اللي عنده دريول او اخت او زوجة تسوق يدخل هنا ;)

[بوحارب]

يا جماعة الخير اللي عنده زوجة أو أخت أو دريول في البيت

يا ريت ينبهم على
1- عدم استعمال الليت القوي (الفول) اثناء السواقة
2- عدم المشي على الخط الأيسر أو الخط السريع نهائيا
3- عند الخروج من اللفة إلى شارع رئييسي تنتبه
وما تطلع على طول وكأنه الشارع بأسم أبوها :(

هذي ثلاث نقاط الاحظها على سواقة
بعض الدريولية وأخواتنا السائقات
واللي عنده نصايح أخرى يسدحها هنا

وشكرا

[حسن]

خرعتنا يابوحارب

فكرت تبلغ عن سرقه ولا شي خطير

عادي يارجل

بالنسبه لي متقبل ومتعود لما يشوف الرقم في المنظره الوسطيه
واضح وضوح الشمس

هني غصب يفتح

طبعا بعد اتسنفاد جميع المحاولات التنبيه وتنيه باليت

وعقبها الرقم

وامورك في التمام

[بوحارب]

هههههههه والله شغلك عدل بس الخوف انه يحك بريك بالغلط

[alsoq]

خل المرور يطبق القانون بصرامة كان شفت الكل سيده

يا بن الحلال الاخويا واقفين ويتجاوزون قدامهم


خل يحطون قانون صارم ومخالفة كبيره وينشر باتلفزيون والاذاعة بكل للغات سبوع بس وشوف نظام

مو شاطرين مزاد ارقام وبطاقات ونسو الواجب الرئيسي للتطبق قانون السير

[رهج السنابك]

اي عندي نصيحة

لا تسوقون خلوا الشوارع لاخواتكم السائقات والدريولية ^_*

[قناص 787]

ياريت يكون في قانون للناس اللي ماسكه الخط السريع تقول خط أبوهم
و القهر اذا احترمته و ما عطيته ليت او هرن يسفه لك و اللي يقهر زيادة
انه يطالعك من المنظره بنظرة يعني انا أشوفك بس مهب موخر ......
والله الأشكال ودي بصدام صب حديد اشله هو و موتره من الشارع بكبره
اخليه غصب يحترم نفسه قبل لا يحترم غيره

[بوحارب]

خل المرور يطبق القانون بصرامة كان شفت الكل سيده

يا بن الحلال الاخويا واقفين ويتجاوزون قدامهم


خل يحطون قانون صارم ومخالفة كبيره وينشر باتلفزيون والاذاعة بكل للغات سبوع بس وشوف نظام

مو شاطرين مزاد ارقام وبطاقات ونسو الواجب الرئيسي للتطبق قانون السير

شنقول بس الله المستعان




اي عندي نصيحة

لا تسوقون خلوا الشوارع لاخواتكم السائقات والدريولية ^_*
الظاهر هذا اللي بيصير

صرنا نخاف على مواترنا وانفسنا من سواقتهم<<< المواتر قبل الأنفس ;)


ياريت يكون في قانون للناس اللي ماسكه الخط السريع تقول خط أبوهم
و القهر اذا احترمته و ما عطيته ليت او هرن يسفه لك و اللي يقهر زيادة
انه يطالعك من المنظره بنظرة يعني انا أشوفك بس مهب موخر ......
والله الأشكال ودي بصدام صب حديد اشله هو و موتره من الشارع بكبره
اخليه غصب يحترم نفسه قبل لا يحترم غيره

هذا مريض اللي يسوي الحركة ذي وياما صارت مشاكل بسبب الحركة ذي

ياخي خل الخط السريع لأهله وخلاص
يعني لااازم نحاسه !!

[حسن]

هههههههه والله شغلك عدل بس الخوف انه يحك بريك بالغلط

انت كله تخاف يحك بريك

بالعكس يسير مثل السلس اللي لاحقته جنعده يدوس حده ويشغل التيربو

اسئل مجرب

:victory:

[بوحارب]

انت كله تخاف يحك بريك

بالعكس يسير مثل السلس اللي لاحقته جنعده يدوس حده ويشغل التيربو

اسئل مجرب

:victory:

حتى في السواقة نوخذه ;););)

لايسمعك ذاك اللي يصارخ ههههه

[hanayen]

الخط اليسار للي يبي يسرع فهمنا بس لما يكون الشارع أساسا زحمه وما يمشي ويجيك واحد ويبي يطير ويحرق عينك فلاشات وين أخلاق السواقه يعي أقصى سرعه يمكن ثلاثين او أربعين من شده الزحمه
الفلاشات سلوك غير حضاري وموذي للعين الله يسامح اللي يسوي هالحركات

[بوحارب]

الخط اليسار للي يبي يسرع فهمنا بس لما يكون الشارع أساسا زحمه وما يمشي ويجيك واحد ويبي يطير ويحرق عينك فلاشات وين أخلاق السواقه يعي أقصى سرعه يمكن ثلاثين او أربعين من شده الزحمه
الفلاشات سلوك غير حضاري وموذي للعين الله يسامح اللي يسوي هالحركات

ههههههه هدي هدي ماله داعي السب

انا اقصد اللي تمسك الخط السريع والشارع فاضي:)

اما وقت الذروة مالنا الا نشغل أنفسنا في الاستغفار ;)

[حسن]

الخط اليسار للي يبي يسرع فهمنا بس لما يكون الشارع أساسا زحمه وما يمشي ويجيك واحد ويبي يطير ويحرق عينك فلاشات وين أخلاق السواقه يعي أقصى سرعه يمكن ثلاثين او أربعين من شده الزحمه
الفلاشات سلوك غير حضاري وموذي للعين الله يسامح اللي يسوي هالحركات

شوفي سوي مثلي ومعلم السواقين عندي ماامسك الخط اليسار الى لما اسرع
يعني فوق اا120 وطالع

وعلى طول امسك حاره اليمين خير شر ماشي سريع ولا اقلص طراد ولاكابينه
مااغلق حاله اليسار االى اذا امامي سياره ويجب ان اتجاوزها من اليسار

بس حلوه

الحمار

:)

[روز باريس]

ياريت يكون في قانون للناس اللي ماسكه الخط السريع تقول خط أبوهم
و القهر اذا احترمته و ما عطيته ليت او هرن يسفه لك و اللي يقهر زيادة
انه يطالعك من المنظره بنظرة يعني انا أشوفك بس مهب موخر ......
والله الأشكال ودي بصدام صب حديد اشله هو و موتره من الشارع بكبره
اخليه غصب يحترم نفسه قبل لا يحترم غيره

ياريت تسويها حق دريولي بس مااكون معه ههههه

[mubarak2006]

ياريال تلاغوا اثنين في خط 22 فبراير احذاا بعض والسبه واحد منهم مـب فاتح للثاني الطريق ...صـج مسخره ..لا والناس ورآهم سيد شطول ...وين احترام الغير اخر مهزله

[abu m7md]

اضحك الله سن بعض الاعضاء طرف ادامكم الله على طاعته وعلى حب نبيه صلى الله عليه وسلم

عن نفسي يوم جبت الدريول وخليته يسوق فيني انا مب متقبل سواقته
الوالده وام العيال يمدحون سواقته
سئلت الوالده الله يبارك في عمرها تسمعون هرنات على الطريق السريع لو ليتات قويه فالليل تقول لا
قلت خلني اجرب بنفسي

ركبت احذاه واسواقته لله الحمد حلوه ويعرف يتصرف مثل بعض شبابننا مايتعطل
واعلمه انه فالحدود هذا مايكون الشارع لك وحبه حبه ولله الحمد



بس فيه مشكلة مرات يتيس ينسى وين يبي يروح فا عادي يكع بريك ويرجع يروس على طريق السريع
اذا شفتوا مثل هذه الحاله اعذروه من شاني او اتصلوا فيني

[رُفق المجنّا]

النقطة الأهم : اذا كنت بتنتقل من مسار الى اخر ، مب شرط تكبس بريك الله يرحم والديك
الشي الثاني : الدوار حطوه لتسهيل المرور وحتى تكون فيه مرونه ، يعني بمجرد يمر الموتر وفيه مجال ، روووح

[قناص 787]

ياريت تسويها حق دريولي بس مااكون معه ههههه

هههههههههههه يبيله

[العلياا]

سمعاً وطاعة :o

ملاحظتي ياليت الناس تستخدم الاشارات ترى والله مب عيب عادي :)

[رائد العنابي]

السلام عليكم و الله انا عندي نصيحه لكل عائله عنده دريول حق الحريم

بعض السواقين لم يزل الحريم للمجمع يروح و يوقف في اقرب موقف يا اخي خل المواقف للناس و خصوصا في المستشفيات و المراكز الصحيه تلاقي اغلب المواقف ماخذينه السواقين

فالو تكرمتوا قولوا للسواق يوقف على جنب او ياخذ لفه لفتين

والله يبارك فيكم جميعا

[حسن]

السواقه فن وذوق ولكن اللي عندنا الكثير لا ذوق ولا فن

من تلصق في ظهره يتخسبق يقوم يضرب بريك مادري وش يسوي

تقول ضاربه عقر بقر

انا سرت رهين المحبسين بسبه هل الاشكال

[بريق الماسه]

كله كوم ولي يحط ريله على الجامه وهو يسوق كووم

منظر غير حضاري

[رائد العنابي]

كله كوم ولي يحط ريله على الجامه وهو يسوق كووم

منظر غير حضاري

هههههههههههههه هاي اكثرهم تشوفهم في خط 22 فبراير

[قطريه22]

كله كوم ولي يحط ريله على الجامه وهو يسوق كووم

منظر غير حضاري


الاخ شكله يبي يشم ريحة رجله

[R 7 A L]

شوف قبل كان يحترق دمي اذا طلعت مشوار

الحين وبعد ماجربت السواقه في امريكا
اختلف الوضع
التجاوز عن اليمين عندهم عادي ولا عليه مخالفة
لان خطوطهم السريعة مخططه بحيث انك على خط سريع مثلاً جاي من الرويس تبي تروح لام صلال ولا للخيسة
ماتوقف الا داخل المنطقة يعني مايحتاج اشارات وتاخذ يا يمين ولا يسار شغل على طول يدون توقف


الحين انا غيرت سواقتي واسوق على النظام الامريكي
مثال لو حصلت ( جحش ) ماسك المسار اليسار ماعطية لا ليت ولا هرن على طول اشاره يمين واعدي منه

[حسن]

شوف قبل كان يحترق دمي اذا طلعت مشوار

الحين وبعد ماجربت السواقه في امريكا
اختلف الوضع
التجاوز عن اليمين عندهم عادي ولا عليه مخالفة
لان خطوطهم السريعة مخططه بحيث انك على خط سريع مثلاً جاي من الرويس تبي تروح لام صلال ولا للخيسة
ماتوقف الا داخل المنطقة يعني مايحتاج اشارات وتاخذ يا يمين ولا يسار شغل على طول يدون توقف


الحين انا غيرت سواقتي واسوق على النظام الامريكي
مثال لو حصلت ( جحش ) ماسك المسار اليسار ماعطية لا ليت ولا هرن على طول اشاره يمين واعدي منه

مشاء الله يارحال بعد الجحش وصل عندنا

:ok:

شوف الكثير مايعرف قواعد السواقه وخصوصا
شرق وغرب اسيا

اليوم الصبح وقفقت عند الاشاره يميني يلعب في التفلون يساري ماسك التلفون ويكتب
الموتر اللي شفته خذ الاشاره وكوع التلفون في يده

شي مش طبيعي ماشافو خير هل الناس
بالنسبه للتجاوز عن اليمن عادي ومسموح ومافيها شي اذا انت ماسك حاره اليمين
هناك لغط عن التجاوز
يعني اذا السياره امامك في الحاره تتجاوزها من اليسار اما هي مهب امامك كمل
وروح معليك من حد
يعني انا لما امسك الخطوط الخارجيه امسك اقصى اليمين واروح مكمل
اذا في امامي سياره اتجوزه يسار وارجع لنفس حارتي اما اذا مافي سياره مااتجاوزها
وعادي تشوف السيارات اللي على يساره اطوفهم وهم في حاراتهم

بالنسبه للسرعه هي مسببه تدهور السواقه
لو يكون سته اكتوبر السرعه عليه 120 كان اوكيه
اما شارع 3 حارات والسرعه 100 مصيبه واكبر كارثه

[l0o0rd-qtr]

واللي يطلع بويهك عشان يتجاوز الموتر اللي قدامه واخر شي يمشي مثل سرعته !

السواقين من جنوب شرق اسيا يبيلهم اعادة برمجه

[فارس قطر]

زين اذا جاك شايب ولا سايق جديد ولا ورع مخبول ويش تسوي ولا ميكروباص يسوقة واحد مغترب


هذة الفوضى في حركة السير راجع لاادارة المرور الي حتى الان مب قادرة تسيطر على تطبيق الانضباط وتجاوزات من اليمين واليسار

في الشواع الداخلية والخارجية

والاتكال على الغير مثل الخويا وشرطة المناطق الخارجية.

[توشيبا]

ياليت ماتدعس ريسات وتصرخ وتقول روووووح

ترا الشارع مب فاضي

[السكين]

وأنا من هذا المنبر العملاق أحب أوجه تحية عفواً نصيحة أخرى :nice:

الخطوطة اللي قبل الاشارات الضوئية .. اللي تشبه التمديدات ..اللي تشبه اللزقات .. يا جماعة الخير هذي اسمها حسّاسّات ، يعني في حال السيارة وقفت وراها بتم الإشارة حمرا لأن الإشارة ذكية .. وبتعبر الخط فاضي وبتحول على كل الإشارات .. ما عدا حضرة جنابك وبتاكلها وبياكلها الخط اللي وراك .

الكثير وخاصة الآسيويين يخافوا يتجاوزوها ويتوقعوا أنها خط الرادار واللي يتجاوزها والاشارة حمرا بتصيده الكاميرا :eek5:

بس هذا اللي عندي مبدأياً .

[توشيبا]

وأنا من هذا المنبر العملاق أحب أوجه تحية عفواً نصيحة أخرى :nice:

الخطوط اللي قبل الاشارات الأرضية .. اللي تشبه التمديدات ..اللي تشبه اللزقات .. يا جماعة الخير هذي اسمها حسّاسّات ، يعني في حال السيارة وقفت وراها بتم الإشارة حمرا لأن الإشارة ذكية .. وبتعبر الخط فاضي وبتحول على كل الإشارات .. ما عذا حضرة جنابك وبتاكلها وبياكلها الخط اللي وراك .

الكثير وخاصة الآسيويين يخافوا يتجاوزها ويتوقعوا أنها خط الراد واللي يتجاوزها والاشارة حمرا بتصيده الكاميرا :eek5:

بس هذا اللي عندي مبدأياً .

اي والله والحين اشوف صارو يحطون ( الحساس ) قدام ورا شوي قبل الخط العريض علي شان مقل ماذكرت يوقف بعيد عنه

[السكين]

اي والله والحين اشوف صارو يحطون ( الحساس ) قدام ورا شوي قبل الخط العريض علي شان مقل ماذكرت يوقف بعيد عنه

صارت معاي على اشارات المطار التجارية واقفين ساعة ، والناس نازلة وواحد يقولي : عايزين نتصل بالشرطة .. قلت له : يا حبيبي فيه واحد غبي قدام هو السبب ..واضرب خط مشي وأكلمه.

