الحزم عند الاباء والدلع عند الامهات (( موضوع للنقاش ))

[حمد 2002]

السلام عليكم ورحمه الله وبركاته

الحزم عند الاباء والدلع عند الامهات (( موضوع للنقاش ))


الكثير من الاباء يستخدمون اسلوب الحزم الممزوج بالرحمه في تربيه ابنائهم ، ولكن هذا الشيء لايكتمل في حاله كونه ممزوج بالدلع من قبل امهم (( وخصوصا ان النساء معروفين بالعاطفه الجياشه وعدم تحكيم العقل )) وبالتالي من الممكن ان تتستر على عيوب ابنائها وتدلعهم لكي تحميهم من حزم ابوهم وشدته .


وهذا الدلع قد يفسد من شخصيه الابناء ويجعلهم يتصرفون بخطأ لانهم يضمنون بأن امهم سوف تحميهم من عقاب ابوهم ..


عزيزي القارىء ماهو احسن تصرف يجب ان تعامل به الام ابنائها بدون ان تدلعهم وتخربهم ..


في انتظار ارائكم النيره ولكن وفقا لقوانين المنتدى وبدون الخروج عن صلب الموضوع وإطاره العام ..

بالتوفيق ...

[عاشق العديد]

والله ياحمد انا اششششوف العكس .؟

اشوف انه الام تكون حازمه ويجيك الاب لا بابا وش تبي الي تبيه عندك .؟

مايصير تقول ان الام الام هي اكثر شخص يخاف على ابنه .. الاب الي يكون مهمل ومايدري عن عياله ..
في حالات شاذه من الامهات .. ولكن الاكثر الي اشوفه .. انه الام مهتمه والاب مايدري وين الله قاطه ..

فا اتمنى حمد لو بتنزل مواضيع لاتخص حد فيهم خلها مطروحه على مصراعيها .. لتعم الفائده ..

[حمد 2002]

والله ياحمد انا اششششوف العكس .؟

اشوف انه الام تكون حازمه ويجيك الاب لا بابا وش تبي الي تبيه عندك .؟

مايصير تقول ان الام الام هي اكثر شخص يخاف على ابنه .. الاب الي يكون مهمل ومايدري عن عياله ..
في حالات شاذه من الامهات .. ولكن الاكثر الي اشوفه .. انه الام مهتمه والاب مايدري وين الله قاطه ..

فا اتمنى حمد لو بتنزل مواضيع لاتخص حد فيهم خلها مطروحه على مصراعيها .. لتعم الفائده ..

بس ماتعتقد ان الزمن تغير اخوي عاشق .. والدنيا افترت والتفت ..

[عاشق العديد]

بس ماتعتقد ان الزمن تغير اخوي عاشق .. والدنيا افترت والتفت ..

لا ما اعتقد ياخوي حمد الا اذا انت تعتقد غير ذلك .؟
لا بالعكس في التطور والتقدم اشوف انه الاب اهمل واهمل واهمل ..
طبعا مب جميعهم في الي مايقصرون وقايمين في عيالهم هو وامهم ..
ولكن الاكثريه .. هم ابهات مايدرون عن عيالهم .. وعندي امثللللله من اصدقاء الام هي الي تقوم بالبيت كامل وهو ماعندي 50 ريال يعبي بترول ..
ياحمد

[للصبر اخر]

انا مع كلام اخوي عاشق
اشوف العكس خاصه بالمحيط اللي انا فيه

[حسن]

مابغيت تنزل موضوع مهم وخطير الا الحين وانا باطلع من البيت


شوف ياعزيزي حمد

انت تطرح مواضيع جدا هادفه وحساسه هذه المواضيع لدى المهملين من اولياء الامور
تكون كالصاعقه عليهم
لانهم لايريدون ان يصحون من غفوتهم وهؤلاء عبى على الدوله غدا

تعالي ياحكومه عيالنا متدلعين

باقولك شي وانا ذكرته في موضوع الاستقراطيه

اني كسرت ايبادات اثنين يوم الجمعه

لما شفت خطورتهم على العيال وحذت من اي شخص في البيت بان يشتري لهم
سؤا من خواتي الاكبار اللي عايشين معاي ولا المره

