غسيل السيارة (30 ريال) - "ماكدونالدز" التويستر (8 ريال)

[FAROOQ10]

غسيل السيارة إلى (30 ريال) - "kfc" التويستر إلى (8 ريال)

الاول : بدلاً من 25 ريال قطري
الثاني : بدلاً من 6 ريال قطري

قبل أيام ذهبت إلى المغسله لغسيل السيارة (مجرد رش ماء فقط) وكنت أدفع كالمعتاد 5 ريال قطري
فدهشت عندما طلب مني 10 ريالات وقالي لي السعر اختلف ....... الخ

وكذلك عندما اتصلت إلى ماكدونالدز للطلب لعائلتي إلا وكانت الصدمة بأن سعر الطلب وصل إلى أكثر من 50 ريالاً مع ان المطلوب كان مجرد عدة تويسترات حتى دون الوجبة الكاملة فاتصلت مرة أخرى وأخبروني بان السعر كذا وكذا .... الخ

[asadfg]

اخوي هل انت شخص منطوي؟

[ريتويت]

اي كل شي له سعر

[أم محمد 90]

ماكدونالز مايبيع تويستر ؟؟


!!

[بومحمد المطاوعه]

ماكدونالز مايبيع تويستر ؟؟


!!

هههههههههه اي والله استغربت انا

[دايموند]

تويستر. قصدك كنتاكي ؟

[asadfg]

هو يقصد جيز برغر

[asadfg]

اخوي ذكرتني في مسلسل بو هباش كانت كل حياته صدمات وتبذير

[sweet qatar]

اخوي اعتقد القسم الأفضل لطرح الموضوع
هو قسم حماية المستهلك

وان شالله تلقى التفاعل المحترم مع طرحك

[بومحمد المطاوعه]

كل شي ارتفع ياخوي

جات على 10 ولا 20


الله كريم

لاحقوق ولا شي

[jeep-srt8]

يقصد كنتاكي

اي في ارتفاع ملحوظ

[بوخالد911]

غسيل السيارة إلى (30 ريال) - "ماكدونالدز" التويستر إلى (8 ريال)

الاول : بدلاً من 25 ريال قطري
الثاني : بدلاً من 6 ريال قطري

قبل أيام ذهبت إلى المغسله لغسيل السيارة (مجرد رش ماء فقط) وكنت أدفع كالمعتاد 5 ريال قطري
فدهشت عندما طلب مني 10 ريالات وقالي لي السعر اختلف ....... الخ

وكذلك عندما اتصلت إلى ماكدونالدز للطلب لعائلتي إلا وكانت الصدمة بأن سعر الطلب وصل إلى أكثر من 50 ريالاً مع ان المطلوب كان مجرد عدة تويسترات حتى دون الوجبة الكاملة فاتصلت مرة أخرى وأخبروني بان السعر كذا وكذا .... الخ





بخصوص غسيل السيارة ب 30 ريال

هالسعر ثابث من حول أربع - خمس سنوات

[FAROOQ10]

اخوي هل انت شخص منطوي؟

؟؟؟؟ :eek5:

[FAROOQ10]

ماكدونالز مايبيع تويستر ؟؟


!!

كل بني آدم خطاء

آسف

اقصد كنتاكي :shy::shy::shy::shy:

[FAROOQ10]

بخصوص غسيل السيارة ب 30 ريال

هالسعر ثابث من حول أربع - خمس سنوات

موثابت
في بعض المغاسل 25 وفي 30
الحين حتى بو25 خلوها 30

[FAROOQ10]

اخوي اعتقد القسم الأفضل لطرح الموضوع
هو قسم حماية المستهلك

وان شالله تلقى التفاعل المحترم مع طرحك

شكرا :):)

[ANONYMOUS]

من يومين طالب من احد المطاعم المعروفه

في المنيو اللي عندي في البيت " يمكن قديمه شوي العام او قبله" الاسعار كانت متغيره

المقبلات كانت ب 29 و صارت 40
سندويشات مشكله كانت ب 55 وصارت ب 73


ارتفعت الاسعار بين 33 -38 في الميه



اذا صفالك زمانك عل ياتاجر.. اشرب قبل لايحوس " القانون" صافيها

[FAROOQ10]

من يومين طالب من احد المطاعم المعروفه

في المنيو اللي عندي في البيت " يمكن قديمه شوي العام او قبله" الاسعار كانت متغيره

المقبلات كانت ب 29 و صارت 40
سندويشات مشكله كانت ب 55 وصارت ب 73


ارتفعت الاسعار بين 33 -38 في الميه



اذا صفالك زمانك عل ياتاجر.. اشرب قبل لايحوس " القانون" صافيها

السؤال هو : هل الجهات المعنية عندها خبر ؟؟

[مشاكل]

وبيجينا وقت بنترحم على هالاسعار ،،، الله المستعان

[v_h3]

يا لها من صدمة الصراحة بس ماك ماعندهم تويستر لذلك انت تقصد kfc :)

[مليونيرة مفلسة]

ههههههههه

[Abo Ahmed]

KFC رفع الأسعار من يوم 1 أبريل حتى قلت حق الموظفة أنها كذبة أبريل فتقولي no sir. الأسعار زادت بمعدل ريال للسندوتشات وريالين للوجبات الصغيرة وخمسة ريال للوجبات الكبيرة، ال party meal نطت من 99 الى 105.

الله كريم

[FAROOQ10]

يا لها من صدمة الصراحة بس ماك ماعندهم تويستر لذلك انت تقصد kfc :)

وضحت في الردود السابقة انها غلطة

بااال ما صارت غلطة ههههههههه

[FAROOQ10]

KFC رفع الأسعار من يوم 1 أبريل حتى قلت حق الموظفة أنها كذبة أبريل فتقولي no sir. الأسعار زادت بمعدل ريال للسندوتشات وريالين للوجبات الصغيرة وخمسة ريال للوجبات الكبيرة، ال party meal نطت من 99 الى 105.

الله كريم

مستحيل حد بيشتريه 8 ريال
في افضل من التويستر ب8 ريال وأرخص بعد

[FAROOQ10]

ههههههههه

:nice::nice::nice:

[يمامـة]

المشكلة ما عندنا حماية للمستهلك..

يبيعونك سندويش شوارما على 8 ريالات او 6 ريالات
حدهم قطعيت دياي او لحم والباقي سلطة وطيحينة..

طيبمب المفروض تكون هناك مقاييس للسندويشات و محتواها ؟

واذا قلت لهم ليش مافي لحم في السندويش يقول لك ادفع 3 ريالات نزيد لك قطعتين!!!


اساس المشكلة من الحكومة اللي ما تضرب بيد من حديد على المسؤولين عن حماية المستهلك..

[يمامـة]

مستحيل حد بيشتريه 8 ريال
في افضل من التويستر ب8 ريال وأرخص بعد

قطعتين دياي مقلقصين كلش ما كانوا جذيه
الظاهر مع رفع الاسعار صغروا احجام الدياي

[همر]

السؤال المهم.. بعد السبع تويسترات اللي

كلتوهم بالعافيه ماعورتكم بطونكم ؟!!

انا استبدلت العشرج بالكنتاكي تبي الصراحه ...

[العلياا]

انا شفت اعلان لكنتاكي انهم رجعوا الاسعار مثل قبل
مادري صحيح والا انا بعد انطوائيه !!

[العلياا]

السؤال المهم.. بعد السبع تويسترات اللي

كلتوهم بالعافيه ماعورتكم بطونكم ؟!!

انا استبدلت العشرج بالكنتاكي تبي الصراحه ...


ههههههههههههههه فطست ضحك والله انك صادق

[يمامـة]

السؤال المهم.. بعد السبع تويسترات اللي

كلتوهم بالعافيه ماعورتكم بطونكم ؟!!

انا استبدلت العشرج بالكنتاكي تبي الصراحه ...


جيل ناعم، الكنتاكي ايأثر فيكم !!

ما شاءالله علي استعيد قوتي مع وجبات كنتاكي

وعشاي كنتاكي..........> نطرش لك حلول ؟:shy:

[دايموند]

قطعتين دياي مقلقصين كلش ما كانوا جذيه
الظاهر مع رفع الاسعار صغروا احجام الدياي

حتى الجيز كيك والشوكلت كيك مالهم رفعوا سعره وصغروا حجمه !!

[يمامـة]

انا شفت اعلان لكنتاكي انهم رجعوا الاسعار مثل قبل
مادري صحيح والا انا بعد انطوائيه !!

صبري عليه كلها نص ساعة ويوصل الطلب ان شاءالله وبشوف صندوق الفاميلي كم صار

انتظرونا لا تذهبوا بعيدا..:telephone:

[يمامـة]

جاءنا ما يلي

صندوق الفاميلي هاهاه اقصد السلة ام فاميلي للحين سعرها 105
وهذا هو سعرها قبل كذبة ابريل...........> فاحتمال عدلوا اسعارهم عقب
ما ارفعوها ..

[همر]

جيل ناعم، الكنتاكي ايأثر فيكم !!

ما شاءالله علي استعيد قوتي مع وجبات كنتاكي

وعشاي كنتاكي..........> نطرش لك حلول ؟:shy:



معلوم كنتاكي حق الوحوش

ولا ماجابوا لكم احلام تسوي له دعايه

ابييي تكتااااكيييي :vampire:

[همر]

جاءنا ما يلي

صندوق الفاميلي هاهاه اقصد السلة ام فاميلي للحين سعرها 105
وهذا هو سعرها قبل كذبة ابريل...........> فاحتمال عدلوا اسعارهم عقب
ما ارفعوها ..


تقول لج كان سعره 99 ريال

شنو عدلو سعره بعدما رفعوه ؟!!

عربي كيا خبرهيه ؟!!

[يمامـة]

تقول لج كان سعره 99 ريال

شنو عدلو سعره بعدما رفعوه ؟!!

عربي كيا خبرهيه ؟!!


قبل شهر ابريل طالبته على 105

حتى عطيت الدريويل 100 قال لي اطالبج 5 ريالات زيادة.. وهالكلام من كم شهر

تعتقد من اللي يبوقني؟

اما بخصوص عدلوا سعره

يعني يمكن بالفعل ارفعوا الاسعار والحين ردوها مثل قبل ما يرفعونها..

بس ما قلت لي تبي حلول ؟

[يمامـة]

معلوم كنتاكي حق الوحوش

ولا ماجابوا لكم احلام تسوي له دعايه

ابييي تكتااااكيييي :vampire:



معلومة جدا قيمة..........> اخيرا عرفت لأي فصيلة انتمي

بوهت شوكريا :shy:

[حسن]

المشكلة ما عندنا حماية للمستهلك..

يبيعونك سندويش شوارما على 8 ريالات او 6 ريالات
حدهم قطعيت دياي او لحم والباقي سلطة وطيحينة..

طيبمب المفروض تكون هناك مقاييس للسندويشات و محتواها ؟

واذا قلت لهم ليش مافي لحم في السندويش يقول لك ادفع 3 ريالات نزيد لك قطعتين!!!


اساس المشكلة من الحكومة اللي ما تضرب بيد من حديد على المسؤولين عن حماية المستهلك..

لا والله ياليمامه حمايه المستهلك شغالين شغل
الضليمه شينه

انا بالنسبه لغسيل السيارات الحمدلله انا اكثر من 15 سنه ماغسلت برع
عندي مكينه خاصه ولا تصرف ماي خير شر

[العلياا]

جاءنا ما يلي

صندوق الفاميلي هاهاه اقصد السلة ام فاميلي للحين سعرها 105
وهذا هو سعرها قبل كذبة ابريل...........> فاحتمال عدلوا اسعارهم عقب
ما ارفعوها ..

الحمدلله طمنتيني :secret:
مداخيل العافيه

[همر]

لا والله ياليمامه حمايه المستهلك شغالين شغل
الضليمه شينه

انا بالنسبه لغسيل السيارات الحمدلله انا اكثر من 15 سنه ماغسلت برع
عندي مكينه خاصه ولا تصرف ماي خير شر


بوعلي دامهم شغالين من وجهة نظرك

قول لهم الكبينه باقوووه ... يمكن يعينونها

لك مني ولا مني ...

وبعدين شلون مكينه ماتصرف ماي ؟!!

لايكون تغسل السياره بمكنسه كهربائيه ؟!! :omg:

[يمامـة]

لا والله ياليمامه حمايه المستهلك شغالين شغل
الضليمه شينه

انا بالنسبه لغسيل السيارات الحمدلله انا اكثر من 15 سنه ماغسلت برع
عندي مكينه خاصه ولا تصرف ماي خير شر

صدقني مب شغالين كويس في التلاعب الحاصل في رفع الاسعار وتقليل المكونات
او تصغير السندويشات او تقليل العيش في الصحون ..

ومب الكل يغسل في البيت يا بوعلي ،، فاللي مضطر يغسل برع
فهل يدفع ضريبة ارتفاع الاسعار من غير حسيب ولا رقيب ؟


الحمدلله طمنتيني :secret:
مداخيل العافيه
الله يعافيج

تفضلي معانا :shy:

[همر]

قبل شهر ابريل طالبته على 105

حتى عطيت الدريويل 100 قال لي اطالبج 5 ريالات زيادة.. وهالكلام من كم شهر

تعتقد من اللي يبوقني؟

اما بخصوص عدلوا سعره

يعني يمكن بالفعل ارفعوا الاسعار والحين ردوها مثل قبل ما يرفعونها..

بس ما قلت لي تبي حلول ؟



فيه العافيه طال عمرج

انا كلت زيتونتي وخستي

ورشفة شاهيي الاخضر

وسأخلد للنوم ...

[يمامـة]

فيه العافيه طال عمرج

انا كلت زيتونتي وخستي

ورشفة شاهيي الاخضر

وسأخلد للنوم ...



احلام سعيدة

[حسن]

بوعلي دامهم شغالين من وجهة نظرك

قول لهم الكبينه باقوووه ... يمكن يعينونها

لك مني ولا مني ...

وبعدين شلون مكينه ماتصرف ماي ؟!!

لايكون تغسل السياره بمكنسه كهربائيه ؟!! :omg:



الكبينه ابشرك اليوم عند العقيد وقالي بكره تعال

مااقدر اتكلم اكثر علشان ماتنكشف الخطه

بس اذا مسكنا البايق ابشر بالعشى

وبنجيب خاروف ابيض وبنذبحه علشان السلامه

قول انشاء الله

بالنسبه للمكينه كلشلر الالمانيه الصفره

استهلاكها قليل كلش لا تقارن مع غسيل الهوز دايركت

تصدق حتى الكنديشن باقوووه

:weeping:

[حسن]

صدقني مب شغالين كويس في التلاعب الحاصل في رفع الاسعار وتقليل المكونات
او تصغير السندويشات او تقليل العيش في الصحون ..

ومب الكل يغسل في البيت يا بوعلي ،، فاللي مضطر يغسل برع
فهل يدفع ضريبة ارتفاع الاسعار من غير حسيب ولا رقيب ؟


الله يعافيج

تفضلي معانا :shy:

لا والله شغالين اذا فيه شي بلغي
اما بخصوص السنتدويتشات يمكن انهم مسوين دايت

لا تنسين ياليمامه الاجارات خياليه والله
شي غير طبيعي
تخيلي بيت شعبي سعره يوصل الى 30 مليون

:omg:

[همر]

الكبينه ابشرك اليوم عند العقيد وقالي بكره تعال

مااقدر اتكلم اكثر علشان ماتنكشف الخطه

بس اذا مسكنا البايق ابشر بالعشى

وبنجيب خاروف ابيض وبنذبحه علشان السلامه

قول انشاء الله

بالنسبه للمكينه كلشلر الالمانيه الصفره

استهلاكها قليل كلش لا تقارن مع غسيل الهوز دايركت

تصدق حتى الكنديشن باقوووه

:weeping:


لاحول ولا قوة الا بالله

تونا بنبارك ونقول قرة عينك

هالدور الكنديشن باقوووه ؟!! :omg:

اقرا على نفسك وانا اخوك ..

وخش السلاجه عدل لا يبوقونه :secret:

[همر]

لا والله شغالين اذا فيه شي بلغي
اما بخصوص السنتدويتشات يمكن انهم مسوين دايت

لا تنسين ياليمامه الاجارات خياليه والله
شي غير طبيعي
تخيلي بيت شعبي سعره يوصل الى 30 مليون

:omg:



انا بس ودي اعرف وشي قطعة الارض

اللي انباعت في اسلطه بستين مادري ثمانين

مليون !!!! :rolleyes2:

[حسن]

لاحول ولا قوة الا بالله

تونا بنبارك ونقول قرة عينك

هالدور الكنديشن باقوووه ؟!! :omg:

اقرا على نفسك وانا اخوك ..

وخش السلاجه عدل لا يبوقونه :secret:



ماهو الكنديشن داخال كبينه اللي باقوووه
اما السلاجه لا لاتخاف
داخل البيت

[حسن]

انا بس ودي اعرف وشي قطعة الارض

اللي انباعت في اسلطه بستين مادري ثمانين

مليون !!!! :rolleyes2:



الموقع والمساحه

اكيد تلعب دور في السعر

[يمامـة]

انا بس ودي اعرف وشي قطعة الارض

اللي انباعت في اسلطه بستين مادري ثمانين

مليون !!!! :rolleyes2:



عيل ما قريت قطعة ارض بمساحة 600 متر مربع
مبني عليها فيلة ب 450 مليون ريال

يا الرقم صار تافه او الجريدة تحب تبالغ

لأنه سعر مب معقول للمساحة هذي ابدا البتة.

[يمامـة]

لا والله شغالين اذا فيه شي بلغي
اما بخصوص السنتدويتشات يمكن انهم مسوين دايت

لا تنسين ياليمامه الاجارات خياليه والله
شي غير طبيعي
تخيلي بيت شعبي سعره يوصل الى 30 مليون

:omg:

دايت هااا؟

خودا كريم ..

[(بوطلال)]

كل في بيتك واغسل السياره بيدك.

[FAROOQ10]

اشوف بعض الردود برع الموضوع

ها ويش السالفه :anger1::anger1::anger1::anger1:

[FAROOQ10]

كل في بيتك واغسل السياره بيدك.

هذا المطلوب :nice:
شاكر لك عالمرور العطر

[سعادة الوزير]

الى بعض اصحاب الردود التي اقل ما يقال عنها "انها لا داعي لها" : اما ترد بكلمة طيبة على صاحب الموضوع او تلتزم الصمت ، اما الاستهزاء بهذه الصورة فهذا تصرف غير مقبول ، تعيبون على الرجل وتلمزونه بالبخل! ، والله انه محد قوى بعض التجار وخلاهم يرفعون علينا الاسعار الى هالنفوس! ، في السعودية لما ارفعوا سعر الحليب ريال واحد فقط الشعب كله وقف وقفة رجل واحد ، غنيهم قبل فقيرهم.

بعدين الرجل يناقش قضية رفع الاسعار ، وما طلب رايكم في وجبة كنتاكي هل هي صحية ام لا! ، مطاعم كنتاكي مثلها مثل اي مطعم آخر ، فيه الي يحبه وفيه الي مايحبه.

[بوحارب]

وولكم باك سعادة الوزير

ولا فض فوك :)

[R 7 A L]

اصحاب العقارات ارفعوا الاجارات والمحلات اكبسوها علينا
في الاخر المواطنين والمقيمين هم الضحية

[Monarch]

البيبسي سعره يرتفع.... مصيبه
الكرك يرتفع ..... مصيبه
الحين غسيل ماي بس من 5 الى 10 ... مصيبه
عشاء حق عائله ب 50 بس .. لا مستحيل

ايفون اجدد شي و بلاكبيري بورش . عادي جدا

هذا التضخم وطبيعي جدا
لكن اللي مب طبيعي هو رده الفعل لبعض الحاجات اللي يرتفع سعرها شي بسيط. اما الكماليات اللي مالها داعي هي اللي عادي ندفع عشانها

[دايموند]

السبب الرئيسي هم اصحاب العقارات

لازم الدوله تتدخل مب حاله هاذي

بغيت استأجر محل 5 في 5 متر يقولي الايجار ب 12 الف اشحقه !!!

لو في ميزانيين ببلعها لكن محل قرقور ب 12 الف !!!

والله جشع من قلب

ياليت الحكومه تدخل لان تعبنا من هالموضوع

هرمنا

[سعادة الوزير]

البيبسي سعره يرتفع.... مصيبه
الكرك يرتفع ..... مصيبه
الحين غسيل ماي بس من 5 الى 10 ... مصيبه
عشاء حق عائله ب 50 بس .. لا مستحيل

ايفون اجدد شي و بلاكبيري بورش . عادي جدا

هذا التضخم وطبيعي جدا
لكن اللي مب طبيعي هو رده الفعل لبعض الحاجات اللي يرتفع سعرها شي بسيط. اما الكماليات اللي مالها داعي هي اللي عادي ندفع عشانها

اخوي الايفون والبلاكبيري مارتفع سعره 50% ، بالعكس نفس الاسعار بالضبط بين قطر والسعودية ودبي ، وبعدين من قال لك انها كماليات ، يعني تبي تفهمني ان تلفونك نوكيا بو ليت مثلاً؟

[أم محمد 90]

اخوي الايفون والبلاكبيري مارتفع سعره 50% ، بالعكس نفس الاسعار بالضبط بين قطر والسعودية ودبي ، وبعدين من قال لك انها كماليات ، يعني تبي تفهمني ان تلفونك نوكيا بو ليت مثلاً؟

اخوي ,,

الاخ يقصد ان العالم لازاد سعر الشي ريال ولا ريالين ولا 5 ريال

قاموا وكتبوا مواضيع واستنكروا

والكماليات مثل البلاك بيري والايفون ب2000 وشي

هاي اللي الاخ يقصده

اي هالجوالات تعتبر كماليات , كل شخص ع حسب ميزانيته يختار الجوال اللي يناسبه ويناسب ميزانيته

اما مايبقى من راتبه الا 8 الاف ريال وياخذ جوال ب 3200

وعقب يتحلطم زادو سعر البيبسي والغدا والعشا وغيره وغيره

حدث العاقل بما يعقل

[FAROOQ10]

الى بعض اصحاب الردود التي اقل ما يقال عنها "انها لا داعي لها" : اما ترد بكلمة طيبة على صاحب الموضوع او تلتزم الصمت ، اما الاستهزاء بهذه الصورة فهذا تصرف غير مقبول ، تعيبون على الرجل وتلمزونه بالبخل! ، والله انه محد قوى بعض التجار وخلاهم يرفعون علينا الاسعار الى هالنفوس! ، في السعودية لما ارفعوا سعر الحليب ريال واحد فقط الشعب كله وقف وقفة رجل واحد ، غنيهم قبل فقيرهم.

بعدين الرجل يناقش قضية رفع الاسعار ، وما طلب رايكم في وجبة كنتاكي هل هي صحية ام لا! ، مطاعم كنتاكي مثلها مثل اي مطعم آخر ، فيه الي يحبه وفيه الي مايحبه.

الموضوع صار دردشة

ما شفنا أخذ وعطاء الا من البعض ...

الله يعين :rolleyes2:

[أم محمد 90]

استغفر الله يمامه وهمر مالكم حل

كل موضوع تقلبونه معلقه !

[shadad]

الله يرحم ايام مغاسل الغرافه اللي كانوا على يمين الشارع ... ب 10 و يترجنوك تغسل عندهم .

[يمامـة]

استغفر الله يمامه وهمر مالكم حل

كل موضوع تقلبونه معلقه !

لا حول ولا قوة الا بالله
انتي من عقب التكميم كل شي تبينه بحجم النتفة..
المهم عساج بخير الحين ؟ ..

صاحب الموضوع وسعادة الوزير

ترى النقاش اللي صار في الموضوع كان في صلب الموضوع
ارتفاع سعر الكنتاكي تناقشنا فيه وجبنا دليل ان السعر هذا كان موجود
من قبل شهر ابريل//

وشخصيا اوقف مع صحاب الموضوع

ارتفاع الكرك ريال او البيبسي نص ريال
من غير وجهة حق ما يصير ابدا ،،

وهذا حق من حقوقي كمستهلك،،

وشكرا لكم

[فيصل99]

الحل المقاطعه غيرجي مافيالواحد يقدر يستغني عن تويستر
والموتر دلو ماي وصابون كافي الدرويل يغسل لك

[هبوب الكوس]

كل اول شهر اغسل السيارة