قانون التقاعد (بيض الصعو)

[دانة الطواش]

السلام عليكم /إخواني وأخواتي الموضوع متكرر طبعا أكثر من مره بس لانه موضوع مهم إحنا في آخر شهر 4 أبريل ومابقى إلا كم يوم وينتهي الشهر وكنا موعودين بان هذا القانون ينزل في هالشهر بس ماشفنا شئ!!!!!!!
حد عنده عذر لهم على تأخير صدور هذا القانون لانه صر مثل ( بيض الصعو) نسمع عنه من سنين ولا شفناه ؟؟؟
أرجو ممن لديه علم يخبرنا ويطمنا وجزاكم الله الف خير.

[الواعد]

نفس قانون الموارد البشرية والتعديلات عليه اللي سمعنا انها في هالشهر وشكله بيروح مثل كل مرة

[همر]

نفس مزاد الارقام المميزه

ونفس المعرض المهني

ونفس ونفس ...

ماتعلمتوا ؟!! خذوا وخلوا ...

[موظف ((حكومي]

هههههههههههه


الله يعينكم

[R 7 A L]

ممكن احد يخبرنا وش بيتغير في قانون التقاعد
وكيف راح يكون

[moonبنتnight]

عجبتني كلمة بيض الصعو ..
والله صاجه .. ناس تعبت تبي قانون تضمن حقوقها الوظيفية وحقوقها في تقاعد ..
الموظف ما يقدر يأخذ منهم شي ينطرون المتقاعد يموت ويعطون الاشتراكاته حق الورثة ..

[قطريه22]

قانون التقاعد ماراح ينزل الا لين مالاخوان ينزلون قانون الموارد البشريه لان الاثنين مرتبطين بموافقتهم..

[الفا برافو]

قانون التقاعد مرتبط بقانون الموارد البشريه والعكس صحيح.... يعني مثل سالفة البيضه والدجاجه ... من منهم قبل !!!

[alsoq]

مو محصلين اللي ماخرينه غير الدعاوي اخر الليل

[مليونيرة مفلسة]

بيجيلهم يوم بيحسون

[محمد2]

انا واحد اتمنى يمشون الدرجة الاستثنائية للمتقاعدين لأن هالدرجة من حق كل موظف يشتغل. وانا اشوف اخوانا المتقاعدين يستحقون هالدرجة لانهم ما قصروا اثناء تأدية خدماتهم

[khalid525]

يقولج يا طويلة العمر فيه تحدي بين هالقانون وبين افتتاح المطار كل واحد حالف ما يطلع قبل الثاني ، التقاعد يقول انت اول والمطار يرد انت اول ، عسى الله يصلحهم جميعا

[غير البشر]

في 1 / 4 / ؟؟20

[رجل الجزيرة]

ممكن احد يخبرنا وش بيتغير في قانون التقاعد
وكيف راح يكون

تمديد عمر الموظف للرجل 65 سنة والمرأة 60 سنة

وإضافة علاوة السكن.


هذا إلي سمعنا والله تعالى أعلم.

[رولكس]

ممكن احد يخبرنا وش بيتغير في قانون التقاعد
وكيف راح يكون


الخدمه من 25 سنة إلى 30 سنة (بدلاً عن) 15سنة إلى20سنة


علاوة السكن + غلاء المعيشة

القوانين الاربعه لازم تكتمل ( قانون الخدمة العكسرية+قانون الموارد البشرية + قانون التقاعد العسكري+المدني)

لأن فيه ترابط بين الاربعه .. وان شاء الله قريب يخلصون،

كان الله في عون كل محتاج

[قطريه22]

تمديد عمر الموظف للرجل 65 سنة والمرأة 60 سنة

وإضافة علاوة السكن.


هذا إلي سمعنا والله تعالى أعلم.

الحين انا مادخلت ال30 وعيزانه يبوني اشتغل لين مايوصل عمري 60 اي معليه انا زين مني اذا وصلت 40 وانا اشتغل

[الكنترول]

أغلبية المدرسيين والمدرسات واصحاب التراخيص عدو 60 سنة

[kitmat]

[quote=رجل الجزيرة;9503988]تمديد عمر الموظف للرجل 65 سنة والمرأة 60 سنة

وإضافة علاوة السكن.
لا انا اشوف احسن لو ايخلون العمر ظ،ظ*ظ* سنه مايشوفون الناس اعمارهم لين وين وصلت

قال رسول الله صلى الله عليه وسلم: أعمار أمتي ما بين الستين والسبعين، وأقلهم من يجوز ذلك. ومعنى الحديث أن أغلب أعمار هذه الأمة تتراوح بين ستين سنة إلى سبعين، ومنهم من يزيد على ذلك وهو قليل.
يعني في هالعمر الشخص على فراش المرض اذا ماكان مات واندفن اشدعوة مدرسة وعمري ظ¦ظ* سنه ايش بافهم اليهال خلكم منطقيين

[مليونيرة مفلسة]

الله المستعان
متابعة

[بوخالد911]

ودي اعرف شنو الصعو !؟!؟

[نجدي قطري]

ودي اعرف شنو الصعو !؟!؟

البيض يا بو خالد ما يجي إلاّ من داجن.

من لسان العرب:

الصَّعْوَةُ: صِغارُ العصافير، وقيل: هو طائرٌ أَصغرُ من العصفور وهو أَحمر الرأْس، وجمعُه صِعاءٌ على لفظ سِقاءٍ ويقال: صَعْوَةٌ واحدةٌ وصَعْوٌ كثيرٌ، والأُنثى صَعْوة، والجمع صَعَواتٌ. ابن الأَعرابي: صعَا إذا دَقَّ، وصَعا إذا صَغُر؛ قال الأَزهري: كأَنه ذهَبَ إلى الصَّعْوة وهو طائِرٌ لطيفٌ وجمعه صِعاءٌ، قال: والأَصْعاء جمع الصَّعْو طائرٌ صغيرٌ.

والظاهر إن جماعة الطيبين كانوا يستصعبون يلقون بيضه، ومن هنيه جاك بيض الصعو كناية عن اللي ينسمع عنّه وما ينشاف.