لاني اشوف شي هم كنساء مايدركونه

بس ياحمد الوضع خطير جدا

اشكرك على هذا الموضوع الهام

اشكرك وكثر الله من امثالك

اللي همم علاج الظواهر السلبيه في المجتمع

وعلى فكره ياحمد كن خلال متاابعتي لما تؤديه الدوله من اهتمام

بدء التكيز على مانطرح من مشاكل وتؤخذ بالاعتبار

ونشرك بلاطنا وسلمت ياوطن

ولياخساء الخاسؤون
يعيش الشعب

[العلياا]

انا مع عاشق
العكس امي واايد حازمه وابوي مدلعنا

[ضوى]

الحمد لله تربيتنا لعيالنا لا افراط ولا تفريط واحد يشد الثاني يرخي والله ينبت عيالنا وعيال المسلمين النبات الحسن اللهم اميييين

[المحاميه]

المره تكون حازمه اكثر من الرجال ف بعض الامور
وتحصلها دوم تعطي اعيالها العين الحمرا
وتحسسهم انهم ف العسكريه

مع هذا تبقى ام يعني تحكمها العاطفه قِبل أبنائها
ف تحصلها رغم قسوتها ترجع تلين وتتعامل معاهم بكل ود ومحبه ولطف وتلبي رغباتهم
وماتحب تشوف حد من عيالها منكسر او ف خاطره شي

اما الريال تحصله مرخي معاهم والامور سلسه من صوبه
بس اذا عصب خلاص مافي رحمه تحصله راقع الصبي ولا البنيه كف ويزاعق عليه بطريقه تحسسك انه قاعد يتهاوش مع واحد قده

اتمنى الفكره اوصلت
وهذي حكمة رب العالمين واحد شاد وواحد مرخي :nice:

[عاشق العديد]

انا مع عاشق
العكس امي واايد حازمه وابوي مدلعنا

وشهد شاهد من اهلها ..

[المحاميه]

حسن

ليش ماتحط ضوابط حق استخدام الايباد بدال ماتكسره او تمنعه بشكل كامل وقاسي
ارجع بذاكرتك لورا
تذكر نفسك وانت ياهل وامك وابوك يقولونلك لا ويمنعونك من شي تبيه او ف خاطرك؟

ادري ان الايباد له اضرار كبيره وان اليهال فيهم ادمان عليه وانهم مب عارفين مصلحتهم وشاللي يضرهم
لكن انت وجههم بطريقه سلسه وصحيحه
مب تكسر الايباد يدامهم
ش هالتعامل؟
ش هالعنف؟
ترا ذي مب شطاره
ولهم الحق في انهم يشتكون عليك عند لجنة حقوق الطفل والمرأه

[عطر فرنسي]

اسعد الله ايامك اخوي حمد

انا اشوف من الطرفين في الام تدلع وفي ناس العكس الابو يدلع وهاي شي خطير على الطفل لين مايكبر

يعني اطفال صغار يملكون هواتف وايباد ومادري شنو الله يعين ويستر عليهم ويحفظهم

[بومحمد المطاوعه]

حمد
ههههههههههه


نزلت الموضوع قمنا نشوف المفاشر


ماشفنا حلول للموضوع



جزاك الله خير


بجاوب انا


الأب والأم المفروض يكونون حسن التربيه لأبنائهم

ومراعاة حركاتهم الفوضويه في البيت

الأب عليه ان يكون صاحب قلب كبير وصاحب بال وسيع وياخذ مافي خاطر ابنائه
والأم نفس الشي واعتقد ان الأم هذي فطرتها في عيالها مهما سوو بتم اتحبهم


نسأل الله ان يحفظ امهاتنا وابائنا
ويرحم جميع موتى المسلمين

نسأل الله ان يحبب قلبنا لأبنائنا وبناتنا ويحبب قلب ابنائنا وبناتنا علينا



تحياتي لك ياخوي حمد

[أم محمد 90]

والله انا ابوي دلعني وامي شدت علي
ماشوف ان الام تدلع , بالعكس امي كانت وايد شديدة ويانا عكس ابوي

[moonبنتnight]

أنا أشوف العكس الدلع عن الاباء والحزم عند الامهات ..

