من المسئول عن ردع أصحاب الدراجات النارية ؟

[أم محمد 90]

السلام عليكم ,,


أكيد الكل لاحظ (فجأأأأأة) ظهور وانتشار فئة مو بسيطة من هواة الدراجات النارية

وتجمعاتهم بالشوارع ومضايقة الناس سواء بصوت الدراجة أو القيادة المتهورة للدراجة ,,

ع أساس أن احنا بلاس فيغاس مو بقطر ولا من زين شوارعنا حق هالتجمعات والتهور بالقيادة ,,

وياليت يحترمون نفسهم ماغير يحاوطون السيارات واللي :


- يوقف برجلينه والدراجة تمشي (ع اساس انه فالنتينو روسي) بطل الدراجات النارية :rolleyes2:

- يرفع الدراجة ويسوقها بتاير واحد !!؟

وغيره من الأمور , سؤالي هو

من اللي ممكن يردعهم ؟ لانهم فعلاً مو محترمين بالشارع ويضايقون
خصوصاً انهم يلزقون جدام السيارة ويسوون حركات ممكن ان الواحد يدعمهم بالغلط !!

ولو اندعمو واندهسو يطلع السايق غلطان ؟؟

لحد يقول العضيد او غيره , ولو اتصلنا بالشرطة شنو ممكن انهم يسوون !؟

الموضوع مفتوح للنقاش ورجاء من الحين :


اللي يسوق دراجة وومايرضى ع "شلته" لا يرد ع الموضوع الا اذا بيوضح هم يسوون جذي فالشارع ليش
هذا اذا ماادخلو وبدوا يقولون (احنا نحب الدراجات بس عمرنا ماسوينا حركات بالشارع نمشي باحترام:shy:)
اوكي عيل شكلهم هذيلا اللي بالشارع من كوكب ثاني:rolleyes2:..

وحياكم ~

[R 7 A L]

هالموضوع انطرح على ما اذكر من قبل
ودخلوا شباب من المحترمين محترمين انفسهم ومحترمين الشارع والقانون
وصار شد وجذب في النقاش


فعلاً
انا معك فية فئه غير محترمة
واسلوبها وسخ في قيادة الدراجات
وهذولا هم الي شوهوا سمعه الناس المحترمين

[Rider]

للاسف هناك فئة تستخدم الدراجات بشكل خطأ يعني شوفوني وهذا بسبب نقص عنده يبغي يعوضه بحركات مثل وجهه غير ان هذي الدراجات صوتها مزعجه جدا

[شبح الصمت]

حكتهم

انزين في ناس محترمي نفسهم وكافيين شرهم وفي ناس ملاقيف صح ما ننكر

عجبني هالاسم يالقالية ( ه فالنتينو روسي ) شكله فنتك

escape

[المحاميه]

ياختي
خليهم

ضارينكم ف شنو

بس الشي الوحيد صوت الدراجه مزعج بصراحه

لكن يبي يطوف العالم ويستعرض خليه كيفه

هذي حريه شخصيه

لاتضيقون على خلق الله


:(

[لمت اب]

بعضهم فعلا غير محترم
نصايف الليل واقف عند الاشاره ويعطي ريس
تسمعه الدوحه كلها
ليش عاااد,, ليش قلة الادب هذي
انت صايع ضايع تدور نصايف الليل لاشغل ولا مشغله
فيه ناس عليهم دوامات ونايمين وفيه مرضى وفيه اطفال حواليك
والا صعب عليك تفهم هذه الامور مثل ماهو صعب عليك تخلص ثالث اعدادي
لو كان الأمر بيدي
لسحبت دراجة كل واحد يعمل هالاصوات في الليل

انت مو عايش في البلد بروحك تزعج وتفحط على كيفك
يجب على الجميع ان يعرفوا
ان حريتك تنتهي عندما تبتديء حرية الأخرين
تبي تسمع صوت دراجتك روح في البر وعط ريس لين تولع انت واياها
او سكر على نفسك في كراج بيتكم وعط ريس
رحنا جميع دول العالم ماسمعنا قلة الادب هذي
اولا لأن الناس فاهمه وثانيا لان فيه قانون رادع ضد الأزعاج
عندنا مع الأسف لا هذا ولا ذاك !!!!

[Only Me]

والي يركب بنت وراه هذا شنقول له

[bus3od]

دايما الظواهر الجديده لا نتقبلها في البداية لكن بنتعود عليها مع الوقت و بنلتفت لأمور أهم

مثل قيادة المرأه للسيارة ما تقبلناها في بدايتها و رضخنا لها مع الوقت

عقبال قيادة المرأة للدراجة النارية

[عاشق العديد]

انا احب اصحاب الهارليات فقط ..

اما السوزكي العاديه لا والف لا ..

اما راعي الهارلي تشوفه محترم ويدق اشاره .. وتحسه من عصابة جوجو الوحش ..

[Rider]

بعضهم فعلا غير محترم
نصايف الليل واقف عند الاشاره ويعطي ريس
تسمعه الدوحه كلها
ليش عاااد,, ليش قلة الادب هذي
انت صايع ضايع تدور نصايف الليل لاشغل ولا مشغله
فيه ناس عليهم دوامات ونايمين وفيه مرضى وفيه اطفال حواليك
والا صعب عليك تفهم هذه الامور مثل ماهو صعب عليك تخلص ثالث اعدادي
لو كان الأمر بيدي
لسحبت دراجة كل واحد يعمل هالاصوات في الليل

انت مو عايش في البلد بروحك تزعج وتفحط على كيفك
يجب على الجميع ان يعرفوا
ان حريتك تنتهي عندما تبتديء حرية الأخرين
تبي تسمع صوت دراجتك روح في البر وعط ريس لين تولع انت واياها
او سكر على نفسك في كراج بيتكم وعط ريس
رحنا جميع دول العالم ماسمعنا قلة الادب هذي
اولا لأن الناس فاهمه وثانيا لان فيه قانون رادع ضد الأزعاج
عندنا مع الأسف لا هذا ولا ذاك !!!!

كلام رائع بس طبعا نقول البعض مب الكل

[العلياا]

دايما الظواهر الجديده لا نتقبلها في البداية لكن بنتعود عليها مع الوقت و بنلتفت لأمور أهم

مثل قيادة المرأه للسيارة ما تقبلناها في بدايتها و رضخنا لها مع الوقت

عقبال قيادة المرأة للدراجة النارية

فال الله ولا فالك

بالنسبة لي ما يضايقني الا صوتها او ماعرف ذيك الحركة اللي عند الاشارة يطلع صوت قوي
ومسكين ابوي يفز قلبه ودايما اقول حسبي الله عليه والوالد من صوبه الله يهديه

[عاشق العديد]

فال الله ولا فالك

بالنسبة لي ما يضايقني الا صوتها او ماعرف ذيك الحركة اللي عند الاشارة يطلع صوت قوي
ومسكين ابوي يفز قلبه ودايما اقول حسبي الله عليه والوالد من صوبه الله يهديه

الله يهديهم ..

بعضهم يسونها من الخوف .. عشان محد يلف عليه .. وبعضهم يسونها نحاسه يخوفون الناس ..

انا عن نفسي مره في خط واخر الليل الا ذاك الي جنبي واوانامكلمنلبمكبناملنامناتامنانامنامانالملنلممنلمل ململطططططططططط

ماوعيت الا انا فوق الرصيف .. لحقته وقفته وخذاله كم طراق وبس انتهى الموضوع فالعاصمه ..

[فيصل99]

مانعمم على كل أصحاب الدرجات بس الأغلبيه الله يهديهم يسوقون بسرعات جنونية والتجاوزات الخطيرة في زحمة سير بين الموتر غير الي يمر بين المواتر عند الإشارات يقعد يطلع أصوات ريس قويه يخرع العالم ويبط الأذاني أشوفها قلة أدب صراحه ناس معاها عجايز ويهال فالمواتر وين حقوق الغير على الشارع صراحه حركات صبيانيه أشوفها يارليت يردعونهم شوي
ياخي سوق وإستانس عيش حياتك إردف لك فلبينية بلفيت شو بس لاتأذي خلق الله
حسبي الله على البعض ونعم الوكيل

[بوخالد911]

بلغوا عليهم 999
وعطوهم رقم الدراجة

والله الموفق

[غير البشر]

بعظهم ماعندهم عقل ولا يحسون بالناس
ماعندهم ذوق في اداب سواقه الدراجات

مره زين ماصكيت واحد من القهر
تعوذت من ابليس وخليته يروح

العيال يرقدون بالسيارات وهذول بأصوات دراجاتهم المزعجه بدون سبب ينقزونهم ويروعونهم
بس لمجرد اظهار اصوات عاليه بدون اي سبب
وين مخالفه الاصوات العاليه اتمنى من المرور التشديد عليهم وعدم التهاون

[العلياا]

الله يهديهم ..

بعضهم يسونها من الخوف .. عشان محد يلف عليه .. وبعضهم يسونها نحاسه يخوفون الناس ..

انا عن نفسي مره في خط واخر الليل الا ذاك الي جنبي واوانامكلمنلبمكبناملنامناتامنانامنامانالملنلممنلمل ململطططططططططط

ماوعيت الا انا فوق الرصيف .. لحقته وقفته وخذاله كم طراق وبس انتهى الموضوع فالعاصمه ..

هههه الحمدلله على سلامتك
بس ما اعتقد اللي يسوق هالدراجات يخاف واذا يخاف لا يركبها وخلاص

[غير البشر]

الله يهديهم ..

بعضهم يسونها من الخوف .. عشان محد يلف عليه .. وبعضهم يسونها نحاسه يخوفون الناس ..

انا عن نفسي مره في خط واخر الليل الا ذاك الي جنبي واوانامكلمنلبمكبناملنامناتامنانامنامانالملنلممنلمل ململطططططططططط

ماوعيت الا انا فوق الرصيف .. لحقته وقفته وخذاله كم طراق وبس انتهى الموضوع فالعاصمه ..



لا اخوي عاشق من الخوف معروفه اصواتهم
يعني يعطي ريسات على خفيف ومتقطعه

مب ريس حده لين تكتم الدراجه

في فرق

[بن جعران]

انا اخوي عنده دراجه ويقول اغلب اصحاب الدراجات من فئه عمريه بين 19-25 تعتبر سن مراهقه
انا كل مااشوف دراجه توقف عند اشاره اشوف سايقها يشيل الخوذه ويتلفت على السيارات سياره سياره
كنه اللي يدور على حاجه وهالحاجه معروفه
اغلب اهل الدراجات مبزره وكل شغلتهم التحرش والازعاج

وفي نسبة ذكرها لي موظف في مستشفى حمد ان في سنة 2012 كان عدد المتوفين في حوادث الدراجات 40
اغلبهم قطريين تحت 24 سنه

[qatara]

شي يوسف له وقد لحقت واحد لاكن
الحمد لله ان حجزت بيني وبينه سياره

ولا كان صار الي لا يحمد عقباه

بالفعل قله حيا كاننا في شيكاغو

[المحاميه]

الله يهديهم ..

بعضهم يسونها من الخوف .. عشان محد يلف عليه .. وبعضهم يسونها نحاسه يخوفون الناس ..

انا عن نفسي مره في خط واخر الليل الا ذاك الي جنبي واوانامكلمنلبمكبناملنامناتامنانامنامانالملنلممنلمل ململطططططططططط

ماوعيت الا انا فوق الرصيف .. لحقته وقفته وخذاله كم طراق وبس انتهى الموضوع فالعاصمه ..


هههه
ينخاف منك :(

[حسن]

فعلا مصدر ازعاج

كم مره يمر صوبي ويعطي ريس

بالنسبه لي اكره الدراجه بشكل فضيع

حتى ولدي يحن علي واقوله انسى

اخر مره قلت له باوديك المستشفى قسم الكسور والحوادث
علشان تتعض

يجب ان تشن عليهم حمله توعيه من قبل المرور
وتوزع عليهم بروشورات لاحترام الاخرين

[عاشق العديد]

هههه
ينخاف منك :(

لانه حزتها كنت توني مغمض عيني .. وهو قعدني فخرب علي نومه ..

[عاشق العديد]

هههه الحمدلله على سلامتك
بس ما اعتقد اللي يسوق هالدراجات يخاف واذا يخاف لا يركبها وخلاص

انا كنت اسوق واخاف ولكن دراجتي انباقت ولا فكرت اخذلي واحد ثانيه هي مره وخلاص ..