ومرة كروزر على نفس الإشارة صعّد رصيف وخلى أول واحد يروح قدام شوي ، ومرة نفس شي واحد اضطر يطلع من المسار على إشارة برزان ووصل جزيرة الشارع وقعد يكلمه من بعيد ولا فهم الآخ الا بالعافية .

[توشيبا]

صارت معاي على اشارات المطار التجارية واقفين ساعة ، والناس نازلة وواحد يقولي : عايزين نتصل بالشرطة .. قلت له : يا حبيبي فيه واحد غبي قدام هو السبب ..واضرب خط مشي وأكلمه.

ومرة كروزر على نفس الإشارة صعّد رصيف وخلى أول واحد يروح قدام شوي ، ومرة نفس شي واحد اضطر يطلع من المسار على إشارة برزان ووصل جزيرة الشارع وقعد يكلمه من بعيد ولا فهم الآخ الا بالعافية .

والله ياخوي احب اشارات اللي صوب الكورنيش والاسواق لي ان اتصل في الربع ويعطوني الضوء الاخضر :victory:

وعقبال ماتجي كل الاشارات النظام الجديد ومراقبه من كنترول روم

حتي معاد عصير مثل هالمشاكل اللي ذكرتها

[R 7 A L]

مشاء الله يارحال بعد الجحش وصل عندنا

:ok:

شوف الكثير مايعرف قواعد السواقه وخصوصا
شرق وغرب اسيا

اليوم الصبح وقفقت عند الاشاره يميني يلعب في التفلون يساري ماسك التلفون ويكتب
الموتر اللي شفته خذ الاشاره وكوع التلفون في يده

شي مش طبيعي ماشافو خير هل الناس
بالنسبه للتجاوز عن اليمن عادي ومسموح ومافيها شي اذا انت ماسك حاره اليمين
هناك لغط عن التجاوز
يعني اذا السياره امامك في الحاره تتجاوزها من اليسار اما هي مهب امامك كمل
وروح معليك من حد
يعني انا لما امسك الخطوط الخارجيه امسك اقصى اليمين واروح مكمل
اذا في امامي سياره اتجوزه يسار وارجع لنفس حارتي اما اذا مافي سياره مااتجاوزها
وعادي تشوف السيارات اللي على يساره اطوفهم وهم في حاراتهم

بالنسبه للسرعه هي مسببه تدهور السواقه
لو يكون سته اكتوبر السرعه عليه 120 كان اوكيه
اما شارع 3 حارات والسرعه 100 مصيبه واكبر كارثه

يابوعلي
الحديث عن هل شرق اسيا وسواقتهم حديث ذو شجن
دام ربعنا في المرور يعتمدون على مدارس السواقة الي ماهمها الاجمع الاموال
ويعطون من هب ودب رخص ولياسن
لابد ان نتكيف مع الوضع

ملاحظة :
في بلدانهم قوانين المرور عندهم غير
وبعضهم حده سيكل ولا بطبه

[بوحارب]

ياريال تلاغوا اثنين في خط 22 فبراير احذاا بعض والسبه واحد منهم مـب فاتح للثاني الطريق ...صـج مسخره ..لا والناس ورآهم سيد شطول ...وين احترام الغير اخر مهزله
النفسيات صارت تعبانه من سبب الزحمه


اضحك الله سن بعض الاعضاء طرف ادامكم الله على طاعته وعلى حب نبيه صلى الله عليه وسلم

عن نفسي يوم جبت الدريول وخليته يسوق فيني انا مب متقبل سواقته
الوالده وام العيال يمدحون سواقته
سئلت الوالده الله يبارك في عمرها تسمعون هرنات على الطريق السريع لو ليتات قويه فالليل تقول لا
قلت خلني اجرب بنفسي

ركبت احذاه واسواقته لله الحمد حلوه ويعرف يتصرف مثل بعض شبابننا مايتعطل
واعلمه انه فالحدود هذا مايكون الشارع لك وحبه حبه ولله الحمد



بس فيه مشكلة مرات يتيس ينسى وين يبي يروح فا عادي يكع بريك ويرجع يروس على طريق السريع
اذا شفتوا مثل هذه الحاله اعذروه من شاني او اتصلوا فيني
ههههههههههههه

على كيفه يريوس ههههههه ولو أشوفه ببقسله وبعطيه أورقه مكتوب فيها بوحارب

عاد مب تروح تشتكي علي هههه



النقطة الأهم : اذا كنت بتنتقل من مسار الى اخر ، مب شرط تكبس بريك الله يرحم والديك
الشي الثاني : الدوار حطوه لتسهيل المرور وحتى تكون فيه مرونه ، يعني بمجرد يمر الموتر وفيه مجال ، روووح
اما سالفة البريك ودك تشتكي عليه في العاصمة :)


سمعاً وطاعة :o

ملاحظتي ياليت الناس تستخدم الاشارات ترى والله مب عيب عادي :)
تعجبني اللي تسمع الكلام على طول

معاج حق


السلام عليكم و الله انا عندي نصيحه لكل عائله عنده دريول حق الحريم

بعض السواقين لم يزل الحريم للمجمع يروح و يوقف في اقرب موقف يا اخي خل المواقف للناس و خصوصا في المستشفيات و المراكز الصحيه تلاقي اغلب المواقف ماخذينه السواقين

فالو تكرمتوا قولوا للسواق يوقف على جنب او ياخذ لفه لفتين

والله يبارك فيكم جميعا

أشكرك على المرور

[بوخالد911]

هلا بو حرووبي
وكذلك رجاءً من البنات من يصفون الموتر يعدلون السكان !!!!!!

[abu m7md]

ههههههههههههه

على كيفه يريوس ههههههه ولو أشوفه ببقسله وبعطيه أورقه مكتوب فيها بوحارب

عاد مب تروح تشتكي علي هههه




دام الورقه من صوبك ابد انت كفيلة

[بوخالد911]

كله كوم ولي يحط ريله على الجامه وهو يسوق كووم

منظر غير حضاري

هالتصرف أعتبره قلة أدب !!!!

[همر]

سمعاً وطاعة :o

ملاحظتي ياليت الناس تستخدم الاشارات ترى والله مب عيب عادي :)



وياليت اللي تسوق عالخط اليسار لما تشوف

واحد وراها تفتح له بعد مب عيب ولا انتقاص

من قدر المرأه في المجتمع ولا له خص الموضوع

بالاتيكيت وليديز فيرست ولا هو شباك مطعم

اذا حجزتيه صار للنساء فقط والرجال

يروحون الشباك الثاني وهالسوالف اللي

فاهمينها بعض الحريم غلط !

[القلب المؤمن]

وياليت اللي تسوق عالخط اليسار لما تشوف

واحد وراها تفتح له بعد مب عيب ولا انتقاص

من قدر المرأه في المجتمع ولا له خص الموضوع

بالاتيكيت وليديز فيرست ولا هو شباك مطعم

اذا حجزتيه صار للنساء فقط والرجال

يروحون الشباك الثاني وهالسوالف اللي

فاهمينها بعض الحريم غلط !


الا بعض الشباب عندهم حالة نفسية من يشوف وحده تسوق على الخط اليسار لو ماشيه 100 بيمشي وراها 200 بس علشان تفتح له !!
افضل طريقة لمعالجتهم التطنيش لاتفتحوووون لهم يا بنات خلهم يتأدبون ويلتزمون بالنظام ، من كم يوم واحد جا عند الاشارة وكسر جدامي ماشي بالعرض والله زين اللي ما دعمته لا ويرفع يده يقول لي شكرا هههههه
وبعدين ودي افهم ليش الشباب مايستحملون يمشون بخط واحد لازم يمين يسار يتنقلون بين السيارات ، ترى والله حركة خطيرة واخرتها حوادث خشنة !
في الشارع انا اشوف سواقة الحريم حذرة وكل اخطائها بسيطه بسبب عدم الخبرة لقلة مشاويرهم، اما الشباب متهورين ومحتاجين كونترول 😑
اما سواقة الهنود ....... برايي لو مايعطونهم الليسن احسن 😂


على قولة غانم السليطي بسسسسكم خرابيييييييط !!!

[شيخ الديرة]

يابوعلي
الحديث عن هل شرق اسيا وسواقتهم حديث ذو شجن
دام ربعنا في المرور يعتمدون على مدارس السواقة الي ماهمها الاجمع الاموال
ويعطون من هب ودب رخص ولياسن
لابد ان نتكيف مع الوضع

ملاحظة :
في بلدانهم قوانين المرور عندهم غير
وبعضهم حده سيكل ولا بطبه

لماذا لا يكون هناك شرط أن يكون السائق المستقدم حائز على شهادة سياقة من بلده من مراكز غير حكومية تكون معتمدة من دائرة المرور وعليها فحص دوري لضمان النوعية والمصداقية.

ما يؤسف له أن تتحول مدينة الدوحة الى ميدان كبير لتعليم السياقة

[قطريه22]

ان شفتو دريول يلف على السيايير ويسرع ابيكم توقفونه وتعطونه كم طراق
هاي دريولنا

[همر]

الا بعض الشباب عندهم حالة نفسية من يشوف وحده تسوق على الخط اليسار لو ماشيه 100 بيمشي وراها 200 بس علشان تفتح له !!
افضل طريقة لمعالجتهم التطنيش لاتفتحوووون لهم يا بنات خلهم يتأدبون ويلتزمون بالنظام ، من كم يوم واحد جا عند الاشارة وكسر جدامي ماشي بالعرض والله زين اللي ما دعمته لا ويرفع يده يقول لي شكرا هههههه
وبعدين ودي افهم ليش الشباب مايستحملون يمشون بخط واحد لازم يمين يسار يتنقلون بين السيارات ، ترى والله حركة خطيرة واخرتها حوادث خشنة !
في الشارع انا اشوف سواقة الحريم حذرة وكل اخطائها بسيطه بسبب عدم الخبرة لقلة مشاويرهم، اما الشباب متهورين ومحتاجين كونترول 😑
اما سواقة الهنود ....... برايي لو مايعطونهم الليسن احسن 😂


على قولة غانم السليطي بسسسسكم خرابيييييييط !!!


قايل لكم ماخذين السالفة مسألة كرامه ! :court:


الحين ودي افهم سالفة توارد الخواطر بينكم

وبين باقي السواقين ... يعني انتوا تحسون

انهم قاعدين يسولفون معاكم ؟!! يعني مجرد

ماتشوفين شاب وراج تحسين انه يقولج

وخري

وتردين عليه

مب موخره طريقي كيفي

ويرد عليج

بدعمج احسن لج

وتردين عليه

طق راسك في الطوفه


ودي افهم هذي المحادثات تدور في راسكم ؟!!

ترى مب صج !!!

[ضوى]

وانا اقول لكل بنت تسوق اذا شفتي وراج واحد مينون يعطيج ليتات يبي الطريق عطيه مجال لانه خبل وممكن يخبطج من حماقته

[عثرة جواد]

صباح الخير

الصراحه قهرني الكلام جنه احنا مانعرف انسوق
والله انه اكثرالي يسون هل حركات شباب يفتح الديم ويطيرجنه محدف الشارع الاهو
ولوعطيته اشاره يصكره يلصق فيك ويتم لين تفتح له اشدعوة كله البنات ترا صج البنات
لهم بعض الحركات بس الشباب عجب

[R 7 A L]

لماذا لا يكون هناك شرط أن يكون السائق المستقدم حائز على شهادة سياقة من بلده من مراكز غير حكومية تكون معتمدة من دائرة المرور وعليها فحص دوري لضمان النوعية والمصداقية.

ما يؤسف له أن تتحول مدينة الدوحة الى ميدان كبير لتعليم السياقة


من قال ماعندهم شهادات سواقة معترف فيها رسمياً من بلدانهم ؟!!!

عندهم
بس تدري لياسن وشو ؟
لياسن سياكل وبطابط !!!
الخلل من عندنا من إدارة المرور واعتمادها الكلي على مدارس السواقة
حتى ان الاختبارات في مدارس السواقة

[بوعبدالله911]

الله المستعان

[العنيده]

ياريت يكون في قانون للناس اللي ماسكه الخط السريع تقول خط أبوهم
و القهر اذا احترمته و ما عطيته ليت او هرن يسفه لك و اللي يقهر زيادة
انه يطالعك من المنظره بنظرة يعني انا أشوفك بس مهب موخر ......
والله الأشكال ودي بصدام صب حديد اشله هو و موتره من الشارع بكبره
اخليه غصب يحترم نفسه قبل لا يحترم غيره

عادي امس مستعجله ابي اروح الطواري مع السواق واللي قدامي ماسك الخط السريع ويسوق ببطئ ويبين انه لاهي في الجوال :( والنظره القاتله في المنظره تنهي الموضوع يعني مافي امل :cry2:
سواء سائقه او سائق الخط السريع خلوه عنكم اذا ماتعرفون له :omen2: هو للي فاهم معناه ..

[العنيده]

وانا اقول لكل بنت تسوق اذا شفتي وراج واحد مينون يعطيج ليتات يبي الطريق عطيه مجال لانه خبل وممكن يخبطج من حماقته

:nice:

[العلياا]

قايل لكم ماخذين السالفة مسألة كرامه ! :court:


الحين ودي افهم سالفة توارد الخواطر بينكم

وبين باقي السواقين ... يعني انتوا تحسون

انهم قاعدين يسولفون معاكم ؟!! يعني مجرد

ماتشوفين شاب وراج تحسين انه يقولج

وخري

وتردين عليه

مب موخره طريقي كيفي

ويرد عليج

بدعمج احسن لج

وتردين عليه

طق راسك في الطوفه


ودي افهم هذي المحادثات تدور في راسكم ؟!!

ترى مب صج !!!




انتوا اللي مأخذينها مسألة كرامة مب أحنا
والا كل البنات اللي يسوقون واعرفهم على طول يوخرون اذا لقوا مجااااااااال

القلب المؤمن كلامك او كلامج جميل جداً :o

[ولي العهد]

الحل سهل جدا جدا ... في الدول الاوربية امحددين السرعة واحنا عندنا بعد محددين السرعة بس الفرق بينا وبينهم هو الالتزام بالسرعة يعني مثال ... اذا حدود السرعة على الخطوط السريعة هناك 130 معناتة يمشون 130 وللعلم مايمشون على خط اليسار الى في حالة انه يتجاوز فقط ويرجع مره ثانية يمسك خط اليمين واحنا عندنا للاسف خربط بربط يعني حدود السرعة على خط 22 فبراير100 البعض يمشي 100 والبعض يمشي 80 والبعض يمشي 60 وكل واحد على كيفة وهذا غلط والمفروض الالتزام بالسرعة المحددة لذالك اطالب المرور على راسهم الخرجي انهم يشددون على الشي هذا ويلزمون السائقين بالاتزام بالسرعة ولا يعتبر مخالف ومعرقل لحركة السير ... عيل بالذمة هل يعقل حدود السرعة 100 واختنا بالله ماسكة خط اليسار ومتعلقة بالسكان وعاضة السانها وتمشي 60 وحالفة براس امها وابوها انها ماتوخر لحد ولا تفتح الطريق لا وفي الاخيراتمر عليها الا ماسكة الجوال اتسولف .

اروح اتعلم وجيكم crazy

[R 7 A L]

الحل سهل جدا جدا ... في الدول الاوربية امحددين السرعة واحنا عندنا بعد محددين السرعة بس الفرق بينا وبينهم هو الالتزام بالسرعة يعني مثال ... اذا حدود السرعة على الخطوط السريعة هناك 130 معناتة يمشون 130 وللعلم مايمشون على خط اليسار الى في حالة انه يتجاوز فقط ويرجع مره ثانية يمسك خط اليمين واحنا عندنا للاسف خربط بربط يعني حدود السرعة على خط 22 فبراير100 البعض يمشي 100 والبعض يمشي 80 والبعض يمشي 60 وكل واحد على كيفة وهذا غلط والمفروض الالتزام بالسرعة المحددة لذالك اطالب المرور على راسهم الخرجي انهم يشددون على الشي هذا ويلزمون السائقين بالاتزام بالسرعة ولا يعتبر مخالف ومعرقل لحركة السير ... عيل بالذمة هل يعقل حدود السرعة 100 واختنا بالله ماسكة خط اليسار ومتعلقة بالسكان وعاضة السانها وتمشي 60 وحالفة براس امها وابوها انها ماتوخر لحد ولا تفتح الطريق لا وفي الاخيراتمر عليها الا ماسكة الجوال اتسولف .

اروح اتعلم وجيكم crazy




مره في امريكا
على الخط السريع السرعة 65 ميل مشيت 50 ميل وامر على الشرطة الي كانت تستخدم الرادار اليدوي وعلى طول وقفوني
وعطوني مخالفة



لذا نطالب إدارة المرور
بتحديث اجهزة الرادارات وبدل ماتخالف الي مسرع فقط ياليت يخالفون الي يمشي على كيفة ويلزقون المالفة على جبهته
يبي يمشي على كيفة يروح للبر مو يعطل خلق الله

[بوحارب]

السواقه فن وذوق ولكن اللي عندنا الكثير لا ذوق ولا فن

من تلصق في ظهره يتخسبق يقوم يضرب بريك مادري وش يسوي

تقول ضاربه عقر بقر

انا سرت رهين المحبسين بسبه هل الاشكال
وانا بعد صرت رهين المجلسين يا حسن :(



كله كوم ولي يحط ريله على الجامه وهو يسوق كووم

منظر غير حضاري
ما يستحي ذا !!


شوف قبل كان يحترق دمي اذا طلعت مشوار

الحين وبعد ماجربت السواقه في امريكا
اختلف الوضع
التجاوز عن اليمين عندهم عادي ولا عليه مخالفة
لان خطوطهم السريعة مخططه بحيث انك على خط سريع مثلاً جاي من الرويس تبي تروح لام صلال ولا للخيسة
ماتوقف الا داخل المنطقة يعني مايحتاج اشارات وتاخذ يا يمين ولا يسار شغل على طول يدون توقف


الحين انا غيرت سواقتي واسوق على النظام الامريكي
مثال لو حصلت ( جحش ) ماسك المسار اليسار ماعطية لا ليت ولا هرن على طول اشاره يمين واعدي منه
هههههههه الواحد لازم يكون بارد مع هالأشكال البارده

عيل هندي ولا فلبيني يمشي 40 على الخط السريع

وإذا كبست له يعطيني نظره الشتبي هههههه

يا محترم افتح لي الطريق :)


واللي يطلع بويهك عشان يتجاوز الموتر اللي قدامه واخر شي يمشي مثل سرعته !

السواقين من جنوب شرق اسيا يبيلهم اعادة برمجه
هذولي حالة ثانية حرام الليسن فيهم والله

[qrt_trading]

أنا ما يبط جبدي إلا إللي يكبس لك على الخط السريع وجايك طاير أتقول ورآه مصيبه ولا حالة طارئه ولما اتوخر عن دربه واتخليه يعدي وترجع لخطك يخفف السرعة صراحة فهالوقت أتمنى أني أكون ريال وانزل أسفل فيه تسفل.

[ولي العهد]

أنا ما يبط جبدي إلا إللي يكبس لك على الخط السريع وجايك طاير أتقول ورآه مصيبه ولا حالة طارئه ولما اتوخر عن دربه واتخليه يعدي وترجع لخطك يخفف السرعة صراحة فهالوقت أتمنى أني أكون ريال وانزل أسفل فيه تسفل.

وحضرتج ماسكة خط اليسار ولا اليمين ؟؟

[أم محمد 90]

صج بعض الحريم سواقتهم تعل القلب

ولا الدريولية

اااااه قلبي

[أم محمد 90]

أنا ما يبط جبدي إلا إللي يكبس لك على الخط السريع وجايك طاير أتقول ورآه مصيبه ولا حالة طارئه ولما اتوخر عن دربه واتخليه يعدي وترجع لخطك يخفف السرعة صراحة فهالوقت أتمنى أني أكون ريال وانزل أسفل فيه تسفل.

انا والله اذا من بعيد كبس لي وباحترام افسح له مجال

اما يلزق فالبمبر ويكبس وكانه بيدعمني والله اعل قلبه اخليه يتحسف ., ,

[جراح]

انا والله اذا من بعيد كبس لي وباحترام افسح له مجال

اما يلزق فالبمبر ويكبس وكانه بيدعمني والله اعل قلبه اخليه يتحسف ., ,


خشونه وجلافه منج ....اخبر البنات ارقى من جذيه

[ولي العهد]

انا والله اذا من بعيد كبس لي وباحترام افسح له مجال

اما يلزق فالبمبر ويكبس وكانه بيدعمني والله اعل قلبه اخليه يتحسف ., ,

وانتي بعد اعيد لج نفس السؤال ... حضرتج ماسكة الخط اليسار ولا اليمين ؟؟

[ضوى]

اذا احد يليت ويبي الطريق اذا في مجال افسح له ، بس اذا مافي مجال وين يعني اطير ، يميني سيارة وين اشحقها يعني بعد هم لازم ينتبهون لهالنقطة اذا السرعة بالشارع ماتتعدى 120 وانا امشي 120 وهو فوق هالسرعة يكون الخطا علي بعد ؟

[أم محمد 90]

خشونه وجلافه منج ....اخبر البنات ارقى من جذيه

والله سواقة بعض الشباب خلتنا نناحس

يخي سرعة الشارع 100

تجي تسوق 160 ليش !!


من بعد بتكبس اهلا وسهلا افسح لك مجال

اما تشوف الشارع زحمة وتلزق فيني تكبس جدام العالم لا يبه خلك مكانك وسوق 100 مثل ماكلنا نسوق

[أم محمد 90]

اذا احد يليت ويبي الطريق اذا في مجال افسح له ، بس اذا مافي مجال وين يعني اطير ، يميني سيارة وين اشحقها يعني بعد هم لازم ينتبهون لهالنقطة اذا السرعة بالشارع ماتتعدى 120 وانا امشي 120 وهو فوق هالسرعة يكون الخطا علي بعد ؟

اي ضوى هذا اللي اقصده خصوصا ع الهاي واي

الشارع زحمة وماسكة يسار ويالله يالله يمشي ونسوق سرعة الشارع يجي واحد يديم يكبس ويزعجج بليتاته

ولا ليتات اللكزس الجديد تنررررررفز تببببببط العين وين اروح اطير ولا بالضبط شسوي

[أم محمد 90]

وانتي بعد اعيد لج نفس السؤال ... حشرتج ماسكة الخط اليسار ولا اليمين ؟؟

ولي العهد خلك لبق ومحترم بردودك

ياحضرتك

[ضوى]

والله سواقة بعض الشباب خلتنا نناحس

يخي سرعة الشارع 100

تجي تسوق 160 ليش !!


من بعد بتكبس اهلا وسهلا افسح لك مجال

اما تشوف الشارع زحمة وتلزق فيني تكبس جدام العالم لا يبه خلك مكانك وسوق 100 مثل ماكلنا نسوق

تحملي يا ام محمد تناحسين رجل نصيحة من اختج الكبيرة ،

[جراح]

لاحول ولاقوة الا بالله

[قطريه22]

مادري ليش احس اغلب البنات خالات ياخي

:omg:

[أم محمد 90]

تحملي يا ام محمد تناحسين رجل نصيحة من اختج الكبيرة ،


والله ضوى في شباب يبيلهم قرصة اذن وبيحترمون قوانين المرور وبيسوقون نفس البني آدمين

والله اسافر برا واسوق قسم بالله عمري في حياتي ماشفت سواقة دفشة وخشنة ومو محترمة نفس السواقة اللي فبلادي !

بصراحة :)

[أم محمد 90]

مادري ليش احس اغلب البنات خالات ياخي

كلنا عبيد الله بيضة ولا سمرة

الحمدلله والشكر هههههههههههههههههههههههههههههههههههههههههههههههههه ههههههههههههههههههههههههه

والله ضحكتني الله المستعان

[العلياا]

وينك يا بوحارب :)

[الماريّة]

كنك تتكلم عن دريولنا ^_^



طيب واذا الدريول شيبه وعنييد مايسمع الكلام شسوي معه

[ولي العهد]

ولي العهد خلك لبق ومحترم بردودك

ياحضرتك


ردودي ؟؟ وحضرتج متابعة ردودوي ؟؟ على العموم كلمة حضرتج او حضرتك مافيها اي تقليل او عدم احترام ويشهد الله اني مااقصد شي ولكن شر البلية مايضحك

اروح اتعلم وجيك omen

[ولي العهد]

بصراحة بعض الردود ترفع الضغط وبنفس الوقت اتضحك ...تمسك اليسار وماتبي احد يكلمها ... ليش ان شاء الله الشارع مكتوب بسمج مثلا ؟؟ امسكي اليمين والتزمي بالسرعة المحددة وفكي عمرج من وجع الراس

[R 7 A L]

ليش يمسكون كله يسار :anger1:

[qrt_trading]

اليسار وسايقة بالسرعة القانونية يعني 100 وإذا سرعة الشارع 80 على الخط السريع أسواق 100 ما اتعداها بس اذا جاتني سياره مسرعه افتح الطريق لها اذا كان الشارع اليمين فاضي او اذا لقيت فرصه واضرب سقنل علشان يفهم أني ابي اوخر عن طريقه بمجرد ما ألقى فرصة.

[العنيده]

يعني الحين الدريول والاجنبي اللي توه يمسك سياره يسوق افضل منا :rolleyes2:
يعني البنات كلهم مايعرفون يسوقون .

طيب وراعي الباص والا التاكسي اللي فجاه يلف بدون اشاره , ولا يمشي 60 على الخط السريع , ولا فجاه يغير مساره , ولا فجاه بيصير عبري حق واحد اقصى اليمين وهو اقصى اليسار
الشباب اللي يكبسون على الخط السريع والشارع زحمه يعني اطوف اطوف :omen2:

البنات في اخطاء لهم حالهم حال كل اللي يسوقون بس لو ندخل في الاحصائيات بنشوف الصح ..

مادري اشفيهم علينا escape

[S S]

الطريق ملك للجميع محد له حق يمسك السريع وينام ويقول حق الي ورا ليش طاير اسمه سريع مب ليش جاي طاير وراي مب فاتح لك بوس يدي علشان افتح لك وبخصوص الاضاءه العاليه حدث ولاحرج

[أم محمد 90]

يعني الحين الدريول والاجنبي اللي توه يمسك سياره يسوق افضل منا :rolleyes2:
يعني البنات كلهم مايعرفون يسوقون .

طيب وراعي الباص والا التاكسي اللي فجاه يلف بدون اشاره , ولا يمشي 60 على الخط السريع , ولا فجاه يغير مساره , ولا فجاه بيصير عبري حق واحد اقصى اليمين وهو اقصى اليسار
الشباب اللي يكبسون على الخط السريع والشارع زحمه يعني اطوف اطوف :omen2:

البنات في اخطاء لهم حالهم حال كل اللي يسوقون بس لو ندخل في الاحصائيات بنشوف الصح ..

مادري اشفيهم علينا escape

ماتدرين شفيهم ؟؟

يشوف بنت راكبة بورش ولا بي ام ولا رنج
وهو بكروزر قديم وانه مضبط شنابر وبوالين واريل وحالة ومغسله ومركب له زينون يعني مافوقي فوق مب انتي اللي تسوقين سيارة كشخة عبالج ماعرف اخرعج

ف يجيج من ورا ويدري الشارع زحمة وماتقدرين تسوين اي شي يلزق فيج


قسم بالله كانو معاي بنات سودانيات فالجامعة ماتو ثلاثتهم بحادث سيارة بسبب ان واحد من هذيلا لزق فيهم غصب تلفون وهم مب قادرين وانقلبو وماتو

ان لله وان اليه راجعون

الله يهدي الجميع

[بوحارب]

وينك يا بوحارب :)

موجود موجود طال عمرج ولي عوده لجميع الردود

والقصد من الموضوع يا جماعة النصح والأرشاد
وليس الأنتقاد او التقليل من سواقة الحريم

وخلونا في صلب الموضوع بليز عشان نطلع بفايده للكل ;)

[R 7 A L]

اليسار وسايقة بالسرعة القانونية يعني 100 وإذا سرعة الشارع 80 على الخط السريع أسواق 100 ما اتعداها بس اذا جاتني سياره مسرعه افتح الطريق لها اذا كان الشارع اليمين فاضي او اذا لقيت فرصه واضرب سقنل علشان يفهم أني ابي اوخر عن طريقه بمجرد ما ألقى فرصة.


ليش يسار :anger1:
والله ماتضيعون

ولا على شان الدكسون ( السكان ) يسار ماتعرفون تسوقون الا يسار :telephone:

[مرتبش]

اعتقد
لو يترجم الى الاوردو وتصير توعية بيكون زين..
وغوغل مايقصر

آپ سست ہغŒں غŒا اغŒک ٹرک ڈرائغŒونگ اگر کارغŒں رفتار کے لئے اب تک بائغŒں لغŒن رکھنے، ڈان مغŒں داخل نہغŒں

[بوحارب]

زين اذا جاك شايب ولا سايق جديد ولا ورع مخبول ويش تسوي ولا ميكروباص يسوقة واحد مغترب


هذة الفوضى في حركة السير راجع لاادارة المرور الي حتى الان مب قادرة تسيطر على تطبيق الانضباط وتجاوزات من اليمين واليسار

في الشواع الداخلية والخارجية

والاتكال على الغير مثل الخويا وشرطة المناطق الخارجية.
السواقة في قطر أصبحت في خطر

هذا افضل وصف للوضع الحالي

منور الموضوع فارس :)


ياليت ماتدعس ريسات وتصرخ وتقول روووووح

ترا الشارع مب فاضي
ههههههههه وضح شوي


وأنا من هذا المنبر العملاق أحب أوجه تحية عفواً نصيحة أخرى :nice:

الخطوطة اللي قبل الاشارات الضوئية .. اللي تشبه التمديدات ..اللي تشبه اللزقات .. يا جماعة الخير هذي اسمها حسّاسّات ، يعني في حال السيارة وقفت وراها بتم الإشارة حمرا لأن الإشارة ذكية .. وبتعبر الخط فاضي وبتحول على كل الإشارات .. ما عدا حضرة جنابك وبتاكلها وبياكلها الخط اللي وراك .

الكثير وخاصة الآسيويين يخافوا يتجاوزوها ويتوقعوا أنها خط الرادار واللي يتجاوزها والاشارة حمرا بتصيده الكاميرا :eek5:

بس هذا اللي عندي مبدأياً .
ودك تحط لهم صبوره مكتوب عليها

يا ناس ترى هذي حساااساااااااات ههههه


هلا بو حرووبي
وكذلك رجاءً من البنات من يصفون الموتر يعدلون السكان !!!!!!
اشدخل الحين ههههههه


دام الورقه من صوبك ابد انت كفيلة
عزيز وغالي بومحمد




وياليت اللي تسوق عالخط اليسار لما تشوف

واحد وراها تفتح له بعد مب عيب ولا انتقاص

من قدر المرأه في المجتمع ولا له خص الموضوع

بالاتيكيت وليديز فيرست ولا هو شباك مطعم

اذا حجزتيه صار للنساء فقط والرجال

يروحون الشباك الثاني وهالسوالف اللي

فاهمينها بعض الحريم غلط !

اذا معتبرين السالفة اتيكيت هذي مصيبة كبرى :)


الا بعض الشباب عندهم حالة نفسية من يشوف وحده تسوق على الخط اليسار لو ماشيه 100 بيمشي وراها 200 بس علشان تفتح له !!
افضل طريقة لمعالجتهم التطنيش لاتفتحوووون لهم يا بنات خلهم يتأدبون ويلتزمون بالنظام ، من كم يوم واحد جا عند الاشارة وكسر جدامي ماشي بالعرض والله زين اللي ما دعمته لا ويرفع يده يقول لي شكرا هههههه
وبعدين ودي افهم ليش الشباب مايستحملون يمشون بخط واحد لازم يمين يسار يتنقلون بين السيارات ، ترى والله حركة خطيرة واخرتها حوادث خشنة !
في الشارع انا اشوف سواقة الحريم حذرة وكل اخطائها بسيطه بسبب عدم الخبرة لقلة مشاويرهم، اما الشباب متهورين ومحتاجين كونترول 😑
اما سواقة الهنود ....... برايي لو مايعطونهم الليسن احسن 😂


على قولة غانم السليطي بسسسسكم خرابيييييييط !!!

الحين احنا نبيج عون وصرتي فرعون :(

لاتعلميهم الغلط لانه ما منه فايده

وبعدين من وين طالعة انتي :)

[qrt_trading]

ليش يسار :anger1:
والله ماتضيعون

ولا على شان الدكسون ( السكان ) يسار ماتعرفون تسوقون الا يسار :telephone:


لا ياخوي لآني مع الإشارات راح الف يسار وإذا راح الف يمين الزم خط اليمين وإذا راح اروح سيده الزم خط الوسط وكوني ماسكه اليسار ما يعني من اول الشارع لا تقريبا بعد النص او اكثر اشوي علشان ما أربك اللي ماسك اليسار لما أجي ابي ادخل الشارع قريب الإشارات ولا أخفف السرعة علشان اقدر الف وبجذي راح اعطل حركة السير في خط الوسط واسبب في ازدحام ماله داعي.

أتمنى أني شرحي يكون واضح ومفهوم

[العلياا]

^
اختي تدرين انا شاللي يقهرني هذيك اللي تجي من اول الاشارة الاولى لين الثانية ماسكه خط اليسار ومسويه اشارة انها بتلف يسار وتمشي براحتها ياربي اهنيه اعذر الشباب لما يقوولون ان الحريم ما يعرفون يسوقون :)

[نفسي عزيزه]

الحين الحريم عندهم رنجات ومرسدسات دباب من تجي بتجاوزها تسمع دباب السياره تختاض تعبر عن غضب من بداخلها ( الي هي الانثى) :o
الويل لكم ايها الرجال النساء قادمون وبقوه

[hanayen]

اي ضوى هذا اللي اقصده خصوصا ع الهاي واي

الشارع زحمة وماسكة يسار ويالله يالله يمشي ونسوق سرعة الشارع يجي واحد يديم يكبس ويزعجج بليتاته

ولا ليتات اللكزس الجديد تنررررررفز تببببببط العين وين اروح اطير ولا بالضبط شسوي

والله اذا محترم بيمر بس اذا بط عيني بليتاته ببط جبده مثل ما بط عيني العين بالعين لكن اذا محترم وعندي مجال افتح له الطريج من عيوني بس آذيه الناس بالليتات حرام مسكين أبوي كبير في السن ولما يسوق دائماً يشتكي من اللي يستخدم فل ديم في عينهم حتى لو كان واقف في النص يتأذى مب حرام آذيه كبار السن
اللي يهدي مجانين الدوحة اللي الواحد منهم يركب الفور ويل ويعتقد انه له الاوليه في الشارع فقط
لا يرحمون صغيرهم ولا كبيرهم
ولا ننسى فن ذوق أخلاق بس الاخيرة بدت تختفي

[شاهين]

المفروض التواير مع المده تنحل الخطوط
ومواتر خواتنا التواير تنحل من الجنب من كثر تلحس الارصفه هههههههههه
ياخي فيهم ادمان على حك الارصفه ههههههههههه
بوحارب جرب هالشي
اذا وحده تمشي 80 على اليسار وخط سريع
تعال وراها مكيم وكبس ليتات
بصيداها ام الديفان هههههههههه بتسويلك حركة يمين ويسار يسار يمين
بعض مدارس السواقه يخصصون سودانيات لتعليم السواقه
اللحين مب خالصين من سواقة الزول تحطون زولات ههههههههه
راحوا البنات وطي

[توشيبا]

مره طالع من دوار وادعس وكانت وحده تسوق كامري المهم ماسكه اليسار وانا علي جي اكس واعلق علي الهرن وضارب بالليت العالي

المهم انها ضربت الرصيف ودخلت علي الشارع الثاني

نزلت لهم الا اهي بنت مع ابوها يعلمها السواقه يعني المشكله صارت من الابو يعلمها علي اليسار!!

المهم سويت نفسي مسعف ان شاء الله بخير وهذا اللي مايستحي والله يهديه شكله خرع البنيه

والحمدالله انهم سالمين

[فيصل99]

اهم نقطتين عندي خلوااليسار ل120 وفوق
وينفضون مدارس تعليم السواقه من جديد قاعدين يخرجون سايقين هالله بالخير
والله قوانين المرور كلها يبي لها اعادة نظر

[بوحارب]

المفروض التواير مع المده تنحل الخطوط
ومواتر خواتنا التواير تنحل من الجنب من كثر تلحس الارصفه هههههههههه
ياخي فيهم ادمان على حك الارصفه ههههههههههه
بوحارب جرب هالشي
اذا وحده تمشي 80 على اليسار وخط سريع
تعال وراها مكيم وكبس ليتات
بصيداها ام الديفان هههههههههه بتسويلك حركة يمين ويسار يسار يمين
بعض مدارس السواقه يخصصون سودانيات لتعليم السواقه
اللحين مب خالصين من سواقة الزول تحطون زولات ههههههههه
راحوا البنات وطي

هههههههههههه رزيل شاهين

هال حركة تخصص الجيلو كله يسويها في الدتسن الأزرق ;)

[بصمة قطرية]

خخخخخخخخخ
ردودكم تضحك
الحمدلله إني ما أسوق ..

[أم محمد 90]

الحين الحريم عندهم رنجات ومرسدسات دباب من تجي بتجاوزها تسمع دباب السياره تختاض تعبر عن غضب من بداخلها ( الي هي الانثى) :o
الويل لكم ايها الرجال النساء قادمون وبقوه

اييي تحملوووووا :omen2:

[أم محمد 90]

والله اذا محترم بيمر بس اذا بط عيني بليتاته ببط جبده مثل ما بط عيني العين بالعين لكن اذا محترم وعندي مجال افتح له الطريج من عيوني بس آذيه الناس بالليتات حرام مسكين أبوي كبير في السن ولما يسوق دائماً يشتكي من اللي يستخدم فل ديم في عينهم حتى لو كان واقف في النص يتأذى مب حرام آذيه كبار السن
اللي يهدي مجانين الدوحة اللي الواحد منهم يركب الفور ويل ويعتقد انه له الاوليه في الشارع فقط
لا يرحمون صغيرهم ولا كبيرهم
ولا ننسى فن ذوق أخلاق بس الاخيرة بدت تختفي

ولا تنسين البلشتية اللي يجونج يكبسون بلفيت مستعجلين ويخرعونج ولما توسعين لهم اخرتها يبي يروح يمين

والله سخافة عيل جاي ع اليسار تديم وحالة ليش اذا انت ماتبي يسار

الحمدلله والشكر , اقولج الشباب يبيلهم قرصة اذن لابد يطيحون بيد وحدة بيسرة تعلمهم ان الله حق ,

[حسن]

انا دائما اسرع والحمدلله من سنوات لن السواقه فن وذوق

وياويله عندي اللي يسكر الحاره اليسار وخصوصا اذا عند رادار تشوفه يضرب بيرك
على طول ااحشره بالهرن والصق الصدام في ظهره
اللي مهب قد الرادار يوخر ولا يسرع ولا يقعد يغلق الحاره ويضرب بريك

ناس ماتعرف تسوق وتبي تعلمنا في السواقها وفنها
متى ركبت القصر قال امس العصر
ميايعرفون من السواقه الا الd وامش
هذه قله ادب اسميها في عرف الفن والذوق

[أم محمد 90]

انا دائما اسرع والحمدلله من سنوات لن السواقه فن وذوق

وياويله عندي اللي يسكر الحاره اليسار وخصوصا اذا عند رادار تشوفه يضرب بيرك
على طول ااحشره بالهرن والصق الصدام في ظهره
اللي مهب قد الرادار يوخر ولا يسرع ولا يقعد يغلق الحاره ويضرب بريك

ناس ماتعرف تسوق وتبي تعلمنا في السواقها وفنها
متى ركبت القصر قال امس العصر
ميايعرفون من السواقه الا الd وامش
هذه قله ادب اسميها في عرف الفن والذوق

لا اصيدك ف الشارع

:anger1:

[حسن]

لا اصيدك ف الشارع

:anger1:

هههههههههههههه

نصيحه والله اقدمها للجميع المشكه مهب من القطريين
القطريين لا يشكلون 10 % في الشارع

من القادمون

ولا يعرفون شلون السواقه انا توقع لو ساقو في دبي بيندعمون هناك ويمكن يموتون
لان اللي يسوق فيقطر يتخسبق في دبي
هناك اللتزام بالحارات وسرعه عاليه مافي يخخط يمين ويسار

دائما اسمع بوفاه قطريين في دبي لا ن السواقه هناك اللتوزام ومش فوضى مثلنا

[المحاميه]

انا دائما اسرع والحمدلله من سنوات لن السواقه فن وذوق

وياويله عندي اللي يسكر الحاره اليسار وخصوصا اذا عند رادار تشوفه يضرب بيرك
على طول ااحشره بالهرن والصق الصدام في ظهره
اللي مهب قد الرادار يوخر ولا يسرع ولا يقعد يغلق الحاره ويضرب بريك

ناس ماتعرف تسوق وتبي تعلمنا في السواقها وفنها
متى ركبت القصر قال امس العصر
ميايعرفون من السواقه الا الd وامش
هذه قله ادب اسميها في عرف الفن والذوق

:eek5:

يعني انت ماتلتزم
وتطوف الرادار وانت مسرع
وتقول القياده فن وذوق
وانك ملتزم بالفن والذوق
:)

اجل قلة ادب لانهم مايسرعون

[المحاميه]

من أهم قضايا الأمه تخصيص الجانب الأيسر للباش مهندس بوحارب
عشان لاتضيع عليه صفقه من صفقاته المهمه ;)

[حسن]

:eek5:

يعني انت ماتلتزم
وتطوف الرادار وانت مسرع
وتقول القياده فن وذوق
وانك ملتزم بالفن والذوق
:)

اجل قلة ادب لانهم مايسرعون

يالمحاميه افهميني ركزي شوي
السواقه فن وطعم

الحين اللي قدامك مغلق الحاره اليسار ويمشي على راحته ولين شاف الرادار الثابت قام يضرب بريك
كل هذه التجاوزات لاتعتبر قله أدب

هذا هو المقصد انا زرت عواصم كثيره ماشفه مثل هل الأمور
شفت عرعر وشفت الحسا وشفت حزم الجلاميد وشفت عسير
كل هذه الدول سواقتهم غير

أتمنى فهمتي علي
مع اني أشك




انك فهمتيها وهي طائره
:victory:

[أبو بكر سالم]

من يومين في الكرنيش طلعة عائلية تمشايه الا ذاك الهندي كع بريك مفأجاء ومافي شي قدامة كلش ولزقت بظهره اختربت الطلعه والوالده تقول لا تنزل له لاني عادي ارتكب فيه جريمة انا الي قهرني بنتي الصغيره تلعب ماتقعد في السياره لين ضربت البريك لقيتها جايه دعس من الكرسي الخلفي للشاشه الاماميه عورني قلبي ويوم نزلت له زعلان اني دعمته ويقول انت الغلطان ( شكلة حافظ قانون المرور عدل) حاسبوا من القريقا.

[المحاميه]

شلون يمشي على راحته ويضرب بريك مايصير

وين قلة الادب فالموضوع

قصدك ان انا مافهم يعني غ....

:(

[حسن]

شلون يمشي على راحته ويضرب بريك مايصير

وين قلة الادب فالموضوع

قصدك ان انا مافهم يعني غ....

:(

شوفي رد أبوبكر سالم

ايش صا ر فيه

[غير البشر]

يالمحاميه افهميني ركزي شوي
السواقه فن وطعم

الحين اللي قدامك مغلق الحاره اليسار ويمشي على راحته ولين شاف الرادار الثابت قام يضرب بريك
كل هذه التجاوزات لاتعتبر قله أدب

هذا هو المقصد انا زرت عواصم كثيره ماشفه مثل هل الأمور
شفت عرعر وشفت الحسا وشفت حزم الجلاميد وشفت عسير
كل هذه الدول سواقتهم غير

أتمنى فهمتي علي
مع اني أشك




انك فهمتيها وهي طائره
:victory:



المفروض تتدخل في الي يغلق الحاره اليسرى
وخاصه الي سياراتهم قديمه والليت الخلفي عور وغير متهم في سيارته
ارواح الناس مهب لعبه
والناس ماتقدر تمسك نفسها مع استهتارهم

من فتره الولد عندي طار من الكرسي الي ورى الي قدام عندي
وضرب راسه في التكايه وطاح على وجهه بين الكراسي
والسبه اهمالهم

وانا تنرفزت وقمت بالواجب ورحت عنه :secret: