ليش بعض الناس يكرهون وقلوبهم مليان حقد

[الخيالة]

بسم الله الرحمن الرحيم

بغيت أسأل ليش بعض الناس يكرهوننا مع ان ماسوينا لهم شي بلعكس ساعدناهم وماقصرنا معاهم!
ليش بعض الناس يشوفون نفسهم علينا مثلا يقولون أنا قطري و عندى و اقدر وووو وانتي ولي شي جايه من بره وفقيره وجايه بس تشتغلين وووو

ليش بعض الناس استغفر الله يعتبرون نفسهم جهنم رب الكون ويقدرون يسوون لنا اي شي ويفكرون ان مدح يقدر يوقف جدامهم

كتبت هالشي لان خلال الفترة اللي راحت في مكان اللي اشتغل سمعت من كذا جنسية مثلا فلبينيات ان مسؤول كل شوي يقول لها انتي جايه من فلبين بلد فقير مجبوره تشتغلين اكثر مننا وماتقدرين ترفضين وانتهوا ولى شي وانا عندى كل شي
او يلعوزون باقي الناس ونفس الشي عن الجنسية يتكلمون انتي من فلان بلد وانتوا كذا وكذا وكذا ليش عادي عندهم يجرحون الناس ينادونهم يالهنديه ياليمنيه يالفلبينيه ما ينادونهم باساميهم مرات أفكر مع نفسي واتضايق لهم أقول لنفسي راح يجئ يوم بيخسرون كل شي اللي عندهم لانهم يكسرون قلوب الناس وشايفين نفسهم مايدرون ان كلنا بشر ومافي فرق بيننا عند رب العالمين وربنا بيشوف أعمالنا مب الجنسية والجواز والفلوس استغرب منهم لان في حياتي ماصادفت هالنوعية ولما اشوفهم شلون يعاملون هال ناس مرات اصيح ماقول غير حسبي الله ونعم الوكيل فيهم هاي واهمه مسلمين و جذيه يسوون مرات اسمع يقولون ليش بعض المسلمين جذيه احنا دوم نفكر أهمه طيبين ومايزعجون حد وانا اقولهم بعضهم ما يخافون ربهم مب معناته كلهم نفس الشي والله كريم

[بريق الحق]

مكانه الحوار العام يرجى نقل الموضوع

[الخيالة]

بغيت أحط أهناك بس قلت يمكن اهنى مكانه ترددت

[حمد 2002]

موضوع رائع اتمنى نقله للحوار ..


بالتوفيق ..

[ضوى]

غريبة اول مرة اسمع بهالموضوع العادة كله الاجانب اللي يمشون القطريين مثل قطع الشطرنج

[الخيالة]

اختي ضوي أتكلم بشكل عام لان انا شفت وايد وسمعت بنفسي يحصل عندنا وايد وانا دوم اقول ليش بعض الناس جذيه ليش ما يخافون ربهم ليش يحبون يلعوزون اللي مالهم لا حول ولا قوة ليش يزعجون ناس في حالهم وما مسوين لهم شي ليش عادي عندهم يعورون قلب حد

[qatara]

القطري الذي من اصل وفصل و ابن بطنها

مستحيل يفوشر او يتعنصرعلى اي حد بانه
قطري وهذه ليست من شيمنا ولا شيم
ابائنا ولا اخلاقنا ولا حتى من اخلاقيات المسلمين

صحيح نفتخر ببلدنا لاكن لانتكبر او نستنقص من اي جنسيه

مشكله بعض من حصلو على الجنسيه القطريه
هم من يقولونها ليقنع نفسه ويتكبر على خلق الله
بانه قطري اصيل يعتقد بهذه الحركه ان الناس
لاتعرف بانه متجنس وبدليل مقطع تمثيلي بهذا
الخصوص لعبد الناصر درويش لما حصل الجواز
القطري كيف تعامل مع الناس
بتعالي تثبت ما اقوله ولكل يعرف هذا الشي

ونعوذ بالله من الفجور والغرور والكبر

[R 7 A L]

قال الأصمعي:
رأيت رجلا بالبادية له من العمر120سنة
فسألته؛عن هذا النشاط في مثل هذا العمر؟
فقال ؛تركت الحسد فبقي الجسد!”

[بوخالد911]

من تواضع لله رفعه
والله يبعدنا عن الحسد والحش
وبالنهاية القبر هو مصيره

[ريم الشمال]

أختي مع أني لا انكر وجود هؤلاء الذين ذكرتي بس
من تتكلمين عنهم سواء الفلبينية أو الهندية أو إي جنسية ليس فيهم من هو معصوم هم يتحندون على الذين يعاملونهم بقسوة ولو تملكوا منهم لعاملوهم بأقسى منهم هذى شيء
عندما اقول أن هذا هندي ولا فلبيني هو هذا مسبه هذي بلادهم وقد جاؤا منها مثل واحد يقولك ياقطريه يعني سبك ما اعتقد
المسؤول الي قال لهذه العامله أن ما تقوم به لا تجده في بلادها رغم عدم معرفتي بحيثيات سبب قوله ولكنه جانب جزء من الحقيقه وهو أن في بلادها لم تتوفر لها فرصة عمل ولذلك هي موجود في قطر ويجب أن تقوم بعملها على اكمل وجه ...
اخيه في كل بلاد فيها الزين والشين وعمر قطر ما طغا الشين فيها إلا لما ينتهي المواطن القطري الذي تكلم عنه كتارا وهذا ما يحاولون أن يفعلوه في بلادنا
هل تعرفين أني من وقت قريب وجدت امرأة شاميه قد تكون اردنيه أو سوريه أو فلسطينية كان العامل من جنسية عربية وهي قد قامت بشراء شيء من المحل هل تعلمين كيف تعاملة معه أمامي بمنتهى الترفع ترجعه لكي يقوم بعمله رغم قيامه به ولكن كانت مصره على أن يعطيها الافضل من الخدمه وهو لم يفتح فمه أمامها رغم التذمر البادي على وجهه ، عندما وصل لكي يعطيني خدمتى اعطاني اياها بترفع كأن يقول لي لن تحصلي أفضل مما اعطيك ولا تطلبي مثلها لأني لن اخدمك ... انتي ماذا تخربطين نحن القطريين في بلادنا انتهكت حقوقنا وخدماتنا بتفضيل هؤلاء الوافدين !؟؟

قلبي متروس ولا تخليني ابط البرمه ..... ترى أهل قطر لين الحين حاشمين هؤلاء الاجانب فإذا لم يحشمون أنفسهم ليشوفون شيء ما شافوه
وعن التبلي على أهل قطر

[زبرجد]

محد فاهم الموضوع غير ضوى وريم الشمال

بغيت أسئل الأخت الخيالة

كم قطري وقطرية عندكم في العمل ؟

أنا رحت بشتغل في مدرسة شفت القطرين إلي قلت عنهم حسودين ينعدون عالأصابع ..!

وإلقي نظرة من بعيد وبتجوفين القطريين كلهم ينعدون عالأصابع بالنسبة للأجانب

مشاركينا في كل شي من الألف إلى الياء ويوم القطري تكلم عن حقوقه قلتوا حسود وحقود ..!

[الخيالة]

لا تفهمون موضوعي غلط مب شرطي شنو يكون جنسية الشخص ككل اقصد في ناس يشوفون نفسهم لأسباب مختلفه واللي أنا كتبته صائر جدامي لآني اشتغل معاهم واعرف من الغلطان ومن الصح ماحطيت موضوع عشان أدافع عن جنسية معينه لا أتكلم بشكل عام ليش بعض الناس شايفين نفسهم وما يخافون ربهم ويلعوزون الناس ويجرحونهم ويكرهونهم بدون اي سبب

[الخيالة]

اتهمني إغلاق الموضوع الظاهر فهمتوا قصدي غلط وكل شوي تقولون كلام جني ابي أقول الغلط في القطري يا جماعه كتبت بشكل عام هاي كان مثال من اللي صار جدامي في الفترة الاخيرة بس أنا ما اقصد جنسية معينه

[الخيالة]

أختي مع أني لا انكر وجود هؤلاء الذين ذكرتي بس
من تتكلمين عنهم سواء الفلبينية أو الهندية أو إي جنسية ليس فيهم من هو معصوم هم يتحندون على الذين يعاملونهم بقسوة ولو تملكوا منهم لعاملوهم بأقسى منهم هذى شيء
عندما اقول أن هذا هندي ولا فلبيني هو هذا مسبه هذي بلادهم وقد جاؤا منها مثل واحد يقولك ياقطريه يعني سبك ما اعتقد
المسؤول الي قال لهذه العامله أن ما تقوم به لا تجده في بلادها رغم عدم معرفتي بحيثيات سبب قوله ولكنه جانب جزء من الحقيقه وهو أن في بلادها لم تتوفر لها فرصة عمل ولذلك هي موجود في قطر ويجب أن تقوم بعملها على اكمل وجه ...
اخيه في كل بلاد فيها الزين والشين وعمر قطر ما طغا الشين فيها إلا لما ينتهي المواطن القطري الذي تكلم عنه كتارا وهذا ما يحاولون أن يفعلوه في بلادنا
هل تعرفين أني من وقت قريب وجدت امرأة شاميه قد تكون اردنيه أو سوريه أو فلسطينية كان العامل من جنسية عربية وهي قد قامت بشراء شيء من المحل هل تعلمين كيف تعاملة معه أمامي بمنتهى الترفع ترجعه لكي يقوم بعمله رغم قيامه به ولكن كانت مصره على أن يعطيها الافضل من الخدمه وهو لم يفتح فمه أمامها رغم التذمر البادي على وجهه ، عندما وصل لكي يعطيني خدمتى اعطاني اياها بترفع كأن يقول لي لن تحصلي أفضل مما اعطيك ولا تطلبي مثلها لأني لن اخدمك ... انتي ماذا تخربطين نحن القطريين في بلادنا انتهكت حقوقنا وخدماتنا بتفضيل هؤلاء الوافدين !؟؟

قلبي متروس ولا تخليني ابط البرمه ..... ترى أهل قطر لين الحين حاشمين هؤلاء الاجانب فإذا لم يحشمون أنفسهم ليشوفون شيء ما شافوه
وعن التبلي على أهل قطر
اختي الله يسامحج شفيج على ؟؟؟
قلت لكم بشكل عام شنو مشكله هالنوعية من الناس مب شرط يكون قطري شنو ما يكون جنسيته واللي قلت كمثال واقع صار جدامي من فترة بس أعيد وأكرر الموضوع عن ناس يكرهون ناس بدون سبب يزعجون ناس بدون اي سبب يحبون يسوون فتنة باي سبب

[الحياة الخالدة]

لا الشيخة احنا ما فهمناج غلط لأن كلامج بمجمله عن القطريين
و اذا كنتي شفتي أو سمعتي عن البعض القليل فهذا لا يعني أن تطلقين الأحكام بالطريقة اللي عرضتي بها الموضوع
أهل قطر فيهم خير و شايفين خير و مب من طبعهم و لا أخلاقهم إنهم يذلون أو يهينون أو يستحقرون حد

[الخيالة]

استغفر الله ربي وأتوب اليه أرجو إغلاق الموضوع واللي يفكرون أني قاصده ناس معينين في ذمتكم لان أعيد وأكرر أنا أقول بشكل عام ليش في ناس يحبون يسوون مشاكل ويسوون فتنة ويلعوزون ناس

والله يسامحكم وهاي اخر رد واتمني إغلاق الموضوع

[الحياة الخالدة]

الله يسامح الجميع و يعطي كل واحد على قد نيته
و انا اتمنى حذف الموضوع و ليس إغلاقه فقط

[qatara]

استغفر الله ربي وأتوب اليه أرجو إغلاق الموضوع واللي يفكرون أني قاصده ناس معينين في ذمتكم لان أعيد وأكرر أنا أقول بشكل عام ليش في ناس يحبون يسوون مشاكل ويسوون فتنة ويلعوزون ناس

والله يسامحكم وهاي اخر رد واتمني إغلاق الموضوع



نعم هناك ناس تشوه منظر الجميع

لنريج طبع القطريين

فمسموحه ومعذوره وكلنا خطائوون

[ريم الشمال]

اختي الله يسامحج شفيج على ؟؟؟
قلت لكم بشكل عام شنو مشكله هالنوعية من الناس مب شرط يكون قطري شنو ما يكون جنسيته واللي قلت كمثال واقع صار جدامي من فترة بس أعيد وأكرر الموضوع عن ناس يكرهون ناس بدون سبب يزعجون ناس بدون اي سبب يحبون يسوون فتنة باي سبب

شفيني عليج من اسلوب الطرح الجائر في حقنا حتى اصبحنا طوفه هبيطه يتوطانا كل من تسول له نفسه ( وحسبي الله على من عطاهم الخيط والمخيط يلعبون في أهل البلاد )

ومن اساسيات الطرح أن يتم ذكر الطارح للموضوع أن موضوعه يتحدث فيه بشكل عام وليس بعد الطرح يقول لقد تم فهم موضوعي خطأ

[imation]

,



بل شفيكم كلتوها بثيايها مسكينه,

اعتقد ان الاخت تقصد بشكل عام الناس اللي تتكبر وشايفه نفسها على غيرها

بس يمكن خانها التعبير


,,,,,,,,,


اديولوه واحد زعتر للحياة

[Miss]

ما ننكر وجود اللي قلتيه
لكن نادر جداً
مب من طبع أهل قطر اللي عممتيه
وياما شفنا تصرفات من الاجانب لكن سكتنا وحشمنا عمرنا
لكن حسبي الله على اللي خذا حقوقنا وعطاها الاجانب

[R 7 A L]

لا الشيخة احنا ما فهمناج غلط لأن كلامج بمجمله عن القطريين
و اذا كنتي شفتي أو سمعتي عن البعض القليل فهذا لا يعني أن تطلقين الأحكام بالطريقة اللي عرضتي بها الموضوع
أهل قطر فيهم خير و شايفين خير و مب من طبعهم و لا أخلاقهم إنهم يذلون أو يهينون أو يستحقرون حد



هذا اكبر خطا تمشي علية اكثر الناس وهو التعميم
الاخت خانها التعبير وعممت وهذا غلط ويجب عليها الاعتذار