الحذر من فواتير اوريدو

[عميد الريان]

السلام عليكم ورحمة الله

اخواني الأعزاء أتمنى كل من يقرا هذه الرسالة ان يتحقق من فواتيره الشهرية من قبل اوريدو او ما كانت تسمى سابقا بكيوتل
موضوعي معاهم بدا تقريبا من حوالي سنه ونصف من يوم ما بدا نظام الفواتير الالكترونية حيث اكتشفت هذا الامر اول مرة من قبيل الصدفة حيث يتم أضافه خدمة الترفيه الى الفاتورة عن خدمه لم استخدمها وعند اتصالي بهم هم أيضاً لا يعرفون ماهي الخدمة ووعدوني بإلغائها المشكلة ليست على هاتف واحد إنما على ثلاثة هواتف باسمي وبعدها لم اتفقد الفواتير لمده طويله ولكن من شهرين جاء على بالي أشوف الفاتورة وتفاجائت بوجود الخدمه وعلى نفس الهواتف وبعد ثلاث زيارات لمركز الخدمه وعدت اتصالات الله رضى عليهم واتصلوا فيني أمس ووعدوني بحل المشكل وعندما سألتهم عن المبالغ التي تم دفعها سابقا لم تجد الموظفه أجابه شافيه للمشكلة
المبلغ هو 36 ريال عن كل فاتورة كل شهر لثلاث هواتف لمدة 18 شهر او اكثر وأخلي الحسبة لكم
فارجوا من الكل التدقيق على الفواتير لان متأكد ان 80٪ من الناس ما يشوفها وخاصه ربعنا هل قطر والفلوس الي خذوها في ذمتهم إنشاالله
مرفق صوره للفاتورة

[العبرات]

صحيح كلامك اخوي .. وحتى انا لما سألتهم عن هذه الخدمة ما اعرفوا في البداية .. وبعدين علشان ما يدخلون معاي في جدال قالوا لي أكيد أنت تدخل النت وخلصت حجم البيانات المخصصة لك وبعدين بدأ الحسابة تحسب !! طباعا ما اقتنعت من كلامهم بس ما باليد حيلة .. والحين من شهرين وأكثر ما ادخل النت ببيانات الهاتف أبداً فقط بالواي فاي .. ونفس الشيء .. ونفس المبلغ .. 36 ريال ..!!

مشكور اخوي على التنبيه .. والله يعيني على مراجعتهم وإن شاء الله الاقي أحد يفهم من وين جاء هذا المبلغ .. أي خدمة هذه اللي محد في اوريدو يعرف لها !! حسبي الله ونعم الوكيل ..

[مخطط قطري]

حول خطك هلا وعبه بالف ريال وريح راسك

[طلعة الروح]

أنا أقول الحذر من أوريدو بكبرها،
ما قصروا مع حد لا من عملاء ولا من موظفين..والمشكلة الإدارة العليا
تاركه الحبل ع القارب حق بعض المسؤولين اللي مايستاهلون مناصبهم هناك وكانوا سبب في استقالات وقطع ارزاق الموظفين
،أدارات فاسدة للأسف وكل واحد يدور على مصلحته منهم والوظايف يبونها حق ربعهم بس، اما اللي ماعنده واسطة مانصحه يروح هناك.

[Rosso]

بيقولك "خطأ بالسستم" الي محسسيني انه شغال على كمبيوتر بو شاشة مربعة على ويندوز 95

[قوت القلوب]

تعبنا من البوق ولحكرت لهم يقولون لي الشهر الجاي بنخصمها من الفاتوره الجديده

[عابر سبيل]

السلام عليكم ورحمة الله

اخواني الأعزاء أتمنى كل من يقرا هذه الرسالة ان يتحقق من فواتيره الشهرية من قبل اوريدو او ما كانت تسمى سابقا بكيوتل
موضوعي معاهم بدا تقريبا من حوالي سنه ونصف من يوم ما بدا نظام الفواتير الالكترونية حيث اكتشفت هذا الامر اول مرة من قبيل الصدفة حيث يتم أضافه خدمة الترفيه الى الفاتورة عن خدمه لم استخدمها وعند اتصالي بهم هم أيضاً لا يعرفون ماهي الخدمة ووعدوني بإلغائها المشكلة ليست على هاتف واحد إنما على ثلاثة هواتف باسمي وبعدها لم اتفقد الفواتير لمده طويله ولكن من شهرين جاء على بالي أشوف الفاتورة وتفاجائت بوجود الخدمه وعلى نفس الهواتف وبعد ثلاث زيارات لمركز الخدمه وعدت اتصالات الله رضى عليهم واتصلوا فيني أمس ووعدوني بحل المشكل وعندما سألتهم عن المبالغ التي تم دفعها سابقا لم تجد الموظفه أجابه شافيه للمشكلة
المبلغ هو 36 ريال عن كل فاتورة كل شهر لثلاث هواتف لمدة 18 شهر او اكثر وأخلي الحسبة لكم
فارجوا من الكل التدقيق على الفواتير لان متأكد ان 80ظھ من الناس ما يشوفها وخاصه ربعنا هل قطر والفلوس الي خذوها في ذمتهم إنشاالله
مرفق صوره للفاتورة


عذرا اخي الكريم،
انا معاك في ان الحق ضايع عند كيوتل/اوريدو
لكن للانصاف،

هل انت متأكد انك ما اشتركت في شي،
و بالاخص نظام التبرع بالاستقطاع/اذكار/اناشيد الخ الخ،

نفس الامر صار لي، بس كنت عارف ايش الامر
و قلت لهم الملاحظة بأنهم يكتبونها
ترفيه/entertainment
و هالشي يربك،، و ربما في حق البعض
"فشله"
لو ان الفاتورة (لأي سبب)
بيقدمها لجهة عمله
او شي رسمي،،الخ الخ

[عميد الريان]

عذرا اخي الكريم،
انا معاك في ان الحق ضايع عند كيوتل/اوريدو
لكن للانصاف،

هل انت متأكد انك ما اشتركت في شي،
و بالاخص نظام التبرع بالاستقطاع/اذكار/اناشيد الخ الخ،

نفس الامر صار لي، بس كنت عارف ايش الامر
و قلت لهم الملاحظة بأنهم يكتبونها
ترفيه/entertainment
و هالشي يربك،، و ربما في حق البعض
"فشله"
لو ان الفاتورة (لأي سبب)
بيقدمها لجهة عمله
او شي رسمي،،الخ الخ

اخوي قول أني اشتركت فهل يعقل أني اشتركت على الثلاث ارقام وبعدين مع برامج الآي فون من بيشترك في هالخدمات ومثل ما قال احد الاخوان ان عنده نفس المشكلة يعني مهب أنا لحالي

[عميد الريان]

حول خطك هلا وعبه بالف ريال وريح راسك

الفاتورة على الأقل تعرف الي لك والي عليك ايش دراك لو حولته هلا يسرقونك وانت ماتدري

[بوخالد911]

هلا
اللي مشترك بالتبرع اليومي لأي جهة خيرية بقطر
بالفاتورة ينكتب ترفية / تسلية fun
وهذا خطأ
المفروض يكتبون تبرع الكتروني سواء يومي اسبوعي شهري

[المارونـــي]

صارت لي المشكله وحلوها وسببها على كلامه انا انا مطرش مسج حق ارقام الدعايات ولا الجوايز الي بدايته 92900 اللي بهذي الصيغه اي مسج تكون ارسلته على هذي الارقام على طول تنحسب لك رسوم الخدمه طبعا غير سعر الرساله الي هو 6 ريال اعتقد

[الماريّة]

والله انا بعد انصدم من فاتورتي توصل قريب الالفين شهريا وانا مكالماتي قليله جدا

واغلب استخدامي للنت عن طريق الواير لس ومب عارفه شلون اتفاهم وياهم

اصلا هالفواتير شلون اطلعونها ؟ مب الغو الفواتير الورقية ؟؟

[بوخالد911]

والله انا بعد انصدم من فاتورتي توصل قريب الالفين شهريا وانا مكالماتي قليله جدا

واغلب استخدامي للنت عن طريق الواير لس ومب عارفه شلون اتفاهم وياهم

اصلا هالفواتير شلون اطلعونها ؟ مب الغو الفواتير الورقية ؟؟

صح

ألغوا الورقية

الحين عطيهم الايميل
وبيرسلون الفواتير عليه وتقدرون تطلعون عليها ب (( pdf ))

اتصلوا 111

[الماريّة]

صح

ألغوا الورقية

الحين عطيهم الايميل
وبيرسلون الفواتير عليه وتقدرون تطلعون عليها ب (( pdf ))

اتصلوا 111

شكرا لك ع التوضيح

[lulu.90]

الكلام صحيح والله انا ما اشتركت بشي ومتاكده بس كل ما اتصل يقولون لي عذر شكل

بس الواحد يقول حسبي الله ونعم الوكيل .. يعني ما عرف كل هالشكاوي على هالسالفه وما يتوبون ...

المشكله للحين مع وايد ناس .. ويقولون هاي تنزل تلقائي حق الكل اللي ما يبيها يوقفها ... (( الحمدالله والشكر بس )) ..

اللهـ كريــم ...

[Right]

فعلاً كلامك صحيح 100%



صار معي هالشيء وتواصلت معاهم في تويتر وبالإتصال


نشبت لهم نشبة ، لين شلو قيمة هالخدمة الغامضة ورسومها من الفاتورة



قالوا لي: ما ندري هالخدمة من وين وصلتك ،

ويمكن إنك ضغطت على رابط وصلك عن طريق المسج وتفعلت الخدمة عندك

السالفلة فيها لفة ودورة !!



إسم هذه الخدمة الغامضة: Information and Fun + Mozaic Mobile Portal



أتمنى من كل شخص يدقق على فاتورته جيداً