ليش المره مالها حق في ... ؟

[المحاميه]

السلام عليكم




عندي اقتراح للاسكان الحكومي

ليش مايتم توفير سكن للموظفات

وفق شروط - منها:

1- تكون قطريه
2- فئة (كبار الموظفين)
3- متزوجه
4- لايمكن للزوج الموظف الاستفاده من هذه الخاصيه لاسباب منها تصنيفه ضمن اطار (صغار الموظفين)
5- دخل محدود او ثبوت دين
6- يمنع الزوج من الانتفاع بهذا الحق عند ترقيته لدرجة كبار الموظفين طالما ان الانتفاع قد تحقق من قبل الزوجه الموظفه



ليش يعني هالحق مقصور عالذكور دون الاناث طالما ان الهدف والمضمون واحد؟

هل هو اجحاف بحق المرأه؟


أتمنى التوضيح أو تصحيح كلامي إذا كان فيه شي غلط أو مبهم

[بو خليفه 123]

ممكن ادعم رأيك او اقتراحك في حال تكفلت الزوجه بمصاريف المنزل و مصروف الزوج والمدارس والاطفال .. و قبل كل ذلك المهر و تكاليف الزواج

[بن مفتاح]

وعليكم السلام ورحمة الله

اختي أغلب النساء ولله الحمد مكفولة من أب أو زوج أو أخ ..

وفي زمننا هذا ولأن المرأة لها راتب اصبحت تنازع ولي أمرها في كثير من الامور .. ولو صار اللي تطلبينه فقولي على كثير من البيوت السلام ..

[المحاميه]

ممكن ادعم رأيك او اقتراحك في حال تكفلت الزوجه بمصاريف المنزل و مصروف الزوج والمدارس والاطفال .. و قبل كل ذلك المهر و تكاليف الزواج



بتغير شرع الله؟
ياخوي القرآن واضح
ان المهر والصرف عالريال

الحين ليش الحسد والمناحس
هذا جزا المره انها تبي تساعدك ايها الرجل وتوفرلك العيشه الطيبه :weeping:

[المحاميه]

اختي أغلب النساء ولله الحمد مكفولة من أب أو زوج أو أخ ..

وفي زمننا هذا ولأن المرأة لها راتب اصبحت تنازع ولي أمرها في كثير من الامور .. ولو صار اللي تطلبينه فقولي على كثير من البيوت السلام ..

اشلون يعني على كثير من البيوت السلام؟ مافهمت قصدك


ليش تشوفونها بنظره ان المره مالها حق وانها بتطالع الريال بعين المذله؟

ترا ف النهايه هي زوجته واكيد تبي تساعده بالخير

والريال يبقى ريال والعصمه بيده

مابيطيح نصك يالريال اذا الدوله عطت حق الاسكان للمره

[ضوى]

لو قلتي لي المرأة المطلقة او كبيرة السن ولم يكن لها زوج بأييدج ، بس للكل لا طبعا ، عيل وين راح الرجل بحياتها ؟!!

[المحاميه]

مب للكل ياضوى

شفتي الشروط والضوابط ؟

[بن جعران]

انا مؤيد هالموضوع

وخاصه في نقطة اذا كان الزوج من صغار الموظفين :(

[المحاميه]

انا مؤيد هالموضوع

وخاصه في نقطة اذا كان الزوج من صغار الموظفين :(

ايوه
بدال لاينطرون سنين وقرون
عالاقل تنحل الازمه من البدايه

:nice:

يقولك ياخوي اللي يده ف النار مب نفس اللي يده ف الماي

[Right]

الجواب من قول الله تعالى عزوجل:

(الرجال قوامون على النساء)


لما منح الله الرجل ما منحه من عقل أكمل من عقل المرأة،

وعلم أغزر من علمها غالباً، وبعد نظر في مبادئ الأمور ونهاياتها أبعد من نظرها.

كان من المناسب والحكمة أن يكون هو صاحب القوامة عليها.

والقوامة معناها: القيام على الشيء رعاية وحماية وإصلاحاً.



الإجابة منقولة (http://fatwa.islamweb.net/fatwa/index.php?page=showfatwa&Option=FatwaId&Id=6925)

[عطر فرنسي]

انا مؤيد هالموضوع

[المحاميه]

الجواب من قول الله تعالى عزوجل:

(الرجال قوامون على النساء)


لما منح الله الرجل ما منحه من عقل أكمل من عقل المرأة،

وعلم أغزر من علمها غالباً، وبعد نظر في مبادئ الأمور ونهاياتها أبعد من نظرها.

كان من المناسب والحكمة أن يكون هو صاحب القوامة عليها.

والقوامة معناها: القيام على الشيء رعاية وحماية وإصلاحاً.



