كش و رفض و انا كنت ادري انهم مايصورون انفسهم .

انا العربي الي اطقطق بالانجليزي عرفت هذا كله و هم اهل التطور و العلم و القراءه تخلقون لهم الاعذار .






اخوي عزيز انا يوم شفت الصوره عصبت بس في نفس الوقت عرفت انها معتبره لبس النقاب شيء تقليدي ولبسته ماتدري ان ممكن يضايق البعض
بس لو في حد كلمها وقالها مايصير ممكن تتقبل هالشيء ونعرف قصدها

شلون عرفتي


اخوي سافرت المكسيك اول شي شريته القبعه الكبيره ولبستها محد اعترض
بعض الناس تحب لفت الانضار خذها بروح رياضيه بعيده عن التعصب

القبعه المكسيكيه ليست جزء من الدين
النقاب و الحجاب و العبايه من الدين
و انا كعربي مسلم لا اقبل تشبيهي او تشبيه لباسي بلباس المكسيكي غير المسلم الي عاش و تربى في بيئه فيها كثير من المخالفات الاخلاقيه
اقل شي ان المكسيكان سامحين لكل من هب و دب يلبس قبعتهم ،، و احنا ما اخبر حد صرح او تقبل الاجنبي يلبس لبسنا المرتبط بديننا و عاداتنا و تقاليدينا (اقصد لبس نسائنا)

[قطريه22]

استهزاء واضح ومتقصد, ما أستغرب أنها تكون لبنانية ويعرفون تقاليد البلد بالكامل, ولكن يتحدون بكل قباحة, مثل ما نشوفهم بملابس النوم تقريبا أحيانا في المجمعات

ماعتقد شكلها يبين من شرق اسيا

[قطريه22]

مره في مكان عام في امريكا شفت هذا المنظر

http://www.aawsat.com/2006/10/04/images/news.385747.jpg

http://l.yimg.com/qn/uaesm/up/uploads/a3d7a8b58d.jpg


استغربت كانه اشخاص من العصور الوسطى .. سالت و دخلت النت بحثت و عرفت انهم الامش و عرفت كثير من عاداتهم الي منها انهم مايحبون التطور و مايقبلون بانهم يصورون

بعد فتره رحت لواحد منهم صاحب مزرعه اشتري منه ذبيحه ،، و كان لطيف ،، قلت له ممكن اخذ صوره معاك ،،، كش و رفض و انا كنت ادري انهم مايصورون انفسهم .

انا العربي الي اطقطق بالانجليزي عرفت هذا كله و هم اهل التطور و العلم و القراءه تخلقون لهم الاعذار .





شلون عرفتي



القبعه المكسيكيه ليست جزء من الدين
النقاب و الحجاب و العبايه من الدين
اقل شي ان المكسيكان سامحين لكل من هب و دب يلبس قبعتهم ،، و احنا ما اخبر حد صرح او تقبل الاجنبي يلبس لبسنا المرتبط بديننا و عاداتنا و تقاليدينا (اقصد لبس نسائنا)

لان ياخوي وايد نشوف من الاجانب يلبسون اللبس التقليدي منها من تلبس العبايه ومنهم من يلبس الثوب والغتره
ماننكر ان الي في الصوره شيء غلط انها لابسته بلبسها الفاضح
بس بعد مانقدر نقول ونحكم انها تستهزء الا في حاله وحدة اذا حد كلمها وهي اعترفت

[الزعفراني]

والله انا اشوف الاستهزاء الحقيقي في البنات اللي تخلو عن النقاب
اشوف الاستهزاء الحقيقي في العبي المزركشة والملونه والمزخرفه
أشوف الاستهزاء في العبايه اللي تفضح أكثر من انها تستر

هذا هو الاستهزاء الحقيقي لما يجي من أهله

[Aaziz]

دامهم يتقبلون ياعبدالعزيز
فاكيد يعني مب قاصدين
الظاهر من المسأله يغلب عليه حسن النيه

اقبل ان اكون سيء النيه و هنيئاً لك حسن النيه

شخصيا ان كلمتها و تقبلك بقول انها خافت و مسويه نفسها بريئه ، الدفاع عن ديني و تقاليدي لا اخجل او اندم من ان اكون مبالغ فيه ، عشان حتى الي يفكر مجرد تفكير بيتردد .
اذا شفنا وضعنا و هواننا كمسلمين في سنواتنا الاخيره و محليا تنازلنا عن كثير من عاداتنا و تقاليدنا بسبب الحضاره و التحظر المزعوم ساصل بكل تاكيد ان هذه السيده مستهزئه وليست غافله

[قطريه22]

جزاك الله خير على الي سويته وانك كلمتها بس ماقلت لنا يوم كلمتها اشقالت اشكان قصدها من اللبس؟؟

[Aaziz]

لان ياخوي وايد نشوف من الاجانب يلبسون اللبس التقليدي منها من تلبس العبايه ومنهم من يلبس الثوب والغتره
ماننكر ان الي في الصوره شيء غلط انها لابسته بلبسها الفاضح
بس بعد مانقدر نقول ونحكم انها تستهزء الا في حاله وحدة اذا حد كلمها وهي اعترفت

ترى النقاب هو اكثر مايزعجكم كنساء هو الي يخنقكم و هو الي يعور روسكم .
شمعنى اختارت النقاب ؟ وينها عن العبايه الخفيفه الي يطرقها العوى وينها عن الشيله

[همر]

الله يهداك ذابح نفسك وفي الاخير فلبينيه ماينشره عليها


يبيلها عبسي يدعمها ...

[sweet qatar]

قسماً بالله اني في قمه الاستغراب ،، ليش اغلب البنات الي ردو ماخذين الموضوع عادي او بحسن نيه .
من باب اولى انتو الي دمكن يغلي لان هذا لبسكم و لبس امهاتكم و منظر مألوف بالنسبه لكم ، فا تشوفونه على كاسيه عاريه و تقولون عادي او ماتدري !

مابي احط الصوره الاصليه عشان ما اكسب ذمبها ، فعلا شي يقهر

عجبي

ممكن تهدي أعصابك شوي .. وتحاول تتفهم وجهات النظر الأخرى
بدون اي اتهام او دخول في النوايا

انا اتكلم عن تجربة .. مع الأجانب الي صادفتهم في قطر او برا
اوضح واشرح الأسباب الدينية و الفرق بينها وبين العادات والتقاليد



نعم ما اتقبل الصورة ولا المنظر .. بس بعد ما بستفيد لو سبيت ولعنت

[قطريه22]

ترى النقاب هو اكثر مايزعجكم كنساء هو الي يخنقكم و هو الي يعور روسكم .
شمعنى اختارت النقاب ؟ وينها عن العبايه الخفيفه الي يطرقها العوى وينها عن الشيله

اشدخل الحين تقول النقاب يخنقنا انا تكلمت عن الصوره ماتكلمت عن نفسي ولا عن الي تلبس نقاب او ماتلبسه

[sweet qatar]

ترى النقاب هو اكثر مايزعجكم كنساء هو الي يخنقكم و هو الي يعور روسكم .
شمعنى اختارت النقاب ؟ وينها عن العبايه الخفيفه الي يطرقها العوى وينها عن الشيله

في فترة من الفترات
كان النقاب يعتبر عندنا عيب لانه يبرز جمال العيون
والي تبي تلبس نقاب في السوق تاخذه بغشوة ترفعها لما تدخل المحل

[Aaziz]

ممكن تهدي أعصابك شوي .. وتحاول تتفهم وجهات النظر الأخرى
بدون اي اتهام او دخول في النوايا

انا اتكلم عن تجربة .. مع الأجانب الي صادفتهم في قطر او برا
اوضح واشرح الأسباب الدينية و الفرق بينها وبين العادات والتقاليد

نعم ما اتقبل الصورة ولا المنظر .. بس بعد ما بستفيد لو سبيت ولعنت

الاعصاب هاديه بحمد لله

السب و اللعن مش اسلوب للنصح او حتى النهي عن فعل مرفوض ، الدخول في النوايا اذا تقصدينها مبرر بناء على احتكاك مباشر بشريحه كبيره و دراسه للوضع الراهن الي احنا فيه


في فترة من الفترات
كان النقاب يعتبر عندنا عيب لانه يبرز جمال العيون
والي تبي تلبس نقاب في السوق تاخذه بغشوة ترفعها لما تدخل المحل

عيب ؟
اعتقد عيب اذا كانت البنت متمكيجه تحت النقاب ؟
انا اتكلم عن النقاب التقليدي مش عن التحوير الي صار له




اشدخل الحين تقول النقاب يخنقنا انا تكلمت عن الصوره ماتكلمت عن نفسي ولا عن الي تلبس نقاب او ماتلبسه

القصد ان البنت الي في الصوره ما اختارت الا النقاب من زينا التقليدي رغم اني قريت و سمعت من بعض البنات ان النقاب يعور الراس و يخنق النفس

[sweet qatar]

السب و اللعن مش اسلوب للنصح او حتى النهي عن فعل مرفوض ، الدخول في النوايا اذا تقصدينها مبرر بناء على احتكاك مباشر بشريحه كبيره و دراسه للوضع الراهن الي احنا فيه



عيب ؟
اعتقد عيب اذا كانت البنت متمكيجه تحت النقاب ؟
انا اتكلم عن النقاب التقليدي مش عن التحوير الي صار له


اكيد اللعن مش أسلوب نصح كانت صيغة مبالغة ..

تعليقك على مشاركات العضوات غير منصف .. ويضايق

وبالنسبة للنقاب .. لا تحوير ولا مكياج
قبل النقاب الكل كان يتغشى .. غطوة كاملة وثقيلة فلهالسبب بعض الرجال ما تقبلوه

بس سبحان الله دارت الايام و تغيرت نظرة الناس له

[Aaziz]

اكيد اللعن مش أسلوب نصح كانت صيغة مبالغة ..

تعليقك على مشاركات العضوات غير منصف .. ويضايق

وبالنسبة للنقاب .. لا تحوير ولا مكياج
قبل النقاب الكل كان يتغشى .. غطوة كاملة وثقيلة فلهالسبب بعض الرجال ما تقبلوه

بس سبحان الله دارت الايام و تغيرت نظرة الناس له

يجوز ، ولكن مافيه شي مقصود او بسوء نيه وهو مش موضوعنا
كلامج صحيح ان كنا نتكلم عن يمكن في اواخر الثمانينات

[Super Cool]

القبعه المكسيكيه ليست جزء من الدين
النقاب و الحجاب و العبايه من الدين
و انا كعربي مسلم لا اقبل تشبيهي او تشبيه لباسي بلباس المكسيكي غير المسلم الي عاش و تربى في بيئه فيها كثير من المخالفات الاخلاقيه
اقل شي ان المكسيكان سامحين لكل من هب و دب يلبس قبعتهم ،، و احنا ما اخبر حد صرح او تقبل الاجنبي يلبس لبسنا المرتبط بديننا و عاداتنا و تقاليدينا (اقصد لبس نسائنا)

ليش انت تحسب ان نقابات البنات بهيئتها الحالية و قماشها و لونها و خياطتها و و طولها
و عرضها و و و هي ديزاين سماوي منزل بنمط معين و خطوات الصناعة مذكورة فالقرآن
مثلاً....النقاب غطاء يلبي إحتياجات معينة لإعتبارات إسلامية "مب قطعة فعلية مكتوب عليها
ممنوع اللمس"! القرآن مقدس لا يلمس...النقاب ما هو إلى قطعة قماش...و الإلتزام بالنقاب
الشرعي يكون بعدة أشكال و ليس بقطعة بعينها

هل نقول مثلاً عن الراهبات أنهم "محجبات" الغطاء واحد و الشكل مشابه و اللون مشابه....لكن
الحجاب مب قطعة أو شكل معين....و يترتب عليه فعل و أخلاق قبل أن يكون قطعة قماش...القطعة
نفسها مالها أي رابط ديني و تنحط حتى عالبعير...بس لعلمك...مسيحيات الأردن بعضهم محجبات
و مسيحيات الصعيد بعضهم محجبات

[بومحمد المطاوعه]

تحدثو على هذا الموضوع في تويتر

وظهرت انها تترقص بعد

ولا حد وقفها عند حدها




مصخره جديده في وسط هذا السوق الذي اصبح فاشل

استغفرالله صار مكان وكر للدعاره والفساد

[Super Cool]

اقبل ان اكون سيء النيه و هنيئاً لك حسن النيه

شخصيا ان كلمتها و تقبلك بقول انها خافت و مسويه نفسها بريئه ، الدفاع عن ديني و تقاليدي لا اخجل او اندم من ان اكون مبالغ فيه ، عشان حتى الي يفكر مجرد تفكير بيتردد .
اذا شفنا وضعنا و هواننا كمسلمين في سنواتنا الاخيره و محليا تنازلنا عن كثير من عاداتنا و تقاليدنا بسبب الحضاره و التحظر المزعوم ساصل بكل تاكيد ان هذه السيده مستهزئه وليست غافله




يجوز ، ولكن مافيه شي مقصود او بسوء نيه وهو مش موضوعنا
كلامج صحيح ان كنا نتكلم عن يمكن في اواخر الثمانينات

شوف إنت شلون ما تقبلت إن أحد يسيء الظن في أسلوبك فالحوار لكن تقبلت بسرعة إنك تسيء الظن و تحكم على شخص من صورة....و أنت لا سألت و على عرفت السبب ولا يا خوفي بعد هذا كله تطلع فوتوشوب!!!

تطرى علي مرة كنت راجع من المانيا على اللوفتهانزا و مروراً بالرياض و في وحدة من السيدات لابسة بنطلون و تي شيرت كم قصير و لافة وجهها "كامل" بشيلة كأنها مومياء و هي تحسب إنها بجذي تكون إحترمت قوانين السعودية....محد عصب ولا حد أساء الظن و قال تستهزىء....ب×تصار جات سيدة سعودية عطتها شال غطت في ذراعيها و لفت لها الشيلة و انتهى الموضوع

[بومحمد المطاوعه]

نفس راييك
يعني شفيها لو اجنبيه البست عبايه ولا نقاب او اجنبي لبس غتره؟





تدرين يا اختي

لو في عمان

مب كفو واحد اجنبي يلبس اللبس العماني

ثوب والقفحيه

ممنوع
ويتحاسب ويمكن ينسجن

[Super Cool]

تحدثو على هذا الموضوع في تويتر

وظهرت انها تترقص بعد

ولا حد وقفها عند حدها




مصخره جديده في وسط هذا السوق الذي اصبح فاشل

استغفرالله صار مكان وكر للدعاره والفساد

يا سلام سلم....الصورة بتتكلم

هههههه صورة...إشلون عرفوا انها ترقص في صورة؟

[Super Cool]

تدرين يا اختي

لو في عمان

مب كفو واحد اجنبي يلبس اللبس العماني

ثوب والقفحيه

ممنوع
ويتحاسب ويمكن ينسجن

رفيجي "أمريكي" تم يداوم في قطر 4 سنين....يومياً بالثواب و مغتر سواءً فالدوام والا غيره ناسف الغتره و متكي....و خاط العارض بعد

و ما تم التعارف إلا لإحترامي لتقديره و حبه للزي القطري

[بومحمد المطاوعه]

يا سلام سلم....الصورة بتتكلم

هههههه صورة...إشلون عرفوا انها ترقص في صورة؟

ياحبيبي
وحده تناقش في تويتر شافتها بعيونها

مش انا الي شايفها


افهم قبل لاتهاجم

لا احطك في خيشه مع قطو هههههههههه

حبيب حبيب

[بومحمد المطاوعه]

رفيجي "أمريكي" تم يداوم في قطر 4 سنين....يومياً بالثواب و مغتر سواءً فالدوام والا غيره ناسف الغتره و متكي....و خاط العارض بعد

و ما تم التعارف إلا لإحترامي لتقديره و حبه للزي القطري



ف قطر عادي

كل واحد يقدر يلبس


بس ف عمان ممنوع

[Aaziz]

شوف إنت شلون ما تقبلت إن أحد يسيء الظن في أسلوبك فالحوار لكن تقبلت بسرعة إنك تسيء الظن و تحكم على شخص من صورة....و أنت لا سألت و على عرفت السبب ولا يا خوفي بعد هذا كله تطلع فوتوشوب!!!

تطرى علي مرة كنت راجع من المانيا على اللوفتهانزا و مروراً بالرياض و في وحدة من السيدات لابسة بنطلون و تي شيرت كم قصير و لافة وجهها "كامل" بشيلة كأنها مومياء و هي تحسب إنها بجذي تكون إحترمت قوانين السعودية....محد عصب ولا حد أساء الظن و قال تستهزىء....ب×تصار جات سيدة سعودية عطتها شال غطت في ذراعيها و لفت لها الشيلة و انتهى الموضوع

رديت على النقطه الاولى في ردودي فوق ،،، اقرا كلام بو محمد المطاوعه
الي انا مادريت عن موضوعها بتويتر و نزلت الموضوع هنا ،، بعد ما ثبت انها مستهزئه ،، حسن النيه و عدم اسائه الظن الي عندك و عندك كم شخص ايش تسميه ؟

شرايك تساعدني بخدمه يمكن انك افضل مني بالبحث
ابحث في امر مهم وهو عيد عند الامريكان يصادف تاريخ 18 ابريل ،، عيد غير معلن (كاسم او سبب) ولكنه اجازه رسميه للدوله
بحثت في الانتر نت ولم اجد شي يستحق ان يكون اجازه .
هذا التاريخ كان قبل ايام قليله و صدفتني فيه مواقف استغربتها ،، ابي حد يساعدني بالبحث

[R 7 A L]

ياحبيبي
وحده تناقش في تويتر شافتها بعيونها

مش انا الي شايفها


افهم قبل لاتهاجم

لا احطك في خيشه مع قطو هههههههههه

حبيب حبيب


:tease:

القطو علي
ههههههههههههههههاي

[Aaziz]

بو محمد مسيت بالخير

[بومحمد المطاوعه]

:tease:

القطو علي
ههههههههههههههههاي


هههههههههههههههههه

من فريج الغانم جيبه

[بومحمد المطاوعه]

بو محمد مسيت بالخير

مساء الورد ياورد

[Super Cool]

رديت على النقطه الاولى في ردودي فوق ،،، اقرا كلام بو محمد المطاوعه
الي انا مادريت عن موضوعها بتويتر و نزلت الموضوع هنا ،، بعد ما ثبت انها مستهزئه ،، حسن النيه و عدم اسائه الظن الي عندك و عندك كم شخص ايش تسميه ؟

شرايك تساعدني بخدمه يمكن انك افضل مني بالبحث
ابحث في امر مهم وهو عيد عند الامريكان يصادف تاريخ 18 ابريل ،، عيد غير معلن (كاسم او سبب) ولكنه اجازه رسميه للدوله
بحثت في الانتر نت ولم اجد شي يستحق ان يكون اجازه .
هذا التاريخ كان قبل ايام قليله و صدفتني فيه مواقف استغربتها ،، ابي حد يساعدني بالبحث

إذا تقصد الإيستر فهو كان أمس...بس ليش شالسالفة؟

[Super Cool]

أو يمكن تقصد بالم سندي الأحد اللي فات؟

[بومحمد المطاوعه]

رديت على النقطه الاولى في ردودي فوق ،،، اقرا كلام بو محمد المطاوعه
الي انا مادريت عن موضوعها بتويتر و نزلت الموضوع هنا ،، بعد ما ثبت انها مستهزئه ،، حسن النيه و عدم اسائه الظن الي عندك و عندك كم شخص ايش تسميه ؟

شرايك تساعدني بخدمه يمكن انك افضل مني بالبحث
ابحث في امر مهم وهو عيد عند الامريكان يصادف تاريخ 18 ابريل ،، عيد غير معلن (كاسم او سبب) ولكنه اجازه رسميه للدوله
بحثت في الانتر نت ولم اجد شي يستحق ان يكون اجازه .
هذا التاريخ كان قبل ايام قليله و صدفتني فيه مواقف استغربتها ،، ابي حد يساعدني بالبحث


صحيح هذا على كلام الأخت

وانها تترقص ولا حد يوقفها عند حدها

الله المستعان

شي مؤلم

وبعيدين اذا تبي تلبس نقاب ليش كاشفه عورتها

يعني تبي تسوي ضحك ولا تبي تستهزء

الله اعلم بنياتها ولاكن هذا استهزاء يعتبر

[Aaziz]

أو يمكن تقصد بالم سندي الأحد اللي فات؟

الجمعه 18

في هذا اليوم اربع مناسبات و كلها مناسبات تافهه ماتستحق عيد

[همر]

اللي اعرفه ان الجمعه كان good friday يعني

الجمعه الكويسه وهي اجازه رسميه للمسيح

واكيد اجازه عندنا لانها جمعه :)

[قطريه22]

الاعصاب هاديه بحمد لله

السب و اللعن مش اسلوب للنصح او حتى النهي عن فعل مرفوض ، الدخول في النوايا اذا تقصدينها مبرر بناء على احتكاك مباشر بشريحه كبيره و دراسه للوضع الراهن الي احنا فيه



عيب ؟
اعتقد عيب اذا كانت البنت متمكيجه تحت النقاب ؟
انا اتكلم عن النقاب التقليدي مش عن التحوير الي صار له



القصد ان البنت الي في الصوره ما اختارت الا النقاب من زينا التقليدي رغم اني قريت و سمعت من بعض البنات ان النقاب يعور الراس و يخنق النفس

ههههههههههههههه هو من ناحية النفس صج يحدد النفس بس مب معناته اختنق واموت
انا من ناحية يعور الراس لا مايعور الا اذا وحده بتربطه بكل قوتها اكيد راسها بيعورها

[Aaziz]

ههههههههههههههه هو من ناحية النفس صج يحدد النفس بس مب معناته اختنق واموت
انا من ناحية يعور الراس لا مايعور الا اذا وحده بتربطه بكل قوتها اكيد راسها بيعورها

هذا لانه راسج يابس :funny:

[همر]

وانت مالقيت شي بتاريخ 18 ابريل لان التاريخ يتغير

كل سنه ... السنه الجايه بيكون تاريخ 10 ...

موعدها الجمعه اللي قبل احد الفصح...

هو مش احتفال لانه يوم صلب المسيح

المزيف مالهم ... يعني المفروض يصيحون ...

[العلياا]

اللي اعرفه ان الجمعه كان good friday يعني

الجمعه الكويسه وهي اجازه رسميه للمسيح

واكيد اجازه عندنا لانها جمعه :)

يسمونها جمعة الالم او الجمعة العظيمة وهو اليوم اللي اصلبوا فيه عيسى عليه السلام

[قطريه22]

هذا لانه راسج يابس :funny:

:swoon:

[همر]

يسمونها جمعة الالم او الجمعة العظيمة وهو اليوم اللي اصلبوا فيه عيسى عليه السلام


عيسى عليه السلام رُفع ولم يصلب ... خلج دقيقه في هالامور

بارك الله فيج...

[العلياا]

عيسى عليه السلام رُفع ولم يصلب ... خلج دقيقه في هالامور

بارك الله فيج...


ان شاءالله

[سليمان احمد]

يا سلام سلم....الصورة بتتكلم

هههههه صورة...إشلون عرفوا انها ترقص في صورة؟



وانت شلون عرفت انها بحسن نيه

صار اك ساعه تدور تلف عذر

فهمك للي يمس الدين وغيرتك عالدين ميته

احنا مانقول روحو حاكموها نقول اللي سواته

ولبسها اساءه

[سليمان احمد]

اقول للي ما المه المنضر وبدلان ينكر المنكر

جلس يزين المنكر ويزينه بحجه حسن النيه

اذا انحدرت في مستنقع التنازلات في دينك

فلا تتهم الثابتين بانهم غلاه متشديين

انتهى

[بصمة قطرية]

ما أشوف فيها استهزاء ..!!!
في سوق واقف يعني شرت النقاب ولبسته على ان النقاب من لبس هل البلد ..
نفس الأجانب اللي يلبسون غترة وعقال في سوق واقف
و ياما شفناهم مصورين ..
أجانب يدورون هالأشياء
و سائحة يعني الشي عادي مافيه استهزاء ..!

[همر]

ما أشوف فيها استهزاء ..!!!
في سوق واقف يعني شرت النقاب ولبسته على ان النقاب من لبس هل البلد ..
نفس الأجانب اللي يلبسون غترة وعقال في سوق واقف
و ياما شفناهم مصورين ..
أجانب يدورون هالأشياء
و سائحة يعني الشي عادي مافيه استهزاء ..!


في ذمتج هذا اللي صورها لو

راح محل وشرا لها عبايه بستين ريال

وعطاها اياها وقال لها ذس البس مع ذس

ذس بدون ذس بروبلم ...

اتحدا انها كانت بتستانس وتلبس العبايه

وهي شاقه الحلج ويمكن تسلم بعد ...


الحين شالفرق بين هالاسلوب واسلوب

المنتدى وتويتر اللي طلعوها محاربه للدين

والعقيده وردة فعلها وفعل الاجانب اللي

اكيد بتوصلهم هالتعليقات على مواقعهم

الاجتماعيه ؟!!!

[من بغى الزين]

هههههه شنو هذا امحق لبس ههههه

[Super Cool]

وانت شلون عرفت انها بحسن نيه

صار اك ساعه تدور تلف عذر

فهمك للي يمس الدين وغيرتك عالدين ميته

احنا مانقول روحو حاكموها نقول اللي سواته

ولبسها اساءه

إن بعض الظن إثم

لكن إحسان النية لا إثم عليه

سهلة

[سليمان احمد]

إن بعض الظن إثم

لكن إحسان النية لا إثم عليه

سهلة



طيب احسنت النيه فيها

وما احسنت النيه في الاعضاء

انت تقول كيف عرفتواانها تستهزئ

وفي نفس الوقت تشنع على الاعضاء انهم انكرو هالشي

لاتعرف معروف ولا تنكر منكر

تميييع للدين بحجه احسان النيه

وترك الامر بالمعروف والنهي عن المنكر اهلك الامم قبلنا

[بريق الماسه]

ياحياتي

[bos3eed]

انا قاهرني انها لابس لبس عاري بغض النظر عن النقاب

[panda]

كما قال العريفي من فوق اقرأ و من تحت روتانا ههههه

[alsoq]

سؤال من اللي صورها من ها المسافه البسيطه

[ضوى]

المفروض اللي شاف هالمنظر في وقتها وطبعا ماقصدك انت يا خوي عبدالعزيز ، بس اكيد وايد شافوها من اللي يأمرون بالمعروف وينهي عن المنكر وغلى الدم في عروقه انه جاب لها العضيد ووقفها وطردوها من السوق لين تتحشم وتعرف تقاليد هالبلد وتعرف انه اللي سوته استهزاء ، بس عادة اللي ينكر المنكر يكون من وراء الشاشات

[سليمان احمد]

من اسؤا الاشياء واللي ابتلى بها الاسلام

ان ياتي ناس اصحاب عقيده ميته ورع بارد

بدلان ينكر المنكر ياتي لمن ينكر المنكر لينكر عليه غضبه لتعري او انحلال

ومثل ما قال النبي صلى الله عليه وسلم

تعرض الفتن على القلوب كالحصير عوداً عوداً، فأيما قلب أشربها نكتت فيه نكتة سوداء، وأيما قلب رفضها نكتت فيه نكتة بيضاء، حتى تصبح القلوب على قلبين: قلب أبيض خالصاً، وقلب أسود مرباداً كالكوز مجخياً، لا يعرف معروفاً ولا ينكر منكراً) صحيح مسلم

ابتلينا بناس لاينكرون منكر ويتعرضون لمن ينكر المنكر وينكرو عليهم

اليس من الاولى انكار المنكر او السكوت عنهم وكف اذاك عنهم وتركهم ينكرون

على الاقل يقيموا شريعه الامر بالمعروف والنهي عن المنكر بما يسعهم من اللسان

لكن لاحول ولا قوه الا بالله

[لاجل QT]

عادي عزيز

لو اشوفها مااعيرها اهتمام ومستحيل باقولها فصخي البرقع

شي ينباع في كل مكان واللى يبية يشترية اجنبي او عربي مافي قانون ولا شرع يمنع اللى سوتة

مستانسة علية الفقيرة

ماشفت هيفاء يوم البست البرقع والبطولة محد تكلم

[ضوى]

نونة المشكلة مب في شرائها البرقع ، لو لابسة لبس ساتر معليه هذي مفصخة واصلا غلط تدخل السوق بهالمنظر المخزي

[غير البشر]

مادري ليشمحد وقفها وخلوها تصفخ النقاب
او علموها لما تقلد ملابسنا لازم تقلد بالملابس كامله

يعني نقاب وعبايه ولبس محتشم
هذا استهزاء انها تلبس نقاب وملابسها مقصقصه

لكن ربعنا انا ادري فيهم مب كفو حد يتكلم قدام الاجانب للأسف
الا اهل الحميه الموجودين ممكن يفهمونها ان هالشي غلط
وانا مالومها يمكن هي جاهله هالشي وحابه تقلد
لان المعروف ان الاجانب يحبون يقلدون كلشي

[حمد 2002]

مم هل لبسها للبرقع بهدف اغراء الشباب ؟

قالها بوعبدو : ماهقيت ان البراقع يفتنني ..

نرجع للموضوع

لبسها للبرقع عادي ومافيه شيء مدام بعض البنات المسلمات يسيئون اليه بلبسه بهدف الاغراء ..

[بومحمد المطاوعه]

مادري ليشمحد وقفها وخلوها تصفخ النقاب
او علموها لما تقلد ملابسنا لازم تقلد بالملابس كامله

يعني نقاب وعبايه ولبس محتشم
هذا استهزاء انها تلبس نقاب وملابسها مقصقصه

لكن ربعنا انا ادري فيهم مب كفو حد يتكلم قدام الاجانب للأسف
الا اهل الحميه الموجودين ممكن يفهمونها ان هالشي غلط
وانا مالومها يمكن هي جاهله هالشي وحابه تقلد
لان المعروف ان الاجانب يحبون يقلدون كلشي


ياريال الاغلبيه جذي يبون وعادي عندهم


حد بيفتكر

مايعرفون شي والله

جاهلين

تدري هذي لو جدامي بكلمها اول شي

مانفع ببلغ عليها وكان الله غفور رحيم

ولاكن البعض يشوفها اضحوكه

[لاجل QT]

نونة المشكلة مب في شرائها البرقع ، لو لابسة لبس ساتر معليه هذي مفصخة واصلا غلط تدخل السوق بهالمنظر المخزي

ايوا عليج نور المشكلة مهب في البرقع

سالفة البرقع اشوفها عادية جدا هذا احنا لين سافرنا عندهم نلبس البرنيطة ههههههه

انا معاج في خطأ لبس الملابس العارية اللى كل مرة اشوفها تقصر لين وين ماندري


بلااوى اشوف لين رحت واقف سواء اجانب او اجانب عرب هذي تعتبر مستورة بعد

[لاجل QT]

على فكرة حتى العضيد مايقدر يفصخها البرقع

[بومحمد المطاوعه]

على فكرة حتى العضيد مايقدر يفصخها البرقع


لو انا اداوم فالعضيد

بخليها تفصخه

[لاجل QT]

لو انا اداوم فالعضيد

بخليها تفصخه

هههههه بومحمد بتسويلك قانون يديد خاص فيك بفنشونك

مافي قانون في العالم يمنعها من ان تلبس البرقع البرقع مثل اي شي يشترة

ياما شفنا اجانب ذكور بيض وحمر وعيون زرق في واقف لابس شورت وغترة وعقال

معقولة اوقفة واقولة هاي مال رجال مال احنا لايسوى تقليد:rolleyes2:

[غير البشر]

ياريال الاغلبيه جذي يبون وعادي عندهم


حد بيفتكر

مايعرفون شي والله

جاهلين

تدري هذي لو جدامي بكلمها اول شي

مانفع ببلغ عليها وكان الله غفور رحيم

ولاكن البعض يشوفها اضحوكه


تتوقع يا الغالي
الي صورها حاول ينبهها او يكلمها احسن من ان يصورها وينشر الصوره ؟

[بومحمد المطاوعه]

تتوقع يا الغالي
الي صورها حاول ينبهها او يكلمها احسن من ان يصورها وينشر الصوره ؟

الله اعلم ياخوي

بس لو حاب صج ينصحها ماكان صورها ونشرها

[لاجل QT]

مطلوب العضو عزيز هو يقول لنا من صورها ؟؟؟

[نوور الدووحه]

ششششششششششششششششششششتتتت !!!!!!!!!!!

[طلعة الروح]

مافي أي دليل إنه الصورة حقيقية

[فلتة زمانها]

ما اظن تستهزىء يمكن مسوية عملية في ويها او تعالج بشرتها

[توشيبا]

سوق واقف مليان منهم سوا حريم او رجال

طبيعي السايح اذا دخل مكان تراثي يشتري اشياء تخص اهل المنطقه

شفت اجانب شباب شارين غتر ولبسينها ويفترون في السوق


بس لو شايف حرمه لابسه برقع نفس هاذي بصراحه بكلمها واطلب منها تشيله واذا قالت لا ماقدر اجبرها لي ان عندها ظهر سوا من ربعها او ربعنا اما انا الكل بيصير ضدي

[معماري قطري]

سوق والكل يعرض بضاعته .. وهذا اسمه التستر المكشوف .. شوي شوي بنرجع على سوق عكاظ

[معماري قطري]

ششششششششششششششششششششتتتت !!!!!!!!!!!

هههههههههه طالعه من القلب

[معماري قطري]

هههههه بومحمد بتسويلك قانون يديد خاص فيك بفنشونك

مافي قانون في العالم يمنعها من ان تلبس البرقع البرقع مثل اي شي يشترة

ياما شفنا اجانب ذكور بيض وحمر وعيون زرق في واقف لابس شورت وغترة وعقال

معقولة اوقفة واقولة هاي مال رجال مال احنا لايسوى تقليد:rolleyes2:

ايه والله فيه حرية اللباس .. عيل احنا في بلادهم لازم نلبس غتر وثياب

[Dana’1]

سلامي عليه البتاني

احسن من ربعنا
الي بأنفسهم يشترون زينا الوطني و يوزعونه على هالاشكال
مع إني مو حيل مع الجاليه البنغالية ولا أفضل جيبيتهم كعماله منزلية
ولكن التصرف مش مضبوط
ما بالك لو كان هالبنغالي مسلم..كما هو دين أغلب البنغاليه تقريبا وحب يلبس ضافي ومريح

يعني لو الشيخ الأمريكي يوسف إستس وإالا الشيخ البريطانيي عبدالرحيم غرين...وإلا مؤذن مسجد الحي البنغالي لابسين ثياب وغتر وإلا غيرهم من إلي حبوا اللبسة ومريحة لهم وتسترهم ،،،، عادي يجيهم قطري أو خليجي ويتهاوش معهم ويهزئهم عشانها لبستهم؟!
هذا غير إن الأغلب من شباب الخليج لبسوا البدل طبعا فهل بنقول لهم لاتلبسون البدل؟!


أنا معكم إن حلو الإفتخار بالبس والهوية ..وهذا شي المفروض الكل يعمل به...وبالذات إلي يمثلون الوطن العربي والإسلامي في مهمات رسمية بالخارج المفروض مايلبسون غير الثوب والغترة في المهمة على الأقل قدام نظرائهم إلي يفتخرون بلبسهم وما يغيرونه إذا زاروا بلاد العرب لنفس المهمات !
وبالتماشي يقدر ياخذ راحتة باللبس.

لكن تحقير الناس والمسلمين عشان قلدوا البس وبطريقة مافيها شائبة وإستهزاء...فهذا له إسم ثاني بعيد عن الإفتخار باللبس!

[معماري قطري]

مع إني مو حيل مع الجاليه البنغالية ولا أفضل جيبيتهم كعماله منزلية
ولكن التصرف مش مضبوط
ما بالك لو كان هالبنغالي مسلم..كما هو دين أغلب البنغاليه تقريبا وحب يلبس ضافي ومريح

يعني لو الشيخ الأمريكي يوسف إستس وإالا الشيخ البريطانيي عبدالرحيم غرين...وإلا مؤذن مسجد الحي البنغالي لابسين ثياب وغتر وإلا غيرهم من إلي حبوا اللبسة ومريحة لهم وتسترهم ،،،، عادي يجيهم قطري أو خليجي ويتهاوش معهم ويهزئهم عشانها لبستهم؟!
هذا غير إن الأغلب من شباب الخليج لبسوا البدل طبعا فهل بنقول لهم لاتلبسون البدل؟!


أنا معكم إن حلو الإفتخار بالبس والهوية ..وهذا شي المفروض الكل يعمل به...وبالذات إلي يمثلون الوطن العربي والإسلامي في مهمات رسمية بالخارج المفروض مايلبسون غير الثوب والغترة في المهمة على الأقل قدام نظرائهم إلي يفتخرون بلبسهم وما يغيرونه إذا زاروا بلاد العرب لنفس المهمات !
وبالتماشي يقدر ياخذ راحتة باللبس.

لكن تحقير الناس والمسلمين عشان قلدوا البس وبطريقة مافيها شائبة وإستهزاء...فهذا له إسم ثاني بعيد عن الإفتخار باللبس!

I guess it is a matter of personal taste and choice

[Super Cool]

طيب احسنت النيه فيها

وما احسنت النيه في الاعضاء

انت تقول كيف عرفتواانها تستهزئ

وفي نفس الوقت تشنع على الاعضاء انهم انكرو هالشي

لاتعرف معروف ولا تنكر منكر

تميييع للدين بحجه احسان النيه

وترك الامر بالمعروف والنهي عن المنكر اهلك الامم قبلنا

إشدخل أسأت النية في الأعضاء!!؟؟؟ متى آنا حكمت على الأعضاء أصلاً؟
إنت قريت ردودي من الاساس ولا لأني ما سبيت صاحبة الصورة حكمت علي بالتميع؟
كل اللي طلبته "من الأعضاء" أن لا يسيؤون النية في أحد"بشكل عام" و ما حكمت لا
عليهم ولا على على غيرهم...ولا قلت عن شخصهم شيء لا تخلط الأمور رجاءً

يقال...الطبل الفارغ يصدر اعلى صوت!!

[فرهود]

الظاهر من لبسها العاري انها تستهزء بالبرقع.ولا شمعنى ماختارات الا غطى الوجه ليش ماختارت غطى للجسم مثل العبايه .الله يهديها

[Aaziz]

الله يهداك ذابح نفسك وفي الاخير فلبينيه ماينشره عليها
يبيلها عبسي يدعمها ...


في تعليقك الاول في هذا الموضوع طنشته ،، لان فيه استهزاء
فضلت ارتقي بنفسي و في من يقرا و ما اشتت الموضوع .



الله يهداك يا بومحمد
الحين فلبينيه تتمشى بنقاب في
سوق واقف يبون يقيمون عليها الحد
لاستهزائها بالدين والموروث الشعبي
ونسوا ان الدين انتشر بالمعامله الحسنه
والكلمه الطيبه ... خلها على الله بس...


وهذا تعليق لك في موضوع لعضو اخر تتكلم فيه عن موضوعي هذا و ايضا باسلوب غير مقبول .
مع العلم ان ردودك في مواضيعي دائما بهذا الشكل (ولا اعرف السبب) فان كانت فيه مشكله شخصيه تكلم فيها على العام هنا و ان بغيت الخاص موجود .
علق بهذا الشكل عند ام عيالك الي تعرفك و تستحملك ، ترى احنا اعضاء مانعرفك ولا مطلوب منا نستحمل اسلوبك و استهزائك .
اما انك تعلق باحترام و ادب و بفكره تستحق التعليق عليها (وان كانت مخالفه لوجهة نظر صاحب الموضوع) اما ان تحط لسانك في لهاتك و تكتفي بالقراءة و الخروج من الموضوع بكل ادب وصمت .