منجرة الليوان و ما ادراك ما الليون

[أم وضاحي]

حالي حال غيري
شفت أعلانهم و شفت شغلهم ( صور بس ) قلت هاذيللا إللي بيسوون لي بيبان البيت
اتصلت فيهم
و جاب لي الكوتيشن عقب ما راح و قايس البيبان في البيت الجديد
اطلعت على الكوتيشن قلت له البيبان ما أبيها ( بني ) أبيها الوان فاتحه زي الأوف وايت
- و لا يهمك حضرتك إللي أنتي عاوزاه
أنا : ما أبيهم بتصاميم وايد أبيهم شغل بسيط
- ولا يهمك حضرتك إللي أنتي عاوزاه
أنا : متى راح يجهزون
- 90 يوم من تاريخ توقيع العقد و حيكونو جاهزين( 3 شهور )
و وقعنا العقد و سلمتهم العربون
و كملنا 4 أشهور ولا حس و لا خبر
أتصل فيهم زوجي
- ان شاء الله بعد يومين
اتصل فيهم زوجي
- أن شاء الله أخر الاسبوع
اتصل فيهم زوجي
- بعد أسبوع كل شي بيكون جاهز
أتصل فيهم زوجي
محد يرد أكثر من 10 أتصالات في 3 أيام ولا أحد يرد
أتصلت فيهم من رقم ثاني و طبعا رد
و بهدلت له الدنيا و قلت له ان ما سلمت لي البيبان خلال أسبوع راح ابهدلك في المنتدى و في وزارة التجاره
ثاني يوم متصل إلا يقول لي البيبان جاهزه تيك بني !!!
قلت له أنا ما طلبتهم باللون البني أنا قايله لك البيبان اوف وايت
و طبعا رد علي لا العقد مكتوب انه بيبان بنيه
قلت له انا قايله لك باللون اللي ابيه قلت لي إللي انتي عاوزاه
قال دفعي 5000 ريال عشان نرجع نصبغها لج باللون إللي تبينه
قلت له و لا ريال هاي غلطتكم انتو مش غلطتي انا
عقب قال لي تعالي أختاري التصميم لما راح لهم زوجي أكتشف أن البيبان مش مصبوغه و لا شي !!!!( الظاهر ان كان عندهم بيبان طايحه في جبدهم حبو يلزقونها في بيتي )
و الحين ركبوا البيبان
و قالو يبي لها اسبوعين عشان الصبغ الحراري
جاب لي كم عامل و أشتغل يومين
و الحين كملنا 3 أيام ولا واحد منهم يرد على التليفون أو عامل جا يكمل باقي البيبان

ومطرشين لي رساله على الخاص
يقول لي أيش مشكلتج مع المنجره قاعده تنصحين الأعضاء في المنتدى من عدم التعامل معانا
قلت له كلمني دايركت على رقمي و أنا أفهمك

ولا أتصل

و هاي ردي الحين عليهم

بيني و بينكم
المنتدى
و حماية المستهلك
و13 شخص من معارفي يبنون بيوتهم الحين و سائليني عن هالمنجره

[خزامئ]

الله يعيش ام وضاحي تعرفين اسم الشخص الي تعاملتي معه
لن فيه واحد اسمه مصطفي تعاملت معه انسان محترم بس توني موقعه مع العقد
خزانات ملابس من شهر
انشالله مايكون هو الي تعاملتي معه واتوهق): ):

[أم وضاحي]

تعاملت معاهم كلهم البداية الشمس في يد و القمر في يد
و عقب دوريني

[خزامئ]

اي شخص تعاملتي معه وش اسمه

[أم وضاحي]

محمد و مصطفى و مهندس شغال في المنجره في الصناعيه
إنتي صبري شوي بس
شرط وحده من الثنتين
يا يصير فيج نفس ما جاني منهم
يا بيسوونه لج في أسبوع خوفا على سمعتهم
و هاي أشك فيها

[عيد بن شاكر]

جزاج الله خير ع النصيحة و الله يساعدج

كانوا اول محل بتصل فيهم عشان ابواب البيت عندي و الحمدلله قريت هالموضوع و صرفت النظر عنهم!

يعطيكم العافية

[ضوى]

ام وضاحي معاج حق

انا تعاقدت معاهم عشان يسوون لي فريمات للمداخل ، واول الشغل ركبوا لي اي كلام ، قلت له شغل الجنغل مب علي تعيد الشغل من اول وجديد ، وفعلا سوولي ديزاين حلو وطبعا هذا مصطفى انسان محترم جدا ، المهم اجلت تركيب الفريمات لين اخلص التعديلات وقبل لا اخلص الشغل عطيتهم موعد للتركيب وركبوا وكان فيه فينيشنغ مب تمام وشوي العمال خربوا الفريمات ، وكان له عندي ظ¦ظ*ظ*ظ* ريال قلت له ماتشوف ريال منهم قبل مايخلصون العمال وتجي تسوي الفينيش النهائي ، طبعا يموت على ريحة الفلوس وكل شوي ناط لي البيت هاي محمد قلت له تبي تروح اشتك انا للحين ماخلص شغل بيتي ،ويوم خلصت قلت له تعال وفعلا جا واشتغل شغل اي كلام هذا الفينيش النهائي ، قلت له سلامتك شغل الحنغل مابيه ، واربع ايام يشتغل في البيت وشيكت على كل زاوية وعقبها عطيته فلوسها وقلت له الله لا يحوجني لكم مرة ثانية انتوا ناس لا ذمة وبا ضمير بس والله كثرماكنت اتصل ومايرد عليه رديتها عليه خليته يخيب ثناه ولا رديت عليه لين وصل البيت وبعد محد طلع له طلعت حرتي فيهم ، صج مصريين محد يتعامل معاهم

[أم وضاحي]

عزيزتي ضوى. هاي اقل شي تسوينه فيهم. الله لا يحلل لهم

[][ Q6r ][]

الله يعينك اختي
وجزاج الله خير عالتنبية

[أم وضاحي]

يا ريت إذا في حد تعامل معاهم يقول لنا تجربته

[شموخ دائم]

,

,


مرحبا

شكرا على الموضوع

انا بكتب تجربتي معاهم بكل امانه

انا تعاملت معاهم قبل سنه ونص تقريبا
الشغل كان عباره عن تلبيس حوائط ديكور للشركه
والتعامل كان مع الاخ مصطفى

وللامانه الشغل كان جيد جدا
وما صادفتني معاهم اي مشكله والحمدالله

الي انا ملاحظه بشكل عام على الشركات في قطر
ممكن الشركه تكون زينه وتشتهر وتكبر ومن بعدها
تاخذ شغل اكثر من طاقتها وتبتدي الشركه تعاني من مصاعب كثيره
ويصير فيها سوء ادارة

لذلك في ناس ممكن تكون تجربته زينه معاهم وناس التجربه تكون متعبه

اتمنى من شركه الليوان ياخذون هذا الموضوع بشكل جدي
لانه واضح ان البعض من تعامل معاهم صادف مشاكل
ورضى العملاء هو في اول الاوليات لكل شركه
واول عمليه الاصلاح تكون من خلال
عمل اجتماع سريع مع العميل
وتقديم شرح كامل عن مشروعه وماذا تم انجازه وماذا سيتم عمله
في الايام القادمه واعطائه مواعيد وعمل جدول زمني
لانهاء الاعمال والالتزام فيها
والناس في قطر متعاونين جدا مع من يتعاون معاهم
والحمدالله

والله يوفق الجميع




,

,

اخوك

شموخ دائم

[معماري قطري]

الله يعينكم .. مشكلة العرب دوم ما يركزون ويكتبون كل شيء وينفذون العقد حسب أُصوله وبنوده

عجبني شغل شركة المتحدة للتجهيزات .. يجيبون البيبان جاهزين ومصبوغين في المعمل من الكويت .. وصبغهم يكون في فرن حراري ومعاهم ربلات في الحواف عن الغبار والصوت .. وكل شيء بعقد مفصل ومواصفات واضحة وشغل متجانس في كل الأَبواب .. مناجرنا صراحة تتعكز على عكاز وانا تبهدلت قبل مع منجرة النور المعروفة ذاك الوقت وتأَخر معاي شغل الخشب حول سنة .. وبقى شوية شغل لا جاو يكملونه ولا سووا تصفية وخذوا باقي فلوسهم .. واحتديت أَسويه بعد حول 3 سنين.

حتى أَبواب المتحدة تجي مغلفة ببلاستيك سميك تتركب ولا يهتم الواحد لباقي شغل الصبغ وغيره.

[king999]

السï»»م عليكم
انا اشتغلت وياهم وشغلهم زين بس مشكلتهم التاخير وتعاملت مع مصطفى وللامانه محترم ولكن اعتقد عندهم نقص في العماله ومشكله في الفنش

[Northman]

يزاج الله خير.. كنت ناودي اكلمهم هلاسبوع يسعرون لي بيبان فللنا انا و اخواني..

انزين تنصحونا في من غير هلجماعه الي يوجعون الراس

[الدبلوماسي]

شكرا على التنبيه

[عاشق العديد]

انتو شلون توثقون فهالناس انا مادري ..

اشكتو عليهم ..

واختي ام وضاح روحي المركز .. هذول ماينفع معاهم نظام منتدى بعد ماطلعو نص الي فالمنتدى اصلن مقصوص عليهم وساكتين انتي الوحيده بارك الله فيج وفيهم .. الي تكلمتي وهم مادري خايفين او ايش ..

[أم وضاحي]

للأمانه أنا ماتكلمت إلا عقب ما عطيتهم اكثر من فرصه
و بالنسبة لأان مصطفى تعامله زين و محترم
أيش يفيدني احترامه و تعامله و هو مش ملتزم معاي
أول ما بدو في شركتهم الكل يمدح عليهم و عقب تقول تمللو
تعبو
ما ادري ايش فيهم
بس صج صج صار الأهمال و التاخير عنوانهم المميز
ولما ما يكون عندهم عمال
ليش ياخذون اوردرات أصلا
طمع ؟!!

[منجرة الليوان]

بسم الله الرحمن الرحيم

بإسم منجرة الليوان نود أن نشكر جميع المشاركين في هذا الموضوع سواء من يري إنة توجد لدينا مشكلة بالشركة حيث إنة قد يعطينا تنبية بوجود المشكلة لنعمل جاهدين علي حلها بإذن الله مثلما قال سيدنا عمر رضي الله عنة ( رحم الله إمري أهدي إلي عيوبي ) و كذلك نشكر كل من يرانا بوجهة نظر إيجابية و يحدث عنا بكلمة طيبة و إن شاء الله نكون عند حسن ظن الجميع و في النهاية العميل دائما علي حق.

لكننا هنا يجدر بنا توضيح بعض النقاط بخصوص المشروع المذكور مع العضوة الموقرة أم وضاحي

أولا : تم عمل العقد علي الأبواب مذكور فية بإن الأبواب سيمي صولد مرنتي مع حشوة تيك و هذا هو العقد المتواجد لدينا و موقع من العميل ... و بناء علي ذلك تم إرسال العقد للإنتاج للتصنيع بنفس المواصفات المذذكورة في التعاقد.

مرفق صورة التعاقد مع حذف إسم العميل .

88275

ثانيا : عند الإنتهاء من التصنيع و قبل الصبغ طلب العميل الأبواب باللون الأبيض ( الأوف وايت ) و هو ما يختلف عن التعاقد الأصلي لقيام الإنتاج بالتصنيع طبقا للتعاقد .... و لما كان هناك فرق تكلفة بين نوعية الصبغ فقد تمت إفادة العميل بذلك .. إلا إن وجهة نظر العميل إن الخطأ من طرفنا لإن المندوب كان علي علم بطلب الصبغ أبيض (الأوف وايت) من البداية.

هذا قد يكون الخطأ من مندوب الشركة و بغض النظر عن المخطيء ... نحن نوجة إعتذار لعميلنا الكريم العضوة أم وضاحي و نأسف عن أي خطأ غير مقصود و ندعوها لتقبل خالص إعتذارنا.

مع خالص الشكر و التحية.

[أم وضاحي]

مشكور أخوي حسين على التوضيح
و شاكره ردك ( و أتصالك ) لتوضيح بعض النقاط
لكن مسألة أن نوعية البيبان و الصبغ و أنها تختلف عن التعاقد الأصلي
الموضوع كان موضح من البداية من قبل لا أوقع العقد مع شركتكم
و المندوب كان عنده خبر بهذا الشيء من البداية
و قريت العقد
و انا متأكده أني ناقشته في موضوع نوعية الباب و إذا كانت بتصير مشكلة مع لون الصبغ بعدين
أكد لي المندوب محمد أنه مافي أي مشكله في هاي النقطه
و ترددت لكن هو رجع و أكد لي ان الصبغ مافيه أي مشكله مع نوع الأبواب و أنها راح تنصبغ باللون إللي انا أبيه
و على هالأساس أنا وقعت العقد معاكم
مع خالص الشكر

[معماري قطري]

هذا مثال من شركاتنا اللي تحاول تنجز وتحاول ترضي العميل والله يوفقهم إِن شاء الله

الحلقة الضعيفة هي الوعود الكلامية .. وحتى والعميل جايبين له عقد يختلف وتفاصيل تختلف .. هم يهمهم يغطون نفسهم من الناحية القانونية وبس ويتوقع العميل بيرضى بأَي شيء في النهاية .. وهذي مشكلة كبيرة لأَن العميل متذوق ومخطط لأَلوان معينة ويجب الالتزام بها .. ويفترض كحل سهل وسريع يكتبون حتى بخط اليد على نسختي العقد التغيير لو تم فهم أَحد البنود غلط وتمت طباعتها على غير اللي طالب العميل .. من يقدر يتذكر بعد شهور شصار من كلام سوى العميل لأَنه صاحب الشغلة .. والعميل على حق لأَن الخطأَ إِداري من عدم توثيقه بواسطة المندوب.

نجي للتأَخير واللي لازم في حالات معينة يتم التوافق عليه والمتابعة مع الاعتذار والنقاش الموضوعي ومحاولة التنفيذ في الوقت المحدد بكل الطرق الممكنة.

مشكلة عدم الرد على التلفونات هذي مشكلة كثير واجهتها مع العرب وهذا صراحة استهزاء بالعميل وعدم تقدير ولازم لأَي إِدارة ناجحة تشوف له حل من خلال العقود .. مثلاً يكتب بند بأَن في حالة المندوب ما رد على الهاتف ولا عاود الاتصال عليكم تقديم شكوى للمدير على رقم ... أَلحين وايد متأخر يا منجرة الليوان.

في الأَخير مثل ما قال الكل فيه طاقة انتاجية معروفة لكل شركة والمفروض يلتزمون بمواعيدهم وهذي سيئة أُخرى كبيرة.

[أم وضاحي]

لا فض فوك اخوي معماري قطر.
من اهم المشاكل اللي تواجهنا معاهم
لا يردون على اتصالاتك
و لا يرجعون يكلمونك
و لا يلتزمون بالمدة المحددة في العقد
و بعدييييييييييييييييين
يرجع يتأسف و يعتذر و يوعدك انه كل شي بيصير (زي ما انت عاوز حضرتك)

[al saad]

زين الواحد عرف كنت مغتر فيهم وفي صورهم خلني اشطبهم من جدولي و ادور غيرهم ولا عوار الراس......
مشكور على النصيحة الواحد مش ناقص

[معماري قطري]

لا فض فوك اخوي معماري قطر.
من اهم المشاكل اللي تواجهنا معاهم
لا يردون على اتصالاتك
و لا يرجعون يكلمونك
و لا يلتزمون بالمدة المحددة في العقد
و بعدييييييييييييييييين
يرجع يتأسف و يعتذر و يوعدك انه كل شي بيصير (زي ما انت عاوز حضرتك)

شغل عرب إِختي كله كلام ومعروف .. مره تعاملت مع منجرة وبعقد مفصل لآخر درجة والتأَخير طبيعتهم وكنت اتصل بالمالك والمدير والمندوب .. يعني الحمد لله ذاك الوقت عندي نشاط ومن ما يرد المندوب اكلم مديره واذا ما رد المدير رحت للمالك بعد المغرب المعرض وشرشحت بهم بطريقة مؤدبة بس يتفشلون جدام مديرهم ويحاولون يخلصون بسرعة .. تفاجأَت ببعض الخطوط في البراويز وهي مثل الحفر المقوس حسب الرسومات تجي مقطوعة فوق القاعدة وقرب نجمة الزاوية .. وهذي شغلة متعبة ياخذون مقاسات رايحين راجعين على الموقع وبدقة .. تفاجأَت بالخطوط جاية متصلة مع القاعدة ومع الزاوية ولا رضيت وحاججتهم بالعقد وبالرسوم ووافقوا بعد ما وصلنا لتوافق في الرأَي على إِن يتم تركيب الخطوط المتصلة لغرف فرعية ومن داخل وتم انهاء الشغل بالدرجة المطلوبة الحمد لله.

صراحة المتابعة متعبة مع شركات النجارة ويتم تجاهل كثير من البنود المتفق عليها .. وتبقى المشكلة الرئيسية في ارضاء العميل واللي استووا الكثيرين ما يهتمون لهالنقطة بسبب ان الشغل وايد والكثيرين يسعون لهم والقانون عندنا ضارب بريك بقوة .. وتبقى نقطة مهمة لصالح كثير من شركات النجارة الراقية وهي ان النجارة فن مرهق ومتعب للنجار ويفترض انهم تكون ادارتهم مجارية لهذا الفن بترك فترة طويلة للتنفيذ وبخطة صح ومضمونه وبعدم محاباة البعض بحيث يخلص شغله قبل غيره.

[Chambray]

انا كنت باسلمهم الفيلا كامله
لكن قلت اجرب شغل خزانه وحده
التركيب 8 من 10
لكن للامانه في تأخير ..

الاهم عند الزبون هو الوقت

يعطيه 4 شهور ويسلم الشغل في 3 شهور ، بس لايتأخر عليه

[captin]

خلاصة الكلام

أن اللي تعاملتي معاهم عرب من فئة
بص حضرتك وحعمل لك حاجة تجنن مفيش منها وبصي يا مدام

هذا هو سبب خراب ودمار البزنس واالاعمال عندنا
وسبب نجاح دبي في البزنس والمصداقية
ان هاذي الفئة مالها وجود كبير
وان وجدت بالكثير عامل

انا اتعامل مع يهودي او نصراني او بوذي او هندوسي
واحط فيه كل الثقة الا العرب النصابين الحرامية


شكرا على النصيحة وطرح التجربة في المنتدى

[أم وضاحي]

خلاصة الكلام

أن اللي تعاملتي معاهم عرب من فئة
بص حضرتك وحعمل لك حاجة تجنن مفيش منها وبصي يا مدام

هذا هو سبب خراب ودمار البزنس واالاعمال عندنا
وسبب نجاح دبي في البزنس والمصداقية
ان هاذي الفئة مالها وجود كبير
وان وجدت بالكثير عامل

انا اتعامل مع يهودي او نصراني او بوذي او هندوسي
واحط فيه كل الثقة الا العرب النصابين الحرامية


شكرا على النصيحة وطرح التجربة في المنتدى

لا انا اختلف معاك في هاي النقطه
أنا تعاملت مع عرب وايد ومن أغلب الجنسيات تقريبا
وأغلبهم لله الحمد كانوا محترمين و ملتزمين معاي لأابعد حد
ويسلموني الشغل في وقته و إذا تأخروا أو بيتأخرون يتصلون قبلها و يوضحون الأسباب و يحددون مده معينه للتسليم
و فعلا يسلموني أياه في الوقت المحدد و يساعدوني في السعر وايد
انا ما أتكلم عن الكل هنيه
أحنا نتكلم عن الليوان فقط
ما يجوز نظلم الكل على غلطة واحد

[أم وضاحي]

القانون عندنا ضارب بريك بقوة .. .

عزيزي معماري قطر
مع أحترامي الشديد لك
القانون عندنا تغير وايد في الفترة الأخيره
حماية المستهلك الحين ما عندهم يمه أرحميني
بالفعل جربناهم أكثر من مره
أتصال واحد منك لهم تلقى حقك واصل لين عندك
و عن تجربه
ومش انا بس
وايد ناس نعرفهم واجهتم مشاكل مع شركات أو محلات أشتكوا عليهم في حماية المستهلك
و حماية المستهلك ما قصرو
ممكن يكون فيه ثغرات قانونيه هم ما قدرو عليها
لكن للأمانه ما يقصرون

[Chambray]

عزيزي معماري قطر
مع أحترامي الشديد لك
القانون عندنا تغير وايد في الفترة الأخيره
حماية المستهلك الحين ما عندهم يمه أرحميني
بالفعل جربناهم أكثر من مره
أتصال واحد منك لهم تلقى حقك واصل لين عندك
و عن تجربه
ومش انا بس
وايد ناس نعرفهم واجهتم مشاكل مع شركات أو محلات أشتكوا عليهم في حماية المستهلك
و حماية المستهلك ما قصرو
ممكن يكون فيه ثغرات قانونيه هم ما قدرو عليها
لكن للأمانه ما يقصرون

بيض الله وجههم كلهم وعلى راسهم الشيخ جاسم بن جبر آل ثاني .. والله انه مايقصر مع حد ويوقف مع المظلوم

[معماري قطري]

بس لين متى اختي هالطريقة .. آتصل ويجيني حقي وبس

أَوقات المشكلة واضحة والعقد واضح وقوانين البلاد واضحة والمفروض تكون ملزمة .. عندنا لازم تنذكر في العقد حسب المواصفات العامة القطرية وان ما انذكرت يكون الواحد تحت رحمة المقاول وهواه .. فيه قوانين بناء ومواصفات مواد المفروض من يخالف مقاول أَو منتج مخالفة صريحة يتحاسب .. تدرين عينات الطابوق ياخذونها ويسوون عليها اختبارات وكثيرة تفشل ويحطون الورشة بلاك لست .. بس حق مشاريع الحكومة ولا يشهرون به ويطبطبون عليه يقولون له مره ثانية سو طابوق زين ومطابق للمواصفات.

زين ما فكرت البلدية أَو التخطيط أَو أَي جهة تابعة لها هذي الورش في الطابوق السيء اللي ينباع في قطر؟ وهذا حتى يستخدم في مشاريع الحكومة بطريقة غير مباشرة بحيث معمل مرخص يشتريه من معمل مدرج في القائمة السوداء .. انا ذكرت الطابوق وقيسي عليه مواد ثانية كثيرة حتى الكهربية التقليد واللي سببت حرائق كثيرة وعبء على البيئة كبير.

ذكرتي انتي نقطة واضحة وهي التأَخير لكن لو ندخل في العقود وطريقتها ومخالفات المقاولين فيها محد يقدر عليهم ولا قانون واضح يردعهم وهذا قصدي بقانونا ضارب بريك .. الخبراء القانونيين أَغلبهم مساكين ما يعرفون يقرون عقد الا بالمصري أَو السوداني واللي ما انكتب في العقد يعتبرونه من حق المقاول يسويه على كيفه .. نسوا ان فيه أُصول صنعة لازم تتبع وفيه قوانين لكل شغلة حتى لو مب مذكورة.

بتشتكين على مقاول في محكمة مثلاً .. شكثر بتاخذ القضية وقت وشكثر مراجعات والموضوع تافه .. ضاعت الحقوق غصب بسبب طول وصعوبة الاجراءات .. ما ابي اطول ولا ملاحظاتي وايد من هذي الناحية .. والله يقدم اللي فيه الخير.

[معماري قطري]

بيض الله وجههم كلهم وعلى راسهم الشيخ جاسم بن جبر آل ثاني .. والله انه مايقصر مع حد ويوقف مع المظلوم

حماية المستهلك المفروض في الامور الاستهلاكية الواضحة .. أَما مواضيع تعاقد وشغل بناء المفروض فيه لهم حماية خاصة من جهة هندسية مختصة .. وتكون مختصة صح ومسيطرة حتى على تدقيق العقود قبل التوثيق ولو حبوا بمقابل لأَنها تكون خدمة وحماية للكل .. والعقود المفروض ما تكون معتمدة الا موثقة ومدققة قبل ومعدل عليها .. لو لاحظت كل بزنس وكل مقاول يحط البنود اللي في صالحه واللي في صالح العميل قابلة للتأَويل ومبهمة.

القانون في البناء وفي مواده وتشطيباته لازم يكون متكامل ومترابط ومتواصل .. ما نحط قوانين بناء قطرية ونقول غير ملزمة الا يذكر هذا في العقد والمقاول يبني في قطر .. يبني في قطر خلاص يطبق قوانين البناء القطرية .. وهذي القوانين لازم تكون واضحة وصريحة وما تكون كلها اشارات لقوانين عالمية.

أُمور كثيرة لازم تطور وآليات عمل توضح للكل حتى نقدر نطور عملية البناء وكل ما يتعلق به.

[أم وضاحي]

عزيزي معماري قطر
أنا معاك في كل كلمة قلتها بخصوص المواصفات و العقود
و فعلا أغلب العقود إللي نوقعها مع الشركات أو المحلات أهتمامهم بالدرجة الأولى هي حمايتهم من الناحية القانونيه فقط
وبعدها يرقعون أي شي للزبون على انه بيرضى بأي حاجه بعدين في سبيل أنه يستلم و يفتك من التأخير و غيره
المطلوب منا احنا كمستهلكين الوعي الكامل ببنود العقود قبل التوقيع
و الألمام الشامل بالمواصفات المطلوبه و الصحيحه لأي شي انا بصدد طلبة من الشركات أو المؤسسات و المحلات التجارية بكافة أنواعها
و الله الشاهد أني لما جيت أبني بيتي
لو ما الله و المنتدى و الشباب الواعي إللي فيه ما كان عرفت السالفه و شهي في البنيان و الشروط و الأفضليات من كل النواحي
الواحد المفروض أقل حاجة يسوي بحث لأي شي يرغب في شراءة أو التعاقد عليه
و معرفة كل التفاصيل المهمة فيه
و بعدها يشوف افضل الشركات أو المؤسسات أو المحلات إللي ممكن توفر له أياها حسب المواصفات المطلوبه
و لازم أنه يراجع العقد مره و مرتين و ثلاث قبل التوقيع
ياخذ العقد معاه البيت و يراجعه على راحته بعيد عن الضغوط
و يحط شروطه هو قبل الشركه أو المحل
مثل الشرط الجزائي في حالة التأخير أو الأخلال بالمواصفات المطلوبه
هاي الشرطين تلقاهم محذوفين من عقودهم لضمان حقهم فقط من دون حق الزبون
يا ريت أن القائمين على المنتدى انهم يسمحون بتثبيت المواضيع الخاصة بالعقود و والشروط لسهولة البحث للأعضاء اللي مقبلين على البنيان أو عندهم مشاكل مع المقاولين أو المحلات الأخرى

[معماري قطري]

بعد اختي الفاضلة مهم جداً تكون فيه حماية للمستهلك وقوية سواءً قانونية بمواصفات وقوانين معروفة ومطبقة بشدة .. ومن يخالف ينال جزاء يتناسب مع مخالفته .. فمن يتسبب في حريق بيت بسبب قطعة كهربية رخيصة يأَتينا بها تاجر بسعر رخيص جداً ويبيعها بأَضعاف السعر وتبقى رخيصة ولا تضاهي القطعة الأَصيلة فسعرها النصف مثلاً وقد تخدم فترة لا تصل لربع فترة خدمة الأَصلية .. لكن التاجر وهذا ملاحظ يسعى لبيع بضاعته بكل الطرق ويمدحها ويزور في الفواتير حتى تباع ويكون الضحية المستهلك .. ولو انكشف هذا التاجر وغيره كثير لا ينفذ ضدهم سوى البسيط من العقوبات.

كثيراً تفشل عينات خرسانة وطابوق وتتم تغطية الموضوع .. وكثيراً يقبل الاستشاري بوضع غير آمن والسبب توقيع المالك على التغيير لهذه المادة ولا نعلم ظروف توقيع المالك ومن أَقنعه .. لكنها وثيقة تستخدم في المحاكم ويبتلي بها المالك والمفروض مسؤول عنها المكتب الاستشاري .. وما حصل من حريق برج بالكامل خير دليل على كلامي وأَوقعوا المسؤولية غصب طيب على المالك أَو على التأَمين لست متأَكد لكن الاستشاري طلع بريء وهو المفروض يرفض أي تجاوز فيه خطورة ويقدم رفضه مكتوب للمقاول وللمالك واذا ما وافقوا يرفع الأَمر للتخطيط .. انا كمالك شعرفني بنوعيات العازل وشعرفني ان هذا يحترق أَو لا.

لو تكلمت عن قانونا في البناء وفي حماية المالك والاستشاري والمقاول وتحديد الصلاحيات بينهم والمسؤوليات فهذي جزء كبير من صلب القانون، ونتجه للجزء الثاني في حماية المستهلك بمواد تدخل البلاد بجزء مقبول كمواصفة تؤدي غرض بدون التعريض لمشاكل وخسائر مال وروح، ونتجه للتلاعب بهذي المواصفات وطريقة البناء والأُصول المتبعة ولو فيها شيء واضح انه خطأ بسبب نتكلم عن سوء التنفيذ اللي له اصول مب شرط تكون موضحة في الرسومات ولا المواصفات لكن واجب المقاول يتبعها .. هذي الأُمور البسيطة والتافهة لدى الكثير من الدول يتم تقويمها بالقانون وبسرعة خيالية بالنسبة لنا .. وتتم محاسبة المتسبب محاسبة أَكبر حتى لا يدخل هذه العملية الا صاحب ذمة وضمير متابع لنفسه قبل أَن يتابعه القانون.

من أَيام تم كشف خطأَ بسيط على حسابنا احنا في عدة بيوت في مدينة في فلوريدا .. وتم اجبار المقاول واللي يسمى مطور عقاري لمجموعة بيوت وبيعها .. تم اجباره على التصليح حتى بعد هذه السنين .. عندنا 400 يوم وبس ولازم تنذكر في العقد وتتحدد تحديد كامل .. وطلع تقرير عن المقاول وأَي حد يكون واجه نفس الخلل بس يطالبه بالتصليح ولو يوصل المبلغ للملايين .. لذلك أَي حد داخل عملية البناء محترم نفسه ومحترم القوانين حتى يقدر يعيش.

[المارونـــي]

حطي اسمها وعنوانها حتى مايطيحون فيها الاخوان الافاضل والمفروض يتم التشهير فيها لتكون عبره

[أم وضاحي]

الحين كملت شهرين من سكنت بيتي
أمحق بيبان سويتها عندهم
تفتح باب الغرفة
اتراقع لك بيبان البيت كلها
الاطارات فاشلة
و مقاسات البيبان أصغر من الاطارات
و الصبغ تعبان تعبان من قلب
و خربو لي الحوايط و الصبغ مرشوش عليها
شغل من قلب تعبان
حسبي الله عليكم
أمحق منجرة الواحد يتعامل معاها

[ضوى]

اشتكي عليهم ام وضاحي

حسبي الله عليهم بهالشهر الفضيل

[Hamad_qa]

للأمانة جميع من تعاملت معهم من المصريين كان فيه نصب و خداع و كلام غير عن الفعل
للأسف ما كان ودي اذكر الشي هذا لكنه واقع و من تجارب عديدة

محل فيه مصري .. خذ يو تيرن واطلع

[معماري قطري]

للأمانة جميع من تعاملت معهم من المصريين كان فيه نصب و خداع و كلام غير عن الفعل
للأسف ما كان ودي اذكر الشي هذا لكنه واقع و من تجارب عديدة

محل فيه مصري .. خذ يو تيرن واطلع

الحين عندي شغلة مع مكتب استشاري محترم .. ولا كان فيه مصري بس تم الغزو مؤخراً من المصريين لكل مكان .. وكلمت مدير المكتب الهندي القديم صاحب خبرة ال 35 سنة في قطر وقال بارسل لك معماري مصري .. قلت أَرجوك ستوب اضرب بريك سو أَي شيء ثاني سبني وسكر التلفون بس لتقول لي مصري .. قال لي زين باشوف غيره .. وجوني المكتب واحد هندي ما شفته من حول 10 سنين ومعاه مصري قمة الإِحترام وملتحي على خفيف ولابس كرفتة .. ينحب من أَول نظرة وإِحنا المعماريين نتفاهم بسهولة .. شرحت لهم الشغل وعطيتهم موجز مكتوب ومشروح وسكتشات بسيطة .. فاهمين يالربع قالوا فاهمين .. وراحوا وهذا الكلام من الأَربعاء الفائت واليوم كلمته حسيت إِنه فاهم 50% و50 % مغير على كيفه والله يعيني عليه وعلى كثر ما اكره مواعيد الخميس قال لي حقهز لك المطلوب يوم الخميس وإِن الخميس لناظره قريب.

[العربية نت]

زين وليش ما تتفضل الدولة مشكورة بوقف استقدام العمالة المصرية بكافة اشكالها بخلاف الاطباء وغيرهم بلوك محترم اشوف بان الدولة ليست بحاجة لهم الا في الطب فقط :)
وتقريباً مشاكلهم في كل شئ وليس في البناء والمقاولات اي شئ فيه مصري فيه مشكله هذه قضية وطنية يجب النظر لها من الجهات المسوؤلة :rolleyes2:

[ameeer3]

مشكورين على النصيحة

قائمة البلاك لست (بالنسبة لي)

[Hamad_qa]

كان الله في عونك يا معماري

[معماري قطري]

كان الله في عونك يا معماري

الله يعينك إِخوي .. والله صج صعب التعامل مع الجنسيات العربية مع إِنهم يتكلمون نفس اللغة .. اليوم طلعت بنتيجة بسيطة وللحين ما يستوعبون بسهولة أَو يسون شيء في راسهم هم وبعيد عن المطلوب وبعيد عن الواقع

[مضارب دوسري]

كنت على وشك التوقيع معاهم في ديكورات للبيت وكنت ناوي اسلمهم شغل كثير
بسبب الصور اللي كانوا يحطونها
بس الحمدلله رب العالمين ماكتب لي اني اتعاقد معاهم
ف لله الحمد والمنه

في امور بيتي كلها ولله الحمد ماصادفت نفس هالنوعيات من الشركات
مع العلم
بنيان البيت الى مرحلة العظم بلاستر فقط هنود ونجارين مسلح عرب

اما مرحلة نشطيب البيت من الى
كان الشغل كله عرب
والحمدلله مالقيت منهم اي تاخير او اي شي سلبي

ف لله الحمد
واحد من الاخوه المصريين اول مره واجهته قلت له بصراحه من وجهك حاس انك بتنصب علي
ولكن ان شاء الله ماتسويها
لحد الحين يشرف على تشطيبات البيت من سنه و3 شهور
وكل مرحله يخلصها يقول
شفت اني نصبت عليك ؟ اقوله لا ولكن متوقع فالمراحل الجايه هههههههه
اخرها اليوم

[أم وضاحي]

كنت على وشك التوقيع معاهم في ديكورات للبيت وكنت ناوي اسلمهم شغل كثير
بسبب الصور اللي كانوا يحطونها
بس الحمدلله رب العالمين ماكتب لي اني اتعاقد معاهم
ف لله الحمد والمنه

في امور بيتي كلها ولله الحمد ماصادفت نفس هالنوعيات من الشركات
مع العلم
بنيان البيت الى مرحلة العظم بلاستر فقط هنود ونجارين مسلح عرب

اما مرحلة نشطيب البيت من الى
كان الشغل كله عرب
والحمدلله مالقيت منهم اي تاخير او اي شي سلبي

ف لله الحمد
واحد من الاخوه المصريين اول مره واجهته قلت له بصراحه من وجهك حاس انك بتنصب علي
ولكن ان شاء الله ماتسويها
لحد الحين يشرف على تشطيبات البيت من سنه و3 شهور
وكل مرحله يخلصها يقول
شفت اني نصبت عليك ؟ اقوله لا ولكن متوقع فالمراحل الجايه هههههههه
اخرها اليوم

أنا ما أحب أعمم
لكن فعلا في جنسيات النصب عندهم هواية
و التسفيه عندهم مهارة
و عدم الالتزام نوع من انواع الفنون
انا مش عارفة هذيلا كيف ينطرون ان الله يبارك لهم في رزقهم
همهم الفلوس و بس
مش مهم الزبون و لا نتيجة الشغل
و للأمانه في مصريين ملتزمين
و اللي يرضيك يسوونه لك
و يساعدونك و أمناء مع الزباين و لا يرضون بالحرام
لكن انك تلتقي بفئة مش قليلة من النصابين و غير الملتزمين يحسسك أنهم كلهم نفس الطينه

[Chambray]

أنا ما أحب أعمم
لكن فعلا في جنسيات النصب عندهم هواية
و التسفيه عندهم مهارة
و عدم الالتزام نوع من انواع الفنون
انا مش عارفة هذيلا كيف ينطرون ان الله يبارك لهم في رزقهم
همهم الفلوس و بس
مش مهم الزبون و لا نتيجة الشغل
و للأمانه في مصريين ملتزمين
و اللي يرضيك يسوونه لك
و يساعدونك و أمناء مع الزباين و لا يرضون بالحرام
لكن انك تلتقي بفئة مش قليلة من النصابين و غير الملتزمين يحسسك أنهم كلهم نفس الطينه

وصلتني رساله من صاحب حساب منجره الليوان ، وهو متابع لهذا الموضوع ، بس ما حب يدخل في المناقشه ..
قالي ان المصنع تعرض لحريق كبير .. وخسارة كبيره


انزين ، السؤال ، ايش دخل الحريق الكبير والخسارة في جوده العمل ! انا عندي عقود مع زبائن المفروض التزم فيها مش اقلل من جودتها في سبيل اني اعوض الخسارة !!

اعتقد تبرير الحريق ماله اي علاقه في جوده العمل !!!


طلبت منه بكل صراحة المشاركة في هذا الموضوع .

ومجرد طرح آراء بين العميل والتاجر لايعني اننا بنوقف في صف التاجر ونمنع العميل من الادلاء برأيه بكل صدق وامانه ..

احنا هنا في المنتدى حياديين مع الجميع .. نسمع آراء الناس في كل شئ .. وهالمنتدى وهالساحه بالذات ما استوت إلا لصالح الجميع ..

الكل يكتب رأيه بكل حياديه وصدق ..

هذا ما لزم توضيحه

[أم وضاحي]

وصلتني رساله من صاحب حساب منجره الليوان ، وهو متابع لهذا الموضوع ، بس ما حب يدخل في المناقشه ..
قالي ان المصنع تعرض لحريق كبير .. وخسارة كبيره


انزين ، السؤال ، ايش دخل الحريق الكبير والخسارة في جوده العمل ! انا عندي عقود مع زبائن المفروض التزم فيها مش اقلل من جودتها في سبيل اني اعوض الخسارة !!

اعتقد تبرير الحريق ماله اي علاقه في جوده العمل !!!


طلبت منه بكل صراحة المشاركة في هذا الموضوع .

ومجرد طرح آراء بين العميل والتاجر لايعني اننا بنوقف في صف التاجر ونمنع العميل من الادلاء برأيه بكل صدق وامانه ..

احنا هنا في المنتدى حياديين مع الجميع .. نسمع آراء الناس في كل شئ .. وهالمنتدى وهالساحه بالذات ما استوت إلا لصالح الجميع ..

الكل يكتب رأيه بكل حياديه وصدق ..

هذا ما لزم توضيحه

خير ؟؟!!!
حريق ؟!!!
متى صار الحريق؟!!!
يكذب على من الاخ
الاوردر عنده من شهوووور
و التسليم تأخر شهور
و النتيجة زبالة
أيش دخل الحريق في الموضوع ؟!!
يروح يدور له ناس على قد عقله يكذب عليهم و يتعلل بهاي العلل
و لو فرضنا فيه حريق ؟!!
متى صار ؟!!
قبل ما يسلم لي الابواب و لا بعد ما سلمهم لي
و لا لايكون المنجرة تحترق و هم يسوون البيبان عشان كذا المقاسات و الصبغ و التركيب كله طلع تعبان ؟!!!!
يا بابا
دور لك أعذار ثانيه
أعطيكم وحده من أعذاره الكاذبه
لما كتبت ردود للأعضاء أنهم ما يروحون لمنجرة الليوان
أرسل لي رساله أنه أيش مشكلتي مع المنجره
قلت له كلمني لأان الموضوع طويل وعطيته رقم جوالي
و ما أتصل
وبعدها بشهرررررر
ولما طالت سالفتي معاهم و نشرت الموضوع
اتصل على طووووول
وقال لي بالحرف :
انا لسه ماسك المنجرة من (أسبوع) و ما أعرف أيش المشكله اللي بينك وبين اللي كان موجود قبلي و انا باساعدج و باسلمك الأبواب بسرعه و ..و.....و
نعم ؟!! ماسك المنجرة من أسبوع ؟!!
طيب من وين جبت رقمي ؟!!
و كيف عرفته؟!! من الرساله اللي بعثتها على الخاص؟!!
وكيف دخلت على حساب الليوان في المنتدى ؟!!
وكيف عرفت الباس وورد مال حساب منجرة الليوان ؟!!
لا أحد يقول لي اللي قبله عطاه اياه
ما تدخل مخي بنكله زي ما يقولون
لا يكثر كلام احسن له. لو كان خائف على سمعته. كان سلمني الأبواب تشطيب عدل
مش شغل اي كلام بس عشان يسكتني.

[start555]

مشكورين على النصيحة

قائمة البلاك لست (بالنسبة لي)

وانا معاك كنت ناوي اتعاقد معاهم

بس لما شفت الموضوع غيرت فكرتي

[][ Q6r ][]

الله يعينا من النصابين
المقاول او التاجر ،، وقصدي الجنسيات العربيه والاخرى نصب في نصب والقانون عندنا لا يحمي المواطن هذا اللي يقهر يعني اشتك وانطر خمس سنوات لين يجيك حقك هذا اذا خذته ويمكن يسافر
المفروض يتحاسب من اول بلاغ عليه توقيف الشركه او سجنه لين يدفع حق الشخص ،، البلاد صارت فوضى من هاي الاشكال :anger1:

[رآعي موآجيب]

هذا ما نبحث عنه
الشركات السيئه والمماطله يشهر بها
عندي 4 فلل ، وكانت هالمنجره من اول خياراتي
( تم استبعادها )

[معماري قطري]

الشكر الكبير للأُخت صاحبة الموضوع أُم وضاحي

طبعاً بعد حمد الله على نعمه ومنها حرية الرأَي المتوفرة لنا للنقاش الموضوعي ولتطوير البلد .. انا دوم عندي مبدأَ إِن العميل في غالب الأُمور على حق لكن المورد والمقاول وصاحب الخدمة دوم يحمي نفسه ويوجد أَعذار وضحاياه كثيرين

والشكر موصول لكل من يجتهد في كشف هذه الحقائق والتجاوزات ومتابعة الموضوع والرد بموضوعية وبحق .. مدير الشركة قام يتعذر بأَعذار واهية ومن تحت لتحت .. والمفروض يدلو بدلوه هنا وبحقائق لكن عميلة مقهورة قعدت له بالمرصاد وفضل الهرب والتحرك بالواسطة

[أم وضاحي]

عزيزي معماري قطر
الشكر موصول لك و Chambray ولكل المشرفين اللي يسمحون لنا انا نطالب بحقنا و نشهر بهالشركات الفاشلة و يساعدونا في كشف الحقائق و فهم حقوقنا و حدودنا معاهم و مع غيرهم
لكن (حامض على بوزه)
أسكت و اوقف الموضوع
انا دافعة مبلغ و قدرة عشان أحصل قيمة جيدة للي دفعته
ويا ريتك جيت تعدل شغلك
أكتفيت بردود واهية و كاذبة عشان تغطي على فشلك
وهاي الشي ما يبرد خاطري
في كل مره أفتح فيها باب أو يكون فيه هوا و رياح برررره
و بيبان البيت كلها اتراقع طول الوقت
أقول حسبي الله عليك دنيا و أخره و يا علك ما تتوفق و لا تتهنى في كل ريال خذته على هالشغل التعبان

[Chambray]

عزيزي معماري قطر
الشكر موصول لك و Chambray ولكل المشرفين اللي يسمحون لنا انا نطالب بحقنا و نشهر بهالشركات الفاشلة و يساعدونا في كشف الحقائق و فهم حقوقنا و حدودنا معاهم و مع غيرهم
لكن (حامض على بوزه)
أسكت و اوقف الموضوع
انا دافعة مبلغ و قدرة عشان أحصل قيمة جيدة للي دفعته
ويا ريتك جيت تعدل شغلك
أكتفيت بردود واهية و كاذبة عشان تغطي على فشلك
وهاي الشي ما يبرد خاطري
في كل مره أفتح فيها باب أو يكون فيه هوا و رياح برررره
و بيبان البيت كلها اتراقع طول الوقت
أقول حسبي الله عليك دنيا و أخره و يا علك ما تتوفق و لا تتهنى في كل ريال خذته على هالشغل التعبان

اختي الشكر على واجب
لكن ياريت تدرجين لنا بعض الصور من اعمالهم علشان نعرف مدى شغلهم

[اللوز]

كنا افكر اتعاقد معاهم لتركيب ابواب وخزائن للبرج المراد تشيده لعدد 145 شقة
قتم الغاء التعامل معاهم

[أم وضاحي]

http://www3.0zz0.com/2014/07/13/18/616150297.jpg (http://www.0zz0.com)

هاي اول عينة
التركيب...
في شركة محترمة تركب أطار الباب بهاي الطريقه ؟!!

http://www3.0zz0.com/2014/07/13/18/822145689.jpg (http://www.0zz0.com)

العينة الثانية
الرش وصخ الطوفة اللي وراها و طلع بهاي الشكل ...

http://www5.0zz0.com/2014/07/13/18/378509211.jpg (http://www.0zz0.com)

طبعا مسكات الباب اغلبها أنصبغت مع البيبان

http://www5.0zz0.com/2014/07/13/18/698792319.jpg (http://www.0zz0.com)

البيبان المفروض صبغ حراري و تتحمل الحراره
هاي التشلخ في الباب اللي تركب ما صار له 4 شهور

http://www5.0zz0.com/2014/07/13/18/178638049.jpg (http://www.0zz0.com)

الأضاء توضح لكم ان تركيب الباب مايل
واضحه و لا لا ؟!!!

http://www3.0zz0.com/2014/07/13/18/503942429.jpg (http://www.0zz0.com)

طريقة الرش واضحه و فاشله
شغل سريع و أي كلام

و لو أقدر اسمعكم تقرقع البيبان بعد كان سمعتكم أياه
انا لو باطلع من غرفتي
البيت كله درا أني طلعت
بس من تقرقع البيبان

[ضوى]

الله يعينج يا ام وضاحي

الحمد لله ماتعاقدت معاه عالبيبان لا وجايب لي عينات بعد ، شغله شغل بنغال

[طبيب قطري]

الله يعينج..

[Chambray]

والله لج الحق في كل كلمه قلتيها ، والمفروض حمايه المستهلك تتدخل في هذي الحاله .. لانه عباره عن غش تجاري ..

[مضارب دوسري]

حسبي الله ونعم الوكيل
هذا غش ونصب واحتيال بعد

[ولد العرب]

اوووووووووووووف وش هالصور مررروعه جد خرب البيت اجل تصبغ الباب على السراميك البيت شدعوه وين جالس انت

حمد الله اني توفقت مع منجره محترررررررررررررررررررمه يالله دنيا واخره توفقهم

[Hamad_qa]

هذي مب حماية المستهلك تدخل فيها .. المفروض جلسة طارئة لمجلس الأمن

معوضة خير أختي الكريمة
المنجرة اذا محترمة المفروض يعيدون الشغل كامل بذمة و ضمير و حسب الأصول

[معماري قطري]

غش من قلب جني اشوف فلم رعب

واللي قاهرني مكلم شامبري بعد يتوسط حق شركته .. ذكرتني الصور بمشاريع أَشغال .. اللي يمر على جسر الشمال ما ادري الجيدة وهو رايح من الدوحة للريان يشوف تشطيب الحواجز الجانبية الخرسانية شلون متموج .. هذا شيء عمري ما شفته ولا في أَي دوله.

[مواقف النجادة]

اختي .. الله يعوضج بالخير ان شاء الله .. ماتنلامين لام الله من يلومج ..

انصحج تكلمين حماية المستهلك .. و اذا حد من جماعتج او معارفج يفهم في القانون .. اسالي عن امكانية رفع قضية تعويض عليهم ..

[أم وضاحي]

أخر أكتشافاتي

http://www14.0zz0.com/2014/07/29/18/817671305.jpg (http://www.0zz0.com)

http://www14.0zz0.com/2014/07/29/18/647542946.jpg (http://www.0zz0.com)

باموت من القهر

هاي الباب ما راح يكمل سنه إلا طايح لي ألواح

حسبي الله عليكم من منجره

الله لا يوفقكم دنيا و لا آخره

[اللوز]

أخر أكتشافاتي

http://www14.0zz0.com/2014/07/29/18/817671305.jpg (http://www.0zz0.com)

http://www14.0zz0.com/2014/07/29/18/647542946.jpg (http://www.0zz0.com)

باموت من القهر

هاي الباب ما راح يكمل سنه إلا طايح لي ألواح

حسبي الله عليكم من منجره

الله لا يوفقكم دنيا و لا آخره

في البداية كل عام وانتي بخير
وانتي بايام عيد
ولا تنقهرين
كفاية قهر
نصيحة جيبي لج واحد من منجرة مختصة يصلح لج اﻻبواب
والله المستعان

[أم وضاحي]

في البداية كل عام وانتي بخير
وانتي بايام عيد
ولا تنقهرين
كفاية قهر
نصيحة جيبي لج واحد من منجرة مختصة يصلح لج اï»»بواب
والله المستعان

و أنت بصحة وسلامة
انا اللي قاهرني فلوسي اللي دفعتها في هالشغل إللي ما يسوى
و شكرا

[اللوز]

و أنت بصحة وسلامة
انا اللي قاهرني فلوسي اللي دفعتها في هالشغل إللي ما يسوى
و شكرا

شوفي اختي
اذا ما عاجبج شغلهم
الله يعينج
ما في الا تعملين ابواب جديدة عند منجرة محترمة واتحطين شروط عليهم قبل تنفيذ العمل
او شوف منجرة تفك لج اï»»بواب وتعمل اعادة تصنيع وصبغ لهذه اï»»بواب

[برنس قطر]

الحمدالله اني ماتعاقد معاهم
ممكن احد يفيدني بمنجرة محترمه في شغلها و مواعيدها....؟
الفيلتين اجمالي لابواب 26باب و15 كبت ملابس

[اللوز]

الحمدالله اني ماتعاقد معاهم
ممكن احد يفيدني بمنجرة محترمه في شغلها و مواعيدها....؟
الفيلتين اجمالي لابواب 26باب و15 كبت ملابس

منجرة المفتاح

[بومحمد المطاوعه]

مصخره ولا حسيب ولا رقيب

العقود توقع ع الفاضي