[قناص 787]

ههههههههههههههه هياط من كل صوب :)

[Right]

أكثروا إلي مضروبين جنوبهم ( اللينيين) في المجتمع !!

[بومحمد المطاوعه]

ههههههههههههههه هياط من كل صوب :)

خخخخخخ

[فلتة زمانها]

حسافه انا محد دلعني
ابوي وامي الله يحفظهم وااايد شادين علينا
والنتيجة جفاف عاطفي اسري

[بوخالد911]

الأب يشد

والأم ترخي !!

وتستمررررررررررر الحياة

عطني رايك يا حمد ولا تتهرب مثل
موضوعك السابق !!

[هداف]

اللي عشته وشفته العكس صحيح الام اشد حزم على العيال من الاب

وانا اخواني المثال على ذلك لولا الله وحزم امي وعصاااها المرعبه كان ما كملنا تعليم وتخرجنا من الجامعات
ولايعني هذا قصور في الاب ولكن طبيعة عمل الوالد تجبره ان يغيب عن البيت

[بو الجوري]

و الله ياحمد المكس هو أحسن شي

أقصد إنه حزات الأم تدلع و الأب يشد و أحيانا العكس ..


أنا عن نفسي إذا أمهم عصبت ، أنا أرخي

و إذا أنا عصبت ، هي ترخي معاهم

مايصير إحنا و الزمن عليهم هههههههههههههه


أهم شي مايكون في دلع دائم من أي طرف ، عشان ما يختربون :anger1:

[qatara]

حزم الاب

يا بخت من بكاني وبكي عليا

ولا ضحكني وضحك الناس عليا

اما الام

بهذا الوقت فالله المستعان
لاحزم ولا هتمام

الا من رحم ربي

[Rider]

الاعتدال في التربية هو المطلوب من الاب والام

[الحياة الخالدة]

غالباً الأب لما يدلع يكون يبي يفك نفسه من الحنة و عوار الراس

[همر]

حمد ايام الغوص ولا الحين ؟!!

[حسن]

حسن

ليش ماتحط ضوابط حق استخدام الايباد بدال ماتكسره او تمنعه بشكل كامل وقاسي
ارجع بذاكرتك لورا
تذكر نفسك وانت ياهل وامك وابوك يقولونلك لا ويمنعونك من شي تبيه او ف خاطرك؟

ادري ان الايباد له اضرار كبيره وان اليهال فيهم ادمان عليه وانهم مب عارفين مصلحتهم وشاللي يضرهم
لكن انت وجههم بطريقه سلسه وصحيحه
مب تكسر الايباد يدامهم
ش هالتعامل؟
ش هالعنف؟
ترا ذي مب شطاره
ولهم الحق في انهم يشتكون عليك عند لجنة حقوق الطفل والمرأه



الدين امر بالين والحزم والضرب احيانا

والكوي والبتر احيانا علاج

وصاحب الحاله هو ادري وين يمسك العصى من النصف في اوقات
ومن الطرف قي اوقات

الحمدلله عمري لم امد يدي على حد منهم
بعكس تربيه ابها تئنا لنا يامانظربنا

ومع ذالك انا اجلس معهم واتغدي معهم واجيبهم من المدرسه واوديهم
من صف الا ول الى الصف الثالث الاعداي الان
رغم وجود سواق ماله خص في هذه الامور

دوري لي كم قطري يسوي مثلي

اتحدى

وبعدين الايباد مامنه فايده نهائيا هذا اللي انا اشوفه
كله لعب في لعب
وادمان غير طبيعي

الا اذا عيالكم غير نورونا وخلونا نستفيد

نصحت وحذرت ونبهت
ولكن

الطفل ليس مميز ياحضره المحاميه وانتي عارفه القانون

المميز ماعليه حرج وتصرفاته غير مقبوله
(عديم التمييز )

!!!

ومسؤليتي كولي امر ان اتدخل لما اشوف هناك ضرر

والقانون انا رجل القانون

تحياتي

[بوحارب]

المشكلة اذا كانت التربية في يد الخدم

والأب وآلام مشغولين في أمور الدنيا الدنية :)

[abu m7md]

حسن

ليش ماتحط ضوابط حق استخدام الايباد بدال ماتكسره او تمنعه بشكل كامل وقاسي
ارجع بذاكرتك لورا
تذكر نفسك وانت ياهل وامك وابوك يقولونلك لا ويمنعونك من شي تبيه او ف خاطرك؟

ادري ان الايباد له اضرار كبيره وان اليهال فيهم ادمان عليه وانهم مب عارفين مصلحتهم وشاللي يضرهم
لكن انت وجههم بطريقه سلسه وصحيحه
مب تكسر الايباد يدامهم
ش هالتعامل؟
ش هالعنف؟
ترا ذي مب شطاره
ولهم الحق في انهم يشتكون عليك عند لجنة حقوق الطفل والمرأه
( خروج عن النص )
صدقتي انه كسره هههههههه
يعرف شالي بيجيه بعد الكسر :)
عندي ملحق اخوي حسن لك ببلاش بس اكسر ايباد عيالك ههههههههههههه
( العودة للنص )

عموماانا اشوفه انه في غياب الاب تكون الام حزمه
اما في وجود الاب تكون غير
والاب يكون حازم في وجوده

انا وزوجتي لله الحمد متفاهمين
مطبق نظريت الشيبان بما اننا من اخر سلالة الطيبين :)
انا اشد اهي ترخي
اهي تشد انا ارخي


مرات اسافر واطول فالسفره ماذكر انها اتصلت لي وقالت شوف عيالك مايسمعون كلامي
مطيعين ولله الحمد الله لا يغير علينا

( خروج عن النص )
اخوي حسن
نبي صور تثبت مع بصمتك ويفضل تصوير فيديو
انك كاسر الايباد :)
( عودة للنص )



شاكر لك اخوي حمد
تقبل مروري
اخوك
ابومحمد

[qatara]

المشكلة اذا كانت التربية في يد الخدم

والأب وآلام مشغولين في أمور الدنيا الدنية :)

الاب طبيعي شغله خارج البيت

المشكله الي رايحه للغير مهم
وتاركه الاهم البيت والعيال عند الخدم

[مخطط قطري]

الام دايمن حازمه مع عيالها والاب يدلعهم ويصرف عليهم ونادر جدا يضربهم لانه يعرف انه ذولا رجال حتى لو كان طفل بو 7 بس الام تدلع عيلها شي طيب وين هاالام فيها الخير والله بس نبي نشوف عيالها شلون اليوم

[بوحارب]

الاب طبيعي شغله خارج البيت

المشكله الي رايحه للغير مهم
وتاركه الاهم البيت والعيال عند الخدم

من قالك غير مهم

المدام عندها ورشة عمل من 5-9 الليل

3 نساء 40 رجل مادري الدنيا موقفه على هالثلاث حريم :)

ومحد ماكلها الا البزارين مساكين !!

[R 7 A L]

المفروض موضوعك هذا ياحمد
وسؤالك قبل ثلاثين سنة
الحين اسأل هل يجب على الخدم الحزم ولا الدلع مع الابناء

فات القطار ههههه

[Super Cool]

مواضيع حمد و النساء أصبحت جدول يومي

[Right]

مواضيع حمد و النساء أصبحت جدول يومي





ههههههههههههههههههههه

[qatara]

المشكلة اذا كانت التربية في يد الخدم

والأب وآلام مشغولين في أمور الدنيا الدنية :)

ليش وين الام
مـــــــــدرسه !

[qatara]

من قالك غير مهم

المدام عندها ورشة عمل من 5-9 الليل

3 نساء 40 رجل مادري الدنيا موقفه على هالثلاث حريم :)

ومحد ماكلها الا البزارين مساكين !!


ديكور
الي ماقدرت تقوم ببيتها خلقها الله وخصصها
له كراعية بيت وكام اتكلن على الخادمات
تهقى بتنجح بعمل غيره ليس من طبيعتها
ولم تفطر له اساسا
والله البيت بمن فيهم ماكلينها بسبب
خروجها واخرتها صدقني راح ينهدم
والدليل نسب البيوت التي تفككت نتيجة ذالك