ممكن سلف لو سمحت

[أبو سعود]

هذا السؤال أكيد واجه العديد منا

فتكون أنت بين أمرين :

أما تساعده

أو

تعتذر منه

وذلك على حسب معرفتك بهذا الشخص

أن كان يسدد الدين أو لا

وتكون صعبه أن جاء لك شخص لا تعرفه

وطلب السلف منك


والذي تخشاه أنه لا يسدد لك الدين

إما تسامحه

أو

أنت وشطارتك بالمحاكم

التي لن ترجع حقك

الأ بعد نفس طويل من المراجعه

هذا أن بقى في البلاد

خاصه إذا كان مقيم


فهناك قصص كثيره مرت علينا

مع الاشخاص الذين يسددون الدين

ومع الذين لا يسددون الدين



وسأختم موضوعي

على أحد المواقف التي حدثت

وكيف تهربوا من تسديد الدين

بل

كيف أخلفوا بوعدهم


أذ جاءت أحدى السيدات لأحدى المواطنات


وطلبت سلف مبلغ

ثلاثه الآف ريال

لأ ستكمال المبلغ

وذلك لعلاج أبنتها بالبحرين

من مرض السرطان

أعطت المواطنه هذا المبلغ لتلك السيده

فأخذت السيده المبلغ وأنصرفت


وتقول المواطنه :

كانت هذه السيده تحاول

أن تتعمق بتقويه العلاقه معي

عبر الاتصالات والاستفسار عن أحوالنا

وكان ذكر الله على لسانها دائمآ

لكن :

منذ أن أخذت المبلغ لم تعد تتصل

أو

تزورنا مثل قبل


ومع مرور الأيام وسنوات بسيطه

شاءت الظروف أن تقابل المواطنه

بعض قريبات هذه السيده

وسألتهم عن أحوال أبنتها


وتفاجئت أن البنت ليست مريضه

وأنها لم تصاب بهذا المرض أبدآ

بل أنها لم تذهب للبحرين نهائيآ

لأخذ الفحوصات والعلاج


وقالوا :

أن هذه السيده هي

متعوده على السلف والكذب

على الناس

ولما عرفت تلك السيده

بأن المواطنه قد علمت بكذبها

جاءت لمنزلها

وأخذت تحلف ( بالقرآن )

بأنها سترجع المبلغ

خلال أيام بسيطه



ولغايه الآن مضت سنوات عديده

ولم تأت هذه السيده


وأنها لا زالت تقوم

بنفس الأسلوب والكذب مع الناس كما علمنا



الهدف من ذكر تلك القصه :


هو أخذ الحيطه والحذر

من كل شخص

يستغل طيبه الناس

عبر الكلام الطيب


ليستمتعوا هم بأموال غيرهم

وقد يكونوا أصحاب المال

محتاجين لهذه المبالغ

أكثر من اللي يكذب عليهم

[بو الجوري]

و الله ياخوي أنا قبل كنت مارد حد ،

كنت أسلف 2000 و 3000 و 5000 و أكبر مبلغ 15000

كاتنوا بعضهم يردون المبلغ ، لكـن من كم سنه

سلفت 2000 وللحين مارجعهم

و العام 5000 حق واحد ولا رجعهم

مع إنه مايكون عندي مبلغ كبير ، لدرجة إني أسلف الناس

المشكله ، أنا طيب وأستحي أرد حد ، يمكن صدق محتاج

لكن مع الأسف ، حالياً إتخذت قرار ، أي حد يقولي ( عندك سلف ) اقوله لا < من ورا قلبي ، لكن شسوي

[غير البشر]

و الله ياخوي أنا قبل كنت مارد حد ،

كنت أسلف 2000 و 3000 و 5000 و أكبر مبلغ 15000

كاتنوا بعضهم يردون المبلغ ، لكـن من كم سنه

سلفت 2000 وللحين مارجعهم

و العام 5000 حق واحد ولا رجعهم

مع إنه مايكون عندي مبلغ كبير ، لدرجة إني أسلف الناس

المشكله ، أنا طيب وأستحي أرد حد ، يمكن صدق محتاج

لكن مع الأسف ، حالياً إتخذت قرار ، أي حد يقولي ( عندك سلف ) اقوله لا < من ورا قلبي ، لكن شسوي



يبغيلك تضبيط :shy:



والله ياخوك انا وربعي الي دووم مع بعض
مابينا سلف

عادي كم في جيبك طلع بسرعه بروح مايمدي اسحب
او عندي بطاقه الفيزا مالتك بشتري شي من النت
الامور طيبه والحمدلله

[دااانة قطر]

بصرااحة في نااس تتسلف وماترد
مايقهرني الا اللي يقول لين اخر الشهر ويختفي كم شهر وبعدها يرد
في نااس حفظتهم مايتصلون الا اذا يبون سلف عن نفسي اعطي اللي اعرف انها محتااجة وعاارفه ظروفها واللي جربتهم وماردوا علي ماذكرهم لكن اتعذر لهم ومباالغ كبيره ماسلف



والعجيب يوم سمعت من وحدة من صديقاتي صاار معاها موقف لما سلفت قريبتها وقريبتها نست ترد لها يوم ذكرتها قااالت شدعوه تذكرين

وجاتني ماخلت كلمة ماقالتها بدل ماترد لها المبلغ وتقول ليتني ماتسلفت منها عندها خير وتنطرني ارد لها المبلغ قلت لها عندها خير ولا ماعندها ملزومه تردينهم لانج قلتي سلف وبردهم المهم انها قطعتني وقطعت صديقتي والحيااة حلوة عندها سفر ومفوشر وغيره

[ولي العهد]

اسلف الشخص الي اعرفه واذا ماردهم اعتبرها دافع بلا ... سلف واحد 42 الف ولا ردهم ليومك هذا وعوضني ربي بدالهم اضعاف مضاعفة

وتستمر الحياة

[أم محمد 90]

و الله ياخوي أنا قبل كنت مارد حد ،

كنت أسلف 2000 و 3000 و 5000 و أكبر مبلغ 15000

كاتنوا بعضهم يردون المبلغ ، لكـن من كم سنه

سلفت 2000 وللحين مارجعهم

و العام 5000 حق واحد ولا رجعهم

مع إنه مايكون عندي مبلغ كبير ، لدرجة إني أسلف الناس

المشكله ، أنا طيب وأستحي أرد حد ، يمكن صدق محتاج

لكن مع الأسف ، حالياً إتخذت قرار ، أي حد يقولي ( عندك سلف ) اقوله لا < من ورا قلبي ، لكن شسوي

بو الجوري ممكن سلف 10 الاف :shy:

[العلياا]

لو سلف فلوس الامور سهالات
للي محتاجة واعرف انها محتاجة ولا جتني الا لما ضاقت عليها اسلفها مافيها مشكلة حتى لو تردهم عقب سنة

