partyQtr
24-04-2014, 09:58 AM
كتبت الموضوع لاني محتاجه مشورتكم وارائكم ولو مرت عليكم نفس الحاله والله يبعد الشر عن
الجميع ان شاءالله ، عندي اختي عمرها 25 سنه فيها سكر من عمرها 10 سنين وحاليا في اخر
سنتين صادها ضغط عموما هي مب من النوع اللي يحافظ عالابر خصوصا في السنين الاخير
صارت مهمله حتى في اكلها هاللي تسبب لها في الضغط وحتى نظرها صار ضعيف ، وطبعا تعرفون
مواعيد المستشفى ماابالغ بس مواعيدها للسكر تكون كل سنه والسبب مافي مواعيد وهي تتابع في
العياده المسائيه ، في رمضان صادها التهاب في الكلى وترقدت في المستشفى عشان يعادلون لها الاملاح
ومنها حولوها لدكتور كلى عشان تابع معاه مع انه المفروض من البدايه لانها مريضه سكر بس لاحول ولاقوه
ومن يومها وهي مب مترقعه احنا كل ويكند لازم نزور الطواري الضغط عندها يرتفع حزات يوص 200 على 100 وشئ
والسكر يوصل 500 ودكاترة الطواري يقولون كلام والمركز الصحي كلام ودكتورها كلام ومره اخذي هالعلاج ومره
زيدي الجرعه وحاله ، المهم اخر مره في الطواري طلب منها الدكتور لازم تقابل دكتورتها مالت السكر بسرعه وسوى لها
تحويل عشان يتصلون لنا للموعد وهي اوردي المفروض موعدها شهر 5 لما اتصلو لنا قالو لها اقرب موعد بيكون نهايه
شهر 4 المهم قلت لهم خلاص مافي داعي اوردي موعدها مع دكتورتها اللي تابعها بداية خمسه الصدمه قبل موعدها
باسبوع اتصلو عندي وقالولي الدكتورة بتكون مب موجوده في هاليوم والموعد تكنسل واقرب موعد شهر 8 تخيلو
وهي حالتها مستعجله ، كان عندها موعد من كم يوم مع دكتور الكلى وقال لها البوتاسيوم مرتفع وابتعدي
عن الموز والتمر وهالسوالف وعندها فقر دم وعطاها ابر حديد مع انها خذتها من فتره
وماارتفع ردت امس راحت المركز الصحي عشان يجوفون تحاليها وتعرف كم نسبة ارتفاع البوتاسيوم لانه الدكتور ماوضح
لها شئ وحتى قال لها وظائف الكلى مستقره في المركز الصحي الصدمه انه الكيرياتنين مرتفع عندها واليوريا اسيد ونقص
في الدم هالاشياء كلها معناتها وظائف الكلى مب طبيعيه غير انه مخزون السكر في الدم 10 يعني مرتفع وطبعا دكتورة
المركز قالت لها انا مااقدر افيدج ودكتورج هو ادرى ويعرف شيسوي ، والحين طبعا صرنا في حيره وربي يعلم بحالنا
والمواعيد كلها متأخره ومانعرف شنسوي والخوف كله من انه الكلى تتضرر اكثر لاقدر الله والدكتور ماقال لها شئ
والب الاشياء استنتجتها انا من السيرش في جوجل وكلها دلالات على انه الكلى مب طبيعيه ، ياليت اللي لو عندكم
معلومات ماتبخلون علي ومن احسن دكتور للكلى والاشياء الطبيعيه نفس الصمغ والقرفه ممكن تفيدها وشالمطلوب
تسويه مع العلم وزنها يعتبر زايد لانه 82 ، وللاسف مانقدر نعالجها الا في حمد فيدوني يزاكم الله خير
اتمنى يتم الموضوع هني عشان استفيد من الردود لو مكانه غلط لاني ماعرفت في اي قسم انزله
الجميع ان شاءالله ، عندي اختي عمرها 25 سنه فيها سكر من عمرها 10 سنين وحاليا في اخر
سنتين صادها ضغط عموما هي مب من النوع اللي يحافظ عالابر خصوصا في السنين الاخير
صارت مهمله حتى في اكلها هاللي تسبب لها في الضغط وحتى نظرها صار ضعيف ، وطبعا تعرفون
مواعيد المستشفى ماابالغ بس مواعيدها للسكر تكون كل سنه والسبب مافي مواعيد وهي تتابع في
العياده المسائيه ، في رمضان صادها التهاب في الكلى وترقدت في المستشفى عشان يعادلون لها الاملاح
ومنها حولوها لدكتور كلى عشان تابع معاه مع انه المفروض من البدايه لانها مريضه سكر بس لاحول ولاقوه
ومن يومها وهي مب مترقعه احنا كل ويكند لازم نزور الطواري الضغط عندها يرتفع حزات يوص 200 على 100 وشئ
والسكر يوصل 500 ودكاترة الطواري يقولون كلام والمركز الصحي كلام ودكتورها كلام ومره اخذي هالعلاج ومره
زيدي الجرعه وحاله ، المهم اخر مره في الطواري طلب منها الدكتور لازم تقابل دكتورتها مالت السكر بسرعه وسوى لها
تحويل عشان يتصلون لنا للموعد وهي اوردي المفروض موعدها شهر 5 لما اتصلو لنا قالو لها اقرب موعد بيكون نهايه
شهر 4 المهم قلت لهم خلاص مافي داعي اوردي موعدها مع دكتورتها اللي تابعها بداية خمسه الصدمه قبل موعدها
باسبوع اتصلو عندي وقالولي الدكتورة بتكون مب موجوده في هاليوم والموعد تكنسل واقرب موعد شهر 8 تخيلو
وهي حالتها مستعجله ، كان عندها موعد من كم يوم مع دكتور الكلى وقال لها البوتاسيوم مرتفع وابتعدي
عن الموز والتمر وهالسوالف وعندها فقر دم وعطاها ابر حديد مع انها خذتها من فتره
وماارتفع ردت امس راحت المركز الصحي عشان يجوفون تحاليها وتعرف كم نسبة ارتفاع البوتاسيوم لانه الدكتور ماوضح
لها شئ وحتى قال لها وظائف الكلى مستقره في المركز الصحي الصدمه انه الكيرياتنين مرتفع عندها واليوريا اسيد ونقص
في الدم هالاشياء كلها معناتها وظائف الكلى مب طبيعيه غير انه مخزون السكر في الدم 10 يعني مرتفع وطبعا دكتورة
المركز قالت لها انا مااقدر افيدج ودكتورج هو ادرى ويعرف شيسوي ، والحين طبعا صرنا في حيره وربي يعلم بحالنا
والمواعيد كلها متأخره ومانعرف شنسوي والخوف كله من انه الكلى تتضرر اكثر لاقدر الله والدكتور ماقال لها شئ
والب الاشياء استنتجتها انا من السيرش في جوجل وكلها دلالات على انه الكلى مب طبيعيه ، ياليت اللي لو عندكم
معلومات ماتبخلون علي ومن احسن دكتور للكلى والاشياء الطبيعيه نفس الصمغ والقرفه ممكن تفيدها وشالمطلوب
تسويه مع العلم وزنها يعتبر زايد لانه 82 ، وللاسف مانقدر نعالجها الا في حمد فيدوني يزاكم الله خير
اتمنى يتم الموضوع هني عشان استفيد من الردود لو مكانه غلط لاني ماعرفت في اي قسم انزله