الترقية والدرجة الاستثنائية

[محمد2]

ليش الموظف القطري المتقاعد ما يستحق الدرجة الاستثنائية. للعلم ان هذة الدرجة فالسابق والحين مخصص للعساكر. وكانوا يترفعون قبل التقاعد.
والحين الدرجة الاستثنائية صارت حتى من حق الموظف المدني.
ف ليه ما تمنح هالدرجة للأخوة المتقاعدين نظير تقديم خدماتهم فالدولة وهي مرة فالعمر. اسوة باخوانا الذين هم على راس عملهم حتى الان.
علما بأن الكثير من المتقاعدين الذين عملوا اكثر من 25 سنه.
فأتمنى ان يصدر قانون بمكافأة هالفئة من الناس

[طلعة الروح]

حط في بالك شغله : قليليون جدا اللي يحبون الخير للمواطنين ويدورون مصلحة البلاد والعباد في اصدار القوانين اللي تأمن مستقبلهم وايجاد ما هو الافضل لهم.

هناك امور كثيره غايبه عن الساحه ونتساءل عن عدم تفعيلها لحد هذه اللحظه، اللي أبي اقوله صحيح في قوانين ع الورق وهي موجوده لخدمة المواطن ولكنها غير مفعله.

والتفعيل له ناسه اللي تعنيهم فعلا البلد وأهلها.

مشكلتنا تتلخص في الحسد وكره الخير للآخر.

[بوخالد911]

هلا

الاستثنائية تخص الموظف والذي ما زال على رأس عمله
وليس الذي جالساً ببيته

[محمد2]

ليش يعني اللي يشتغل يعني ذابح نفسة فالشغل. عيل هالزحمة اللي فالشوارع اش منه. اما شردات من الشغل او الاحازات المرضية والله مكثر العيادات والمستشفيات الخاصة في هالبلد.ادفع 300 او 400ريال قيمة الكشف واطلب اجازة يومين وثلاثة ايام
ارجوك خلني ساكت احسن.

[moonبنتnight]

ممكن تصير أذا تم ألغاء تقييم الاداء السنوي وتم تثبيتها بعلاوة ثابته بترفع الموظف من غير رجوع إلى موافقة المسؤول ..
لكن نص القانون أجبر من يأخذها أن تكون تقييم ممتاز آخرى سنتين فمن المستحيل يترقى إذا لم يجد له تقييم ..

[قطريه22]

مايصير ياخوي المتقاعد يترقي وهو قاعد في بيته ويتساوى بالشخص الي يشتغل ويتعب
قول يزيدون المتقاعدين ويعدلون القانون لهم مب ترقيه وهم متقاعدين

[العربية نت]

الاستثنائية ما حصلها الي على راس عمله وتنطبق عليه الشروط الي ذكرها القانون :)

[Right]

هذه هي المعادلة:

فيه واسطة فيه درجة إستثنائية بل درجات !!

[محمد2]

والله ناس حصلوها وهم في بيوتهم.
ناس خذوها وهم برع الديرة.
ناس خذتها وهم باللف والدوران مع مسؤولينهم.
يعني الواو لعب لعبته.
عيل موظف او موظفة (جامعي خبرة 10 سنوات وعالثانية. وين صارت واستوت)
وحنا نكرف وكل 5 سنوات درجة وبعد 25سنة خدمه عالرابعة او الثالثة
والله ان الواو لاعب لعبته في هالبلد وعلشان جذي ما نتقدم

[سوبر]

على طارئ الدرجة الاستثنائية ممكن حد يفيدني الله يجزاكم خير انا كل الشروط الخاصة بالاستثائية متوفره عندي بس اخاف اقدم عليها ويعطوني اياها وانحرم من ترقيتي العاديه اللي استحقها في شهر 12 هالسنه ان شاء الله واخاف في نفس الوقت اذا ماقدمت عليها الحين ماقدر اخذها عقب لاني مب ضامن تقييمي اذا بيكون ممتاز والا جيد ارجوا من اللي عنده فكره او نصيحة لايبخل علي وجزاه الله خير

[ANONYMOUS]

توني كنت بقترح .. ليش ماياخذ الترقيه الشخص المتوفي.. اذا راتبه ينصرف للورثه

بس لقيت معارضه شديده من بعض الاخوه .. للأحياء .. فمابالك تطلبها للمتوفين

[kitmat]

سبحان الله والله اني جبت لابتوبي علشان اكتب في نفس الموضوع ولقيت موضوعك قلت خل احط همي اهنيه اولا انا اشوف المتقاعد يستحق انه ياخذ الدرجة الاستثناية الا اهيه مره في العمر
اما انا الحين بالضبط مقدمة من عطلة الربيع على الدرجة الاستثنائية وطبعا انا على راس عملي واعمل في المستقله وصار لي شهرين موافقين علي ولكن لين الحين ماشفت شي وكل ما اتصل يرد علي سكرتير الموارد البشرية ويقولي الموضوع قيد التنفيذ ومر الشهر والحين مر الشهر الثاني اشدعوة المجلس الأعلى مشى الدفعة الاولى وخلى الدفعة الثانية تولي ليش هالتأخير يعني متى بيمشونها اطلعت عيونا بل ليش هالحقد البشري وخصوصا عندنا في المجلس الاعلى

[العربية نت]

على طارئ الدرجة الاستثنائية ممكن حد يفيدني الله يجزاكم خير انا كل الشروط الخاصة بالاستثائية متوفره عندي بس اخاف اقدم عليها ويعطوني اياها وانحرم من ترقيتي العاديه اللي استحقها في شهر 12 هالسنه ان شاء الله واخاف في نفس الوقت اذا ماقدمت عليها الحين ماقدر اخذها عقب لاني مب ضامن تقييمي اذا بيكون ممتاز والا جيد ارجوا من اللي عنده فكره او نصيحة لايبخل علي وجزاه الله خير

السلام عليكم ..

ترقيتك العادية مالها علاقة بالاستثنائية تختلف وتقدر تحصل على الثنتين اذا وافق عليك الوزير
مثلا انت بالدرجة السابعة وآخر سنتين تقييمك ممتاز وملفك مافيه شي من الامور الادارية والانذارات
ورفعت كتاب للوزير وافق عليك تستحق الدرجة فوراً بالاضافة الى الدرجة العادية لكن بشرط تتوفر فيك شروط الترقية وهي 3 او 4 سنوات

نصيحة الشيخ قدم كتاب الاستثنائية لمسئولك باسرع وقت ولا تأخر وتروح عليك لنها بعد تطول وماهو باكيد انك تأخذها حتى لو انطبقت عليط شروط الاستثنائية لان الامر فيه حسد كثير مع قليل من فيتامين واو :eek5:

اتمنى اني افدتك ... :)

[بوخالد911]

على طارئ الدرجة الاستثنائية ممكن حد يفيدني الله يجزاكم خير انا كل الشروط الخاصة بالاستثائية متوفره عندي بس اخاف اقدم عليها ويعطوني اياها وانحرم من ترقيتي العاديه اللي استحقها في شهر 12 هالسنه ان شاء الله واخاف في نفس الوقت اذا ماقدمت عليها الحين ماقدر اخذها عقب لاني مب ضامن تقييمي اذا بيكون ممتاز والا جيد ارجوا من اللي عنده فكره او نصيحة لايبخل علي وجزاه الله خير


هلا
نصيحتي اصبر
خذ الاستحقاقية يعني العادية
وبعدها كمن يوم قدم ع الاستثنائية فوراً

وانا بسوي هالشي بشهر فبراير القادم

[المنسى]

ترى على فكره مب الكل ياخذون الدرجه الاستثنائيه حتى لو سنتين امتياز يحصل فى بعض الوزارات ناس وناس

[سوبر]

السلام عليكم ..

ترقيتك العادية مالها علاقة بالاستثنائية تختلف وتقدر تحصل على الثنتين اذا وافق عليك الوزير
مثلا انت بالدرجة السابعة وآخر سنتين تقييمك ممتاز وملفك مافيه شي من الامور الادارية والانذارات
ورفعت كتاب للوزير وافق عليك تستحق الدرجة فوراً بالاضافة الى الدرجة العادية لكن بشرط تتوفر فيك شروط الترقية وهي 3 او 4 سنوات

نصيحة الشيخ قدم كتاب الاستثنائية لمسئولك باسرع وقت ولا تأخر وتروح عليك لنها بعد تطول وماهو باكيد انك تأخذها حتى لو انطبقت عليط شروط الاستثنائية لان الامر فيه حسد كثير مع قليل من فيتامين واو :eek5:

اتمنى اني افدتك ... :)

يعطيك العافيه اخوي الكريم على النصيحه

[سوبر]

هلا
نصيحتي اصبر
خذ الاستحقاقية يعني العادية
وبعدها كمن يوم قدم ع الاستثنائية فوراً

وانا بسوي هالشي بشهر فبراير القادم
يعطيك العافيه اخوي الكريم على النصيحه والله يكتب اللي فيه الخير

[kitmat]

اشكثر تاخذ الدرجة الاستثنائية من الموارد البشرية بعد الموافقة عليها

[mubarak2]

صباح الخير

الموضوع بقاية الأهميه بس بعض الوزارات مايهمها الموظف المسكين الي ماعنده واسطه
وأما الي عنده واسطه ومعرفه مع الوزير ياخذها في اقل من اسبوعين من تقديم الطلب

أنا مقدم من شهر وشوي وإلى الآن مافيه رد ولا خبر

ماقول الا حسبي الله ونعم الوكيل على الظالم

[kitmat]

وانا الحين صار لها شهرين في الموارد البشرية وسكرتير المدير يرد لين الحين تحت الاجراء اشدعوة اي اجراء ذيه مايسوى علينا وياليل ما اطولك مافي حد يراقبهم المفروض من توقيع الوزير ماتتأخر

[بوخالد911]

وانا الحين صار لها شهرين في الموارد البشرية وسكرتير المدير يرد لين الحين تحت الاجراء اشدعوة اي اجراء ذيه مايسوى علينا وياليل ما اطولك مافي حد يراقبهم المفروض من توقيع الوزير ماتتأخر

كلمة تحت الاجراء ومن شهرين !!!

كلام فاضي وانا لا أتقبله

دش ع المدير
ما نفع

روووح لمكتب الوزير

وابعث ايميل للوزير مباشرة واشرح الوضع

[محمد2]

سبحان الله الكل حاط في فكره انه يستحق الدرجة الاستثنائية.
على وشو يا حسرة. من انتاجيكتم او من التزامكم بالدوام. او من قلة الاجازات او..... او..... الخ.....
لكن تجري الرياح بما لا تشتهي السفن.
(انت تريد وانا اريد والله يفعل ما يريد)
والحمدلله حتى يبلغ الحمد منتهاه.