الاجرائات المطلوبه للترميم

[مستثمر_]

السلام عليكم
عندي بيت ابي اسوي له ترميم كامل
ماهي الاجرائات المطلوبه من اوراق رسميه او مع المقاولين

اتمنى المساعده العاجله

[شموخ دائم]

,

,


مرحبا


اخوي الكريم

اول شي تطلع رخصه ( صيانه ) للبيت من البلديه الي تابع لها بيتك
تحتاج بطاقتك الشخصيه وصوره من ملكيه البيت
واذا عندك صوره من الخرائط يكون افضل
واذا ما عندك بيطلع معاك موظف يعاين البيت
ويعطيك الرخصه
ومن ثم تروح لمقاول يعطيك ( عرض سعر )

بالتوفيق لك

,

,


اخوك

شموخ دائم

[معماري قطري]

نصيحتي بأَن تحاول الا تغفل شيء وتحاول تطور من المبنى

أَحياناً تضطر تسوي فحوصات وتضطر تسوي نظام متكامل وممكن تستفيد من القديم حسب صلاحيته .. للكهربة ولتغذية المياه وللصرف الصحي .. وممكن يكون من الأَجدى في حالات كثيرة عمل تغيير جذري حتى لفتح بعض الحوائط وحتى لبعض التقوية للهيكل الانشائي .. وللتقوية طرق كثيرة سهلة وعملية يعرفها الاستشاري المتمرس.

الترميم يعتبر تطوير للمبنى حسب الحاجة منه وليخدم لفترة طويلة بدون صيانة عظمى قد تصل ل 30 سنة أَو 50 .. نصيحة التركيز على الداخل والعمل ناحية الخارج .. وترتيب الأَولويات وخطوات العمل .. ويستحسن عمل كشف حساب كميات لتحديد العمل وكمياته والتسعير التقريبي له حتى يتم الاتفاق مع مقاول واحد وهو الأَفضل .. أَو عدة مقاولين يتم تنسيق عملهم ودفعاتهم عن طريق استشاري جيد أَو حتى فورمان فاهم.

تمنياتي لك بالتوفيق ولا تستهين بالشغل خصوصاً لو البيت قديم ونسيت شغلة معينة وطلعت في المستقبل مشكلة بسببها.