الصراحة شوارع الدوحة ماتنطااااق زحمة وشوارع صغيرة ... الخ

[بـن عدوان]

السلام عليكم

ياخي ليش جي


شوارع الدووحة كللش

زحححمة كل مكان

شوارع صغيرة

الاشارات مايمديها وتصكر

نااس ماتعرف تسوق وخصوصا الهنوود يمشون ببرووود

تكاسي توقف في نص الشارع وتعطل اللي يسوووق

حوادث بشكل يومي واللي يبط الجبد حوادث بسيطة وتوقف في نص الشارع!!!! والعالم تتعطل

هاي واي ومخارجه كله تكدس في تكدس !!!

الوضع لا يطااق

انا نادر اطلع هالحزة ومشاويري قريبة

اليوم بس بغيت اروح هوم سنتر خذت ساعة يمكن

شي يقهر الصراحة

[حسن]

الله يعين

انا صرت من الدوام الى البيت والويكند البحر اشرد من الدوحه وزحمتها

[فيصل99]

لي متى الشكوى بدون فايده
تكيف مع الواقع ياخي ارض بالحال
على قولة القايل اصنع من الليمون شراب حلو مادري شدخل المهم تعودت امشي في الدوحه باعصاب بارده احرق دمي ليش على شي كل يوم يستوي
اغلب وقتي وطلعاتي برع شوارع الدوحه غير لوعة الصباح وقت الروحه للدوام والرجعة
الدنيا جذي وهذا الواقع

[بـن عدوان]

الله يعين

انا صرت من الدوام الى البيت والويكند البحر اشرد من الدوحه وزحمتها

انا دوام + شيشة في الليل ومايكون زحمة

الويكند طلعات خفيفة اغلبها ليل واماكن معينة طبعا

بس ياخي اليوم طلعت كرهت عيشتي!!!

[بـن عدوان]

لي متى الشكوى بدون فايده
تكيف مع الواقع ياخي ارض بالحال
على قولة القايل اصنع من الليمون شراب حلو مادري شدخل المهم تعودت امشي في الدوحه باعصاب بارده احرق دمي ليش على شي كل يوم يستوي
اغلب وقتي وطلعاتي برع شوارع الدوحه غير لوعة الصباح وقت الروحه للدوام والرجعة
الدنيا جذي وهذا الواقع

:weeping::weeping::weeping:

[عضو المنتدى]

مثل هالوضع يجيب مرض السكري والضغط والام الظهر خاصه العامود الفقري ،

هذا غير المزاج المتعكر ، وسئلوا الدكاترة ،

واي موظف اذا بغى يخلص له شغله الصباح خارج الدوام صعب انه يرجع دوامة مرة ثانية ،

ويمكن طلعتك بدون نتيجه من هالزحمة .

الصراحة شوارعنا لا تصلح الا لتعداد 600 الف نسمة فقط .

لكن من يسمع ؟

[الدمعه]

والله اتملل اذا اطلع وخصوصا اذا العيال يبغون شي ضروري للمدرسه اتنرفز قبل لا اطلع من البيت ، واحاول اطلع من الساعه ظ¤ بدري عشان مايكون فيه زحمه ،، ومستحيل نص الاسبوع اطلع عن محيط منطقتنا ،، عشان ما اتاخر عن الساعه ظ¨ ،،

بس بخصوص الرياييل ،، اذا انتوا مالكم مزاج على الشوارع وتقضي المشواير عيل احنا من لنا غيركم ��

[بوخالد911]

شيء لا يطااااق

شوارعنا بحاجة للتوسعة

[طلعة الروح]

ضغط كبير ع البنية التحتية والديرة بتنفجر من الاجانب والمقيمين ، عدد السكان حوالي مليونين
وآخر شي يقولون لك ان بنيتنا التحتيه ما تستوعب أكثر من 600 ألف ، كم عدد المواطنين اتوقع اقل من نصف مليون!!

[rayyani12]

السلام عليكم .. المشكله ف تخطيط الشوارع من البدايه ! يعني يسون لك شارع وعقبها بشهر يستوعبون ان عليه زحمه وخذ مناقصه ثانيه وتعال وسع الشارع وزحمة عمال ومعدات ويخلون الشارع مسار واحد ومادري شنو .. ياخي من البدايه خطط حق شارع للمستقبل خله خمس مسارات ولا اربع وقبل الاشارات سو مخرج للي يبي ياخذ الاشاره يمين قبلها ب ثلاثمية متر عشان مايصير تكدس على المسار الآيمن .. واللي يبي ياخذ الاشاره ويرجع بعد سو له مسار من قبل عشان ماتفتح الاشاره حق اللي يبون يروحون سيده ويكون السيد واقف لان في ناس يبون ياخذون الاشاره ويرجعون .. وغير ذيه مافيه توعيه مروريه .. يعني حادث بسيط او دعمه تحصل اللي داعم واللي مندعم واقفين احذا سياراتهم وينطرون الشرطه ! زين ياخي صور الدعمه من كذا جهه وحرك سيارتك وصف على جنب لين ماتوصل الشرطه .. وكل اللي يسون جي تسعين بالميه يكونون اجانب لان ماعندهم توعيه ويخافون اذا حركوا السياره ماياخذون حقهم وينحسب الغلط عليهم .. وغير اللي يمشي ثمانين على خط سرعته اميه ! ومرات يكون الشارع ثلاث مسارات وتحصل واحد يمشي ستين فالمسار اللي فالنص ويكون المسار الايمن فاضي لأن على باله ان الخط اللي ع اليسار هو بس الخط السريع وخذ تجاوزات من اليمين وحركات مالها داعي تقول قاعد ف سباق .. مرات المسار اللي ع اليمين هو يكون الخط السريع بسبة قلة التوعيه ! الله كريم .. الحمدلله اني ادرس برع ومفتك من الزحمه والغثا :tease:

[جاسم الدوحة]

الجوّال الجوّال الجوّال الجوّال

يشغل السايق يا جماعة الخير
ترى اللي فينا من الزحمة كافينا

تلقاها من الكل .. حتى من بعض ربعنا .. مشغول بالجوال
ويمشي على بيض وجدامه فاضي .. وبقية الحارات زحمة
وإذا ديـّـمت له أو هــّرنت له .. تبتدي النحاسة

[lion66]

خلاص هانت ...
2014 - 2022 = 8 سنوات وتنحل كل الامور ....

الصبر .... والصبر .... والصبر ...

[@north_star@]

الله المستعان ...... وللاسف المشكلة مب بس بضيق الشوارع البلا الاكبر بسواقة بعض المستهترين الي يتمشى واللي مشغول بالموبايل واللي يلف عليك

[Rider]

والي ينرفزك اكثر الي قاعد يلعب في الجوال ويمشي براحته وكانه مافيه حد وراه واذا طقت له هرن عصب وقام يأشر بيديه نفس واحد امس من هؤلاء الاشخاص يلعب في الجوال وانا وراه اكبس له ليت مب راضي يتحرك اخر شي تجاوزته بصعوبه الشارع مسار واحد والحبيب يكبس لي ليت يعني وقف يوم وقفت له نزل يقول شفيك انت رجال كبير شنو هالحركات ماتشوف معاي اطفال في السيارة شدخل الاطفال في الموضوع قلت له هذا الشارع مب ماسك الجوال وتلعب الناس مستعجلين بكل برود يقول الدنيا بطير المهم قال خلاص روح الله يحفظك يعني هو الزعلان الحين حاله

[fzaa_qatar]

والله كرهت انزل الدوحه بسبة الزحمه .. ااااخ كلش ولا شارع الكرنيش ولا السد ولا المطار ولا طريق سلوي ولا الفرجان .. عجيب امر اشغال شفيهم ما يسكرون بعض الاشارات ما يمديك تمشي الا وقفت باشاره ثانيه وووووين عايشين .. يرجعون نظام الدوار ابرك وارحم لا واللي يقهرك حاطين كميرات عند الاشارت عشان يمشون السير ولا مشوه ولا شي عيل ليش حاطين كميرات مب عشان تشوفون الخط اللي فيه زحمه وتفتحون اشارته .. الله يعييييييييييين

[kitmat]

عيل شتقول بللي يمر كل يوم على شوارع مكسرة طريج الدوام كل يوم يسكرون ويحفرون والله تعبنا وسياراتنا تكنسلت مب تكسرت مادري ايش يدورون عيل الشارع اللي عند دوار ارامكس مب راضين يسكرونه عملية جراحية مؤبدة يعني بيتم مفتوح طول العمر صار له اكثر من ست سنوات يسكرونه اسبوع ويرجعون يحفرونه مرة ثانية شي عجيب اللي قاعد يصير في بلادنا شوارع عدله مافية احنا طريج مدرسة كل يوم نور مخرج ومدخل في وين قاعدين احنا احنا اغنى دوله خليجية مب قادرين يرسون لهم على بر في الشوارع

[معماري قطري]

اصبروا وصابروا ورابطوا فقطر تستحق الأَفضل

مع تحيات .. أَشكال