مشروع مطعم روسي

[asadfg]

يا جماعه الخير انا في مشروع في بالي وابي تفيديوني في بعض الامور العامه

انا افكر افتح مطعم بس مطعم غير موجود بالدوحه عباره عن مطعم روسي ومطعم راقي في مكان يعتبر راقي او مناسب

فاتمنى الي عنده خبره في مشاريع افتتاح مطعم من ناحيه التكاليف والاجار وخاصه اذا ابي اسوي شي راقي يعني تكرمو علي بعلومات عامه لو سمحتو

[Khaled Qatar]

شنو نوع الاكل الروسي؟

[qatar.syria]

فكرة حلوة وجديدة ولو اني لا اعرف الكثير عن الاكل الروسي وما الذي يميزه عن باقي المطابخ

ولكن مشكلة اي مشروع مطعم في قطر تصدم مع ارتفاع اسعار الايجارات ،،، فهل سوف تستأجر او أنك تملك مكان مناسب ... اعتقد ان البداية ستكون من اختيار المكان في حال اردت استئجار ،،، لان مطعم بمثل هذه المواصفات سيختلف تماما فيما لوكان موقعه بالؤلؤة عنه فيما لو كان على طريق سلوى مثلا...

وبالتوفيق الدائم يارب

[al saad]

ادخل موقع قطر لفينج http://www.qatarliving.com/ ونزل الموضوع هناك كله أجانب هني محد بيفيدك من جدوى قابليه المطعم للعرب

بس الله يعينك على الإيجارات هي خراب الدار ولا شوفلك فيلا في مكان مدعوس وسو حمله اعلانيه بفرق الايجار ولا شوف القاعات داخل المجمعات السكنية واجرها وبعدين قرر تطلع لموقع تجاري ولا لا تري في مطاعم وايد مخشوشه وعليه طلب مثل المجمع الاروبي في العزيزية في مطعم وعجيب :)

[شموخ دائم]

,

,


مرحبا

الموضوع يحتاج زياده معلومات

منو زبونك المستهدف !!

عرب

اجانب اوربيين

او الاجانب الروس !!

هل الاكل الروسي من خبرتك يتناسب واكل العرب او لا !!

وعليه تحدد المكان ونوع الديكور والاسعار

اذا ما عندك اجابات على هذه الاسئله راح تكون مقدم على مخاطره غير مدروسه
من الواجب معرفه اجابات الاسئله

وتقدر تشوف تجارب الدول الشقيقه مثل الامارات دبي هل يوجد مثل هذا المطعم
وما نوعيه الاقبال عليه واسعاره والجنسيات المتردده عليه !!
وحجم هذه الجنسيه في دوله قطر !!

واذا انت جاد اعمل زياره دبي وشوف المطعم بنفسك وتذوق اكله
واخذ انطباع عنه كامل وهل يناسب دوله قطر او لا
قابل مدير المطعم وعرف بنفسك وعن مشروعك بقطر
وامتدح مطعمه والفكره والخدمه والديكور تكون مقدمه للحديث عن المعلومات
الي انت تبيها
وخذ معلومات كامله منه
ان شاء الله راح يتساعد معاك خاصه ان مشروعك بدوله مختلفه
راح تكون جمعت معلومات ممتازه ارجع الفندق ودون كل المعلومات الي جمعتها
وارفق معاها صور من المكان و بنفسك تكون عملت دراسه
حقيقيه من واقع السوق




بالتوفيق لك

,

,


اخوك

شموخ دائم

[saeed2005]

الفكرة ستنجح مائة بالمائة لو كنت بتجيب مع الروسي روسي ... مجرد مزحة

[ابن الخربة]

اللي بيساعدك خص مسؤول الضمين في بنك التنمية اسمه الدكتور سعيد الصيفي اشرف على دراسة الكثير من المطاعم في قطر تم تمويلها عن طريق بنك التنمية جواله 55541342

[captin]

اذا قدرت سو نفس الفكرة بس في

دبي

بسبب كثرة الجالية الروسية
والسياح الروس ومن
دول البلقان والجهوريات السوفيتية السابقة
ايضا
بسبب سهولة استخراج تأشيرات أي جنسية في العالم في دبي
للعمالة الروسية من طباخين ونادلات

هنيه بتقدم على لجنة الاستقدام بيعطونك جنسيات مينمار وغانا ونيجيريا والمغرب وتونس
بالاضافة الى العراقيل في الرخص والتفتيش من البلدية والفلسفة الزائدة اللي ما لها داعي

بالتوفيق اخوي

[pink pearl]

المطاعم بشكل عام ماشية في قطر، لكن أهم شي التميز والديكور والأسعار..
يعني أنت فكرت في مطعم .. طيب شنو الشي المختلف اللي بتسويه في مطعمك؟؟

لازم تسوي دراسة جدوى كاملة وهني فيه شركات تساعدك .. لازم تدرس المطاعم المنافسة عدل - أسعارهم - الفئة اللي تستهدفها وغيرها من الأمور..

استخير واستشير بالتوفيق

[GWU]

هل عندنا روس وايد فقطر ؟ وهو اللي ما اتوقعه .. بس للحين في امل ينجح
هل عندنا قطريين يحبون الاكل الروسي ؟ بعد ما اتوقع بما ان معظم الشعب مايدري عن اكل هالديره البعيده .. بس انقول الامل للحين موجود
عندك شعب يحب تجربه الاشياء الجديده والمميزه والغريبه.. الجواب مابين نعم او لا .. هني انت اب دورك اتقوم اتشوف لك شي فنتك في المطعم يعني مايكون راقي وقعده وبس .. ربعنا يحبون يشوفون اشياء غريبه وفي ضل الانستقرام يبون يصورون شي فنتك اذا راحوا مكان .. ومب دايما لازم يكون المطعم واااااو . بس لو تسوي لك اكل حلو ودعايه جيده خصوصا بالسوشل ميديا ولوكيشن مرتب واسعار في معقوله بالنسبه للي انت اتقدمه لهم. بائن الله في امل

بس لاتنسى نفس ماقلت لك نسبه الخطر عاليه، لان تكلفه المطعم الراقي كبيره (ترا في وايد مطاعم تقرش في الدوحه اول فتره يهبون فيها وبعدين ينسونها) وعدد زباين المطاعم الراقيه اقل من المطاعم السريعه . ومطعم روسي شي غريب فلازم اتشوف نسبيه تقبل الناس لنوعيه الاكل اللي بتقدمه.

وبالتوفيق ان شاء الله

[Noof_mz]

حاول تسوي عينات من الأطباق الروسية وتعرضها على الناس مجانا وراح تشوف اذا عليها اقبال