لخبراء النمسا بغيت مساعدتكم

[PGR]

السلام عليكم ,, اخواني انا رايح عشر ايام وعندي استفسار,, انا بقعد في فيينا كم يوم وعقبها بروح زلامسي ,, سؤالي بما انه المسافة بين فيينا وزلامسي تقريبا 4 ساعات حبيت امر يوم على منطقة واقعد فيها يوم واحد قبل الوصول لزلامسي تكون نقطة راحه ليوم واحد ,, شنو المنطقة اللي تنصحوني اقعد فيها ؟؟ سالزبورغ ماشوف فيها اشياء مهمه هل تستاهل انه الواحد يروحلها ؟

مشكورين على المساعدة مقدما

[ضوى]

السلام عليكم ,, اخواني انا رايح عشر ايام وعندي استفسار,, انا بقعد في فيينا كم يوم وعقبها بروح زلامسي ,, سؤالي بما انه المسافة بين فيينا وزلامسي تقريبا 4 ساعات حبيت امر يوم على منطقة واقعد فيها يوم واحد قبل الوصول لزلامسي تكون نقطة راحه ليوم واحد ,, شنو المنطقة اللي تنصحوني اقعد فيها ؟؟ سالزبورغ ماشوف فيها اشياء مهمه هل تستاهل انه الواحد يروحلها ؟


مشكورين على المساعدة مقدما

بالعكس سالزبيرغ وايد حلوة وفيها اماكن كثيرة ماتحضرني كل الاماكن اللي رحناها بس ابحث وشوف بتستانس فيها صدقني

[ذكي جدااا]

مرحباً بالنسبة لي فإني أفضل المكوث بسالزبورج كل المدة والذهاب لزيلامسي صباحا والرجوع بعد المغرب. في طريقين لزيلامسي الطريق السريع 135 كيلو. الطريق الثاني مختصر وتدخل ألمانيا وعقب تدخل زيلامسي وهذا اللي أفضله لأنك تدخل منطقة البافاريا الجبلية مناظر ولا أروع ومسافته 85 كيلو. الهدف من المكوث بسالزبورج لعدة أهداف أولها قربها من زيلامسي يوم وأحد تروح لها. اليوم الثاني ممكن تروح ميونخ بالقطار ساعه. اليوم الثالث ممكن تروح قارمش وترجع بالليل اليوم الرابع تتروح منطقة البحيرات موندسي وفوشل سي سالزبورج موقعها بالنص غير كذا مدينه تقدر تطلع بالليل عكس زيلامسي اللي تعتبر قريه ومافيها غير البحيرة.

[mr.goldmann]

سالزبورغ فيها المدينه القديمه جدا جميله وهادئه

وحديقة الزهور

وقصر هيل برون فيها نزهة جميله مع الالعاب المائيه

بالقرب منها ابضا مغارة الملح والثلج وشلال Golling

وخارج سالزبورغ عندكم بحيرات جميله جدا مثل



Abersee wolfgangsee mondsee

[ظبيه]

بالتوفيق ان شاء الله

[^امـ نواري^]

المسافة 4 ساعات !!! ماتعتبر شي في السفر وسط هالمناظر الخضراء والجبال
وهالجو اللي في اوروبا يخليك تطلع تتمشى وتستكشف وطول يومك براااا
تقول لي 4 ساعات .. على بالك 4 ساعات انتظار عندنا
وبعدين المسافة بين زلامسي وفيينا كنها اكثر من اربع ساعات :)

[PGR]

مشكورين الجميع على النصايح وشكلي بغير الوجهه بقعدلي يومين في سالزبورغ

[العريق]

مرحبا اخوي بالنسبة للطريق ابداً ما يتعب بالعكس بمر عليك الوقت ماتحس به و مافيه ضرورة للتوقف في مدينة للراحة.......:victory: