شنو مكان للعمل - بنوك ولا شركات بترولية و مؤسسات حكومية

[مدققة جامعية]

سلام عليكم

لقد اقترب موعد تخرجي و ادور لي وظيفة لي و ابي خبرتكم عن احسن اماكن لخريجي جامعة قطر تخصص محاسبة بالانجليزي و معاي دورات ادراية و تسويقية و المعدل ولله الحمد حلو بس حابة اتوظف في مكان تطويرهم حلو وش نصائحكم افضل جهات حكومية او بنوك او شركات بترولية و شنو مميزاتهم وشكرا

[دايموند]

عندج يا البنوك او شركات الطاقه

[l0o0rd-qtr]

المجلس الاعلى للاتصالات يبعثون دورات خارجيه وفرص تطويرهم افضل

[R 7 A L]

نصيحة انسانية
ابتعدي عن اس جهه تتبع (ش. م. ق)

وعليك بكل جهه تتبع الموارد البشرية

وبتوفيق

[راعي الدتسن]

نصيحة انسانية
ابتعدي عن اس جهه تتبع (ش. م. ق)

وعليك بكل جهه تتبع الموارد البشرية

وبتوفيق

مع أخوي رحال..
ضااع مستقبلي وياااهم..

[khalid525]

اذا هدفك التطوير الوظيفي والشخصي وكذلك المزايا المادية روحي القطاع الخاص خصوصا قطاع البترول
وكل الامر يعتمد على طاقتج وطموحج فانصحج سووي اللي تشوفينه انتي مناسب لج ويحقق اهدافج

[بوحارب]

الله يوفقك

بس نصيحة ابتعدي عن الوظائف المختلطة

[مشاكل]

نصيحة لوجه الله تعالى
قطاع الغاز ربعنا الجامعيين كل ابوهم توفقوا سواء من رواتب او تطوير او مناصب

انتي استشرتي ولاتنسين الاستخارة

الله يوفقك لما فيه خير

[abu m7md]

كان الرسول عليه الصلاة والسلام يستشير اصحابه في بعض الامور

وانتي طبقتي سنه من سنن الرسول عليه الصلاة والسلام
انتي بنت غير عن الشباب الي نوجههم ويروحون
ماقدر انصحج فاماكن تروحين لها تكون بداية الظنك والابتعاد عن الدين والعادات والتقاليد
ولكن مثل ما ابي مصلحت اختي انا ابي لج الخير
مدارس مستقلة او بنوك اسلامية
ومن ترك شيئا لله عوضه الله خيرا منه خيرا منه خيرا منه خيرا منه
بالتوفيق

[فهد سعد]

الموارد البشرية افضل واضمن

[رجل مثالي]

ممكن قطاع النفط والغاز الموارد البشرية
والاستخارة ان شاءالله

[مدققة جامعية]

اشكر الجميع على المرور

طيب كوني قطرية رواتب الجامعيات عند موارد البشرية كم توصل ؟
الصراحة شركات البترولية ترقياتهم بالواسطات و معارف حتى في المقابلة يشوفون بنت منو
وانا حابة ابتعد عن هنوعية للأسف

ربي يوفق الجميع

[Khaled Qatar]

دوام طويل - وكرف واجازات اقل - بس راتب اكثر شركات البترول والغاز
دوام قصير - اجازات كثيره - راتب اقل - الموارد البشريه

[رهج السنابك]

انتي حددي

تبين دوام طويل 8 ساعات
ولا دوام قصير 6-7 ساعات ؟

بنت ولا متزوجه؟
اذا متزوجه او قريب بتتزوجين انصحج خلج على الدوام القصير حتى لو راتب اقل << زوجج بيعوضج ان شاء الله ههههه

اما لو بنت ومب فارق معاج تردين البيت اربع العصر روحي للقطاعات اللي دوامها 8 ساعات وراتبها قوي

[مدققة جامعية]

شكرا على المرور مرة ثانية

انا افكر اروح وزارات او كهرماء لان دوام الطويل موب حلو حق مستقبل بنت
بس على الاقل احب اعرف رواتبهم تبدأ من كم وهل في مميزات غير رواتب
انا اطمح اشتغل في مكان عندهم تطوير و يدعمون تطوير

[مليونيرة مفلسة]

ماقدر انصحج لان انتي اللي ادرى بمصلحتج و باللي يناسبج بس الله يوفقج و لا تنسين الاستخارة

[المحقق كونان]

ديوان المحاسبة

[R 7 A L]

قدمي شهاداتك على وزارة التنمية الادارية
وابتعدي عن وزارة العمل
وشكراً

[..عاشق قطر..]

قدمي شهاداتك على وزارة التنمية الادارية
وابتعدي عن وزارة العمل
وشكراً

:nice: