عندما يسهر الأبناء لماذا ينضايق الآبااء .

[زبرجد]

السلام عليكم ورحمة الله وبركاته

موضوعي يدور حول النقاط الآتية :

هل تسمح لأبناءك أو أخوتك الذكور بالسهر خارج المنزل ؟

هل تسمح لهم بالمبيت خارج المنزل مع أصدقائه ؟

وما هي أقصى فترة مسموح بها للسهر ؟

ألا ترون أن السهر يؤثر على صحتهم .. وبالسهر تفوت عليهم صلاة الفجر ؟

همسة .
الموضوع لا يحتمل الخروج عن الموضوع يعني كلمة ورد غطاها والموضوع خاص بالشباب في سن المراهقة ولا يشمل الفتيااات ..!

أفيدوني أفادكم الله .

[qatara]

السلام عليكم ورحمة الله وبركاته

موضوعي يدور حول النقاط الآتية :

هل تسمح لأبناءك أو أخوتك الذكور بالسهر خارج المنزل ؟

هل تسمح لهم بالمبيت خارج المنزل مع أصدقائه ؟

وما هي أقصى فترة مسموح بها للسهر ؟

ألا ترون أن السهر يؤثر على صحتهم .. وبالسهر تفوت عليهم صلاة الفجر ؟

همسة .
الموضوع لا يحتمل الخروج عن الموضوع يعني كلمة ورد غطاها والموضوع خاص بالشباب في سن المراهقة ولا يشمل الفتيااات ..!

أفيدوني أفادكم الله .




ليش لا يشمل الفتايات

يعني بعضهن يمال الستر لا يسهرون مثلا الوحده
منهم اقصى حد الساعه 8 هم في البيت مثلا

؟

[المحاميه]

هلا زبرجد

شوفي المشكله هي ان نظرة الآباء غير نظرة الابناء

الحل انهم يكلمون عيالهم بطريقه سلسه خاليه من الضغط وخاليه من الاوامر خصوصا ان هالمرحله حساسه جدا واصلا راح يعاندون ويمشون اللي ف راسهم

خلهم يجربون

ويعيشون التجربه

مردهم بيعرفون الصح من الغلط وبيعرفون ان السهر ضار

بس غلط نمنعهم بالقو

وبعدين لو الاعضاء الشباب ارجعوا بذاكرتهم لورا بيتذكرون نفسهم وشنو كان شعورهم وانهم كانوا يبون يسهرون برا البيت

وتذكري كل ممنوع مرغوب ..

فليش نولد فيهم ضغط نفسي

صحيح الام تحاتي وتقعد على اعصابها بس ما باليد حيله

مافي غير الدعوه الطيبه ان الله يحفظهم ويهديهم

وممكن تطرشينله رابط يتكلم عن اضرار السهر بس بطريقه غير مباشره

ان بي سي للسته كلها هههه واصلا الكلام لج ياجاره

[المحاميه]

ليش لا يشمل الفتايات

يعني بعضهن يمال الستر لا يسهرون مثلا الوحده
منهم اقصى حد الساعه 8 هم في البيت مثلا

؟

لان هي تناقش سالفة الشباب ف سن المراهقه اللي يبيتون برا البيت

اخوي وضع البنت غير

ماقد بيتنا برا مع ربعنا وين قاعدين

[شبح الصمت]

موضوعج صراحة زبرجد فالسيده


شوفي الله يسلمج قبل ابوي رحمة الله عليه وغفر له واسكنه فسيح جناته .. وغفر لموتى المسلمين آجمعين

كان حدنا حدنا لين عقب صلاة العشى ..

والويكند طبعاً كنا كله شمال مع الربع ومع اهاليهم ..


حالياً الوضع تغير روحي اخذي لج فره في المجمعات وشوفي البرزان الي برى بيوتهم ..

وعن نفسي عيالي بخليهم يطلعون اذا معاهم واحد كبير وفاهم لو يتاخرون
وعن المبيت بيباتون عند اهلنا فقط عادي انخليهم يغيرون جو ويطلعون من جو البيت

وإذا بيسهرون برى حدهم لين 9

بس عتبي صدق اختي على بعض الاهالي عيالهم بزارين في المجمعات وبناتهم محذفين لا حسيب ولا رقيب ..

لهدرجه هالولد رخيص وإلا لاجل ما تزعله تخليه يروح ويرجع ..

الله يستر على عيالنا جيل زاحف

[زبرجد]

ليش لا يشمل الفتايات

يعني بعضهن يمال الستر لا يسهرون مثلا الوحده
منهم اقصى حد الساعه 8 هم في البيت مثلا

؟

لأن مستحيل بنرضى أن البنت تسهر برع البيت لوقت متأخر إلا إذا مع أمها وخواتها
ولأنه الشباب أكثر من يسهر خارج أو داخل المنزل
وعشان ما نبي الموضوع يخرج عن مساره

[المحاميه]

موضوعج صراحة زبرجد فالسيده


شوفي الله يسلمج قبل ابوي رحمة الله عليه وغفر له واسكنه فسيح جناته .. وغفر لموتى المسلمين آجمعين

كان حدنا حدنا لين عقب صلاة العشى ..

والويكند طبعاً كنا كله شمال مع الربع ومع اهاليهم ..


حالياً الوضع تغير روحي اخذي لج فره في المجمعات وشوفي البرزان الي برى بيوتهم ..

وعن نفسي عيالي بخليهم يطلعون اذا معاهم واحد كبير وفاهم لو يتاخرون
وعن المبيت بيباتون عند اهلنا فقط عادي انخليهم يغيرون جو ويطلعون من جو البيت

وإذا بيسهرون برى حدهم لين 9

بس عتبي صدق اختي على بعض الاهالي عيالهم بزارين في المجمعات وبناتهم محذفين لا حسيب ولا رقيب ..

لهدرجه هالولد رخيص وإلا لاجل ما تزعله تخليه يروح ويرجع ..

الله يستر على عيالنا جيل زاحف

الضغط والاوامر اللي لازم ينفذها الولد او البنت واللي مايفهمون مغزاها غلط

لان هالشي بيولد كبت وانفجار

كل شي بالسياسه والاتفاق راح يمشي

[زبرجد]

هلا زبرجد

شوفي المشكله هي ان نظرة الآباء غير نظرة الابناء

الحل انهم يكلمون عيالهم بطريقه سلسه خاليه من الضغط وخاليه من الاوامر خصوصا ان هالمرحله حساسه جدا واصلا راح يعاندون ويمشون اللي ف راسهم

خلهم يجربون

ويعيشون التجربه

مردهم بيعرفون الصح من الغلط وبيعرفون ان السهر ضار

بس غلط نمنعهم بالقو

وبعدين لو الاعضاء الشباب ارجعوا بذاكرتهم لورا بيتذكرون نفسهم وشنو كان شعورهم وانهم كانوا يبون يسهرون برا البيت

وتذكري كل ممنوع مرغوب ..

فليش نولد فيهم ضغط نفسي

صحيح الام تحاتي وتقعد على اعصابها بس ما باليد حيله

مافي غير الدعوه الطيبه ان الله يحفظهم ويهديهم

وممكن تطرشينله رابط يتكلم عن اضرار السهر بس بطريقه غير مباشره

ان بي سي للسته كلها هههه واصلا الكلام لج ياجاره

ههههههههههه لا يكون أنا الجارة :)

صحيح ما نقدر نمنعهم من السهر بالقوة

والدعاء هو وسيلتنا لحمايتهم بإذن الله

وفكرتج حلوة إنا نرسله موضوع عن أضرار السهر .

[R 7 A L]

اذا مع ناس نعرفهم ونعرف اهلهم و وين يسهرون
مو مشكلة بس مو كل يوم


اما اذا اصدقاء بس هو يعرفهم لا ومعصي

[زبرجد]

لان هي تناقش سالفة الشباب ف سن المراهقه اللي يبيتون برا البيت

اخوي وضع البنت غير

ماقد بيتنا برا مع ربعنا وين قاعدين

صحيييح لأنه البنت غير عن الولد فالموضوع مختلف تماماً

[أم محمد 90]

ليش لا يشمل الفتايات

يعني بعضهن يمال الستر لا يسهرون مثلا الوحده
منهم اقصى حد الساعه 8 هم في البيت مثلا

؟

ماعندنا بنات يسهرون

البنات الي تشوفهم لين نص الليالي برع مايمتون للمجتمع القطري بأأأأي صلة

[Aaziz]

ههههههههه احس زبرجد ودها تقول شاركو في الموضوع و تخيلو انكم في تويتر ماتقدرون تكتبون اكثر من 140 حرف :nice:

كوني شاب و كنت في فتره المراهقه قبل سنوات قليله :shy:
اقول ان السهر هو خراب الشاب ،، سبحان الله الشر مايصير الا تالي الليل
طبعا الجلساء يشكلون فارق كبير في الموضوع

[المحاميه]

ههههههههههه لا يكون أنا الجارة :)

صحيح ما نقدر نمنعهم من السهر بالقوة

والدعاء هو وسيلتنا لحمايتهم بإذن الله

وفكرتج حلوة إنا نرسله موضوع عن أضرار السهر .

ههه قصدي انتي تسوين نفسج ماتدرين وترسلينه للسته كامله واصلا هو المقصد ان الكلام لج ياجاره يعني حق ولدج
عرفتي هههه

[المحاميه]

ههههههههه احس زبرجد ودها تقول شاركو في الموضوع و تخيلو انكم في تويتر ماتقدرون تكتبون اكثر من 140 حرف :nice:

كوني شاب و كنت في فتره المراهقه قبل سنوات قليله :shy:
اقول ان السهر هو خراب الشاب ،، سبحان الله الشر مايصير الا تالي الليل
طبعا الجلساء يشكلون فارق كبير في الموضوع

انزين بذاك الوقت لو حد امنعك من السهر وفرض عليك تكون فالبيت وماتسهر ولا تبيت برا

بتستجيب
بكل صراحه عطنا شعورك وموقفك حزتها

[ضوى]

السلام عليكم ورحمة الله وبركاته

موضوعي يدور حول النقاط الآتية :

هل تسمح لأبناءك أو أخوتك الذكور بالسهر خارج المنزل ؟

ولدي العود الله يحفظه لين اليوم مايسهر اكثر من 12 خلاص عودته على هالنظام ، وقبل لا يتخرج من الثانوية حده 11 ، واذا في ميلسنا 12 حد اقصى ،
الولد الصغير اللي حاليا باول ثانوي ، مايسهر برع البيت فديتىه بيتوتي مال ميالس مايحب الطلعة بهالميلس من العصر لين الليل وحده 12 يقفل الميلس وقبل يوم انه اصغر حده 10

هل تسمح لهم بالمبيت خارج المنزل مع أصدقائه ؟

إطلاقاً ، الا البنت تبات عند خالاتها وبناتهم بعض الاوقات مب دايما ، بس ماقدر احد من الشباب طلب يبات بيت احد من ربعه او اهله ، ربعهم يباتون بالميلس اذا تأخروا بالسهر ،

وما هي أقصى فترة مسموح بها للسهر ؟
اقصى شي لين صلاة الفجر في رمضان بس ، لانه ماشاء الله شباب ويتجمعون بالميلس وغبقات يعني ماشدد برمضان واتاح لما يروحون الفجر وهم قاعدين ومب مقعدين من نوم عميق

ألا ترون أن السهر يؤثر على صحتهم .. وبالسهر تفوت عليهم صلاة الفجر ؟

وايد يأثر على صحتهم كسل وخمول وويوهم مافيها نور ، مع اني اقعدهم لصلاة الفجر وازلزلهم بس احس صلاتهم بدون نفس خاصة الوسطي نفسه في خشمه ويتحلطم وكم مرة بغيت اكسر التلفزيون فوق راسه والسبب صلاة الفجر لانه يشلع قلبي وانا اصحيه

همسة .
الموضوع لا يحتمل الخروج عن الموضوع يعني كلمة ورد غطاها والموضوع خاص بالشباب في سن المراهقة ولا يشمل الفتيااات ..!

جزاج الله خير الغالية

موضوعج حلو وهادف

وان شاء الله مانشوف ردرود تقول دوروا عن امه

أفيدوني أفادكم الله .



جزاج الله خير

[زبرجد]

موضوعج صراحة زبرجد فالسيده


شوفي الله يسلمج قبل ابوي رحمة الله عليه وغفر له واسكنه فسيح جناته .. وغفر لموتى المسلمين آجمعين

كان حدنا حدنا لين عقب صلاة العشى ..

والويكند طبعاً كنا كله شمال مع الربع ومع اهاليهم ..


حالياً الوضع تغير روحي اخذي لج فره في المجمعات وشوفي البرزان الي برى بيوتهم ..

وعن نفسي عيالي بخليهم يطلعون اذا معاهم واحد كبير وفاهم لو يتاخرون
وعن المبيت بيباتون عند اهلنا فقط عادي انخليهم يغيرون جو ويطلعون من جو البيت

وإذا بيسهرون برى حدهم لين 9

بس عتبي صدق اختي على بعض الاهالي عيالهم بزارين في المجمعات وبناتهم محذفين لا حسيب ولا رقيب ..

لهدرجه هالولد رخيص وإلا لاجل ما تزعله تخليه يروح ويرجع ..

الله يستر على عيالنا جيل زاحف

نعم أنا ما بغيت الموضوع يتشعب وحددت نقاط معينة حتى نتناقش فيه

وبالنسبة لجيلنا يختلف عن جيل عيالنا الحين في أشياء تحدهم على السهر وبصراحة صار آفة في المجتمع والكل يسهر إلي بإجازة وإلي عنده دوام

والمجمعات والسينما والمطاعم تفتح لي وقت متأخر ..!

جوف معظم الدول الأوروبية تسكر من وقت وإحنا شوارعنا حتى في وقت متأخر وعقب الساعة 12 تقول كنه مغرب .

والأمهات اللي يتركون عيالهم من غير توجيه وحاذفينهم في المجمعات بروحهم ولا مع الخدم بكرة بيجنون العلقم ..!

[زبرجد]

الضغط والاوامر اللي لازم ينفذها الولد او البنت واللي مايفهمون مغزاها غلط

لان هالشي بيولد كبت وانفجار

كل شي بالسياسه والاتفاق راح يمشي

أنا معاج في هالنقطة لازم نبين لهم السبب .. لكن لو مجرد أوامر ما راح يطيع ولوتظاهر بالطاعة راح يسوي إللي براسه .

[زبرجد]

اذا مع ناس نعرفهم ونعرف اهلهم و وين يسهرون
مو مشكلة بس مو كل يوم


اما اذا اصدقاء بس هو يعرفهم لا ومعصي

المهم يكونون صالحين سواء كانوا من الأهل أو أصدقاءه ومثل ما قلت مب كل يوم.

[qatara]

ماعندنا بنات يسهرون

البنات الي تشوفهم لين نص الليالي برع مايمتون للمجتمع القطري بأأأأي صلة

المصيبه في الكبيرات وليس البنات الصغيرات

القدوه اللهم لا شماته

[زبرجد]

ماعندنا بنات يسهرون

البنات الي تشوفهم لين نص الليالي برع مايمتون للمجتمع القطري بأأأأي صلة

أشكرج أم محمد .. الناس وايد تبالغ ضد بنات البلد .. والله إنه فيهم الخير ومتمسكين بالدين .. وكل بلد فيه مقبرة على ما يقولون ... لكن بشكل عام بناتنا ما يشكلون ظاهرة في الإنحراف ولله الحمد .

[زبرجد]

ههه قصدي انتي تسوين نفسج ماتدرين وترسلينه للسته كامله واصلا هو المقصد ان الكلام لج ياجاره يعني حق ولدج
عرفتي هههه

هههههههه عذريني للحين ما إحتسيت شاي الصباااح :)

[زبرجد]

ههههههههه احس زبرجد ودها تقول شاركو في الموضوع و تخيلو انكم في تويتر ماتقدرون تكتبون اكثر من 140 حرف :nice:

كوني شاب و كنت في فتره المراهقه قبل سنوات قليله :shy:
اقول ان السهر هو خراب الشاب ،، سبحان الله الشر مايصير الا تالي الليل
طبعا الجلساء يشكلون فارق كبير في الموضوع

ههههههههههههه ودي أتوتر الموضوع :) تعقدت من تحوير المواضيع صرت أعرف لهم فقلت لازم أحدد النقاط والفئة المقصودة

وأنت أثرت نقطة مهمة جداً جداً وهو إنه الخراب والمشاكل ما تصير إلا بالسهر وفعلاً كنت بتكلم عنها وسُهى علي :)

[غير البشر]

موضوع جميل اختي زبرجد :victory:


بالنسبه لي ماخبر كنت ملتزم او ملزوم بوقت محدد في السهر
عادي كنت ايام الصبا اسهر ورحلات وروحات وجيات


اكيد من بيت لي بيت اختلاف
معظم الاباء يخافون على الابنائهم على السهر
وخاصه ها الايام لما فيها من مغريات كثيره الله يبعدها عنا وعنهم

[زبرجد]

جزاج الله خير

ويااج حبيبتي ضوى .

[Aaziz]

انزين بذاك الوقت لو حد امنعك من السهر وفرض عليك تكون فالبيت وماتسهر ولا تبيت برا

بتستجيب
بكل صراحه عطنا شعورك وموقفك حزتها

اتوقع بستجيب و حسب العمر طبعا

بس الواقع اني كنت صديق والدي رحمه الله عليه (فيه ثقه) و كنت تقريبا فتره الصيف كلها ابات برى عند بيت صديق و جار ،، كانو هله طول الصيف مسافرين و احنا الشباب (في سن مراهقه) ننام مع بعض .
الاهل يعرفون بعض و الاباء ربع بعد .. رحمه الله عليهم جميعا .





ههههههههههههه ودي أتوتر الموضوع :) تعقدت من تحوير المواضيع صرت أعرف لهم فقلت لازم أحدد النقاط والفئة المقصودة

وأنت أثرت نقطة مهمة جداً جداً وهو إنه الخراب والمشاكل ما تصير إلا بالسهر وفعلاً كنت بتكلم عنها وسُهى علي :)

انشديني ان السهر هو الي يجيب المشاكل ،، لان الولد النظيف اذا سهر برى (على غير عادة اهله بالسماح له) بيلتقي مع عيال صيع
عيال صيع = اكشن و وناسه
اكشن و وناسه = اما شر و مشاكل اما فساد اخلاقي

[زبرجد]

موضوع جميل اختي زبرجد :victory:


بالنسبه لي ماخبر كنت ملتزم او ملزوم بوقت محدد في السهر
عادي كنت ايام الصبا اسهر ورحلات وروحات وجيات


اكيد من بيت لي بيت اختلاف
معظم الاباء يخافون على الابنائهم على السهر
وخاصه ها الايام لما فيها من مغريات كثيره الله يبعدها عنا وعنهم

الحين أحس الأمهات وايد يخافون على عيالهم وما ودهم إنه عيالهم يتعرضون لأي أذى

يعني قبل الأمهات قلوبهم أقوى لكن صارت مشاكل لعيالهم لأنه أهملوهم

ولأنا إحنا جفنا شلون الإهمال وشلون السهر كانت له عواقب سلبية فنحاول نتجنب أخطاء الجيل السابق .

[غير البشر]

اتوقع بستجيب و حسب العمر طبعا

بس الواقع اني كنت صديق والدي رحمه الله عليه (فيه ثقه) و كنت تقريبا فتره الصيف كلها ابات برى عند بيت صديق و جار ،، كانو هله طول الصيف مسافرين و احنا الشباب (في سن مراهقه) ننام مع بعض .
الاهل يعرفون بعض و الاباء ربع بعد .. رحمه الله عليهم جميعا .




انشديني ان السهر هو الي يجيب المشاكل ،، لان الولد النظيف اذا سهر برى (على غير عادة اهله بالسماح له) بيلتقي مع عيال صيع
عيال صيع = اكشن و وناسه
اكشن و وناسه = اما شر و مشاكل اما فساد اخلاقي



الله يرحمه ويجمعكم وياه بالفردوس الاعلى ياااارب

اللهم اميين

انا نفسك كانت الثقه موجوده ومعروفين ربعي كلنا عيال فريج واحد
وابهاتنا يعرفون بعض واهلنا يعرفون اهلهم والامور طيبه :victory:



وخاصه فريجنا كلنا من نفس العايله يعني الامور عال العال :nice:

[زبرجد]

اتوقع بستجيب و حسب العمر طبعا

بس الواقع اني كنت صديق والدي رحمه الله عليه (فيه ثقه) و كنت تقريبا فتره الصيف كلها ابات برى عند بيت صديق و جار ،، كانو هله طول الصيف مسافرين و احنا الشباب (في سن مراهقه) ننام مع بعض .
الاهل يعرفون بعض و الاباء ربع بعد .. رحمه الله عليهم جميعا .




انشديني ان السهر هو الي يجيب المشاكل ،، لان الولد النظيف اذا سهر برى (على غير عادة اهله بالسماح له) بيلتقي مع عيال صيع
عيال صيع = اكشن و وناسه
اكشن و وناسه = اما شر و مشاكل اما فساد اخلاقي

حتى لو ما إحتك فيهم ممكن هم يتعرضون له .

[غير البشر]

الحين أحس الأمهات وايد يخافون على عيالهم وما ودهم إنه عيالهم يتعرضون لأي أذى

يعني قبل الأمهات قلوبهم أقوى لكن صارت مشاكل لعيالهم لأنه أهملوهم

ولأنا إحنا جفنا شلون الإهمال وشلون السهر كانت له عواقب سلبية فنحاول نتجنب أخطاء الجيل السابق .



زبرجد الحين اليهال في الحوش مانخليهم حفي ( بدون جوتي وانتي بكرامه )
وقبل كنا نروح ورى الفريج نحبل ( نصيد طيور ) حفي وحالتنا حاله

وقيسي على ذلك اشياء كثيره

[Super Cool]

فيما يتعلق بالمراهقين أهم عقبة هي الثقة بالنفس و إذا ما ذكرنا أن التعامل بالأخذ و العطاء يجب
عندها الوقوف عند محاولة إهداء المراهق منافذ "ليثبت لك" أنه أهل للثقة فالمقابل يتحمل تبعات
إسائته للثقة التي منحت له

مثلاً...طالما خرج مع شخص نثق به و معروف لدينا طبيعة النشاط و مكان تواجده و طريقة للإتصال
يتوجب إثبات أننا نثق به و نعطيه مجال من إتخاذ القرار و نراقب عن بعد...و إذا بدر منه ما يخالف
الثقة نقلل مقدار الحرية و نرفع سقف الحدود...ندرب المراهق على "إكتساب" الثقة أولاً و "المحافظة"
عليها ثانياً لأن الصدام في موضوع الثقة يهز العلاقة مع الأبناء بشكل كبير و الشك لا يجب أن يكون مورث
قبل وجود أي مسبب له...الثقة تكتسب تدريجياً لكنها لا تؤخذ بدون سبب

يطرى علي الوالد الله يذكره بالخير سوى معاي شي من حوالي 20 سنة غير حياتي للأبد...يوم كان عمري
17 و شوي قريب الـ 18 توظفت و جيت بشتري سيارة...قال لي أنا بوصلك وين ما تبي و بقعد معاك ساكت
إنت اختار الوكالة و إنت فاوض و إنت وقع و اذا شفتك توهقت بتدخل غير جذي آنا ساكت...و فعلاً اخترت و
خلصت و شريت وهو ساكت...و كان هذا آآآآآآآخر ريال استلمه من أبوي لين يومك...صرت حريص على كسبي
و أعرف أدير اموري المالية بسبب موقف واحد!!!

[qatara]

أشكرج أم محمد .. الناس وايد تبالغ ضد بنات البلد .. والله إنه فيهم الخير ومتمسكين بالدين .. وكل بلد فيه مقبرة على ما يقولون ... لكن بشكل عام بناتنا ما يشكلون ظاهرة في الإنحراف ولله الحمد .

يا اختي لما ننتقد ننتقد من خربوسمعة اهل هذا البلد
وعادات اهلها سوا قطريه او مستقطره او اجنبيه ووو
وكذالك بعض الشباب قليلين الحيا الذين لا
يفتخر اي اب ان يكونو ابناء له
ونتمنى لهم الصلاح جميعا

اما النساء والبنات الاجوديات المستورات
والمحتشمات فقدرهن على العين والراس

لعل وضحت عندج الصوره

[زبرجد]

زبرجد الحين الهيال في الحوش مانخليهم حفي ( بدون جوتي وانتي بكرامه )
وقبل كنا نروح ورى الفريج نحبل ( نصيد طيور ) حفي وحالتنا حاله

وقيسي على ذلك اشياء كثيره

هذا إللي أقولك عنه .. بس كنا نعاني من هالشي يعني تخيل كنا نمشي حفي على الشمس شالله حادنا :(؟

الياهل ولا المراهق يحب حد يحتويه ويظلل عليه .. والله أذكر ولدي وهو صغير يجوف ولد من هلنا كله عند الخدامة يقولي يما إنتِ كنتي تخليني عند الخدامة يعني يبي يتطمن على وقت هو ما وعى عليه وأنا كنت أقوله ما عمري خليتك عند خدامة يا عند أمي أو عند خواتي .

اذا إحنا بنمنعهم من السهر من حبنا لهم وخوفنا عليهم مب مجرد سيطرة وتحكم فيهم .

[العلياا]

ودي أعلق على نقطة معينه لكن ادري انها بتغير مسار الموضوع :)


بالنسبة للي اشوفه ابوي ما قدر على اخواني خلاهم على كيفهم يسهرون للفجر واحين كل واحد ملتزم ببيته وعياله ولا اختربوا
جزاج الله ألف خير على هالموضوع الطيب

[عاشق العديد]

الله يطول بعمر ابوي ..

حتى وانا عمري 35 .. ساعه تسع يتصلي هايبه وينك بتجي ولا اقفل الباب تشقح من الدريشه ههههههههه نغزه ارجع ..


والله ياختي انا ما اؤيد خروجهم الا مع شخص كبير وحدهم لين 10 او 9 ..

[qatara]

الله يطول بعمر ابوي ..

حتى وانا عمري 35 .. ساعه تسع يتصلي هايبه وينك بتجي ولا اقفل الباب تشقح من الدريشه ههههههههه نغزه ارجع ..


والله ياختي انا ما اؤيد خروجهم الا مع شخص كبير وحدهم لين 10 او 9 ..

اي ويقولون لك الاباء والاباء لا يهتمون
ولا يدرون عن بيوت تفخيم وتضخيم لدورالمراه
الا من ظلمت
حرب اعلاميه مبالغ فيها جدا جدا على الرجل

الله ينتقم من المغرضين

[دااانة قطر]

السلام عليكم ورحمة الله وبركاته
موضوعي يدور حول النقاط الآتية :
وعليكم السلااام ورحمة الله وبركاااته
هلااا بج وبموااضيعج الطيبه



هل تسمح لأبناءك أو أخوتك الذكور بالسهر خارج المنزل ؟
حدهم بيت جدتهم مرة بالسنة

هل تسمح لهم بالمبيت خارج المنزل مع أصدقائه ؟
طبعا لا

وما هي أقصى فترة مسموح بها للسهر ؟
حدهم 9 بدون منااسبة اذا كاانت زياارة واذا حفلة حدهم 10-10.30

ألا ترون أن السهر يؤثر على صحتهم .. وبالسهر تفوت عليهم صلاة الفجر ؟
السهر خاارج البيت بدوني ممنوع
وفي البيت احااول اني ماخليهم يسهرون لان الجدول بنعفس ويتلخبط
وانا ماعرف انااام وهم صااحيين


همسة .
الموضوع لا يحتمل الخروج عن الموضوع يعني كلمة ورد غطاها والموضوع خاص بالشباب في سن المراهقة ولا يشمل الفتيااات ..!
ماعندي اولاااد الله يحفظ بنااتي واسمحي لي على الرد

بالنسبة لي كنت اسهر عند وحدة من صديقااتي لأن ربينا معااهم وامها صديقة أمي والعلااقة قوية بيننا
وكنت اباات عندهم لقبل الزوااج وهي نفس الشي وكاانوا اخوانا صغاار وقتها
بس جد الزمن تغير ومقدر اتخيل بنااتي يبااتون برا البيت





انشديني ان السهر هو الي يجيب المشاكل ،، لان الولد النظيف اذا سهر برى (على غير عادة اهله بالسماح له) بيلتقي مع عيال صيع
عيال صيع = اكشن و وناسه
اكشن و وناسه = اما شر و مشاكل اما فساد اخلاقي

صدقت

[عاشق العديد]

اي ويقولون لك الاباء والاباء
حرب اعلاميه على الرجل

الله ينتقم من المغرضين

مافي حرب اعلاميه ..
ولا غيره ..

الي انا اقوله انه الام تشد والاب يهد .. وهذا راي .. وانت لك راي وغيرنا له راي ..

[زبرجد]

فيما يتعلق بالمراهقين أهم عقبة هي الثقة بالنفس و إذا ما ذكرنا أن التعامل بالأخذ و العطاء يجب
عندها الوقوف عند محاولة إهداء المراهق منافذ "ليثبت لك" أنه أهل للثقة فالمقابل يتحمل تبعات
إسائته للثقة التي منحت له

مثلاً...طالما خرج مع شخص نثق به و معروف لدينا طبيعة النشاط و مكان تواجده و طريقة للإتصال
يتوجب إثبات أننا نثق به و نعطيه مجال من إتخاذ القرار و نراقب عن بعد...و إذا بدر منه ما يخالف
الثقة نقلل مقدار الحرية و نرفع سقف الحدود...ندرب المراهق على "إكتساب" الثقة أولاً و "المحافظة"
عليها ثانياً لأن الصدام في موضوع الثقة يهز العلاقة مع الأبناء بشكل كبير و الشك لا يجب أن يكون مورث
قبل وجود أي مسبب له...الثقة تكتسب تدريجياً لكنها لا تؤخذ بدون سبب

يطرى علي الوالد الله يذكره بالخير سوى معاي شي من حوالي 20 سنة غير حياتي للأبد...يوم كان عمري
17 و شوي قريب الـ 18 توظفت و جيت بشتري سيارة...قال لي أنا بوصلك وين ما تبي و بقعد معاك ساكت
إنت اختار الوكالة و إنت فاوض و إنت وقع و اذا شفتك توهقت بتدخل غير جذي آنا ساكت...و فعلاً اخترت و
خلصت و شريت وهو ساكت...و كان هذا آآآآآآآخر ريال استلمه من أبوي لين يومك...صرت حريص على كسبي
و أعرف أدير اموري المالية بسبب موقف واحد!!!

الله يخلي لكم الوالد ويطول بعمره .
الثقة عندما تمنحها لعيالنا نختصر مشاوير كثيرة
لكن وين الثقة في عيال إبليس إللي ودهم الكل يخترب مثلهم .

[عاشق العديد]

هذا رايك لاكن الواقع ملموس

عطني الواقع الملموسسس .؟

[زبرجد]

يا اختي لما ننتقد ننتقد من خربوسمعة اهل هذا البلد
وعادات اهلها سوا قطريه او مستقطره او اجنبيه ووو
وكذالك بعض الشباب قليلين الحيا الذين لا
يفتخر اي اب ان يكونو ابناء له
ونتمنى لهم الصلاح جميعا

اما النساء والبنات الاجوديات المستورات
والمحتشمات فقدرهن على العين والراس

لعل وضحت عندج الصوره

نعم ولكن إللي تقول عنهم مب ما تشكل ظاهرة وأكيد محد يسمح لبناته بالسهر لوقت متأخر وحتى في أمهات ما يرضون بناتهم يسهرون وهم في البيت فما بالك لو خارجه .

[qatara]

عطني الواقع الملموسسس .؟

تمكين المرااه ونسب الطلاق
والحضانه للمراه واعتبارها شريكه وليست تابعه
شرعا وعرفا للزوج والاعلام والتطبيل والمبالغه في
دورها كمنافس للرجل بالعمل خارج البيت وانها اشطر وووو
واضهار الرجل بانهم مقصرين في بيوتهم وفيهم وفيهم
ماذا تسميه ؟

[زبرجد]

لي رجعة إن شاء الله للموضوع فيما بعد .

[غير البشر]

لي رجعة إن شاء الله للموضوع فيما بعد .



متى الساعه كم تقريبا او بالضبط هههههههههههههههههه

[زبرجد]

ودي أعلق على نقطة معينه لكن ادري انها بتغير مسار الموضوع :)


بالنسبة للي اشوفه ابوي ما قدر على اخواني خلاهم على كيفهم يسهرون للفجر واحين كل واحد ملتزم ببيته وعياله ولا اختربوا
جزاج الله ألف خير على هالموضوع الطيب

لأنه التربية الصحيحة هي إللي حمتهم بإذن الله . بس لو وتخلص من القلق والخوف إحنا بخير.

[زبرجد]

الله يطول بعمر ابوي ..

حتى وانا عمري 35 .. ساعه تسع يتصلي هايبه وينك بتجي ولا اقفل الباب تشقح من الدريشه ههههههههه نغزه ارجع ..


والله ياختي انا ما اؤيد خروجهم الا مع شخص كبير وحدهم لين 10 او 9 ..

يا زين الأسلوب السنع ههههههه
بحاول أتبع طريقة التحوير لأنه الكلام المباشر يضايق الطرف الثاني .
الله يخليلكم الوالد يارب .

[حسن]

انا ضد السهر بكل الاحوال
للكبير والصغير

يهد الحيل

والله جعل الليل سباتا والنهار معاشا

ولكن

لاسف اني اشوف عيال الكثير من هذا الوقت

يسهرون برع ويهتون في الشوارع
وماغير البلاوي

اللي تسمعها

الزم مجلسك مجلس اهلك جماعتك ربعك
واتركو السهر

حافظو على عاده المجالس اللي دثرت بشكل كبير

اشكرك اخت زبرجد على هذا الموضوع المفيد والهام

[زبرجد]

السلام عليكم ورحمة الله وبركاته
موضوعي يدور حول النقاط الآتية :
وعليكم السلااام ورحمة الله وبركاااته
هلااا بج وبموااضيعج الطيبه



هل تسمح لأبناءك أو أخوتك الذكور بالسهر خارج المنزل ؟
حدهم بيت جدتهم مرة بالسنة

هل تسمح لهم بالمبيت خارج المنزل مع أصدقائه ؟
طبعا لا

وما هي أقصى فترة مسموح بها للسهر ؟
حدهم 9 بدون منااسبة اذا كاانت زياارة واذا حفلة حدهم 10-10.30

ألا ترون أن السهر يؤثر على صحتهم .. وبالسهر تفوت عليهم صلاة الفجر ؟
السهر خاارج البيت بدوني ممنوع
وفي البيت احااول اني ماخليهم يسهرون لان الجدول بنعفس ويتلخبط
وانا ماعرف انااام وهم صااحيين


همسة .
الموضوع لا يحتمل الخروج عن الموضوع يعني كلمة ورد غطاها والموضوع خاص بالشباب في سن المراهقة ولا يشمل الفتيااات ..!
ماعندي اولاااد الله يحفظ بنااتي واسمحي لي على الرد

بالنسبة لي كنت اسهر عند وحدة من صديقااتي لأن ربينا معااهم وامها صديقة أمي والعلااقة قوية بيننا
وكنت اباات عندهم لقبل الزوااج وهي نفس الشي وكاانوا اخوانا صغاار وقتها
بس جد الزمن تغير ومقدر اتخيل بنااتي يبااتون برا البيت




صدقت


الله يخلي لج بناتج ..
والله صدقتي مستحيل أنام وولدي مب في البيت .

وأنا دايماً أقول الشخص المتربي ما يرافق إلا إللي مثله والعكس صحيح وهذا يطمنا على عيالنا .

[زبرجد]

متى الساعه كم تقريبا او بالضبط هههههههههههههههههه

هههههههه لين شوي يجرج :)

[زبرجد]

انا ضد السهر بكل الاحوال
للكبير والصغير

يهد الحيل

والله جعل الليل سباتا والنهار معاشا

ولكن

لاسف اني اشوف عيال الكثير من هذا الوقت

يسهرون برع ويهتون في الشوارع
وماغير البلاوي

اللي تسمعها

الزم مجلسك مجلس اهلك جماعتك ربعك
واتركو السهر

حافظو على عاده المجالس اللي دثرت بشكل كبير

اشكرك اخت زبرجد على هذا الموضوع المفيد والهام

هلا النوخذة .

صدقت و في ناس تبني مجالس في بيوتها عن الهياتة
والله أسلم لهم من الشوارع والدوارة في الشوارع ما فيها أي متعة وبالذات إذا كل يوم .

[الحياة الخالدة]

الله يعينج يا زبرجد .. مع إنج حددتي نقاط النقاش .. لكن اللي في راسه فكرة وحدة مسيطرة عليه ما يبي يستوعب

[عاشق العديد]

يا زين الأسلوب السنع ههههههه
بحاول أتبع طريقة التحوير لأنه الكلام المباشر يضايق الطرف الثاني .
الله يخليلكم الوالد يارب .

ويخلي لج عيالج يـارب ..

لكن هذاك اول الحين ياختي نتمنى احديتصل علينا يقول ها وينكم بترجعون ولا عادكم برع ..
الحين مالك الا مجلسك ..
اقعد في مجلسك وربعك عندك .. سوالف وضحك ومزوح ومناقشات وتونس .. وكل واحد يمشي بيته يرقد ..
انا اشجع المجلس وخاصتن الشباب الي بعمر الزهور يتمنون مجلس .. يضمهم ويضم ربعهم وعيال عمهم .. بيقعدون فالمجلس وبينسون موضوع الطلعه ..

[زبرجد]

ويخلي لج عيالج يـارب ..

لكن هذاك اول الحين ياختي نتمنى احديتصل علينا يقول ها وينكم بترجعون ولا عادكم برع ..
الحين مالك الا مجلسك ..
اقعد في مجلسك وربعك عندك .. سوالف وضحك ومزوح ومناقشات وتونس .. وكل واحد يمشي بيته يرقد ..
انا اشجع المجلس وخاصتن الشباب الي بعمر الزهور يتمنون مجلس .. يضمهم ويضم ربعهم وعيال عمهم .. بيقعدون فالمجلس وبينسون موضوع الطلعه ..

ما عاد يسئلون تمكنوا منكم ووثقوا فيكم .

أذكر واحد من الأهل أبوه فتح له مجلس حتى يحميه من الشوارع ومجالس عن مجالس تفرق يعني فيه إللي يدخن وإللي يعربد وفيه مجالس محترمة يعني على حسب الربع .

[عاشق العديد]

ما عاد يسئلون تمكنوا منكم ووثقوا فيكم .

أذكر واحد من الأهل أبوه فتح له مجلس حتى يحميه من الشوارع ومجالس عن مجالس تفرق يعني فيه إللي يدخن وإللي يعربد وفيه مجالس محترمة يعني على حسب الربع .

والله شوفي ياختي موضوع الي يدخن وموضوع الي يعربد ..
هذا شي لازم في كل مجلس .. كل واحد وله حياته الشخصيه ..
واكيد انتي لما تفتحين مجلس لعيالج اكيد انه هم كبار .. والي مقتنع فشي انه غلط غلط ماراح يسويه ولكن الي مب مقتنع بيسويه ياختي سواء فالمجلس او برع او اف اي مكان ..
ويدخن ويعربد عندي فمكاني ولا يعربد فشوارع ويسويلي مشاكل ..

[زبرجد]

والله شوفي ياختي موضوع الي يدخن وموضوع الي يعربد ..
هذا شي لازم في كل مجلس .. كل واحد وله حياته الشخصيه ..
واكيد انتي لما تفتحين مجلس لعيالج اكيد انه هم كبار .. والي مقتنع فشي انه غلط غلط ماراح يسويه ولكن الي مب مقتنع بيسويه ياختي سواء فالمجلس او برع او اف اي مكان ..
ويدخن ويعربد عندي فمكاني ولا يعربد فشوارع ويسويلي مشاكل ..

هذا هو
المجلس ما راح يحميه لكن التربية والتوجيه الصحيح من عقب الله هو إللي بيحميه.

[عاشق العديد]

هذا هو
المجلس ما راح يحميه لكن التربية والتوجيه الصحيح من عقب الله هو إللي بيحميه.

لكن المجلس بيحميه وبيعلمه وبيدرسه ..
انتي ماتعرفين لمن تفتحين مجلس من بيمر عليج ..
انا الحمد لله مجلسي وجيراني كل يوم بعد المغرب يمرون علي يعطونا نصايح ويحثونا على الخير ويمشون ..
وهاذي العاده اتوقع منتشره بكل منطقه ..
الي ابي اوصله انه المجلس يربي ويعلم ويثقف

[بوخالد911]

هل تسمح لأبناءك أو أخوتك الذكور بالسهر خارج المنزل ؟
نعم ولكن بحدود



هل تسمح لهم بالمبيت خارج المنزل مع أصدقائه ؟
لا

وما هي أقصى فترة مسموح بها للسهر ؟
11م
ألا ترون أن السهر يؤثر على صحتهم .. وبالسهر تفوت عليهم صلاة الفجر ؟

السهر يؤثر سلبا ويتكاسلون عن الصلاة

[زبرجد]

لكن المجلس بيحميه وبيعلمه وبيدرسه ..
انتي ماتعرفين لمن تفتحين مجلس من بيمر عليج ..
انا الحمد لله مجلسي وجيراني كل يوم بعد المغرب يمرون علي يعطونا نصايح ويحثونا على الخير ويمشون ..
وهاذي العاده اتوقع منتشره بكل منطقه ..
الي ابي اوصله انه المجلس يربي ويعلم ويثقف

كلامك يأكد هالنقطة المجلس يحمي بجانب التربية والتوجيه ..

[ضوى]

لكن المجلس بيحميه وبيعلمه وبيدرسه ..
انتي ماتعرفين لمن تفتحين مجلس من بيمر عليج ..
انا الحمد لله مجلسي وجيراني كل يوم بعد المغرب يمرون علي يعطونا نصايح ويحثونا على الخير ويمشون ..
وهاذي العاده اتوقع منتشره بكل منطقه ..
الي ابي اوصله انه المجلس يربي ويعلم ويثقف

اتفق معاك ، نفسياً ارتحت لما فتحت لهم ميلس اطمئنان انهم جدام عيوني واطمئنان من ربعهم اللي يمرون عليهم وكلهم من اهل الفريج واحيانا ربع ابوهم يسلمون وينصحون ويناقشون بصراحة شي حلو جدا جدا ، وبين فترةوفترة ابوهم يدش عليهم يقعد يسولف معهم يتقهوى معاهم يتابعهم وهم يلعبون صج الميلس يعلم ، بس بعد تظهر مشاكل من بعض الربع اللي متعودين عالتدخين ، بس بكل أمانة محترمين الميلس وقوانينه مايدخنون الا برع ،

مع العلم كل الفريج فيه ميالس بس سبحان الله ميلسنا اللي يحبون يتجمعون فيه وهذي نعمة ورحمة من ربي لنا انا وباوهم

[عاشق العديد]

اتفق معاك ، نفسياً ارتحت لما فتحت لهم ميلس اطمئنان انهم جدام عيوني واطمئنان من ربعهم اللي يمرون عليهم وكلهم من اهل الفريج واحيانا ربع ابوهم يسلمون وينصحون ويناقشون بصراحة شي حلو جدا جدا ، وبين فترةوفترة ابوهم يدش عليهم يقعد يسولف معهم يتقهوى معاهم يتابعهم وهم يلعبون صج الميلس يعلم ، بس بعد تظهر مشاكل من بعض الربع اللي متعودين عالتدخين ، بس بكل أمانة محترمين الميلس وقوانينه مايدخنون الا برع ،

مع العلم كل الفريج فيه ميالس بس سبحان الله ميلسنا اللي يحبون يتجمعون فيه وهذي نعمة ورحمة من ربي لنا انا وباوهم

الله يحفظهم ياختي ضوى ..
الواحد وش يبي غير راحت باله ..
اانا استغرب من بعض الناس يقطون فلوسهم في كل مكان ولكن تعبانين يسون لهم بيت شعر او مجلس صغير لعيالهم يلمونهم فيه ..

المجلس نعمه والله العظيم ..
انه كل واحد قابض مكانه .. وقهوه وحليب زنجبيل .. وسوالف ..
وهذا يمر وهذا يروح في حركه فاليوم .. ابرك من اروح اتفرفر في موتري في مكان ..

[النهار]

متابع

[عاشق العديد]

متابع

.. جي هو ..
اجاجا جندي شامي يعني كيتلي يعني زيباربالي تيلالي جي هو ..

[زبرجد]

هل تسمح لأبناءك أو أخوتك الذكور بالسهر خارج المنزل ؟
نعم ولكن بحدود



هل تسمح لهم بالمبيت خارج المنزل مع أصدقائه ؟
لا

وما هي أقصى فترة مسموح بها للسهر ؟
11م
ألا ترون أن السهر يؤثر على صحتهم .. وبالسهر تفوت عليهم صلاة الفجر ؟

السهر يؤثر سلبا ويتكاسلون عن الصلاة

الله يعطيك العافية بوخالد
وأنا لاحظت إنه المزاج والنفسية تتعب من السهر وقل النوم
وإلسهر ما منه أي فايدة كفاية تقوم حق الصلاة وإنت ما تدري شتقول فيها ولا كم صليت .

[زبرجد]

اتفق معاك ، نفسياً ارتحت لما فتحت لهم ميلس اطمئنان انهم جدام عيوني واطمئنان من ربعهم اللي يمرون عليهم وكلهم من اهل الفريج واحيانا ربع ابوهم يسلمون وينصحون ويناقشون بصراحة شي حلو جدا جدا ، وبين فترةوفترة ابوهم يدش عليهم يقعد يسولف معهم يتقهوى معاهم يتابعهم وهم يلعبون صج الميلس يعلم ، بس بعد تظهر مشاكل من بعض الربع اللي متعودين عالتدخين ، بس بكل أمانة محترمين الميلس وقوانينه مايدخنون الا برع ،

مع العلم كل الفريج فيه ميالس بس سبحان الله ميلسنا اللي يحبون يتجمعون فيه وهذي نعمة ورحمة من ربي لنا انا وباوهم

الله يجعله عامر بالصالحين يارب .

[زبرجد]

متابع

هلا النهار
تابع وفالك كرك وبقصم :)

[زبرجد]

.. جي هو ..
اجاجا جندي شامي يعني كيتلي يعني زيباربالي تيلالي جي هو ..

بُك شنهي هذي أي لغة :eek5:

[Ashom Qatar]

نتضايق لان هم مسؤليتنا وبرقبتنا وما راح نتحمل لو صار لهم شي شايد الضرر كله بيرد علينا غير صحبة السوء اللي تجر لاماكن السوء وتخرب عيالنا بسهولة لذلك لا تلوموا كل اب على عصبيته على عصبيته على عياله

جزاك الله خير

[زبرجد]

نتضايق لان هم مسؤليتنا وبرقبتنا وما راح نتحمل لو صار لهم شي شايد الضرر كله بيرد علينا غير صحبة السوء اللي تجر لاماكن السوء وتخرب عيالنا بسهولة لذلك لا تلوموا كل اب على عصبيته على عصبيته على عياله

جزاك الله خير

صدقت أخوي الله يحفظهم يارب . والله السهر مامنه فايده ما غير يهد حيلنا وحيلهم .

[بريق الحق]

للاسف المجالس فالوقت الحالي القيل والقال والكلام في اعراض الناس او الاهتمام فالمباريات التافهه
افضل ان اكون بيتوتي وماحب السهر يخترب كل شي (:

[Aaziz]

بريق الحق. والله اني داخل بستاذن زبرجد (حاكمة علينا :sneaky: ) بتحوير الموضوع الى اتجاه اخر حل طاريه حسب النقاش.
وهو المجالس الحاليه. بعض او كثير المجالس الحاليه ضررها اكثر من نفعها. يعني ممكن افضل ان عيالي او اخواني الصغار يروحون لمجلس اخر (مجلس احد الاقارب او احد الجيران) يكون فيه كبار سن متواجدين على فترات يتعلمون منهم ادب الحديث وعلوم و سلم الرجال افضل من مجلس في بيتي مافيه رقابه و البساط احمدي صغار السن مايتعلمون هذي الامور بالفطره،
قيل المجالس مدارس ، بعض المجالس حاليا غلط تسمى مجالس ، تسمى نوادي بيكون ادق
سوني و ورقه و صراخ هو معايا ، هذي الاجواء تاثيرها سلبي جدا على الصغار و تترسخ في طباعهم و شخصيتهم حتى اذا كبرو

[بريق الحق]

بريق الحق. والله اني داخل بستاذن زبرجد (حاكمة علينا :sneaky: ) بتحوير الموضوع الى اتجاه اخر حل طاريه حسب النقاش.
وهو المجالس الحاليه. بعض او كثير من المجالس الحاليه ضررها اكثر من نفعها. يعني ممكن افضل ان عيالي او اخواني الصغار يروحون لمجلس اخر افضل من مجلس في بيتي مافيه رقابه و البساط احمدي. اقصد مافيه رقابه من ناحيه امور السنع و الواجب و الاساسيات الي احلت كلمه المجالس مدارس
بعض المجالس حاليا غلط تسمى مجالس ، تسمى نوادي بيكون ادق
المجالس مكان محترم تعلمك العلوم الطيبه وتاخذ العلوم الطيبه اما فالوقت الحالي !!!!!
قمت اكره اروح المجالس لانه اغلبه غيبه وذكر فلان وعلان الله المستعان

[زبرجد]

بريق الحق. والله اني داخل بستاذن زبرجد (حاكمة علينا :sneaky: ) بتحوير الموضوع الى اتجاه اخر حل طاريه حسب النقاش.
وهو المجالس الحاليه. بعض او كثير المجالس الحاليه ضررها اكثر من نفعها. يعني ممكن افضل ان عيالي او اخواني الصغار يروحون لمجلس اخر (مجلس احد الاقارب او احد الجيران) يكون فيه كبار سن متواجدين على فترات يتعلمون منهم ادب الحديث وعلوم و سلم الرجال افضل من مجلس في بيتي مافيه رقابه و البساط احمدي صغار السن مايتعلمون هذي الامور بالفطره،
قيل المجالس مدارس ، بعض المجالس حاليا غلط تسمى مجالس ، تسمى نوادي بيكون ادق
سوني و ورقه و صراخ هو معايا ، هذي الاجواء تاثيرها سلبي جدا على الصغار و تترسخ في طباعهم و شخصيتهم حتى اذا كبرو


هههههه لا أخوي تكلم مثل ما تحب أهم شي ما يكون عن الفتيات والنساء تعقدنا وانا أختك من هالمواضيع أما النقطة اللي ذكرتها بالعكس من ظمن الموضوع .

[زبرجد]

للاسف المجالس فالوقت الحالي القيل والقال والكلام في اعراض الناس او الاهتمام فالمباريات التافهه
افضل ان اكون بيتوتي وماحب السهر يخترب كل شي (:

بس أنا أحس إنك من زمن الطيبين .. :o

المجالس إذا مثل ما وصفت تركها أفضل .

[khalid525]

هلا زبرجد

شوفي المشكله هي ان نظرة الآباء غير نظرة الابناء

الحل انهم يكلمون عيالهم بطريقه سلسه خاليه من الضغط وخاليه من الاوامر خصوصا ان هالمرحله حساسه جدا واصلا راح يعاندون ويمشون اللي ف راسهم

خلهم يجربون

ويعيشون التجربه

مردهم بيعرفون الصح من الغلط وبيعرفون ان السهر ضار

بس غلط نمنعهم بالقو

وبعدين لو الاعضاء الشباب ارجعوا بذاكرتهم لورا بيتذكرون نفسهم وشنو كان شعورهم وانهم كانوا يبون يسهرون برا البيت

وتذكري كل ممنوع مرغوب ..

فليش نولد فيهم ضغط نفسي

صحيح الام تحاتي وتقعد على اعصابها بس ما باليد حيله

مافي غير الدعوه الطيبه ان الله يحفظهم ويهديهم

وممكن تطرشينله رابط يتكلم عن اضرار السهر بس بطريقه غير مباشره

ان بي سي للسته كلها هههه واصلا الكلام لج ياجاره

كلام سليم