المساعد الشخصي الرقمي

مشاهدة النسخة كاملة : استئجار سياره


احساس غريب
26-04-2014, 10:29 AM
السلام عليكم..
ياجماعة الخير ابي اسأل هل عندنا مكاتب استئجار في الدوحة مثل يوروب كار او سيكست؟؟
ابي أحجز منهم سياره حق اوروبا ف الصيف هل يصير؟
اتمنى تفيدوني وهل حد جرب شركة هيرتز اللي تتعامل مع القطريه؟؟
وشالافضل والارخص أحجز عن طريق النت والا عن طريق مكاتبهم اذا كانت موجوده؟
أسف على كثر الاساله لكن اول مره أحجز وماعرف خصوصا أني بستلم السياره في مطار زيورخ وبسلمها في ميونخ اول ماوصل بإذن الله يعني مب في مطار ميونخ وتعبت وانا أدور ف النت وأخوكم عليمي ف هالامور..
mr.goldmann
26-04-2014, 01:02 PM
http://www.billiger-mietwagen.de/

هذا موقع انا احجز منه شخصيا
وارخص من الحجز مباشرة من اليورو كار
احساس غريب
27-04-2014, 12:51 AM
تسلم اخوي قولد مان بس وهقتني الصراحه هههههه اخوك لايعرف انقليزي ولايعرف للمواقع عدل واللي ودي فيه اني احجز من مكتب وافتك بس ماعرف اذا في مكاتب والا لا..
احساس غريب
27-04-2014, 10:32 AM
شدعوه ياجماعه مافي الا رد واحد وينكم ياجماعة الخير ؟؟؟
ماخبركم تقصرون :weeping:
ضوى
27-04-2014, 10:43 AM
مرحبا يا خوي

انا حجزت من سيكست في قطر ، وكان معاي عالخط وقلت له اللي ابيه واحتياجاتي كاملة وحجز لي وطرشلي الحجز المؤكد عالايميل من غير بطاقة الائتمان وطلبت اني استلم السيارة من مكان قريب من الفندق اللي بانزل فيه واذا انت تبيها من المطار وضح له هالشي ، اخذت سيارة بي ام دبيلو مع النفيجشن منها وفيها مع التأمين الشامل لمدة 21 يوم بمبلغ 14 الف لخمس اشخاص

اتصل على سيكست واطلب المسؤول عن حجوزات اوروبا بيعطونك رقم جواله كلمه ونسق معاه ، بامانة نسيت اسمه
احساس غريب
27-04-2014, 02:33 PM
مرحبا يا خوي

انا حجزت من سيكست في قطر ، وكان معاي عالخط وقلت له اللي ابيه واحتياجاتي كاملة وحجز لي وطرشلي الحجز المؤكد عالايميل من غير بطاقة الائتمان وطلبت اني استلم السيارة من مكان قريب من الفندق اللي بانزل فيه واذا انت تبيها من المطار وضح له هالشي ، اخذت سيارة بي ام دبيلو مع النفيجشن منها وفيها مع التأمين الشامل لمدة 21 يوم بمبلغ 14 الف لخمس اشخاص

اتصل على سيكست واطلب المسؤول عن حجوزات اوروبا بيعطونك رقم جواله كلمه ونسق معاه ، بامانة نسيت اسمه
جزاج الله خير اختي ضوى بتصل فيهم اليوم وبشوف شيقولون
mr.goldmann
28-04-2014, 11:17 PM
تسلم اخوي قولد مان بس وهقتني الصراحه هههههه اخوك لايعرف انقليزي ولايعرف للمواقع عدل واللي ودي فيه اني احجز من مكتب وافتك بس ماعرف اذا في مكاتب والا لا..

كله خير ان شاء الله

لاتنسى يا طيب

شهادة السواقه الدولية تجيبها معاك ضروري جدا
al saad
29-04-2014, 12:51 AM
http://www.billiger-mietwagen.de/

هذا موقع انا احجز منه شخصيا
وارخص من الحجز مباشرة من اليورو كار

الشيخ الموقع الاماني ماينفهم منة شي حاولت احوله انجليزي مايصير ؟