ممكن بطاقة البنك )))((()))((()))(((

[الجوكر90]

السلام عليكم ورحمة الله وبركاته
شحالكم
شخباركم
ان شاء الله طيبين




مره قريت سالفة وحده طلبت الطلاق من ريلها

ليش

ﻻن هي تشتغل وطلب منها انها تعطيه بطاقتها مالت البنك وهي تاخذ راتب شهري
يعني مثلا راتبها 25 الف
هي تاخذ 5000 أو 7000 حق الشهر وهو يجمع لها الفلوس

او ان اي متى بغت فلوس تطلب منه

طبعا مب من اول مره طلب منها قالت طلقني
يعني بعد اللحاح من الزوج
ويمكن في مشاكل ثانيه اجنا ماندري عنها


السوال

يحق للزوج ان يطلب هالطلب من مرته؟
ويحق للزوجه الرفض او تطيعه

[شبح الصمت]

من حقها ترفض ما قلنا لا

بس قويه تطلب الطلاق لاجل انه طلب منها بطاقتها ..

يمكن في اسباب اخرى الرجال مهب سوي لعاب ..

او انها اهي يدها فارطة وتصرف على اشياء ما تستاهل ويبي يجمع لها ..

الاحتمالات موجوده في الواقع

لكن تاكد اخوي الجوكر لو وصل حال المتزوجين للعلاقة المادية فقط وانعدم الحب والود اعلم انه انقطعت بينهم اشياء كثيرة ..

[طلعة الروح]

صحيح ما يحق له يتحكم في راتبها أو ياخذ منه ، والطلاق أتوقع كان نتيجة تراكمات ومنها الجانب المالي.. والله أعلم

[ANONYMOUS]

المال عديل الروح

شلون يطلب منها عديل روحها

[ضوى]

ماعنده سالفة يطلب شقاها وتعبها ،

[روح الاطلس]

من وجهة نظري، ارى ان على المرأة ان تساهم ماديا مقابل تقصيرها في واجبها المنزلي بقضاء سبع وثمان ساعات خارج المنزل
وبئس من امرأة ضحت باسرتها وطلبت الطلاق مقابل " فلوس" !!

[توشيبا]

مب رجوله من الرجل انه يطلب تعبها وشقاها من واجبه انه يصرف عليها لو راتبها اكثر من راتبه ويعطيها مصروفها الشهري

البخل والطمع مب من شيم الرجال

[بوخالد911]

الله العالم بالظروف

[BIG-VEGA]

طبعا يحق للزوج انه يطلب منهاالبطاقه وغيره ... بس مايجبرها
اذا كانت ماتحسن تتصرف في الامور الماديه فيكون نفس الوصي عليها عشان يحافظ على فلوسها

وطبعا يحق للزوجه انها هي الي تدير الامور الماديه اذا زوجها مسرف او غيره وبيضيع حقوق الاسره

بس حلوه طلبت الطلاق لانه الح :)

[قطريه22]

يحق للزوج ان يطلب هالطلب من مرته؟
لا مب من حقه يطلبها

ويحق للزوجه الرفض او تطيعه؟
اكيد يحق لها ترفض لان مالها الخاص وهو ماله شغل في بطاقتها.

[فرهود]

هو الح ولا اصر لان في فرق كبير.

[الزعفراني]

الصراحه ماله حق ..

[حنظلة]

يعني اللي يطلب انه يتزوج وحدة موظفة شنو المقصد من ورى هالطلب؟ غير ان عينه على البطاقة !!!

[BIG-VEGA]

هو الح ولا اصر لان في فرق كبير.

لا الح عشان جيه بس طلبت الطلاق

لو اصر كانت بتنحره

[العلياا]

من حقها ترفض ومو من حقه يطلب بطاقتها تعبها وشقاها
رجال آخر زمن يبون الحريم يصرفون عليهم :rolleyes2:

[شبح الصمت]

يعني اللي يطلب انه يتزوج وحدة موظفة شنو المقصد من ورى هالطلب؟ غير ان عينه على البطاقة !!!


:eek5:

اشدعووووه

[شبح الصمت]

من حقها ترفض ومو من حقه يطلب بطاقتها تعبها وشقاها
رجال آخر زمن يبون الحريم يصرفون عليهم :rolleyes2:



من حقها ترفض اختي حلالها

رفيجي ماخذ بطاقة مرته حلو لاجل ما تصرف وكل شهر ينزل لها في حسابها 5 آلاف وراتبها يمكن قريب الـ 18 ألف والحمد لله ما قالت له لا ومهب معطتك وانت طماع وانت وانت ،،، سالته قالي ياخي اجمع لها ولي مهب مرتي حلالي نبني حق عيالنا ونسوي لهم احنا شراكة زوجية مع بعض وفي نفس الوقت احنا اسرة والحمد لله الفلوس مهب همنا بس الواحد يفكر الله عطانا عقل والفلوس اشلون نصرفها ..


وابشركم مفتلين بنو بيتهم والحمد لله
واثثوه بفلوسه وفلوسها
والا خلها تاخذ سلفة
وسفر المكان الي في خاطرهم ..

الحياة حلوه بس بالاتفاق

[فرهود]

اذا كانت تشتغل من حقه ياخذ بطاقتها اذا كان القصد التوفير لان بعض الحريم للاسف مع الشغل واهمال البيت بعد تفسفس الراتب على كلام فاضي .

[العلياا]

من حقها ترفض اختي حلالها
رفيجي ماخذ بطاقة مرته حلو لاجل ما تصرف وكل شهر ينزل لها في حسابها 5 آلاف وراتبها يمكن قريب الـ 18 ألف والحمد لله ما قالت له لا ومهب معطتك وانت طماع وانت وانت ،،، سالته قالي ياخي اجمع لها ولي مهب مرتي حلالي نبني حق عيالنا ونسوي لهم احنا شراكة زوجية مع بعض وفي نفس الوقت احنا اسرة والحمد لله الفلوس مهب همنا بس الواحد يفكر الله عطانا عقل والفلوس اشلون نصرفها ..
وابشركم مفتلين بنو بيتهم والحمد لله
واثثوه بفلوسه وفلوسها
والا خلها تاخذ سلفة
وسفر المكان الي في خاطرهم ..
الحياة حلوه بس بالاتفاق

يعني مصروفها شهرياً خمسة الف ريال من ال 18 الف !!
والباقي يجمعهم !! والا العكس !!

[شبح الصمت]

يعني مصروفها شهرياً خمسة الف ريال من ال 18 الف !!
والباقي يجمعهم !! والا العكس !!



راتبها كامل ينزل في الحساب اختي ..

ويعطيها من راتبه 5 آلاف ريال ..

وراتبها ما يتحرك إلا يوم يرجعون لبعض ويتناقشون في شنو راح ينصرف إذا في شيء ضروري

[فلتة زمانها]

يمكن خايفة يتزوج عليها بفلوسها :(

[7llo]

ممم تساعده مو مشكله بس مش من حق الزوج ياخذ بطاقه البنك مال الزوجه اذا هو مثلن طلب منها مبلغ واهي عطته المبلغ الي هو يبيه اوكي اما ايروح الزوج ياخذ البطاقه غصب وتصير مشاكل لا واللله مش من حقه لانه الزوج ملزوم بالزوجه , الزوجه لو هي تبي تساعده كيفها ولو ماتبي مش ملزومه تكد على الزوج

[شبح الصمت]

ممم تساعده مو مشكله بس مش من حق الزوج ياخذ بطاقه البنك مال الزوجه اذا هو مثلن طلب منها مبلغ واهي عطته المبلغ الي هو يبيه اوكي اما ايروح الزوج ياخذ البطاقه غصب وتصير مشاكل لا واللله مش من حقه لانه الزوج ملزوم بالزوجه , الزوجه لو هي تبي تساعده كيفها ولو ماتبي مش ملزومه تكد على الزوج


ياخي مافي شيء بالغصب بتتصل البنك عادي بتقول لهم بطاقتي ضايعه وبيسووون بلوك على حسابها وبتروح اطلع غيرها ..

ترى مهب صعبة الوحده لو تبي تكون سياسية بتكون بالعقل

وفي نفس الوقت ترى ذي زوجها حلالها يصرف عليها فرضاً مسكين لا قدر الله فنش وحاول يشتغل في مكان ثاني وتآخر عمله هل بتقوله مالي خص فيك دبر عمرك !!


قويه ياخي الرجال كداد على عمره وعلى زوجته واي رجل ما يحب ينحط في موقف المنصرف عليه دائماً إلا الي عايش على ظهر غيره ..

[العلياا]

راتبها كامل ينزل في الحساب اختي ..
ويعطيها من راتبه 5 آلاف ريال ..
وراتبها ما يتحرك إلا يوم يرجعون لبعض ويتناقشون في شنو راح ينصرف إذا في شيء ضروري

الله أكبر
مع أحترامي لرفيجك راتب الزوجة للزوجة لها كامل الحريه تسوي فيه اللي تبي
ومصروفها لو يبيها ما تصرفه الا للضروره خل يحتفظ فيه هو وهو يصرفه فالمفيد الضروري

[شبح الصمت]

قول الحمد لله في ناس والله حالتهم حالة الرجال عليه ديون والمره عليها ديون وصابرين على بعض والحمدلله وراضين بلي الله كتبه لهم لا تشكت وقالت ريلي سحبني دين وركضت وطلبت الطلاق لاجل خذ بطاقتها ..

[شبح الصمت]

الله أكبر
مع أحترامي لرفيجك راتب الزوجة للزوجة لها كامل الحريه تسوي فيه اللي تبي
ومصروفها لو يبيها ما تصرفه الا للضروره خل يحتفظ فيه هو وهو يصرفه فالمفيد الضروري



كلن وتفكيره ..

ومع احترامي ولا تزعلين مني اختي بعض الحريم الله يهداهم يحبون يكون سبب في خراب البيوت تدري انه زوج رفيجتها ماخذ بطاقتها والا تعطيه فلوس وتروح تقول لها ليش معطته وليش وليش ياخي اشدخلكم بينهم خلوهم دامهم مرتاحين ..

ابشرج مرتاحين واهي مرتاحه واي شيء قاصرها ما يقصر معاها كل شيء عندها ..

المقصد انه اشلون يبنون حياتهم

وهذه المشكلة الفلوس غيرت النفوس عند البعض

[قطريه22]

من حقها ترفض اختي حلالها

رفيجي ماخذ بطاقة مرته حلو لاجل ما تصرف وكل شهر ينزل لها في حسابها 5 آلاف وراتبها يمكن قريب الـ 18 ألف والحمد لله ما قالت له لا ومهب معطتك وانت طماع وانت وانت ،،، سالته قالي ياخي اجمع لها ولي مهب مرتي حلالي نبني حق عيالنا ونسوي لهم احنا شراكة زوجية مع بعض وفي نفس الوقت احنا اسرة والحمد لله الفلوس مهب همنا بس الواحد يفكر الله عطانا عقل والفلوس اشلون نصرفها ..


وابشركم مفتلين بنو بيتهم والحمد لله
واثثوه بفلوسه وفلوسها
والا خلها تاخذ سلفة
وسفر المكان الي في خاطرهم ..

الحياة حلوه بس بالاتفاق

الله يوفقهم ويخليهم لبعض ويبعد العين عنهم
حلو اذا كانو متفاهمين وهي راضيه على ان بطاقتها تكون عند زوجها مافيها شيء
بس اذا بالغصب لا..

وشكراً

[شبح الصمت]

الله يوفقهم ويخليهم لبعض ويبعد العين عنهم
حلو اذا كانو متفاهمين وهي راضيه على ان بطاقتها تكون عند زوجها مافيها شيء
بس اذا بالغصب لا..

وشكراً


اللهم آمين اختي

مافي شيء بالغصب بالتراضي وطيبة الخاطر صدقيني

[العلياا]

كلن وتفكيره ..
ومع احترامي ولا تزعلين مني اختي بعض الحريم الله يهداهم يحبون يكون سبب في خراب البيوت تدري انه زوج رفيجتها ماخذ بطاقتها والا تعطيه فلوس وتروح تقول لها ليش معطته وليش وليش ياخي اشدخلكم بينهم خلوهم دامهم مرتاحين ..
ابشرج مرتاحين واهي مرتاحه واي شيء قاصرها ما يقصر معاها كل شيء عندها ..
المقصد انه اشلون يبنون حياتهم
وهذه المشكلة الفلوس غيرت النفوس عند البعض

فعلاً كلن وتفكيره
الله يهني سعيد بسعيدة

[شبح الصمت]

فعلاً كلن وتفكيره
الله يهني سعيد بسعيدة



اللهم آمين

[qrt_trading]

همممممم أنا زوجي دايماً يقول لي أنتي وين راتبج يروح، هالشهر ما نزل لي راتب لآني في الشهر اللي قبله نزلوا دبل راتب فهو تكفل بكل شي وآخر شي من يومين احتجت ملابس لبنتي الصغيره عمرها 4 شهور واللي عندها خلاص كله صغر عليها فرحنا نشتري له أخذت لها 24 قطعة أوفرأول و 17 قطعة داخليه يمكن الكمية اللي خذتها كبيره بس بنتي من النوع اللي يرجع وايد وانتو بكرامه فاحتاج هالعدد اذا مش اكثر فدفع تقريبا 3700 وشوي وبعد ما رجعنا البيت قال لي اشدعوة هالمبلغ على ملابس ياهل اهني قلت له الحين عرفت وين يروح راتبي ما بين جمعية وراتب شغالتين (هو على فكره يدفع للشغالتين اللي حاطتهم لبنتي الكبيرة كونها من ذوي الاحتياجات الخاصة وماتنام في يومها اكثر من 3 ساعات فمحتاجة 2 وحدة تنام بالليل والثانية بالنهار وهو متكفل بعد براتب السايق بعد غير اغراض البيت) والمبلغ اللي اقتطعه للوالدة والفواتير واغراض وملابس ما شاء الله 6 يهال ما يتم من الراتب شي.

[شبح الصمت]

همممممم أنا زوجي دايماً يقول لي أنتي وين راتبج يروح، هالشهر ما نزل لي راتب لآني في الشهر اللي قبله نزلوا دبل راتب فهو تكفل بكل شي وآخر شي من يومين احتجت ملابس لبنتي الصغيره عمرها 4 شهور واللي عندها خلاص كله صغر عليها فرحنا نشتري له أخذت لها 24 قطعة أوفرأول و 17 قطعة داخليه يمكن الكمية اللي خذتها كبيره بس بنتي من النوع اللي يرجع وايد وانتو بكرامه فاحتاج هالعدد اذا مش اكثر فدفع تقريبا 3700 وشوي وبعد ما رجعنا البيت قال لي اشدعوة هالمبلغ على ملابس ياهل اهني قلت له الحين عرفت وين يروح راتبي ما بين جمعية وراتب شغالتين (هو على فكره يدفع للشغالتين اللي حاطتهم لبنتي الكبيرة كونها من ذوي الاحتياجات الخاصة وماتنام في يومها اكثر من 3 ساعات فمحتاجة 2 وحدة تنام بالليل والثانية بالنهار وهو متكفل بعد براتب السايق بعد غير اغراض البيت) والمبلغ اللي اقتطعه للوالدة والفواتير واغراض وملابس ما شاء الله 6 يهال ما يتم من الراتب شي.


الله يبارك لكم يارب

ويكتب لكم اجر بنتكم ويعوضكم فيها بالجنه ويرزقكم يارب ..

[qrt_trading]

الله يبارك لكم يارب

ويكتب لكم اجر بنتكم ويعوضكم فيها بالجنه ويرزقكم يارب ..





مشكور اخوي والله يسمع منك

[Right]

ليس من حقه أبداً أن تعطيه مالاً حتى وأن كانت غنية إلا بطيب خاطر منها


قال الله تعالى : ( الرجال قوامون على النساء )


وهي مو صاحية تبي الطلاق عشان طلب البطاقة ، إعتذري منه وخلاص


على طول خراب بيوت ، ليش ؟!

[بن جعران]

ماله حق يطلب بطاقتها او ياخذ منها ريال واحد

بشرط

تتحمل الزوجه رواتب الخدم والدريول واقساط السياره اللي توديها الدوام هذا نص الراتب راح

والباقي حلالها وحره في كل ريال , شقى تعبها فالدوام ( نركز على كلمة تعبها ) هذا اذا كان في تعب اصلاً

[l0o0rd-qtr]

يحق له ان ياخذ من مالها اذا كان محتاج فقط ولسد الحاجه مثلا مصاريف البيت والعيال وراتبه لايكفي لهالاشياء فقط للضرورة

واذا رفضت يحق له ان يمنعها عن العمل لانه موب مستفيد من هالراتب

[abu m7md]

بسم الله والصلاة والسلام على رسول الله سيدنا محمدا وعلى اله وصحبه
اما بعد
يقول الرسول صلى الله عليه وسلم
لو امرت ان اسجد لغير الله لامرت ان تسجد المرأه لزوجها .... او كما قال عليه الصلاة والسلام
هذا شي عظيم ان تسجد لغير الله
وان دل
دل على انه عظم شئن الزوج عند زوجته
ومع كل احتراماتي اغلب الزوجات لاتعرف ماهي واجباتها اتجاه زوجها
واجب الزوجه : ان تطيع زوجها في جميع الامور الا في ما يغضب الله

على بطاقه تطلب الطلاق ( تبشر بالضره ) ياليتني اعرف زوجها كان دورت له ضرة عليها ( تضرب زوجه بزوجه اخرى ) مادري من قال ولكن اعجبني

تقبل مروري
اخوك
ابو محمد

[شبح الصمت]

بسم الله والصلاة والسلام على رسول الله سيدنا محمدا وعلى اله وصحبه
اما بعد
يقول الرسول صلى الله عليه وسلم
لو امرت ان اسجد لغير الله لامرت ان تسجد المرأه لزوجها .... او كما قال عليه الصلاة والسلام
هذا شي عظيم ان تسجد لغير الله
وان دل
دل على انه عظم شئن الزوج عند زوجته
ومع كل احتراماتي اغلب الزوجات لاتعرف ماهي واجباتها اتجاه زوجها
واجب الزوجه : ان تطيع زوجها في جميع الامور الا في ما يغضب الله

على بطاقه تطلب الطلاق ( تبشر بالضره ) ياليتني اعرف زوجها كان دورت له ضرة عليها ( تضرب زوجه بزوجه اخرى ) مادري من قال ولكن اعجبني

تقبل مروري
اخوك
ابو محمد




بومحمد
اضحك الله سنك على آخر جملة

من عقب هالمقولة لك انت اصبحت في القائمة السوداء لدى الكثير من العضوات ..

تحياتي لك تمتع بالردود

[طلعة الروح]

اذا كانت تشتغل من حقه ياخذ بطاقتها اذا كان القصد التوفير لان بعض الحريم للاسف مع الشغل واهمال البيت بعد تفسفس الراتب على كلام فاضي .

تحسسني انك متزوج ياهل ف الروضة

[abu m7md]

بومحمد
اضحك الله سنك على آخر جملة

من عقب هالمقولة لك انت اصبحت في القائمة السوداء لدى الكثير من العضوات ..

تحياتي لك تمتع بالردود

تهقى يالذيب فالقائمة السوداء :(

[تغلبية]

^

بومحمد .. إنت كنت ماشي صح.... شاللي غير مسارك .. لايكون جاتك العدوى ؟!

"مالكم كيف تحكمون "

!!!!!!



في هالموضوع احتاج فتاوى بأحقية الزوج في راتب الزوجة الموظفة

تعودنا على النسخ واللصق .... :omen2:

[ANONYMOUS]

يعني اللي يطلب انه يتزوج وحدة موظفة شنو المقصد من ورى هالطلب؟ غير ان عينه على البطاقة !!!

ماعتقد

غالبا اللي يبي موظفه يبي يفتك من حنتها اذا كانت متفرغه بالبيت.. ومن مصاريفها ومجاملاتها

[بوحارب]

الله لا يبلانا بزوجة موظفة :)

[الجوكر90]

السلام عليكم
اول شي اشكركم على التفاعل
ثاني ترى انا كاتب الموضوع مب الاعضاء الي ردوا على الموضوع
يعني اقروا وشو كاتب فنهاية الموضوع
في اسباب ثانيه للطلاق بس من ضمن الاسباب بخل الزوج وطلب للبطاقه

وترى صج ملاحظ ع الاعضاء انهم يبنون ارائهم على كلام الردود مب راعي الموضوع

[الجوكر90]

صحيح ما يحق له يتحكم في راتبها أو ياخذ منه ، والطلاق أتوقع كان نتيجة تراكمات ومنها الجانب المالي.. والله أعلم

صحيح الشيخ تراكمات

[الجوكر90]

ماعنده سالفة يطلب شقاها وتعبها ،

تقريبا انا اجزم ان الريال ماله حق فمعاش زوجته الا اذا كانت سفيهه وماتعرف اشلون تصرف الفلوس

[الجوكر90]

من وجهة نظري، ارى ان على المرأة ان تساهم ماديا مقابل تقصيرها في واجبها المنزلي بقضاء سبع وثمان ساعات خارج المنزل
وبئس من امرأة ضحت باسرتها وطلبت الطلاق مقابل " فلوس" !!

صحيح اذا الريال حالته متوسطه او اقل المفروض يساعدون بعض

[الجوكر90]

مب رجوله من الرجل انه يطلب تعبها وشقاها من واجبه انه يصرف عليها لو راتبها اكثر من راتبه ويعطيها مصروفها الشهري

البخل والطمع مب من شيم الرجال

جزاك الله خير ع الكلام الطيب

[الجوكر90]

هو الح ولا اصر لان في فرق كبير.

والله مادري بس كثرة الالحاح تسبب مشاكل ثانيه غير الفلوس

[الجوكر90]

يعني اللي يطلب انه يتزوج وحدة موظفة شنو المقصد من ورى هالطلب؟ غير ان عينه على البطاقة !!!

تسانده فامور الحياه
وتساعده في شرا البيت او اذا يبون يبنون
تساعده في انهم يعيشون عيالهم احسن عيشه

ملاحظه ان لو علي بطلب من زوجتي انها ماتشتغل
ويكون شغلها تربي عيالي
بس اذا هي تبي تشتغل ماقدر امنعها بشرط تشتغل فمكان غير مختلط

[تغلبية]

السوال

يحق للزوج ان يطلب هالطلب من مرته؟

لا

ويحق للزوجه الرفض او تطيعه

يحق لها ترفض ..

واذا طاعت بطيب خاطر وبالاتفاق بينهم .. ما يمنع .. تعامل طيب منها له

[الجوكر90]

همممممم أنا زوجي دايماً يقول لي أنتي وين راتبج يروح، هالشهر ما نزل لي راتب لآني في الشهر اللي قبله نزلوا دبل راتب فهو تكفل بكل شي وآخر شي من يومين احتجت ملابس لبنتي الصغيره عمرها 4 شهور واللي عندها خلاص كله صغر عليها فرحنا نشتري له أخذت لها 24 قطعة أوفرأول و 17 قطعة داخليه يمكن الكمية اللي خذتها كبيره بس بنتي من النوع اللي يرجع وايد وانتو بكرامه فاحتاج هالعدد اذا مش اكثر فدفع تقريبا 3700 وشوي وبعد ما رجعنا البيت قال لي اشدعوة هالمبلغ على ملابس ياهل اهني قلت له الحين عرفت وين يروح راتبي ما بين جمعية وراتب شغالتين (هو على فكره يدفع للشغالتين اللي حاطتهم لبنتي الكبيرة كونها من ذوي الاحتياجات الخاصة وماتنام في يومها اكثر من 3 ساعات فمحتاجة 2 وحدة تنام بالليل والثانية بالنهار وهو متكفل بعد براتب السايق بعد غير اغراض البيت) والمبلغ اللي اقتطعه للوالدة والفواتير واغراض وملابس ما شاء الله 6 يهال ما يتم من الراتب شي.

الله يشفيها ان شاء الله

[qrt_trading]

الله يشفيها ان شاء الله


آمين يارب الله يسمع منك