قانون جديد منع التدخين فالسيارة !!! :eek5:

[يوسف0]

شهاي القانون وليش اصلا ؟

الي يدخن فسيارته يأذي نفسه مايأثر فالغير

ومخالفة 500 ريال

تفاصيل القانون صفحة 11 الراية

http://www.raya.com/file/get/b2a7156b-fb49-4887-b31f-173d925de9d5.pdf#pagemode=thumbs

[ANONYMOUS]

الاولى يوقفون البيع او الاستيراد

[خليفـة]

الي بيدوخ .. بيدوخ بدون لاحد يشوفه
في رأيي .. قانون ما كان له داعي

خليفــة

[ANONYMOUS]

زين .. هل .. لازم السياره تمشي ..


بمعنى

هل لو اصفط ع الخط وادخن داخل السياره عادي .. ولا لازم احول .. !

ياليت اللي عنده المذكره الايضاحيه للقانون يحطها

[دايموند]

احسن ....

[@north_star@]

قانون في محله لانه كثير من اللي يدخنون لما يخلص السيجارة يرميها من السيارة وممكن تطير على سيارات ثانية
وطبعا غير الضرر على نفسه صحيا وجسمانيا لاقدر الله لو طاحت السيجارة من يده على ارضيه السيارة ممكن يتسبب بحريق او يتسبب بحادث

[نيساني]

خبر جميل جداً بس ياريت يطبق بكل ما اوتي من قوه واهم شي الواسطه

[عبدالعزيز 9]

احسسن

[محمد2]

الحمدلله وان شاءالله يطبق هالقانون لان يدخن وعقب يحذف سجارتة فالشارع والعم قدام في سيارتة ولا فاكر في اللي وراة.
زين وانت تسوق وحذفت سجارتك فالشارع و دشت في السيارة اللي وراك. اش ذنبهم.

[سعادة الوزير]

مب عارف ليش البعض منا مصر على مسك الطار مقلوب!!! ، الحين ايش علاقة التدخين في السيارة بحد ذاته مع موضوع رمي السيجارة من السيارة؟؟؟ ، اذا كان الغرض هو منع رمي السجائر من السيارة فالأولى هو (وبكل بساطة!!) منع رمي السجائر من السيارة! ، اما منع التدخين في السيارة فهذا غير منطقي أبداً ، لانه فيه مساس من الحرية الشخصية للمدخن كونه ليس في مكان عام ، ومن ناحية أخرى فهذا غير قابل للتطبيق أصلاً ، لانه سيحدث فوضى في الشوارع واحنا مب ناقصين.

على فكرة ، انا لست مدخن واكره رائحة التدخين من بعد نص كيلو ، ولكن الحق حق.

[توشيبا]

ناقص اللي يدخن داخل بيته ياخذ مخالفه

داخل السياره يعني داخل ملكه الشخصي مالهم حق يتدخلون فيه

واذا كان خوف علي الشخص من التدخين يمنعونه من دخوله لقطر

[بوخالد911]

يا ريت مخالفة اللي بالمجمعات

[مشاكل]

اتمنى يخلون سعر الباكيت 100 ريال أولى وافضل من هالقرار

[فلوس]

هههههههههههههههههههههههههههههههههههههههههههههههههه ههههههههههههههههههههههههههههههه
نكتة الموسم

[venum]

هههههههههه,, اقص يدي اذا تطبق هالقانون :tease:
فيكم خير امنعو بيع الزقاير ولا ابوي مايقدر الا على امي :shy:

[معماري قطري]

كنت ناوي أتعلم التدخين وادخن على كبر بس الحين خلاص غيرت رايي

[R 7 A L]

الهدف من هالقرار عدم رمي اعقاب الزقاير في الشوارع
والله أعلم


وبعد هالقرار الكل بيخاف بعد مايدخن وماراح يرمي اعقاب الزقاير في الشوارع

[@north_star@]

مب عارف ليش البعض منا مصر على مسك الطار مقلوب!!! ، الحين ايش علاقة التدخين في السيارة بحد ذاته مع موضوع رمي السيجارة من السيارة؟؟؟ ، اذا كان الغرض هو منع رمي السجائر من السيارة فالأولى هو (وبكل بساطة!!) منع رمي السجائر من السيارة! ، اما منع التدخين في السيارة فهذا غير منطقي أبداً ، لانه فيه مساس من الحرية الشخصية للمدخن كونه ليس في مكان عام ، ومن ناحية أخرى فهذا غير قابل للتطبيق أصلاً ، لانه سيحدث فوضى في الشوارع واحنا مب ناقصين.

على فكرة ، انا لست مدخن واكره رائحة التدخين من بعد نص كيلو ، ولكن الحق حق.

'طيب اخوي واذا السيجارة طاحت بين رجوله والا على ارضيه السيارة ونزل يجيبها ولف على خلق الله وتسبب بحادث لاقدر الله هل هذي حرية شخصية ؟؟

[فرهود]

مع اني مدخن وادخن في السياره لكن القرار صائب وصحيح . لو لاقدر الله طاحت السجاره من يده واحترقت السياره او فقد توازنه او اي سبب اخر وحدثت كارثه ساعتها بنقول ليش مامنعوا التدخين في السياره وليش يسمحون لذلك المنع قبل حدوث البلاء تصرف سليم .

[حبر وقرطاس]

هذا نفس القوانين المطبقه على العساكر في احدى دول الخليج لا وعليها محاكمه وسجن بعد

[سعادة الوزير]

'طيب اخوي واذا السيجارة طاحت بين رجوله والا على ارضيه السيارة ونزل يجيبها ولف على خلق الله وتسبب بحادث لاقدر الله هل هذي حرية شخصية ؟؟

هذا اهمال يحاسب عليه قائد السيارة بغض النظر عن سبب الاهمال ، ياخوي هذا قانون ، يعني لازم يكون صريح وواضح. وبعدين ممكن يكون هناك 100 سبب يخلي السائق المهمل انه يلف على خلق الله ويتسبب بحادث ، ياخي روح خذ لك لفة سريعة في شوارع الدوحة واحسب كم واحد يلف عليك بدون ما ينتبه وشوف نسبة الي تطيح السيجارة من يدهم من هالناس!

يا اخواني حدثوا العاقل بما يعقل!

[قطريه22]

الحمدلله وان شاءالله يطبق هالقانون لان يدخن وعقب يحذف سجارتة فالشارع والعم قدام في سيارتة ولا فاكر في اللي وراة.
زين وانت تسوق وحذفت سجارتك فالشارع و دشت في السيارة اللي وراك. اش ذنبهم.

صحيح كلامك البعض يفكر بنفسه فقط ومايفكر ان ممكن بهالتصرف بيضر الغير
قانون ممتاز واتمنى تطبيقه على ارض الواقع مش بالكلام فقط

[فريج النجادة]

أكثر ما يزعجني من المدخنيين انهم لا يراعون اطفالهم !!!!!!!!!!!!!!!

[BIG-VEGA]

لو !!!

لو قط الزقاره من الدريشه
لو الزقاره تسببت في حادث
لو الزقاره طاحت بين ريوله وخمس ودعم
لو دخان الزقاره دش في عيون الي سايق ورا وصاده شلل

من صجكم !! مخالفه عشان لو

المهم
الاولى ارفع من سعر الزقاير ... شيل الشيش الي في سوق واقف على الاقل.. ولا شيلهم كلهم ... لاتسوي غرف للتدخين في الوزارات والادارات الحكوميه ... وسنعو موظفينكم يالداخليه لاتخلونهم يدخنون خلال الدوام وخصمو من رواتبهم

[ام خويلد]

المرور مايعرفون شلون يزيدون مدخولهم فقالوا خل نستحدث هالقانون
انتوا اولا اقطعوها من البلاد عقب اصدروا القوانين

[سعادة الوزير]

آخر كلامي في هذا الموضوع : ياريت من الاخ صاحب اقتراح هذا القانون انه يتشطر شوي على الشيش الي في سوق واقف ، قبل لا يحاول انه يسن قوانين تمس الامور الشخصية للاوادم.

[بومحمد المطاوعه]

الي بيدوخ .. بيدوخ بدون لاحد يشوفه
في رأيي .. قانون ما كان له داعي

خليفــة


يالغالي تدري ليش نزلو
قوانين

لأن الي يدخن والاغلبيه الا من رحم ربي

مايحشم الي وراه

ويقط الزقاره من الدريشه

هذي في نظري انسان سفيه وغير محترم

[بومحمد المطاوعه]

قانون ونعم فيه وجزاهم الله خير


البعض يدخن وعياله معاه فالسياره
او زوجته او اخته او امه

لا يحشم ولا يحترم


والبعض بعد مايدخن السم يقط الزقاره من دريشه السياره

كم مره تطيح الزقاره على بانه سيارتي


استغفرالله في نظري الي يقط الزقاره من دريشه السياره

مب محترم ولا له اخلاق

[ماجستك]

آخر كلامي في هذا الموضوع : ياريت من الاخ صاحب اقتراح هذا القانون انه يتشطر شوي على الشيش الي في سوق واقف ، قبل لا يحاول انه يسن قوانين تمس الامور الشخصية للاوادم.

فعلا الاولى منع الشيش ف سوق واقف وف كل مكان

[بو الجوري]

الهدف من هالقرار عدم رمي اعقاب الزقاير في الشوارع
والله أعلم


وبعد هالقرار الكل بيخاف بعد مايدخن وماراح يرمي اعقاب الزقاير في الشوارع

أعتقد هذا هو ما وراء القرار ، لأنه أغلب المدخنين يقطون سقايرهم برع السياره :anger1:


و ياريت و الأهم إنهم يشددون ويطبقون القرار اللي نزلوا بعدم التدخين فالمجمعات

[Right]

مؤيد له بشدة ، وأتمنى تطبيقه فوراً

[هداف]

اذا كان المنع هدفه النبيل في مساعدة المدخنين او اجبارهم على الاقلاع عن التدخين
اعتقد انه قرار ممتاز معا اني اجزم ان الهدف منه ليس ذلك !!

والسجاير لاتشغل السايق عن اللطريق ممكن مشاعر السائق من فرح او حزن لا تجعله
ينتبه للطريق ويسررررح !! ننتظر قانون لا تسرح وانت تسوق عليك مخالفه !! بس شلون بيصيدونه !

[جلاد_قطر]

شخصيا هالقانون غير منصف .. ويدخل في مساحتي الشخصيه .. واظن ان السياره بأسمي ولي الحق اني ادخن فالسياره ..

بريطانيا طبقت نفس القانون ولكن بشرط عدم التدخين حين وجود طفل داخل السيارة .. اما اذا كنت بروحك تقدر تدخن ..

شالفرق بين اللي يدخن في سيارته وبين اللي يشرب بيبسي وطاح على ثوبه وسوه حادث ولا قط القوطي من السياره؟ نفس الشي بالضبط

اتمنى من وزارة الصحه النظر في المدمنين عالكحول والمخدرات من بدال هالقوانين اللي ماتنفع بشي

[مفكر قطري]

ما لهم حق لأن هذا تعدي على حرية الاخرين.
اعتقد المدخن ما يضر الا نفسه و في مكان مخصص
للسجائر و إطفائها في السيارات.

لو سيارتي ملك لهم ، لهم حق انهم يمنعوني ، لكنها ملك لي .

الا اذا بيعطوني رولز على حسابهم مب مدخن فيها :)

[q1989]

والي موتره مخفي كامل :tease: