فضــــــــــــــول أم قلة ادب ؟

[بومحمد المطاوعه]

السلام عليكم ورحمة الله وبركاته

شخباركم يا اخواني واخواتي

هناك أشخاص تجمعنا بهم صدف أو ظروف معينة ولمجرد أن تسترسل معهم في الحديث تجدهم يتدخلون

في حياتك الشخصية ويسألونك عن أحوالك سؤالا تلو الأخر دون أن يهتموا أو يبالوا ان كانت أسئلتهم هذه قد ضايقتك

أوأحرجتك خاصة ان كنت انسانا متحفظا ولا تريد أن تحكي لانسان لاتعرفه معرفة جيدة عن نفسك ولا يهمك أن
تعرف شيئا عنه

هؤلاء الأشخاص موجودين بكثرة في مجتمعاتنا العربية فاذا تعاملت معهم برد غير لائق قالوا عنك أنك انسان غير

لطيف ومهذب
واذا أشبعت فضولهم بالرد عن سؤال واجهوك بوابلا من الأسئلة

مثل هذا التصرف هل نعتبره مجرد فضول أم قلة أدب؟

ماذا ستكون ردة فعلك ان صادفت هذا النوع من الأشخاص؟

[المحاميه]

اعتبر هالناس ماعندها سنع
والصراحه الغالبيه العظمي تتدخل ف حياتك وتسألك اسئله المفروض ماتنسأل بس بحجة العادي ويه شفيك معقد الخ


شخصياً
ماحب اسأل واتدخل ف أي شي خاص سواء لشخص قريب او بعيد
لان هذي امور خاصه وحياته
ولو فيه شي يبي يقوله بيقوله من غير سؤال
ليش تحرجون خلق الله؟

[alsoq]

سوى شخص اعرفه او ما اعرفه حتى اخي ولا ولاد عمي او حد من العائلة ادخله في حياتي الشخصيه فا ما بالك بشخص عادي

نعم البعض لا يستحي ويتطرق لامور تخصك انت هنا قله اصمت لو سمحت ولا تكلم في اي موضوع يخصني
ياكثرهم بو محمد

[بومحمد المطاوعه]

اعتبر هالناس ماعندها سنع
والصراحه الغالبيه العظمي تتدخل ف حياتك وتسألك اسئله المفروض ماتنسأل بس بحجة العادي ويه شفيك معقد الخ


شخصياً
ماحب اسأل واتدخل ف أي شي خاص سواء لشخص قريب او بعيد
لان هذي امور خاصه وحياته
ولو فيه شي يبي يقوله بيقوله من غير سؤال
ليش تحرجون خلق الله؟


بارك الله فيج اختي


صدقتي والله مب حلوه الواحد يتسأل

بعيد الشر مادري شفيهم العالم طايحين على هالموضه

[بشائر]

اعتبره فضول وقلة أدب بعد ..
فيه ناس عندها عادي تقول كل شي وأي شي عن حياتها
كإنها كتاب مفتوووح الرايح والجاي يقراه لا حيا ولا مستحيا

في رأيي لو صادفك حد يبي يتدخل في شؤونك الخاصة صده ولا تعطيه وجه وترفع عنه..
وفقك الله

[المحاميه]

اعتبره فضول وقلة أدب بعد ..
فيه ناس عندها عادي تقول كل شي وأي شي عن حياتها
كإنها كتاب مفتوووح الرايح والجاي يقراه لا حيا ولا مستحيا

في رأيي لو صادفك حد يبي يتدخل في شؤونك الخاصة صده ولا تعطيه وجه وترفع عنه..
وفقك الله

ممكن اجلس مع زميله ف الدوام افتحلها قلبي واسولف وافتح مواضيع واتكلم بس بحدود طبعا

لكن تسأل ف التفاصيل الدقيقه واللي ماتخصها ليش؟

[قطريه22]

مثل هذا التصرف هل نعتبره مجرد فضول أم قلة أدب؟

على حسب السؤال في أسئله صارت عاديه عند بعض الناس ولازم تنسأل مثل : انتي متزوجه؟ انزين كم عمرج؟ تشتغلين؟ وين؟
بس اذا اسألو كم راتبج اقولهم ليش؟ واذا اصرو اقول الحمدلله الراتب زين ويكفيني انا من طبعي ماحب احرج حد ولا افشله

ماذا ستكون ردة فعلك ان صادفت هذا النوع من الأشخاص؟

بالنسبه لي اجاوب اذا السؤال مب شخصي وايد ، واذا حسيت ان السؤال ضايقني أستعبط وأقول ليش أو مادري واطالع بنظرة فيها ابتسامه يعني مابي اجاوب.

[بشائر]

ممكن اجلس مع زميله ف الدوام افتحلها قلبي واسولف وافتح مواضيع واتكلم بس بحدود طبعا

لكن تسأل ف التفاصيل الدقيقه واللي ماتخصها ليش؟

لانج إنسانة راقية اخترتي الكلام معها (بحدود) لكن لأنها كانت الشخص الخطأ زاد الفضول عندها .. لاتعطينها أكثر مما يجب .

[فلتة زمانها]

اشوفه نوع من الفضول الايجابي
و شخصيا ارتاح لما اجاوب وافضفض لانسان ما اعرفه لاني على يقين انه هالشخص
لاحظ فيني شي ومن جذيه سالني وفعلا بعضهم التقيت فيهم مره او مرتين ومن بعدها
اختفوا لكني استفدت من نصايحهم وتعليقاتهم

[بومحمد المطاوعه]

سوى شخص اعرفه او ما اعرفه حتى اخي ولا ولاد عمي او حد من العائلة ادخله في حياتي الشخصيه فا ما بالك بشخص عادي

نعم البعض لا يستحي ويتطرق لامور تخصك انت هنا قله اصمت لو سمحت ولا تكلم في اي موضوع يخصني
ياكثرهم بو محمد

اي والله

الله يهديهم ويفكنا منهم

[بومحمد المطاوعه]

اعتبره فضول وقلة أدب بعد ..
فيه ناس عندها عادي تقول كل شي وأي شي عن حياتها
كإنها كتاب مفتوووح الرايح والجاي يقراه لا حيا ولا مستحيا

في رأيي لو صادفك حد يبي يتدخل في شؤونك الخاصة صده ولا تعطيه وجه وترفع عنه..
وفقك الله


بارك الله فيج اختي

بعيد الشر بعض الناس يتكلم في امور دقيقه تصير معاه
في غرفته واهو متزوج

والله العظيم في شخص في الكوفي كنت قاعد وما اعرفه هذا الرجال ولاكن مت زود تقارب الكراسي
قاعد اسمع كلامه لربعه

يقول تفاصيح ملابس زوجته لهم

تضايقت وصادني مثل القشعريره في جسمي
اشلون يتكلم جذي

كنت بفتر عليه وبكلمه ولاكن وقت ما اذن قال حق ربعه يالله قومو صلاة

ماعرف اشفيه اهو هل مريض نفسي ام ماذا الله اعلم

[بومحمد المطاوعه]

ممكن اجلس مع زميله ف الدوام افتحلها قلبي واسولف وافتح مواضيع واتكلم بس بحدود طبعا

لكن تسأل ف التفاصيل الدقيقه واللي ماتخصها ليش؟


صح اختي المحاميه

بحدود لاشك ومافيها اي شي

بس البعض يسألك

كم راتبك
كم تنفق على اهلك

شلك خص

[بومحمد المطاوعه]

مثل هذا التصرف هل نعتبره مجرد فضول أم قلة أدب؟

على حسب السؤال في أسئله صارت عاديه عند بعض الناس ولازم تنسأل مثل : انتي متزوجه؟ انزين كم عمرج؟ تشتغلين؟ وين؟
بس اذا اسألو كم راتبج اقولهم ليش؟ واذا اصرو اقول الحمدلله الراتب زين ويكفيني انا من طبعي ماحب احرج حد ولا افشله

ماذا ستكون ردة فعلك ان صادفت هذا النوع من الأشخاص؟

بالنسبه لي اجاوب اذا السؤال مب شخصي وايد ، واذا حسيت ان السؤال ضايقني أستعبط وأقول ليش أو مادري واطالع بنظرة فيها ابتسامه يعني مابي اجاوب.


اي والله كل الاسئله عن الراتب

حسسوني

انا الي يسألني ع الراتب اقوله عطني رقم حسابك بحول لك كل شهر

[بومحمد المطاوعه]

اشوفه نوع من الفضول الايجابي
و شخصيا ارتاح لما اجاوب وافضفض لانسان ما اعرفه لاني على يقين انه هالشخص
لاحظ فيني شي ومن جذيه سالني وفعلا بعضهم التقيت فيهم مره او مرتين ومن بعدها
اختفوا لكني استفدت من نصايحهم وتعليقاتهم


في اشياء نستفيد منها
واسئله محترمه لامانع
ولاكن البعض يسأل عن اشياء مادري شلون

مالها اي معنى

[@north_star@]

لقافة وقلة أدب

[بشائر]

بارك الله فيج اختي

بعيد الشر بعض الناس يتكلم في امور دقيقه تصير معاه
في غرفته واهو متزوج

والله العظيم في شخص في الكوفي كنت قاعد وما اعرفه هذا الرجال ولاكن مت زود تقارب الكراسي
قاعد اسمع كلامه لربعه

يقول تفاصيح ملابس زوجته لهم

تضايقت وصادني مثل القشعريره في جسمي
اشلون يتكلم جذي

كنت بفتر عليه وبكلمه ولاكن وقت ما اذن قال حق ربعه يالله قومو صلاة

ماعرف اشفيه اهو هل مريض نفسي ام ماذا الله اعلم

اللهم عافنا !

وما خفي كان اعظم !
ذكرتني بوحدة حضرت جمعة من جمعاتنا العائلية أول مرة نلتقي فيها
اطمئنت لنا و لسوالفنا وما وعينا إلا وبدت تشتكي من زوجها ( ابو عيالها) وماخلت شي
شين إلا وقالته عنه قطعته تقطع وتقول تبي الطلاق وتقول بتبدأ في الإجراءات وغيره وتبي شورنا
طبعا انا اسمعها ومصدومة وتأثرت وكسرت خاطري .. المهم بعدها باسبوعين جاتنا مرة ثانية
اسأل عن حالها ولو تم الطلاق والا لا تفاجأت إنها قامت تمدح في بوعيالها !!!!
وتقول هو مسكين بس أنا كنت زعلانه عليه !!!
الله المستعان وقتها عاد استلمتها عدل وذكرتها بحديث الرسول صلى الله عليه وسلم ( يكفرن العشير)
وحذرتها تكون منهم .. اوعدتني ولكن بوطبيع ما يجوز عن طبعه ..
الله يصلح الشان ويهدينا جميع ..

[المحاميه]

لانج إنسانة راقية اخترتي الكلام معها (بحدود) لكن لأنها كانت الشخص الخطأ زاد الفضول عندها .. لاتعطينها أكثر مما يجب .

تسلمين والرقي منج وفيج

بس المفروض الناس تعامل بالمثل
انا ماتدخلت ف خصوصياتج يااختي ف ليش اتدخلين فيني :(

[Right]

من وجهة نظري:


هو فضول وقلة أدب ولعانة بعد !!

[R 7 A L]

بو فلان كم رقم حسابك في البنك ؟
ههههههههه

هالنوع من الاسئلة الكل يحبه
هههههههه

[كازانوفا]

بالفعل كثيريين وبكل عين قويه

[ارين]

السلام عليكم ...
أعتبره لقافة وقلة أدب ..
فالفضول يظل مجرد تمنى ورغبة تجتاحنا لنعرف كل مايحدث من حولنا من أحداث وماخفى عن أعيننا
ولا يمكن أن يعرضنا للمشاكل ..
بل أعتقد إنه ميزة وخصلة إيجابية يمكن أن يستفيد منه الإنسان ليتوصل إلى الابتكارات والإختراعات والإكتشافات..
بعكس اللقافة التي تتعدى الأشياء العامة لتصل إلى التدخل في الأمور الشخصية

[طلعة الروح]

الله المستعان، وسبحان الله ما يسألونك الا اذا كان في شي فعلا حصل لك
وكذلك الاسئلة الشخصية مثل كم راتبك؟
هاي السؤال بالذات ينرفز ههههههههههه

[لاجل QT]

ماعرف

[بومحمد المطاوعه]

للرفع والمناقشه

[بوحارب]

والله هال نوعية يا بوحمود ودك تسحب على ام أمه

ادري التعليق لك عليه شوي بس بط جبدي الملقوف

[ANONYMOUS]

انزين كل واحد يقول لنا كم راتبه هههههههههههههههههههههههه


طبيعة الانسان وشخصيته تختلف حسب تأثره تربيته والبيئه المحيطه والاصدقاء.. سواء كان السائل ام المتلقي ..

اللي عليك تضع حاجز .. ليفهم السائل انه تعدى الحدود

وبيسكت عنك والحياه جميله

[طير حوران]

هذا خبيث او مريض

وفي كلتا الحالتين الابتعاد عنه افضل

[بومحمد المطاوعه]

للرفع والمناقشه
بارك الله فيكم

[دااانة قطر]

الحمدلله أغلب اللي يعرفوني كباار وصغااار يقولون عني دبلومااسية
يعني ما احب أهذر واايد ولا أتدخل في شؤؤن الغير وردي على قد السؤاال واذا ماعجبني السؤاال ارد بالمختصر

[شبح الصمت]

الله يعطيك العافيه بومحمد

الي يتدخل في شيء ما لا يعنيه بيلقى شيء لا يرضيه

طبعاً البعض راح يطبق هالمقوله فوق

وكثيراً منا ما يحب يحرج احد ويصفق وجه

بس يا وجه استح شيء خاص فيني والا خصوصياتي اتحفظ فيها

[بوخالد911]

فضول + قلة ادب + قلة ذرابة + ................. الخ

لو حد غريب نوعا ما يسألني أسئلة ملقوووووووفة ، بقوووله ستوب
ما لك خص

[الماريّة]

مرحبا اختي يعطيج العافية على الطرح


مثل هذا التصرف هل نعتبره مجرد فضول أم قلة أدب؟بعض البشر طبيعته هالشكل البعض فضول والبعض جهل في التعامل مع خصوصيات الغير

وانا كثير صادفتني مثل هالمواقف وتكون رده فعلي التحفظ على خصوصياتي بعدم الاجابه
والتعذر باسلوب لبق


ماذا ستكون ردة فعلك ان صادفت هذا النوع من الأشخاص؟ ولما الاحظ هالشخصص يكرر تساؤولاته الخاصه ابتعد عنه وما اجالسه

[R 7 A L]

مرحبا اختي يعطيج العافية على الطرح

بعض البشر طبيعته هالشكل البعض فضول والبعض جهل في التعامل مع خصوصيات الغير

وانا كثير صادفتني مثل هالمواقف وتكون رده فعلي التحفظ على خصوصياتي بعدم الاجابه
والتعذر باسلوب لبق

ولما الاحظ هالشخصص يكرر تساؤولاته الخاصه ابتعد عنه وما اجالسه


:rolleyes2:

الي كاتب الموضوع اخونا بو محمد

[الماريّة]

:rolleyes2:

الي كاتب الموضوع اخونا بو محمد

اعتذر من اخونا بومحمد ههههه واشكره على الطرح المفيد

وشكرا لك اخوي على التنبيه :)

[النفل]

فضول للاسف من بعض الناس

[طلعة الروح]

المشكلة لما يكون السؤال مفاجئ وبدون مقدمات ، ف اللي مب متعود يكذب او يلف ويدور بتروح عليه
ويضطر يا يرد بصدق أو يفشل اللي سأل السؤال ويقوله مالك شغل او باسلوب احلى يتجنب الرد المباشر

[نوور الدووحه]

اعتبرها قلة أدب وماكو ذرابه!!

السؤال الي يبط جبدي ومادري ليه ينسأل !! لمن اصادف وحده بمستشفى ولا مكان عام او بميلس حريم او ايأ كان المكان؟؟

عقب مايعرفون اسمي يسالون متزوجه عندج يهال و و من الاسئله البوليسيه هههههه:secret:

بس السؤال الي اقصده هو






ريلج وين يشتغل ؟؟؟؟؟؟؟؟؟؟؟؟؟؟ !!!


شكو بريلي انتي:eek5:

سؤال غبي غبي غبي غبي غبي << تحمست:court:

[نوور الدووحه]

انا خواتي اقرب الناس لي ماعرف رواتبهم هههههههههههههه ..الي يسالون عن الرواتب:secret:

ماحب اللقافه خير شر..!! :nono:

[حبر وقرطاس]

اتعرض لهذه المواقف ولكن لا اشبع فضول السائلين .دائما اجابت مقتضبه سطحيه تنهي الحوار وتسد نفس الي يبي يحشر نفسه.

[khalid525]

تقدر تقول فضول وقلة ادب مع بعض :)

[بومحمد المطاوعه]

الله المستعان

الحمدلله على كل حال

[بومحمد المطاوعه]

نسأل الله لهم الهدايه يارب

[يمامـة]

فضول قد يصل الى قلة الأدب لو الاسئلة كانت حساسة وعميقة.

لكن بشكل عام التصرف هذا يعتبر فضول المفروض الواحد يجنب نفسه
من الوقوع فيه.

[بومحمد المطاوعه]

فضول قد يصل الى قلة الأدب لو الاسئلة كانت حساسة وعميقة.

لكن بشكل عام التصرف هذا يعتبر فضول المفروض الواحد يجنب نفسه
من الوقوع فيه.

صح اختي يمامه


المفروض نتجنب هالناس

[lulu.90]

هههههههههههـ يا كثرهم ..


ألصراحه أنا بجاوب بس لين توصل لسؤال ما يعجبني أو احسه إنه تعدى الحدود المفروضه .. ما بجاوب بسال نفس السؤال للي يسأل لو جاوب بسأل سؤال خصوصي اكثر او يضايق
ولو جاوب عاد الله يعينه ههههههههههههههـ بتنقلب السالفه عبط وإستهبال .. لاني مستحيل اني ارد رد قوي او انه افشل احد .. الجزاء من جنس العمل هههههـ
وبعدين في ناس تطلع منهم هالتصرفات او هالاسأله من طيبتهم او بساطتهم او بدون تفكير .. على عكس ناس ممكن اسألتهم خباثه او سواد قلب ... الله واعلم بالقلوب ومافي قواعد ثابته
تعم كل الناس وكل الظروف ولا في حلول تنفع على كل المواقف ولا كل الناس ...

والله يهديهم ويهدينا

طرح جميل أخي ...

كـــل ألــود ... :)

[بصمة قطرية]

فضول و لقافة ..
ما بقول قلة ادب
البعض فيه طبع يسأل عن الأمور الشخصية
من باب الفضول و اللقافة
مش قلة أدب منه
احنا ممكن ننظر له إنه قلة أدب
و هو يعتبره عادي ..!!
المفروض نقول له ستوووب
في خط أحمر لا تتجاوزه ..
بالنسبة لي لو صادفني هالشي
أحاول ما أحرج اللي قدامي
فأغير الموضوع و أتوقع إنها راح تحس ..
محد له حق يتدخل في الخصوصيات ..

[بومحمد المطاوعه]

هههههههههههـ يا كثرهم ..


ألصراحه أنا بجاوب بس لين توصل لسؤال ما يعجبني أو احسه إنه تعدى الحدود المفروضه .. ما بجاوب بسال نفس السؤال للي يسأل لو جاوب بسأل سؤال خصوصي اكثر او يضايق
ولو جاوب عاد الله يعينه ههههههههههههههـ بتنقلب السالفه عبط وإستهبال .. لاني مستحيل اني ارد رد قوي او انه افشل احد .. الجزاء من جنس العمل هههههـ
وبعدين في ناس تطلع منهم هالتصرفات او هالاسأله من طيبتهم او بساطتهم او بدون تفكير .. على عكس ناس ممكن اسألتهم خباثه او سواد قلب ... الله واعلم بالقلوب ومافي قواعد ثابته
تعم كل الناس وكل الظروف ولا في حلول تنفع على كل المواقف ولا كل الناس ...

والله يهديهم ويهدينا

طرح جميل أخي ...

كـــل ألــود ... :)


بارك الله فيك

ويعطيك العافيه

[بومحمد المطاوعه]

فضول و لقافة ..
ما بقول قلة ادب
البعض فيه طبع يسأل عن الأمور الشخصية
من باب الفضول و اللقافة
مش قلة أدب منه
احنا ممكن ننظر له إنه قلة أدب
و هو يعتبره عادي ..!!
المفروض نقول له ستوووب
في خط أحمر لا تتجاوزه ..
بالنسبة لي لو صادفني هالشي
أحاول ما أحرج اللي قدامي
فأغير الموضوع و أتوقع إنها راح تحس ..
محد له حق يتدخل في الخصوصيات ..


اممممم

صح كلامج بس بعضهم قله ادب الصراحه

[سهم ماينزل]

صفه جدا مذمومة حتى لو من اقرب الناس

[بومحمد المطاوعه]

صفه جدا مذمومة حتى لو من اقرب الناس

الله كريم

الحمدلله على كل حال