مشكلة تطبيق (خدماتي) المجلس الاعلى للتعليم

[نتفـه]

السلام عليكم

لاحظت ان تطبيق (خدماتي) على هواتف السامسونج والايفون ما يشتغل صار لها فتره يمكن من بداية هالشهر !! وللي ما يعرف شنو هالتطبيق هو للاطلاع على تفاصيل الراتب والاجازات والتقييم والسلفيات لموظفي المجلس الاعلى للتعليم !!! كان وايد اوكي ومفيد شنو المشكله ؟! حد عنده فكره اذا في خلل واذا يتم تعديل المشكله او لا ؟ وفي هالحاله نتواصل مع من علشان يعدلونه ؟؟

وجزاكم الله خير ..

[شيخ الديرة]

يوجد خدماتي 2 أقترح تنصيب النسخة الجديدة

[نتفـه]

النسخه الجديده مب شغاله !! خدماتي 2 ..

[شيخ الديرة]

عندي مشتغلة على الجالاكسي

[نتفـه]

غريبه انا احاول يكتب لي خطأ ف اليوزر والباسورد؟؟؟؟ مع انه نفس التعليم الالكتروني ؟

[طلعة الروح]

غريبة انتوا شغالين في المجلس وما عندكم ارقام ادارة الموارد البشرية ..؟

[نتفـه]

غريبه يوم كتبت الموضوع اشتغل !!!!!!!!!!!!!!!!!!!!!!!!!!!!!!!!!!!!!!!

[نتفـه]

للاسف ما عندنا ارقامهم بس المحاسبه !

[^NoOOoR^]

احنا ممنوع نكلم او ندخل على المحاسب الا بعد أن نراجع الإدارة في المشكلة اللي عندنا في الراتب إن كان مخصوم بدون سبب
نزلوا عندنا تعميم بالمنع :)

[مدرسة]

مساء الخير ، التطبيق شغال و لكن في مثل هالوقت من كل شهر يوقف تماماً الى حين نزول الرواتب
مع تاريخ 27 تقريبا يكون اشتغل تمام . هذا اولا

ثانيا : من حق الموظفة عرض تساؤلاتها بخصوص الراتب على الشخص المختص و هو المحاسب
مافي قانون يمنع هالشي

دمتم لله أقرب

[khalid525]

احمدوا ربكم ان وزارة التربية نزلت تطبيق ، ليش هالدلع يعني تبون تطبيق ويشتغل مرة وحدة ،
شوي شوي على التربية الحين تطبيق وعقب كم سنه بيشغلونه ، دايما مستعجلين

[همسه]

اختي ارسلي التعميم ايميل للوزير و اكثر من مره لين يقراه

اذا مانفع ارسلي نسخه منه لمجلس الوزارء مافيه قانون يمنع الموظف يسأل و يستفسر عن راتبه و اسباب الخصم

لاحد يقول تكبرين السالفه اصلا هذا اللي قوا بعض المسؤليين و المدراء على الموظفين و شجعهم على الظلم ان دايم سلبيين و ساكتين شمنه خايفين

:)

[دانة الطواش]

السلام عليكم بالنسبة للتطبيق شغال أما بالنسبة لموضوع المحاسب نعم في أصحاب تراخيص ومديرات يرفضون مقابلتنا للمحاسب وإذا في الراتب شئ نتصل بقسم المحاسبة على طول وجزاهم الله خير مايقصر ون أما سالفة سكوت المدرسات أنا معاج يا همسه في مدرسات لونقص راتبها ماتسأل ليش بس تقول الله بيحاسبهم/ والنعم بالله بيحاسبهم في الأخره على كل شئ بس انت بعد راح يحاسبج على اهمالج وتهاونج في أخذ حقج .

[المعنى88]

احمدوا ربكم ان وزارة التربية نزلت تطبيق ، ليش هالدلع يعني تبون تطبيق ويشتغل مرة وحدة ،
شوي شوي على التربية الحين تطبيق وعقب كم سنه بيشغلونه ، دايما مستعجلين

حظي .......... اسمه المجلس الاعلى للتعليم ...... ماعاد وزارة ؟ .... التطبيق شغال من فترة لكن عند البعض توهم راجعين من البند المركزي ماظهر الا هالايام في شهر ابريل
بعدين الموظفين يبون يستفسرون عن حقوقهم وهذا من حقهم ........ ليش كم سنة وبيكون شغال يافهيم ؟ ........... المشكلة العقد اللي من موظفي it من جنسيات ماتعرف الكمبيوتر وتفعيل
الخدمات والأخطاء اللي تصير من عدم معرفتهم ونفكر أنهم مبدعين ...

[نتفـه]

احمدوا ربكم ان وزارة التربية نزلت تطبيق ، ليش هالدلع يعني تبون تطبيق ويشتغل مرة وحدة ،
شوي شوي على التربية الحين تطبيق وعقب كم سنه بيشغلونه ، دايما مستعجلين

ياخوي التطبيق يشتغل من فتره طويله ووقف هالفتره من بداية شهر 4 تقريبا .. وهاي اول مره يوقف فتره 3 اسابيع تقريبا وكنت اتسآئل بس :) .. وليش شوي شوي عليهم وهم مطلعين عيوننا !!! قول لهم شوي شوي على المدرسين ^_^

[نتفـه]

مساء الخير ، التطبيق شغال و لكن في مثل هالوقت من كل شهر يوقف تماماً الى حين نزول الرواتب
مع تاريخ 27 تقريبا يكون اشتغل تمام . هذا اولا

ثانيا : من حق الموظفة عرض تساؤلاتها بخصوص الراتب على الشخص المختص و هو المحاسب
مافي قانون يمنع هالشي

دمتم لله أقرب
لا كان يشتغل من اول ما فعلوه على التلفون بدون انقطاع .. كنت ادخل بشكل دوري سواء اول ، نص او اخر الشهر دوم شغال :)
ويوم صارت المشكله ما نزلت الموضوع الا يوم طالت مدة الخلل ..

[kitmat]

اي صح هاذا الشهر ماكان يشتغل بس انا اليوم فتح لي