لكن المشكلة اذا سلفت اخوك اهنيه عاد شلون تقدر تطلب فلوسك احس فشله والمبلغ مب شوي :rolleyes2:

[بو الجوري]

يبغيلك تضبيط :shy:



والله ياخوك انا وربعي الي دووم مع بعض
مابينا سلف

عادي كم في جيبك طلع بسرعه بروح مايمدي اسحب
او عندي بطاقه الفيزا مالتك بشتري شي من النت
الامور طيبه والحمدلله

لا ربعي الإثنين اللي دوم معاي ، هذول غير

الجيب واحد ، أحوله فلوس كل شهر عادي و أول ماينزل الراتب يرجعهم
وحزات أنا أتسلف منهم و أرجعهم مع الراتب

بس أنا أتكلم كنت عن الناس العاديه

[R 7 A L]

اخر سنه 2012 سلفت واحد 20 الف
وانقطعت عنه سافرت سنه وزيادة
المهم رجعت والتقيت معه وعزمني والامور طيبة
بس شكله ناسي وانا ماقدر اكلمه مستحي

[عطر فرنسي]

ابي سلف :weeping::weeping:

[غير البشر]

ابي سلف :weeping::weeping:



ابو الجوري :telephone:

[بو الجوري]

http://www.linuxac.org/forum/images/smiley/hitt2.gif

[Qtr37]

أنا ما احب العلاقات المادية، ودايما الماديات تخرب العلاقات سواء صداقة او قرابة
انا قبل ما اشتغل ما كان حد يطلب مني ولا عمري طلبت من حد، وتفاجأت اول ما اشتغلت ان بعض صديقاتي سواء القدامى او الجدد في الدوام يطلبون مني فلوس !! وكانت المبالغ كبيرة علي بصراحة لكن بسيطة بالنسبة لهم وكنت استحي اردهم او اطلب منهم يرجعون لي المبلغ.
ولقيت افضل حل اني ابتعد عنهم، قررت اخسرهم ولا اخسر فلوسي بصراحة :sneaky:

ما احب الماديين :rolleyes2:

[الماريّة]

عني انا بسلف الي اعرفهم هلي وجيراني وزيملاتي

اما وحده من برى لا والف لا الا اذا كان مبلغ بسيط ممكن اعطيها حتى لو ماترجعه

وجزاك الله خير ع الموضوع :)

[S S]

لا صراحه مب اي واحد الان البعض منهم وياكثرهم ياخذ ويسحب عليك المفروض قبل لايتسلف يفكر متى بيرجع لك افلوسك مب خذ وطنش

[Rider]

سلفنا ناس وراحت فلوسنا لكن ربي يعوضنا خير والحين ماسلف حد مهما كان الي أمام المسجد مرات يطلب مني ويرجع المبلغ في الوقت المحدد

[نوور الدووحه]

ماحب اسلف ولا اتسلف...؟؟!!؟!؟!

لاني انسى شنو تغديت بتذكر شقد تسلفت :funny: لا لا موصج ماحب الدين عموما :shy:

بس اسلف اخوان ريلي والله وينسون هههههههه :court: بس حدهم 500 اكثر من جي لا :tease:

[Qtr37]

^
لو انا مكانج، شعلي من اخوان ريلي بصراحة مالي خص فيهم

[الفهد1]

الله يسلم البنك مايقصر انا عن نفسي تعرضت لموقف وتاسفت لة اني ماقدر اسلفة وقطع العلاقة معاي ازيد من اربع سنوات

[نوور الدووحه]

^
لو انا مكانج، شعلي من اخوان ريلي بصراحة مالي خص فيهم

عادي مثل اخواني:nice: .. اعمارهم بين 14 وال18 ماتوظفو :rolleyes2:

[طبيب قطري]

اعرف واحد يتسلف من اهله ويتفاخر بهالموضوع انها ماتقدر تقوله رجعلي الفلوس ! بدون مبالغه يقول ماخذ منها فوق الربع مليون سلف!!!

[بن مفتاح]

للاسف يتسلفون وللاسف يتناسون ..

الحمد لله انه فيه من يتسلف ويحاتي لين يرجع لك فلوسك .. والبعض للاسف يتسلف وتقابله مرات ومرات .. وما يفكر حتى انه يقول لك اسمح لي .. او ان شاء الله بارد لك فلوسك من قريب .. ويحز في نفسك انك تشوفه يصرف على امور غير ضرورية وينسى دين الناس ..

للاسف سلفنا .. وتحسفنا ..

ويا شين لما يجيك شخص ما تقدر ترده ..

[نوور الدووحه]

اعرف واحد يتسلف من اهله ويتفاخر بهالموضوع انها ماتقدر تقوله رجعلي الفلوس ! بدون مبالغه يقول ماخذ منها فوق الربع مليون سلف!!!

يتسلف من اهله ... من اهله كلهم :eek5:

قول مرته زوجته ام عياله :court:

وبعدين الي يستغل مرته من الناحيه الماديه مو رياااااااااال:thumbdown:

وبعدين هي غبيه ليه ماتقدر تقوله كاه ماستحى وطلب منها فلوس :secret:مفروض تطالبه عادي حقها :anger1:

الزوجه بغبائها لعب عليها



عصبتcrazy

[أم محمد 90]

لو سلف فلوس الامور سهالات
للي محتاجة واعرف انها محتاجة ولا جتني الا لما ضاقت عليها اسلفها مافيها مشكلة حتى لو تردهم عقب سنة

لكن المشكلة اذا سلفت اخوك اهنيه عاد شلون تقدر تطلب فلوسك احس فشله والمبلغ مب شوي :rolleyes2:

انا عطيت اخوي مبلغ كبير لسيارته وقلت له لا قدرت رجعها وان يزعم من باب الطيب

الحين انا معتبرته سلف

وهو معتبرره هديه

وراح المبلغ اللي خاشته اهئ اهئ

هههههههههههههههه

[دااانة قطر]

الله يسلم البنك مايقصر انا عن نفسي تعرضت لموقف وتاسفت لة اني ماقدر اسلفة وقطع العلاقة معاي ازيد من اربع سنوات

هني القهر خااصة لما يكونون اقرب النااس لك ينسون كل شي حلو اذا ذكرتهم او طالبتهم او حتى مرة قلت لهم اسمح لي ماعندي تصير الزطي

[كازانوفا]

اخر سنه 2012 سلفت واحد 20 الف
وانقطعت عنه سافرت سنه وزيادة
المهم رجعت والتقيت معه وعزمني والامور طيبة
بس شكله ناسي وانا ماقدر اكلمه مستحي

ولا تزعل انا بكلمه عنك والنص بالنص
:)

[كازانوفا]

نصيحه اللى حد منكم متسلف او حد متسلف منه يذكره لانه بالفعل في ناس تنسى عشان لا يتم بذمتهم ويتعلق بقبره على حسب علمي انه لا يسال الا لما يسد الدين اللى عليه
لاني شفت اخوي المتوفي بسبب تسلفه من نااااس
الله يرحمهم ويرحمنااا برحمته

[العلياا]

انا عطيت اخوي مبلغ كبير لسيارته وقلت له لا قدرت رجعها وان يزعم من باب الطيب

الحين انا معتبرته سلف

وهو معتبرره هديه

وراح المبلغ اللي خاشته اهئ اهئ

هههههههههههههههه

هههههههههههههههههه أي أنا نفس الحالة عشان سيارة

[ودي أكون]

جا بوقته الموضوع ..

أبغي أسألكم سؤال ..

عندي ربيعه في الأردن أعرفها من فترة تقريباً فوق السنه .. بين فتره وفتره كنت أطرش لها مبلغ بسيط .. بعد ماعرفت ان ظروفهم شوي صعبه .. وصارت بين فترة وفترة تطلب مني بحكم حاجتهم ..

وانا بصراحه احب اساعد ولا عندي مانع اساعد ولا انطر ان حد يرد لي شي فالمقابل لان لوجه الله .. بس بنفس الوقت ماحب الشخص اللي اساعده يكرر طلبه اكثر من مرتين ثلاث اربع خمس ..الخ .. ما ادري ليش استغفرالله اهني احس مادري كيف ؟!

صرت مرات ما ارد على اتصالاتها ولا مسجاتها وقلبي يعورني بس احاول انسي عمري ..
واللحين من كم يوم طالبه مساعده مني .. شرايكم اخواتي .. انا ماني عارفه هل هم بالفعل يحاسبون عالمساعدات اللي اساعدهم فيها بمعنى مايشترون فيها الا حاجتهم (( وهل اللبس ولعب الاطفال من الحاجات الاساسيه في بعض الاحيان ))!..
لاني بصراحه من النوع اللي احب اساعد من نفسي ماحب حد يطلب مني .. وفالمقابل لو شخص احتاج وطلب مني ما عندي بساعده بس بشرط عدم الاستغلال بمعنى يتكرر الطلب وايد أو الفلوس تروح بأشياء ثانويه!!!

المهم ابغي مساعدة بخصوص سالفة الأردن شرايكم .!

[دااانة قطر]

جا بوقته الموضوع ..
أبغي أسألكم سؤال ..
عندي ربيعه في الأردن أعرفها من فترة تقريباً فوق السنه .. بين فتره وفتره كنت أطرش لها مبلغ بسيط .. بعد ماعرفت ان ظروفهم شوي صعبه .. وصارت بين فترة وفترة تطلب مني بحكم حاجتهم ..
وانا بصراحه احب اساعد ولا عندي مانع اساعد ولا انطر ان حد يرد لي شي فالمقابل لان لوجه الله .. بس بنفس الوقت ماحب الشخص اللي اساعده يكرر طلبه اكثر من مرتين ثلاث اربع خمس ..الخ .. ما ادري ليش استغفرالله اهني احس مادري كيف ؟!
صرت مرات ما ارد على اتصالاتها ولا مسجاتها وقلبي يعورني بس احاول انسي عمري ..
واللحين من كم يوم طالبه مساعده مني .. شرايكم اخواتي .. انا ماني عارفه هل هم بالفعل يحاسبون عالمساعدات اللي اساعدهم فيها بمعنى مايشترون فيها الا حاجتهم (( وهل اللبس ولعب الاطفال من الحاجات الاساسيه في بعض الاحيان ))!..
لاني بصراحه من النوع اللي احب اساعد من نفسي ماحب حد يطلب مني .. وفالمقابل لو شخص احتاج وطلب مني ما عندي بساعده بس بشرط عدم الاستغلال بمعنى يتكرر الطلب وايد أو الفلوس تروح بأشياء ثانويه!!!
المهم ابغي مساعدة بخصوص سالفة الأردن شرايكم .!


أخوي أو أختي
المساعدات الخاصة مالها دخل يالسلف لأنها من طيب خاطر ( في اعتقادي )
يمكن لأنك بديت تعطيهم وهم شافوا وضعك أحسن من وضعهم فتمادوا الله اعلم بحالهم لكن ارجع اقول المساعدة غير والسلف غير

[ودي أكون]

أخوي أو أختي
المساعدات الخاصة مالها دخل يالسلف لأنها من طيب خاطر ( في اعتقادي )
يمكن لأنك بديت تعطيهم وهم شافوا وضعك أحسن من وضعهم فتمادوا الله اعلم بحالهم لكن ارجع اقول المساعدة غير والسلف غير

اني اسلف واحد محتاج هاي ماحبها .. ودوم اعتبرها مساعدات .. ماحب اسلف احب ساعد وبرايي هي الافضل ونسأل الله القبول يارب

[CH Engineer]

جا بوقته الموضوع ..

أبغي أسألكم سؤال ..

عندي ربيعه في الأردن أعرفها من فترة تقريباً فوق السنه .. بين فتره وفتره كنت أطرش لها مبلغ بسيط .. بعد ماعرفت ان ظروفهم شوي صعبه .. وصارت بين فترة وفترة تطلب مني بحكم حاجتهم ..

وانا بصراحه احب اساعد ولا عندي مانع اساعد ولا انطر ان حد يرد لي شي فالمقابل لان لوجه الله .. بس بنفس الوقت ماحب الشخص اللي اساعده يكرر طلبه اكثر من مرتين ثلاث اربع خمس ..الخ .. ما ادري ليش استغفرالله اهني احس مادري كيف ؟!

صرت مرات ما ارد على اتصالاتها ولا مسجاتها وقلبي يعورني بس احاول انسي عمري ..
واللحين من كم يوم طالبه مساعده مني .. شرايكم اخواتي .. انا ماني عارفه هل هم بالفعل يحاسبون عالمساعدات اللي اساعدهم فيها بمعنى مايشترون فيها الا حاجتهم (( وهل اللبس ولعب الاطفال من الحاجات الاساسيه في بعض الاحيان ))!..
لاني بصراحه من النوع اللي احب اساعد من نفسي ماحب حد يطلب مني .. وفالمقابل لو شخص احتاج وطلب مني ما عندي بساعده بس بشرط عدم الاستغلال بمعنى يتكرر الطلب وايد أو الفلوس تروح بأشياء ثانويه!!!

المهم ابغي مساعدة بخصوص سالفة الأردن شرايكم .!

هالنوع من الصداقه مافيها احترام ووقت ماتخلص فلوسج راح تنتهي الصداقه الافضل تبتعدين عنها


انا سلفت ناس ولا ارجعت فلوسي.. الحمدلله مبالغ بسيطه

[اغلى الغاليات]

انا سلفت مره وحده بس خارج نطاق العائله وكانت رفيجتي تقريبا من سبع سنين والمبلغ اللي سلفتها اياه كان كبير وقتها :weeping:..رجعت لي ثلاث ارباع المبلغ تقريبا بعد ما ذكرتها بعد سنه من اخذها للمبلغ وزعلت وبعدها ما عادت تكلمني وسحبت على الباقي :rolleyes2:..ومن بعدها تبت ما اسلف حد الا اهلي وزوجي ..طبعا الاثنين يسحبون علي بس ما اتضايق لان حلالنا واحد ..
ووحده من خواتي حبت تتملك بيت وساعدتها بأني خذت لها قرض يكمل المبلغ..والحمدلله القرض يتسدد من اجار البيت..شي حلو انك تساعد الاخرين بس مو الكل لان ما تضمنهم والاقربين اولى بالمعروف ..

[abu m7md]

بسم الله والصلاة والسلام على رسول الله سيدنا محمد وعلى اله وصحبه
اما بعد
عن نفسي
كل قرابتي على بالهم اني اغنى واحد فيهم والغنى هو الله سبحانه وتعالى : ولا يدرون اني ماكل هواي لكن مرتاح بنفس الوقت
من كثر ما اسلف الناس مبالغ ولا اسئلهم انهم يرجعونها
وبعضهم يرجعونها اقساط وبعضهم يرجعونها بعد سنوات
لكن اني اكلمه اقول تعال وين فلوسي ولو كان بيننا موعد

يا اخوان لازم نتذكر شئ واحد
الخير الي احنا فيه من مٌن
مب من الله
هو الي رزقنا
ولاننسى انه المال للفقير والمسكين وابن السبيل
ليش نمسك عنهم مال الله
وبعدين اذا جيت تبي تتصدق او تسلف شخص
خل عندك نية انه يفك كربته
والله انه الله بيبارك لك في رزقك ويوسع عليك ويرزقك من حيث لاتحتسب ( لاتدري )

جاني شخص قبل رمضان وطلع جاري على باله نتهاوش
بالاخير يقول اني مسلفه وانا مب متذكر اني مسلفه ولا المبلغ مع اني ما اذكر اني اعطي 500 ريال
قلت له ان كانت لي صح وانا مسلفك لها نزلها فالتبرعات
جاب لي وصل اليوم الثاني فالتبرعات :(


كلها بسبت شخص فالدوام تسلفت منه 200 ريال 2002 / ذلني ذل عليها وكان باقي على اخر الشهر 10 ايام بس
وحسيت اني مذلول وكل الي فالقسم دروا اني متسلف منه
ونظرتهم لي تغيرت قالوا هذا من اولها سلف :(

اول ماجاء اخر الشهر واحذف عليه فلوسه واتعاهد مع نفسي ما اتسلف من احد لو ابيع اغراضي ولا اتسلف وانذل
ومنها لله الحمد ربي مريحني

السموحه على الاطاله

[بريق الحق]

جا بوقته الموضوع ..

أبغي أسألكم سؤال ..

عندي ربيعه في الأردن أعرفها من فترة تقريباً فوق السنه .. بين فتره وفتره كنت أطرش لها مبلغ بسيط .. بعد ماعرفت ان ظروفهم شوي صعبه .. وصارت بين فترة وفترة تطلب مني بحكم حاجتهم ..

وانا بصراحه احب اساعد ولا عندي مانع اساعد ولا انطر ان حد يرد لي شي فالمقابل لان لوجه الله .. بس بنفس الوقت ماحب الشخص اللي اساعده يكرر طلبه اكثر من مرتين ثلاث اربع خمس ..الخ .. ما ادري ليش استغفرالله اهني احس مادري كيف ؟!

صرت مرات ما ارد على اتصالاتها ولا مسجاتها وقلبي يعورني بس احاول انسي عمري ..
واللحين من كم يوم طالبه مساعده مني .. شرايكم اخواتي .. انا ماني عارفه هل هم بالفعل يحاسبون عالمساعدات اللي اساعدهم فيها بمعنى مايشترون فيها الا حاجتهم (( وهل اللبس ولعب الاطفال من الحاجات الاساسيه في بعض الاحيان ))!..
لاني بصراحه من النوع اللي احب اساعد من نفسي ماحب حد يطلب مني .. وفالمقابل لو شخص احتاج وطلب مني ما عندي بساعده بس بشرط عدم الاستغلال بمعنى يتكرر الطلب وايد أو الفلوس تروح بأشياء ثانويه!!!

المهم ابغي مساعدة بخصوص سالفة الأردن شرايكم .!

استمري مدام مب قاصرج شي واذا كنتي تعرفين ان حالتها صعبه ومتاكد من هالشي

سلفينا بعد الاقربون اولى بالمعروف (:

[بريق الحق]

اللهم لا تحوجنا الا اليك

[عضو قديم]

اقرأوا قصتي
جاني واحد اعرفه معرفه شخصية وطلب منى اكفله بسياره وكنت كفيل غارم المهم الحبيب اول شهرين اموره طيبة في السداد للبنك وبعدها سحب علي وتميت ادفع الاقساط الى اخر قسط والحبيب يوميا اشوفه ولا تكلم وبصراحة كنت بالبداية استحي اكلمه وبعدين قررت بيني وبين نفسي اني اكون مثله لان اذا هو ما استحى بدفع حقوق الناس ليش انا استحي بالمطالبه بحقي المهم كلمتة اكثر من مرة طيلة اربع سنوات لين انتهت الاقساط الحين الحبيب يبي يحرر السيارة ولازم ورقة من البنك فا جاني وكلمني وترجاني لانه يبي يسافر عنده ظرف وعطيته الورقه وبعد سحب علي لا سافر ولا شي تفاجاءة انه باع السيارة واهني انا قفلت وطالبته بالمبلغ كامل قال لي بالحرف الواحد تبي قيمة السيارة بعطك الفلوس غيرها مالك عندي شي قلت له يافلان والفوائد قال لي مب شغلي روح البنك وخذ فلوسك انت مالك الا سعر السيارة الاساسي ووافقت على مضض لان اعرف الرجال واعرف ظروفه وحالته المادية مب في الحضيض الا تحت الصفر بس هو مش مقتنع بوضعه واخذت فلوسي طبعا بدون الفوائد ومن عقبها حرمت اكفل احد مهما كان وا اسلف احد مهما كان او اعطي سيارتي لاي احد مهما كان وسلامتكم

[Khaled Qatar]