الإجابة منقولة (http://fatwa.islamweb.net/fatwa/index.php?page=showfatwa&Option=FatwaId&Id=6925)






شدخل ردك ف المطالبه اعلاه؟

اخوي انا ماقلت يكون حق مطلق للمره
قلت بضوابط
منها تكون متزوجه
يعني تاخذ الحق لها ولزوجها بدال لاتنطر معاه سنين اذا كان من الفئه اللي ماتنصرفله

[المحاميه]

انا مؤيد هالموضوع

مأييد عن اقتناع
ولا خايف تقول معارض وانشبلك

[Right]

شدخل ردك ف المطالبه اعلاه؟

اخوي انا ماقلت يكون حق مطلق للمره
قلت بضوابط
منها تكون متزوجه
يعني تاخذ الحق لها ولزوجها بدال لاتنطر معاه سنين اذا كان من الفئه اللي ماتنصرفله





ردي له علاقة بالموضوع 100%


أولها مطالب بضوابط زائفة ، وبعدها بلاوي زرقا !!



شلون الفئة إلي ما تنصرف له ، وضحي أكثر ؟

[عطر فرنسي]

مأييد عن اقتناع
ولا خايف تقول معارض وانشبلك

لو كنت معارض انا الي بنشبلك

[بن جعران]

ايوه
بدال لاينطرون سنين وقرون
عالاقل تنحل الازمه من البدايه

:nice:

يقولك ياخوي اللي يده ف النار مب نفس اللي يده ف الماي

انا شكلي بنطر 10 سنين هذا اذا ماتغير شي بالقوانين بعد
على الاقل هالاقتراح لم يتطبق في حق الزوجه اللي من كبار الموظفين يكون شي ايجابي
مو بس ينطبق عليها المسمى ( كبار الموظفين ) بدون حقوق واضحه, غير الراتب

[المحاميه]

ردي له علاقة بالموضوع 100%


أولها مطالب بضوابط زائفة ، وبعدها بلاوي زرقا !!



شلون الفئة إلي ما تنصرف له ، وضحي أكثر ؟







يعني ريال متزوج لكنه مب سينير مايقدر ياخذ بيت مستقل ويأجره عالحكومه ممكن هالموضوع يسببله ازمه يعني يمكن المكان اللي عايش فيه ماعاد مناسب وهو ماعنده حل والدخل ضعيف وديون وحاله
فالوقت اللي ممكن ينصرف هالحق حق زوجته بحكم انها سينير
وقلت ان بعدها لو ترفع الزوج وصار من كبار الموظفين طبعا ماراح تنصرفله
لان الحق يسقط اذا تم صرفه لاحد الطرفين




لو كنت معارض انا الي بنشبلك



اشك :nice:

[المحاميه]

انا شكلي بنطر 10 سنين هذا اذا ماتغير شي بالقوانين بعد
على الاقل هالاقتراح لم يتطبق في حق الزوجه اللي من كبار الموظفين يكون شي ايجابي
مو بس ينطبق عليها المسمى ( كبار الموظفين ) بدون حقوق واضحه, غير الراتب

شفت ياخوي
هذا اللي اقوله

وبعدين اصلا هذي تفرقه وعنصريه واضحه
يعني ليش خصصوها للذكور؟
طيب ليش مايتم دراسة هالحاله وعمل استثناءات او تحديث القانون بضوابط كما ذكرت بحيث يشمل الزوجه

صدقوني ف كلا الحالتين الهدف والغايه وحده
فليش يصعبونها ويضيقونها على خلق الله


يعني عفواً احنا ماطلبنا تكون العصمه بيدنا
لان هذا امر مقض ِ
مثل العلاوة الاجتماعيه اللي تصرف للطرفين ولكن واحد بفئة متزوج والثاني بفئة اعزب ليش ماقلتوا مايجوز والعصمه بيد الريال وهو الاحق بالعلاوه دون المره بما انه وليها والقوامه له؟

[فلتة زمانها]

قالها حسين الجسمي
استريحوا يا بنات

[Abdulraman]

تستاهلون بعد اطلبوا حق الرجال اجازة امومه:rolleyes2:

[المحاميه]

قالها حسين الجسمي
استريحوا يا بنات


ليه يافلته؟

[المحاميه]

تستاهلون بعد اطلبوا حق الرجال اجازة امومه:rolleyes2:

ايوه هالمقترح محل دراسه

هههه

اضحك الحين لكن بتشوف كلامي عقب

[الحياة الخالدة]

أنا أشوفه مطلب عادل لأن المحامية قالت للمتزوجة اللي زوجها ما يطلع له سكن و ما خلت المسألة على الإطلاق
فشنهو وجه الاعتراض

[بن مفتاح]

اشلون يعني على كثير من البيوت السلام؟ مافهمت قصدك


ليش تشوفونها بنظره ان المره مالها حق وانها بتطالع الريال بعين المذله؟

ترا ف النهايه هي زوجته واكيد تبي تساعده بالخير

والريال يبقى ريال والعصمه بيده

مابيطيح نصك يالريال اذا الدوله عطت حق الاسكان للمره




اعتقد اختي ان البنت عندنا خذت اكثر من حقها .. بل في بعض الامور نازعتنا في حقوقنا كرجال ..

واذا صار البيت باسمها .. واختنا تعنطزت على رجلها .. وقالت البيت بيتي واذا مب عاجبك اقبض الباب .. في هالموقف اشلون بتحلين المسألة .. لا تقولين لي هذي حالات شاذة .. لكنها موجودة .. هنا الرجل فقد زوجته وفقد عياله وفقد معاها جزء من رجولته .. يا ترى اشلون بتحكمين هالامور ..
هذا تفسيري على كثير من البيوت السلام .. وتراها تبدأ صغيرة ولكنها تكبــــــــــــــــــــــــــر ..

[المحاميه]

أنا أشوفه مطلب عادل لأن المحامية قالت للمتزوجة اللي زوجها ما يطلع له سكن و ما خلت المسألة على الإطلاق
فشنهو وجه الاعتراض



اشكر فنج :nice:






اعتقد اختي ان البنت عندنا خذت اكثر من حقها .. بل في بعض الامور نازعتنا في حقوقنا كرجال ..

واذا صار البيت باسمها .. واختنا تعنطزت على رجلها .. وقالت البيت بيتي واذا مب عاجبك اقبض الباب .. في هالموقف اشلون بتحلين المسألة .. لا تقولين لي هذي حالات شاذة .. لكنها موجودة .. هنا الرجل فقد زوجته وفقد عياله وفقد معاها جزء من رجولته .. يا ترى اشلون بتحكمين هالامور ..
هذا تفسيري على كثير من البيوت السلام .. وتراها تبدأ صغيرة ولكنها تكبــــــــــــــــــــــــــر ..

لا ياخوي
انا مب معاك ف هالنقطه

ومن قالك ان البيت يكون باسمها
كلامك عدل فيه حريم حمدالله والشكر بتقعد طول عمرها تذل الريال وهالشي مايرضينا
ومهما كان الريال يبقى ريال والعصمه والامور الصعبه بيده
لذلك اشوف ان البيت يظهر باسم ريلها ومب باسمها :nice:

لاتخاف احنا مب مناشبينكم ف حقوقكم ومب ماخذين شي منكم

[qatara]

لما يمنح الرجل سيتزوج ويلم المراه

لاكن لما تمنج المراه هل ستلم الرجل وتصرف عليه


وااذا كان كذالك فلن تحتاج المراه للرجل وهذا
ما يدمر سنه الحياه الاسريه والفطره السليمه

دام كل شي بينضمن لها متزوجه ومطلقه
فليش ما تطلق مته ما صنفت او زعلت

[Right]

هالنوعية من المطالب ، لها مآرب أخرى !!

[بوحارب]

غير موافق

اختصرت لج الرد مب فاضيين حد يفسر كلامنا على كيفه;)

[المحاميه]

غير موافق

اختصرت لج الرد مب فاضيين حد يفسر كلامنا على كيفه;)

:nice:



الريال مستحيل يتنازل عن شي
وايد صعبه عندكم هالامور

وتظنون انها بتقلل مقداركم


صدقوني المره الكفو مستحيل تخلي ريلها اقل منه او تحسسه او تعايره
غير جذي بيكون فيه خلل واضح ف المره

[ANONYMOUS]

وليش اللفه الطويله

ليش ماتطلبين مساواة الرجل الموظف الجنير مع السنير في ال ra

اللي هو بيت مؤقت من الدوله لين يبني بيته الحكومي

كما هو معمول به عند صرف لكلا الموظفين قطعة ارض ونفس مبلغ القرض - مافي تمييز بينهم

[العنيده]

ممكن بشروط يتوفر لها هالشي .. مثل ماقلتي ممكن يحل شوي من المشاكل
المهم بحدود ..لان المراه اشتغلت قالوا قامت تطالب وتطالب
فالاغلبيه مخافة عليها لا اكثر يفضلون الحريه بضوابط " اتوقع هذا الراي "

وشاكره لج اختي على الطرح ..

[abu m7md]

هذا جزا المره انها تبي تساعدك ايها الرجل وتوفرلك العيشه الطيبه :weeping:

في النقاش نبتعد عن الضحك ونحترم الاراى حتى لا ينفر منك الناس
ركزي على هذا الحديث

يقول الرسول صلى الله عليه وسلم : ( بما معناه ) يشقى الزوج بسبب شقى زوجته ويسعد الزوج بسبب سعادة زوجته... او كما قال عليه والصلاة والسلام
دامها مستانس معاه وماتسمع كلام الحريم ولو كانوا عايشين في كوخ بتشوف نفسها في قصر.

ومسئلة ليش مايحق لها سكان حكومي
مثل ماذكرتي هالخطه ادرسوها
ولكن فيه فئة فالبلد
تلاعبت على القانون لعدم وقوف القانون معهم
ووقفوا الصرف للحريم
وصارت سالفة منع الحرمه من الانتفاع في اسكان حكومي

تقبلي مروري
ابو محمد

[qatara]

:nice:



الريال مستحيل يتنازل عن شي
وايد صعبه عندكم هالامور

وتظنون انها بتقلل مقداركم


صدقوني المره الكفو مستحيل تخلي ريلها اقل منه او تحسسه او تعايره
غير جذي بيكون فيه خلل واضح ف المره

يكفرن العشير

[همر]

انا موافق شرط يصرف البيت للزوج مب للزوجه..

[المحاميه]

لما يمنح الرجل سيتزوج ويلم المراه

لاكن لما تمنج المراه هل ستلم الرجل وتصرف عليه


وااذا كان كذالك فلن تحتاج المراه للرجل وهذا
ما يدمر سنه الحياه الاسريه والفطره السليمه

دام كل شي بينضمن لها متزوجه ومطلقه
فليش ما تطلق مته ما صنفت او زعلت

الصرف اخوي شرعاً من مسؤولية الرجل وليس المرأه هذا واحد
ثانياً انا قايله تمنح المرأه المتزوجه وليس غير المتزوجه
واخر نقطه قلنا يتم تسجيله باسم الزوج
يعني الاقتراح ف صالح الريال (الزوج)
مادري ليش مب عاجبكم الاقتراح
هل هو الفهم الخاطئ للموضوع ولا هي مسألة عناد ولا مسأله شخصيه؟









هالنوعية من المطالب ، لها مآرب أخرى !!






ممكن توضح شنهي المآرب الأخرى؟ مايصير نقط كلمه ونشل عليه :)




وليش اللفه الطويله

ليش ماتطلبين مساواة الرجل الموظف الجنير مع السنير في ال ra

اللي هو بيت مؤقت من الدوله لين يبني بيته الحكومي

كما هو معمول به عند صرف لكلا الموظفين قطعة ارض ونفس مبلغ القرض - مافي تمييز بينهم


اخوي اقتراحك حلو بس عندي عليه تعقيب
اول شي لو ساوينا ال 2 ف بعض من هالناحيه عيل لازم نساوي بينهم بعد ف باقي الامور ومنها الراتب والعلاوات!!!
ثاني شي هذا دافع لجعل الموظف كسول بحيث انه ماراح يفكر يطور نفسه ولا يترقى دام السالفه جذي وبياخذ بكل سهوله نفس مميزات السينير عيل ليش يتعب نفسه ويفكر ويترقى!!

كل فئه لها مميزاتها غلط نساوي بينهم
جذي بتعتفس الدنيا فوق روسنا

شاكرتلك المشاركه

[حمد 2002]

افكار علمانيه .. تبرز دور المراه بشكل سلبي لتجعلها كالرجل تماما بكل شيء .. وتتحجج بالتحضر والتطور وحقوق المراه حجه لها .. وستار لها ..

[المحاميه]

ممكن بشروط يتوفر لها هالشي .. مثل ماقلتي ممكن يحل شوي من المشاكل
المهم بحدود ..لان المراه اشتغلت قالوا قامت تطالب وتطالب
فالاغلبيه مخافة عليها لا اكثر يفضلون الحريه بضوابط " اتوقع هذا الراي "

وشاكره لج اختي على الطرح ..

انا معاج والله
صحيح بحدود وضوابط عشان المره ماتجاوز هالحدود وتعتفس الدنيا




في النقاش نبتعد عن الضحك ونحترم الاراى حتى لا ينفر منك الناس
ركزي على هذا الحديث

يقول الرسول صلى الله عليه وسلم : ( بما معناه ) يشقى الزوج بسبب شقى زوجته ويسعد الزوج بسبب سعادة زوجته... او كما قال عليه والصلاة والسلام
دامها مستانس معاه وماتسمع كلام الحريم ولو كانوا عايشين في كوخ بتشوف نفسها في قصر.

ومسئلة ليش مايحق لها سكان حكومي
مثل ماذكرتي هالخطه ادرسوها
ولكن فيه فئة فالبلد
تلاعبت على القانون لعدم وقوف القانون معهم
ووقفوا الصرف للحريم
وصارت سالفة منع الحرمه من الانتفاع في اسكان حكومي

تقبلي مروري
ابو محمد

عفواً اخوي انا قاعده اتناقش مع كل الآراء بكل احترام
مانكت ولا ضحكت
واذا غيرت اسلوبي وخليته اسلوب سلس نوعا ما ف هذا مايعتبر ضحك دامني ماظهرت عن الموضوع وماتطرقت لسوالف جانبيه

اخوي ليش فهمت الموضوع ان المره مب راضيه بعيشتها وتبي تعيش ف قصر
كل السالفه والمقصد هي مساعدة الزوج عن طريق زوجته الموظفه السينير لا اكثر ولا اقل

اها يعني كان مشروع تحت الدراسه والنظر ولكن لم يتم الانصاف
شاكرتلك الاضافه ونتمنى يعيدون النظر ف الموضوع بوضع ضوابط تساعد الزوجين وفالنهايه المقصد واحد





انا موافق شرط يصرف البيت للزوج مب للزوجه..


معاك
يصرف للزوج وباسمه
لاتخافون حقكم مضمون




يكفرن العشير



الله يعوضك خير

[المحاميه]

افكار علمانيه .. تبرز دور المراه بشكل سلبي لتجعلها كالرجل تماما بكل شيء .. وتتحجج بالتحضر والتطور وحقوق المراه حجه لها .. وستار لها ..



علمانيه مره وحده

وين العلمانيه ف الموضوع اخوي؟

حمد انا اقول يصرف للمتزوجه السينير اسوة بالرجل السينير
وحطيت عدة ضوابط يعني عشان الانتفاع فالنهايه يكون لصالح الزوجين
وذكرت انه ينصرف للزوج يعني باسمه

لو تفكر فيها وتنظر لها بنظره ثانيه بعيد عن المناحس والكلام الفاضي بتشوف ان فيها فايده للريال المتزوج الجينير


عالعموم شكرا عالمرور

[تاجر كشخة]

معصييييييييي
هذا الي ناقص

[تاجر كشخة]

+1 ما عندنا حريم يوطوطون

[المحاميه]

اخوي قلنا ينصرف للزوج
يعني باسمه

وشرايك ؟ :nice:

[حمد 2002]

كفو اخوي تاجر

[المحاميه]

الريال

طبعه صعب يتقبل التغيير اللي يكون ف صالح المره

لان المره عدوة الرجل بالمرتبه الاولى


مع ان اقتراحي ف صالح الريال
الله يصلحكم

[almutlke]

مواضيعج تعكس شخصيتج

[المحاميه]

اشلون تعكس شخصيتي ماقلتلي؟

ماشاء الله حريص على متابعتي مع ان رصيدك 6

شكرا

[طلعة الروح]

طرحت الموضوع من قبل وقوبل بالهجوم من قبل بعض الاعضاء الذكور
انا اقترح تطبيق فكرة السكن الحكومي للموظفات غير المتزوجات فقط واعمارهم من 30 وطالع
المتزوجه عندها زوجها واتوقع المتزوج أيا كانت فئته ياخذ سكن أو يأجر أو أو ... عنده خيارات من الدولة
لكن البنت راح تأمن مستقبلها بهالطريقة

[abu m7md]

عفواً اخوي انا قاعده اتناقش مع كل الآراء بكل احترام
مانكت ولا ضحكت
واذا غيرت اسلوبي وخليته اسلوب سلس نوعا ما ف هذا مايعتبر ضحك دامني ماظهرت عن الموضوع وماتطرقت لسوالف جانبيه

اخوي ليش فهمت الموضوع ان المره مب راضيه بعيشتها وتبي تعيش ف قصر
كل السالفه والمقصد هي مساعدة الزوج عن طريق زوجته الموظفه السينير لا اكثر ولا اقل

اها يعني كان مشروع تحت الدراسه والنظر ولكن لم يتم الانصاف
شاكرتلك الاضافه ونتمنى يعيدون النظر ف الموضوع بوضع ضوابط تساعد الزوجين وفالنهايه المقصد واحد

انا ما قصدتج انتي فالموضوع
حبيت اوضح قواعد النقاش مثل ماذكرت فوق
وانا مع القرار
لكن مثل ماذكرت انه فيه فئة تتلاعب على القانون انه يصرفون حق ريلها بيت واهي تتطلق وبعدين يردون حق بعض وهم في سيستتم الدولة مطلقه بعقد زواج اخرى من وله اخرى متزوجه من زوجها :)


اتمنى اني اقنعتج في سبب ايقاف الصرف اسكان حكومي

تقبلي مروري

ابو محمد

[ANONYMOUS]

[COLOR="#000000"]اخوي اقتراحك حلو بس عندي عليه تعقيب
اول شي لو ساوينا ال 2 ف بعض من هالناحيه عيل لازم نساوي بينهم بعد ف باقي الامور ومنها الراتب والعلاوات!!!
ثاني شي هذا دافع لجعل الموظف كسول بحيث انه ماراح يفكر يطور نفسه ولا يترقى دام السالفه جذي وبياخذ بكل سهوله نفس مميزات السينير عيل ليش يتعب نفسه ويفكر ويترقى!!

كل فئه لها مميزاتها غلط نساوي بينهم
جذي بتعتفس الدنيا فوق روسنا

شاكرتلك المشاركه

يا اخت المحاميه

الراتب والعلاوات تعتمد على درجة الموظف ماحد يناقش فيها ..

بس نظام السكن من حق الجميع .. للسنير والجنير تنصرف من الدوله ارض بمساحه معينه لهم الاثنين .. و قرض متساوي للأثنين .. مافي تفرقه ..

فما المانع ينصرف للأثنين نظام ال آر آيي طالما ندور في نفس الفلك وهو السكن .. مؤقتا حتى يقوم الزوج بالبناء ..


اذا اصريتي على الاعتراض.. اذا المقصد من ان ينصرف للزوجه له مآرب أخرى هههههههههه

[تغلبية]

الريال

طبعه صعب يتقبل التغيير اللي يكون ف صالح المره

لان المره عدوة الرجل بالمرتبه الاولى


مع ان اقتراحي ف صالح الريال
الله يصلحكم

خلاص المحامية هم متكفلين .. الله يعينهم ويساعدهم

لازم نخلي لهم شي من من مهامهم ... مايصير كل شي نحنهم فيه ..

كبري راسج


واللي تعيل نفسها .. القانون السابق كان يعطيها الحق في الحصول على سكن خاص

وان شاءالله يفعلونه مرة ثانية ... صار له فترة واقف

[بريق الحق]

يريدون المساوة في جميع الاشياء

[qatari 111]

ياريت يطبقون اقتراحج وانا مؤيد لج . . مع احترامي للمعارضين ترى في ناس عايشين في غرفه مع عيالهم وحالتهم حاله حسوا فيهم
وين المشكله فالموضوع دام ان البيت راح يكون باسم زوجها ... خل عنكم ان الرجال راح ينتقص من رجولته

ا

[المحاميه]

ياريت يطبقون اقتراحج وانا مؤيد لج . . مع احترامي للمعارضين ترى في ناس عايشين في غرفه مع عيالهم وحالتهم حاله حسوا فيهم
وين المشكله فالموضوع دام ان البيت راح يكون باسم زوجها ... خل عنكم ان الرجال راح ينتقص من رجولته

ا

اشكرك لانك قلت كلمة حق وماكنت مع الخيل ياشقرا

بس يقولون لا وهاللي ناقص زين افهموا السالفه والوضع اول عقب تفلسفوا

[المحاميه]

بومحمد انا مافهمت سبب المنع ولا فهمت قصدك

المجهول انا ماعندي مآرب اخرى :(

تغلبيه قلنا نساعدهم مب ناخذ واجباتهم ونحول العصمه بيدنا

اختي طلعة روح انا ماتفق معاج فاللي قلتيه

واي حد قط كلام يمس شخصي بسبت موضوع مطروح للنقاش فالله يسامحه
يعني حسبالكم اني وزيرة وان السالفه بيدي وبانفذ اللي ف راسي عشان كل هالهجوم :(

[lion66]

أنا مؤيد جداً جداً جداً ....

واردد دائماً الكلمة المخيفة او البعبع ( المساواة = العدل )

[qatari 111]

اشكرك لانك قلت كلمة حق وماكنت مع الخيل ياشقرا

بس يقولون لا وهاللي ناقص زين افهموا السالفه والوضع اول عقب تفلسفوا

الشكر لله عز وجل

المشكله فالبعض عنده عقدة حريم من طليقته او زوجته المتمرده الله يكون فعونهم

والحمدلله اكثر الزوجات اللي اشوفهم حولي شاايلين هم ازواجهم فالبنيان ومصاريف البيت ولله الحمد ويحطونهم فعيونهم

[المحاميه]

الشكر لله عز وجل

المشكله فالبعض عنده عقدة حريم من طليقته او زوجته المتمرده الله يكون فعونهم

والحمدلله اكثر الزوجات اللي اشوفهم حولي شاايلين هم ازواجهم فالبنيان ومصاريف البيت ولله الحمد ويحطونهم فعيونهم


اختلف معاك
مب شرط يكون مر بتجربه من هالنوع

لكن هذي طبيعة الريال

يحب كل شي يكون له ويكون على قمة العرش
ومايرضى المره تنافسه

هذي فطره ف الريال
الا القله القليله تحصله مع المره ومايغار من انجازاتها :secret:

[بن مفتاح]

الريال

طبعه صعب يتقبل التغيير اللي يكون ف صالح المره

لان المره عدوة الرجل بالمرتبه الاولى


مع ان اقتراحي ف صالح الريال
الله يصلحكم




اختي الكريمة .. الله يهدينا ويهديك .. اخطاتي في هذه الجملة كثيـــــر ..

((( المرة عدوة الرجل الأول ))) !!!!

ليش الله يهداك .. ترى المرأه منا واحنا منها .. تراها امنا واختنا وزوجتنا وبنتنا .. وتراها في كل هالمسميات حبيبتنـــــا .. واحنا نتمنى ناخذ من لحومنا ونعطيهم .. ترى الشباب اللي عارضوك قد يكون لكل واحد منهم اسبابه .. وقد لا يستطيع ان يوصل اسبابه بطريقة صحيحة .. لكن محد فينا يكره مصلحة امه او اخته او زوجته او بنته .. ومثل ما قلنا لكِ قبل .. (( أغلب النساء نحن مسؤولين عنهم كرجال )) بصفة أو أخرى ..

نرد على اقتراحكِ مرة أخرى .. اذا تسجل البيت باسم المرأة ففي ردي السابق كان الجواب .. فيه نساء سوف ترى نفسها على الرجل وقد تحدث من الامور ما فيه داعي لذكره من جديد لأن واقعنا الحالي للاسف فيه من بعض هذه الامور ..

وان حصلت المنحة للمرأة .. وصار البيت باسم الرجل .. هذا في الاصل تناقض .. كيف يكون البيت منحة للمرأة ويُكتب باسم الرجل ..؟؟؟!!! واذا حصل لا سمح الله مشاكل بين الزوجين وحصل انفصال ، هنا سيكون البيت من حق من ... وفي حالة وفاة الزوج او الزوجة هنا ستختلط الامور وستتعقد : البيت منحة للمرأة .. وباسم الرجل .. اعتقد هنا سوف نخلق مشكلة جديدة ..

ولو الرجل والمرأة او احدهما اراد الاحتيال في هذه الحالة للحصول على بيت آخر .. كيف ستحلين هذا الاشكال ..

تراها شرباكة ..

واكيد في امور اخرى قانوية انا لا افقه فيها قد تحدث ..........................

بس ارجع واقول : ترى محد فينا يكره الخير لـ شوفاته .. بل يتمنى لهم الخير كله ..

[المحاميه]

اختي الكريمة .. الله يهدينا ويهديك .. اخطاتي في هذه الجملة كثيـــــر ..

((( المرة عدوة الرجل الأول ))) !!!!

ليش الله يهداك .. ترى المرأه منا واحنا منها .. تراها امنا واختنا وزوجتنا وبنتنا .. وتراها في كل هالمسميات حبيبتنـــــا .. واحنا نتمنى ناخذ من لحومنا ونعطيهم .. ترى الشباب اللي عارضوك قد يكون لكل واحد منهم اسبابه .. وقد لا يستطيع ان يوصل اسبابه بطريقة صحيحة .. لكن محد فينا يكره مصلحة امه او اخته او زوجته او بنته .. ومثل ما قلنا لكِ قبل .. (( أغلب النساء نحن مسؤولين عنهم كرجال )) بصفة أو أخرى ..

نرد على اقتراحكِ مرة أخرى .. اذا تسجل البيت باسم المرأة ففي ردي السابق كان الجواب .. فيه نساء سوف ترى نفسها على الرجل وقد تحدث من الامور ما فيه داعي لذكره من جديد لأن واقعنا الحالي للاسف فيه من بعض هذه الامور ..

وان حصلت المنحة للمرأة .. وصار البيت باسم الرجل .. هذا في الاصل تناقض .. كيف يكون البيت منحة للمرأة ويُكتب باسم الرجل ..؟؟؟!!! واذا حصل لا سمح الله مشاكل بين الزوجين وحصل انفصال ، هنا سيكون البيت من حق من ... وفي حالة وفاة الزوج او الزوجة هنا ستختلط الامور وستتعقد : البيت منحة للمرأة .. وباسم الرجل .. اعتقد هنا سوف نخلق مشكلة جديدة ..

ولو الرجل والمرأة او احدهما اراد الاحتيال في هذه الحالة للحصول على بيت آخر .. كيف ستحلين هذا الاشكال ..

تراها شرباكة ..

واكيد في امور اخرى قانوية انا لا افقه فيها قد تحدث ..........................

بس ارجع واقول : ترى محد فينا يكره الخير لـ شوفاته .. بل يتمنى لهم الخير كله ..


مرحبا اخوي وهلا فيك مره ثانيه ..

بالنسبه للنقطه الاولى .. فأنا اعتذر لو الكلام قاسي لكن ياخوي انا ماجبت شي من عندي .. هذا شي واضح ومعروف .. معليش يمكن كلامي مايعجب

الاغلبيه لكن انت وغيرك تدرون ان الريال عنده مشكله صوب المره ومايحب تكون احسن منه لاسباب فطريه وهالشي من حقكم وانا مالومكم فيه .. لانه

شي نفسي وموروث .. لكن لاتنكر هالنقطه وانا قلت فيه اقليه خارجه عن هالدائره .. يعني فيه رياييل بالعكس تحصلهم هم الدافع الاساسي اللي ورا نجاح المره ..

اما بالنسبه لللموضوع ..

اول شي انا ضد انه يصرف باسم الزوجه لان المسأله قد تثير الجدل والمشاكل وممكن بعض الحريم الله يصلحهم يستغلون الموضوع غلط ..

اما اذا كانت الزوجه الموظفه (سبب) لمنح زوجها البيت ف وين المشكله اذا تسجل باسمه؟

وانت تقول لو حصل انفصال .. لو صار انفصال حتى لو كان البيت عن طريق الزوج فالقانون حسم الامر .. وتعرف ان من واجب الزوج توفير مسكن للزوجه والابناء فهذي المسأله خالصه وخاليه من النزاع ..

اما ف حالة الوفاه لاقدر الله .. ف الامر واضح .. اذ ان المنزل باسم الزوج يعني ملك الزوج ...

وبالنسبه لنقطة الاحتيال ...

فكيف يحتال الزوج او الزوجه ويحصلون بيت ثاني؟
اخوي انا قلت سواء البيت صرف للزوج او الزوجه فالهدف والمضمون واحد .. يعني اذا انصرف مره وحده خلاص انتهى الامر ولن يصرف لذات الاطراف مره أخرى...

وبعدين شدعوه عاد الاجراءات يعني اللي يقول سهله وانهم بيصرفونلهم بيت مني والطريج .. راح تكون فيه ضوابط وقيود .. تأكد اي اقتراح او مشروع قبل اعتماده فانه يمر بسلسله طويله تمتد لعديد من السنوات لاعتماده .. لان الموضوع يدرس بشكل جدِ من جميع النواحي ..


واتمنى مثل ماقلت حضرتك اخوي ان الرجل يصبح صديق المرأه ف السنوات القادمه


شكراً لك

[موظف ((حكومي]

ليه المرأه عيوب الدنيا عليها ليه الرجل مايحمل بدالها

[Right]

ممكن توضح شنهي المآرب الأخرى؟ مايصير نقط كلمه ونشل عليه :)









" اللبيب بالاشارة يفهم " :victory:

[وليف الشوق]

ضد الموضوع وبقوة

[Right]

ضد الموضوع وبقوة





كفووووو :victory:

[بن جعران]

اشوف بعض الردود عقيمه !! صاحب الرد تفكيره ذكري والمقصد من رده مناحس للمراه
او مجرد يبربر ويبطل حلجه عشان يرادد الاخت صاحبة الموضوع,

بعضهم تلاقي راسه اكبر من شاشة الكمبيوتر وصار له ساعه يعلق
وللحين ما فهم الاخت شنو تقصد من الاقتراح !!

في جمله مكتوبه بالعربي في الاقتراح ( ان تكون المراه متزوجه ) يعني زوجها موجوووووووووووووووود

[المحاميه]

اشوف بعض الردود عقيمه !! صاحب الرد تفكيره ذكري والمقصد من رده مناحس للمراه
او مجرد يبربر ويبطل حلجه عشان يرادد الاخت صاحبة الموضوع,

بعضهم تلاقي راسه اكبر من شاشة الكمبيوتر وصار له ساعه يعلق
وللحين ما فهم الاخت شنو تقصد من الاقتراح !!

في جمله مكتوبه بالعربي في الاقتراح ( ان تكون المراه متزوجه ) يعني زوجها موجوووووووووووووووود


شكرا شكرا

الحمدلله فيه عالاقل واحد فاهم قصدي
ويشوف ان فعلا فيه ردود بس قصدها المناحس

انا مب متحيزه ولا متعصبه لرايي كما يشاع ولكن انا اكتب رايي بكل وضوح واشوف اغلب الردود تقعد تحرف وتشكك وتطرق لامور ثانيه
وفعلا نفس ماقلت السالفه مناحس فقط لا غير

:)