[عاشق العديد]

لا اخوي عاشق من الخوف معروفه اصواتهم
يعني يعطي ريسات على خفيف ومتقطعه

مب ريس حده لين تكتم الدراجه

في فرق

كلامك صصحيح انا الي عندي حتى هدرز ماعليها اطبق قانون المرور ..
القياده فن وذوق واخلاق .. رسبيكت بليز

المحاميه انتي ينخاف منج يالشريه

[المحاميه]

لا ماينخاف مني

تطبق القانون وتحترمه
عيل ليش راقد وانت تسوق؟

ماتخاف على نفسك زين خاف عالعالم اللي تسوق حولك

تناقض!!!

[بوحارب]

انا اكتشفت ان اكثر اصحاب الدراجات باكستانيين وهنود :)

بس مسوين نفسهم صيه

[همر]

محد مسؤول

مافي مسؤول

المسؤول باقوووه

[alsoq]

الدول الثانيه مسوين لهم نادي لهل الدرجات يجتمعون في النادي ويخصصون يوم مثلا يجتمعون ويروحون منطقه بعيده من ترويح عن النفس وممارسه الهوايه

اما اشوف سياره فيها بنات ويحاوطون سياره وريسات هذي قله ادب انا شفت الاجانب هنا يستخدمها في الذهاب للعمل للتخلص من الزحمة واكبر دلليل ساكن قبال بيتي اجنبي الصبح يروح على دراجة وبعد العصر هو وعائلته في سياره

[بومحمد المطاوعه]

يعطيج العافيه ام محمد

صدقتي البعض والاغلبيه منهم

يستخدموون هذي الدراجات لأغراض الله العالم بها

والبعض يستخدم بشكل صحيح


ويحترم الناس ويحترم الشارع

الحمدلله
الي محترم نفسه بيسوق عدل
حتى لو في السيارت شكثرهم مب محترمين

الله يكفينا الشر عنهم


تحياتي

[عاشق العديد]

لا ماينخاف مني

تطبق القانون وتحترمه
عيل ليش راقد وانت تسوق؟

ماتخاف على نفسك زين خاف عالعالم اللي تسوق حولك

تناقض!!!

لا والله مب تناقض انا واحد لو نعست .. لو وين ما اكون بنام ..
عيني تغمض من نفسها انا مادري هذا مرض او ايش ..
لاتناقض ولا غيره ..
ودخلتي التناقض في موضوع دراجات ..

[حسن]

انا كنت اسوق واخاف ولكن دراجتي انباقت ولا فكرت اخذلي واحد ثانيه هي مره وخلاص ..

بطبطتك باقوووه

انا كبينتي باقوووه

:)

[عاشق العديد]

بطبطتك باقوووه

انا كبينتي باقوووه

:)

الله لا يوفقهم يابوعلي ..
والله يرجع الحق لصصاحبه ..

ياخوك لاذمه ولا ضمير ..
انا منك ابحث اول شي فالناس الي حولي وعقبها اروح للبعيد ..
انا باقو افضل حمام وانت بكرامه حمام دفعت فيه دم قلبي ..
واخر شي انباق ولا في نص العديد ..
ولا طلعته وكلها 15 دقيقه رحت وجيت ..

[PGR]

كل هواية او (شي مصنوع,مادة) هي شئ ذو وجهين,, ممكن تستخدمه استخدام سيئ وممكن جيد,,, الدراجة هواية بعض الناس تستخدمها كاستغلال وقت الفراغ والخروج مع اصحاب والاستمتاع بالسياقة ,, وفي البعض يستخدمها لمخالفة القوانين وازعاج الناس ,,, فتطبيق مثال انه الدراجة شي سيئ فهذا غير صحيح,,

السكين ممكن تستخدمها لقص الاكل وممكن للقتل,, كل شيئ موجود في الحياة ذو وجهين

[بومحمد المطاوعه]

لاتنسون ترى

في منهم المكافحه والتحريات

[عاشق العديد]

لاتنسون ترى

في منهم المكافحه والتحريات

الحين بتجيك المحاميه وبتقولك هذا نفاق شدخل مادري بس عادي الاشياء تدخل في بعضها ..

[بو الجوري]

http://www.cheesebuerger.de/images/midi/verschiedene/h054.gifhttp://www.cheesebuerger.de/images/midi/verschiedene/h054.gifhttp://www.cheesebuerger.de/images/midi/verschiedene/h054.gif

[بومحمد المطاوعه]

الحين بتجيك المحاميه وبتقولك هذا نفاق شدخل مادري بس عادي الاشياء تدخل في بعضها ..


ههههههههههههه

لا ماعتقد
خلاص ماتقول الحين

تابت هههههههههه

[المحاميه]

ابي افهم شدخل نفاق فالتحريات

عاشق قمت تقط كلام

الو التحريات واحد غلط عليكم :telephone:

[المحاميه]

لا والله مب تناقض انا واحد لو نعست .. لو وين ما اكون بنام ..
عيني تغمض من نفسها انا مادري هذا مرض او ايش ..
لاتناقض ولا غيره ..
ودخلتي التناقض في موضوع دراجات ..

عاشق ليش ماتراجع وتشوف شالسبب

[عاشق العديد]

ابي افهم شدخل نفاق فالتحريات

عاشق قمت تقط كلام

الو التحريات واحد غلط عليكم :telephone:

وشدخل تناقض في موضوع اني انام فسياره.. شي صار غصبن عني..

[puree]

اكثر شي يقهرني ان كثير منهم في ايام الاسبوع .. الخميس والجمعه والسبت ، يوقفون في موقف المطافي او الاسعاف في لاقونا ! والمشكلة ان علامة كبيرة تبين ان هالموقف خاص للمطافي او الاسعاف ولا بعد قدام السكيورتي ولا يتكلم ولا شي

ويصفون قدام البوابة الرئيسية مجابلين الناس اللي تنزل من سياراتهم حريم وعوايل ؟؟

صراحه مادري شقول !

[ya3coub]

انا من الأشخاص الي تعلمت اقود الدراجة "هارلي" و ناوي على ليسن دراجة من بديت شغل

و السبب الزحمة الخرافية الي بالكرنيش <<< دوام يوم السبت ياخذ مني 10-15 دقيقة اتمشى بالراحة الى سرعه الشارع و باقي ايام الاسبوع انقع مالا يقل عن ساعه يوميا

معني اكره الدراجات بسبب الحوادث الي صارت لناس اعرفهم و كثير منهم يتعرضون لمضايقات من اصحاب السيارات

أبي اطلعلي سكوتر صغير على قدي بما انه طبيعة شغلي اداوم ببدلة و نادر بثوب خصوصا مع قرب موعد تسليم المشروع و الضغط زايد علينا كمهندسين

نرجع للدراجات ترا في اندية و قروبات كثير محترمة و شغاله مع المرور و التطوع و اي فعالية ايجابية تحصلونهم موجودين من شباب و شيبان من اهل قطر و غيرهم ايضا من الاجانب و المقيمين العرب

كل شخص و طريقة استخدامه

صحيح في نسبة كثيرة زادت هالكم يوم و للأسف من صغار " العقول " فقط و ليس بالظرورة السن , مالي شغل فيهم و اقولهم الله يهديهم يارب و يصلح حالهم او يركبون مع اهاليهم و يمرون من الناس الي تسوي نفس حركاتهم و نظرة اهاليهم لهالفئة و المجتمع. مرة كنت بالشارع و مر علي واحد زيد ما دعمني و انسدح و الحمد الله انا ما دعمت لأنه خوفني بالصوت و حاولت اتفاداه باسرع وقت بدون ما انتبه اذا في احد فالجهة الثانية او لا


سبب ان البعض يركب اقزوز "سلب اون" يخلي صوت الدراجة شوية اعلى نفس الدبات على السيارات و ليس بإقزوز كامل
هو للتنبيه عند الاشارات و الدواوير لما السواقين يكون تركيزهم بالأغلب بكيف يطلع من الدوار فينتبه للصوت و طبعا بدون ازعاج عبارة عن ريسات خفيفة ما تتعدى الــ5000 دورة للمحرك و تكفي بين كل فترة و فترة ان الي فالطريق ينتبهونله او يفتحونله شوية اذا في مجال من غير التضيق عليه

الدراجات سياقتهم فن و متعه للي يمشي برواقه او حتى للي يبي يتخلص من الزحمة صحيح ثقافتها عندنا ما انتشرت بكثرة او بكل بيت لأن في ناس استخدموها استخدام خاطىء و خلو الفكرة الجديدة فكرة سيئة.

في دراجات كثير تكون عالكرنيش و تشوفونهم لابسين بدل رسمية بعض المرات من كل الانواع سكوترات , كروزر "هارلي" و السوبر سبورت بس محد يلتفتلهم لأن يمشون باحترام و يسون المفروض عليهم سوائا صغار او من كبار السن خصوصا الأجانب

[فــلان]

راحوا الطيبين والله كنا نطلع ونتجمع ونسولف ولا نأذي ولا إنتأذى و أصغرنا كان عمره يمكن 22 ..

أنا أقول ما دام إنه أمر واقع وفارض نفسه فالحل الأمثل هو إحتواء هذه المجموعات و إنشاء مكان جميل لهم بما إنهم كل يوم في إزدياد وهذا المكان عباره عن مثلا ً استراحه كبيره فيها كوفي شوب و مطعم و إستراحة ترفيه وماتكون برا المدينه بل تكون في منطقه جديدة كالخليج الغربي مثلا ً عشان تستقطبهم في جو مميز .. صدقوني دام إن ما عندنا غير اللوم و السخط تجاه فئه معينه عمرنا ما راح نحل أبسط الأشياء بل راح يتفاقم الوضع سوء .. هذه الشريحة كل يوم في إزدياد بجميع طوائفها سواء كانت قروبات السبورت بايكس أو الكلاسيك و الهارلي و غيرها وحتى ملاكها يحملون جنسيات وثقافات مختلفه. طبعا ً ما يخفى على الجميع إن أي حالة أو ظاهره مب شرط نحتويها عشان تعود لنا بالفائده إحنا شخصيا ً و إنما الفائدة ممكن تتحقق لفئة ربما لا تمت لنا أو للمعظم بِصله ولا بأس من ذلك.

من وجهة نظري لو تم تبني فكره كهذه فبتكون جيده لأن المسؤولين بيستطيعون الوصول لهم في حال كان يرغبون في أن يتواصلون معاهم ( مب شرط في مشاكل ) بل في أي أمر آخر كإقامة نشاطات أخرى أو دعم هذه الفئة و إشراكهم في الأعمال الخيرية أو السياحية أو الإعلاميه ... الأفكار كثيره..


لا يا أم محمد الحين وطر مارك ماركيز :victory:

:nice:

[معماري قطري]

وايد منهم يبي لهم إِنبله زغيره تتفجر بينهم

[طلعة الروح]

أتمنى يمنعون قيادة الدراجات في الشوارع ، ولحد يقولي هوايه، ضررها أكبر من نفعها، ولا تقولون لي ان حد قاعد يسترزق من وراها.

[الزعيـم]

خلني ساكت احسن :secret:

[رجل الجزيرة]

لو إدارة المرور تمنع إزعاج أو تخفف صوت الشكامين على حسابهم يكون أفضل.

[ya3coub]

أتمنى يمنعون قيادة الدراجات في الشوارع ، ولحد يقولي هوايه، ضررها أكبر من نفعها، ولا تقولون لي ان حد قاعد يسترزق من وراها.

ليش يمنعونها و على اي اساس اختي ؟؟!!!

بالنسبة لك ليست بهواية ولا برياضه شفايدة عيل حلبة لوسيل

ضررها بالحوادث صحيح اكبر من نفعها

بس ايضا تلعب دور كبير في تفادي الحوادث لصغر حجمها بدال ما يكون حادث بسيط !!!

يسترزق في ناس تسترزق عن طريق الدراجات اولهم التجار الي يبيعونها, 2- المحلات " التجار" الي يبيعون قطع غيارهم, و القراجات الي يصلحونهم هاي اول مجموعه من الي يسترزقون عن طريق الدراجات

المجموعه الثانية اصحاب الدراجات و تعديلاتهم قد يكون احدهم رسام او هاي تعديلات و يعدل على دراجته و ممكن تجيبله سعر او شخص يعرض عليه مبلغ كبير علشان يشتريها <<< حالها ومن حال سوق السيارات

3 في جوائج للبطولات للي يوصل الأحترافية او حتى في مرحلة التميز و الرياضه.

و في فئة قليلة الي ناوي اكون منهم استخدمها وسيلة مواصلات للشغل و من الشغل

بحكم اني وفرت بالزحمة سيارة كاملة اروح لشغلي بروحي فيها

و مروري بين السيارات بعز زحمة الصبح او طلعه الدوامات ما راح تأثر على سير اي مركبه

و اذا في 50 واحد يداوم بدراجه بقطر و العدد اصلن اكثر وفرو هالعدد من السيارات.

و بدال ما انقع ساعه بالكرنيش ما بتاخد مني إلا 10 دقايق بدون زحمة اكون رقدت فيها اكثر ممكن اتعلم افطر قبل ما اطلع من البيت و ادائي و نفسيتي المفروض تتحسن مع تمارين الصباح بالدراجة و تحريك الجسم كامل

[7llo]

امس واحد خبل على الخط السريع 22 فبراير كان يمي ونقزز والله صرقعتني خفت يطيح وادعس عليه بموتري حكيت بريك صعييدي وتميت اكبس له ولا هو متفكر تم رافع منقز حول 30 او 40 ثانيه حتى الرادار فلش عليه تحت الجسر يعني كان منقز على سرعه 110 او 120 , اتمنى من اداره المرور تحول المستهترين للنيابه وتسجنهم وغرامه ماليه ماتقل عن 50 الف , ممكن اي حركه يسويها راعي الدراجه مع النقزه يطيح ويدعسه الي جمبه والي وراه ماعرف لين متى التفكير وحركات المبزره

[رجل الجزيرة]

في يوم من الأيام كنت في شارع سحيم بن حمد وأنا طالع على طريق سلوى وعلى الشارع الثاني على الإشارات حصلت مجموعة يمكن فوق 10 بطابط والريس عالي. وفي أثناء طلعت إلا فيه واحد منهم - الظاهر طلع قبل الإشارة الحمراء - شوي إلا وهو تحت موتري بغيت أدعمه شوي إلا وهو يطالعني بغضب فأخينا واقف على جنب علشان ربعه يجتمعون علشان يمشون على شكل مسيرة بعد ما تولع الإشارة، فتعوذت من الشيطان وكملت طريقي وهو ينتظر ربعه.

[العنيده]

خلهم يسوقون اقلها بتخف الزحمه شوي من الشوارع تتوزع الناس على انواع المركبات مو بس سيايير .. يعني نشوف هالاشياء في الخارج تستخدم ولها قوانين ( اماكن وقوف و شروط استخدام الخ )
بس الازعاج والاستعراض في الشوارع العامه ضد وبقوه والمشكله هالظاهره كثرة واحس بعضهم يتعمد الازعاج .. يعني يمر بين السيارات الله يحفظه عادي بس فجاه يدوس ريس بوسطهم زين ليش يالطيب
وكم حادث صار بسبة هالشي :(

الله يحفظهم الشباب والله ..

[عثرة جواد]

السلام عليكم

انا استانس وااايد لين اشوفهم بل عكس احيهم ليش احنا دايمنا ضدكل جديد
لازم انشوف الجانب الحلوف الموضوع والكل قاعده شواذ
الصراحه انا اقولهم جووووهد ونتبهوع نفسكم واهم شي الحركات الؤؤااؤؤ

[علي رشيد]

أبو الازعاااااااج الصراحه

[أم محمد 90]

السلام عليكم

انا استانس وااايد لين اشوفهم بل عكس احيهم ليش احنا دايمنا ضدكل جديد
لازم انشوف الجانب الحلوف الموضوع والكل قاعده شواذ
الصراحه انا اقولهم جووووهد ونتبهوع نفسكم واهم شي الحركات الؤؤااؤؤ

خفي علينا

اهم شي الحركات الواو

هاي وانتي تمشين فالمنتدى وانا بنت مو ولد

!!!!

[بريق الحق]

اتمنى الكل يحترم نفسه ويحترم ردود الاعضاء
والي عنده شي يكلم الاداره