مبـــــــــــــروك تم فتح أشارات بن عمران

[Orbit]

مبروك تم فتح أشارات بن عمران

بعد سنة ونصف تقريبا من غلق الشارع بالكامل من دوار بن عمران الي دوار قناة الجزيرة لرصف وتوسعه الشارع وعمل أشارات جديدة مما سبب أزدحام كبير في تلك المنطقة للمدة المذكورة

النتيجة أشارات جديدة تمر عليها كنك ضارب حزم الشارع غير متساوي تماما
السؤال : كيف أشغال أستلمت الاشارات بهذا الشكل crazy

[abo rashid]

يا ريال مشي حالك

و على قول القايل
مصائب قوم عند قوم فوائد
بكرة تخترب السيارة و توديها الكراج للتصليح و مالك الكراج واحد منهم

[M O 7 A M M E D]

ربك يسهل اخوي Orbit..

ويعطيك العافية .. :)

[الزاجل]

اول شي هات خشمك
اممممح عليه لانك طرحت هالموضوع

للأسف الشديد شوارع ردئية وبقمة الرداءة اشلون يتم استلام شوارع بالشكل هذا ؟

اذا المشكلة ان الغاط الثاني ما صبوه ليش استعيلوا بفتحه ؟
واما اذا الشارع شكله النهائي بهذا الشكل اشلون الاشغال
تستلمه ..؟

للأسف الشديد كل الشوارع اللي فرحانين انهم افتحوها وصوروا
حزة قص الشريط وانطلاق السيارات فيها تعاني من مرادم روس البواليع
الله يكرم القراء ..

سياراتنا تكسرت اللحين الواحد اشعليه يحلق رسوم الادوات القرطاسية
والا ارتفاع الغاز والا تصليح سياراته او مظاهر المدارس الخاصة
او اشاعة رفع البترول شهر 9 في قطر ؟


ربنا المستعان

[khaldoon]

جزاك الله كل خير على نقل الخبر
من ساعه مريت عليها اول مره

[ام الحلوين]

يسسلمو على طرح الموضوع

لكن هالشركات وش يهمهم؟؟ المهم الملايين في بطونهم وخلاص شارع عدل مب عدل مب مهم
وتلقونه له فرع رئيسي من الواسطه في هيئه اللاشغال ولا كيف تستلمه وهو بهالشكل الردئ
وكل واحد ذمته اوسع من المحيط الهادي!!!

[لمت داون111]

ياريال انا من اول مادخلت الشارع لين ماطلعت منه وانا اضحك

مخلين ربعهم يستلمون سوالف الشوارع والمناقصات ويعطونهم قيمه دبل علي قيمه الشارع وياريت شغلهم عدل كل سنتين يرجعون يحفرون ويسوون نفس الشارع !! والله بس يوقف نجال علي الشارع خمس دقايق ينزل مكانه ,,, شدعوه هذي شارع ولا عجيين يابس !!:eek2:

والله الوالد يقولي انه بعد حرب الخليج سنه 92 صدام جاب للعراق شركات كوريه والله يقولي مسويين اشارات وشوارع وبنيه تحتيه 300 كيلو مخلصينها ومخططينها في 40 يوم بسس تخيلو !!!

واكبر دليل لما نشوف الدبابات الامريكيه بالتلفزيون يمشون علي شوارع العراق ,,, والله الشارع ماينزل انش واحد ,,, مب احنا !! صج بنيه تحتيه مب اهنيه يجيبون كم بنغالي يرشون غار فوق الرمل ويقولون لك مبروك هذا شارعك اليديد !!

هذا طبعا بصوب والنفق الجديد الي افتحوه مع الاشارات بصوب ,,, هذا يبليه موضوع ثاني هههههههههههههههههههه

خلها علي ربك يالغالي ويعطيك العافيه :)

[rashid-1]

لايوجد رقابة والمقااولين أكبر حراميه وماعندهم ضمير والله فرق بين شوارع الإمارات وشوارع قطر

أتمنى الدوله تكوون أكثر جدية في التعامل مع اللصوص المقااولين

شوفوا جسر سوق العلي قمه بالمسخره دافعين فيه فوق ال 200 مليون دولار وأخرتها كل يوم مسكر للصيانه والحفر فيه

وغير المهمفات اللي موجوده بالشارع

أتمنى من كل قلبي ان المسؤلين أن ينتبهوا أكثر لهؤولا المقاولجيه اللي يستنزفون اموال البلد
لمصلحتهم وليس لمصلحة البلد

[بدور]

الله يهديكم انتم ما سمعتوا أن قطر بتتغير كلها من البنيه التحتيه إلى البنيه العمرانيه

المزيفه كل يوم وطايح برج لأنه تركيب مؤقت طولوا بالكم حتى الشوارع والنفق التجاري

مؤقت لقدوم الاسياد فقط يعني أستخدامهم توقيتي وبس وبعدها الله يستر كم عدد الموتي

من انهيار الشوارع والعمران

عااااااااااادي انتم في قطر تعودنا على المظاهر الخداعه والمسئولين الله بالخير

أهم شيء يستلمون رواتبهم والباقي على الله

[قناص قطر]

السلام عليكم

خلها على الله

[دنيا الاسهم]

يا فرحتي بالشوارع الجديدة السيارات انعدمت منهم
الشوارع ماهي ارضية مستوية
يعني هيئة اشغال ما يشوفون صابهم العمى ولا يبون يسكتون الناس ان الشوارع استلمناهم بالتاريخ المحدد ان يعني( ملتزمون بالتفوق) حتى الغبي بيعرف ان الشوارع بدائية وكانها طرق البر الفرعية والسيارات ترتفع وتنزل
والسيارات كلها تنط كأنهم ارانب:funny:

[Abu Omar]

فضيحة

[Orbit]

بوراشد
محمد
خلدون
ام الحلوين
قناص قطر
الزاجل
بدور
راشد
لمت داون
دنيا الاسهم
عمر

شكرا على المرور

الزاجل بخصوص فتحات المجاري اعزكم الله هناك طبقة اخرئ على ماعتقد سوف ترص فوق الطبقة الحالية لكن الحديث عن وسط الاشارة لما تمر وسط الاشارة بسرعة تحس الموتر طاير كنك ضارب حزم بشكل واضح جدا وملحوظ وين المهندسين ؟

صدقت ياراشد عيل جسر جديد ينخفض القار جي ووووين المهندسين من اول التشيد

[المزن الرياني]

السلام عليكم


ياأخوان لاتظلمون أشغال
والله الجماعه مب مقصرين وبتشوفون بالواقع مب بالكلام
انا بشركه خاصه تاخذ مناقصات منهم وشايف شلون التشديد من صوبهم ... والله ماعندهم رحمه بالشغل حتى على الموظفين القطريين عندهم
وبخصوص الشارع ... للحين في طبقه رصف نهائيه ما أنرصفت للشارع المؤدي لدوار التلفزيون
اما الشارع المعاكس له من دوار التلفزيون لأشارات بن عمران فرصفته نهائيه ومن أروع مايكون

ونفس الشي للساحه الخاصه بالاشارات


للعلم .. جميع الشوارع الي أفتحوها من فتره بسيطه غير مرصوفه بالرصفه النهائيه
وأفتحوها عشاان المدارس والزحمه الي متوقعينها

[وطن]

السلام عليكم


ياأخوان لاتظلمون أشغال
والله الجماعه مب مقصرين وبتشوفون بالواقع مب بالكلام
انا بشركه خاصه تاخذ مناقصات منهم وشايف شلون التشديد من صوبهم ... والله ماعندهم رحمه بالشغل حتى على الموظفين القطريين عندهم
وبخصوص الشارع ... للحين في طبقه رصف نهائيه ما أنرصفت للشارع المؤدي لدوار التلفزيون
اما الشارع المعاكس له من دوار التلفزيون لأشارات بن عمران فرصفته نهائيه ومن أروع مايكون

ونفس الشي للساحه الخاصه بالاشارات


للعلم .. جميع الشوارع الي أفتحوها من فتره بسيطه غير مرصوفه بالرصفه النهائيه
وأفتحوها عشاان المدارس والزحمه الي متوقعينها



:app: :app: :app: :app:

تسلم ايدك

الظاهر مافي مهندس مر على الموضوع عشان يشرح لكم هالسالفه :court:


اصبرو على رزقكم...

أشغال لما افتحت الشوارع نزلو في لقائاتهم اللي في الجرايد انها هذي مو الطبقات النهائية وانهم فاتحين الشوارع عشان زحمة المدارس


كله بس تهاجمونهم بدون علم واطلاع
مايصير جذي

انتو ناس مثقفين لا تقعدون تعيدون الكلام اللي تسمعونه وخلاص
اطلعو وثقفو نفسكم
حتى لو مو تخصصكم الشوارع والبنيان
اقرو وتعلمووو
و لا تفتوون وتنتقدون بدون علم

:mad:

[الريشه]

كلامك صحيح:app: يالغالي

[ارتفاع]

للعلم .. جميع الشوارع الي أفتحوها من فتره بسيطه غير مرصوفه بالرصفه النهائيه
وأفتحوها عشاان المدارس والزحمه الي متوقعينها
ياخوي في هذي انا اتفق معاك ..

بس قولي .. وين التشديد اللي تتكلم عنه من الحفر اللي في جسر المعموره .. والا في جسر الجوازات .. مشاريع جديدة صارفين عليها مئات الملايين .. والله حرام

المشكله انهم يدورون الرخص .. واخر شي يفكرون فيه الجودة

ياريال خلها على ربك .. تعبنا واحنا نتكلم بس مافيش فايده

ماتشوف الفورويل منتشر ومرغوب في الدوحة .. لانك وانت تسوق في حدى شوارع الدوحة .. جنك قاعد تطامر في العديد

[الزاجل]

:app: :app: :app: :app:

تسلم ايدك

الظاهر مافي مهندس مر على الموضوع عشان يشرح لكم هالسالفه :court:


اصبرو على رزقكم...

أشغال لما افتحت الشوارع نزلو في لقائاتهم اللي في الجرايد انها هذي مو الطبقات النهائية وانهم فاتحين الشوارع عشان زحمة المدارس


كله بس تهاجمونهم بدون علم واطلاع
مايصير جذي

انتو ناس مثقفين لا تقعدون تعيدون الكلام اللي تسمعونه وخلاص
اطلعو وثقفو نفسكم
حتى لو مو تخصصكم الشوارع والبنيان
اقرو وتعلمووو
و لا تفتوون وتنتقدون بدون علم

:mad:

ما قلنا شي يا وطن حتى في تعقيبنا قلنا ان الغاط الثاني ما انصب ..

ما فكروا ان السيارات تتحاشى المطبات روس البواليع وممكن يتسببون في حوادث ؟

ما فكروا ان السيارات اتكسر ؟

الزحمة كانت موجودة من سنة ونص والمدارس كانت شغالة
يعني ما في شي يديد راح يطفح على السطح ..

ولكن دايما وابدا شغلهم عوي ..

تقبلي تحية خالصة

[الزاجل]

ياخوي في هذي انا اتفق معاك ..

بس قولي .. وين التشديد اللي تتكلم عنه من الحفر اللي في جسر المعموره .. والا في جسر الجوازات .. مشاريع جديدة صارفين عليها مئات الملايين .. والله حرام

المشكله انهم يدورون الرخص .. واخر شي يفكرون فيه الجودة

ياريال خلها على ربك .. تعبنا واحنا نتكلم بس مافيش فايده

ماتشوف الفورويل منتشر ومرغوب في الدوحة .. لانك وانت تسوق في حدى شوارع الدوحة .. جنك قاعد تطامر في العديد

ضف عليهم
اشارات المانع افتوحها من اهينه
وحفروها من اهنيه :funny:

[الزاجل]

الزاجل بخصوص فتحات المجاري اعزكم الله هناك طبقة اخرئ على ماعتقد سوف ترص فوق الطبقة الحالية لكن الحديث عن وسط الاشارة لما تمر وسط الاشارة بسرعة تحس الموتر طاير كنك ضارب حزم بشكل واضح جدا وملحوظ وين المهندسين ؟

صدقت ياراشد عيل جسر جديد ينخفض القار جي ووووين المهندسين من اول التشيد

ما هو بيقولون لك ان الغاط الثاني بعده ماانصب واللي اتحس فيه
نوع من انواع التسلية اللي بيحسوونك فيها فبدل ما اترح العديد
اتعيش اجواءها
في ربوع الدوحة

[لمت داون111]

:app: :app: :app: :app:

تسلم ايدك

الظاهر مافي مهندس مر على الموضوع عشان يشرح لكم هالسالفه :court:


اصبرو على رزقكم...

أشغال لما افتحت الشوارع نزلو في لقائاتهم اللي في الجرايد انها هذي مو الطبقات النهائية وانهم فاتحين الشوارع عشان زحمة المدارس


كله بس تهاجمونهم بدون علم واطلاع
مايصير جذي

انتو ناس مثقفين لا تقعدون تعيدون الكلام اللي تسمعونه وخلاص
اطلعو وثقفو نفسكم
حتى لو مو تخصصكم الشوارع والبنيان
اقرو وتعلمووو
و لا تفتوون وتنتقدون بدون علم

:mad:

هذا ردج علينا

وانا كنت برد بس شفت رد اخوي الزاجل واقريه عدل خيتوو crazy

لانه والله مايسوي علينا انه نتجاوز تنقيعه الشارع كم دقيقه عن الزحمه وسياراتنا تتكسر ونطيح بالصناعيه من كراج لكراج من سبه هالشوارع العويه crazy

يايتم الشارع مسكر ويخلصونه مره وحده ولا يفتحونه كامل جديد ومرتب مره وحده عشان الشارع يتم ويعمر

لانه سالفه الزحمه احنا اوردي تعودنا عليها ومب شي جديد علينا :)

بس يفتحون لي شارع مكسر ويشلخ المواتر هذ مب حل ولا ليكون عبالهم انهم مسوين حل ميديم ( وسط :funny: )

تابعونا مع اشغال وفالكم طيب :dance

[Orbit]

:app: :app: :app: :app:


انتو ناس مثقفين لا تقعدون تعيدون الكلام اللي تسمعونه وخلاص
اطلعو وثقفو نفسكم
حتى لو مو تخصصكم الشوارع والبنيان
اقرو وتعلمووو
و لا تفتوون وتنتقدون بدون علم

:mad:
سامحينا اختي لحين ماخلصنا العدادية لكن عطينا رايح بجسر الجوزات والحفر والانحفاضات اللي حصلت فيه مع انه توه جديد
شرايج بدوار الوعب قبل لايتكنسل وانتي جاية من ستاد خليفة

السلام عليكم


ياأخوان لاتظلمون أشغال
والله الجماعه مب مقصرين وبتشوفون بالواقع مب بالكلام
انا بشركه خاصه تاخذ مناقصات منهم وشايف شلون التشديد من صوبهم ... والله ماعندهم رحمه بالشغل حتى على الموظفين القطريين عندهم
=
اولا شراي اشغال بجسر الجوزات
ثانيا شارع المطار من دوار سلاح الجو لين المطار المفروض يكون خالص من زمااااااااااان لكن كم عدد العمال اللي يشتغلون هناك يوميا ؟ يشتغلون ليل ونهار ولا نهار فقط
نقطة ثانية شفت كيف تصب الطبقات في شوارع دبي والخطوط الطويلة في بوظبي شفت حجم الطبقات كيف


لنا موعد مع هطول الامطار باذن الله

[المزن الرياني]

ياخوي في هذي انا اتفق معاك ..

بس قولي .. وين التشديد اللي تتكلم عنه من الحفر اللي في جسر المعموره .. والا في جسر الجوازات .. مشاريع جديدة صارفين عليها مئات الملايين .. والله حرام

المشكله انهم يدورون الرخص .. واخر شي يفكرون فيه الجودة

ياريال خلها على ربك .. تعبنا واحنا نتكلم بس مافيش فايده

ماتشوف الفورويل منتشر ومرغوب في الدوحة .. لانك وانت تسوق في حدى شوارع الدوحة .. جنك قاعد تطامر في العديد




بأختصار..... الجسرين محسوبين على البلديه كتصميم وأشراف
وليست أشغال

[المزن الرياني]

انا مقدر السخط الكبير من قبل المواطنين على سوء التخطيط والخدمات التحتيه بصفه عامه
بس ياجماعه....
دااائما البناء أصعب من الهدم
عطوا الاخوان بأشغال فرصه ولاتحكمون عليهم وماصار لهم سنه من أشهار هيئه الاشغال

ولعلمكم.... الحساب والعقاب مطبق من أصغر موظف الى أكبر راس
والديوان متاابع جيد لأغلب المشاريع

[وطن]

هذا ردج علينا

وانا كنت برد بس شفت رد اخوي الزاجل واقريه عدل خيتوو crazy

لانه والله مايسوي علينا انه نتجاوز تنقيعه الشارع كم دقيقه عن الزحمه وسياراتنا تتكسر ونطيح بالصناعيه من كراج لكراج من سبه هالشوارع العويه crazy

يايتم الشارع مسكر ويخلصونه مره وحده ولا يفتحونه كامل جديد ومرتب مره وحده عشان الشارع يتم ويعمر

لانه سالفه الزحمه احنا اوردي تعودنا عليها ومب شي جديد علينا :)

بس يفتحون لي شارع مكسر ويشلخ المواتر هذ مب حل ولا ليكون عبالهم انهم مسوين حل ميديم ( وسط :funny: )

تابعونا مع اشغال وفالكم طيب :dance



اخوي انا ماره في كل هالشوارع
أحمد بن علي "بن عمران"
سحيم بن حمد
والنفق "نفق المدينة الطبية"
وشارع المطار من السينمات لين التيوتا

وفيه بواليع صح
بس مو بالصورة اللي انتو تتكلمون عنها !!! :court:

ما خبرت بالوعه ناطه شوي تكسر السيايير وتقطها بالصناعية

الا اذا كانت سياييركم زحف ع الارض مثل الفيراري !!!

هذا شي ثاني



ومثل ما رد عليكم مصرف الريان
جسر الجوازات
واللي في المعمورة
هذول شغلهم على أيام البلدية

أنا ما ادافع عن اشغال
اكيد لهم عيوبهم

بس بعد هم يشتغلون لنا ولازم ع الاقل يلاقون كلمة شكر
مو كله نقد نقد نقد

هذا جزاهم وسعوا علينا وفتحو التحويلات
يعني عاجبتكم هالتحويلات المكسرة ؟؟
انا اشوف ان شوارع جديدة وباقي لها رصفه اخيره من القار
ارحم وايد من التحويلات اللي كنا معتمدين عليها !!!

ولا تقولون الزحمه هي هي من العام للحين

الزحمة على أيام التحويلات شي
والحين شي ثاني

وخفووو شوي على أشغااال :court:

[rashid-1]

اخوي انا ماره في كل هالشوارع
أحمد بن علي "بن عمران"
سحيم بن حمد
والنفق "نفق المدينة الطبية"
وشارع المطار من السينمات لين التيوتا

وفيه بواليع صح
بس مو بالصورة اللي انتو تتكلمون عنها !!! :court:

ما خبرت بالوعه ناطه شوي تكسر السيايير وتقطها بالصناعية

الا اذا كانت سياييركم زحف ع الارض مثل الفيراري !!!

هذا شي ثاني



ومثل ما رد عليكم مصرف الريان
جسر الجوازات
واللي في المعمورة
هذول شغلهم على أيام البلدية

أنا ما ادافع عن اشغال
اكيد لهم عيوبهم

بس بعد هم يشتغلون لنا ولازم ع الاقل يلاقون كلمة شكر
مو كله نقد نقد نقد

هذا جزاهم وسعوا علينا وفتحو التحويلات
يعني عاجبتكم هالتحويلات المكسرة ؟؟
انا اشوف ان شوارع جديدة وباقي لها رصفه اخيره من القار
ارحم وايد من التحويلات اللي كنا معتمدين عليها !!!

ولا تقولون الزحمه هي هي من العام للحين

الزحمة على أيام التحويلات شي
والحين شي ثاني

وخفووو شوي على أشغااال :court:

يبه انتي شغاله في أشغال وقاعده تروجين دعاية حق مقر شغلج
أظاهر ماشفتي المسخره بمربع الإشارات الأرض مرتفه أكثر من 10 سانتي

والبوالبع طالعه بشكل لافت وبعض السيارات الصغيره وخصوصا السيارات الغاليه ماتحمل هالضربات وأنا بنفسي أصطدمت بالبلوعه أكرمج الله وكانت ضربه قووويه

[وطن]

ولو أشتغل في أشغال بكون في قسم الطرق مثلا
واتابع الشوارع ؟؟؟

وليش أروج حق مكان شغلي ؟؟
بيعطوني علاوة مثلا ولا في لي نسبة !!!

أنا اقول لكم الحق
والمنطق

واللي مب عاجبه براحته

هذا منتدى
وكل واحد له وجهة نظر ورأي

[المزن الرياني]

الي معترضين على أشغال
ياليت يخبرونا وين يشتغلون وشنهي وظايفهم
عشااان الموضوع يكون شامل

[Orbit]

الي معترضين على أشغال
ياليت يخبرونا وين يشتغلون وشنهي وظايفهم
عشااان الموضوع يكون شامل
اخي العزيز مادخل الوظائف في الحديث ؟؟؟؟؟؟؟:looking:

[Orbit]

اختي وطن انا اليوم مار عالشارع فتحات المجاري واضح جدا ومرتفعه عن مستوى الارض بشكل واضح جدا لكن الحديث ليس عن الفتحات نحن نعلم بان هناك طبقة اخرئ سوف ترص فوق الحالية لكن نتحدث عن وسط الاشارة :strong

[استغفرالله]

انا من المعترضين على اشغال وشغلهم .. اللي سكرو الشوارع على الخلق وضيقو عليهم

والشغل المفروض يكون راقي ويعطونه شركات عالمية

في البلدان الاخرى لي بغو يرصفون شارع ارصفوه في اسبوع

مصرف الريان شدخل شغلنا احنا نتكلم في موضوع واضح واللي على راسه بطحة يحسس عليها
واذا ذابحك الفضول انا في طريقي الى شغلي امر بجميع الطرق المسكرة والمكسرة وانطر في الزحمة ززوالحمدلله على كل حال

[وطن]

اختي وطن انا اليوم مار عالشارع فتحات المجاري واضح جدا ومرتفعه عن مستوى الارض بشكل واضح جدا لكن الحديث ليس عن الفتحات نحن نعلم بان هناك طبقة اخرئ سوف ترص فوق الحالية لكن نتحدث عن وسط الاشارة :strong


شايفه اللي تقصده
وللعلم
الارتفاع مو 10 سم
أكثر :funny:

هذا ما اقدر افتي لك فيه واقول لك شنو سببه
بس بعد ما يضر السيايير
انا دوم امر من فوقه

وللعلم
سيارتي كوبيه

[وطن]

انا من المعترضين على اشغال وشغلهم .. اللي سكرو الشوارع على الخلق وضيقو عليهم

والشغل المفروض يكون راقي ويعطونه شركات عالمية

في البلدان الاخرى لي بغو يرصفون شارع ارصفوه في اسبوع

مصرف الريان شدخل شغلنا احنا نتكلم في موضوع واضح واللي على راسه بطحة يحسس عليها
واذا ذابحك الفضول انا في طريقي الى شغلي امر بجميع الطرق المسكرة والمكسرة وانطر في الزحمة ززوالحمدلله على كل حال



طبعا رصف الشارع ما ياخذ شي

بس هم ماكانو يرصفون شوارع بس

هم كانو يحفرون ويسوون البنية التحتية !!!!
مو بس رصف شارع وخلاص

[ROSE]

المشكله اللي صايره عندنا واعتبرها خطأ في خطأ

طريقة اختيار المقاول او الاستشاري لاي مشروع

لازم يخضع للجنة المناقصات العامة وطبعا اللجنة

ترسي المناقصة على الشركات اللي تقدمت بأقل عطاء

والشركة اللي تقدمت بأقل عطاء اكيد شركة تعبانه حدها

والمشكله في المهندسين اللي يشرفون على المشروع

لا حس ولا خبر انا اقول يعطيهم العافية ويروحون الموقع

يتأكدون المشروع ماشي على حسب الجدول اوكي تمام

انزين الشغل شلون ؟ هل هو جيد ام لا ؟

اقول خلوها على الله بس

[Orbit]

اشغال .... !!!!! سكل بالخير

من دوار التربية الي دوار البرشوط تم عمل صيانة لشارع ورصفة مرة اخرئ بحيث بعد الرصف اصبح الشارع مرتفع جدا عن مستوى الشارع العادي ( حزم ) اللي ماشي مسرع راح يتروع من ارتفاع الشارع الله يعينك ياراعي المرسدس و BMW



ROSE وجميع الاعضاء
شكرا على الاضافة الجميلة للموضوع

[شاهيناز]

اشغال كرهتنا في الحياه
من العفسه الي مسويتها
كل مامر على جسر الخفجي
ودي اعرف سر ها الجسر

ناس فوق تشتغل
ونصفه مسكر
وحفره كبيره ماتعرف وش سالفتها وليش حافرينها
يوم الخميس الساعه 7.30 بتاني على سياره حفر صغيره ولحاله المسكين كان بيطيح في الحفره ليش مخلينه لحاله لو طاح في الحفره من درى به

ودي اعرف سر جسر الخفجي بس:looking:

[لمت داون111]

شايفه اللي تقصده
وللعلم
الارتفاع مو 10 سم
أكثر :funny:

هذا ما اقدر افتي لك فيه واقول لك شنو سببه
بس بعد ما يضر السيايير
انا دوم امر من فوقه

وللعلم
سيارتي كوبيه
عبالج السياره ماتتعور :looking:

خلج علي هالحال اسبوعين واذا البوشات والاكسلات ماتلخلخو عندج ماعرف شي :strong

[على قد حالها]

انا أأيد كلام الاخوان والله ان اشغال هذي لوعة جبودنا تحس انهم لين مسكوا شارع معين عشان يا زعم بيعدلونه تقول في نفسك الله بالحيا بنتم لين نشوف الشارع !!!!الله العالم
وانا رفيجتي تشتغل في اشغال وكل مانمر فالشوارع وكأنك طالع رحلة سفاري تلف يمين ويسار ياما تتفادى بالوعه ولا حفره ولا مادري شنو وانا اقول الله يقطع اشغال...الله يغربلهم مثل ماغربلونا ...لازم هم يصلحون لنا سياييرنا لما تخترب..
فعلا تحس السياره بعد فتره تقرقع وتصير كحيانه مع انها موديل السنه!!!
والسالفه تبون الصج ان لاعندهم خبره ولا كفاءة ولا شي بس اللي يعرفونه يصبون لك القار ومدته تكون سنه او سنتين بالكثير ويردون يسكرونه ويعدلونه الى ما لا نهايه لان كل هالتعديلات تصب في جيوبهم وكأنه ماتكفيهم ميزانية الدوله!!جان زين يمسكون بلادنا اجانب فتره يعدلونها ويسنعونها ويطلعون ..والله حتى شوارع افقر دوله فالعالم احسن منا لا هبطات ولا حفر ولاهم يحزنون..بس مااقول الا عجبي لا ويقولون مهندسين بعد مايعرفون راسهم من ريلهم!

[OTOsan]

انا أأيد كلام الاخوان والله ان اشغال هذي لوعة جبودنا تحس انهم لين مسكوا شارع معين عشان يا زعم بيعدلونه تقول في نفسك الله بالحيا بنتم لين نشوف الشارع !!!!الله العالم
وانا رفيجتي تشتغل في اشغال وكل مانمر فالشوارع وكأنك طالع رحلة سفاري تلف يمين ويسار ياما تتفادى بالوعه ولا حفره ولا مادري شنو وانا اقول الله يقطع اشغال...الله يغربلهم مثل ماغربلونا ...لازم هم يصلحون لنا سياييرنا لما تخترب..
فعلا تحس السياره بعد فتره تقرقع وتصير كحيانه مع انها موديل السنه!!!
والسالفه تبون الصج ان لاعندهم خبره ولا كفاءة ولا شي بس اللي يعرفونه يصبون لك القار ومدته تكون سنه او سنتين بالكثير ويردون يسكرونه ويعدلونه الى ما لا نهايه لان كل هالتعديلات تصب في جيوبهم وكأنه ماتكفيهم ميزانية الدوله!!جان زين يمسكون بلادنا اجانب فتره يعدلونها ويسنعونها ويطلعون ..والله حتى شوارع افقر دوله فالعالم احسن منا لا هبطات ولا حفر ولاهم يحزنون..بس مااقول الا عجبي لا ويقولون مهندسين بعد مايعرفون راسهم من ريلهم!

اول شي مب من العدل انج تحطين في ذمتج وتقولين بيحطون في جيوبهم ومدري شنو ،،
هذا اتهام بالسرقه ما اعتقد حد يقبل فيه ..
واذا رفيجتج على قولتج تشتغل باشغال فخليها تقولج عن نظام المناقصات والمزايدات واشلون تصير وشنهي المراحل اللي تمر فيها .. وخليها تقولج عن الموظفين اللي اتهمتيهم وتكلمج عن امانتهم واخلاقهم .. وعن الاجانب اللي تبينهم يعدلون البلد وعن امانتهم ..
اذا بتناقشين موضوع ناقشيه بعيد عن التهم اللي تجيبينها من راسج ..

وبعدين تتكلمون عن موظفي اشغال كانهم هم اللي ينزلون الشارع وهم اللي يرصفون .. هذي تاخذها شركات مقاولات، تحاسب على كل يوم تاخير وتكون ملزمه بكل ماهو موجود على الخرائط والرسومات .. واللي يبي يتكلم عن الجوده يقارن بين الجوده في مواصفات البلديه وبين اشغال الحين ..

مافيه وزارة او هيئة ماشيه مثل الساعه بدون اخطاء .. وحاولو قدر الامكان في مثل هالمشاريع الكبيره انكم تتغاضون عن الاخطاء الصغيره اذا ما كان لها ذاك التاثير ..

[HotBlood]

يا جماعة الموضوع مو بس الشارع او القار..........
انتو شوفو الجزيرة او الرصيف اللي بين الشارعين تقريبا في كل شوارع الدوحة....مادري ليش تكون عريضه والشوارع ضيقه تقول في فرنسا بنتمشى فوقه....ليش ما يكون الفرق ؟.....ويكون كل شارع ثلاث خطوط بدل خطين كانك في قرية مو عاصمة قطر

[الزاجل]

يا جماعة الموضوع مو بس الشارع او القار..........
انتو شوفو الجزيرة او الرصيف اللي بين الشارعين تقريبا في كل شوارع الدوحة....مادري ليش تكون عريضه والشوارع ضيقه تقول في فرنسا بنتمشى فوقه....ليش ما يكون الفرق ؟.....ويكون كل شارع ثلاث خطوط بدل خطين كانك في قرية مو عاصمة قطر
هم متبعين النظام الأوربي في تصميم الشوارع
بحيث تكون هناك مساحة مخصصة للمشاة
ومتناسين ان حرارة الصيف تحبس الواحد ابيته

[المزن الرياني]

انا أأيد كلام الاخوان والله ان اشغال هذي لوعة جبودنا تحس انهم لين مسكوا شارع معين عشان يا زعم بيعدلونه تقول في نفسك الله بالحيا بنتم لين نشوف الشارع !!!!الله العالم
وانا رفيجتي تشتغل في اشغال وكل مانمر فالشوارع وكأنك طالع رحلة سفاري تلف يمين ويسار ياما تتفادى بالوعه ولا حفره ولا مادري شنو وانا اقول الله يقطع اشغال...الله يغربلهم مثل ماغربلونا ...لازم هم يصلحون لنا سياييرنا لما تخترب..
فعلا تحس السياره بعد فتره تقرقع وتصير كحيانه مع انها موديل السنه!!!
والسالفه تبون الصج ان لاعندهم خبره ولا كفاءة ولا شي بس اللي يعرفونه يصبون لك القار ومدته تكون سنه او سنتين بالكثير ويردون يسكرونه ويعدلونه الى ما لا نهايه لان كل هالتعديلات تصب في جيوبهم وكأنه ماتكفيهم ميزانية الدوله!!جان زين يمسكون بلادنا اجانب فتره يعدلونها ويسنعونها ويطلعون ..والله حتى شوارع افقر دوله فالعالم احسن منا لا هبطات ولا حفر ولاهم يحزنون..بس مااقول الا عجبي لا ويقولون مهندسين بعد مايعرفون راسهم من ريلهم!




أنتي للحين عندج عقده الانجليز !!!
مسكينه والله اذا على بالج الاجانب يهمهم مصلحه قطر أكثر من القطريين

[المزن الرياني]

يا جماعة الموضوع مو بس الشارع او القار..........
انتو شوفو الجزيرة او الرصيف اللي بين الشارعين تقريبا في كل شوارع الدوحة....مادري ليش تكون عريضه والشوارع ضيقه تقول في فرنسا بنتمشى فوقه....ليش ما يكون الفرق ؟.....ويكون كل شارع ثلاث خطوط بدل خطين كانك في قرية مو عاصمة قطر



هذا السؤال يتوجه للتخطيط العمراني لانها صاحبه الشأن ....
أشغال تنفذ على حسب المساحه المتوفره لها والجزيره الوسطيه تكون لخدمات البنى التحتيه

[Mercedes]

1- يا جماعة يجب ان نتحلى بالصبر .. لم يبقى اللى القليل

2- الشارع ليس قار فقط .. بل خطوط كهرباء وكيابل وانابيب مياة ... الخ .. كما قال اخي مصرف الريان في المشاركة رقم 43


3- الا تعلمون بأن الكيلومتر الواحد يكلف الدولة اكثر من 5 ملايين ريال ؟

4- ان اول تخطيط لشوارع دولة قطر اتت من فكرة بريطانية .... عملو بحث احصائي ووجدوا ان سكان قطر لا يتعدون ال 150 الف ...
ومن هذا المنطلق رأوا بأن فكرة الدوارات هي المجدية في تلك الفترة .... الأن زاد تعداد البشر واصبحنا نقارب المليون .. ولم تعد تجدي نفعا تلك الدوارات .. الأشارات الضوئيه هي الحل الوحيد .. وهو ما يطبق في الوقت الراهن

5- لا تتحمل الأدارة الحالية لأشغال اخطاء الغير في الماضي .. التخطيط كان غير سليم

6- شهادة لله بأن الجهد جبار .. لا تحكمون قبل ال 2007 ...

7- أقسم بالله اني لا املك اي صلة بأشغال .. حتى اقطع الشك من اليقين .. ولكن كلمة الحق هي التي تقال

الله يديمها علينا نعمة في ظل القيادة الحكيمة

تحياتي

[سهم الدوحه]

مبروكين على الشارع في بن عمران في اخطاء محد يدري عنه اولشي شوف الرتفاعات في الشارع نهايت الشاره في طلعه غير صحيح ثانين البيوت الي احذ الشارات شوف الرتفاع الشارع عن البيت تغريبن متر ونص او متر

[على قد حالها]

اخوي مصرف الريان انا ويييييين وانت وييييين اشدخخخخخخخخل الانجليز الحين:con2:
عالعموم اللي انا كنت اقصدهم شركات ومهندسين معتبرين ومحترفين من الخارج مو اللي موجودين هني واللي يمكن يكونون زينين بس من وصلوا عندنا اختربوا:anger2:
وبعدين الحين يعني يات على ذول اللي بيعدلون لنا الشوارع :con2: ياخي حنا كل امورنا بيدهم واذا ماتدري خلك جذي احسن عشان لا يعورك قلبك وما يصدع راسك:looking:
اشغاااااااااااااال اي نعم تعدل لنا شارع واحد لكن تخرب لنا ثلاث شوارع في نفس الوقت:eek2:
وأرد واقول ترا مايات على اللي بيعدلون البلاد على الاقل تعديل شوارع ولا تعديل مناهج وتعديل ........................................crazy crazy
واتمنى وصلك قصدي الحين!!