هل انت متضرر من هالموضوع؟

[المحاميه]

السلام عليكم




عندي تعقيب وملاحظة ماعجبتني على مجمعاتنا (المولات)


مثل ماتعرفون ان هالمجمعات تفتح المحلات فيها الساعه 10 الصبح وتصكر 9 المسا



نقاطي ..

1) يفتحون متأخر

2) يصكرون بدري



اقتراحي ..

1) يفتحون الساعه 8

2) يصكرون الساعه 12


انا وحده من ألف شخص يتضرر من الوقت المحدود اللي مخصصته هالمجمعات لنا
يعني لما اطلع اجازه واخصص الفتره الصباحيه للتسوق اتضرر وايد واتاخر واتعطل من هالتأخير


وطبعاً الاخوان يوم الجمعه يبطلون الساعه 3
نعم يوم الجمعه يوم راحه وصلاه لكن احيانا الواحد يكون مضطر ويبي ياخذ شغله او يبي يتغدى برا وتعال انطر عاد ..
عالاقل يبطلون الساعه 12
يبون يرتاحون الموظفين .. طيب يتبعون نظام الشفتات او اوفر تايم او يخصصون موظفين لهاليوم ..


معلومه:

سنة 1900 وحطبه قد ولت
واليوم وصلنا سنة 2014 والدنيا تغيرت
مابي اذكر دوله بعينها (الكل عارفها طبعاً) واقول ليش مانكون مثلهم لان احنا مانبي نكون مثل حد
ونبي نتميز ف كل مجال ..



اتمنى هالاقتراح يوصل ..
وشكراً







...

[asadfg]

ياحب الحريم حق الشوبينق

[ضوى]

انها تكون شغالة لين 12 لا ما أييد ، غلط نكون برع البيت بسوق لهالوقت ، لو مطعم معليه ،

بس ممكن انهم يفتحون بدري حلو 8

[غير البشر]

مرحبا اختي المحاميه

بالنسبه للفتره الصباحيه انا مؤيد
لكن الفتره المسائيه صعبه لسببين

الاول ممكن يكون في الويكند انا مؤيد يسكرون 12
لان خبرج في ناس عندها دوامات ومدارس
فا لما يسكرون 9 ونص ينجبرون يطلعون ويروحون على بيوتهم
حتى الي في البند المركزي المرتزين في الكوفيهات يقزون
بعد يبغون يرتاحون ويروحون بيوتهم وهم مطمنين انهم قامو بالواجب واكثر


السبب الثاني ان دوامهم متواصل يعني شبك من الصبح لين الليل
يكون تعب على الموظفين

[ضوى]

الكويت اللي هي الكويت والمنفتحة من زمااااان محلاتها تسكر 10

[قطريه22]

اول مره ادرى ان المجمعات في قطر تصكر 9

[غير البشر]

اول مره ادرى ان المجمعات في قطر تصكر 9



اعتقد 9 ونص المحلات

والمطاعم 11 او 11 ونص
اعتقد جذي

نادر اروح مولات :rolleyes2:

[راعي ال VXR]

عن أبي هريرة رضي الله عنه أن رسول الله صلى الله عليه وسلم قال: أحبّ البلاد إلى الله مساجدها، وأبغض البلاد إلى الله أسواقها.

[monatee]

لايدرون عن موضوعج ،، ويمكن من بعدها يسكرون الساعه 6 او 8 :secret:

نفس الدول الاوربيه المتقدمه :telephone:

[غير البشر]

لايدرون عن موضوعج ،، ويمكن من بعدها يسكرون الساعه 6 او 8 :secret:

نفس الدول الاوربيه المتقدمه :telephone:



هههههههههه لا صعبه
المعروف ان الاروبيين حياتهم صباحيه
احنا مسائيين اكثر

[قطريه22]

اعتقد 9 ونص المحلات

والمطاعم 11 او 11 ونص
اعتقد جذي

نادر اروح مولات :rolleyes2:

نفسي نادر ماروح الا اذا بادخل كارفور

[شيخ الديرة]

غير متضرر

[المحاميه]

صباح الخير جميعاً

يااخوان كل واحد حسيب ورقيب على نفسه
وشدعوه لو المحلات فاتحه لين 12 ولا 4 الفجر الواحد مايعرف يضبط نفسه؟
والله اللي يبي يلتزم وحاسب حساب الدوام او مايبي يسهر يعرف يرد بيته بدري
لكن اللي ماعنده مشكله كيفه حتى لو المحلات تصكر 6 بتحصله قاعد ويحوس ولا سهران
المسأله شخصيه مادري يعني شدخل هالنقطه فالموضوع

ثاني شي الدول الاوروبيه ايه نعم محلاتها تبطل 9 وتصكر 5 بس ماسألتوا نفسكم ليش؟
لان وراهم بار وديسكو ويبون يلحقون
يعني شي بيصكر وبيبطل شي ثاني

وانا قلت احنا مانبي نقلد ولا نقتدي بحد لكن فيه ناس تبي تخلص اشغالها وربط المجمعات بساعات محدده مزعج لان الواحد ساعات مايلحق ويتعطل
وذكرت ان كذا شخص تضرر من الموضوع ..

[المحاميه]

هههههههههه لا صعبه
المعروف ان الاروبيين حياتهم صباحيه
احنا مسائيين اكثر


حياتهم صباحيه؟
والناس اللي اتحذف ف الشوارع تالي الليل (2 الفجر وطالع) ؟؟

[غير البشر]

ثاني شي الدول الاوروبيه ايه نعم محلاتها تبطل 9 وتصكر 5 بس ماسألتوا نفسكم ليش؟
لان وراهم بار وديسكو ويبون يلحقون
يعني شي بيصكر وبيبطل شي ثاني





ههههههههههههههههههههههههه صادقه

[غير البشر]

حياتهم صباحيه؟
والناس اللي اتحذف ف الشوارع تالي الليل (2 الفجر وطالع) ؟؟


يشربون فانتا اورنج :secret:

صح كلامج صادقه والله

[قطريه22]

الشمكله مافي محلات عدله وبتلفين المجمع كله في ساعتين
لو المجمعات كبيره معاج حق

[Aaziz]

تصكر = تسكر
مصمار = مسمار
صفرة = سفرة

(ياأيها الذين آمنوا إذا نودي للصلاة من يوم الجمعة فاسعوا إلى ذكر الله وذروا البيع ذلكم خير لكم إن كنتم تعلمون)
صدق الله العظيم

[حسن]

الصراحه

انا مؤيد ان يكون الدوام بدري وان يتم الاغلاق الساعه 8 مساء

منها الناس تغير جدولها السئ
الصراحه في المانيا من يضلم الوقت الشعب ففي بيته مافي الا العرب
يهيتون ومزعجينهم

انا معاك يجب ان يتغير جميع الدوامات حتى الحكوميه من الساعه 6 الى 12

كفايه سهر وخرابيط الشعوب المتقدمه ماتسهر
تنام بدري والمتخلفه صباحي

اخ لو انا صاحب قرار

:telephone:

[غير البشر]

الصراحه

انا مؤيد ان يكون الدوام بدري وان يتم الاغلاق الساعه 8 مساء

منها الناس تغير جدولها السئ
الصراحه في المانيا من يضلم الوقت الشعب ففي بيته مافي الا العرب
يهيتون ومزعجينهم

انا معاك يجب ان يتغير جميع الدوامات حتى الحكوميه من الساعه 6 الى 12

كفايه سهر وخرابيط الشعوب المتقدمه ماتسهر
تنام بدري والمتخلفه صباحي

اخ لو انا صاحب قرار

:telephone:


انا بوعلي نفس كلامك
ان يفتحون بدري على الساعه 8
بعظهم يوصلون اعيالهم مدارس ويبون يتسوقون وبعدها يروحون البيت

ويبقون الدوام المسائي كما هوو

[دااانة قطر]

السلام عليكم
وعليكم السلااام ورحمة الله وبركاته


مثل ماتعرفون ان هالمجمعات تفتح المحلات فيها الساعه 10 الصبح وتصكر 9 المسا
1) يفتحون متأخر
2) يصكرون بدري
اقتراحي ..
1) يفتحون الساعه 8
2)يصكرون الساعه 12
انا وحده من ألف شخص يتضرر من الوقت المحدود اللي مخصصته هالمجمعات لنا
يعني لما اطلع اجازه واخصص الفتره الصباحيه للتسوق اتضرر وايد واتاخر واتعطل من هالتأخير
معااج يفتحون من 8 لكن 12 وااايد بتوصل الزحمه لين 1
وبعدين كفااية مع 9 وفي نااس تتأخر لبعد 12


وطبعاً الاخوان يوم الجمعه يبطلون الساعه 3
نعم يوم الجمعه يوم راحه وصلاه لكن احيانا الواحد يكون مضطر ويبي ياخذ شغله او يبي يتغدى برا وتعال انطر عاد ..
عالاقل يبطلون الساعه 12
يبون يرتاحون الموظفين .. طيب يتبعون نظام الشفتات او اوفر تايم او يخصصون موظفين لهاليوم ..
وشكراً
من زماان مادخلت اي مجمع بعد وقت الصلاااة اذكر مرة رحت رويال بلاازا عشان ادخل سينما وكان جدا هادي بس المطااعم كاانت مفتوحة والسينما واشوفه بعد شي حلو
عن نفسي ماشوف اي مشكلة لأن روحتي للمجمعاات قليل من الظهر يوم الجمعة

[ولي العهد]

يفترض على حسب المحلات الي في المجمعات يعني يفتحون 8 الكارفور والكوفي شوب والمطاعم ويتمون لين 11 ونص ليلا وباقي المحلات الثانية لين 10

[توشيبا]

القرار مب من اصحاب المجمعات والمحلات

وجاء القرار الا بعد دراسه وله سلبيات كثير ومنها

1- الجهات الأمنية ستضطر لمراقبة فتره اطول

2- استهلاك الكهرباء وغيرها

[العنيده]

اؤيد الصبح يفتحون بدري وايد اوك .. بس بالليل لو عشر اوك افضل من 12
هم في الاعياد شوي يتاخرون عشان الناس تلحق من الزحمه :victory:

[تغلبية]

لو يفتحون 8 ويسكرون 8 .. بتهدا البيوت في قطر وبتسكن ...

بيكون اسلوب الحياة فيها أفضل ..

لأن عقب الساعة 8 يفضل يكون جو عائلي في البيت:victory:



:


شخصياً مش متضررة ...

بس من افتحت المجمعات في قطر .. لي رجعت البيت دائماً أقول ليتني مارحت .. (حتى لو استانست فيها) <<< ما أحبها :(

[دااانة قطر]

الصراحه

انا مؤيد ان يكون الدوام بدري وان يتم الاغلاق الساعه 8 مساء

منها الناس تغير جدولها السئ
الصراحه في المانيا من يضلم الوقت الشعب ففي بيته مافي الا العرب
يهيتون ومزعجينهم

انا معاك يجب ان يتغير جميع الدوامات حتى الحكوميه من الساعه 6 الى 12

كفايه سهر وخرابيط الشعوب المتقدمه ماتسهر
تنام بدري والمتخلفه صباحي

اخ لو انا صاحب قرار

:telephone:


قرااار سليم



لو يفتحون 8 ويسكرون 8 .. بتهدا البيوت في قطر وبتسكن ...

بيكون اسلوب الحياة فيها أفضل ..

لأن عقب الساعة 8 يفضل يكون جو عائلي في البيت:victory:



:


شخصياً مش متضررة ...

بس من افتحت المجمعات في قطر .. لي رجعت البيت دائماً أقول ليتني مارحت .. (حتى لو استانست فيها) <<< ما أحبها :(



:nice::nice::nice:

[للصبر اخر]

انا عن نفسي ماني متضرره
بس ليش مايفتحون 8 صباحا والاغلاق 10
وفي الويكند لين 12 ممكن
بخصوص يوم الجمعه
فهالشي مذكور في القران

( يَا أَيُّهَا الَّذِينَ آمَنُوا إِذَا نُودِي لِلصَّلاةِ مِن يَوْمِ الْجُمُعَةِ فَاسْعَوْا إِلَى ذِكْرِ اللَّهِ وَذَرُوا الْبَيْعَ ذَلِكُمْ خَيْرٌ لَّكُمْ إِن كُنتُمْ تَعْلَمُونَ )

بس اللي ابي افهمه
الاسواق الشعبيه مثل سوق واقف والجبر وغيرهم
ليش يكرون الضهر ويفتحون العصر
حالهم حال المولات
ع الاقل فتره الشتا يخلونهم مفتوحين

[دايموند]

اتفق معاج خاصه في اجازات الربيع والصيف الواحد يكون بره البيت لين 11 او 12

[المحاميه]

تصكر = تسكر
مصمار = مسمار
صفرة = سفرة

(ياأيها الذين آمنوا إذا نودي للصلاة من يوم الجمعة فاسعوا إلى ذكر الله وذروا البيع ذلكم خير لكم إن كنتم تعلمون)
صدق الله العظيم



هديت الموضوع ومسكت ف جزئيه وحده وليتك فاهمها صح بعد
والجزء الثاني خليته فكاهي بطريقتك :)

شوف اخ عبدالعزيز يقولك عقول البشر 3 انواع

عقول عظيمة تتكلم عن الأفكار، وعقول متوسطة تتكلم عن الأحداث، وعقول صغيرة تتكلم عن الناس

عاد انت صنف نفسك :victory:

[Aaziz]

هديت الموضوع ومسكت ف جزئيه وحده وليتك فاهمها صح بعد
والجزء الثاني خليته فكاهي بطريقتك :)

شوف اخ عبدالعزيز يقولك عقول البشر 3 انواع

ﻋï»کï»®ï»‌ ﻋﻈﻴﻤï»ھ ï؛—ï؛کﻜï»*ﻢ ﻋﻦ ï؛چﻻﻓﻜï؛ژï؛*
وﻋï»کï»®ï»‌ ﻣï؛کï»®ï؛³ï»„ï»ھ ï؛—ï؛کﻜï»*ﻢ ﻋﻦ ï؛چï»»ï؛£ï؛ھï؛چث
وﻋï»کï»®ï»‌ ï؛»غيره ï؛—ï؛کﻜï»*ﻢ ﻋﻦ ï؛چï»ںﻨï؛ژï؛±

عاد انت صنف نفسك :victory:

فهمتي مشاركتي غلط يالمحامية :weeping:
رديت على اهم جزئيه شفتها في الموضوع
حاولي تحطين مواضيع الرد عليها مايحتاج الاتيان بحديث او ايه كريمه .

[المحاميه]

فهمتي مشاركتي غلط يالمحامية :weeping:
رديت على اهم جزئيه شفتها في الموضوع
حاولي تحطين مواضيع الرد عليها مايحتاج الاتيان بحديث او ايه كريمه .




ليش ليكون انا قايله خلهم يبطلون الساعه 8 يوم الجمعه ولا قلت خلهم يبطلون حزة الصلاه؟

ماغير انتقدت انهم يبطلون الساعه 3 والمشكله اني ذكرت انه يوم راحه وصلاه يعني الذكي بيفهم قصدي شنو


الله يهديك بس

تقطون كلام بعدين تقولون لا ومادري شنو وانتي الغلطانه

:)

[بومحمد المطاوعه]

مايهمنييييييش


اهم شي في وقت يفتحون وفي وقت يسكرون


كلها ساعتين بالكثير اخلص اغراضي الي احتاجها

ما اقعد ادووور بلا هدف


في وجهه نظري الوقت يكفي بالنسبه لي



يعطيج العافيه ع الموضوع

[المحاميه]

الصراحه

انا مؤيد ان يكون الدوام بدري وان يتم الاغلاق الساعه 8 مساء

منها الناس تغير جدولها السئ
الصراحه في المانيا من يضلم الوقت الشعب ففي بيته مافي الا العرب
يهيتون ومزعجينهم

انا معاك يجب ان يتغير جميع الدوامات حتى الحكوميه من الساعه 6 الى 12

كفايه سهر وخرابيط الشعوب المتقدمه ماتسهر
تنام بدري والمتخلفه صباحي

اخ لو انا صاحب قرار

:telephone:



هلا حسن ..
خلاص طاح الحطب :secret:

اول شي انا قلت مانبي مقارنات لا بينا ولا بين اي دوله سواء خليجيه، عربيه ولا اجنبيه ..

وبعدين من قالك الاجانب من تظلم ف بيوتهم
اصلا انت تعرف متى تظلم عندهم؟
خصوصا ف الصيف النهار يكون طويل جدا
يعني بداية الليل ممكن تكون 9 عندهم

وبعدين لو كلامك صح عيل من اللي يروح يشرب ف البار عندهم؟ ليكون البارات تفتح 8 الصبح وانا مادري!!!


الدوام ايه نعم لابد من تقصيره لكن الاماكن الترفيهيه لا



القرار مب من اصحاب المجمعات والمحلات

وجاء القرار الا بعد دراسه وله سلبيات كثير ومنها

1- الجهات الأمنية ستضطر لمراقبة فتره اطول

2- استهلاك الكهرباء وغيرها


معاك القرار ما جا الا من بعد دراسه
بس هالدراسه متى كانت؟ في اي حقبه زمنيه؟

واذا الجهات الامنيه راقبت لفتره اطول؟ ويعني؟ وين المشكله؟
استهلاك الكهربا او الماي او غيره كل شي يستهلك له ثمن ومب بلاش

شاكرتلك الرد وياهلا فيك :victory:
مابغيت :secret:



لو يفتحون 8 ويسكرون 8 .. بتهدا البيوت في قطر وبتسكن ...

بيكون اسلوب الحياة فيها أفضل ..

لأن عقب الساعة 8 يفضل يكون جو عائلي في البيت:victory:



:


شخصياً مش متضررة ...

بس من افتحت المجمعات في قطر .. لي رجعت البيت دائماً أقول ليتني مارحت .. (حتى لو استانست فيها) <<< ما أحبها :(



ماتفق وياج وارجع اقول نفس الكلام اللي ذكرته ف رد سابق
يعني الحين كل واحد مايعرف شلون يضبط نفسه ومتى يروح ومتى يرد؟
يعني لو المحلات فاتحه لين 4 الفجر بتمون قاعدين فالمجمع لين هالحزه؟
استغرب من كلامكم بصراحه
اللي يبي يكون ف بيته قبل ال 8 ف التنفيذ سهل والقرار ف يده




اتفق معاج خاصه في اجازات الربيع والصيف الواحد يكون بره البيت لين 11 او 12



شكرا لابداء رايج بكل وضوح

[المحاميه]

انا عن نفسي ماني متضرره
بس ليش مايفتحون 8 صباحا والاغلاق 10
وفي الويكند لين 12 ممكن
بخصوص يوم الجمعه
فهالشي مذكور في القران

( يَا أَيُّهَا الَّذِينَ آمَنُوا إِذَا نُودِي لِلصَّلاةِ مِن يَوْمِ الْجُمُعَةِ فَاسْعَوْا إِلَى ذِكْرِ اللَّهِ وَذَرُوا الْبَيْعَ ذَلِكُمْ خَيْرٌ لَّكُمْ إِن كُنتُمْ تَعْلَمُونَ )

بس اللي ابي افهمه
الاسواق الشعبيه مثل سوق واقف والجبر وغيرهم
ليش يكرون الضهر ويفتحون العصر
حالهم حال المولات
ع الاقل فتره الشتا يخلونهم مفتوحين


نقطه جيده
مادري والله ليش
يعني ذكرت ان الزمن تغير
وان مب حلوه نشوف المحل الفلاني مصكر ونتعطل




مايهمنييييييش


اهم شي في وقت يفتحون وفي وقت يسكرون


كلها ساعتين بالكثير اخلص اغراضي الي احتاجها

ما اقعد ادووور بلا هدف


في وجهه نظري الوقت يكفي بالنسبه لي



يعطيج العافيه ع الموضوع


شكراً عالمرور

بس ياخوي اغراض الحريم ومستلزماتهم غير عنكم
بتحس بالموضوع لو ان اغراضك كثيره غير اغراض البيت
والشي الثاني اذا كنت مرتبط ف التسوق بوقت محدد :victory:

[أم محمد 90]

السلام عليكم




عندي تعقيب وملاحظة ماعجبتني على مجمعاتنا (المولات)


مثل ماتعرفون ان هالمجمعات تفتح المحلات فيها الساعه 10 الصبح وتصكر 9 المسا



نقاطي ..

1) يفتحون متأخر

2) يصكرون بدري



اقتراحي ..

1) يفتحون الساعه 8

2) يصكرون الساعه 12


انا وحده من ألف شخص يتضرر من الوقت المحدود اللي مخصصته هالمجمعات لنا
يعني لما اطلع اجازه واخصص الفتره الصباحيه للتسوق اتضرر وايد واتاخر واتعطل من هالتأخير


وطبعاً الاخوان يوم الجمعه يبطلون الساعه 3
نعم يوم الجمعه يوم راحه وصلاه لكن احيانا الواحد يكون مضطر ويبي ياخذ شغله او يبي يتغدى برا وتعال انطر عاد ..
عالاقل يبطلون الساعه 12
يبون يرتاحون الموظفين .. طيب يتبعون نظام الشفتات او اوفر تايم او يخصصون موظفين لهاليوم ..


معلومه:

سنة 1900 وحطبه قد ولت
واليوم وصلنا سنة 2014 والدنيا تغيرت
مابي اذكر دوله بعينها (الكل عارفها طبعاً) واقول ليش مانكون مثلهم لان احنا مانبي نكون مثل حد
ونبي نتميز ف كل مجال ..



اتمنى هالاقتراح يوصل ..
وشكراً







...

لا لا يالمحامية بقتي موضوعي مايصير مايصير

والله كنت ابي انزله هههههههههههههههههههههههههههههههههههههه


يالله معليه انا وانتي واحد :shy:


مو بس المولات حبيبتي كلشي عندنا فالدوحة من تجي 9 صار خرمس والشوارع صارت ميتة وهدوء

الواحد وين يجيه وقت !

اقولج ذاك اليوم رحت الصالون جنب بيتنا ابي اسوي يدي قالت لي سوري احنا نصكر 8 !!!

شنو 8 !!!!!! @.@

يوم كنت ف دبي الصالون يصكر 12 !!

يعني دوامات لين 2 ونطلع ونوصل البيت 3 من الزحمة ع مانبدل ونصلي ونتغداا ونقعد مع الاهل جات 5 او 6 !

وكل شي يصك 8 او 9 @.@

متى نقضي مشاويرنا ؟؟

اذا رمضان يصكون 11 ههههههههههاي تبينهم الايام العادية يتمون لين 12 ؟

بس شاطرين بتكدس هالاجانب فالمحلات ويصكرون بدري عشان هالاجانب يروحون يسهرون


اوف منبطة جبدي

[Rider]

الحمد الله مب مضرر لاني اصلا مادخل هالموالات

[أم محمد 90]

الحمد الله مب مضرر لاني اصلا مادخل هالموالات

الموضوع مو بس مولات , نتكلم عن كل مكان

من كم يوم طاح خاطري بتبولة كانت الساعة 9 تقريباً مريت مطعم فالمرخية قالي سوري مدام انا نص ساعة واصكر @.@

شنو 9 ونص وتصكرون لا وقبلها بنص ساعة يوقفون طبخ:anger1:

[وليف الشوق]

تبارك الرحمن وتعرفين تنتقين مواضيعك بدقة واختيارك لها مميز كتميز شخصك الكريم

انا من الناس قاعد اعاني من هالمشكله اللي تفضلتي وقلتيها في موضوعج واتمنى بيوم تتغير قوانين الولات ونعطي حق لكل الشرائح في المجتمع بدون استثناء والكارثة لو احتجت شي على اخر الليل او يوم الجمعه الصباح او حبيت اتغدى او امشي العيال في المول !! تعال انطر متى يفتح ؟ لكن اتمنى موضوعنا وردونا تاخذ صدى من المسؤولين وادري بيكون ردهم ان (( موعد افتتاح المولات معروف عالميا" )) لكن احنا ظروفنا يمكن تكون غير عن كثير من العالم ، وبعض الدول ماتسكر المولات الا وجه الفجر

[وليف الشوق]

الموضوع مو بس مولات , نتكلم عن كل مكان

من كم يوم طاح خاطري بتبولة كانت الساعة 9 تقريباً مريت مطعم فالمرخية قالي سوري مدام انا نص ساعة واصكر @.@

شنو 9 ونص وتصكرون لا وقبلها بنص ساعة يوقفون طبخ:anger1:

هههههههه والله يااختي ياام محمد اذا عليكم يالحريم ماراح تنامون الا وجه الفجر

[alsoq]

بالعكس شي حلو

ان المره معاد تطلع بالليل:)

[همر]

كلا ...

[أم محمد 90]

هههههههه والله يااختي ياام محمد اذا عليكم يالحريم ماراح تنامون الا وجه الفجر

ههههههههههههههههههههه نقول نحب النوم بس لو ورانا شي صدقني مايجيننا نووووم

[أم محمد 90]

بالعكس شي حلو

ان المره معاد تطلع بالليل:)

شي حلو اكيد ,,

ماترتبطون بالساعة 8 و 9 وتسحبون العيال وياكم !

اليهال ينامون وتطلعون ع ال9 او 10 وتقضون مشاويركم ومنها عشا بمطعم حلو ^.^

[alsoq]

شي حلو اكيد ,,

ماترتبطون بالساعة 8 و 9 وتسحبون العيال وياكم !

اليهال ينامون وتطلعون ع ال9 او 10 وتقضون مشاويركم ومنها عشا بمطعم حلو ^.^

احلى قعده معا ام الاعيل من ساعة 8 يكون البيت هادي نسولف ونتعشى

[Aaziz]

ليش ليكون انا قايله خلهم يبطلون الساعه 8 يوم الجمعه ولا قلت خلهم يبطلون حزة الصلاه؟

ماغير انتقدت انهم يبطلون الساعه 3 والمشكله اني ذكرت انه يوم راحه وصلاه يعني الذكي بيفهم قصدي شنو


الله يهديك بس

تقطون كلام بعدين تقولون لا ومادري شنو وانتي الغلطانه

:)

احسن ماقلتي ان الله يهديني ،، اللهم امين و يرحم لي والديج و يهدي الجميع ان شاء الله .... انتي بس لاتاخذيني بذمب غيري و الامور بتكون طيبه
رديت على سالفه مصكر من باب الدعابه ،، وهي قصة دايماً اضحك عليها مع مجموعه من ربعي و يوم قريتج كاتبتها ،، تذكرت القصة .
رديت على الجزئيه الي شفت فيها غلط وهي انهم يفتحون يوم الجمعه الساعه 12 الظهر بدال 3
يوم الجمعة الاذان الساعه 11:30 تليه خطبه تليه صلاه الجمعه و تليه صلاه السنه و سلام على الجيران في المسجد يليه غداء اسري كما هي عاده اهل هذا البلد .
و اذا اخذنا بالاعتبار ان فيه ناس يقعدون في سيارتهم يسمعون الخطبه لين الاقامه و ينزل يصلي ،،، فا اعتقد ان جزء منهم بيصليها ظهر في المجمع :secret:
و بالنسبه لباقي ايام الاسبوع ،، الموضوع مايهمني نهائيا و الود ودي اخذ الي ابيه من المجمعات دلفري ولا اطب المجمعات .
بس و عدنا الى البيت مسرورين

[alsoq]

وعلى فكره صار لي متزوج 33 سنه ما عمري سهرت برا البيت بعد 12 :)

[حسن]

انا من مؤيدين اغلاق المولات الساعه 8 في الصيف وفي الستاء الساعه سبع

خلق القادمون يهييعون شوي ونعلمهم انا بلادنا نظامها جذي مثل المانيا

يسكرون ويمشون الباقي على قوانينيهم

فيجب ان يحترم قوانينا وبعدين بيكون هناك جو عائلي واهتمام بالاسره
والعيال بينامون في الليل ويروحون بدري وحتى الموظف
وبيقل التثواب من الموظفين في الاستراحه
كله ابي ارقد تعبانه سهرانه

شنهو الفايده

وبعدين حتى المستشفيات بيقل المراجعين فيها وبعدين حتى مراكز الشرطه بتقل الشكاوي والهواش والقضايا
حتى المحاكم بتقل القضايا

حتى النسل بيزيد المجتمع القطري

وبس

[العلياا]

شكثر طالبتوا وشكثر تم تلبيه طلباتكم !!!

المهم

انا مع انهم يفتحون بدري اما موضوع يسكرون بدري ما يهمني لاني ما اتم لوقت متأخر فالمجمع ..


شكراً اخيتي :)

[المحاميه]

لا لا يالمحامية بقتي موضوعي مايصير مايصير

والله كنت ابي انزله هههههههههههههههههههههههههههههههههههههه


يالله معليه انا وانتي واحد :shy:


مو بس المولات حبيبتي كلشي عندنا فالدوحة من تجي 9 صار خرمس والشوارع صارت ميتة وهدوء

الواحد وين يجيه وقت !

اقولج ذاك اليوم رحت الصالون جنب بيتنا ابي اسوي يدي قالت لي سوري احنا نصكر 8 !!!

شنو 8 !!!!!! @.@

يوم كنت ف دبي الصالون يصكر 12 !!

يعني دوامات لين 2 ونطلع ونوصل البيت 3 من الزحمة ع مانبدل ونصلي ونتغداا ونقعد مع الاهل جات 5 او 6 !

وكل شي يصك 8 او 9 @.@

متى نقضي مشاويرنا ؟؟

اذا رمضان يصكون 11 ههههههههههاي تبينهم الايام العادية يتمون لين 12 ؟

بس شاطرين بتكدس هالاجانب فالمحلات ويصكرون بدري عشان هالاجانب يروحون يسهرون


اوف منبطة جبدي

هلا هلا
هههه سوري مادريت انه ف بالج ههه توارد خواطر وانتي الصاجه
هالموضوع ف بالي من فتره ونسيته واليوم الصبح طرى علي جان اقول خلني اطرحه بمناسبة رجعتي :shy:

والله انج صاجه وجبتيها صح
وقلتي الكلام اللي ف خاطري

ياختي مشكلة الاعضاء انهم يدشون يردون وهم مب حاسين فالمشكله اللي نعاني منها

انا نفس مشكلتج بالضبط واعاني
وياما اكنسل مشاوير بسبت انه مافي وقت والمحل بيسكر < بالسين عشان خاطر عزيز باشا :)

النقطه المهمه
ان الزمن تغير
الاحتياجات زادت
غلط ان نطور شي ونطبق نظام امس عاليوم







الموضوع مو بس مولات , نتكلم عن كل مكان

من كم يوم طاح خاطري بتبولة كانت الساعة 9 تقريباً مريت مطعم فالمرخية قالي سوري مدام انا نص ساعة واصكر @.@

شنو 9 ونص وتصكرون لا وقبلها بنص ساعة يوقفون طبخ:anger1:


بك
مطعم يصكر 9 :eek5:



تبارك الرحمن وتعرفين تنتقين مواضيعك بدقة واختيارك لها مميز كتميز شخصك الكريم

انا من الناس قاعد اعاني من هالمشكله اللي تفضلتي وقلتيها في موضوعج واتمنى بيوم تتغير قوانين الولات ونعطي حق لكل الشرائح في المجتمع بدون استثناء والكارثة لو احتجت شي على اخر الليل او يوم الجمعه الصباح او حبيت اتغدى او امشي العيال في المول !! تعال انطر متى يفتح ؟ لكن اتمنى موضوعنا وردونا تاخذ صدى من المسؤولين وادري بيكون ردهم ان (( موعد افتتاح المولات معروف عالميا" )) لكن احنا ظروفنا يمكن تكون غير عن كثير من العالم ، وبعض الدول ماتسكر المولات الا وجه الفجر

تسلم اخوي عالكلام الطيب وشاكرتلك متابعتك لمواضيعي :shy:

واخيراً واحد من (الذكور) صف معانا ويعاني نفسنا :victory:

والله ياخوي اتمنى ان فعلاً يتم النظر ف الموضوع
لان الموضوع صار مزعج ويعطل الناس

بعد كم سنه بنستضيف كأس العالم
هل المطاعم والمحلات التجاريه المختلفه بتغرد على نفس الموال؟





كلا ...




اختصرت كلامك ب كلمه
ليش يادكتاتوري
ش تعلمت من هتلر غير انك تذبح متابعينك؟

[lion66]

ليش ما نسوي فنتك جديد ....

ويصير عندنا مول يفتح من 6 المغرب الى 6 الصبح ...

اخ لو الفكرة توصل دبي ....

[حسن]

ليش ما نسوي فنتك جديد ....

ويصير عندنا مول يفتح من 6 المغرب الى 6 الصبح ...

اخ لو الفكرة توصل دبي ....

لا والله هل الفنتك مايصلح لنا خلونا
مثل الاول ابرك الدوحه الساعه 8 طافيه

اعيدو الدوحه الى العصر الجميل الذهبي

:weeping:

[أم محمد 90]

هلا هلا
هههه سوري مادريت انه ف بالج ههه توارد خواطر وانتي الصاجه
هالموضوع ف بالي من فتره ونسيته واليوم الصبح طرى علي جان اقول خلني اطرحه بمناسبة رجعتي :shy:

والله انج صاجه وجبتيها صح
وقلتي الكلام اللي ف خاطري

ياختي مشكلة الاعضاء انهم يدشون يردون وهم مب حاسين فالمشكله اللي نعاني منها

انا نفس مشكلتج بالضبط واعاني
وياما اكنسل مشاوير بسبت انه مافي وقت والمحل بيسكر < بالسين عشان خاطر عزيز باشا :)

النقطه المهمه
ان الزمن تغير
الاحتياجات زادت
غلط ان نطور شي ونطبق نظام امس عاليوم








[/COLOR]

بعض الردود تحسسج انهم يشترون اغراضهم من دكان الفريج

ومستلزماتهم من السوق :)


هههههه وتعالي شوفيهم لين سافروا ذيج البلاد لين الفجر وهم برا ههههههههه

[فيصل99]

غير متضرر أبداً لاني ماروح المجمعات إلا نادرا مع الربع وفي الويكند فقط

[المحاميه]

بالعكس شي حلو

ان المره معاد تطلع بالليل:)


مافهمت ردك عدل اخوي
ممكن توضح
اشلون يعني المره ماعاد تطلع؟





احسن ماقلتي ان الله يهديني ،، اللهم امين و يرحم لي والديج و يهدي الجميع ان شاء الله .... انتي بس لاتاخذيني بذمب غيري و الامور بتكون طيبه
رديت على سالفه مصكر من باب الدعابه ،، وهي قصة دايماً اضحك عليها مع مجموعه من ربعي و يوم قريتج كاتبتها ،، تذكرت القصة .
رديت على الجزئيه الي شفت فيها غلط وهي انهم يفتحون يوم الجمعه الساعه 12 الظهر بدال 3
يوم الجمعة الاذان الساعه 11:30 تليه خطبه تليه صلاه الجمعه و تليه صلاه السنه و سلام على الجيران في المسجد يليه غداء اسري كما هي عاده اهل هذا البلد .
و اذا اخذنا بالاعتبار ان فيه يقعدون في سيارتهم يسمعون الخطمه الى الاقامه ينزل يصلي ،،، فا اعتقد ان جزء منهم بيصليها ظهر في المجمع :secret:
و بالنسبه لباقي ايام الاسبوع ،، الموضوع مايهمني نهائيا و الود ودي اخذ الي ابيه من المجمعات دلفري ولا اطب المجمعات .
بس و عدنا الى البيت مسرورين



قصه تضحك عليها مع مجموعه من ربعك .. هل الموضوع مطروح للضحك؟ هل انا من ضمن ربعك؟ اذاً لاتخلط الامور

اخوي يبدون يبطلون ويجهزون عال 12 وممكن اللي يبادرون من غير المسلمين اللي يشتغلون هناك ..
يعني الواحد لي وصل عال 1 يحصل كل شي مبطل وجاهز
مب يقعد ينطر ساعه لين يحصل مبتغاه!!!
وممكن يبطلون الصبح ويسكرون وقت الصلاه ويردون بعدها



ملاحظه:
1) ذمب = ذنب :)

2) اللي ف قلبه صلاه ماتفوته

[المحاميه]

بعض الردود تحسسج انهم يشترون اغراضهم من دكان الفريج

ومستلزماتهم من السوق :)


هههههه وتعالي شوفيهم لين سافروا ذيج البلاد لين الفجر وهم برا ههههههههه


ههههههههههههههههههههههههههههههههه

ههههه

ام محمد
ضحكتيني
والله العظيم تقولين الكلام اللي ف بالي

استغرب
الحين ماشاء الله كلكم طلعتوا مقاطعين المجمعات هههه عيل من اللي تارسها؟
ومن وين اتسوقون؟

اعرف الجواب مايحتاي
اللي تارسين المجمعات الاجانب + احنا نتسوق اونلاين او كل اغراضنا ناخذها من برا


اترك التعليق حق ام محمد بما انها خبره ف الرد على هالامور هههه

[المحاميه]

لا والله هل الفنتك مايصلح لنا خلونا
مثل الاول ابرك الدوحه الساعه 8 طافيه

اعيدو الدوحه الى العصر الجميل الذهبي

:weeping:


صج؟
عيل اقطع عنك النت والسياره ومستلزمات الحياه العصريه

وخذلك بيت شعر وبات ف البر

عقب قول اعيدوا الدوحه القديمه

[المحاميه]

انا من مؤيدين اغلاق المولات الساعه 8 في الصيف وفي الستاء الساعه سبع

خلق القادمون يهييعون شوي ونعلمهم انا بلادنا نظامها جذي مثل المانيا

يسكرون ويمشون الباقي على قوانينيهم

فيجب ان يحترم قوانينا وبعدين بيكون هناك جو عائلي واهتمام بالاسره
والعيال بينامون في الليل ويروحون بدري وحتى الموظف
وبيقل التثواب من الموظفين في الاستراحه
كله ابي ارقد تعبانه سهرانه

شنهو الفايده

وبعدين حتى المستشفيات بيقل المراجعين فيها وبعدين حتى مراكز الشرطه بتقل الشكاوي والهواش والقضايا
حتى المحاكم بتقل القضايا

حتى النسل بيزيد المجتمع القطري

وبس

كلامك غير منطقي ولا موزون
وانت تقيس شي على جزء وتترك الجزء الثاني

المانيا دوله من دول الاتحاد الاوروبي
وعالعموم كل دول اوروبا نظامهم جذي يصكرون بدري
وفالويكند تحس انها بلدة اموات
ولكن لهم اسباب الخاصه اللي ماتناسبنا

حسبالك انهم يبندون ويروحون يعتكفون ف بيوتهم ههه
يبيلك كمن سفره برا وبتعرف اكثر عنهم ..

وبعدين قلنالك مانبي نقلد حد .. :victory:


شكثر طالبتوا وشكثر تم تلبيه طلباتكم !!!

المهم

انا مع انهم يفتحون بدري اما موضوع يسكرون بدري ما يهمني لاني ما اتم لوقت متأخر فالمجمع ..


شكراً اخيتي :)


وبتستمر المطالب
اليوم مب نفس امس
والشي اللي غافل عنا فلان يمكن يعدله علان وهكذا ..
عيل لو واحد بس اللي بيفكر شلون بننجز وشلون بنوصل؟

شكرا عالمشاركه



ليش ما نسوي فنتك جديد ....

ويصير عندنا مول يفتح من 6 المغرب الى 6 الصبح ...

اخ لو الفكرة توصل دبي ....


باختصرلك رد الاعضاء عليك

هل انت قطري مسلم؟ :eek5:

[Aaziz]

قصه تضحك عليها مع مجموعه من ربعك .. هل الموضوع مطروح للضحك؟ هل انا من ضمن ربعك؟ اذاً لاتخلط الامور

اخوي يبدون يبطلون ويجهزون عال 12 وممكن اللي يبادرون من غير المسلمين اللي يشتغلون هناك ..
يعني الواحد لي وصل عال 1 يحصل كل شي مبطل وجاهز
مب يقعد ينطر ساعه لين يحصل مبتغاه!!!
وممكن يبطلون الصبح ويسكرون وقت الصلاه ويردون بعدها



ملاحظه:
1) ذمب = ذنب :)

2) اللي ف قلبه صلاه ماتفوته

ايه من ربعي ،، ماضحكنا و سولفنا قبل،، باماره الكبت و الدرج الصغير :shy:

شوفي محد بيجيبنا ورى غير سالفه غير المسلمين .. انتي ماتشوفين الدوحه ايش وضعها في اعياد غير المسلمين ؟ تقرش نرجع لزحمة 20 سنه ورى .

هالكم ماله تاثير بشكل او باخر على تمسكنا بدينا الي انولدنا عليه ؟ ماله تأثير و خلق اسباب و فرض ممكن تاثر على عاداتنا و تقاليدنا الي تربينا عليها .

شوفي الصوره كامله ولاتشوفينها من جانب واحد يهمج حتى لو عندج عدد من الابناء تراكضين ورى اغراضهم في هالمجمعات و مش مكفيج الوقت .

اقتراحج لو كان خاص بمجمع خاص بالنساء كان بقولج اتمنى يفتح من 7 الصباح الى 7 المسا حتى الجمعة .

ملاحظة :

خطاء املائي غير عن حرقة :nice:

[رهج السنابك]

توني ادري يصكون تسع!!
ماقد قعدت بمجمع لهالوقت اتنرفز لو تميت لين ثمان برا البيت

بس اظن بالويكند حلو يمددون حق الي يحبون يسهرون برا البيت اما نص الاسبوع منو له خلق يقعد بمول لوقت متاخر

[همر]

اختصرت كلامك ب كلمه
ليش يادكتاتوري
ش تعلمت من هتلر غير انك تذبح متابعينك؟



خير الكلام ما قل ودل

حتى اسألي ام محمد

السؤال يقول هل انت متضرر ؟

والجواب كلا ...

مش مكتوب علل !!!

[عصير]

الدنيا عكس عندنا

[طلعة الروح]

توني ادري يصكون تسع!!
ماقد قعدت بمجمع لهالوقت اتنرفز لو تميت لين ثمان برا البيت

بس اظن بالويكند حلو يمددون حق الي يحبون يسهرون برا البيت اما نص الاسبوع منو له خلق يقعد بمول لوقت متاخر

فعلا الواحد تجيه حالة نرفزة اذا قعد بره البيت لين بعد الساعه 8 او 9 مساءا
بس بعض الأحيان يضطر الواحد يطلع بعد ال10 عل وعسى تخف الزحمة والضغط ع المرافق العامة والخدمات الخاصة
لكن بخصوص المجمعات وساعات العمل ماحس اني متضايقه منها او متضرره لأن الستي صار يفتح من 8 الصبح للناس اللي تحب تطلع الصبح، واشوف من حق الموظفين يرتاحون وتصكير المحلات الساعه 10 مافيه مشكله كبيره.

[بوحارب]

من اهم قضايا الأمة ;)

[يمامـة]

ابدا مب متضريين

اشدعوى نبقى في السوق لين الساعة 12 الليل؟

وينه حسن عنج حفلة عرس يبيى يسكر القاعات الساعة 10
وانتي الله يهداج يا محاميتنا تبين اللاسواق تفتح لين الساعة 12

البائعين اسرهم لهم عليهم حق!!

[meme-93]

حلو يفتحون 8 وايسكرون 10 الايام العاديه والويكند لي 12

اما يوميا تسكر 12 من كبرها المجمعات انا الف فيلاجيو واسوي اعاده على المحلات ماتاخذ ساعه ونص ساعتين خخخ
بس المطاعم لي متاخر 12 او 1 يوميا زين

[نتفـه]

ودي يفتحون من الساعه 8 على الاقل نخلص اغراضنا من الصبح ابرك بعيد عن الزحمه .. اما بالليل ما اوافق صراحه ..

[حمد 2002]

انا مب من رواد المجمعات الا للضروره القصوى ..

الحمد لله على كل حال ..

[يمامـة]

انا مب من رواد المجمعات الا للضروره القصوى ..

الحمد لله على كل حال ..

يعني انت تؤيد ولا ترفض فتح المجمعات من الساعة 8 صباحا ( اشوف نفسي مع هالاقتراح)
و تقبل او ترفض ابقاءها مفتوحة لين 12 الليل ( اشوف نفسي ضد هالفكرة؟)

[حمد 2002]

يعني انت تؤيد ولا ترفض فتح المجمعات من الساعة 8 صباحا ( اشوف نفسي مع هالاقتراح)
و تقبل او ترفض ابقاءها مفتوحة لين 12 الليل ( اشوف نفسي ضد هالفكرة؟)

لا طبعا .. مم ايخلونها نفس الوضع الحالي افضل ..

لان هاي سياسه عالميه ماشيه عليها اغلب المولات بالعالم وليس فقط بقطر ..

[يمامـة]

لا طبعا .. مم ايخلونها نفس الوضع الحالي افضل ..

لان هاي سياسه عالميه ماشيه عليها اغلب المولات بالعالم وليس فقط بقطر ..


يعني انت ترفض اللاقتراح لأنك تبي تصير نفس النظام العالمي

مب لأن هالنظام اصلا ما يتوافق مع طبيعة مجتمعنا ؟

[من بغى الزين]

من حق الموظفين الذي في المجمعات يرتحون بعد هم بشر كل هذا وقت مايكفي

[بصمة قطرية]

المجمعات تسكر عشر و بعض المحلات عشر و نص ..!!
وين اللي يسكرون تسع ..!!!

أزدان مول يفتح من سبع الصبح ..
و بعدين لين عشر عشر ونص أوكي أشوفه
لي متى الواحد بيتم برع يتسوق ..!!
طلعة بدري من العصر أو بعد المغرب أعتقد وقت كافي ..

[بصمة قطرية]

نظام المجمعات نظام أمريكي
من عشر لين عشر ..

[abu m7md]

عن نفسي ما اروح للاماكن الا للظرورة القصوى
يعني فالسنه مره تقريبا
كل وقتي متكي اغراضي تجيني

[قلب صادق]

صج هم يبكي وهم يضحك

الله يرحم ايام ما كان ابائنا يضربونا اذا تاخرنا عن البيت بعد صلاة العشاء

[حمد 2002]

يعني انت ترفض اللاقتراح لأنك تبي تصير نفس النظام العالمي

مب لأن هالنظام اصلا ما يتوافق مع طبيعة مجتمعنا ؟

ممم سواءا خلوه لين الساعه 8 ولا 9 ولا 10 ولا 12 مافيها مشكله ، اصلا هاذي مب قضيه مهمه جدا ، ولكن انا فضلت بان نستمر نفس وضعنا الحالي لان هاي نظام ماشيه عليه اغلب المجمعات بالعالم وبالغرب وبالخليج ،،

وشكرا ،،

[مهرة]

ايه نعم .. نتعطل وتتكنسل المشاوير ..!

[Aaziz]

للرفع لاهمية الموضوع

[الماريّة]

اول مره ادري ان المولات تفتح عشر :eek5:

حسبالي تفتح 8 ههه ويني عايشه انا مادري بالعالم

[نوور الدووحه]

تفتح بدري حلوووو بس تصك متاخر مو حلو :nice:

يعني لو يبطلون بدري عالساع 8 وايد ممتاز..الي ماعنده شي يروح المول بدري افضل...
اما انهم يصكون عالساع 12 بالليل لاااااااا موعدله.. (البنات ) مومثل اول على اذان العشا تكون فالبيت!!!!!

[المحاميه]

من حق الموظفين الذي في المجمعات يرتحون بعد هم بشر كل هذا وقت مايكفي

يرتاحون محد قال لا

فيه الف فكره وفكره

التذرع بالامر الواقع مش حل

خصوصا ان النظام مش ماشي ف وقتنا الحالي

[المحاميه]

اعذروني بس احس ردودكم كلها كوبي بيست يعني متأثرين بالردود اللي ف أول صفحه

الكل يأييد يبطلون بدري
وضد الاغلاق المتأخر

طيب حد منكم يعطينا سبب بديهي

لاتقولون الناس بتم برا ولا البنات لين الساعه 12
والله كل واحد مسؤول عن نفسه
والبنات والبزران عندهم اولياء امور
والدنيا مش سايبه
ف هذا مب سبب
فيه ناس يمكن ماخذه اوف او سهرانه او دوامها شفتات وتبي غرض او حاجه او مجرد عشا برا ف هالوقت المتأخر وين الغلط؟ خصوصا اذا كان شخص بالغ او مع ولي الامر ..

وحتى حق الزوار مب بس لنا كمواطنين .. وبعدين انا قايله لين 12
ماقلت لين 4 الفجر فيه فرق

قبل كانت الناس تحطها راسها بعد صلاة العشا
الحين الكل قاعد لين 12 صح ولا لا


ولا رد اقنعني بالرفض للاسف ..

[سهم طويل الأجل]

مادري إذا حد ذكر هالنقطة ولا لا
شركات التأمين تغطي لساعة معينة وبعدها مالهم شغل في حال حدوث أي مشكلة .. سرقة ولا حريق لا قدر الله

وأغلب المولات فيها محلات مجوهرات وماركات غالية

[المحاميه]

مادري إذا حد ذكر هالنقطة ولا لا
شركات التأمين تغطي لساعة معينة وبعدها مالهم شغل في حال حدوث أي مشكلة .. سرقة ولا حريق لا قدر الله

وأغلب المولات فيها محلات مجوهرات وماركات غالية


طيب
ف دبي كيف يفتحون لوقت متأخر؟

[سهم طويل الأجل]

طيب
ف دبي كيف يفتحون لوقت متأخر؟


ف دبي يفتحون لوقت متأخر بس في الويكند
ونفس الشي عندنا في الويكند المحلات ماتسكر قبل 11

[المحاميه]

ف دبي يفتحون لوقت متأخر بس في الويكند
ونفس الشي عندنا في الويكند المحلات ماتسكر قبل 11

مش متأكده من هالموضوع ولاعندي معلومات
بس الشي الوحيد اني متضرره من الاغلاق اللي يبلش من 9

:anger1:

[أم محمد 90]

اعذروني بس احس ردودكم كلها كوبي بيست يعني متأثرين بالردود اللي ف أول صفحه

الكل يأييد يبطلون بدري
وضد الاغلاق المتأخر

طيب حد منكم يعطينا سبب بديهي

لاتقولون الناس بتم برا ولا البنات لين الساعه 12
والله كل واحد مسؤول عن نفسه
والبنات والبزران عندهم اولياء امور
والدنيا مش سايبه
ف هذا مب سبب
فيه ناس يمكن ماخذه اوف او سهرانه او دوامها شفتات وتبي غرض او حاجه او مجرد عشا برا ف هالوقت المتأخر وين الغلط؟ خصوصا اذا كان شخص بالغ او مع ولي الامر ..

وحتى حق الزوار مب بس لنا كمواطنين .. وبعدين انا قايله لين 12
ماقلت لين 4 الفجر فيه فرق

قبل كانت الناس تحطها راسها بعد صلاة العشا
الحين الكل قاعد لين 12 صح ولا لا


ولا رد اقنعني بالرفض للاسف ..

ايا عليج من تحاججين ومن تكلمين ناس يناقضون نفسهم ؟؟

وارجع اكرر لج فالسفر تلاقينهم لين الفجر فالمولات ,,

انا اقول صكري موضوعج مثل مابصكر موضوعي لانج مابتاخذين فايدة
ومتى ماطاح بخاطرج تتسوقين اشخطيه دبي فالويك اند ع الاقل محلات عدلة واشيا تفتح النفس

مب الشماطيط اللي يجيبونها عندنا

[hanayen]

المفروض يصكرون من الساعه 8 كل المحلات والمطاعم عشر وكل حد يلم اعياله الهايتين في الشوارع ما لهم سالفه

[سهم طويل الأجل]

مش متأكده من هالموضوع ولاعندي معلومات
بس الشي الوحيد اني متضرره من الاغلاق اللي يبلش من 9

:anger1:



مش متأكدة ليش تفتين ؟؟؟

[أم محمد 90]

مش متأكده من هالموضوع ولاعندي معلومات
بس الشي الوحيد اني متضرره من الاغلاق اللي يبلش من 9

:anger1:

ايييي ههههههههه ذكرتيني يوم الجمعة كنا ف ستي ووك

اقولج طالعين والله والله 12 و خمس دقايق مريت الا اشوف سيفورا مفتووووح ولمحت ماركة ميك اب مب موجودة عندنا خصوصا المناكير

قلت لابوي ابي ادش قام يقول يالله طالع حد يخلي محل مكياج مفتوح لين نص الليل حق المخبلات :shy:

وبس اقولج دخلت والموظفين شاقين الحلج وساعدتني وماقالت شي ان لين 12 تشتغل !

في شي اسمه نظام شفتات محد جبر الموظفين من 9 الصبح لين 12 الليل يداومون ,,,

بس من يفهم ..

للحين ماراح نتطور ولا حتى في 2022 ,,

في عقليات تمنعنا من التطور يا المحامية والله صدقيني

[المحاميه]

ايا عليج من تحاججين ومن تكلمين ناس يناقضون نفسهم ؟؟

وارجع اكرر لج فالسفر تلاقينهم لين الفجر فالمولات ,,

انا اقول صكري موضوعج مثل مابصكر موضوعي لانج مابتاخذين فايدة
ومتى ماطاح بخاطرج تتسوقين اشخطيه دبي فالويك اند ع الاقل محلات عدلة واشيا تفتح النفس

مب الشماطيط اللي يجيبونها عندنا


صاااااجه

والله محد حاس فيني غيرج

اشكرج وبعنف

عالاقل اتكلمين بواقعيه

مب تسوين كوبي بيست وتخافين اتكلمين

ايه والله متناقضين
وكل ماقلنا شي قالوا لا وين وماشفنا وماعندنا ههههه والله العظيم يضحكون

[المحاميه]

مش متأكدة ليش تفتين ؟؟؟


متى أفتيت؟؟ ووين
وف شنو؟

موضوعي عباره عن اقتراح
لاني متضرره من الوضع وبس

سويتها فتوى؟

[المحاميه]

ايييي ههههههههه ذكرتيني يوم الجمعة كنا ف ستي ووك

اقولج طالعين والله والله 12 و خمس دقايق مريت الا اشوف سيفورا مفتووووح ولمحت ماركة ميك اب مب موجودة عندنا خصوصا المناكير

قلت لابوي ابي ادش قام يقول يالله طالع حد يخلي محل مكياج مفتوح لين نص الليل حق المخبلات :shy:

وبس اقولج دخلت والموظفين شاقين الحلج وساعدتني وماقالت شي ان لين 12 تشتغل !

في شي اسمه نظام شفتات محد جبر الموظفين من 9 الصبح لين 12 الليل يداومون ,,,

بس من يفهم ..

للحين ماراح نتطور ولا حتى في 2022 ,,

في عقليات تمنعنا من التطور يا المحامية والله صدقيني


ههههه والله ماعرف اشلون اشكرج
محد فاهم علي غيرج

بالضبط فاهمه قصدي وتقولين الكلام اللي ف بالي

:weeping:

فهميهم انا تعبت

بس شسالفه هم يعني مايفهمون بالعماله ونحاسه ولا لانهم عالفطره :telephone:

[ضوى]

بس انا يوم رحت دبي مول عشر تسكر المحلات واحنا نتمشى وهم يسكرون

[أم محمد 90]

بس انا يوم رحت دبي مول عشر تسكر المحلات واحنا نتمشى وهم يسكرون

الايام العادية اي يصكرون 10 انا اشهد ,,
بس المطاعم تتم فاتحه

[سهم طويل الأجل]

متى أفتيت؟؟ ووين
وف شنو؟

موضوعي عباره عن اقتراح
لاني متضرره من الوضع وبس

سويتها فتوى؟




توج تقولين ليش دبي مايسكرون بدري !!!

مسرع نسيتي

[حسن]

ايييي ههههههههه ذكرتيني يوم الجمعة كنا ف ستي ووك

اقولج طالعين والله والله 12 و خمس دقايق مريت الا اشوف سيفورا مفتووووح ولمحت ماركة ميك اب مب موجودة عندنا خصوصا المناكير

قلت لابوي ابي ادش قام يقول يالله طالع حد يخلي محل مكياج مفتوح لين نص الليل حق المخبلات :shy:

وبس اقولج دخلت والموظفين شاقين الحلج وساعدتني وماقالت شي ان لين 12 تشتغل !

في شي اسمه نظام شفتات محد جبر الموظفين من 9 الصبح لين 12 الليل يداومون ,,,

بس من يفهم ..

للحين ماراح نتطور ولا حتى في 2022 ,,

في عقليات تمنعنا من التطور يا المحامية والله صدقيني

العقول المتطوره مثل اوروبا مايتمون لين الليل في الشوارع

اللي يتمون اخر الليل ناس خاصين

ذكرتين بالمانيا كانها قطر الاول من الساعه 8 الشوارع فاضيه
والعالم في بيوتها ورقود
مابه الى عتاويه الفريج ماخذه راحتها

من درام الى دارم
:)

[ضوى]

ام محمد ليش هو من التطور انه المحلات تتم لين 12 شغالة ؟؟

هذا احنا شفنا بلدان اوروبية متطورة ومنفتحة لكن محلاتهم7 تسكر وما اثر على تطورهم وانفتاحهم

[أم محمد 90]

العقول المتطوره مثل اوروبا مايتمون لين الليل في الشوارع

اللي يتمون اخر الليل ناس خاصين

ذكرتين بالمانيا كانها قطر الاول من الساعه 8 الشوارع فاضيه
والعالم في بيوتها ورقود
مابه الى عتاويه الفريج ماخذه راحتها

من درام الى دارم
:)

حسن احنا ماطالبنا ان المجمعات تكون كلللل يوم فاتحه لين وقت متاخر

ولا قلنا لك بنتم ف الشوارع يوميا وقت متاخر

احنا نتكلم عن الويك الاند (الاجاااااااااازااااااااااااات)

خلاص لو المجمعات فاتحة لين نص الليل نفس نظام دبي الواحد يقضي مشاويره فالويك اند ومايحاتي ان وراه دوام !!!


بليز افهم ملخص الموضوع ,


بس لان بنت اللي منزله الموضوع رحتو فسرتوه انها تبي تسهر وتهيت بالشوارع ومش عارفة ايش

شالعقول الرجعية ...!
سبق وشرحنا قلنا دوامنا طويل

ع سبيل المثال اخ حسن

ارجع 9 الليل البيت

ينط اخوي الصغير يبي اله حاسبة وهندسة ضروري الحين الحين

اطلع لاقرب مكتبة الاقيها مصكرة من 8 ولا 9 !

ماطلبنا بشي منكر ولا اووفر ولا عجيب ولا غريب

[أم محمد 90]

ام محمد ليش هو من التطور انه المحلات تتم لين 12 شغالة ؟؟

هذا احنا شفنا بلدان اوروبية متطورة ومنفتحة لكن محلاتهم7 تسكر وما اثر على تطورهم وانفتاحهم

متى تفتح ومتى تسكر .,
وحددي اي بلدان وشلون نظام حياتهم ..

وعفواً ,

انا ماقصد التطور ان المحلات تفتح لين 12


اقصد ف بعض الردود , اتهامات مالها داعي


بس ماقول غير ياحظ اللي مريح فالبيت والخدامة والدريول يقومون بكل شي عنه ..

[المحاميه]

توج تقولين ليش دبي مايسكرون بدري !!!

مسرع نسيتي

هذا اللي شفته ف دبي


ورجاء لا دول اوروبيه ولا عربيه

لاتقحمون حد منهم فينا

كل واحد له خص ف بلاده

والاقتراح ماله خص ف ولا دوله ..

انتو رافضين الاقتراح
بس شنهي الاسباب

عطوني اسباب مقنعه عشان اقول فعلاً انتو على حق وانا غلط

[أم محمد 90]

ههههه والله ماعرف اشلون اشكرج
محد فاهم علي غيرج

بالضبط فاهمه قصدي وتقولين الكلام اللي ف بالي

:weeping:

فهميهم انا تعبت

بس شسالفه هم يعني مايفهمون بالعماله ونحاسه ولا لانهم عالفطره :telephone:

حبيبتي المحامية .,

اسحب نفسي من موضوعج الحلو والشيق واللي انا فاهمته ومأيدته ,,

بس حطي ف بالج ان مب سالفة مايبون يفهمون صدقيني فاهمييين عدل وحاسين ان في جزء من اللي تقولينه منطقي ,, بس مايكلفون ع نفسهم يقرون

يشوفون فلان شكاتب وفلانة وشو رادة ويأيدونهم ويكلمون على ردودهم

بس جذي تفلسف عشان لين حد قرا يقولون اي العضو الفلاني ماشي سيدة ويحرم هالشي ومايسوي هالشي (سالفة سمعة فالمنتدى لا اكثر ولا اقل) واظنج فاهمه الميالس المشرعة هني .,

ف ربي يعينج ,,

[المحاميه]

حبيبتي المحامية .,

اسحب نفسي من موضوعج الحلو والشيق واللي انا فاهمته ومأيدته ,,

بس حطي ف بالج ان مب سالفة مايبون يفهمون صدقيني فاهمييين عدل وحاسين ان في جزء من اللي تقولينه منطقي ,, بس مايكلفون ع نفسهم يقرون

يشوفون فلان شكاتب وفلانة وشو رادة ويأيدونهم ويكلمون على ردودهم

بس جذي تفلسف عشان لين حد قرا يقولون اي العضو الفلاني ماشي سيدة ويحرم هالشي ومايسوي هالشي (سالفة سمعة فالمنتدى لا اكثر ولا اقل) واظنج فاهمه الميالس المشرعة هني .,

ف ربي يعينج ,,


ههههه

تعجبيني والله

كلامج واضح وصريح وف الصميم

ليت الكل يكتب ويناقش نفسج :nice:

[حسن]

بل بل بل

قلت سطر واحد اشتاطو قضبا

هدو هدو هدو

رجعين ومتخلفين ومنغلقين

على الاقل خلف عقول عندها خوف وغيره على بلدها واهلها
ومتطورين مع كل شي يفيد المجتمع وتماسك الاسره
وبناء انسان سليم
هذه نصيحه نقدمها واللي يبي يسمع يسمع واللي يبي يتشخلع يتشخلع
مالنا سلطه عليهم

لا وكله متمللين

[خليفـة]

انها تكون شغالة لين 12 لا ما أييد ، غلط نكون برع البيت بسوق لهالوقت ، لو مطعم معليه ،

بس ممكن انهم يفتحون بدري حلو 8

كثر الله امثالج اختي ضوى
يبون تسوق الساعه 12 !
الهادي الله

خليفة

[حسن]

العقل زينه الانسان

:)

[بوحارب]

انا أتمنى الكهربجيه يتمون فاتحين لين 12 الليل

والله صج :(

[سهم طويل الأجل]

هذا اللي شفته ف دبي


ورجاء لا دول اوروبيه ولا عربيه

لاتقحمون حد منهم فينا

كل واحد له خص ف بلاده

والاقتراح ماله خص ف ولا دوله ..

انتو رافضين الاقتراح
بس شنهي الاسباب

عطوني اسباب مقنعه عشان اقول فعلاً انتو على حق وانا غلط


الأسباب قلتها لج
لو أنا راعي محل والتأمين مشترط علي أسكر في وقت محدد بسكر محلي ولا أحط نفسي في موقف أنا في غنى عنه

[Right]

يعني تبين هالمجمعات تفتح 24 ساعة ، ليش صيدلية !!



هالمجمعات فاتحة من 10 صباحاً إلي 10 مساءاً

والناس مو مفتكة من العاهات الموجودة

وهالعاهات كفاية عندهم 12 ساعة سمردحه