انا مسلف واحد مبلغ كبير من شهرين تقريبا- من شهر مسافر لندن واول واول مارجع نزل الراتب وحجز في الشالهات اسبوع - وطبعا من يومها مايكلمني في الوتسب من بعد ماكان يطرشلي ادعيه تقريبا كل يوم
ايش الحل معاه مع العلم اني استحي اقوله شي

[رجل الجزيرة]

اقرأوا قصتي
جاني واحد اعرفه معرفه شخصية وطلب منى اكفله بسياره وكنت كفيل غارم المهم الحبيب اول شهرين اموره طيبة في السداد للبنك وبعدها سحب علي وتميت ادفع الاقساط الى اخر قسط والحبيب يوميا اشوفه ولا تكلم وبصراحة كنت بالبداية استحي اكلمه وبعدين قررت بيني وبين نفسي اني اكون مثله لان اذا هو ما استحى بدفع حقوق الناس ليش انا استحي بالمطالبه بحقي المهم كلمتة اكثر من مرة طيلة اربع سنوات لين انتهت الاقساط الحين الحبيب يبي يحرر السيارة ولازم ورقة من البنك فا جاني وكلمني وترجاني لانه يبي يسافر عنده ظرف وعطيته الورقه وبعد سحب علي لا سافر ولا شي تفاجاءة انه باع السيارة واهني انا قفلت وطالبته بالمبلغ كامل قال لي بالحرف الواحد تبي قيمة السيارة بعطك الفلوس غيرها مالك عندي شي قلت له يافلان والفوائد قال لي مب شغلي روح البنك وخذ فلوسك انت مالك الا سعر السيارة الاساسي ووافقت على مضض لان اعرف الرجال واعرف ظروفه وحالته المادية مب في الحضيض الا تحت الصفر بس هو مش مقتنع بوضعه واخذت فلوسي طبعا بدون الفوائد ومن عقبها حرمت اكفل احد مهما كان وا اسلف احد مهما كان او اعطي سيارتي لاي احد مهما كان وسلامتكم

لو كنت مثلك كنت أخذت كتاب من البنك وإشتكيت عليه في المحاكم لين أمنع على السفر حتى يرد علي حقي ريال ريال لأني من قبل إنقرصت مثلك على كفالة سيارة عن طريق البنك وراح للإمارات كم من سنة لين جاء من الأمارات وعلى طول من باب الطيارة للسجن لأني طبلت من القاضي منع السفر حتى جاء أخوه يبكي عندي فقلت هو ما حس مثل أنا ماحسيت كم من سنة وأنا أسدد عنه وعليه ديون وأفلس من بداية الشهر وعلى تنازلت من جميع حقوقي لوجه الله تعالى لين الله فتح عليه وجاني مرتين وقال لي: هاه تبغي حلالك فقلت: مهوب علشان خلتها لوجه الله سبحانه وتعالى ومن ذلك اليوم وحفلت وأقمست ماعاد أكفل أي واحد في البنك.

[رهج السنابك]

مره وحده انطلبت سلف
وسلفت الهندي وكان ماشاء الله لحية وعيونه بالارض ان مريت وكله يدعي ويستغفر فوثقت فيه قلت مطوع ماينخاف منه واعطيه وانا مغمضه لانه قال بنت اخته مريضة
وكل شهر يقول اللي عقبه وانا اقوله معليه لو ماعندك بعدين
وتميت 5 شهور وعقبها اختفى ويقدر يوصل لي لو بغى بس شكله قال مايضر هالمبلغ عليها
انا لانها اول مره حزت بخاطري لو واحد مب ملتزم بقول معليه لكن واحد مثل هذا حافظ القران وياكل الدين!
بعدين طحت على حديث فيما معناه ان اللي تروح عليه فلوسه من سلف ويحتسب الاجر عند الله يتم اخذ اجر لين قيام الساعه
فارتحت واحتسبتها عند الله


ولو انطلب سلف مرة ثانيه بسلف ان رجعت لي خير وبركة مارجعت بحتسب الاجر

لا تنسون يا اخوان انها تدخل في تفريج الكربة

[يمامـة]

يعتمد حسب تجارب الواحد مع الشخص اللي يطلب السلف !!

فلواحد ما يقدر يرد واحد يطلبه سلف،،
لكنه لو شل عليه مضطرين نقول له في المرة الثانية مي سوري .

[فلتة زمانها]

انا لو شنو ما احب اتسلف والي طلبوا سلف عمري مارديتهم حتى لو ماعندي غير هالمبلغ
بس ماشفت منهم الا كل خير ويردون لي المبلغ وانا ناسيه اصلا اني سلفتهم

[البحار00]

انا ما اسلف إلا الي قراب مني

ويحز في خاطري ï»» جاني ريال يطلبني سلف ويبين حاجته للناس

طلبني مرة واحد أكبر مني سنا قالي ابي سلف 200 ريال يصلح سيارتي

وقتها جاني شعور غريب مثل الصدمة الحاجة تسوي كذا بالناس

قلت له خذها وï»» تردها ولو بغيت زود انا حاضر

[حسن]

اسكت عندي واحد ملعوزني مسلفه مبلغ محترم

وللا سف كانه مايدري

والله يقهرني

شهر صارله الحين 3سنوات والقهر ودي اكتب
اسمه وافضحه احيانا

رزيل الى اخر درجه

نصيحه لكم لا تسلف اي انسان بدون ضمان ولا روقه ولا شيك ولا صديق بعيد
وليس بقريب
اما الاخ والاخت انت ملزوم بهم

اذا يزعل عليك طز فيه لانه يدور مصلحه والصداقه اللي من وراها حاجه

ماتشرفني

متى بترد فلوسي ياللي تشوف مسوي فيها انك هني كلش

حسبناالله ونعم الوكيل

الظاهر مالي الا اشتكي عليه

[بوعابد333]

اسكت عندي واحد ملعوزني مسلفه مبلغ محترم

وللا سف كانه مايدري

والله يقهرني

شهر صارله الحين 3سنوات والقهر ودي اكتب
اسمه وافضحه احيانا

رزيل الى اخر درجه

نصيحه لكم لا تسلف اي انسان بدون ضمان ولا روقه ولا شيك ولا صديق بعيد
وليس بقريب
اما الاخ والاخت انت ملزوم بهم

اذا يزعل عليك طز فيه لانه يدور مصلحه والصداقه اللي من وراها حاجه

ماتشرفني

متى بترد فلوسي ياللي تشوف مسوي فيها انك هني كلش

حسبناالله ونعم الوكيل

الظاهر مالي الا اشتكي عليه

بل بل هدي اخوي الله يهديك انزين انت كلمته وذكرته يمكن نسى ولاشي

انا عن نفسي اللي يتسلف مني وما يردها اسوي مشكلة معاه الا لو ظروفه ما تسمح عادي خاصة اذا كان احد من الاهل او ربعي القريبين مني وايد لكن لما يقول الشخص ابي سلف وقادر يردها واذكره بالسالفه وما يردها هنيه تصير مشكله موب عشان الفلوس السالفه سالفة مبدأ ويطيح من عيني الشخص اللي جيه ولا ابي اجوف رقعة وجهه اخس شي اصدقاء المصلحة الله يبعدني ويبعدكم عنهم

[النهار]

واحد طلب سلف من واحد قال بعطيك بس بشرط
قال موافق قال ابيك تحب على يدي قبل ماتستلم ألفلوس مني استغرب الرجال منه قال ياخوي
تسلفني ولاتذلني :weeping:
رد عليه وقال له لما اجي اطلب ديني منك لازم احب على رجولك عشان تردها ان رديتها :nice:

تراها حكمه ياشباب لاحد يسلف حد بدون ضمان وشهود وورقه

[hanayen]

بصراحه احنا ينقص علينا بسرعه انا سلفت في حياتي ثلاث مرات كل مره خمسه آلاف الاول يمكن من عشر سنوات ولحد الحين ما شفت شي الثانيه خذت الفلوس واستقالت وطارت بلادها وآخر مره من سنه ولا شفت منهم ريال
عن نفسي ما راح اسامحهم لان هذي تعتبر سرقه والقانون لا يحمي المغفلين

[alsoq]

اذا جاني صديقي وقال سلف بقول ما عندي

بقول له ما عندي الى حلالك

ها الزمن الصديق ما يتحصل

[فيصل99]

في من ربعي لو يطلب مبلغ وماعندي اروح اتسلف بس عشان اعطيه وما ارده وما انطر منه يرجعهم لي مع اني واثق بيردهم
وفي الي يطلب وعندي المبلغ ماعطيه

[ريم الشمال]

السلف يكون حسب من هو يطلب ومقدار غربه منك
وهناك من يأيتيك وهو عاني يبي سلف وانت تعرف ظروف هذا بدون ما يتكلم بتعطيه لأن حاله تستدعي المساعده

[بوخالد911]

و الله ياخوي أنا قبل كنت مارد حد ،

كنت أسلف 2000 و 3000 و 5000 و أكبر مبلغ 15000

كاتنوا بعضهم يردون المبلغ ، لكـن من كم سنه

سلفت 2000 وللحين مارجعهم

و العام 5000 حق واحد ولا رجعهم

مع إنه مايكون عندي مبلغ كبير ، لدرجة إني أسلف الناس

المشكله ، أنا طيب وأستحي أرد حد ، يمكن صدق محتاج

لكن مع الأسف ، حالياً إتخذت قرار ، أي حد يقولي ( عندك سلف ) اقوله لا < من ورا قلبي ، لكن شسوي

عندك سلف الشيخ؟!؟!؟!؟
:shy:

[بوخالد911]

هلا
من ززززززمان واحد طلب مني سلف
فاعتذرت له
لأرني عارفه بيماطل وبيتعذررر

[بوحارب]

انا قررت ماسلف حد خلاص

لآني تعقدت من اللي يوعدون وما يوفون بالوعد :)

[بوخالد911]

انا قررت ماسلف حد خلاص

لآني تعقدت من اللي يوعدون وما يوفون بالوعد :)

لو جااااك بوخالدظ©ظ،ظ، وطلب سلف
شتقووول؟!؟!؟!

[قطري سهم]

موظوع حلو ومر علي

مره سلفت واحد مبلغ على اساس انه بيشتري سياره جديده وناقصة مبلغ قريب 60 الف تقريبا وانا اعرفه معرفه سخصية وكان متفق وياي ان كل شهر يعطيني 5000 وقلت له مومشكلة تفداك لاكن الامانه الي كان يضايقني لما يجي يتعذرلي بااعذار مش فية عشان لاينحرج فيني وبعد مرور سنة و سبع شهور رجع المبلغ كامل مع انه المفروض يرجع في سنة والحمد لله على كل حال.

[بوخالد911]

وكما قيل : الدين ذل بالنهار وهم بالليل

[بوحارب]

لو جااااك بوخالدظ©ظ،ظ، وطلب سلف
شتقووول؟!؟!؟!
مالك أمل ;)

[النهار]

مالك أمل ;)

مني مناك ياخوي اعتبرني ولد فريجكم السابق بس 5000 لين اخر الشر هههههههههههههههه

[قطري 777]

اكثروا المتسولين الي يجونك راكبين مرسدسات ولكازسس ويلبسون تميما هاذيلا اخطر نوعيه ودي اسلف واحد فقيررر وادري انه محتاج ان ردهم خير وبركه ماردهم انويها صدقه وفي نفس الوقت من وسع اذا ماعندي بعتذر وفيه اخوان لنى بخلاء انصحهم مايسلفون لان السلف راح يضر صحتهم النفسيه والجسديه بعض الناس مايجيه النوم لين مايدق على البنك ويشيك على الرصيد ..

[قطري سهم]

الرازق الله والمال رزق من الله اما تنفقه في مايرضى الله او بلاش منه لنه نقمة على صاحبة

الفقير والمسكين لهم حق مما اعطاك الله

فالواحد لايبخل برزق رزقة الله له

وماتنفقو من خير تجدونه عند الله سبحانة وهو خير المعطين .

[جاسم الدوحة]

للاسف يتسلفون وللاسف يتناسون ..

الحمد لله انه فيه من يتسلف ويحاتي لين يرجع لك فلوسك .. والبعض للاسف يتسلف وتقابله مرات ومرات .. وما يفكر حتى انه يقول لك اسمح لي .. او ان شاء الله بارد لك فلوسك من قريب .. ويحز في نفسك انك تشوفه يصرف على امور غير ضرورية وينسى دين الناس ..

للاسف سلفنا .. وتحسفنا ..

ويا شين لما يجيك شخص ما تقدر ترده ..

درر

بالنسبة لي أربع مرات تقريبـًا سلفت ناس ما ينردّون
بسبب قربهم أو صداقتهم أو علاقتهم المتميزة معاي
وكلهم عطوني (بمبة) ومنتهى الإحراج إذا جيت أذكــّـرهم .

المهم عقبها سلفت آخرين أكثر من مرة ولكن ..
صرت أتغلب على خجلي من البداية
وأطلب منه في نفس الوقت شيك مستحق
الدفع بالتاريخ المتفق عليه .

فإذا قبل فهو يبادلني الوفاء والاحترام
وإذا تعذر أو زعل .. فهو يقابل الإحسان بالإساءة
وبعدها .. إذا خسرنا بعض .. مب مشكلة
لأني وقفت وياه .. بس واضح إنه ما يبي يلتزم ..
وأحسن من نخسر بعضنا عقب ، وفليساتي عنده .

[بصمة قطرية]

يا ما سلفت و ما رجعت لي
نحتسبها عند الله إن شاءالله أجر ..
بس مرة صار لي موقف مادري أصنفه سلف و لا شنو ..!!
وحدة من صديقاتي تاجرة ووحدة علاقتي بيها سطحية
خذت منها بضاعة بمبلغ مش بسيط ..
و طنشت ..
إضطريت أدفع للمرة من جيبي و أعطيها حساب اللي خذته ..
مع العلم إنها موظفة و راتبها قوي و أنا مش موظفة
يعني اللي دفعته ذاك الوقت أثر على ميزانيتي
بما إنها عن طريقي أنا أتحمل قيمة اللي شرته
التاجرة ما لها ذنب ..!
بالذمة هالإنسانه تصنف تحت أي نوع ..!!

[بصمة قطرية]

بصراحة ما أحب السلف ..
ما أتسلف إلا في الشديد القوي
و ما أرتاح إلا لما أرجعها و أطلعها من ذمتي ..
إذا تسلفت من أخواني و خواتي بس مستحيل
أطلب من حد ثاني ..

[aziz4z]

ياما سلفت ناس , محد يرد, و إذا كان صديق يقطع علاقته وياك , بس الحين ما أسلف حد . سلفت ناس مبالغ كبيرة , يرد لي اياها أقساط 200 ريال , أنا ايش أسوي بهالميتين , راح تطير في لحظة , إذا تردلي المبلغ كامل أستفيد منه بشكل صح
و في ناس ياخذون سلفة , بعدين سفرات و سيارات جديدة , بس مايفكر يرد سلفتك
صح الواحد يستحي يسأل عنه حقه , بس في الاخير اقتنعت إذا هو ماستحى يسأل وليش أنا أستحي أطالبه بحقي
و إذا أبغي أساعد شخص , أشوف حالته كاملة قبل ما أساعده , لأنه إذا تعود بهالطريقة راح يكون عبئ عالمجتمع , نفس الشخص اللي جاء يتسول عند النبي صلى الله عليه وسلم , و النبي صلى الله عليه و سلم قال له : هل في بيتك شيء ؟ , قال نعم و أحضر بعض الاشياء من بيته , النبي صلى الله عليه و سلم باعهم له , و إشترى له فأس و حبل , و شيء ثاني , و قاله اذهب و احتطب و لا أرينك 15 يوما , بعد 15 يوم جاء للنبي صلى الله عليه و سلم و سأله كم معاك؟. قال 15 دينار , قال : هذا خير لك من التسول
نفس الشيء سلفة , أنصح الشخص و أقوله بدل ماتسوي جي , سوي جي

[qatarman8008]

انا شخصيا اسوي هالحركة مع شخص لا يطاق..
اذا ابيه يفك عني اطلب منه سلف مبلغ خشن..
وافهمه اني متوهق ويمكن ما ارجع له الدين..
دائما تنجح الخطة ولا عاد اشوفه..
جربوها..

[أبوفهد666]

تاجر اعرفه تمام المعرفة
جاه رجال وقال للتاجر سلفني ( مبلغ ... )
قال التاجر مانيب مسلفك
قال الرجال ليه ؟؟
قال التاجر .. ان سلفتك ورحت وطلبتك حقي زعلت
وان ماسلفتك زعلت .. انت في كلا الحالتين زعلان زعلان
لكن ازعل وفلوسي عندي ولا تزعل وفلوسي وراك

[Qtr37]

صباح الخير
الظاهر ان هالموضوع مزعج وايد ناس،، تذكرت نقطة مهمة مزعجة ايضا
غير الفلوس في ناس يتسلفون اغراض ولا يرجعونها!! خاصة عندنا احنا الحريم بصراحة حتى لو شي بسيط لكن هالموضوع مزعج جدا

[دااانة قطر]

صباح الخير
الظاهر ان هالموضوع مزعج وايد ناس،، تذكرت نقطة مهمة مزعجة ايضا
غير الفلوس في ناس يتسلفون اغراض ولا يرجعونها!! خاصة عندنا احنا الحريم بصراحة حتى لو شي بسيط لكن هالموضوع مزعج جدا


:weeping::weeping::weeping:



اذا عزيز وغالي ماراح ارده سواء تسلف مبلغ او شي من اغراضي فدوه
لكن يمد يده على اغراضي بدون استئذااان ويتصرف فيه ويضيعه ولا كأن سوا شي مب احسن له

[حسن]

بل بل هدي اخوي الله يهديك انزين انت كلمته وذكرته يمكن نسى ولاشي

انا عن نفسي اللي يتسلف مني وما يردها اسوي مشكلة معاه الا لو ظروفه ما تسمح عادي خاصة اذا كان احد من الاهل او ربعي القريبين مني وايد لكن لما يقول الشخص ابي سلف وقادر يردها واذكره بالسالفه وما يردها هنيه تصير مشكله موب عشان الفلوس السالفه سالفة مبدأ ويطيح من عيني الشخص اللي جيه ولا ابي اجوف رقعة وجهه اخس شي اصدقاء المصلحة الله يبعدني ويبعدكم عنهم

بل بل بل

يطيح من عينك ولا تبي تشووف رقعه ويهه

شلون المبلغ انا اللي مسلفه يزوج لك فوق 10 زوجات على حسب الدول

[هدوء 2]

بل بل بل

يطيح من عينك ولا تبي تشووف رقعه ويهه

شلون المبلغ انا اللي مسلفه يزوج لك فوق 10 زوجات على حسب الدول

طيب ما ممكن مبلغ وقدرة بس مو سلف علشان ماتعور راسي كل شيء بهدوء:cool: ......... تعتبرة لله

[Riku3]

موضوع ممتع عشت الجو معاكم هههههه

انا تعلمت ببداية حياتي العمليه وانضربت على راسي ههههه .. اذكر جاني بحجة اجار البيت المتراكم وانا حلفتله ان ماعندي في حسابي الا نص المبلغ الي هو طالبه الا يرد علي مب مشكله بدبر النص الثاني هههههه

ومع وقاحته في الطلب وسذاجتي قبلت وعطيته وتميت على الحديده المصديه لين اخر الشهر .. ولين يومكم ماشميت ريحة الفلوس.

وغيره قصص كثيره .. الي يتعذر ان توه مطلع موتر والي يتعذر ان متزوج ظ£ وماعنده ههههه .. ومره واحد اتصلي وكنت في مبنى القطريه وهو مسافر وطلب مني خدمه وياريتني رديته خخخخ قالي بعطيك رقم التذكره تقدر تغيرها من سياحيه لدرجه اولى خخخخ وانا بسذاجتي وافقت .. صبرت عليه سنتين وبعدها من عرف اني ببدى اتكلم وافضحه ردلي المبلغ بشكل وقح بأن كنا مارين جنب صراف ووقف وسحب الفلوس وعطاني قدام الكل بعد ماسترت عليه سنتين بس طلعت حرتي عقب ..

ومره جاني حارس فندق نيجيري مسيحي كنت اسولف معاه كل ما اتردد لهالفندق .. حسيت فيه ضيقه وسألته شفيك الا يقولي فنشوه وبيسفرونه بعد اسبوع وماعنده فلوس يطرش اغراضه نيجيريا ومابيعطونه معاش الا اخر يوم !! .. عطيته كامل المبلغ وما نطرت منه الرد وقتله هذي هديه .. خذ رقم جوالي وصار كل يوم يكلمني ويذكرني بيوم رد الفلوس !!! .. ويوم وصلنا للتاريخ الي بيسافر فيه جاي لين عندي ورد لي المبلغ . الله يهديه للاسلام كان ارجل من وايد من ربعنا الي على ظ،ظ*ظ*ظ* ريال يشردون منك .

[ابوعلي]

موضوع على الجرح

وما نقول الا الله يسامح الي يستغل طيبة الناس ونظرته للمادة وبس

[Locale]

قلوبكم متروسه ههههههه
الحمدلله بحكم اني ماشتغل محد يطلب مني سلف الا مبالغ بسيطه ماتعدي الالف
الا انا شكثر اتسلف من اختي وارجعها بالوقت المحدد

[MAZEN37]

انا الحين وصلت مرحله اذا بسلف استعوض ربنا بالمبلغ مسبقا
احالول ما اسلف لكن مرات تنجبر واحط في بالي انهم راحو

[محمد أبوشيخة]

أنا قصتي وايد حلوه كسبت فيها صديق العمر
كان معاي بالدراسة ايام الجامعة
وكنت انا وهو على خلاف دائم وبعد إتمام الدراسة توظفنا كل واحد بمجال مختلف وانقطعت إخباره
مع مرور السنين جاني المكتب وشكالي همه وانه محتاج مبلغ علشان يكمل بيت العمر، المهم عطيته المبلغ وكان الرجال وايد منحرج ومصدوم بنفس الوقت وقال انت كنت اخر أمل عندي وتوقعتك تردني، المهم وعدني يرجع المبلغ على دفعتين كل 6 شهور دفعة فبداءة صداقتنا تقوى وأصبحنا مثل الاخوان وفعلا" الرجال التزم ورجع المبلغ بالوقت المحدد وبدون تأخير والحين الرجال من أعز اصدقاءي.

[المستريح]

والله الطيبه فينا انا قبل كنت اسلف بس ادبونى وخلاص ماصرت اسلف راحت على مسلف واحد 20الف واحد 30الف من سنتين والمشكله يجون المجلس واذا جات سيره السلف يتكلمون كنى انا المتسلف منهم واستحى لاقولهم واحد سلفته30الف وتم يعطينى 1500 2000 لين ضاعت الحسبه عند بس اناعارف حسابى وحاججنى وخليته لله

[نتفـه]

صراحه تحسفت على كل الناس اللي عطيتهم لانهم جد تغيرو بعد السلف وكللللللللللهم مارجعو السلف .. شلون بيعيشون وانا مب محللتهم ولا مسامحتهم ؟؟؟
باجر احنا تحت الارض شبيستفيدون!

[المحاميه]

كلكم مسلفين
عيل وينهم المتسلفين

الدين هم
والمفروض الواحد اللي مب قد الدين مايتسلف
يعني شبتسوي اذا الناس ماحللتك !

[خليفـة]

السلف تلف كما يقولون
عن نفسي
عندي مبدأ مع بعض الناس الي يبون سلف :

ممنوع الدين الا لمن عمره 80 سنة .. بشرط احضار ولي امره معه

خليفــة

[بنت مريخ]

اسلف ولا اسئل متى يرجعونها
استحي
اهم شي عندي اساعدهم وقت ضيقتهم

[بوحارب]

كلكم مسلفين
عيل وينهم المتسلفين

الدين هم
والمفروض الواحد اللي مب قد الدين مايتسلف
يعني شبتسوي اذا الناس ماحللتك !

موجودين المتسلفين

انا متسلف 380,000 حاليا

والحين ناقصتني 100,000 وبتسلفها بعد من شخص ما :)

ومسلف ناس 37500 وللأسف ما يستحووووون ;)

[كازانوفا]

أنا قصتي وايد حلوه كسبت فيها صديق العمر
كان معاي بالدراسة ايام الجامعة
وكنت انا وهو على خلاف دائم وبعد إتمام الدراسة توظفنا كل واحد بمجال مختلف وانقطعت إخباره
مع مرور السنين جاني المكتب وشكالي همه وانه محتاج مبلغ علشان يكمل بيت العمر، المهم عطيته المبلغ وكان الرجال وايد منحرج ومصدوم بنفس الوقت وقال انت كنت اخر أمل عندي وتوقعتك تردني، المهم وعدني يرجع المبلغ على دفعتين كل 6 شهور دفعة فبداءة صداقتنا تقوى وأصبحنا مثل الاخوان وفعلا" الرجال التزم ورجع المبلغ بالوقت المحدد وبدون تأخير والحين الرجال من أعز اصدقاءي.



سبحان الله
الناس معادن

[مختلفة عقليا]

السلام عليكم .,

انا ما اسلف نفسي اسلف غيري ., :shy:

اضحك في كل شي الا الفلوس لا يبه هاي اتغير النفوس .,

ما اسلف ولا اتسلف ., الله يخلي البنوك استر للويه .,

ويسلموو .,

[المحاميه]

موجودين المتسلفين

انا متسلف 380,000 حاليا

والحين ناقصتني 100,000 وبتسلفها بعد من شخص ما :)

ومسلف ناس 37500 وللأسف ما يستحووووون ;)


اسلفك ماعندي مشكله
بس تردها الضعف

<< :secret:

[بوحارب]

اسلفك ماعندي مشكله
بس تردها الضعف

<< :secret:

هههههههه
مشكوره غيرج قالي ردها وقت ما تبي وانتي تبين الضعف:(

[شبح الصمت]

يومين مرو علي مرو علي سنتين لو اقدر يا منيتي عن شوفتك يالخمسية انا مقدر


:omen2:

[المحاميه]

هههههههه
مشكوره غيرج قالي ردها وقت ما تبي وانتي تبين الضعف:(

كيف استفيد طيب :( البنك مب احسن مني

لا سوالف ردها وقت ماتبي ماعندي
شوي الا ساحب علي
وتحصلني داشه الموضوع اتشكى واقولك رد فلوسي ردهااااا :weeping: